● ᠲᠤᠮᠳᠠᠳᠤ ᠤᠯᠤᠰᠤᠨ ᠭᠤᠷᠪᠠᠨ ᠶᠡᠭᠡ ᠪᠠᠭᠠᠳᠤᠷᠯᠢᠬ ᠲᠤᠤᠯᠢ ᠵᠢᠨ ᠨᠢᠭᠡ
● ᠮᠤᠩᠭᠤᠯ ᠲᠡᠦᠭᠡ ᠪᠠ ᠤᠷᠠᠨ ᠵᠤᠬᠢᠶᠠᠯᠤᠨ ᠭᠤᠷᠪᠠᠨ ᠤᠷᠬᠢᠯᠤᠨ ᠨᠢᠭᠡ
● ᠤᠯᠤᠰᠤᠨ ᠲᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ
— ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠪᠦᠲᠦᠭᠡᠯᠴᠢᠪᠡᠷ ᠤᠯᠠᠮᠵᠢᠯᠠᠨ ᠰᠢᠨᠡᠴᠢᠯᠡᠵᠦ ᠬᠥᠭᠵᠢᠭᠦᠯᠬᠦ ᠭᠤᠷᠪᠠᠨ ᠰᠢᠷᠢᠰ ᠦᠢᠯᠡ ᠠᠵᠢᠯᠯᠠᠭᠠ ᠵᠢᠨ ᠲᠤᠬᠠᠢ ᠬᠦᠦᠷᠨᠢᠯ
ᠨᠠᠮᠤᠨ ᠲᠦᠪ ᠬᠤᠷᠢᠶᠠ ᠪᠠ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠦ᠂ ᠴᠦᠭᠡᠨ ᠳᠤᠭᠠᠳᠤ ᠦᠨᠳᠦᠰᠦᠲᠡᠨᠤ ᠰᠤᠶᠤᠯᠤᠨ ᠬᠠᠮᠠᠭᠠᠯᠠᠯᠳᠠ ᠪᠠ ᠤᠯᠠᠮᠵᠢᠯᠠᠯᠢ ᠲᠡᠬᠡᠳᠦ ᠬᠡᠮᠵᠢᠶᠡᠪᠠᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠭᠰᠡᠭᠡᠷ ᠢᠷᠡᠭᠰᠡᠨ ᠡᠴᠡ ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠭᠤᠷᠪᠠᠨ ᠲᠤᠮᠤ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠢ᠋ᠢᠨ ᠨᠢᠭᠡ᠂ ᠮᠤᠡᠭᠭᠤᠯ ᠲᠡᠦᠭᠡ ᠪᠠ ᠤᠷᠠᠨ ᠵᠤᠬᠢᠶᠠᠯᠤᠨ ᠭᠤᠷᠪᠠᠨ ᠤᠷᠬᠢᠯ （《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠂ 《ᠭᠡᠰᠡᠷᠤᠨ ᠲᠤᠤᠯᠢ》᠂ 《ᠵᠠᠩᠭᠠᠷᠤᠨ ᠲᠤᠤᠯᠢ》） ᠤ᠋ᠨ ᠨᠢᠭᠡ 《ᠵᠠᠡᠭᠭᠠᠷ》 2021 ᠤᠨ ᠳ᠋ᠤ ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠲᠠᠪᠤᠳᠤᠭᠠᠷ ᠡᠭᠡᠯᠵᠢ ᠢ᠋ᠢᠨ ᠪᠤᠳᠠᠰ ᠤ᠋ᠨ ᠪᠤᠰᠤ ᠰᠤᠶᠤᠯ ᠤ᠋ᠨ ᠦᠪ ᠢ᠋ᠢᠡᠷ ᠪᠦᠷᠢᠳᠬᠡᠭᠳᠡᠵᠦ᠂ ᠤᠷᠴᠢᠮᠤᠨ ᠵᠢᠯᠤᠳ ᠲᠦ᠍ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠳᠤ᠂ ᠤᠨᠴᠠᠭᠠᠢᠯᠠᠨ ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ《ᠵᠠᠩᠭᠠᠷᠤᠨ ᠠᠷᠪᠠᠨ ᠬᠤᠶᠠᠷ ᠪᠠᠭᠠᠳᠤᠷᠤᠨ ᠮᠠᠬᠳᠠᠭᠠᠯ》᠂ 《ᠵᠠᠩᠭᠠᠷᠤᠨ ᠮᠠᠭᠳᠠᠭᠠᠯ》ᠢ᠋ ᠲᠠᠭᠤᠯᠠᠨ ᠬᠠᠢᠯᠠᠬᠤ ᠦᠵᠡᠭᠳᠡᠯ ᠲᠦᠭᠡᠮᠡᠯ ᠪᠤᠯᠤᠭᠰᠠᠨ ᠪᠦᠭᠡᠳ ᠵᠠᠩᠭᠠᠷᠤᠨ ᠰᠤᠳᠤᠯᠤᠯ ᠵᠢᠴᠢ ᠵᠠᠩᠭᠠᠷᠤᠨ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯ ᠶᠡᠭᠡ ᠢᠳᠡ ᠬᠦᠭ ᠲᠠᠢ ᠶᠠᠪᠤᠭᠳᠠᠬᠤ ᠪᠤᠯᠵᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠨᠳᠠ ᠬᠠᠮᠳᠤᠯᠢᠬ 《ᠵᠠᠩᠭᠠᠷᠤᠨ ᠠᠷᠪᠠᠨ ᠬᠤᠶᠠᠷ ᠪᠠᠭᠠᠳᠤᠷᠤᠨ ᠮᠠᠬᠳᠠᠭᠠᠯ》 ᠢ᠋ ᠲᠠᠭᠤᠯᠠᠵᠦ᠂ ᠲᠤᠮᠳᠠᠳᠤ ᠵᠢᠨ ᠤᠷᠠᠯᠢᠬᠤᠨ ᠲᠠᠢᠰᠠ ᠵᠢ ᠲᠤᠷᠬᠢᠭᠤᠯᠤᠭᠰᠠᠨ； ᠬᠠᠩᠬᠢᠨ ᠬᠤᠰᠢᠭᠤᠨᠤ ᠠᠯᠳᠠᠷᠳᠤ ᠵᠠᠩᠭᠠᠷᠤᠨ ᠲᠤᠤᠯᠢ ᠵᠢ ᠬᠤᠯᠤᠰᠤᠨ ᠦᠵᠦᠭ ᠵᠢᠡᠷ ᠪᠢᠴᠢᠵᠦ ᠭᠠᠷᠭᠠᠵᠠᠢ； ᠤᠳᠤᠭ ᠬᠤᠰᠢᠭᠤᠨᠤ ᠴᠠᠭᠠᠨᠳᠡᠭᠳᠡᠭᠡ ᠨᠠᠰᠤᠳᠠᠨ ᠲᠠᠪᠤᠨ ᠮᠸᠲ᠋ᠷ ᠭᠠᠷᠤᠢ ᠤᠷᠳᠤ ᠲᠤᠷᠭᠠᠨ ᠲᠡᠭᠡᠷᠡ ᠵᠠᠩᠭᠠᠷᠤᠨ ᠲᠤᠤᠯᠢ ᠵᠢ ᠬᠠᠳᠬᠤᠮᠠᠯᠯᠠᠵᠦ ᠭᠠᠷᠭᠠᠵᠠᠢ ᠃
ᠡᠨᠡ ᠶᠡᠭᠡ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯᠤᠨ ᠲᠤᠳᠤᠷᠠ ᠲᠤᠷᠠᠳᠤᠭᠤᠰᠢᠳᠠᠢ ᠨᠢᠭᠡᠨ ᠠᠵᠢᠯᠯᠠᠭᠠ ᠪᠤᠯ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠤ ᠰᠤᠳᠤᠷ ᠪᠢᠴᠢᠭ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ ᠰᠤᠳᠤᠯᠬᠤ ᠲᠠᠰᠤᠭᠠᠴᠠ ᠭᠣᠣᠯᠯᠠᠨ ᠡᠷᠬᠢᠯᠡᠵᠦ᠂ ᠦᠦᠰᠢᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠪᠦᠲᠦᠭᠡᠯᠴᠢᠪᠡᠷ ᠤᠯᠠᠮᠵᠢᠯᠠᠨ ᠰᠢᠨᠡᠴᠢᠯᠡᠵᠦ ᠬᠥᠭᠵᠢᠭᠦᠯᠬᠦ ᠰᠢᠷᠢᠰ ᠦᠢᠯᠡ ᠠᠵᠢᠯᠯᠠᠭᠠ ᠦᠢᠷᠠᠳᠤ ᠬᠦᠬᠡᠬᠤᠳᠠᠳᠤ ᠶᠠᠪᠤᠬᠳᠠᠪᠠ᠃ ᠡᠨᠡ ᠬᠦ᠌ ᠰᠢᠷᠢᠰ ᠠᠵᠢᠯᠯᠠᠭᠠ ᠨᠢ 《ᠳᠤᠮᠳᠠᠳᠤ ᠤᠯᠤᠰᠦᠨ 〈ᠵᠠᠩᠭᠠᠷ〉 ᠰᠤᠳᠤᠯᠤᠯ》 ᠨᠣᠮᠤᠨ ᠨᠡᠭᠡᠭᠡᠯᠲᠡᠶᠢᠨ ᠶᠣᠰᠣᠯᠠᠯ᠂ ᠦᠦᠰᠢᠨ ᠬᠣᠰᠢᠭᠤᠨᠤ 《ᠵᠠᠩᠭᠠᠷ》 ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠦᠨ 《ᠵᠠᠩᠭᠠᠷᠴᠢ ᠬᠡᠦᠬᠡᠳ》CD ᠴᠣᠮᠣᠭᠤᠨ ᠲᠠᠷᠬᠠᠭᠠᠯᠳᠠ ᠵᠢᠨ ᠶᠣᠰᠣᠯᠠᠯ ᠵᠢᠴᠢ 《ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ 》 ᠨᠡᠷᠡᠮᠵᠢᠲᠤ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠰᠡᠳᠦᠪᠲᠦ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠤᠷᠠᠨ ᠵᠢᠷᠤᠭᠤᠨ ᠤᠷᠤᠯᠳᠤᠭᠠᠨᠤ ᠱᠠᠩᠨᠠᠯ ᠣᠯᠭᠣᠬᠤ ᠶᠣᠰᠣᠯᠠᠯ ᠪᠠ ᠵᠢᠷᠤᠭᠤᠨ ᠦᠵᠡᠰᠬᠦᠯᠡᠩ᠂ ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠪᠦᠲᠦᠭᠡᠯᠴᠢᠪᠠᠷ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ ᠲᠤᠬᠠᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠵᠡᠷᠭᠡ ᠠᠭᠤᠯᠭᠠ ᠵᠢᠨ ᠲᠤᠭᠤᠷᠢᠨᠳᠤ ᠶᠠᠪᠤᠭᠳᠠᠵᠤ᠂ ᠠᠷᠠᠳᠤᠨ ᠳᠤᠮᠳᠠ ᠬᠠᠢᠯᠠᠳᠠᠭ 《ᠵᠠᠩᠭᠠᠷ》 ᠢ᠋ ᠤᠯᠠᠨ ᠬᠡᠯᠪᠡᠷᠢᠪᠠᠷ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠵᠦ ᠪᠠᠢᠭᠠ ᠨᠢ ᠪᠤᠳᠠᠳᠤ ᠦᠢᠯᠡᠳᠤᠯᠭᠡ ᠵᠢᠨ ᠲᠤᠮᠳᠠ ᠰᠢᠨᠠ ᠨᠢᠭᠡᠨ ᠬᠦᠭᠵᠢᠯᠳᠡ ᠵᠢᠨ ᠭᠠᠷᠤᠭᠠ ᠪᠡᠨ ᠡᠯᠬᠦᠭᠰᠡᠨᠢ ᠬᠠᠷᠠᠭᠤᠯᠵᠤ ᠪᠢᠯᠡ᠃
— ᠨᠠᠢᠷᠠᠭᠤᠯᠤᠬᠴᠢ ᠡᠴᠡ
《ᠵᠠᠩᠭᠠᠷᠴᠢ ᠬᠡᠦᠬᠡᠳ》 ᠤ᠋ᠨ ᠢᠷᠠᠭᠤ ᠡᠭᠡᠰᠢᠭᠯᠡᠩ ᠲᠤᠤᠯᠢ ᠵᠢᠨ ᠱᠠᠳᠢ ᠴᠢᠪᠬᠠᠳᠠᠨᠠᠮ
《 ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨᠤ ᠠᠴᠢ ᠭᠡᠨᠡ ᠯᠡ
ᠦᠵᠦᠩ ᠠᠯᠳᠠᠷ ᠬᠠᠭᠠᠨᠤ ᠬᠥᠪᠡᠭᠦᠨ ᠭᠡᠨᠡ
ᠦᠶᠡᠶᠢᠨ ᠥᠨᠥᠴᠢᠨ ᠪᠣᠭᠳᠠ ᠨᠣᠶᠠᠨ
ᠵᠠᠩᠭᠠᠷ ᠭᠡᠳᠡᠭ ᠬᠠᠭᠠᠨ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡ ᠁》 ᠬᠡᠮᠡᠬᠦ ᠪᠢᠴᠢᠬᠠᠨ ᠵᠠᠩᠭᠠᠷᠴᠢᠳᠤᠨ ᠬᠠᠢᠯᠠᠬᠤ 《ᠵᠠᠩᠭᠠᠷᠤᠨ ᠣᠷᠣᠰᠢᠯ ᠪᠦᠯᠦᠭ 》 ᠵᠢᠡᠷ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠰᠢᠷᠢᠰ ᠠᠵᠢᠯᠯᠠᠭᠠ ᠵᠢᠨ ᠬᠥᠰᠢᠭᠡ ᠵᠢ ᠢᠷᠠᠬᠤ ᠨᠢ ᠤᠳᠬᠠ ᠢᠷᠠᠭᠤ ᠪᠤᠯᠵᠠᠢ᠃ ᠪᠢᠴᠢᠬᠠᠨ ᠵᠠᠩᠭᠠᠷᠴᠢᠳᠦᠨ ᠴᠡᠭᠡᠯᠬᠡᠨ ᠬᠣᠭᠣᠯᠠᠢ᠂ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠬᠠᠢᠷᠠ ᠰᠡᠳᠬᠢᠯᠭᠡ ᠲᠣᠪᠰᠢᠭᠤᠷ ᠬᠥᠭᠵᠢᠮᠦᠨ ᠠᠶᠠᠯᠭᠤᠳᠤ ᠠᠭᠤᠰᠤᠨ᠂ 《ᠵᠠᠩᠭᠠᠷ》 ᠤ᠋ᠨ ᠲᠤᠤᠯᠢᠳᠡᠬᠢ ᠪᠠᠭᠠᠲᠤᠷᠯᠢᠭ᠋ ᠦᠯᠢᠭᠡᠷᠢ ᠨᠢᠳᠦᠨᠳᠤ ᠦᠵᠡᠭᠳᠡᠮᠠ ᠭᠠᠷᠲᠤ ᠪᠠᠷᠢᠭ᠍ᠳᠠᠲᠠᠯᠠ ᠰᠠᠢᠬᠠᠨ ᠲᠤᠭᠯᠠᠪᠠ ᠃
ᠲᠤᠤᠯᠢ 《 ᠵᠠᠩᠭᠠᠷ 》 ᠢ᠋ ᠪᠦᠲᠦᠭᠡᠯᠴᠢᠪᠡᠷ ᠤᠯᠠᠮᠵᠢᠯᠠᠨ ᠰᠢᠨᠡᠴᠢᠯᠡᠵᠦ ᠬᠥᠭᠵᠢᠭᠦᠯᠬᠦ ᠰᠢᠷᠢᠰ ᠦᠢᠯᠡ ᠠᠵᠢᠯᠯᠠᠭᠠᠶᠢᠨ ᠠᠬᠤᠢ ᠲᠠᠯᠠᠪᠠᠶᠳᠤ᠂ ᠦᠦᠰᠢᠨ ᠬᠣᠰᠢᠭᠤᠨᠤ 《ᠵᠠᠩᠭᠠᠷ》 ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠤᠨ 《 ᠵᠠᠩᠭᠠᠷᠴᠢ ᠬᠡᠦᠬᠡᠳ》 CD ᠴᠣᠮᠣᠭᠤᠨ ᠲᠠᠷᠬᠠᠭᠠᠯᠳᠠ ᠵᠢᠨ ᠶᠣᠰᠣᠯᠠᠯ ᠡᠢᠨ ᠬᠦ᠌ ᠢᠳᠡ ᠬᠦᠭ ᠲᠠᠢ ᠶᠠᠪᠤᠭᠳᠠᠬᠤ ᠨᠢ ᠡᠨᠡ ᠶᠤᠮ᠃ ᠲᠤᠰ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠢ ᠦᠤᠰᠢᠨ ᠨᠤᠳᠤᠭ ᠲᠠᠢ ᠨᠠᠷᠠᠳᠤ ᠬᠦᠳᠤᠯᠦᠭᠴᠢ ᠤᠶᠠᠡᠭᠭᠠ ᠬᠢᠭᠡᠳ ᠰᠢᠨᠵᠢᠶᠠᠡᠭ ᠨᠤᠳᠤᠭ ᠲᠠᠢ 《ᠵᠠᠡᠭᠭᠠᠷ》 ᠤ᠋ᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠤ᠋ᠨ ᠦᠪᠯᠡᠨ ᠤᠯᠠᠮᠵᠢᠯᠠᠬᠴᠢ ᠲᠦᠯᠦᠮᠵᠢ ᠡᠴᠡ 2022 ᠣᠨᠤ 3 ᠰᠠᠷᠠᠳᠤ ᠪᠠᠢᠭᠤᠯᠵᠤ᠂ 《ᠵᠠᠩᠭᠠᠷ》 ᠲᠤᠤᠯᠢᠳᠦ ᠠᠭᠤᠯᠤᠭᠰᠠᠨ ᠡᠬᠡ ᠣᠷᠣᠨᠴᠢ ᠦᠵᠡᠯ᠂ ᠪᠠᠭᠠᠲᠤᠷᠯᠢᠭ᠋ ᠵᠣᠷᠢᠭ᠋ ᠰᠠᠨᠠᠭᠠ᠂ ᠰᠢᠳᠤᠷᠭᠤ ᠶᠣᠰᠣ᠌᠂ ᠡᠪ ᠨᠢᠭᠡᠳᠦᠯ ᠵᠡᠷᠭᠡ ᠬᠥᠮᠥᠯᠢᠭ ᠦᠨᠡᠲᠦ ᠵᠦᠢᠯᠡᠰᠢ ᠬᠡᠦᠬᠡᠳ ᠪᠠᠭᠠᠴᠤᠳᠲᠤ ᠥᠪᠯᠡᠭᠦᠯᠦᠨ ᠤᠯᠠᠮᠵᠢᠯᠠᠭᠤᠯᠬᠤ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦᠳᠦ ᠬᠦᠴᠦ ᠪᠠᠨ ᠲᠠᠯᠪᠢᠨ ᠬᠢᠴᠢᠶᠡᠩᠭᠦᠢᠯᠡᠨ ᠠᠵᠢᠯᠯᠠᠭᠰᠠᠭᠠᠷ ᠤᠳᠤᠳᠤ ᠬᠦᠷᠴᠠᠢ᠃ ᠤᠬᠤᠷᠬᠠᠨ 3 ᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ᠂ ᠤᠷᠠᠯᠢᠭᠤᠨ ᠪᠦᠯᠬᠦᠮ ᠨᠢ ᠦᠦᠰᠢᠨ ᠬᠣᠰᠢᠭᠤᠨᠤ ᠪᠠᠨ ᠬᠠᠮᠢᠶᠠ ᠪᠦᠬᠦᠢ ᠪᠠᠢᠭᠤᠯᠭᠠ ᠨᠢᠭᠡᠴᠢ ᠵᠢᠨ ᠵᠢᠯᠣᠭᠣᠳᠤᠯᠭᠠ ᠬᠠᠮᠲᠤᠷᠠᠯᠴᠠᠭᠠ ᠳᠣᠣᠷᠠ ᠨᠢᠭᠡᠨᠲᠡ 2800 ᠰᠢᠬᠠᠮ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠡᠷᠡᠴᠢᠯᠡᠨ ᠲᠤᠮᠤᠴᠤᠳᠲᠤ ᠪᠣᠯᠪᠠᠰᠤᠷᠠᠯ ᠬᠦᠷᠲᠡᠭᠡᠵᠦ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠵᠢᠨ ᠨᠡᠶ᠋ᠢᠲᠡ 50 ᠭᠠᠷᠤᠢ ᠤᠳᠠᠭᠠᠨᠤ ᠤᠳᠬᠠ ᠤᠷᠠᠯᠢᠭᠤᠨ ᠲᠤᠰᠬᠠᠢ ᠲᠠᠢᠰᠠᠨ ᠳᠡᠭᠡᠷᠡ 《ᠵᠠᠩᠭᠠᠷ》 ᠤ᠋ᠨ ᠦᠵᠡᠭᠦᠯᠭᠡ ᠲᠤᠭᠯᠠᠯᠳᠠᠭᠠᠷᠭᠠᠵᠠᠢ᠃
《ᠵᠠᠩᠭᠠᠷᠴᠢ ᠬᠡᠦᠬᠡᠳ》 CD ᠴᠣᠮᠣᠭᠲᠤ᠂ 《ᠵᠠᠩᠭᠠᠷ》 ᠲᠤᠤᠯᠢ ᠵᠢᠨ ᠰᠣᠩᠭᠣᠳᠠᠭ ᠱᠠᠳ ᠮᠥᠷᠦᠳ ᠡᠴᠡ 《 ᠵᠠᠩᠭᠠᠷᠤᠨ ᠣᠷᠣᠰᠢᠯ ᠪᠦᠯᠦᠭ》᠂ 《ᠵᠠᠩᠭᠠᠷᠤᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷᠤᠨ ᠮᠠᠭᠲᠠᠭᠠᠯ》 ᠵᠡᠷᠭᠡ ᠬᠡᠦᠬᠡᠳᠤᠨ ᠲᠤᠷᠠ ᠰᠤᠨᠢᠷᠬᠠᠯᠳᠤ ᠲᠣᠬᠢᠷᠠᠭᠰᠠᠨ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ 12 《ᠵᠠᠩᠭᠠᠷ》 ᠤ᠋ᠨ ᠮᠠᠭᠲᠠᠭᠠᠯ ᠡᠭᠡᠰᠢᠭᠯᠡᠩᠢ ᠡᠮᠬᠢᠳᠬᠡᠨ ᠣᠷᠣᠭᠤᠯᠤᠭᠰᠠᠨ ᠪᠠ ᠡᠨᠡ ᠬᠦ᠌ ᠴᠣᠮᠣᠭᠤᠨ ᠮᠡᠨᠳᠦᠯᠡᠭᠰᠡᠨ ᠨᠢ ᠦᠦᠰᠢᠨ ᠬᠣᠰᠢᠭᠤᠨᠤ 《ᠵᠠᠩᠭᠠᠷ》 ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠦᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ᠂ ᠤᠬᠠᠭᠤᠯᠤᠨ ᠳᠡᠯᠭᠡᠷᠡᠭᠦᠯᠵᠦ ᠪᠠᠢᠭᠠ ᠦᠷᠡ ᠪᠦᠲᠦᠭᠡᠯᠤᠨ ᠬᠢᠨ ᠲᠥᠪᠯᠡᠷᠡᠩᠭᠦᠢ ᠢᠯᠡᠷᠡᠭᠦᠯᠤᠯ ᠪᠤᠯᠤᠯᠠ᠃
— 《ᠵᠠᠩᠭᠠᠷᠴᠢ ᠬᠡᠦᠬᠡᠳ》 CD ᠴᠣᠮᠣᠭ ᠨᠢ ᠭᠣᠣᠯᠳᠠᠭᠤ ᠰᠢᠨᠵᠢᠶᠠᠩ ᠣᠢᠷᠠᠳᠤᠨ 10 ᠬᠤᠪᠢ 《ᠵᠠᠩᠭᠠᠷᠤᠨ ᠮᠠᠭᠲᠠᠭᠠᠯ》 ᠪᠤᠶᠤ 《ᠵᠠᠩᠭᠠᠷ》 ᠤ᠋ᠨ ᠣᠷᠣᠰᠢᠯ ᠮᠠᠭᠲᠠᠭᠠᠯᠤᠨ ᠲᠡᠭᠦᠪᠦᠷᠢ ᠪᠣᠯᠤᠭᠰᠠᠨ ᠵᠢᠡᠷ ᠵᠢᠡᠨ ᠥᠩᠭᠡᠷᠡᠭᠰᠡᠨᠦ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠵᠢᠨ 《ᠵᠠᠩᠭᠠᠷ》 ᠲᠸ᠋ ᠬᠣᠯᠪᠣᠭᠳᠠᠬᠤ ᠳᠠᠭᠤᠤ ᠪᠢᠴᠢᠯᠭᠡ ᠵᠢᠨ ᠬᠡᠪᠯᠡᠯ ᠪᠤᠶᠤ ᠴᠣᠮᠣᠭᠤᠳ ᠡᠴᠡ ᠢᠯᠭᠠᠬᠳᠠᠵᠤ ᠪᠠᠢᠭᠠ᠃ 《ᠵᠠᠩᠭᠠᠷ》ᠪᠣᠯ ᠨᠢᠭᠡ ᠶᠣᠰᠣᠨᠤ ᠮᠠᠭᠲᠠᠭᠠᠯᠤᠨ ᠴᠢᠭᠤᠯᠭᠠᠨ ᠮᠥᠨ᠃ ᠵᠠᠩᠭᠠᠷᠴᠢ ᠭᠡᠳᠡᠭ ᠪᠣᠯ ᠦᠨᠡᠨᠳᠡᠭᠡᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠮᠠᠭᠲᠠᠭᠠᠯᠴᠢ ᠪᠣᠯᠬᠣᠷ 《 ᠵᠠᠩᠭᠠᠷ 》 ᠤ᠋ᠨ ᠣᠷᠣᠰᠢᠯ ᠪᠦᠯᠦᠭᠦᠨ ᠮᠠᠭᠲᠠᠭᠠᠯᠢ ᠰᠤᠷᠬᠤ ᠭᠡᠳᠡᠭ ᠨᠢ ᠳᠠᠷᠤᠢ 《ᠵᠠᠩᠭᠠᠷ》 ᠤ᠋ᠨ ᠦᠨᠳᠦᠰᠦᠨ ᠬᠡᠪ ᠵᠠᠭᠪᠤᠷᠢ ᠰᠤᠷᠴᠤ ᠤᠯᠠᠮᠵᠢᠯᠠᠬᠤ ᠵᠢᠨ ᠡᠬᠢᠯᠡᠯ ᠪᠣᠯᠣᠨᠠ᠃ ᠲᠤᠰ ᠴᠣᠮᠣᠭ ᠨᠢ 《 ᠵᠠᠩᠭᠠᠷ 》 ᠤ᠋ᠨ ᠣᠷᠣᠰᠢᠯ ᠮᠠᠭᠲᠠᠭᠠᠯ ᠪᠤᠶᠤ 《ᠵᠠᠩᠭᠠᠷ》 ᠤ᠋ᠨ ᠬᠠᠶ᠋ᠢᠯᠠᠯᠭᠠ ᠵᠢᠨ ᠬᠦᠭ ᠠᠶᠠᠯᠭᠤ ᠬᠢᠭᠡᠳ ᠦᠭᠡ ᠬᠡᠯᠡᠯᠭᠡᠶᠢ ᠬᠡᠦᠬᠡᠳᠲᠤ ᠶᠠᠭᠰᠢᠲᠠᠯᠠ ᠡᠵᠡᠮᠰᠢᠭᠦᠯᠬᠦᠳᠦ ᠵᠣᠷᠢᠭᠤᠯᠤᠭᠰᠠᠨ ᠵᠢᠡᠷ ᠵᠢᠡᠨ 《ᠵᠠᠩᠭᠠᠷ》 ᠢ᠋ ᠠᠩᠬᠠ ᠡᠬᠢᠯᠡᠵᠦ ᠰᠤᠷᠴᠤ ᠳᠡᠯᠭᠡᠷᠡᠭᠦᠯᠬᠦᠳᠦ ᠴᠢᠬᠤᠯᠠ ᠨᠢᠭᠡᠨ ᠰᠤᠷᠬᠤ ᠪᠢᠴᠢᠭ ᠲᠡᠳᠦᠢ ᠦᠭᠡᠢ᠂ ᠳᠠᠭᠤᠤ ᠬᠥᠭᠵᠢᠮᠦᠨ ᠪᠣᠯᠪᠠᠰᠤᠷᠠᠯ ᠪᠤᠶᠤ ᠳᠠᠭᠤᠯᠠᠵᠤ ᠵᠦᠴᠦᠭᠡᠯᠡᠬᠦᠳᠤ ᠲᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠯᠠᠪᠯᠠᠬᠤ ᠮᠠᠲᠸᠷᠢᠶᠠᠯ ᠬᠠᠩᠭᠠᠭᠰᠠᠨ ᠪᠠᠢᠨᠠ ᠭᠡᠵᠦ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ 《ᠵᠠᠩᠭᠠᠷ》 ᠰᠤᠳᠤᠯᠤᠯᠤᠨ ᠲᠥᠪᠦᠨ ᠡᠷᠬᠢᠯᠡᠭᠴᠢ᠂ ᠫᠷᠤᠹᠸᠰᠰᠤᠷ ᠳ·ᠳᠠᠶᠠ ᠡᠴᠡ ᠲᠤᠰ ᠴᠣᠮᠣᠭᠲᠤ ᠦᠨᠡᠯᠡᠯᠲᠡ ᠥᠭᠭᠦᠯᠡ᠃
《ᠵᠠᠩᠭᠠᠷ》 ᠪᠣᠯ ᠮᠣᠩᠭᠣᠯᠴᠤᠳᠤᠨ ᠬᠠᠮᠤᠭᠤᠨ ᠤᠷᠳᠤ ᠳᠠᠭᠤᠤ ᠮᠥᠨ᠃ ᠲᠡᠭᠦᠨᠢ ᠬᠠᠢᠯᠠᠵᠤ ᠳᠠᠭᠤᠯᠠᠬᠤ ᠦᠶᠡ ᠵᠢᠨ ᠨᠢᠭᠡᠨ ᠥᠪᠡᠷᠮᠢᠴᠡ ᠵᠠᠩᠰᠢᠯ ᠭᠡᠪᠡᠯ᠂ ᠤᠷᠢᠳ ᠵᠢᠡᠷ 《ᠵᠠᠩᠭᠠᠷᠤᠨ ᠮᠠᠭᠳᠠᠭᠠᠯ》 ᠪᠤᠶᠤ 《ᠵᠠᠩᠭᠠᠷ》 ᠤ᠋ᠨ ᠣᠷᠣᠰᠢᠯ ᠮᠠᠭᠲᠠᠭᠠᠯ ᠭᠡᠬᠦ ᠣᠬᠣᠷ ᠳᠠᠭᠤᠤᠶᠢ ᠳᠠᠭᠤᠯᠠᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠲᠡᠷᠡ ᠨᠢ ᠵᠠᠩᠭᠠᠷᠤᠨ ᠪᠠᠭᠠᠲᠤᠷᠴᠤᠳᠢ 《 ᠵᠠᠩᠭᠠᠷ 》 ᠬᠠᠢᠯᠠᠵᠤ ᠪᠦᠬᠦᠢ ᠠᠬᠤᠢ ᠲᠠᠯᠠᠪᠠᠢᠳᠤ ᠤᠷᠢᠵᠤ ᠢᠷᠡᠭᠦᠯᠬᠦ ᠪᠤᠶᠤ ᠠᠭᠤᠯᠠ ᠤᠰᠤᠨᠤ ᠡᠵᠡᠳ ᠰᠠᠬᠢᠭᠤᠰᠤᠶᠢ ᠪᠠᠶᠠᠰᠬᠠᠵᠤ ᠪᠠᠢᠭᠠ ᠤᠴᠢᠷ ᠲᠠᠢ᠂ ᠮᠥᠨ ᠴᠤ᠌ ᠵᠠᠩᠭᠠᠷᠴᠢ ᠡᠴᠡ ᠪᠤᠮᠪᠠ ᠵᠢᠨ ᠣᠷᠣᠨᠤ ᠳᠦᠷᠢ ᠲᠥᠯᠥᠪᠢ ᠰᠣᠨᠣᠰᠤᠭ᠍ᠴᠢᠳᠤ ᠲᠠᠨᠢᠯᠴᠠᠭᠤᠯᠬᠤ ᠪᠡᠷ ᠳᠠᠮᠵᠢᠭᠤᠯᠤᠨ᠂ ᠤᠯᠠᠨᠤ ᠰᠡᠳᠬᠢᠯ ᠰᠠᠨᠠᠭᠠᠶᠢ 《ᠵᠠᠩᠭᠠᠷ》 ᠤ᠋ᠨ ᠵᠦᠭ ᠬᠠᠨᠳᠤᠭᠤᠯᠵᠤ᠂ 《ᠵᠠᠩᠭᠠᠷ》 ᠬᠠᠢᠯᠠᠬᠤᠳᠤ ᠪᠡᠯᠡᠳᠬᠡᠯ ᠬᠢᠵᠦ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠬᠣᠷ ᠲᠤᠰ ᠴᠣᠮᠣᠭᠲᠤ 《ᠵᠠᠩᠭᠠᠷ》 ᠤ᠋ᠨ ᠣᠷᠣᠰᠢᠯ ᠮᠠᠭᠲᠠᠭᠠᠯᠢ ᠣᠷᠣᠭᠤᠯᠤᠭᠰᠠᠨ ᠨᠢ ᠮᠠᠰᠢ ᠭᠦᠨᠵᠡᠭᠡᠢ ᠤᠳᠬᠠ ᠤᠴᠢᠷ ᠲᠠᠢ ᠪᠣᠯᠤᠭᠰᠠᠨ ᠪᠠᠢᠳᠠᠭ ᠃
ᠣᠨᠴᠠᠭᠠᠢᠯᠠᠨ ᠲᠤᠷᠠᠳᠤᠭᠤᠰᠢᠳᠠᠢ ᠨᠢ᠂ ᠲᠤᠰ ᠴᠣᠮᠣᠭ ᠨᠢ ᠣᠳᠣᠬᠠᠨ ᠪᠣᠯᠳᠠᠯᠠᠬᠢ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠳᠤ ᠬᠡᠪᠯᠡᠭᠳᠡᠭᠡ 《ᠵᠠᠩᠭᠠᠷ》 ᠤ᠋ᠨ ᠲᠤᠰᠬᠠᠢ ᠰᠡᠳᠦᠪᠲᠦ ᠬᠠᠮᠤᠭ ᠠᠩᠬᠠᠨᠤ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ CD ᠴᠣᠮᠣᠭ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠬᠠᠷᠠᠭᠠᠰᠤ ᠡᠴᠡ ᠡᠷᠲᠡᠨᠦ ᠲᠤᠤᠯᠢᠰᠤᠨ ᠦᠯᠢᠭᠡᠷᠢ ᠬᠠᠢᠯᠠᠨ ᠠᠮᠢᠯᠠᠭᠤᠯᠵᠤ ᠴᠢᠳᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ᠂ ᠤᠯᠤᠰᠤᠨ ᠲᠡᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠪᠤᠯᠬᠤ 《ᠵᠠᠩᠭᠠᠷ》 ᠢ᠋ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠲᠤ ᠤᠯᠠᠮᠵᠢᠯᠠᠬᠤᠳᠤ ᠮᠠᠰᠢ ᠨᠥᠭᠡᠴᠡ ᠲᠠᠢ ᠬᠡᠪ ᠦᠯᠢᠭᠡᠷ ᠪᠣᠯᠵᠤ ᠴᠢᠳᠠᠵᠠᠢ᠃
ᠵᠢᠷᠤᠭᠴᠢᠨ ᠬᠡᠤᠭᠡᠳ ᠤᠨ ᠤᠷᠠᠯᠢᠭᠤᠨ ᠶᠢᠷᠲᠢᠨᠴᠦ ᠪᠤᠮᠪᠠ ᠵᠢᠨ ᠤᠷᠤᠨᠢ ᠪᠤᠳᠤᠭᠯᠠᠷᠤᠨ
— ᠡᠵᠢ ᠠ᠋᠂ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠵᠢᠷᠤᠭ ᠪᠣᠯ ᠵᠠᠩᠭᠠᠷᠤᠨ ᠠᠷᠵᠠᠬ ᠮᠠᠩᠭᠤᠰᠢ ᠳᠠᠷᠤᠭᠰᠠᠨ ᠵᠢᠷᠤᠭ ᠪᠣᠯᠣᠨᠠ᠃
