— 《ᠠᠯᠳᠠᠨ ᠵᠤᠤᠵᠠᠢ》 ᠲᠤᠰᠬᠠᠢ ᠬᠡᠪᠯᠡᠯᠤᠨ 2025 ᠤᠨᠤ ᠤᠳᠬᠤᠨᠳᠤᠭᠠᠷᠤᠨ ᠵᠢᠱᠢᠶᠡᠨ ᠲᠡᠭᠡᠷᠡ
ᠬᠠᠷᠢᠭᠤᠴᠠᠭᠰᠠᠨ ᠨᠠᠢᠷᠠᠭᠤᠯᠤᠬᠴᠢ ᠵᠢᠨ ᠦᠭᠡ᠄
2025 ᠤᠨ ᠡᠭᠡᠯ ᠶᠡᠷᠦᠮᠳᠡᠭ ᠠᠳᠠᠯᠠ ᠡᠯᠪᠡᠭ ᠠᠮᠵᠢᠯᠳᠠ ᠲᠠᠢ ᠦᠩᠭᠡᠷᠡᠨ ᠤᠳᠤᠯᠠ᠃ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠤᠨ ᠰᠤᠶᠤᠯᠤᠨ ᠦᠵᠡᠯ ᠰᠠᠨᠠᠭᠠᠨᠤ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ ᠤᠮᠠᠷᠠᠳᠤ ᠬᠢᠯᠢ ᠵᠢᠨ ᠰᠤᠶᠤᠯ ᠢ ᠪᠠᠳᠠᠷᠠᠭᠤᠯᠤᠨ ᠬᠦᠭᠵᠢᠬᠦᠯᠬᠦ 2025 ᠤᠨᠤ ᠠᠶᠠᠨᠳᠠᠭᠠᠨ ᠦᠯᠡᠮᠵᠢ ᠵᠢᠨ ᠪᠦᠲᠦᠮᠵᠢ ᠤᠯᠤᠭᠰᠠᠨ ᠶᠤᠮ ᠃
ᠤᠳᠬᠠ ᠤᠷᠠᠯᠢᠬᠤᠨ ᠬᠦᠩᠭᠡᠨ ᠮᠤᠷᠢᠳᠤ ᠴᠡᠷᠢᠭ ᠤᠯᠠᠭᠠᠨᠮᠦᠢ᠍ᠴᠢᠷ ᠪᠦᠬᠦ ᠤᠯᠤᠰ ᠲᠡᠬᠢ ᠲᠤᠭᠤᠷᠢᠨ ᠲᠤᠭᠯᠠᠯᠳᠠ ᠬᠢᠵᠦ᠂ ᠰᠤᠶᠤᠯᠤᠨ ᠪᠠᠢᠭᠤᠯᠤᠯᠳᠠᠳᠤ ᠦᠪᠡᠷᠤᠨ ᠭᠡᠰᠡᠨ ᠶᠠᠨᠳᠠᠰᠢ ᠦᠭᠡᠢ ᠬᠤᠪᠢ ᠨᠡᠮᠡᠷᠢ ᠪᠡᠨ ᠡᠷᠭᠦᠭᠰᠡᠨ ᠪᠦᠭᠡᠳ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠤᠨ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠤᠯᠠᠭᠠᠨᠮᠦᠢ᠍ᠴᠢᠷ ᠲᠦ᠍ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠷᠡᠭᠦᠯᠦᠭᠰᠡᠨ 8 ᠵᠢᠯᠤᠨ ᠤᠢ ᠪᠠᠨ ᠤᠭᠳᠤᠵᠠᠢ； ᠵᠤᠬᠢᠶᠠᠯᠴᠢ ᠨᠠᠷᠠᠩᠭᠤᠸᠠ ᠵᠢᠨ ᠲᠤᠭᠤᠵᠢᠰᠤᠨ ᠲᠡᠭᠦᠪᠦᠷᠢ 《ᠰᠦᠨᠡᠰᠦᠨ ᠠᠴᠢᠶᠠ ᠲᠠᠢ ᠬᠦᠯᠦᠭ》 ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ ᠤᠯᠤᠰᠤᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨᠤ ᠤᠳᠬᠠ ᠵᠤᠬᠢᠶᠠᠯᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠵᠢᠨ 《ᠠᠵᠢᠨᠠᠢ ᠱᠠᠩᠨᠠᠯ》ᠢ᠋ ᠬᠦᠷᠳᠡᠪᠡ； 《ᠴᠤᠯᠮᠤᠨ》 ᠰᠡᠳᠬᠦᠯ 45 ᠵᠢᠯᠤᠨ ᠤᠢ ᠪᠠᠨ ᠤᠬᠳᠤᠵᠦ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯ 70 ᠵᠢᠯᠤᠨ ᠤᠢ ᠪᠠᠨ ᠪᠡᠯᠭᠡᠯᠡᠪᠡ； ᠦᠵᠡᠰᠬᠦᠯᠡᠩ᠂ ᠦᠵᠡᠬᠦᠯᠭᠡ᠂ ᠲᠤᠭᠯᠠᠯᠳᠠ᠂ ᠦᠳᠡᠰᠢᠯᠡᠭᠡ ᠵᠢᠯ ᠲᠤᠵᠢ ᠶᠠᠪᠤᠭᠳᠠᠵᠦ᠂ ᠰᠢᠨᠠ ᠰᠢᠨᠠ ᠨᠤᠮᠤᠨ ᠠᠩᠬᠠ ᠲᠠᠷᠬᠠᠭᠠᠯᠳᠠ᠂ ᠰᠠᠢᠬᠠᠨ ᠰᠠᠢᠬᠠᠨ ᠺᠢᠨᠣ᠋ ᠵᠢᠨ ᠠᠩᠬᠠ ᠲᠠᠷᠬᠠᠭᠠᠯᠳᠠ ᠡᠷᠬᠢᠯᠡᠭᠳᠡᠨ᠂ ᠤᠷᠤᠰᠬᠠᠯ ᠲᠡᠯᠭᠡᠷᠡᠮᠡᠯ ᠲᠠᠭᠤᠤ ᠤᠷᠠᠯᠢᠬ ᠤᠯᠠᠮᠵᠢᠯᠠᠯᠳᠤ ᠠᠷᠠᠳᠤᠨ ᠲᠠᠭᠤᠤ ᠡᠴᠡ ᠪᠡᠨ ᠡᠬᠢ ᠠᠪᠴᠤ᠂ ᠰᠢᠨᠠ ᠨᠢᠭᠡᠨ ᠤᠷᠠᠯᠢᠬᠤᠨ ᠭᠡᠪ ᠨᠠᠮᠪᠠ ᠵᠢ ᠪᠦᠷᠢᠯᠳᠦᠬᠦᠯᠦᠭᠡᠳ ᠪᠦᠬᠦ ᠤᠯᠤᠰ ᠪᠦᠬᠦ ᠲᠡᠯᠡᠬᠡᠢᠵᠢ ᠲᠤᠩᠰᠤᠯᠭᠠᠪᠠ᠃
2025 ᠤᠨᠳᠤ᠂ 《ᠠᠯᠳᠠᠨ ᠵᠤᠤᠵᠠᠢ》 ᠤᠬ ᠰᠠᠨᠠᠭᠠ ᠪᠠᠨ ᠦᠯᠦ ᠮᠠᠷᠳᠠᠨ᠂ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠤᠨ ᠰᠢᠨᠠ ᠵᠢ ᠡᠬᠦᠳᠦᠭᠰᠡᠨ᠂ ᠰᠢᠨᠠ ᠰᠢᠨᠠ ᠵᠤᠬᠢᠶᠨᠨ ᠪᠦᠲᠦᠭᠡᠯᠭᠡ ᠵᠢᠨ ᠪᠦᠲᠦᠭᠡᠯᠤᠨ ᠠᠯᠳᠠᠭᠠ ᠤᠨᠤᠭᠠ ᠵᠢ ᠦᠨᠡᠯᠡᠨ ᠰᠢᠬᠦᠮᠵᠢᠯᠠᠵᠦ᠂ ᠰᠢᠨᠠ ᠬᠠᠨᠳᠤᠰᠢ᠂ ᠰᠢᠨᠡ ᠭᠡᠪ ᠵᠠᠬᠪᠤᠷᠢ ᠤᠨᠤᠯᠵᠢᠭᠤᠯᠤᠨ᠂ ᠨᠡᠢᠳᠡ 20 ᠬᠤᠭᠤᠴᠠᠭᠠ ᠨᠡᠢᠳᠡᠯᠡᠭᠳᠡᠨ᠂ ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡᠵᠢ ᠤᠳᠤᠷᠢᠳᠤᠨ ᠲᠠᠭᠠᠭᠤᠯᠤᠭᠰᠠᠭᠠᠷ ᠢᠷᠡᠪᠡ᠃
《ᠠᠯᠳᠠᠨ ᠵᠤᠤᠵᠠᠢ》 ᠲᠠᠢ ᠪᠠᠨ ᠬᠠᠮᠳᠤ ᠪᠠᠢᠵᠦ᠂ ᠬᠠᠯᠠᠮᠵᠢᠯᠠᠨ ᠲᠡᠮᠵᠢᠭᠰᠡᠭᠡᠷ ᠢᠷᠡᠭᠰᠡᠨ ᠤᠩᠰᠢᠬᠴᠢᠳ ᠲᠠᠭᠠᠨ ᠴᠢᠩ ᠰᠡᠳᠬᠢᠯᠤᠨ ᠮᠡᠨᠳᠦᠴᠢᠯᠡᠯ ᠲᠡᠪᠰᠢᠬᠦᠯᠵᠦ ᠪᠠᠢᠨᠠ᠃
ᠶᠠᠭᠤ ᠰᠠᠨᠠᠭᠰᠠᠨ ᠶᠢᠰᠦᠨ ᠬᠦᠰᠡᠯ ᠴᠢᠨᠢ ᠪᠡᠶᠡᠯᠡᠭᠳᠡᠬᠦ ᠪᠤᠯᠳᠤᠭᠠᠢ！
《ᠤᠯᠠᠭᠠᠨᠮᠦ᠋ᠴᠢᠷ ᠭᠡᠮᠡᠵᠦ ᠤᠷᠠᠯᠢᠬᠤᠨ ᠨᠢᠭᠡᠨ ᠲᠤᠭ᠂ ᠤᠷᠠᠨ ᠪᠦᠲᠦᠭᠡᠯᠤᠨ ᠤᠤᠭᠠᠨ ᠦᠯᠦᠭᠡᠢ᠃ ᠤᠮᠠᠷᠠᠳᠤ ᠬᠢᠯᠢ ᠵᠢᠨ ᠰᠤᠶᠤᠯᠤᠨ ᠲᠦᠷᠤᠯ ᠲᠡᠮᠳᠡᠭᠢ ᠴᠤᠬᠴᠠᠯᠠᠬᠤᠳᠤ ᠶᠠᠨᠳᠠᠰᠢ ᠦᠭᠡᠢ ᠦᠢᠯᠡᠳᠦᠯ ᠲᠠᠢ᠃》
— 《 ᠠᠯᠳᠠᠨ ᠵᠤᠤᠵᠠᠢ 》 ᠵᠢᠨ ᠦᠨᠡᠯᠡᠯᠳᠡ
《ᠪᠦᠬᠦ᠌ ᠤᠯᠤᠰᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠹᠷᠣᠨᠲᠤᠨ ᠨᠢᠭᠡᠨ ᠲᠤᠭ》 ᠪᠤᠯᠤᠬᠰᠠᠨ ᠤᠯᠠᠭᠠᠨᠮᠦ᠋ᠴᠢᠷ 2025 ᠤᠨᠳᠤ ᠲᠤᠭᠤᠷᠢᠨ ᠲᠤᠭᠯᠠᠯᠳᠠ᠂ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ᠂ ᠰᠢᠨᠡ ᠡᠬᠦᠳᠦᠯᠳᠡ ᠪᠡᠷ ᠵᠢᠡᠨ ᠨᠡᠩᠳᠡ ᠠᠯᠳᠠᠷᠰᠢᠵᠦ᠂ ᠠᠷᠠᠳ ᠲᠦᠮᠡᠨᠤ ᠲᠤᠮᠳᠠ ᠬᠦᠨᠵᠡᠭᠡᠢᠷᠡᠬᠦ᠂ ᠠᠷᠠᠳ ᠲᠦᠮᠡᠨᠳᠤ ᠦᠢᠯᠡᠴᠢᠯᠡᠬᠦ᠂ ᠨᠠᠮ ᠵᠠᠰᠠᠬᠤᠨ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠴᠢᠭᠯᠡᠯᠳᠡ ᠵᠢ ᠤᠬᠠᠭᠤᠯᠬᠤ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠤ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠳᠤ ᠴᠤᠬᠴᠠᠯᠠᠬᠤ ᠵᠡᠷᠭᠡ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠭᠡᠭᠰᠡᠭᠡᠷ ᠢᠷᠡᠭᠰᠡᠨ ᠡᠴᠡ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠤᠨ ᠬᠦᠷᠢᠶᠡᠨᠳᠡᠬᠢ ᠬᠠᠮᠤᠭᠤᠨ ᠬᠠᠯᠠᠮᠰᠢᠯ ᠰᠤᠨᠢᠨ ᠮᠡᠳᠡᠭᠡᠨᠤ ᠪᠡᠶᠡᠴᠢ ᠴᠤᠭᠴᠠ ᠪᠤᠯᠤᠭᠰᠠᠨ ᠨᠢ ᠲᠠᠮᠵᠢᠬ ᠦᠭᠡᠢ᠃
1 ᠰᠠᠷᠠ ᠵᠢᠨ 8ᠤ᠋ ᠡᠳᠦᠷᠤᠨ 《ᠠᠯᠳᠠᠨ ᠵᠤᠤᠵᠠᠢ》 ᠲᠤᠰᠬᠠᠢ ᠭᠡᠪᠯᠡᠯ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠲᠤᠬᠠᠢ ᠰᠢᠭᠦᠮᠵᠢ ᠦᠬᠦᠯᠡᠯ ᠨᠡᠢᠳᠡᠯᠡᠵᠦ᠂ 《ᠤᠯᠠᠭᠠᠨᠮᠦ᠋ᠴᠢᠷ ᠠᠮᠢᠳᠤᠷᠠᠯᠤᠨ ᠱᠢᠮᠡᠳᠦ ᠬᠥᠷᠥᠰᠥᠨᠳᠤ ᠦᠨᠳᠦᠰᠦᠯᠡᠵᠦ᠍᠂ ᠣᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠᠪᠠᠷᠢᠶᠠᠨ ᠰᠣᠶᠣᠯᠤᠨ ᠲᠠᠮᠵᠢᠭᠤᠯᠭᠠᠶ᠋ᠢ ᠠᠬᠢᠭᠤᠯᠪᠠ； ᠤᠭ ᠰᠠᠨᠠᠭᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠠᠲᠤ ᠴᠡᠭᠡᠵᠢᠯᠡᠵᠦ᠍᠂ ᠨᠠᠮᠤᠨ ᠳᠠᠭᠤ ᠬᠤᠭᠤᠯᠠᠢᠶ᠋ᠢ ᠳᠠᠮᠵᠢᠭᠤᠯᠬᠤᠶ᠋ᠢᠨ ᠳᠠᠭᠠᠦ ᠨᠡᠩ ᠣᠯᠠᠨ ᠲᠦᠷᠦᠯᠤᠨ ᠰᠣᠶᠣᠯᠢ ᠣᠯᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠪᠡ； ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠰᠣᠶᠣᠯᠤᠨ ᠠᠴᠢᠶᠠᠯᠠᠭ᠍ᠴᠢ ᠪᠣᠯᠣᠭ᠍ᠰᠠᠨᠤ ᠬᠤᠪᠢᠳᠤ ᠣᠷᠠᠯᠢᠭᠤᠨ ᠦᠢᠯᠡᠳᠦᠯᠭᠡᠪᠠᠷᠢᠶᠠᠨ ᠦᠪᠤᠷ ᠮᠤᠡᠭᠭᠤᠯ ᠤ᠋ᠨ ᠰᠣᠶᠣᠯᠤᠨ ᠬᠦᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠪᠠ》 ᠭᠡᠵᠦ ᠦᠨᠡᠯᠡᠪᠡ᠃
