ᠦᠩᠭᠡᠶᠢᠨ ᠴᠡᠴᠡᠭᠡᠰ ᠣᠯᠠᠷᠢᠯ ᠶ᠋ᠢᠡᠨ ᠲᠠᠭᠠᠵᠦ ᠭᠣᠨᠲᠠᠵᠦ ᠭᠠᠩᠬᠣᠬᠣ ᠳ᠋ᠦ ᠣᠷᠠᠨ ᠵᠣᠬᠢᠶᠠᠯᠤᠨ 《ᠦᠨᠢᠷ ᠴᠡᠴᠡᠭ》 ᠲᠡᠯᠡᠬᠡᠢᠶᠢᠨ ᠴᠢᠮᠡᠭᠡ ᠴᠢᠩᠨᠠᠬᠰᠠᠨ ᠭᠠᠬᠴᠠᠭᠠᠷᠲᠠᠯ ᠦᠭᠡᠢ ᠦᠨᠢᠷ ᠲᠡᠯᠭᠡᠷ ᠬᠠᠷᠠᠭᠠ ᠪᠡᠷ᠂ ᠲᠡᠯᠭᠡᠷᠡᠬᠦᠶᠢᠨ ᠬᠦᠰᠡᠯ ᠡᠪᠦᠷᠯᠡᠭᠰᠡᠨ ᠭᠠᠩᠲᠠᠯ ᠦᠭᠡᠢ ᠴᠡᠴᠡᠭᠤᠨ ᠠᠩᠬᠢᠯᠣᠮᠠ ᠠᠭᠠᠷ ᠲᠦ᠍ ᠤᠨ ᠤᠨᠤ ᠦᠩᠭᠡ ᠪᠣᠲᠣᠬ ᠪᠣᠯᠣᠨ ᠰᠠᠷᠠ ᠰᠠᠷᠠᠶᠢᠨ ᠦᠨᠦᠷ ᠠᠮᠲᠠ ᠪᠡᠷ ᠣᠩᠰᠢᠬᠴᠢ ᠵᠣᠬᠢᠶᠠᠯᠴᠢᠳᠤᠨ ᠶ᠋ᠢᠡᠨ ᠠᠯᠠᠭᠠᠨ ᠳ᠋ᠦ ᠴᠡᠴᠡᠭᠯᠡᠨ ᠣᠷᠭᠣᠬᠰᠠᠭᠠᠷ ᠦᠨᠦᠲᠦᠷ ᠪᠣᠯᠪᠠ᠃
11 ᠰᠠᠷᠠᠶᠢᠨ 25ᠤ᠋ ᠡᠳᠦᠷ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ 70 ᠵᠢᠯᠤᠨ ᠣᠢᠶᠢᠨ ᠶᠠᠷᠢᠯᠴᠠᠬᠣ ᠬᠣᠷᠠᠯ ᠬᠦᠬᠡᠬᠣᠲᠠ ᠳ᠋ᠦ ᠶᠠᠪᠣᠬᠲᠠᠪᠠ᠃ ᠶᠠᠷᠢᠯᠴᠠᠬᠣ ᠬᠣᠷᠠᠯ ᠳ᠋ᠦ ᠲᠣᠮᠲᠠᠲᠣ ᠣᠯᠣᠰᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠤᠨ ᠬᠠᠮᠢᠶᠠ ᠪᠦᠬᠦᠢ ᠣᠲᠣᠷᠢᠲᠣᠯᠭᠠ ᠪᠣᠯᠣᠨ ᠣᠷᠣᠨᠤ ᠲᠣᠲᠣᠨᠠ ᠭᠠᠲᠠᠨᠠᠬᠢ ᠶᠡᠬᠡ ᠲᠡᠭᠡᠲᠦ ᠰᠣᠷᠭᠠᠭᠣᠯᠢᠶᠢᠨ ᠡᠷᠳᠡᠮᠲᠡᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠲᠡᠨ᠂ ᠵᠣᠬᠢᠶᠠᠯᠴᠢ ᠰᠢᠬᠦᠮᠵᠢᠯᠡᠭᠴᠢᠳᠤᠨ ᠲᠦᠯᠦᠭᠡᠯᠡᠭᠴᠢ ᠪᠣᠯᠣᠨ ᠠᠬᠠ ᠲᠡᠬᠦᠦ ᠰᠡᠳᠬᠦᠯᠤᠨ ᠲᠦᠯᠦᠭᠡᠯᠡᠭᠴᠢ ᠵᠢᠴᠢ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠳ᠋ᠦ ᠠᠵᠢᠯᠯᠠᠵᠦ ᠦᠩᠭᠡᠷᠡᠭᠰᠡᠨ ᠠᠬᠠᠮᠠᠳ ᠨᠠᠢᠷᠠᠭᠣᠯᠣᠬᠴᠢ ᠨᠢᠭᠡ ᠲᠣᠣᠷᠠ ᠬᠣᠷᠠᠨ ᠴᠣᠬᠯᠠᠷᠠᠵᠦ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠯᠣᠭᠡ ᠦᠶᠡᠷᠭᠡᠨ ᠲᠠᠨᠢᠯᠴᠠᠵᠦ᠂ ᠦᠵᠦᠭ ᠬᠣᠷᠴᠠᠯᠠᠨ ᠦᠰᠦᠭ ᠬᠡᠯᠬᠢᠵᠦ ᠣᠶᠠᠩᠭᠠ ᠪᠦᠲᠦᠭᠡᠵᠦ ᠢᠷᠡᠭᠰᠡᠨ ᠣᠯᠠ ᠮᠦᠷ ᠶ᠋ᠢᠡᠨ ᠡᠷᠬᠢᠴᠡᠬᠦᠯᠵᠦ᠂ ᠣᠷᠠᠨ ᠵᠣᠬᠢᠶᠠᠯᠤᠨ ᠣᠷᠲᠣᠶᠢᠨ ᠦᠵᠦᠬᠦᠷᠡ ᠬᠦᠨᠤ ᠢᠷᠣᠭᠠᠷᠠ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠦᠷᠬᠦᠯᠵᠢᠯᠡᠨ ᠦᠭᠡᠶᠢᠨ ᠬᠦᠴᠦᠲᠡᠢ᠂ ᠦᠬᠦᠯᠡᠪᠦᠷᠢᠶᠢᠨ ᠬᠦᠨᠳᠦᠲᠡᠢᠶᠢ ᠬᠠᠷᠠᠭᠣᠯᠣᠨ ᠣᠷᠠᠨ ᠵᠣᠬᠢᠶᠠᠯᠤᠨ ᠠᠭᠣᠲᠠᠮ ᠲᠠᠯᠠ ᠳ᠋ᠦ ᠦᠨᠢᠲᠡ ᠲᠡᠯᠭᠡᠷᠡᠬᠦᠶᠢ ᠨᠢ ᠬᠦᠰᠡᠨ ᠵᠦᠩᠨᠡᠭᠰᠡᠨ ᠪᠠᠢᠨᠠ᠃
70 ᠵᠢᠯ᠂ ᠲᠡᠦᠬᠡᠶᠢᠨ ᠣᠷᠲᠣ ᠠᠶᠠᠨ ᠳ᠋ᠦ ᠬᠢᠯᠠᠰ ᠬᠣᠷᠣᠮ ᠲᠡᠳᠦᠢ ᠴᠦ᠍ ᠲᠠᠶᠠᠭᠠᠷ ᠣᠯᠠᠨᠤ ᠣᠶᠣᠨᠤ ᠲᠡᠵᠢᠭᠡᠯ ᠪᠣᠯᠣᠬᠰᠠᠨ《ᠦᠨᠢᠷ ᠴᠡᠴᠡᠭ》ᠰᠡᠳᠬᠦᠯ ᠳ᠋ᠦ ᠠᠪᠴᠣ ᠬᠡᠯᠡᠪᠡᠯ᠂ ᠦᠩᠭᠡ ᠲᠡᠬᠦᠯᠲᠡᠷ ᠦᠨᠦᠷ ᠠᠩᠬᠢᠯᠣᠭᠣᠨ ᠦᠯᠡᠮᠵᠢ ᠠᠮᠵᠢᠯᠲᠠ ᠲᠠᠢ ᠭᠡᠷᠡᠯ ᠰᠠᠴᠣᠷᠠᠩᠭᠣᠢ ᠵᠠᠮᠨᠠᠯ ᠪᠣᠯᠬᠣ ᠶᠣᠮ᠃ 70 ᠵᠢᠯᠤᠨ ᠲᠣᠷᠰᠢᠲᠡ《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ᠂ ᠦᠪ ᠰᠣᠶᠣᠯᠤᠨ ᠰᠢᠮᠡᠲᠦ ᠬᠦᠷᠦᠰᠦ ᠳ᠋ᠦ ᠦᠨᠳᠦᠰᠦ ᠬᠦᠨ ᠬᠠᠳᠬᠣᠵᠦ᠂ ᠪᠣᠮᠠᠨ ᠤᠨᠤ ᠪᠢᠯᠢᠭᠤᠨ ᠰᠠᠩ ᠶ᠋ᠢᠡᠷ ᠦᠭᠬᠢᠶᠡᠮᠦᠷ ᠲᠡᠵᠢᠭᠡᠯ ᠶ᠋ᠢᠡᠨ ᠪᠣᠯᠭᠠᠵᠦ᠂ ᠡᠨᠡᠷᠢᠯᠲᠦ ᠨᠠᠮᠤᠨ ᠬᠠᠢᠷᠠ ᠬᠠᠯᠠᠮᠵᠢᠶᠢᠨ ᠢᠯᠴᠢ ᠲᠣᠯᠠᠭᠠᠨᠢ ᠬᠦᠷᠲᠡᠨ᠂ ᠡᠷᠢᠨ ᠴᠠᠬᠤᠨ ᠬᠦᠭ ᠠᠶᠠᠰᠤᠨ ᠢᠲᠡᠷᠬᠡᠭ ᠰᠦᠯᠲᠡᠶᠢ ᠰᠢᠬᠦᠲᠡᠷᠢᠯᠡᠵᠦ᠂ ᠬᠠᠪᠣᠷ᠂ ᠵᠣᠨ᠂ ᠨᠠᠮᠣᠷ᠂ ᠡᠪᠦᠯ ᠭᠡᠵᠦ ᠣᠯᠠᠷᠢᠯ ᠢᠯᠭᠠᠯ ᠦᠭᠡᠢ᠂ ᠬᠠᠯᠠᠭᠣᠨ᠂ ᠲᠣᠯᠠᠭᠠᠨ᠂ ᠴᠢᠬᠢᠭ᠂ ᠨᠣᠢᠲᠠᠨ ᠭᠡᠵᠦ ᠨᠦᠬᠦᠴᠡᠯ ᠰᠢᠯᠢᠯ ᠦᠭᠡᠢ ᠪᠠᠲᠠᠷᠠᠨ ᠲᠣᠯᠠᠯᠵᠠᠵᠦ ᠪᠠᠬᠰᠢᠷᠠᠨ ᠲᠡᠯᠭᠡᠷᠡᠭᠡᠳ᠂ ᠠᠮᠢᠯᠠᠯᠤᠨ ᠴᠣᠬ ᠵᠢᠪᠬᠣᠭᠠ ᠲᠠᠢ᠂ ᠠᠰᠢᠲᠠᠶᠢᠨ ᠬᠦᠰᠡᠯ ᠨᠠᠢᠲᠠᠪᠣᠷᠢ ᠲᠠᠢ ᠭᠠᠩᠬᠣᠨ ᠲᠡᠯᠭᠡᠷᠡᠭᠰᠡᠭᠡᠷ ᠢᠷᠡᠵᠡᠢ᠃
《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠬᠤᠷᠢᠶᠠᠡᠭᠭᠤᠢ
《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠦᠨᠳᠦᠰᠦ ᠬᠦᠨ ᠰᠣᠷᠪᠣᠯᠵᠢ ᠪᠠᠲᠣ
— 70 ᠵᠢᠯᠤᠨ ᠲᠣᠷᠰᠢ 《ᠦᠨᠢᠷ ᠴᠡᠴᠡᠭ》 ᠨᠢ ᠨᠠᠮᠤᠨ ᠣᠳᠬᠠ ᠣᠷᠠᠯᠢᠬᠤᠨ ᠴᠢᠭᠯᠡᠯᠲᠡ ᠲᠦᠷᠦᠶᠢᠨ ᠪᠣᠲᠣᠯᠭᠠᠶᠢᠨ ᠵᠢᠯᠣᠭᠣᠲᠣᠯᠭᠠ ᠲᠣᠣᠷᠠ᠂ 《ᠠᠷᠠᠳ ᠲᠦᠮᠡᠨ ᠳ᠋ᠦ ᠦᠢᠯᠡᠴᠢᠯᠡᠬᠦ᠂ ᠨᠡᠢᠭᠡᠮ ᠵᠢᠷᠣᠮ ᠳ᠋ᠦ ᠦᠢᠯᠡᠴᠢᠯᠡᠬᠦ》 ᠴᠢᠭᠯᠡᠯ ᠪᠠ 《ᠦᠩᠭᠡᠶᠢᠨ ᠴᠡᠴᠡᠭᠢ ᠵᠡᠷᠭᠡ ᠪᠡᠷ ᠲᠡᠯᠭᠡᠷᠡᠬᠦᠯᠵᠦ᠂ ᠡᠷᠳᠡᠮᠲᠡᠨ ᠪᠦᠬᠦᠨᠢ ᠴᠢᠯᠦᠭᠡᠲᠡᠢ ᠶᠠᠷᠢᠯᠴᠠᠭᠣᠯᠬᠣ》 ᠴᠢᠭᠯᠡᠯᠲᠡᠶᠢ ᠪᠠᠷᠢᠮᠲᠠᠯᠠᠨ᠂ ᠢᠮᠠᠬᠲᠠ ᠴᠠᠬ ᠦᠶᠡ ᠲᠠᠢ ᠪᠠᠨ ᠵᠡᠷᠭᠡ ᠪᠡᠷ ᠣᠷᠣᠬᠰᠢᠯᠠᠵᠦ᠂ ᠠᠷᠠᠳ ᠲᠦᠮᠡᠨ ᠲᠠᠢ ᠪᠠᠨ ᠰᠡᠳᠬᠢᠯ ᠶ᠋ᠢᠡᠨ ᠨᠢᠭᠡᠳᠴᠦ᠂ ᠠᠷᠠᠳ ᠲᠦᠮᠡᠨᠤ ᠠᠮᠢᠲᠣᠷᠠᠯ ᠲᠡᠮᠡᠴᠡᠯᠢ ᠪᠢᠴᠢᠭᠯᠡᠵᠦ᠂ ᠴᠠᠬ ᠦᠶᠡᠶᠢᠨ ᠵᠤᠷᠢᠬ ᠰᠠᠨᠠᠭᠠᠶᠢ ᠢᠯᠡᠷᠡᠬᠦᠯᠵᠦ᠂ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠨ ᠵᠣᠬᠢᠶᠠᠯᠤᠨ ᠠᠮᠵᠢᠯᠲᠠ ᠪᠦᠲᠦᠮᠵᠢᠶᠢ ᠬᠠᠷᠠᠭᠣᠯᠬᠣ ᠴᠢᠬᠣᠯᠠ ᠭᠡᠭᠡᠪᠴᠢ ᠪᠣᠯᠣᠬᠰᠠᠨ ᠪᠠᠢᠨᠠ ᠭᠡᠵᠦ ᠶᠠᠷᠢᠯᠴᠠᠬᠣ ᠬᠣᠷᠠᠯ ᠳ᠋ᠦ ᠣᠷᠣᠯᠴᠠᠬᠰᠠᠨ ᠠᠷᠪᠠᠨ ᠭᠣᠷᠪᠠᠲᠣᠭᠠᠷ ᠬᠣᠭᠣᠴᠠᠭᠠᠨᠤ ᠪᠦᠬᠦ ᠣᠯᠣᠰᠤᠨ ᠣᠯᠣᠰ ᠲᠦᠷᠦᠶᠢᠨ ᠵᠦᠪᠯᠡᠯᠭᠡᠨᠤ ᠪᠠᠢᠩᠭᠣᠶᠢᠨ ᠭᠡᠰᠢᠬᠦᠨ᠂ ᠲᠣᠮᠲᠠᠲᠣ ᠣᠯᠣᠰᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠤᠨ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ ᠪᠠᠢ ᠭᠸᠩ ᠱᠸᠩ ᠶᠠᠷᠢᠵᠦ ᠪᠠᠢᠯᠠ ᠃
ᠪᠠᠳᠠᠷᠠᠨ ᠲᠡᠯᠭᠡᠷᠡᠭᠡ 《ᠦᠨᠢᠷ ᠴᠡᠴᠡᠭ》
ᠲᠡᠢᠮᠦ ᠡ᠂ 《ᠠᠷᠠᠳ ᠲᠦᠮᠡᠨ ᠳ᠋ᠦ ᠦᠢᠯᠡᠴᠢᠯᠡᠬᠦ᠂ ᠨᠡᠢᠭᠡᠮ ᠵᠢᠷᠣᠮ ᠳ᠋ᠦ ᠦᠢᠯᠡᠴᠢᠯᠡᠬᠦ》 ᠪᠣᠯ 《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠦᠨᠢᠲᠡᠶᠢᠨ ᠪᠠᠷᠢᠮᠲᠠᠯᠠᠯ ᠪᠣᠯᠬᠣ ᠪᠦᠭᠡᠳ ᠦᠨᠦᠲᠦᠷ ᠪᠣᠯᠲᠠᠯᠠ ᠦᠩᠭᠡ ᠢᠯᠭᠠᠷᠠᠨ ᠮᠢᠷᠠᠯᠵᠠᠨ ᠲᠡᠯᠭᠡᠷᠡᠭᠰᠡᠨᠤ ᠬᠢᠨᠢ ᠦᠨᠳᠦᠰᠦ ᠰᠢᠯᠲᠠᠭᠠᠨ ᠪᠠᠢᠵᠦ ᠲᠠᠭᠠᠷᠠᠬᠣ ᠶᠣᠮ᠃ 70 ᠵᠢᠯᠤᠨ ᠡᠮᠦᠨᠡ᠂ ᠬᠡᠪᠯᠡᠯ ᠡᠬᠢᠯᠡᠬᠦ ᠳ᠋ᠣᠭᠠᠷ ᠲᠠᠭᠠᠨ 《ᠠᠵᠢᠯᠴᠢᠳ᠂ ᠲᠠᠷᠢᠶᠠᠴᠢᠳ᠂ ᠮᠠᠯᠴᠢᠳᠤᠨ ᠵᠠᠯᠠᠭᠣ ᠵᠣᠬᠢᠶᠠᠯᠴᠢᠳᠢ ᠪᠦᠯᠬᠦᠮᠲᠡᠬᠦᠯᠦᠨ ᠲᠡᠳᠡᠨᠢ ᠬᠦᠮᠦᠵᠢᠬᠦᠯᠵᠦ᠂ ᠣᠯᠠᠨ ᠲᠦᠮᠡᠨ ᠳ᠋ᠦ ᠬᠢᠯᠪᠡᠷ ᠣᠢᠯᠠᠭᠠᠬᠲᠠᠬᠣ ᠮᠣᠩᠭᠣᠯ ᠬᠡᠯᠡᠨᠤ ᠣᠷᠠᠨ ᠵᠣᠬᠢᠶᠠᠯ ᠶ᠋ᠢᠡᠷ ᠬᠠᠩᠭᠠᠨ᠂ ᠲᠡᠷᠢᠬᠦᠨᠤ ᠦᠨᠳᠦᠰᠦᠲᠡᠨ ᠨᠣᠬᠦᠳᠤᠨ ᠰᠢᠯᠢᠲᠡᠭ ᠣᠷᠠᠨ ᠵᠣᠬᠢᠶᠠᠯᠤᠨ ᠣᠷᠴᠢᠭᠣᠯᠭᠠᠶᠢ ᠴᠦ᠍ ᠨᠡᠢᠲᠡᠯᠡᠬᠦ ᠪᠣᠯᠣᠨᠠ》 ᠭᠡᠮᠡᠨ ᠲᠣᠩᠬᠠᠬᠯᠠᠬᠰᠠᠨ ᠪᠦᠭᠡᠳ ᠡᠬᠦᠨᠢ ᠪᠠᠨ ᠲᠣᠭᠣᠰᠢᠯᠠᠭᠣᠯᠣᠨ ᠦᠢᠯᠡᠲᠦᠯᠭᠡᠵᠢᠬᠦᠯᠬᠦᠶᠢ ᠪᠠᠷᠢᠮᠲᠠᠯᠠᠵᠦ᠂ ᠬᠡᠳᠦ ᠣᠲᠠᠭᠠ ᠨᠡᠷᠡ ᠪᠠᠨ ᠬᠠᠯᠠᠵᠦ᠂ ᠲᠣᠬᠢᠲᠠᠢ ᠠᠯᠪᠠᠨ ᠭᠡᠷ ᠣᠯᠬᠣᠶᠢᠨ ᠲᠣᠰᠠᠲᠠ ᠬᠣᠷᠢ ᠰᠢᠬᠠᠮ ᠣᠲᠠᠭᠠ ᠨᠡᠬᠦᠵᠦ ᠪᠠᠭᠣᠵᠦ ᠶᠠᠪᠣᠬᠰᠠᠨ ᠴᠦ᠍ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠢ ᠴᠡᠴᠡᠭᠯᠡᠬᠦᠯᠦᠨ ᠬᠦᠭᠵᠢᠬᠦᠯᠬᠦ ᠲᠠᠷᠬᠠᠨ ᠬᠠᠷᠢᠭᠣᠴᠠᠯᠭᠠ ᠪᠣᠯᠣᠨ ᠬᠦᠨᠲᠦ ᠡᠬᠦᠷᠭᠡ ᠪᠠᠨ ᠪᠣᠲᠣ ᠴᠡᠭᠡᠵᠢᠯᠡᠵᠦ᠂ ᠨᠠᠮᠤᠨ ᠣᠳᠬᠠ ᠣᠷᠠᠯᠢᠬᠤᠨ ᠴᠢᠭᠯᠡᠯᠲᠡ ᠲᠦᠷᠦᠶᠢᠨ ᠪᠣᠲᠣᠯᠭᠠᠶᠢ ᠣᠬᠠᠭᠣᠯᠬᠣ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠵᠣᠬᠢᠶᠠᠯᠴᠢᠶᠢ ᠬᠦᠮᠦᠵᠢᠬᠦᠯᠦᠨ ᠪᠦᠯᠬᠦᠮᠲᠡᠬᠦᠯᠬᠦ ᠴᠢᠬᠣᠯᠠ ᠰᠠᠭᠣᠷᠢᠨ ᠭᠠᠵᠠᠷ ᠪᠣᠯᠣᠬᠰᠠᠭᠠᠷ ᠢᠷᠡᠵᠡᠢ᠃
70 ᠵᠢᠯᠤᠨ ᠲᠣᠷᠰᠢᠲᠠ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠵᠦᠪ ᠣᠨᠣᠪᠴᠢᠲᠠᠢ ᠣᠯᠣᠰ ᠲᠦᠷᠦᠶᠢᠨ ᠴᠢᠭᠯᠡᠯ ᠪᠠ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠣᠲᠣᠷᠢᠲᠣᠮᠵᠢᠶᠢ ᠪᠠᠷᠢᠮᠲᠠᠯᠠᠵᠦ᠂ ᠦᠷᠭᠡᠨ ᠣᠯᠠᠨ ᠣᠳᠬᠠ ᠣᠷᠠᠯᠢᠬᠤᠨ ᠠᠵᠢᠯᠲᠠᠳᠢ ᠪᠦᠯᠬᠦᠮᠲᠡᠬᠦᠯᠦᠨ ᠲᠠᠢᠴᠢᠯᠠᠵᠦ᠂ ᠦᠪᠦᠷ ᠮᠣᠩᠭᠣᠯᠤᠨ ᠦᠩ ᠰᠢᠮᠡᠯᠢᠭ ᠬᠦᠷᠦᠰᠦᠨ ᠳ᠋ᠦ ᠬᠦᠨ ᠦᠨᠳᠦᠰᠦᠯᠡᠵᠦ᠂ ᠦᠪᠦᠷ ᠮᠣᠩᠭᠣᠯᠤᠨ ᠦᠨᠳᠦᠰᠦᠲᠡᠨ ᠨᠣᠬᠦᠳᠤᠨ ᠠᠷᠠᠳ ᠲᠦᠮᠡᠨᠤ ᠲᠡᠮᠡᠴᠡᠯᠤᠨ ᠲᠡᠦᠬᠡᠨ ᠶᠠᠪᠣᠴᠠ ᠪᠠ ᠰᠠᠢᠨ ᠰᠠᠢᠬᠠᠨ ᠠᠮᠢᠲᠣᠷᠠᠯᠢ ᠮᠠᠬᠲᠠᠨ ᠲᠠᠭᠣᠯᠠᠵᠦ᠂ ᠨᠠ᠊ · ᠰᠠᠢᠨᠴᠣᠬᠲᠣᠶᠢᠨ 《ᠪᠠᠶᠠᠷᠤᠨ ᠲᠠᠭᠣᠯᠠᠯ》᠂ ᠪ·ᠪᠦᠷᠢᠨᠪᠡᠬᠢᠶᠢᠨ 《ᠠᠮᠢᠯᠠᠯᠤᠨ ᠪᠡᠯᠭᠡᠲᠦ ᠴᠡᠴᠡᠭ》᠂ ᠯᠢᠭᠲᠡᠨᠤ 《ᠠᠮᠢᠲᠣᠷᠠᠯᠤᠨ ᠯᠣᠬᠢᠬ》᠂ ᠴᠢ᠊· ᠮᠡᠷᠭᠡᠨᠤ 《ᠭᠣᠯᠢᠶᠠᠶᠢᠨ ᠲᠠᠭᠣᠨ》 ᠁ ᠵᠡᠷᠭᠡ ᠣᠯᠠᠨᠠ ᠠᠯᠲᠠᠷᠰᠢᠬᠰᠠᠨ ᠰᠣᠩᠭᠣᠲᠠᠬ ᠪᠦᠲᠦᠭᠡᠯ ᠤ᠋ᠤᠨ ᠪᠦᠷ 《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠲᠡᠨᠵᠢᠨ ᠳ᠋ᠦ ᠦᠩᠭᠡ ᠪᠠᠲᠠᠷᠠᠨ ᠲᠡᠯᠭᠡᠷᠡᠵᠦ ᠣᠩᠰᠢᠬᠴᠢᠳᠤᠨ ᠲᠠᠭᠠᠰᠢᠶᠠᠯᠢ ᠬᠦᠷᠲᠡᠭᠰᠡᠨ ᠶᠣᠮ᠃ ᠡᠢᠨᠬᠦ ᠬᠡᠳᠦᠨ ᠦᠶᠡᠶᠢᠨ ᠵᠣᠬᠢᠶᠠᠯᠴᠢᠳ《ᠦᠨᠢᠷ ᠴᠡᠴᠡᠭ》 ᠡᠴᠡ ᠣᠷᠠᠨ ᠵᠣᠬᠢᠶᠠᠯᠤᠨ ᠠᠶᠠᠨ ᠳ᠋ᠦ ᠮᠣᠷᠲᠠᠵᠦ᠂ ᠦᠭᠡᠰᠢ ᠢᠷᠠᠭᠣᠬᠠᠨ ᠶ᠋ᠢᠡᠷ ᠴᠣᠬᠴᠠᠯᠠᠨ᠂ ᠦᠭᠡᠶᠢ ᠦᠯᠡᠮᠵᠢ ᠲᠣᠲᠣᠷᠬᠠᠢ ᠲᠦᠷᠰᠦᠯᠡᠨ᠂ ᠴᠢᠨᠠᠷᠢ ᠣᠢ ᠲᠣᠢᠨ ᠳ᠋ᠦ ᠰᠢᠩᠭᠡᠲᠡᠯᠡ ᠦᠵᠡᠬᠦᠯᠦᠭᠰᠡᠨ ᠣᠷᠠᠨ ᠪᠦᠲᠦᠭᠡᠯ ᠤ᠋ᠤᠨ ᠨᠢ ᠡᠨᠲᠡ ᠮᠡᠨᠲᠦᠯᠡᠵᠦ ᠣᠩᠰᠢᠬᠴᠢᠳᠤᠨ ᠬᠠᠷᠠᠭᠠᠶᠢ ᠪᠠᠶᠠᠰᠬᠠᠨ ᠣᠶᠣᠨᠢ ᠣᠮᠲᠠᠯᠠᠵᠦ ᠪᠠᠢᠬᠰᠠᠨ ᠪᠢᠯᠡ᠃ ᠬᠣᠪᠢᠰᠬᠠᠯᠲᠣ ᠣᠷᠠᠨ ᠵᠣᠬᠢᠶᠠᠯ᠂ ᠰᠢᠷᠬᠠ ᠰᠣᠷᠪᠢᠶᠢᠨ ᠣᠷᠠᠨ ᠵᠣᠬᠢᠶᠠᠯ᠂ ᠰᠢᠨᠡ ᠮᠢᠩᠭᠠᠨᠤ ᠣᠷᠠᠨ ᠵᠣᠬᠢᠶᠠᠯ ᠭᠡᠬᠦᠴᠢᠯᠡᠨ ᠣᠲᠣ ᠦᠶᠡᠶᠢᠨ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠪᠦᠬᠦᠢ ᠯᠡ ᠣᠷᠣᠰᠬᠠᠯ ᠪᠦᠯᠦᠭᠤᠨ ᠵᠣᠬᠢᠶᠠᠯᠴᠢᠳᠤᠨ ᠵᠣᠬᠢᠶᠠᠯ ᠪᠦᠲᠦᠭᠡᠯᠢ ᠪᠦᠷ 《ᠦᠨᠢᠷ ᠴᠡᠴᠡᠭ》 ᠡᠴᠡ ᠲᠣᠢᠮᠣᠯᠠᠨ ᠣᠩᠰᠢᠵᠦ ᠪᠣᠯᠲᠠᠬ᠃
1979 ᠤᠨ ᠳ᠋ᠦ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ 《ᠴᠡᠴᠡᠭᠤᠨ ᠬᠣᠷᠠ》 ᠪᠣᠯᠣᠩᠤᠨ ᠰᠠᠭᠣᠷᠢᠨ ᠲᠡᠭᠡᠷᠡ 《ᠲᠡᠯᠡᠬᠡᠢᠶᠢᠨ ᠣᠳᠬᠠ ᠵᠣᠬᠢᠶᠠᠯ》 ᠰᠡᠳᠬᠦᠯᠢ ᠡᠬᠦᠰᠭᠡᠨ ᠡᠷᠬᠢᠯᠡᠵᠦ᠂ ᠭᠠᠲᠠᠭᠠᠲᠣᠶᠢᠨ ᠰᠣᠩᠭᠣᠲᠠᠬ ᠪᠦᠲᠦᠭᠡᠯᠢ ᠣᠷᠴᠢᠭᠣᠯᠣᠨ ᠲᠠᠨᠢᠯᠴᠠᠭᠣᠯᠬᠣ ᠪᠡᠷ ᠭᠣᠣᠯᠲᠠᠯᠭᠠ ᠪᠣᠯᠭᠠᠪᠠ᠃ 1981 ᠤᠨ ᠳ᠋ᠦ《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ ᠣᠨᠣᠯ ᠰᠢᠬᠦᠮᠵᠢ ᠪᠣᠯᠣᠩ ᠡᠴᠡ ᠬᠦᠭᠵᠢᠵᠦ ᠰᠠᠯᠪᠣᠷᠢᠯᠠᠬᠰᠠᠨ 《ᠠᠯᠲᠠᠨ ᠲᠦᠯᠬᠢᠬᠦᠷ》 ᠰᠡᠳᠬᠦᠯ ᠬᠡᠪᠯᠡᠯ ᠡᠬᠢᠯᠡᠵᠦ᠂ ᠮᠣᠩᠭᠣᠯ ᠬᠡᠯᠡᠨᠤ ᠣᠷᠠᠨ ᠵᠣᠬᠢᠶᠠᠯᠤᠨ ᠣᠨᠣᠯ ᠰᠢᠬᠦᠮᠵᠢᠶᠢᠨ ᠴᠢᠬᠣᠯᠠ ᠰᠠᠭᠣᠷᠢᠨ ᠪᠣᠯᠵᠠᠢ᠃ 2021 ᠤᠨ ᠳ᠋ᠦ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ ᠬᠣᠷᠢᠶᠠ ᠬᠢᠭᠡᠳ《ᠲᠠᠯᠠ ᠨᠣᠲᠣᠬ》 ᠰᠡᠳᠬᠦᠯᠤᠨ ᠬᠣᠷᠢᠶᠠᠶᠢ ᠨᠡᠢᠯᠡᠬᠦᠯᠣᠨ᠂ ᠦᠪᠦᠷ ᠮᠣᠩᠭᠣᠯᠤᠨ ᠣᠳᠬᠠ ᠵᠣᠬᠢᠶᠠᠯ ᠰᠡᠳᠬᠦᠯᠤᠨ ᠬᠣᠷᠢᠶᠠᠶᠢ ᠪᠠᠢᠭᠣᠯᠵᠣ᠂ 《ᠲᠠᠯᠠ ᠨᠣᠲᠣᠬ》᠂ 《ᠦᠨᠢᠷ ᠴᠡᠴᠡᠭ》᠂ 《ᠲᠡᠯᠡᠬᠡᠢᠶᠢᠨ ᠣᠳᠬᠠ ᠵᠣᠬᠢᠶᠠᠯ》 ᠭᠡᠬᠦ ᠭᠣᠷᠪᠠᠨ ᠰᠡᠳᠬᠦᠯᠢ ᠨᠠᠢᠷᠠᠭᠣᠯᠣᠨ ᠬᠡᠪᠯᠡᠬᠦᠯᠬᠦ ᠪᠣᠯᠪᠠ᠃ ᠴᠠᠬ ᠦᠶᠡ ᠦᠭᠰᠦᠵᠦ ᠬᠣᠪᠢᠷᠠᠬᠰᠠᠨ ᠴᠦ᠍ ᠴᠢᠭᠯᠡᠯ ᠵᠣᠷᠢᠯᠲᠠ ᠬᠡᠵᠢᠶᠡᠲᠡ ᠬᠣᠪᠢᠷᠠᠰᠢ ᠦᠭᠡᠢ᠃ ᠰᠢᠨᠡ ᠴᠠᠬ ᠦᠶᠡ ᠳ᠋ᠦ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ 《ᠴᠠᠭᠠᠰᠣᠨ ᠰᠡᠳᠬᠦᠯ + ᠲᠣᠭᠠᠴᠢᠯᠠᠬᠰᠠᠨ ᠵᠠᠭᠣᠴᠢᠯᠠᠭᠣᠷ》 ᠲᠠᠮᠵᠢᠭᠣᠯᠭᠠᠶᠢᠨ ᠬᠡᠯᠪᠡᠷᠢ ᠪᠡᠷ ᠲᠣᠮᠲᠠᠲᠣ ᠣᠯᠣᠰᠤᠨ ᠴᠦᠭᠡᠨ ᠲᠣᠭᠠᠲᠣ ᠦᠨᠳᠦᠰᠦᠲᠡᠨᠤ ᠣᠷᠠᠨ ᠵᠣᠬᠢᠶᠠᠯᠤᠨ ᠦᠢᠯᠡᠰᠤᠨ ᠴᠡᠴᠡᠭᠯᠡᠨ ᠬᠦᠭᠵᠢᠬᠦᠶᠢ ᠠᠬᠢᠭᠣᠯᠵᠦ᠂ ᠦᠨᠳᠦᠰᠦᠲᠡᠨ ᠨᠣᠬᠦᠳᠤᠨ ᠶᠠᠪᠣᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠣᠰᠣᠯᠴᠠᠯᠢ ᠠᠬᠢᠭᠣᠯᠬᠣ᠂ ᠲᠣᠮᠲᠠᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠣᠶᠢᠨ ᠴᠣᠬᠴᠠᠶᠢᠨ ᠣᠬᠠᠮᠰᠠᠷᠢ ᠪᠠᠲᠣ ᠴᠣᠬᠴᠠᠯᠠᠬᠣ᠂ ᠲᠣᠮᠲᠠᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠣᠶᠢᠨ ᠣᠶᠣᠨ ᠰᠠᠨᠠᠭᠠᠨᠤ ᠭᠡᠷ ᠣᠷᠣᠨᠢ ᠪᠠᠢᠭᠣᠯᠬᠣ ᠳ᠋ᠦ ᠢᠲᠡᠪᠬᠢᠲᠡᠢ ᠬᠣᠪᠢ ᠨᠡᠮᠡᠷᠢ ᠦᠵᠡᠬᠦᠯᠵᠦ᠂ 《ᠠᠨᠠᠷᠤᠨ ᠦᠷᠡ》᠂ 《ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠬ ᠰᠠᠨᠠᠭᠠ》 ᠵᠡᠷᠭᠡ ᠲᠣᠰᠬᠠᠢ ᠪᠣᠯᠣᠩ ᠨᠡᠭᠡᠭᠡᠵᠦ ᠴᠠᠬ ᠦᠶᠡᠶᠢᠨ ᠬᠦᠭ ᠠᠶᠠᠰ ᠲᠦ᠍ ᠨᠡᠢᠴᠡᠭᠰᠡᠨ ᠵᠣᠬᠢᠶᠠᠯ ᠪᠦᠲᠦᠭᠡᠯᠢ ᠨᠡᠢᠲᠡᠯᠡᠬᠦᠶᠢᠨ ᠲᠠᠭᠠᠣ ᠵᠠᠯᠠᠭᠣ ᠵᠣᠬᠢᠶᠠᠬᠴᠢᠳᠤᠨ ᠦᠰᠦᠨ ᠪᠣᠢᠵᠢᠯᠲᠠ ᠳ᠋ᠦ ᠠᠩᠬᠠᠷᠣᠯ ᠬᠠᠨᠲᠣᠭᠣᠯᠣᠬᠰᠠᠨ《ᠣᠷᠠᠨ ᠵᠣᠬᠢᠶᠠᠯᠤᠨ ᠠᠬᠣᠢ ᠲᠠᠯᠠᠪᠠᠢ》᠂《ᠦᠷᠤᠨ ᠴᠣᠯᠮᠣᠨ》᠂ 《ᠵᠠᠯᠠᠭᠣᠴᠣᠳᠤᠨ ᠮᠠᠷᠱ》 ᠵᠡᠷᠭᠡ ᠣᠨᠴᠠᠯᠢᠬᠲᠣ ᠪᠣᠯᠣᠩᠢ ᠲᠦᠰᠦᠪᠯᠡᠵᠦ᠂ ᠭᠣᠣᠯᠲᠠᠯᠭᠠ ᠲᠠᠢ ᠵᠣᠬᠢᠶᠠᠯᠴᠢᠳᠤᠨ ᠡᠬᠡ ᠪᠢᠴᠢᠭ ᠵᠠᠰᠠᠬᠣ ᠪᠣᠯᠪᠠᠰᠣᠷᠠᠯᠤᠨ ᠠᠩᠬᠢ᠂ ᠵᠣᠬᠢᠶᠠᠯ ᠪᠦᠲᠦᠭᠡᠯᠤᠨ ᠰᠣᠲᠣᠯᠣᠨ ᠶᠠᠷᠢᠯᠴᠠᠬᠣ ᠬᠣᠷᠠᠯ ᠵᠡᠷᠭᠡ ᠰᠢᠷᠢᠰ ᠠᠵᠢᠯᠯᠠᠭᠠᠶᠢ ᠪᠠᠢᠩᠭᠣᠶᠢᠨ ᠴᠢᠨᠠᠷᠲᠠᠢ ᠡᠷᠬᠢᠯᠡᠵᠦ᠂ ᠲᠦᠷᠪᠡᠨ ᠵᠢᠯ ᠲᠠᠷᠠᠭᠠᠯᠠᠨ ᠲᠣᠮᠲᠠᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠣᠶᠢᠨ ᠴᠣᠬᠴᠠᠶᠢᠨ ᠣᠬᠠᠮᠰᠠᠷᠢ ᠪᠠᠲᠣ ᠴᠣᠬᠴᠠᠯᠠᠬᠣ ᠭᠣᠣᠯᠲᠠᠯᠭᠠ ᠲᠠᠢ ᠵᠣᠬᠢᠶᠠᠯᠴᠢᠶᠢᠨ ᠡᠬᠡ ᠪᠢᠴᠢᠭ ᠵᠠᠰᠠᠬᠣ ᠠᠩᠬᠢ ᠪᠠ 《ᠦᠨᠳᠦᠰᠦᠨ ᠱᠠᠲᠣᠨᠤ ᠡᠬᠡ ᠪᠢᠴᠢᠭ ᠵᠠᠰᠠᠬᠣ ᠠᠩᠬᠢ》 ᠵᠡᠷᠭᠡᠶᠢ ᠡᠷᠬᠢᠯᠡᠵᠦ᠂ ᠭᠣᠷᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠵᠠᠯᠠᠭᠣ ᠵᠣᠬᠢᠶᠠᠯᠴᠢᠳᠤᠨ ᠲᠣᠰᠬᠠᠢ ᠳ᠋ᠣᠭᠠᠷ ᠭᠠᠷᠭᠠᠵᠦ᠂ ᠣᠮᠠᠷᠠᠲᠣ ᠬᠢᠯᠢᠶᠢᠨ ᠰᠣᠶᠣᠯᠤᠨ ᠪᠦᠲᠦᠭᠡᠨ ᠪᠠᠢᠭᠣᠯᠣᠯᠲᠠ ᠳ᠋ᠦ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠨ ᠪᠠᠢᠨᠠ᠃
《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠦᠩᠭᠡ ᠲᠡᠬᠦᠯᠲᠡᠷ ᠦᠵᠡᠮᠵᠢ ᠭᠣᠶᠣᠬᠠᠨ
— ᠪᠢ ᠲᠡᠭᠡᠷᠡ ᠵᠠᠭᠣᠨᠤ ᠲᠠᠯᠠᠭᠠᠳ ᠤᠨ ᠳ᠋ᠦ 《ᠦᠨᠢᠷ ᠴᠡᠴᠡᠭ》 ᠲᠠᠢ ᠲᠠᠨᠢᠯᠴᠠᠬᠰᠠᠨ ᠶᠣᠮ᠃ ᠡᠬᠢᠯᠡᠭᠡᠳ 《ᠦᠨᠢᠷ ᠴᠡᠴᠡᠭ》 ᠭᠡᠰᠡᠨ ᠨᠡᠷᠡᠶᠢ ᠨᠢ ᠬᠦᠷᠲᠡᠯᠡ 《ᠰᠠᠢᠬᠠᠨ ᠦᠨᠦᠷ ᠲᠠᠢ ᠴᠡᠴᠡᠭ》 ᠭᠡᠮᠡᠨ ᠣᠢᠯᠠᠭᠠᠵᠦ ᠪᠠᠢᠯᠠ᠃ ᠠ᠊ · ᠣᠳᠼᠠᠷ ᠪᠠᠬᠰᠢᠶᠢᠨ 《ᠨᠠᠨᠳᠢᠨ ᠪᠡᠯᠡᠭ》 ᠭᠡᠬᠦ ᠵᠣᠬᠢᠶᠠᠯ ᠨᠠᠲᠠᠲᠣ ᠬᠦᠨ ᠰᠠᠭᠣᠬᠲᠠᠯ ᠦᠯᠡᠲᠡᠭᠡᠭᠰᠡᠨ᠃ ᠲᠡᠭᠡᠭᠡᠳ ᠵᠣᠬᠢᠶᠠᠯ ᠣᠩᠰᠢᠵᠦ ᠪᠠᠢᠬᠰᠠᠨ ᠡᠴᠡ ᠪᠠᠨ ᠪᠢᠴᠢᠪᠡᠯ ᠶᠠᠮᠠᠷ ᠪᠣᠢ ᠭᠡᠬᠦ ᠪᠣᠲᠣᠯ ᠣᠷᠭᠣᠬᠰᠠᠨ᠃ ᠲᠡᠷᠡ ᠦᠶᠡ ᠳ᠋ᠦ ᠡᠬᠡ ᠪᠢᠴᠢᠭ ᠢᠯᠡᠭᠡᠬᠦ ᠳ᠋ᠦ ᠲᠣᠬᠲᠣᠢᠶᠢᠨ ᠨᠢᠭᠡ ᠦᠨᠴᠦᠭᠢ ᠬᠠᠢᠴᠢᠯᠠᠭᠠᠳ ᠲᠣᠣᠷᠠ ᠨᠢ ᠡᠬᠡ ᠪᠢᠴᠢᠭ ᠭᠡᠵᠦ ᠪᠢᠴᠢᠪᠡᠯ ᠵᠣᠭᠣᠰ ᠠᠪᠲᠠᠬ ᠦᠭᠡᠢ ᠪᠢᠯᠡ᠃ ᠲᠡᠭᠡᠵᠦ ᠪᠠᠢᠲᠠᠯᠠ ᠮᠢᠨᠦ 《ᠲᠦᠷᠪᠡᠨ ᠴᠠᠬ》 ᠭᠡᠬᠦ ᠰᠢᠯᠦᠭ 1980 ᠤᠨ ᠳ᠋ᠦ 《ᠦᠨᠢᠷ ᠴᠡᠴᠡᠭ》 ᠲᠦ᠍ ᠨᠡᠢᠲᠡᠯᠡᠭᠲᠡᠵᠦ᠂ ᠣᠲᠠᠯ ᠦᠭᠡᠢ ᠪᠠᠰᠠ 《ᠬᠠᠢᠷᠠ ᠰᠡᠳᠬᠢᠯᠤᠨ ᠬᠦᠪᠦᠷᠡᠯ》 ᠭᠡᠬᠦ ᠰᠢᠯᠦᠭ ᠨᠡᠢᠲᠡᠯᠡᠭᠲᠡᠪᠡ᠃ ᠨᠡᠢᠲᠡᠯᠡᠭᠰᠡᠨ ᠵᠣᠬᠢᠶᠠᠯᠶ᠋ᠢᠡᠨ ᠬᠠᠷᠠᠭᠠᠳ ᠪᠠᠶᠠᠷᠯᠠᠬᠰᠠᠨᠢ ᠴᠣᠬᠣᠮ ᠶᠠᠭᠣᠨ ᠬᠡᠯᠡᠬᠦ ᠠᠵᠢ？ ᠬᠡᠳᠦᠨ ᠬᠣᠨᠣᠬ ᠶ᠋ᠢᠡᠷ ᠲᠣᠬᠲᠣᠯᠣᠬᠰᠠᠨ ᠰᠡᠳᠬᠢᠯ ᠶ᠋ᠢᠡᠨ ᠲᠠᠷᠣᠵᠦ ᠴᠢᠲᠠᠬᠣ ᠦᠭᠡᠢ᠂ ᠬᠣᠶᠠᠷ ᠭᠠᠷ ᠴᠡᠴᠡᠷᠡᠲᠡᠭ ᠪᠠᠢᠯᠠ᠃ ᠲᠡᠭᠡᠭᠡᠳ ᠡᠨᠡᠬᠦ ᠬᠡᠪᠤᠨ ᠪᠣᠰᠣ ᠪᠠᠢᠲᠠᠯ ᠶ᠋ᠢᠡᠨ ᠪᠣᠰᠣᠳ ᠲᠦ᠍ ᠮᠡᠳᠡᠭᠲᠡᠬᠦ ᠦᠭᠡᠢ ᠭᠡᠮᠡᠨ ᠰᠣᠷᠭᠠᠭᠣᠯᠢᠶᠢᠨ ᠬᠦᠷᠢᠶᠡᠨᠤ ᠮᠣᠲᠣᠨ ᠲᠣᠮᠲᠠ ᠣᠴᠢᠵᠦ ᠡᠯᠢᠭᠡ ᠲᠦᠷᠦᠬᠦᠯᠡᠨ ᠬᠡᠪᠲᠡᠭᠡᠳ ᠰᠡᠳᠬᠦᠯᠤᠨ ᠬᠠᠭᠣᠲᠠᠰᠣᠶᠢ ᠵᠦᠪ ᠲᠠᠯᠠ ᠡᠴᠡ ᠨᠢ ᠬᠠᠷᠠᠵᠦ ᠣᠩᠰᠢᠭᠠᠳ ᠬᠠᠨᠣᠬᠰᠠᠨ ᠦᠭᠡᠢ ᠪᠠᠰᠠ ᠲᠡᠭᠡᠭᠰᠢ ᠬᠠᠷᠠᠵᠦ ᠬᠡᠪᠲᠡᠭᠡᠳ ᠨᠠᠷᠠᠨᠤ ᠲᠣᠣᠷᠠ ᠪᠣᠷᠣᠭᠣ ᠲᠠᠯᠠ ᠡᠴᠡ ᠨᠢ ᠣᠩᠰᠢᠵᠦ ᠴᠦ᠍ ᠦᠵᠡᠭᠰᠡᠨ ᠭᠡᠵᠦ ᠪᠠᠷᠠᠭᠣᠨ ᠬᠣᠢᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠶᠡᠬᠡ ᠰᠣᠷᠭᠠᠭᠣᠯᠢᠶᠢᠨ ᠫᠷᠣᠹᠸᠰᠰᠣᠷ ᠴᠡᠪᠰᠢᠭ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠳ᠋ᠦ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠨᠡᠢᠲᠡᠯᠡᠬᠦᠯᠵᠦ ᠪᠠᠢᠬᠰᠠᠨ ᠦᠩᠭᠡᠷᠡᠯᠲᠡ ᠪᠡᠨ ᠡᠷᠬᠢᠴᠡᠬᠦᠯᠦᠨ ᠲᠣᠷᠠᠳᠬᠠᠨᠠ᠃
1978 ᠤᠨ ᠤ᠋ 4 ᠳ᠋ᠤᠭᠡᠷ ᠬᠤᠭᠤᠴᠠᠭᠠ ᠵᠢᠨ 《ᠦᠨᠢᠷ ᠴᠡᠴᠡᠭ》 ᠪᠤᠯᠤᠨ 1957 ᠤᠨᠤ ᠪᠦᠬᠦ ᠤᠷᠤᠨᠤ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠳᠤᠨ ᠪᠤᠯᠪᠠᠰᠤᠷᠠᠯ ᠤ᠋ᠨ ᠠᠡᠭᠭᠢ ᠵᠢᠨ ᠰᠤᠷᠤᠯᠭᠠᠳᠠᠳ
《ᠦᠨᠢᠷ ᠴᠡᠴᠡᠭ》 ᠦᠬᠦᠯᠡᠯᠭᠡ᠂ ᠨᠠᠢᠷᠠᠭᠣᠯᠣᠯ᠂ ᠰᠢᠯᠦᠭ᠂ ᠰᠢᠬᠦᠮᠵᠢ ᠁ ᠭᠡᠵᠦ ᠦᠩᠭᠡ ᠮᠢᠷᠠᠯᠵᠠᠨ ᠢᠯᠭᠠᠷᠠᠲᠠᠬ᠃ ᠬᠡᠷᠪᠡ ᠬᠡᠭᠡᠷᠡᠶᠢᠨ ᠴᠡᠴᠡᠭᠡᠰ ᠲᠦ᠍ ᠠᠯᠠᠬ ᠡᠷᠪᠡᠬᠡᠢ᠂ ᠠᠵᠢᠯᠴᠢ ᠵᠦᠭᠡᠢ ᠲᠠᠲᠠᠬᠲᠠᠨ ᠡᠷᠬᠢᠯᠲᠦᠲᠡᠭ ᠭᠡᠲᠡᠭ ᠶᠣᠮ ᠪᠣᠯ ᠣᠳᠬᠠᠶᠢᠨ ᠴᠢᠮᠡᠭ ᠪᠣᠯᠣᠬᠰᠠᠨ 《ᠦᠨᠢᠷ ᠴᠡᠴᠡᠭ》 ᠨᠢ ᠦᠶᠡ ᠦᠶᠡᠶᠢᠨ ᠣᠷᠠᠨ ᠵᠣᠬᠢᠶᠠᠯ ᠳ᠋ᠦ ᠬᠠᠢᠷᠠᠲᠠᠢ ᠬᠦᠮᠦᠰᠤᠨ ᠲᠣᠷᠠ ᠪᠠᠬᠠᠶᠢ ᠲᠠᠲᠠᠵᠦ᠂ ᠴᠢᠨᠠᠬᠰᠢᠯᠠᠨ ᠣᠩᠰᠢᠬᠴᠢ ᠡᠴᠡ ᠪᠠᠨ ᠵᠣᠬᠢᠶᠠᠬᠴᠢ ᠪᠣᠯᠭᠠᠨ ᠬᠦᠮᠦᠵᠢᠬᠦᠯᠦᠭᠰᠡᠨ ᠶᠣᠮ᠃
ᠵᠣᠬᠢᠬᠣ ᠣᠳᠬᠠ ᠡᠴᠡ ᠬᠡᠯᠡᠪᠡᠯ᠂ 《ᠦᠨᠢᠷ ᠴᠡᠴᠡᠭ》 ᠲᠠᠢ ᠬᠣᠯᠪᠣᠭᠠ ᠦᠭᠡᠢ ᠣᠷᠠᠨ ᠪᠦᠲᠦᠭᠡᠯᠴᠢ᠂ ᠣᠩᠰᠢᠬᠴᠢ ᠭᠡᠮᠡᠨ ᠠᠯᠠᠭᠠ᠃ ᠰᠢᠨᠡ ᠲᠣᠮᠲᠠᠲᠣ ᠣᠯᠣᠰᠤᠨ ᠬᠠᠮᠣᠬᠤᠨ ᠡᠷᠳᠡ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠴᠦᠬᠡᠨ ᠲᠣᠭᠠᠲᠣ ᠦᠨᠳᠦᠰᠦᠲᠡᠨᠤ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭᠤᠨ ᠣᠷᠠᠨ ᠵᠣᠬᠢᠶᠠᠯᠤᠨ ᠰᠡᠳᠬᠦᠯ ᠪᠣᠯᠣᠬᠰᠠᠨᠤ ᠬᠣᠪᠢ ᠳ᠋ᠦ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠨᠢ ᠣᠩᠰᠢᠲᠠᠬ᠂ ᠪᠢᠴᠢᠲᠡᠭ ᠬᠦᠮᠦᠰᠤᠨ ᠣᠷᠣᠢᠶᠢᠨ ᠴᠢᠮᠡᠭ᠂ ᠣᠷᠠᠨ ᠵᠣᠬᠢᠶᠠᠯᠤᠨ ᠲᠣᠯᠠᠭᠠᠨ ᠦᠯᠦᠭᠡᠢ ᠪᠣᠯᠣᠬᠰᠠᠭᠠᠷ ᠢᠷᠡᠭᠰᠡᠨ ᠶᠣᠮ᠃ 1957 ᠤᠨ ᠳ᠋ᠦ ᠡᠷᠬᠢᠯᠡᠭᠰᠡᠨ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ ᠠᠩᠬᠠᠲᠣᠭᠠᠷ ᠬᠣᠭᠣᠴᠠᠭᠠᠨᠤ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠰᠣᠷᠣᠯᠴᠠᠬᠣ ᠠᠩᠬᠢ ᠡᠴᠡ ᠣᠲᠣ ᠪᠣᠯᠲᠠᠯᠠ ᠨᠡᠢᠲᠡ 50 ᠭᠠᠷᠣᠢ ᠣᠲᠠᠭᠠᠶᠢᠨ ᠡᠯᠡ ᠲᠦᠷᠦᠯᠤᠨ ᠰᠣᠷᠣᠯᠴᠠᠬᠣ ᠠᠩᠬᠢ᠂ ᠪᠢᠯᠢᠭᠤᠨ ᠴᠣᠬᠯᠠᠭᠠᠨ ᠪᠣᠯᠣᠨ ᠡᠬᠡ ᠪᠢᠴᠢᠭ ᠨᠠᠢᠷᠠᠭᠤᠯᠬᠤ ᠠᠩᠬᠢ ᠵᠡᠷᠭᠡᠶᠢ ᠡᠷᠬᠢᠯᠡᠵᠦ᠂ 3000 ᠭᠠᠷᠣᠢ ᠬᠦᠮᠦᠨ ᠪᠣᠯᠪᠠᠰᠣᠷᠠᠯ ᠳ᠋ᠦ ᠣᠷᠣᠯᠴᠠᠵᠦ᠂ ᠣᠯᠠᠩᠬᠢ ᠨᠢ ᠪᠦᠷ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠭᠣᠣᠯᠯᠠᠬᠴᠢ ᠬᠦᠴᠦᠨ ᠪᠣᠯᠵᠦ ᠦᠰᠦᠨ ᠪᠣᠢᠵᠢᠬᠰᠠᠨ ᠪᠢᠯᠡ᠃
