ᠴᠡᠴᠡᠭᠡᠰ ᠬᠥᠭᠡᠮᠡᠢᠯᠡᠭ᠌ᠰᠡᠨ ᠰᠠᠯᠬᠢ
ᠴᠠᠭᠤᠨ ᠢᠷᠮᠡᠭᠢ ᠠᠶᠠᠷ ᠵᠠᠢᠮᠤᠭᠤᠯᠤᠨᠠ
ᠴᠤᠤᠷᠢᠶᠠᠨᠢ ᠦᠯᠦ᠍ ᠲᠠᠨᠢᠭ᠍ᠳᠠᠬᠤ
ᠴᠡᠩᠬᠡᠷᠳᠦᠬᠦ᠌ ᠠᠯᠤᠰᠲᠤ ᠵᠡᠷᠭᠡᠯᠭᠡᠨ ᠪᠣᠰᠭᠠᠨᠠ
ᠬᠢᠯᠭᠠᠨᠠ ᠵᠢᠨ ᠨᠠᠮᠠᠭᠠᠪᠠᠷ ᠵᠢᠷᠭᠢᠵᠦ᠍ ᠡᠬᠢᠯᠡᠭᠡ ᠨᠠᠮᠤᠷ
ᠬᠠᠢᠷᠠᠶ᠋ᠢᠨ ᠳᠠᠭᠤᠤᠪᠠᠨ ᠠᠰᠭᠠᠷᠠᠨ ᠰᠡᠮᠡᠷᠡᠲᠡᠯᠡ
ᠬᠠᠯᠭᠢᠯᠠᠮᠠ ᠮᠥᠷᠥᠭᠡᠳᠦᠯᠢ ᠱᠢᠵᠢᠷ ᠥᠩᠭᠡᠪᠠᠷ ᠪᠣᠳᠣᠭ᠍ᠯᠠᠵᠤ
ᠬᠤᠷᠸᠠᠶ᠋ᠢᠨ ᠣᠢ ᠬᠦᠪᠴᠢᠪᠠᠷ ᠪᠤᠲᠠᠷᠠᠲᠠᠯᠠ ᠰᠠᠴᠤᠨᠠ
ᠨᠣᠮᠢᠨ ᠲᠠᠯᠠᠶ᠋ᠢᠨ ᠥᠷᠥᠴᠡᠨᠠᠴᠠ ᠭᠤᠣᠯ ᠤᠰᠤ ᠴᠡᠩᠬᠡᠷᠯᠡᠵᠦ᠍
ᠨᠠᠢᠷᠠᠭᠤᠨ ᠪᠠᠳᠠᠭᠤᠨ ᠵᠠᠪᠰᠠᠷ ᠤᠭᠠᠯᠵᠠ ᠬᠡ ᠨᠡᠮᠡᠳᠡᠭ ᠴᠤ᠌
ᠨᠠᠪᠴᠢᠰ ᠭᠤᠭᠤᠵᠢᠬᠤ ᠳᠤᠲᠤᠮ ᠥᠪᠡᠷᠢ ᠮᠢᠨᠢ ᠭᠠᠭ᠍ᠴᠠᠭᠠᠷᠳᠠᠭᠤᠯᠤᠨ
ᠨᠠᠷᠠᠨ ᠱᠢᠷᠭᠠᠯ ᠳᠠᠪᠠᠯᠭᠠᠨ ᠤᠶᠠᠷᠠᠯᠢ ᠢᠷᠬᠢᠷᠡᠲᠡᠯᠡ ᠬᠦᠨᠳᠡᠨᠡ
ᠱᠢᠭᠦᠳᠡᠷᠢᠶ᠋ᠢᠨ ᠮᠦᠬᠦᠯᠢᠭᠢᠶᠠᠷ ᠭᠤᠶᠤᠯᠠᠵᠤ ᠵᠢᠷᠤᠭ᠍ᠰᠠᠨ ᠪᠠᠢᠭᠠᠯᠢ
ᠰᠦᠮᠡᠯᠵᠡᠬᠦ᠌ ᠲᠣᠯᠤᠭᠠᠳᠢ ᠪᠣᠳᠠᠩ ᠲᠠᠲᠠᠳᠠᠯᠠ ᠱᠢᠷᠭᠠᠯᠲᠤᠭᠤᠯᠤᠨᠠ
ᠰᠡᠳᠭᠢᠯᠢᠶᠠᠨ ᠠᠷᠭᠠᠳᠠᠵᠤ ᠶᠠᠳᠠᠨ ᠭᠡᠭᠡᠯᠵᠡᠮᠡᠷ ᠴᠠᠭᠲᠤ