ᠬᠠᠭᠠᠰ ᠵᠠᠭᠤᠨᠤ ᠰᠠᠯᠬᠢ ᠪᠤᠷᠤᠭᠠᠨᠢ ᠦᠩᠭᠡᠷᠡᠬᠦᠯᠦᠭᠰᠡᠨ ᠤᠯᠠᠭᠠᠨᠮᠥ᠋ᠴᠢᠷ 《ᠤᠯᠠᠭᠠᠨᠮᠥ᠋ᠴᠢᠷᠤᠨ ᠵᠤᠷᠢᠭ ᠰᠠᠨᠠᠭᠠ》 ᠵᠢ ᠪᠦᠷᠢᠯᠳᠦᠬᠦᠯᠵᠦ᠂ ᠤᠭ ᠰᠠᠨᠠᠭᠠᠪᠠᠨ ᠦᠢᠯᠡᠳᠦᠯᠭᠡᠵᠢᠬᠦᠯᠵᠦ᠂ ᠠᠷᠠᠳ ᠲᠦᠮᠡᠨ ᠵᠢᠡᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠵᠢᠨ ᠤᠳᠤᠷᠢᠳᠤᠮᠵᠢ ᠵᠢ ᠪᠠᠷᠢᠮᠳᠠᠯᠠᠵᠦ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠤᠨ ᠦᠩ ᠰᠢᠮᠡᠯᠢᠭ ᠬᠦᠷᠦᠰᠦᠨᠳᠤ ᠦᠨᠳᠦᠰᠦᠯᠡᠨ᠂ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠤᠨ ᠭᠠᠢᠬᠠᠮᠰᠢᠬᠢ ᠡᠭᠦᠳᠦᠭᠰᠡᠭᠡᠷ ᠢᠷᠡᠵᠡᠢ᠃ ᠵᠤᠬᠢᠬᠤ ᠨᠢᠭᠡᠨ ᠤᠳᠬᠠ ᠡᠴᠡ ᠬᠡᠯᠡᠪᠡᠯ᠂ ᠤᠯᠠᠭᠠᠨᠮᠥ᠋ᠴᠢᠷ ᠦᠭᠡᠢ ᠪᠡᠷ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠢ ᠶᠠᠷᠢᠬᠤ ᠵᠢᠨ ᠠᠷᠭᠠ ᠦᠭᠡᠢ᠂ ᠰᠤᠶᠤᠯᠤᠨ ᠰᠢᠨᠡ ᠡᠭᠦᠳᠦᠯᠳᠡ ᠵᠢ ᠦᠭᠦᠯᠡᠵᠦ ᠲᠡᠢᠯᠬᠦ ᠦᠭᠡᠢ᠃
2017 ᠤᠨᠤ 11 ᠰᠠᠷᠠ ᠵᠢᠨ 21ᠤ᠋ ᠡᠳᠦᠷ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠰᠢᠬᠦᠳ ᠲᠦ᠍ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠷᠡᠬᠦᠯᠪᠡ᠃ 2025 ᠤᠨ ᠪᠤᠯᠬᠤᠳᠤ ᠨᠢᠭᠡᠨᠳᠡ 8 ᠵᠢᠯᠤᠨ ᠤᠢ ᠪᠤᠯᠪᠠ᠃ 12 ᠰᠠᠷᠠ ᠵᠢᠨ 3ᠤ᠋ ᠡᠳᠦᠷᠤᠨ 《ᠠᠯᠳᠠᠨ ᠵᠤᠤᠵᠠᠢ》 ᠲᠤᠰᠬᠠᠢ ᠭᠡᠪᠯᠡᠯ ᠶᠡᠷᠦᠩᠬᠡᠢ ᠱᠦᠵᠢ ᠵᠢᠨ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠷᠡᠬᠦᠯᠦᠭᠰᠡᠨ 8 ᠵᠢᠯᠤᠨ ᠤᠢ ᠵᠢ ᠪᠡᠯᠭᠡᠯᠡᠭᠰᠡᠨ 《ᠨᠠᠨᠳᠢᠨ ᠲᠤᠷᠠᠳᠬᠠᠯᠤᠨ ᠬᠡᠷᠡᠯ ᠵᠢᠷᠤᠭ ᠪᠤᠶᠤ ᠨᠢᠭᠡ ᠵᠢᠷᠡᠨᠤ ᠲᠤᠤᠯᠢ — 60 ᠵᠢᠯᠤᠨ ᠡᠮᠤᠨᠠ ᠲᠠᠳᠠᠭᠤᠯᠤᠬᠰᠠᠨ ᠨᠢᠭᠡ ᠬᠤᠪᠢ ᠬᠡᠷᠡᠯ ᠵᠢᠷᠤᠭ ᠡᠴᠡ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠵᠤᠷᠢᠭ ᠰᠠᠨᠠᠭᠠ ᠵᠢ ᠬᠠᠷᠠᠬᠤᠢ》 ᠬᠡᠬᠦ ᠰᠢᠬᠦᠮᠵᠢᠦᠬᠦᠯᠡᠯ ᠨᠡᠢᠳᠡᠯᠡᠵᠦ᠂ 1966 ᠤᠨᠳᠤ ᠲᠠᠳᠠᠭᠤᠯᠤᠭᠰᠠᠨ ᠨᠢᠭᠡ ᠬᠤᠪᠢ ᠬᠠᠮᠳᠤ ᠵᠢᠨ ᠰᠡᠭᠦᠳᠡᠷ ᠡᠴᠡ ᠲᠤᠷᠠᠳᠬᠠᠯ ᠬᠦᠪᠦᠷᠡᠬᠦᠯᠵᠦ᠂ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠰᠢᠬᠦᠳ ᠭᠠᠴᠠᠭᠠ ᠲᠤᠰᠬᠤᠨᠳᠤ ᠬᠦᠨᠵᠡᠭᠡᠢᠷᠡᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠲᠠᠢ ᠬᠠᠮᠳᠤ ᠠᠮᠢᠳᠤᠷᠠᠨ ᠦᠢᠯᠡᠳᠪᠦᠷᠢᠯᠡᠵᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠳᠤ ᠦᠢᠯᠡᠴᠢᠯᠡᠵᠦ ᠪᠠᠢᠭᠰᠠᠨ ᠦᠯᠢᠭᠡᠷᠢ ᠡᠷᠬᠢᠴᠡᠬᠦᠯᠪᠡ᠃ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠰᠢᠬᠦᠳ ᠤᠳᠤ ᠴᠦ᠍ ᠭᠡᠰᠡᠨ ᠡᠨᠡ ᠬᠦ᠌ ᠤᠬ ᠰᠠᠨᠠᠭᠠ ᠪᠠᠨ ᠪᠠᠷᠢᠮᠳᠠᠯᠠᠨ ᠦᠢᠯᠡᠳᠦᠯᠭᠡᠵᠢᠬᠦᠯᠦᠭᠰᠡᠭᠡᠷ ᠪᠠᠢᠭᠠ᠃