ᠣᠷᠠᠨ ᠵᠣᠬᠢᠶᠠᠯᠤᠨ ᠬᠣᠷᠠ ᠰᠢᠮᠡ ᠪᠡᠷ ᠦᠰᠴᠦ ᠣᠷᠭᠣᠬᠰᠠᠨ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠦᠨᠦᠲᠦᠷ ᠠᠭᠣᠯᠠ ᠲᠠᠯᠠᠶᠢ ᠪᠦᠷᠬᠦᠲᠡᠯᠡ ᠭᠠᠩᠬᠣᠨ ᠲᠡᠯᠭᠡᠷᠡᠵᠦ᠂ ᠣᠲᠣᠳ ᠬᠢᠯᠠᠯᠵᠠᠵᠦ ᠴᠡᠴᠡᠭᠡᠰ ᠠᠯᠠᠬᠯᠠᠬᠰᠠᠨ ᠬᠠᠭᠣᠲᠠᠰᠣ ᠪᠦᠬᠦᠨ ᠳ᠋ᠡᠭᠡᠨ ᠣᠳᠬᠠᠶᠢᠨ ᠭᠡᠭᠡ ᠰᠠᠴᠣᠷᠠᠭᠣᠯᠵᠦ᠂ ᠣᠲᠣ ᠦᠶᠡᠶᠢᠨ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠬᠡᠳᠦᠨ ᠦᠶᠡᠶᠢᠨ ᠬᠢᠨᠢ ᠪᠦᠪᠡᠢᠯᠡᠨ ᠦᠯᠦᠭᠡᠢᠲᠡᠵᠦ᠂ ᠵᠣᠬᠢᠶᠠᠯᠴᠢ ᠰᠢᠯᠦᠭᠴᠢ ᠪᠣᠯᠬᠣ ᠮᠦᠷᠦᠭᠡᠲᠦᠯ ᠶ᠋ᠢᠡᠨ ᠪᠡᠶᠡᠯᠡᠬᠦᠯᠬᠦ ᠳ᠋ᠣᠨᠢ ᠬᠦᠴᠦᠨ ᠶ᠋ᠢᠡᠨ ᠡᠷᠬᠦᠵᠦ᠂ ᠭᠡᠷᠡᠯᠲᠦ ᠬᠠᠭᠣᠲᠠᠰᠣᠨ ᠳ᠋ᠠᠭᠠᠨ ᠨᠡᠢᠲᠡᠯᠡᠭᠰᠡᠨ ᠭᠡᠭᠡᠨ ᠮᠦᠷ ᠪᠠᠲᠠᠬ ᠲᠠᠢ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠶ᠋ᠢᠡᠷ ᠶ᠋ᠢᠡᠨ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠣᠷᠠᠶᠢᠨ ᠰᠠᠩ ᠳ᠋ᠦ ᠦᠨᠡ ᠲᠠᠢ ᠴᠡᠨᠡ ᠲᠠᠢ ᠦᠪ ᠦᠯᠡᠲᠡᠭᠡᠵᠡᠢ᠃ 70 ᠵᠢᠯᠤᠨ ᠲᠣᠷᠰᠢ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠲᠠᠷ ᠬᠠᠷᠢᠬᠣ ᠦᠭᠡᠢ᠂ ᠲᠠᠮᠢᠷ ᠰᠣᠯᠠᠷᠠᠬᠣ ᠦᠭᠡᠢ᠂ ᠬᠦᠯ ᠠᠯᠲᠠᠬᠣ ᠦᠭᠡᠢ᠂ ᠬᠦᠭ ᠠᠨᠲᠠᠬᠣ ᠦᠭᠡᠢ ᠣᠷᠣᠬᠰᠢ ᠵᠢᠳᠬᠦᠵᠦ᠂ ᠣᠲᠣᠬᠠᠨ ᠪᠣᠯᠲᠠᠯᠠ ᠨᠡᠢᠲᠡ 4000 ᠭᠠᠷᠣᠢ ᠵᠣᠬᠢᠶᠠᠯᠴᠢᠶᠢᠨ 20000 ᠭᠠᠷᠣᠢ ᠣᠷᠠᠨ ᠪᠦᠲᠦᠭᠡᠯ ᠬᠢᠭᠡᠳ 3000 ᠭᠠᠷᠣᠢ ᠬᠣᠪᠢ ᠣᠷᠠᠨ ᠵᠢᠷᠣᠬ ᠪᠣᠯᠣᠨ ᠭᠡᠷᠡᠯ ᠵᠢᠷᠣᠬᠢ ᠨᠡᠢᠲᠡᠯᠡᠵᠠᠢ᠃ ᠶᠠᠭᠣᠲᠠᠢ ᠪᠠᠶᠠᠷ᠂ ᠶᠠᠮᠠᠷ ᠶᠡᠬᠡ ᠵᠠᠪᠰᠢᠶᠠᠨ ᠠᠵᠢ⁈
《ᠦᠨᠢᠷ ᠴᠡᠴᠡᠭ》ᠰᠡᠳᠬᠦᠯ ᠪᠣᠯ ᠵᠦᠪᠬᠡᠨ ᠵᠣᠬᠢᠶᠠᠯ ᠨᠡᠢᠲᠡᠯᠡᠬᠦ ᠲᠠᠪᠴᠠᠩ ᠲᠡᠳᠦᠢ ᠪᠢᠰᠢ᠂ ᠨᠡᠩ ᠴᠦ᠍ ᠵᠣᠬᠢᠶᠠᠯᠴᠢᠳ ᠨᠠᠢᠷᠠᠭᠣᠯᠣᠬᠴᠢᠳᠤᠨ ᠲᠣᠷᠭᠠᠨ ᠦᠯᠦᠭᠡᠢ ᠮᠦᠷᠲᠡᠭᠡᠨ ᠰᠣᠶᠣᠯ ᠣᠷᠠᠯᠢᠬᠤᠨ ᠠᠯᠲᠠᠨ ᠬᠦᠬᠦᠷᠭᠡ ᠪᠣᠯᠬᠣ ᠶᠣᠮ᠃ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠡᠴᠡ ᠨᠠᠭᠠᠰᠢ ᠰᠡᠳᠬᠦᠯ ᠨᠢ ᠲᠣᠯᠰᠲ᠋ᠣᠢ᠂ ᠫᠦᠱᠺᠢᠨ᠂ ᠴᠸᠬᠣᠸ᠂ ᠭᠣᠷᠺᠢ ᠵᠡᠷᠭᠡ ᠭᠠᠲᠠᠭᠠᠲᠣᠶᠢᠨ ᠵᠣᠬᠢᠶᠠᠯᠴᠢᠳᠤᠨ ᠰᠣᠩᠭᠣᠲᠠᠬ ᠪᠦᠲᠦᠭᠡᠯ ᠬᠢᠭᠡᠳ 《ᠰᠢᠯᠦᠭᠯᠡᠯᠲᠦ ᠨᠣᠮ》᠂ ᠲᠠᠩᠤᠨ ᠰᠢᠯᠦᠭ᠂ ᠰᠦᠩᠤᠨ ᠲᠠᠭᠣᠯᠠᠯ ᠵᠢᠴᠢ ᠮᠣᠣ ᠳ᠋ᠦᠨ᠂ ᠬᠦᠸᠸ ᠮᠦᠸᠸ ᠿᠦᠸᠸ᠂ ᠯᠣᠣ ᠱᠸ᠂ ᠠᠢ ᠴᠢᠩ᠂ ᠮᠦᠸᠸ ᠶᠠᠨ ᠵᠡᠷᠭᠡ ᠨᠡᠷᠡᠲᠦ ᠵᠣᠬᠢᠶᠠᠯᠴᠢᠳᠤᠨ ᠪᠦᠲᠦᠭᠡᠯᠢ ᠣᠷᠴᠢᠭᠣᠯᠣᠨ ᠨᠡᠢᠲᠡᠯᠡᠵᠦ᠂ ᠣᠷᠠᠨ ᠵᠣᠬᠢᠶᠠᠯᠤᠨ ᠬᠠᠷᠢᠯᠴᠠᠭᠠ ᠰᠣᠯᠢᠯᠴᠠᠭᠠᠶᠢ ᠠᠬᠢᠭᠣᠯᠵᠦ᠂ ᠣᠩᠰᠢᠬᠴᠢᠳᠤᠨ ᠬᠠᠷᠠᠭᠠᠰᠣᠶᠢ ᠲᠡᠯᠡᠪᠡ᠃ ᠡᠬᠦᠨᠤ ᠬᠠᠮᠲᠣ ᠨᠡᠭᠡᠭᠡᠯᠲᠡᠲᠡᠢ ᠪᠠᠬᠲᠠᠭᠠᠮᠵᠢᠲᠠᠢ ᠲᠦᠷᠢ ᠪᠠᠢᠲᠠᠯ ᠶ᠋ᠢᠡᠷ ᠰᠣᠶᠣᠯᠤᠨ ᠬᠦᠬᠦᠷᠭᠡᠶᠢᠨ ᠦᠢᠯᠡᠲᠦᠯ ᠶ᠋ᠢᠡᠨ ᠪᠠᠲᠠᠷᠠᠭᠣᠯᠵᠦ ᠰᠡᠳᠬᠦᠯ ᠳ᠋ᠦ ᠨᠡᠢᠲᠡᠯᠡᠭᠰᠡᠨ ᠰᠢᠯᠢᠲᠡᠭ ᠪᠦᠲᠦᠭᠡᠯ ᠶ᠋ᠢᠡᠨ ᠬᠢᠲᠡᠳ ᠶ᠋ᠢᠡᠷ ᠣᠷᠴᠢᠭᠣᠯᠵᠦ᠂ 《ᠠᠷᠠᠳᠤᠨ ᠣᠳᠬᠠ ᠵᠣᠬᠢᠶᠠᠯ》᠂ 《ᠦᠨᠳᠦᠰᠦᠲᠡᠨᠤ ᠣᠳᠬᠠ ᠵᠣᠬᠢᠶᠠᠯ》᠂ 《ᠠᠷᠪᠠᠲᠣᠭᠠᠷ ᠰᠠᠷᠠ》 ᠵᠡᠷᠭᠡ ᠰᠡᠳᠬᠦᠯ ᠳ᠋ᠦ ᠨᠡᠢᠲᠡᠯᠡᠵᠦ᠂ ᠲᠡᠷᠡᠴᠢᠯᠡᠨ ᠣᠯᠠᠨ ᠣᠯᠣᠰᠤᠨ ᠲᠠᠷᠬᠠᠭᠠᠯᠲᠠ ᠪᠡᠷ ᠲᠠᠮᠵᠢᠨ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠨ ᠵᠣᠬᠢᠶᠠᠯᠢ ᠲᠡᠯᠡᠬᠡᠢ ᠳ᠋ᠡᠬᠢᠨ ᠳ᠋ᠦ ᠬᠠᠨᠲᠣᠭᠣᠯᠵᠦ᠂ ᠣᠯᠠᠨ ᠦᠨᠳᠦᠰᠦᠲᠡᠨᠤ ᠣᠳᠬᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠬᠠᠮᠲᠣ ᠪᠡᠷ ᠴᠡᠴᠡᠭᠯᠡᠨ ᠬᠦᠭᠵᠢᠬᠦᠶᠢ ᠠᠬᠢᠭᠣᠯᠣᠬᠰᠠᠨ ᠪᠠᠢᠨᠠ᠃
《ᠦᠨᠢᠷ ᠴᠡᠴᠡᠭ》 ᠤ᠋ᠨ ᠦᠨᠦᠷ ᠠᠩᠬᠢᠯᠣᠭᠣᠨ ᠦᠢᠯᠡᠰ ᠰᠠᠷᠠᠭᠣᠯ
— ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯ ᠦᠭᠡᠲᠡᠯᠡᠨ ᠮᠠᠨᠲᠣᠵᠦ᠂ ᠵᠣᠬᠢᠶᠠᠯᠴᠢᠳᠤᠨ ᠢᠲᠡᠷᠬᠡᠭ ᠬᠦᠴᠦᠨ᠂ ᠲᠠᠢᠴᠢᠨ ᠠᠷᠮᠢ ᠪᠦᠷᠢᠯᠲᠦᠨ ᠪᠣᠵᠠᠭᠠᠢᠷᠠᠬᠣ ᠳ᠋ᠦ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠯᠣᠲᠣ ᠶᠡᠬᠡ ᠦᠢᠯᠡᠲᠦᠯ ᠦᠵᠡᠬᠦᠯᠦᠭᠰᠡᠨ ᠶᠣᠮ᠃ ᠬᠡᠲᠦᠨ ᠦᠶᠡᠶᠢᠨ ᠮᠣᠩᠭᠣᠯ ᠵᠣᠬᠢᠶᠠᠯᠴᠢᠳ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠲᠠᠢ ᠪᠠᠨ ᠬᠠᠮᠲᠣ ᠪᠡᠷ ᠦᠰᠦᠨ ᠪᠣᠢᠵᠢᠵᠦ᠂ 《ᠦᠨᠢᠷ ᠴᠡᠴᠡᠭ》 ᠭᠡᠬᠦ ᠡᠨᠡᠬᠦ ᠲᠠᠷᠬᠠᠨ ᠦᠯᠦᠭᠡᠢ ᠳ᠋ᠦ ᠮᠠᠨᠴᠣᠢᠯᠠᠬᠲᠠᠨ ᠪᠠᠢᠵᠦ᠂ ᠮᠣᠩᠭᠣᠯ ᠣᠳᠬᠠ ᠵᠣᠬᠢᠶᠠᠯᠤᠨ ᠲᠠᠪᠴᠠᠩ ᠳ᠋ᠦ ᠲᠣᠲᠣᠷᠠᠬᠰᠠᠨ ᠶᠣᠮ᠃ ᠲᠡᠭᠡᠬᠦ ᠳ᠋ᠡᠭᠡᠨ 《ᠦᠨᠢᠷ ᠴᠡᠴᠡᠭ》 ᠪᠣᠯ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠦᠨᠳᠦᠷᠴᠡᠶᠢ ᠲᠦᠯᠦᠭᠡᠯᠡᠬᠦ ᠪᠡᠯᠭᠡ ᠲᠡᠮᠲᠡᠭ᠂ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠲᠠᠭᠠᠭᠣᠯᠣᠬᠴᠢ ᠪᠣᠯᠣᠨᠠ ᠭᠡᠮᠡᠨ ᠦᠪᠦᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠣᠷᠭᠠᠭᠣᠯᠢᠶᠢᠨ ᠫᠷᠣᠹᠸᠰᠰᠣᠷ ᠬᠠᠢᠷᠬᠠᠨ ᠦᠨᠳᠦᠷ ᠦᠨᠡᠯᠡᠵᠦ ᠪᠠᠢᠯᠠ᠃
ᠶᠠᠷᠢᠯᠴᠠᠬᠤ ᠬᠤᠷᠠᠯ ᠤ᠋ᠨ ᠠᠬᠤᠢ ᠲᠠᠯᠠᠪᠠᠢ
ᠡᠨᠡ ᠴᠦ᠍ ᠣᠷᠣ ᠲᠠᠢ ᠦᠭᠡ ᠡ᠃ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠨ ᠵᠣᠬᠢᠶᠠᠯᠴᠢᠳᠤᠨ ᠭᠠᠷᠬᠣ ᠶᠣᠰᠣᠲᠠᠢ 《ᠦᠨᠳᠦᠷᠯᠢᠭ》᠂ ᠨᠠᠮᠠᠨᠴᠢᠯᠠᠬᠣ ᠶᠣᠰᠣᠲᠠᠢ 《ᠰᠢᠲᠦᠭᠡᠨ》 ᠪᠣᠯ 《ᠦᠨᠢᠷ ᠴᠡᠴᠡᠭ》 ᠪᠣᠯᠬᠣ ᠶᠣᠮ᠃ 70 ᠵᠢᠯᠤᠨ ᠲᠣᠷᠰᠢ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠮᠣᠩᠭᠣᠯ ᠣᠷᠠᠨ ᠵᠣᠬᠢᠶᠠᠯᠤᠨ ᠲᠣᠬᠴᠢ ᠬᠣᠰᠢᠭᠣᠴᠢ ᠪᠣᠯᠵᠦ᠂ ᠣᠳᠬᠠᠶᠢᠨ ᠨᠣᠶᠠᠨ ᠲᠠᠪᠠᠭᠠ ᠵᠣᠷᠢᠬᠰᠠᠨ ᠦᠶᠠ ᠦᠶᠡᠶᠢᠨ ᠵᠣᠬᠢᠶᠠᠯᠴᠢ᠂ ᠨᠠᠢᠷᠠᠭᠣᠯᠣᠬᠴᠢᠶᠢᠨ ᠬᠦᠲᠡᠯᠮᠦᠷᠢ ᠵᠢᠳᠬᠦᠯ ᠶ᠋ᠢᠡᠷ ᠴᠠᠬ ᠦᠶᠡᠶᠢᠨ ᠵᠣᠷᠢᠬ ᠰᠠᠨᠠᠭᠠᠶᠢ ᠣᠩᠰᠢᠬᠴᠢ ᠲᠦᠮᠡᠨ ᠳ᠋ᠡᠭᠡᠨ ᠰᠣᠨᠣᠷᠲᠠᠭᠣᠯᠵᠦ᠂ ᠰᠢᠨᠡ ᠦᠵᠡᠯ ᠣᠬᠠᠮᠰᠠᠷ ᠶ᠋ᠢᠡᠷ ᠣᠩᠰᠢᠬᠴᠢ ᠪᠠᠨ ᠵᠡᠪᠰᠡᠭᠯᠡᠵᠦ᠂ ᠨᠠᠮᠤᠨ ᠣᠳᠬᠠ ᠣᠷᠠᠯᠢᠬᠤᠨ ᠴᠢᠭᠯᠡᠯᠲᠡ ᠲᠦᠷᠦᠶᠢᠨ ᠪᠣᠲᠣᠯᠭᠠᠶᠢ ᠲᠣᠭᠣᠰᠢᠯᠠᠭᠣᠯᠣᠨ ᠦᠢᠯᠡᠲᠦᠯᠭᠡᠵᠢᠬᠦᠯᠵᠦ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠲᠡᠯ ᠲᠠᠪᠰᠢᠯᠲᠠᠶᠢᠨ ᠦᠢᠯᠡᠰᠢ ᠠᠬᠢᠭᠣᠯᠵᠦ ᠲᠣᠮᠲᠠᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠣᠶᠢᠨ ᠴᠣᠬᠴᠠᠶᠢᠨ ᠣᠬᠠᠮᠰᠠᠷᠢ ᠪᠠᠲᠣ ᠴᠣᠬᠴᠠᠯᠠᠬᠣ ᠳ᠋ᠦ ᠣᠳᠬᠠ ᠵᠣᠬᠢᠶᠠᠯᠤᠨ ᠬᠦᠴᠦᠨᠢ ᠨᠡᠮᠡᠷᠢᠯᠡᠭᠰᠡᠨ ᠶᠣᠮ᠃ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠳ᠋ᠦ ᠨᠡᠢᠲᠡᠯᠡᠭᠰᠡᠨ ᠰᠣᠲᠣᠨ ᠪᠦᠲᠦᠭᠡᠯ ᠤ᠋ᠤᠨ ᠨᠢ ᠦᠩᠭᠡ ᠢᠯᠭᠠᠷᠠᠨ ᠮᠢᠷᠠᠯᠵᠠᠨ ᠲᠡᠯᠭᠡᠷᠡᠵᠦ᠂ ᠠᠷᠠᠳ ᠤ᠋ᠨ ᠰᠡᠳᠬᠢᠯ ᠳ᠋ᠦ ᠲᠣᠨᠣᠬᠰᠠᠨ ᠠᠮᠢᠲᠣᠷᠠᠯᠤᠨ ᠦᠨᠡᠨᠢ ᠲᠣᠯᠢᠲᠠᠬᠰᠠᠨ 300 ᠭᠠᠷᠣᠢ ᠪᠦᠲᠦᠭᠡᠯ ᠨᠢ ᠣᠷᠢᠳ ᠬᠣᠵᠢᠳ ᠪᠦᠬᠦ ᠣᠯᠣᠰᠤᠨ ᠴᠦᠭᠡᠨ ᠲᠣᠭᠠᠲᠣ ᠦᠨᠳᠦᠰᠦᠲᠡᠨᠤ ᠣᠳᠬᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ 《ᠠᠵᠢᠨᠠᠢ》 ᠱᠠᠩᠨᠠᠯ᠂ ᠦᠪᠦᠷ ᠮᠣᠩᠭᠣᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠣᠶᠣᠨᠤ ᠪᠣᠯᠪᠠᠰᠣᠨᠤ ᠪᠠᠢᠭᠣᠯᠣᠯᠲᠠᠶᠢᠨ 《ᠲᠠᠪᠣᠨ ᠨᠢᠭᠡᠶᠢᠨ ᠢᠨᠵᠸᠨ᠋ᠸᠷᠢᠩ》ᠤ᠋ᠨ ᠱᠠᠩᠨᠠᠯ᠂ ᠦᠪᠦᠷ ᠮᠣᠩᠭᠣᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠣᠳᠬᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠰᠣᠯᠣᠩᠭᠠ ᠱᠠᠩᠨᠠᠯ ᠵᠡᠷᠭᠡᠶᠢ ᠬᠦᠷᠲᠡᠵᠦ᠂ ᠣᠳᠬᠠᠶᠢᠨ ᠭᠡᠭᠡ ᠰᠠᠴᠣᠷᠠᠵᠦ ᠦᠩᠭᠡᠶᠢᠨ ᠴᠡᠴᠡᠭ ᠮᠢᠷᠠᠯᠵᠠᠬᠰᠠᠨ ᠣᠳᠬᠠ ᠵᠣᠬᠢᠶᠠᠯᠤᠨ ᠦᠷᠨᠢᠯ ᠴᠡᠴᠡᠭᠯᠡᠯᠢ ᠠᠬᠢᠭᠤᠯᠪᠠ᠃