ᠰᠡᠷᠢᠭᠦᠦ ᠲᠠᠲᠠᠮᠠ ᠡᠭᠦᠯᠡᠰᠢ ᠮᠡᠯᠮᠡᠷᠡᠲᠡᠯᠡ ᠱᠢᠷᠲᠡᠮᠡᠷ
ᠬᠡᠴᠡᠭᠦᠦ ᠡᠭᠡᠱᠢᠭ᠌ᠯᠢᠭᠲᠠᠢ ᠡᠳᠦᠷ ᠬᠤᠨᠤᠭ ᠴᠡᠩᠬᠡᠷᠯᠡᠵᠦ᠍
ᠬᠦᠵᠢ ᠳᠡᠯᠡᠬᠡᠢᠶ᠋ᠢᠨ ᠠᠮᠠᠷᠠᠭ ᠨᠣᠲᠢ ᠴᠢᠪᠬᠠᠳᠠᠬᠤᠠᠴᠠ
ᠬᠥᠯᠢᠴᠡᠯᠢᠶᠠᠨ ᠮᠠᠷᠲᠠᠵᠤ ᠶᠠᠳᠠᠬᠤ ᠮᠢᠨᠦ᠍ ᠯᠠ ᠵᠢᠷᠦᠬᠡ
ᠬᠦᠪᠴᠢ ᠲᠠᠢᠭᠠᠶ᠋ᠢᠨ ᠳᠡᠭᠡᠭᠦᠷ ᠱᠢᠪᠠᠭᠤ ᠱᠢᠭ᠋ ᠵᠢᠷᠭᠢᠨᠡ
ᠴᠡᠩᠬᠡᠷ ᠵᠢᠷᠤᠭᠠᠰᠤ ᠲᠠᠲᠠᠭᠤᠯᠬᠤ ᠪᠥᠯᠢᠶᠡᠨ ᠪᠣᠷᠣᠭᠠᠨᠤ ᠳᠤᠰᠤᠯ
ᠴᠡᠯᠡᠢᠬᠦ᠌ ᠨᠠᠭᠤᠷᠤᠨ ᠮᠠᠨᠳᠠᠯᠳᠤ ᠮᠥᠩᠭᠦᠨ ᠪᠢᠳᠡᠷ ᠲᠠᠲᠠᠭᠤᠯᠤᠨ
ᠰᠠᠮᠤᠷ ᠵᠢᠮᠢᠰᠲᠠᠢ ᠡᠭᠡᠱᠢᠭ᠌ᠯᠡᠩᠲᠦ ᠨᠠᠮᠤᠷᠤᠨ ᠳᠤᠤᠯᠢᠶᠠᠨ
ᠰᠠᠨᠠᠵᠤ ᠤᠶᠠᠷᠠᠬᠤᠳᠤ ᠬᠠᠢᠷᠠᠶ᠋ᠢᠨ ᠳᠠᠭᠤᠤᠪᠠᠷ ᠠᠷᠭᠠᠳᠠᠨᠠ
ᠨᠢᠭᠡᠨ ᠬᠡᠯᠬᠢᠶᠡ ᠦᠵᠡᠮᠵᠢ ᠦᠪᠡᠷᠰᠡᠳᠢ ᠮᠠᠷᠲᠠᠭᠤᠯᠤᠮᠠᠷ
ᠨᠡᠷᠡᠨ ᠲᠤᠤᠯᠢᠶ᠋ᠢᠨ ᠠᠶᠠᠯᠭᠤ ᠭᠠᠨᠳᠠᠷᠢᠰᠤᠨᠢ ᠴᠣᠭ᠍ᠴᠠᠯᠠᠲᠠᠯᠠ
ᠨᠣᠴᠤᠮᠠᠷ ᠤᠯᠠᠢᠬᠤ ᠨᠠᠪᠴᠢᠰ ᠰᠡᠮᠬᠡᠨ ᠰᠡᠭᠦᠷᠡᠰᠦ ᠠᠯᠳᠠᠭᠠᠳ
ᠨᠠᠨᠳᠢᠨ ᠰᠠᠢᠬᠠᠨᠢᠶᠠᠨ ᠣᠷᠴᠢᠯᠠᠩᠤᠨ ᠭᠦᠨᠳᠤ ᠬᠠᠳᠠᠭᠠᠯᠠᠨᠠ