— ᠡᠨᠡ ᠴᠢᠨᠢ ᠠᠯᠳᠠᠷ ᠵᠠᠩᠭᠠᠷᠤᠨ ᠬᠦᠯᠦᠭᠢ ᠵᠢᠷᠤᠭᠰᠠᠨ ᠪᠠᠢᠨᠠ᠃
᠁
11 ᠰᠠᠷᠠ ᠵᠢᠨ ᠳᠤᠮᠳᠠᠴᠢ ᠪᠡᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠤ ᠰᠤᠳᠤᠷ ᠪᠢᠴᠢᠭ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ ᠰᠤᠳᠤᠯᠬᠤ ᠲᠠᠰᠤᠭᠠᠴᠠ ᠭᠣᠣᠯᠯᠠᠨ ᠡᠷᠬᠢᠯᠡᠵᠦ᠂ ᠦᠦᠰᠢᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯᠠᠴᠠ ᠳᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ 《ᠵᠠᠩᠭᠠᠷ》 ᠰᠢᠷᠢᠰ ᠠᠵᠢᠯᠯᠠᠭᠠᠶᠢᠨ ᠨᠢᠭᠡ ᠪᠤᠯᠬᠤ 《ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ》 ᠨᠡᠷᠡᠮᠵᠢᠲᠤ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠰᠡᠳᠦᠪᠲᠦ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠤᠷᠠᠨ ᠵᠢᠷᠤᠭᠤᠨ ᠤᠷᠤᠯᠳᠤᠭᠠᠨᠤ ᠱᠠᠩᠨᠠᠯ ᠣᠯᠭᠣᠬᠤ ᠶᠣᠰᠣᠯᠠᠯᠤᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠪᠢᠴᠢᠬᠠᠨ ᠬᠦᠦ ᠡᠵᠢ ᠲᠠᠢ ᠪᠠᠨ ᠤᠷᠤᠯᠳᠤᠭᠠᠨᠳᠤ ᠰᠢᠯᠭᠠᠷᠠᠭᠰᠠᠨ ᠵᠢᠷᠤᠭᠤᠳᠢ ᠬᠠᠷᠠᠭᠰᠠᠭᠠᠷ ᠵᠣᠭᠣᠭᠳᠠᠨᠠ᠃
ᠲᠤᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨ ᠪᠣᠯ 《ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠤᠳᠡᠨᠤ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠣᠭᠴᠠᠯᠠᠬᠤ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ᠂ ᠡᠬᠡ ᠤᠯᠤᠰ ᠵᠢᠡᠨ ᠬᠠᠢᠷᠠᠯᠠᠬᠤ᠂ ᠭᠡᠷ ᠣᠷᠣᠨ ᠵᠢᠡᠨ ᠬᠠᠮᠠᠭᠠᠯᠠᠬᠤ》 ᠭᠣᠣᠯ ᠰᠡᠳᠦᠪᠤᠨ ᠲᠣᠭᠣᠷᠢᠨᠳᠤ 《ᠵᠠᠩᠭᠠᠷ》 ᠤ᠋ᠨ ᠰᠣᠶᠣᠯᠢ ᠪᠦᠲᠦᠭᠡᠯᠴᠢᠪᠠᠷ ᠢᠯᠡᠷᠡᠬᠦᠯᠬᠦ ᠪᠡᠷ ᠱᠠᠭᠠᠷᠳᠠᠯᠭᠠ ᠪᠤᠯᠭᠠᠭᠰᠠᠨ ᠪᠦᠬᠦ ᠣᠷᠣᠨᠤ ᠬᠡᠪᠴᠢᠶᠡᠨᠳᠤ ᠶᠠᠪᠤᠭᠳᠠᠭᠰᠠᠨ ᠪᠠᠭᠠᠴᠤᠳᠬᠡᠦᠬᠡᠳᠤᠨ ᠤᠷᠠᠨ ᠵᠢᠷᠤᠭᠤᠨ ᠤᠷᠤᠯᠳᠤᠭᠠᠨ ᠪᠣᠯᠣᠨᠠ᠃ ᠤᠷᠤᠯᠳᠤᠭᠠᠨ ᠨᠢ 9 ᠰᠠᠷᠠ ᠵᠢᠨ ᠳᠤᠮᠳᠠᠴᠢ ᠡᠴᠡ 10 ᠰᠠᠷᠠ ᠵᠢᠨ ᠰᠡᠭᠦᠯᠴᠢ ᠪᠤᠯᠳᠠᠯᠠ ᠪᠦᠳᠤᠭᠡᠯ ᠡᠯᠰᠠᠵᠦ᠂ ᠬᠡᠳᠦ ᠤᠳᠠᠭᠠᠨᠤ ᠰᠢᠭᠰᠢᠯᠳᠡ ᠪᠡᠷ ᠳᠠᠮᠵᠢᠨ᠂ ᠪᠦᠬᠦ ᠣᠷᠣᠨᠤ 12 ᠠᠢᠮᠠᠭ ᠬᠤᠳᠠ ᠡᠴᠡ ᠢᠷᠡᠭᠦᠯᠦᠭᠰᠡᠨ ᠨᠡᠢᠳᠡ 321 ᠪᠦᠲᠦᠭᠡᠯ ᠳᠤᠮᠳᠠ ᠡᠴᠡ 16 ᠪᠦᠲᠦᠭᠡᠯᠢ ᠨᠢᠭᠡᠳᠦᠭᠡᠷ᠂ ᠬᠣᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ ᠳᠡᠰ ᠵᠢᠴᠢ ᠰᠢᠯᠢᠳᠡᠭ ᠳᠡᠰᠲᠤ ᠰᠢᠯᠭᠠᠷᠠᠭᠤᠯᠤᠨ ᠱᠠᠩᠨᠠᠵᠠᠢ᠃
— 《ᠵᠠᠩᠭᠠᠷ》ᠤ᠋ᠨ ᠦᠯᠢᠭᠡᠷᠢ ᠤᠯᠠᠨ ᠤᠳᠠᠭᠠ ᠤᠩᠰᠢᠬᠤᠳᠠᠭᠠᠨ ᠵᠠᠩᠭᠠᠷᠤᠨ ᠳᠦᠷᠢᠶᠢ ᠰᠡᠳᠬᠢᠯᠳᠡᠭᠡᠨ ᠤᠯᠠᠨᠳᠠ ᠲᠥᠰᠥᠭᠡᠯᠡᠨ ᠪᠤᠳᠤᠳᠠᠭ᠃ ᠤᠷᠤᠯᠳᠤᠭᠠᠨᠳᠦ ᠥᠷᠯᠥᠭ ᠪᠠᠭᠠᠲᠤᠷ ᠵᠠᠩᠭᠠᠷᠤᠨ ᠠᠲᠠᠭᠠᠲᠠᠨ ᠵᠢᠡᠨ ᠳᠠᠷᠤᠵᠤ ᠠᠷᠠᠳ ᠲᠦᠮᠡᠨ ᠵᠢᠡᠨ ᠬᠠᠮᠠᠭᠠᠯᠠᠭᠰᠠᠨ ᠳᠦᠷᠢᠶᠢ ᠵᠢᠷᠤᠭᠠᠳ ᠨᠢᠭᠡᠳᠦᠭᠡᠷ ᠳᠡᠰᠲᠤ ᠤᠷᠤᠬᠰᠠᠨᠳᠠᠭᠠᠨ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ᠃ ᠨᠠᠳᠠᠳᠤ ᠮᠠᠰᠢ ᠶᠡᠬᠡ ᠵᠣᠷᠢᠭ᠍ᠵᠢᠭᠤᠯᠤᠯ ᠪᠣᠯᠣᠯᠠ ᠭᠡᠵᠦ ᠤᠷᠤᠯᠳᠤᠭᠠᠨᠤ ᠲᠡᠷᠢᠭᠦᠨ ᠱᠠᠩᠨᠠᠯᠢ ᠭᠠᠷᠳᠠᠭᠰᠠᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤᠨᠤ ᠠᠮᠤᠭᠤᠯᠠᠩ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭ᠍ᠴᠢ ᠴᠠᠰᠤᠨᠠ ᠪᠠᠶᠠᠷᠲᠠᠢᠬᠠᠨ ᠶᠠᠷᠢᠨᠠ᠃
ᠬᠡᠦᠬᠡᠳᠤᠨ ᠰᠡᠳᠬᠢᠬᠦᠢ᠂ ᠲᠠᠨᠢᠨ ᠮᠡᠳᠡᠬᠦᠢᠶᠢ ᠤᠷᠠᠨ ᠵᠢᠷᠤᠭ ᠬᠠᠮᠤᠭ ᠡᠴᠡ ᠲᠣᠳᠣ᠌ ᠢᠯᠡᠷᠡᠬᠦᠯᠳᠡᠭ᠃ ᠤᠬᠠᠭᠠᠯᠢᠭ᠋ ᠬᠡᠦᠬᠡᠳᠤᠨ ᠤᠷᠠᠨ ᠵᠢᠷᠤᠭᠤᠨ ᠪᠦᠲᠦᠭᠡᠯ ᠠᠯᠳᠠᠷ ᠵᠠᠩᠭᠠᠷ ᠵᠡᠪᠰᠡᠭ ᠵᠢᠡᠨ ᠠᠭᠰᠠᠵᠤ᠂ ᠠᠷᠵᠠᠬ ᠮᠠᠩᠭᠤᠰᠢ ᠳᠠᠷᠤᠭᠰᠠᠨ ᠣᠮᠣᠭ ᠰᠦᠷ᠂ ᠡᠪᠦᠯ ᠦᠭᠡᠢ ᠵᠤᠨ ᠦᠬᠦᠯ ᠦᠭᠡᠢ ᠮᠥᠩᠬᠡ ᠦᠷᠬᠦᠯᠵᠢᠶᠢᠨ ᠬᠣᠷᠢᠨ ᠲᠠᠪᠤᠨ ᠨᠠᠰᠤᠨᠤ ᠬᠡᠪ ᠵᠢᠡᠷ ᠵᠢᠡᠨ ᠪᠠᠢᠳᠠᠭ ᠪᠤᠮᠪᠠᠶᠢᠨ ᠣᠷᠣᠨ᠂ ᠬᠥᠮᠥᠨ ᠪᠠᠢᠭᠠᠯᠢᠶᠢᠨ ᠡᠶᠡ ᠵᠤᠬᠢᠴᠠᠯ᠂ ᠬᠥᠮᠥᠨ ᠬᠥᠮᠥᠨᠦ ᠬᠤᠭᠤᠷᠤᠨᠳᠤᠬᠢ ᠡᠪ ᠪᠦᠯᠬᠦᠮᠳᠡᠯᠤᠨ ᠥᠩᠭᠡ ᠪᠤᠳᠤᠭ ᠲᠤᠲᠤᠬᠠᠠ ᠬᠠᠷᠠᠭᠳᠠᠵᠤ᠂ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠴᠢᠨᠠᠳᠤᠶᠢᠨ ᠤᠳᠬᠠᠶᠢ ᠭᠦᠨᠵᠡᠭᠡᠢ ᠢᠯᠡᠳᠬᠡᠵᠦ ᠴᠢᠳᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ ᠬᠤᠢᠴᠢ ᠨᠢᠭᠡ ᠦᠶᠠ ᠵᠢᠨ ᠬᠢᠨᠳᠡᠭᠡᠨ ᠴᠸ᠋ ᠦᠪ ᠰᠤᠶᠤᠯ ᠵᠢᠡᠨ ᠤᠯᠠᠮᠵᠢᠯᠠᠨ ᠤᠢᠯᠠᠭᠠᠭᠤᠯᠤᠭᠰᠠᠨ ᠨᠢ ᠯᠠᠪᠳᠠᠢ᠃
ᠵᠠᠬᠢᠶᠠ ᠪᠣᠯ ᠦᠦᠰᠢᠨ ᠬᠣᠰᠢᠭᠤᠨᠤ 《ᠵᠠᠩᠭᠠᠷ》 ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠤᠨ ᠪᠢᠴᠢᠬᠠᠨ ᠵᠠᠩᠭᠠᠷᠴᠢᠶᠢᠨ ᠨᠢᠭᠡ ᠪᠣᠯᠣᠨᠠ᠃ ᠲᠡᠷᠡ ᠪᠡᠷ 《ᠵᠠᠩᠭᠠᠷ》 ᠬᠠᠢᠯᠠᠬᠤᠶᠢ 4 ᠵᠢᠯ ᠰᠤᠷᠴᠤ᠂ ᠤᠳᠤ ᠨᠢᠭᠡᠨᠳᠡ 3 - 4 ᠤᠷᠲᠤ ᠪᠦᠯᠦᠭᠢ ᠴᠡᠭᠡᠵᠢᠪᠠᠷ ᠬᠠᠢᠯᠠᠵᠤ ᠴᠢᠳᠠᠬᠤ ᠪᠣᠯᠵᠠᠢ᠃ ᠵᠠᠬᠢᠶᠠ ᠡᠨᠡ ᠤᠳᠠᠭᠠ 《ᠵᠠᠩᠭᠠᠷ》 ᠢ᠋ ᠤᠷᠠᠨ ᠬᠣᠭᠣᠯᠠᠢ ᠪᠡᠷ ᠵᠢᠡᠨ ᠪᠢᠰᠢ᠂ ᠬᠠᠷᠢᠨ ᠤᠷᠠᠨ ᠵᠢᠷᠤᠭ ᠵᠢᠡᠷ ᠢᠯᠡᠳᠬᠡᠵᠦ᠂ ᠤᠷᠤᠯᠳᠤᠭᠠᠨᠤ ᠭᠤᠷᠪᠠᠳᠤᠭᠠᠷ ᠳᠡᠰᠲᠤ ᠲᠣᠳᠣᠷᠠᠭᠰᠠᠨ ᠪᠠᠢᠯᠠ᠃
— ᠮᠢᠨᠦ ᠤᠷᠤᠯᠳᠤᠭᠠᠨᠳᠤ ᠲᠡᠪᠰᠢᠬᠦᠯᠦᠭᠰᠡᠨ ᠪᠦᠳᠤᠭᠡᠯ ᠪᠤᠯ ᠵᠠᠩᠭᠠᠷ ᠪᠠ ᠬᠣᠩᠭᠣᠷᠦᠨ ᠠᠨᠳᠠ ᠪᠠᠷᠢᠯᠳᠤᠭᠰᠠᠨ ᠦᠯᠢᠭᠡᠷ ᠵᠢᠡᠷ ᠰᠡᠳᠤᠪᠯᠡᠵᠤ ᠵᠢᠷᠤᠵᠠᠢ᠃ ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠪᠣᠯ ᠵᠠᠩᠭᠠᠷᠤᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷᠤᠨ ᠳᠣᠲᠣᠷᠠᠬᠢ ᠬᠠᠮᠤᠭᠤᠨ ᠬᠦᠴᠦ ᠴᠢᠳᠠᠯᠲᠠᠢ ᠨᠢᠭᠡ ᠪᠠᠭᠠᠲᠤᠷ ᠪᠣᠯᠣᠨᠠ᠃ ᠠᠷᠪᠠᠨ ᠲᠠᠪᠤᠨ ᠲᠣᠯᠣᠭᠠᠢᠲᠠᠢ ᠠᠷᠵᠠᠬ ᠬᠠᠷᠠ ᠮᠠᠩᠭᠤᠰ ᠵᠠᠩᠭᠠᠷᠤᠨ ᠨᠤᠲᠤᠭᠢ ᠡᠵᠡᠯᠡᠬᠦ ᠪᠡᠷ ᠢᠷᠡᠬᠦᠳᠦ᠂ ᠵᠠᠩᠭᠠᠷ ᠪᠠ ᠬᠣᠩᠭᠣᠷ ᠬᠦᠴᠦᠪᠠᠨ ᠬᠠᠮᠲᠤᠳᠬᠠᠨ ᠴᠡᠷᠢᠭ ᠵᠢᠡᠨ ᠳᠠᠢᠴᠢᠯᠠᠨ ᠶᠢᠰᠦ ᠶᠢᠰᠦᠶᠢᠨ ᠨᠠᠶᠠᠨ ᠨᠢᠭᠡ ᠤᠳᠠᠭᠠ ᠲᠤᠯᠤᠯᠳᠤᠭᠠᠳ ᠮᠠᠩᠭᠤᠰᠢ ᠢᠯᠠᠵᠤ᠂ ᠠᠷᠤ ᠪᠤᠮᠪᠠᠶᠢᠨ ᠣᠷᠣᠨᠢ ᠴᠣᠭᠴᠠᠯᠠᠨ ᠪᠠᠢᠭᠤᠯᠤᠭᠰᠠᠨ ᠦᠯᠢᠭᠡᠷᠢ ᠵᠢᠷᠤᠭ ᠲᠠᠭᠠᠨ ᠢᠯᠡᠷᠡᠬᠦᠯᠪᠡ ᠭᠡᠵᠦ ᠵᠠᠬᠢᠶᠠ ᠶᠠᠷᠢᠨᠠ᠃
— ᠬᠡᠦᠬᠡᠳᠤᠨ ᠵᠢᠷᠤᠭ ᠶᠡᠷᠤ ᠡᠴᠡ ᠠᠭᠤᠯᠭᠠ᠂ ᠠᠷᠭᠠ ᠪᠠᠷᠢᠯᠤᠨ ᠬᠤᠪᠢᠳᠤ ᠮᠠᠰᠢ ᠴᠢᠯᠦᠭᠡᠲᠡᠢ ᠪᠠᠢᠳᠠᠭ᠃ ᠬᠡᠦᠬᠡᠳᠤᠨ ᠵᠢᠷᠤᠭᠢ ᠰᠢᠯᠭᠠᠷᠠᠭᠤᠯᠬᠤᠳᠤ ᠲᠣᠭᠲᠠᠭᠰᠠᠨ ᠪᠠᠷᠢᠮᠵᠢᠶᠠ ᠪᠠᠢᠳᠠᠭ ᠦᠭᠡᠢ᠂ ᠭᠣᠣᠯ ᠨᠢ ᠬᠡᠦᠬᠡᠳᠤᠨ ᠰᠡᠳᠬᠢᠮᠵᠢᠶᠢ ᠦᠵᠡᠳᠡᠭ᠃ ᠡᠨᠡ ᠤᠳᠠᠭᠠ ᠴᠤ᠌ ᠠᠳᠠᠯᠢᠬᠠᠨ᠂ ᠵᠠᠩᠭᠠᠷ ᠪᠠᠭᠠᠲᠤᠷᠤᠨ ᠳᠦᠷᠢ᠂ ᠬᠦᠯᠦᠭ ᠮᠣᠷᠢᠨᠤ ᠲᠥᠷᠬᠦ᠂ ᠡᠭᠦᠯᠡ ᠮᠠᠨᠠᠨ ᠠᠭᠤᠯᠠ ᠤᠰᠤᠨᠤ ᠥᠩᠭᠡ ᠪᠤᠳᠤᠭᠤᠨ ᠵᠣᠬᠢᠴᠠᠯ ᠶᠠᠮᠠᠷ ᠪᠠᠢᠬᠤ᠂ ᠵᠢᠷᠤᠭᠤᠨ ᠪᠦᠲᠦᠴᠡ ᠲᠣᠳᠣᠷᠬᠠᠢ ᠪᠠᠢᠬᠤ ᠡᠰᠡᠬᠦ᠂ ᠥᠪᠡᠷᠮᠢᠴᠡ ᠪᠦᠲᠦᠭᠡᠯᠴᠢ ᠴᠢᠨᠠᠷ ᠵᠢᠴᠢ ᠰᠢᠨᠡ ᠰᠡᠪᠡᠭᠦᠨ ᠬᠠᠷᠠᠭᠠᠰᠤᠲᠠᠢ ᠪᠠᠢᠬᠤ ᠡᠰᠡᠬᠦᠶᠢ ᠦᠨᠳᠦᠰᠦᠯᠡᠵᠦ ᠰᠢᠯᠭᠠᠷᠠᠭᠤᠯᠤᠭᠰᠠᠨ ᠶᠤᠮ᠃ ᠡᠳᠡᠭᠡᠷ ᠬᠡᠦᠬᠡᠳᠤᠨ ᠵᠢᠷᠤᠭᠤᠳ ᠡᠴᠡ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠲᠥᠰᠥᠭᠡᠯᠡᠨ ᠪᠤᠳᠤᠬᠤ ᠣᠷᠣᠨ ᠵᠠᠢᠶᠢ ᠣᠯᠵᠤ ᠬᠠᠷᠠᠭᠰᠠᠨ᠂ ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠤᠷᠠᠨ ᠵᠢᠷᠤᠭᠤᠨ ᠬᠡᠯᠪᠡᠷᠢᠪᠠᠷ ᠥᠪᠯᠡᠨ ᠤᠯᠠᠮᠵᠢᠯᠠᠵᠤ ᠪᠠᠢᠭᠠ ᠨᠢ ᠮᠠᠰᠢ ᠤᠴᠢᠷ ᠤᠳᠬᠠ ᠲᠠᠢ ᠡᠬᠢᠯᠡᠯᠲᠡ ᠪᠣᠯᠣᠨᠠ ᠭᠡᠵᠦ ᠲᠤᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠤ ᠬᠢᠨᠠᠬᠴᠢ ᠵᠢᠡ ᠨᠢᠭᠡ ᠪᠤᠯᠤᠬᠰᠠᠨ ᠨᠠᠷᠠᠳᠤ ᠱᠤᠭ ᠵᠢᠷᠤᠬᠴᠢᠨ ᠪᠠ᠊·ᠪᠢᠯᠢᠭ ᠦᠨᠳᠤᠷ ᠦᠨᠡᠯᠠᠯᠳᠠ ᠦᠭᠭᠦᠯᠠ᠃
ᠲᠤᠮᠳᠠᠳᠤ ᠤᠯᠤᠰᠤᠨ ᠬᠠᠷᠠᠭᠠᠰᠤ ᠡᠴᠡ ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠮᠥᠷᠳᠡᠭᠰᠡᠨ᠂ ᠮᠥᠨ ᠴᠤ᠌ ᠲᠤᠤᠯᠢ 《ᠵᠠᠩᠭᠠᠷ》 ᠢ᠋ ᠤᠯᠠᠨ ᠲᠦᠮᠡᠨᠳᠤ ᠳᠡᠯᠭᠡᠷᠡᠭᠦᠯᠦᠨ ᠲᠠᠨᠢᠭᠤᠯᠬᠤ ᠪᠡᠷ ᠵᠣᠷᠢᠯᠭᠠ ᠪᠤᠯᠭᠠᠭᠰᠠᠨ 《ᠲᠤᠮᠳᠠᠳᠤ ᠤᠯᠤᠰᠤᠨ （ᠵᠠᠩᠭᠠᠷ） ᠰᠤᠳᠤᠯᠤᠯ 》 ᠨᠣᠮᠢ ᠰᠢᠷᠢᠰ ᠠᠵᠢᠯᠯᠠᠭᠠ ᠵᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠲᠠᠷᠬᠠᠭᠠᠵᠤ᠂ ᠦᠵᠡᠭᠴᠢ ᠤᠯᠠᠨ ᠳᠠᠭᠠᠨ ᠬᠠᠯᠠᠭᠤᠨ ᠪᠡᠯᠡᠭ ᠪᠤᠯᠭᠠᠨ ᠪᠠᠷᠢᠯᠠ᠃ ᠲᠤᠰ ᠨᠣᠮᠢ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ《ᠵᠠᠩᠭᠠᠷ》 ᠰᠤᠳᠤᠯᠤᠯᠤᠨ ᠲᠥᠪᠤᠨ ᠡᠷᠬᠢᠯᠡᠭᠴᠢ᠂ ᠫᠷᠤᠹᠸᠰᠰᠤᠷ ᠳ·ᠳᠠᠶᠠ ᠬᠢᠭᠡᠳ ᠦᠦᠰᠢᠨ ᠬᠣᠰᠢᠭᠤᠨᠤ ᠠᠬᠠᠮᠠᠳ ᠵᠣᠬᠢᠶᠠᠯᠴᠢ ᠬᠠᠰᠴᠣᠭᠲᠤ ᠲᠤᠭᠤᠷᠪᠢᠵᠠᠢ᠃
2022 ᠣᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯᠤᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠦ ᠰᠤᠳᠤᠷ ᠪᠢᠴᠢᠭᠢ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ ᠰᠤᠳᠤᠯᠬᠤ ᠲᠠᠰᠤᠭ ᠡᠴᠡ ᠦᠦᠰᠢᠨ ᠬᠣᠰᠢᠭᠤᠨᠳᠤ᠂ 《ᠵᠠᠩᠭᠠᠷ》 ᠤ᠋ᠨ ᠠᠮᠠᠨ ᠤᠯᠠᠮᠵᠢᠯᠠᠯᠢ ᠰᠡᠷᠭᠦᠭᠡᠬᠦ ᠰᠠᠨᠠᠭᠠᠴᠢᠯᠠᠭᠠ ᠭᠠᠷᠭᠠᠨ᠂ ᠦᠦᠰᠢᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠪᠠᠢᠭᠤᠯᠭᠠ ᠨᠢᠭᠡᠴᠢᠶᠢ ᠳᠠᠶ᠋ᠢᠴᠢᠯᠠᠵᠤ᠂ ᠪᠣᠳᠠᠲᠠᠢ ᠵᠢᠭᠠᠨ ᠵᠢᠯᠣᠭᠣᠳᠤᠯᠭᠠ ᠬᠢᠭᠰᠡᠨ ᠵᠢᠡᠷ ᠲᠤᠰ ᠬᠣᠰᠢᠭᠤᠨᠤ 《ᠵᠠᠩᠭᠠᠷ》 ᠤ᠋ᠨ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠲᠦᠭᠡᠮᠡᠯᠵᠢᠭᠦᠯᠬᠦ ᠠᠵᠢᠯ ᠢᠳᠡᠭ ᠢᠳᠡᠭ ᠵᠢᠡᠷ ᠭᠦᠨᠵᠡᠭᠡᠢᠷᠡᠵᠦ ᠡᠬᠢᠯᠡᠪᠡ᠃ ᠮᠦᠨ 2022 ᠣᠨᠤ ᠰᠡᠭᠦᠯᠴᠢᠳᠦ᠂ ᠦᠦᠰᠢᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ ᠡᠴᠡ 《ᠵᠠᠩᠭᠠᠷ》 ᠤ᠋ᠨ ᠤᠯᠠ ᠮᠥᠷᠢ ᠮᠦᠷᠳᠡᠨ ᠬᠠᠢᠬᠤ᠂ 《 ᠵᠠᠩᠭᠠᠷ 》 ᠤ᠋ᠨ ᠪᠤᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠴᠢᠶᠢ ᠬᠥᠮᠥᠵᠢᠭᠦᠯᠬᠦ ᠂ 《 ᠵᠠᠩᠭᠠᠷ》 ᠤ᠋ᠨ ᠰᠣᠶᠣᠯᠤᠨ ᠲᠤᠬᠠᠢ ᠮᠡᠳᠡᠭᠡ ᠴᠢᠮᠡᠭᠡ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠠᠵᠢᠯ ᠵᠢᠴᠢ ᠵᠢᠭᠠᠨ ᠰᠤᠷᠭᠠᠯᠲᠠᠶᠢ ᠵᠡᠷᠭᠡ ᠪᠡᠷ ᠠᠬᠢᠭᠤᠯᠬᠤ ᠵᠢᠨ ᠲᠥᠯᠥᠭᠡ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ 《ᠵᠠᠩᠭᠠᠷ》 ᠰᠤᠳᠤᠯᠤᠯᠤᠨ ᠲᠥᠪᠦᠨ ᠡᠷᠬᠢᠯᠡᠭᠴᠢ᠂ ᠫᠷᠤᠹᠸᠰᠰᠤᠷ ᠳ·ᠳᠠᠶᠠ ᠬᠢᠭᠡᠳ ᠦᠦᠰᠢᠨ ᠬᠣᠰᠢᠭᠤᠨᠤ ᠠᠬᠠᠮᠠᠳ ᠵᠣᠬᠢᠶᠠᠯᠴᠢ ᠬᠠᠰᠴᠣᠭᠲᠤᠳᠦ 《ᠵᠠᠩᠭᠠᠷ》 ᠤ᠋ᠨ ᠭᠠᠷ ᠠᠪᠤᠯᠭᠠ ᠵᠢᠨ ᠤᠩᠰᠢᠬᠤ ᠨᠣᠮᠢ ᠨᠠᠢᠷᠠᠭᠤᠯᠬᠤ ᠠᠵᠢᠯᠢ ᠨᠠᠢᠳᠠᠨ ᠲᠠᠭᠠᠭᠠᠯᠭᠠᠵᠠᠢ᠃
ᠵᠠᠩᠭᠠᠷ ᠰᠤᠳᠤᠯᠤᠭᠴᠢᠳᠤᠨ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠨᠤᠮᠤᠨ ᠪᠤᠶᠠᠨᠳᠤᠷ ᠴᠠᠬᠢᠪᠠᠢ
ᠵᠠᠩᠭᠠᠷᠤᠨ ᠲᠤᠬᠠᠢ ᠳᠡᠯᠡᠬᠡᠢ ᠨᠡᠶ᠋ᠢᠲᠡ ᠪᠡᠷ ᠵᠢᠡᠨ ᠰᠤᠳᠤᠯᠵᠦ ᠪᠤᠢ᠃ 《ᠲᠤᠮᠳᠠᠳᠤ ᠤᠯᠤᠰᠤᠨ （ᠵᠠᠩᠭᠠᠷ） ᠰᠤᠳᠤᠯᠤᠯ》 ᠨᠣᠮ ᠪᠣᠯ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠷᠳᠡᠮᠲᠡᠳᠦᠨ ᠰᠤᠳᠤᠯᠭᠠᠨᠤ ᠦᠷᠡ ᠪᠦᠲᠦᠭᠡᠯᠳᠦ ᠰᠠᠭᠤᠷᠢᠯᠠᠵᠤ᠂ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠤᠴᠢᠷ᠂ ᠵᠠᠩᠭᠠᠷᠴᠢ ᠵᠢᠴᠢ 《ᠵᠠᠩᠭᠠᠷ》 ᠤ᠋ᠨ ᠤᠯᠠᠮᠵᠢᠯᠠᠯ᠂ 《ᠵᠠᠩᠭᠠᠷ》 ᠤᠯᠠᠮᠵᠢᠯᠠᠬᠤ ᠳᠢᠭ ᠶᠣᠰᠣ᠌᠂ 《ᠵᠠᠩᠭᠠᠷ》 ᠤ᠋ᠨ ᠪᠠᠷ ᠬᠡᠪᠯᠡᠯ᠂ 《ᠵᠠᠩᠭᠠᠷ》 ᠰᠤᠳᠤᠯᠤᠯᠤᠨ ᠣᠳᠣᠬᠢ ᠬᠠᠨᠳᠤᠰᠢ ᠵᠡᠷᠭᠡ ᠠᠭᠤᠯᠭᠠ ᠨᠤᠭᠤᠳᠢ ᠪᠠᠭᠲᠠᠭᠠᠭᠰᠠᠨ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠬᠠᠷᠠᠭᠠ ᠡᠴᠡ 《 ᠵᠠᠩᠭᠠᠷ》 ᠢ᠋ ᠲᠤᠯᠢᠳᠠᠵᠦ᠂ ᠲᠤᠮᠳᠠᠳᠤ ᠤᠯᠤᠰᠤᠨ 《ᠵᠠᠩᠭᠠᠷ》 ᠰᠤᠳᠤᠯᠭᠠᠨ ᠶᠠᠮᠠᠷ ᠲᠦᠪᠰᠢᠨᠳᠦ ᠬᠦᠷᠴᠦ ᠪᠠᠢᠭᠠ ᠭᠡᠳᠡᠭᠢ ᠬᠠᠷᠠᠭᠤᠯᠤᠨ᠂ ᠭᠣᠣᠯᠳᠠᠭᠤ 《ᠵᠠᠩᠭᠠᠷ》 ᠭᠡᠵᠦ ᠶᠠᠭᠤ ᠪᠣᠯᠬᠤᠶᠢ ᠬᠥᠮᠥᠰᠲᠦ ᠲᠠᠨᠢᠭᠤᠯᠵᠤ᠂ ᠲᠤᠤᠯᠢ 《ᠵᠠᠩᠭᠠᠷ》 ᠤ᠋ᠨ ᠦᠨᠳᠦᠰᠦᠨ ᠮᠡᠳᠡᠯᠭᠡᠶᠢ ᠲᠦᠭᠡᠮᠡᠯᠵᠢᠬᠦᠯᠬᠦ ᠪᠡᠷ ᠵᠣᠷᠢᠯᠭᠠ ᠪᠤᠯᠭᠠᠭᠰᠠᠨ ᠨᠣᠮ ᠪᠣᠯᠬᠤ ᠶᠤᠮ᠃
《ᠭᠡᠰᠡᠷ》᠂ 《ᠵᠠᠩᠭᠠᠷ》᠂ 《ᠮᠠᠨᠠᠰ》 ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠭᠤᠷᠪᠠᠨ ᠶᠡᠬᠡ ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠪᠣᠯᠣᠨᠠ᠂ ᠡᠨᠡ ᠬᠦ᠌ ᠭᠤᠷᠪᠠᠨ ᠲᠤᠤᠯᠢ ᠳᠤᠮᠳᠠᠳᠤ ᠤᠯᠤᠰ ᠲᠤ᠌ ᠲᠤᠢᠯᠤᠨ ᠶᠡᠬᠡ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠲᠠᠢ ᠪᠡᠷ ᠪᠠᠷᠠᠬᠤ ᠦᠭᠡᠢ᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠴᠦ᠍ ᠠᠯᠳᠠᠷᠲᠠᠢ ᠪᠠᠢᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠤ ᠬᠠᠮᠲᠤ ᠶ᠋ᠢᠨ ᠰᠣᠶᠣᠯᠤᠨ ᠥᠪ ᠪᠤᠯᠬᠤ ᠶᠤᠮ᠃ ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠭᠣᠣᠯᠳᠠᠭᠤ ᠰᠢᠳᠤᠷᠭᠤ ᠶᠣᠰᠣ᠌ ᠶ᠋ᠢ ᠮᠠᠨᠳᠤᠭᠤᠯᠬᠤ᠂ ᠭᠡᠷ ᠣᠷᠣᠨ ᠶ᠋ᠢᠡᠨ ᠬᠠᠮᠠᠭᠠᠯᠠᠬᠤ᠂ ᠠᠷᠠᠳ ᠲᠦᠮᠡᠨ ᠳ᠋ᠤ᠌ ᠪᠤᠶᠠᠨ ᠦᠢᠯᠡᠳᠬᠦ ᠬᠠᠮᠲᠤ ᠶ᠋ᠢᠨ ᠭᠣᠣᠯ ᠰᠡᠳᠦᠪᠤᠨ ᠲᠣᠭᠣᠷᠢᠨ ᠳ᠋ᠤ᠌ ᠡᠷᠲᠡᠨᠤ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳᠤᠨ ᠠᠷᠠᠳ ᠲᠦᠮᠡᠨᠤ ᠠᠮᠤᠷ ᠲᠣᠭᠲᠠᠭᠤᠨ ᠡᠶᠡ ᠨᠠᠢᠷᠠᠮᠳᠠᠭᠤ᠂ ᠡᠷᠬᠡ ᠴᠢᠯᠦᠭᠡ ᠳᠠᠢ ᠵᠣᠯ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠤᠨ ᠬᠥᠭᠡᠭᠡᠴᠡᠯᠳᠦᠯᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠳᠠᠭ᠃ ᠲᠡᠶ᠋ᠢᠮᠦ ᠪᠣᠯᠬᠣᠷ᠂ 《ᠵᠠᠩᠭᠠᠷ》 ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤᠶᠢᠨ ᠤᠶᠤᠨ ᠰᠠᠨᠠᠭᠠᠨᠤ ᠭᠡᠷ ᠣᠷᠣᠨᠤ ᠬᠣᠪᠣᠷ ᠨᠠᠨᠳᠢᠨ ᠡᠳ᠋ ᠪᠠᠶᠠᠯᠢᠭ᠋ ᠪᠠᠢᠵᠤ᠂ ᠲᠡᠭᠦᠨᠳᠤ ᠠᠭᠤᠯᠤᠭᠳᠠᠵᠤ ᠪᠦᠬᠦᠢ ᠡᠬᠡ ᠣᠷᠣᠨᠴᠢ ᠦᠵᠡᠯ᠂ ᠰᠢᠳᠤᠷᠭᠤ ᠶᠣᠰᠣ᠌᠂ ᠡᠪ ᠨᠢᠭᠡᠳᠦᠯ ᠵᠡᠷᠭᠡ ᠤᠯᠠᠨ ᠬᠥᠮᠥᠯᠢᠭ ᠨᠠᠨᠳᠢᠨ ᠵᠦᠢᠯᠡᠰ ᠨᠢ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠳᠤ ᠮᠠᠰᠢ ᠦᠭᠭᠦᠭᠡᠵᠢ ᠲᠠᠢ ᠡᠷᠳᠡᠨᠢ ᠪᠣᠯᠵᠤ ᠪᠠᠢᠳᠠᠭ ᠪᠢᠯᠡ᠃