《ᠦᠨᠢᠷ ᠴᠡᠴᠡᠭ》 ᠡᠴᠡ ᠪᠡᠬᠡᠶᠢᠨ ᠦᠨᠦᠷ ᠬᠠᠩᠬᠣᠯᠵᠦ᠂ ᠪᠢᠯᠢᠭᠤᠨ ᠬᠣᠷᠠ ᠱᠠᠬᠢᠨᠠ᠃ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠣᠷᠢᠳ ᠬᠣᠵᠢᠳ《ᠰᠦᠯᠲᠡ ᠴᠣᠮᠣ》 ᠲᠣᠭᠣᠵᠢᠶᠢᠨ ᠣᠷᠣᠯᠲᠣᠭᠠᠨ᠂ 《ᠮᠦᠩᠭᠡ ᠲᠡᠭᠷᠢ》 ᠴᠣᠮᠣ ᠰᠢᠯᠦᠭᠤᠨ ᠨᠠᠭᠠᠲᠣᠮ᠂ 《ᠨᠠᠢ᠍ᠮᠠᠨ ᠰᠢᠷᠭᠠ》 ᠨᠡᠷᠡᠮᠵᠢᠲᠦ ᠣᠷᠣᠯᠲᠣᠭᠠᠨ᠂ 《ᠦᠨᠢᠷ ᠴᠡᠴᠡᠭ》 ᠨᠡᠷᠡᠮᠵᠢᠲᠦ ᠣᠷᠠᠨ ᠵᠣᠬᠢᠶᠠᠯᠤᠨ ᠨᠠᠭᠠᠲᠣᠮ ᠵᠡᠷᠭᠡ 50 ᠭᠠᠷᠣᠢ ᠣᠲᠠᠭᠠᠨᠤ ᠣᠷᠠᠨ ᠵᠣᠬᠢᠶᠠᠯᠤᠨ ᠣᠷᠣᠯᠲᠣᠭᠠᠨ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠣᠯᠵᠦ᠂ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠦᠲᠦᠭᠡᠯ 1500 ᠭᠠᠷᠣᠢ ᠪᠡᠷ ᠪᠦᠷᠢᠳᠭᠡᠬᠦᠯᠬᠦ ᠪᠣᠯᠵᠠᠢ᠃ ᠡᠬᠦᠨ ᠳ᠋ᠦ ᠦᠰᠪᠦᠷᠢ ᠵᠠᠯᠠᠭᠣᠴᠣᠳᠤᠨ ᠣᠷᠮᠠᠶᠢ ᠬᠦᠭᠵᠢᠭᠡᠵᠦ᠂ ᠣᠷᠠᠨ ᠵᠣᠬᠢᠶᠠᠯᠤᠨ ᠪᠡᠯᠡᠳᠭᠡᠯ ᠬᠦᠴᠦᠨᠢ ᠬᠦᠮᠦᠵᠢᠬᠦᠯᠬᠦ ᠪᠡᠷ ᠵᠣᠷᠢᠯᠭᠠ ᠪᠣᠯᠭᠠᠬᠰᠠᠨ ᠨᠠᠢ᠍ᠮᠠᠨ ᠮᠣᠵᠢ ᠣᠷᠣᠨᠤ ᠶᠡᠬᠡ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ᠂ ᠲᠣᠮᠲᠠᠲᠣ ᠵᠡᠷᠭᠡᠶᠢᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠣᠷᠭᠠᠭᠣᠯᠢ ᠪᠣᠯᠣᠨ ᠲᠣᠮᠲᠠᠲᠣ ᠰᠣᠷᠭᠠᠭᠣᠯᠢᠶᠢᠨ ᠰᠣᠷᠣᠬᠴᠢᠳᠤᠨ《ᠨᠠᠢ᠍ᠮᠠᠨ ᠰᠢᠷᠭᠠ》 ᠵᠣᠬᠢᠶᠠᠨ ᠪᠢᠴᠢᠯᠭᠡᠶᠢᠨ ᠣᠷᠣᠯᠲᠣᠭᠠᠨᠢ 2002 ᠤᠨ ᠡᠴᠡ ᠡᠬᠢᠯᠡᠨ ᠭᠣᠷᠪᠠᠨ ᠵᠢᠯ ᠳ᠋ᠦ ᠨᠢᠭᠡ ᠣᠲᠠᠭᠠ ᠵᠣᠬᠢᠶᠠᠨ ᠪᠠᠢᠭᠣᠯᠵᠦ᠂ ᠣᠲᠣ ᠪᠣᠯᠲᠠᠯᠠ 6 ᠣᠲᠠᠭᠠ ᠡᠷᠬᠢᠯᠡᠨ ᠶᠠᠪᠣᠬᠲᠠᠭᠣᠯᠵᠦ᠂ 30 ᠲᠦᠮᠡ ᠢᠯᠡᠬᠦᠦ ᠰᠣᠷᠣᠬᠴᠢᠳᠢ ᠲᠠᠢᠴᠢᠯᠠᠨ ᠣᠷᠣᠯᠴᠠᠭᠣᠯᠵᠦ᠂ 2230 ᠭᠠᠷᠣᠢ ᠰᠣᠷᠣᠬᠴᠢᠳ ᠲᠦ᠍ ᠱᠠᠩᠨᠠᠯ ᠣᠯᠭᠣᠵᠦ ᠬᠦᠬᠢᠬᠦᠯᠦᠨ ᠵᠣᠷᠢᠬᠵᠢᠭᠣᠯᠣᠬᠰᠠᠨ ᠪᠠᠢᠨᠠ᠃ ᠡᠳᠡᠭᠡᠷ ᠪᠦᠲᠦᠭᠡᠯ ᠤ᠋ᠤᠨ ᠡᠴᠡ 《ᠬᠣᠯᠣᠨᠴᠠᠶᠢᠨ ᠪᠠᠭᠣᠷᠢ》᠂ 《ᠦᠬᠢᠨ ᠵᠠᠶᠠᠭᠠᠨᠤ ᠲᠣᠣᠯᠢ》 ᠵᠡᠷᠭᠡ ᠪᠦᠲᠦᠭᠡᠯ ᠨᠢ ᠪᠠᠰᠠ ᠮᠣᠩᠭᠣᠯ ᠬᠡᠯᠡ ᠪᠢᠴᠢᠭᠤᠨ ᠰᠣᠷᠬᠣ ᠪᠢᠴᠢᠭ ᠲᠦ᠍ ᠰᠣᠩᠭᠣᠬᠲᠠᠬᠰᠠᠨ ᠪᠢᠯᠡ᠃
《ᠦᠨᠢᠷ ᠴᠡᠴᠡᠭ》 ᠦᠯᠡᠮᠵᠢ ᠠᠮᠵᠢᠯᠲᠠ ᠪᠡᠷ ᠦᠪᠡᠷᠢ ᠪᠠᠨ ᠲᠠᠭᠣᠷᠢᠰᠣᠭᠣᠯᠣᠬᠰᠠᠭᠠᠷ᠃ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ ᠣᠷᠢᠳ ᠬᠣᠵᠢᠳ ᠦᠪᠡᠷᠲᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ 《ᠰᠢᠯᠢᠲᠡᠭ ᠰᠡᠳᠬᠦᠯ》᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠠᠩᠬᠠᠲᠣᠭᠠᠷ ᠣᠲᠠᠭᠠᠨᠤ 《ᠬᠣᠭᠣᠴᠠᠭᠠᠲᠣ ᠰᠡᠳᠬᠦᠯᠤᠨ ᠱᠠᠩᠨᠠᠯ》 （ᠨᠢᠭᠡᠲᠦᠭᠡᠷ ᠲᠡᠰ）᠂ ᠣᠮᠠᠷᠠᠲᠣ ᠣᠷᠣᠨᠤ 《ᠠᠷᠪᠠᠨ ᠰᠣᠲᠣᠨ》 ᠰᠡᠳᠬᠦᠯ᠂ ᠲᠣᠮᠲᠠᠲᠣ ᠣᠯᠣᠰᠤᠨ ᠭᠣᠷᠪᠠᠲᠣᠭᠠᠷ ᠬᠣᠭᠣᠴᠠᠭᠠᠨᠤ ᠰᠡᠳᠬᠦᠯᠤᠨ ᠰᠢᠯᠭᠠᠷᠠᠭᠣᠯᠣᠯᠲᠠᠶᠢᠨ《ᠣᠯᠣᠰᠤᠨ ᠬᠣᠭᠣᠴᠠᠭᠠᠲᠣ ᠰᠡᠳᠬᠦᠯᠤᠨ ᠱᠠᠩᠨᠠᠯ》 ᠤ᠋ᠨ ᠬᠣᠶᠠᠲᠣᠭᠠᠷ ᠲᠡᠰᠤᠨ ᠱᠠᠩᠨᠠᠯ ᠵᠡᠷᠭᠡᠶᠢ ᠬᠦᠷᠲᠡᠵᠦ᠂ ᠦᠩᠭᠡ ᠦᠩᠭᠡᠶᠢᠨ ᠴᠡᠴᠡᠭᠡᠰ ᠲᠣᠮᠲᠠ ᠦᠵᠡᠰᠬᠦᠯᠡᠩ ᠲᠠᠢ ᠴᠢᠮᠡᠭ ᠲᠠᠢ ᠭᠡᠷᠡᠯᠲᠦᠨᠡ᠃
ᠴᠠᠬᠤᠨ ᠬᠢᠯᠢᠶᠢ ᠲᠠᠪᠠᠵᠦ᠂ ᠴᠠᠭᠠᠨ ᠴᠠᠭᠠᠰᠣᠨᠠ ᠪᠡᠬᠡᠨ ᠬᠠᠷᠠ ᠪᠡᠷ ᠴᠣᠬᠣᠷᠯᠠᠨ ᠲᠡᠯᠭᠡᠷᠡᠭᠰᠡᠨ ᠣᠳᠬᠠ ᠵᠣᠬᠢᠶᠠᠯᠤᠨ 《ᠦᠨᠢᠷ ᠴᠡᠴᠡᠭ》 ᠦᠨᠢᠲᠡ ᠴᠡᠯ ᠵᠠᠯᠠᠭᠣᠬᠠᠨ ᠶ᠋ᠢᠡᠷ ᠶ᠋ᠢᠡᠨ ᠴᠡᠴᠡᠭᠯᠡᠬᠦ ᠶᠣᠮ ᠡ᠃