《ᠬᠠᠯᠠᠮᠰᠢᠯ ᠦᠵᠡᠭᠳᠡᠯ ᠪᠦᠬᠦᠨᠤ ᠠᠬᠤᠢ ᠪᠠᠢᠳᠠᠯᠢ ᠵᠠᠳᠠᠯᠬᠤ᠂ ᠰᠢᠨᠠ ᠵᠢ ᠡᠭᠦᠳᠦᠭᠰᠡᠨ ᠰᠢᠨᠡ ᠪᠦᠲᠦᠭᠡᠯᠤᠨ ᠠᠯᠳᠠᠭᠠ ᠤᠨᠤᠭᠠ ᠵᠢ ᠦᠨᠡᠯᠡᠨ ᠰᠢᠬᠦᠮᠵᠢᠯᠡᠬᠦ᠂ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠬᠦᠷᠳᠡᠭᠰᠡᠨ ᠤᠳᠬᠠ ᠤᠷᠠᠯᠢᠬᠤᠨ ᠪᠦᠲᠦᠭᠡᠯᠤᠨ ᠠᠮᠵᠢᠯᠳᠠ ᠵᠢ ᠲᠡᠯᠭᠡᠷᠡᠬᠦᠯᠬᠦ ᠁ ᠪᠤᠯ〈ᠠᠯᠳᠠᠨ ᠵᠤᠤᠵᠠᠢ〉 ᠵᠢᠨ ᠤᠭ ᠰᠠᠨᠠᠭᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ᠃》
— 《ᠠᠯᠳᠠᠨ ᠵᠤᠤᠵᠠᠢ》 ᠵᠢᠨ ᠵᠤᠷᠢᠭ ᠰᠠᠨᠠᠭᠠ
《ᠢᠵᠠᠭᠤᠷ ᠤᠷᠠᠯᠢᠬᠤᠨ ᠤᠳᠤᠬᠢᠴᠢ ᠬᠤᠪᠢᠰᠤᠯ ᠲᠠᠭᠤᠤ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡᠳᠤ ᠰᠢᠨᠡ ᠠᠮᠢᠵᠢᠷᠠᠯ ᠤᠯᠭᠤᠪᠠ》 （4 ᠰᠠᠷᠠ ᠵᠢᠨ2ᠤ᠋ᠨ 6 ᠳ᠋ᠤᠭᠠᠷ ᠨᠢᠭᠤᠷ） ᠭᠡᠬᠦ ᠰᠢᠬᠦᠮᠵᠢᠳᠤ᠄
— 《ᠨᠠᠢᠷ ᠬᠠᠮᠳᠤᠯᠢᠭ》ᠤ᠋ᠨ ᠲᠠᠭᠤᠯᠠᠬᠰᠠᠨ ᠬᠤᠷᠴᠢᠨ ᠠᠷᠠᠳᠤᠨ ᠲᠠᠭᠤᠤ 《ᠸᠠᠨ ᠯᠢ》 ᠬᠠᠯᠠᠮᠰᠢᠯ ᠪᠤᠯᠵᠦ᠂ ᠦᠳᠡᠯᠦᠭᠰᠡᠨ ᠵᠠᠯᠠᠭᠤ᠂ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠢᠯᠭᠠᠯ ᠦᠭᠡᠢ ᠲᠠᠭᠤᠯᠠᠵᠦ᠂ ᠸᠠᠨ ᠯᠢ ᠵᠢᠨ ᠠᠶᠠ ᠲᠡᠭᠡᠷᠡ ᠨᠠᠬᠢᠯᠵᠠᠨ ᠪᠦᠵᠢᠭᠯᠡᠬᠦ ᠪᠤᠯᠪᠠ᠃ ᠡᠨᠡ ᠨᠢ ᠢᠵᠠᠭᠤᠷ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ᠂ ᠪᠦᠵᠢᠭ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ ᠪᠠ ᠤᠮᠠᠷᠠᠳᠤ ᠬᠢᠯᠢ ᠵᠢᠨ ᠰᠤᠶᠤᠯᠤᠨ ᠬᠦᠭᠵᠢᠯᠳᠡᠳᠤ ᠨᠢᠭᠡᠨ ᠶᠤᠰᠤᠨᠤ ᠰᠢᠨᠠ ᠠᠮᠢᠵᠢᠷᠠᠯ ᠠᠪᠴᠢᠷᠠᠭᠰᠠᠨᠢ ᠤᠮᠳᠤᠭᠠᠢᠯᠠᠵᠦ ᠡᠰᠡ ᠪᠤᠯᠤᠨᠠ ᠭᠡᠵᠦ ᠶᠠᠷᠢᠭᠰᠠᠨ ᠪᠦᠭᠡᠳ 《ᠦᠪᠦᠷ ᠮᠤᠩᠭᠤᠯᠤᠨ ᠲᠠᠭᠤᠤ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ ᠵᠢᠨ ᠲᠡᠦᠭᠡ ᠵᠢ ᠶᠠᠷᠢᠬᠤᠳᠤ ᠠᠷᠠᠳᠤᠨ ᠲᠠᠭᠤᠤ ᠡᠴᠡ ᠰᠠᠯᠵᠦ ᠴᠢᠳᠠᠰᠢ ᠦᠭᠡᠢ᠃ ᠢᠵᠠᠭᠤᠷ ᠤᠷᠠᠯᠢᠬ ᠨᠢ ᠢᠵᠠᠭᠤᠷ ᠤᠷᠠᠯᠢᠬᠤᠨ ᠭᠡᠯᠪᠡᠷᠢ ᠪᠡᠷ ᠵᠢᠡᠨ ᠪᠠᠢᠬᠤ ᠶᠤᠰᠤᠳᠠᠢ — ᠡᠨᠡ ᠪᠤᠯ ᠤᠯᠠᠮᠵᠢᠯᠠᠯ ᠪᠠ ᠬᠠᠮᠠᠭᠠᠯᠠᠯ； ᠢᠵᠠᠭᠤᠷ ᠤᠷᠠᠯᠢᠬ ᠰᠢᠨᠠ ᠴᠠᠭ ᠦᠶᠡ ᠵᠢᠨ ᠬᠦᠯᠢᠶᠡᠨ ᠠᠪᠤᠭᠴᠢ ᠵᠢᠨ ᠲᠤᠷᠠ ᠰᠤᠨᠢᠷᠬᠠᠯ ᠪᠠ ᠰᠢᠨᠠ ᠴᠠᠬ ᠦᠶᠡ ᠵᠢᠨ ᠤᠷᠠᠯᠢᠬᠤᠨ ᠤᠨᠴᠠᠯᠢᠬ ᠲᠦ᠍ ᠵᠤᠬᠢᠴᠠᠬᠤ ᠭᠡᠷᠡᠭᠳᠡᠢ — ᠡᠨᠡ ᠪᠤᠯ ᠬᠦᠭᠵᠢᠯᠳᠡ ᠪᠠ ᠰᠢᠨᠡᠴᠢᠯᠡᠯ᠃ ᠠᠯᠢ ᠠᠯᠢ ᠨᠢ ᠲᠤᠳᠠᠭᠳᠠᠵᠦ ᠡᠰᠡ ᠪᠤᠯᠤᠨᠠ᠃ ᠲᠡᠷᠭᠡᠨᠤ ᠬᠤᠶᠠᠷ ᠬᠦᠷᠳᠦᠨ ᠰᠢᠭ᠃ ᠡᠨᠡ ᠪᠤᠯ ᠲᠠᠷᠤᠢ ᠢᠵᠠᠭᠤᠷ ᠤᠷᠠᠯᠢᠬᠤᠨ ᠤᠳᠤᠬᠢᠴᠢ ᠬᠤᠪᠢᠰᠤᠯ᠃ ᠡᠨᠡ ᠬᠦ᠌ ᠬᠤᠪᠢᠰᠤᠯ ᠨᠢ ᠢᠵᠠᠭᠤᠷ ᠤᠷᠠᠯᠢᠬ ᠲᠦ᠍ ᠰᠢᠨᠠ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠤᠯᠭᠤᠳᠠᠭ》 ᠭᠡᠵᠦ ᠨᠤᠳᠠᠯᠠᠨ ᠦᠬᠦᠯᠡᠪᠡ᠃
《ᠲᠡᠯᠭᠡᠷᠡᠮᠡᠯ ᠰᠤᠶᠤᠯ ᠬᠢᠭᠡᠳ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠠᠭᠤᠰᠤᠯᠴᠠᠯ ᠡᠴᠡ ᠲᠡᠯᠭᠡᠷᠡᠭᠰᠡᠨ ᠨᠢᠭᠡᠨ ᠪᠤᠳᠠ ᠴᠡᠴᠡᠭ — ᠠᠷᠠᠳᠤᠨ ᠲᠠᠭᠤᠤ 〈ᠸᠠᠨ ᠯᠢ〉 ᠵᠢᠨ ᠬᠠᠯᠠᠭᠤᠷᠠᠯᠤᠨ ᠲᠤᠬᠠᠢ ᠤᠴᠢᠷᠯᠠᠬᠤ ᠨᠢ》 （4 ᠰᠠᠷᠠ ᠵᠢᠨ 2ᠤ᠋ᠨ 6 ᠳ᠋ᠤᠭᠠᠷ ᠨᠢᠭᠤᠷ） ᠬᠡᠬᠦ ᠰᠢᠬᠦᠮᠵᠢ ᠦᠬᠦᠯᠡᠯᠳᠤ᠂ 《ᠭᠠᠩᠳᠠᠵᠦ ᠬᠠᠳᠠᠰᠢ ᠦᠭᠡᠢ ᠭᠠᠩᠬᠤᠨ ᠦᠯᠢᠭᠡᠷ》᠂ 《ᠤᠯᠠᠨ ᠲᠦᠮᠡᠨᠴᠢᠯᠡᠭᠰᠡᠨ ᠴᠠᠭ ᠦᠶᠡ ᠪᠤᠶᠤ ᠬᠠᠮᠳᠤᠯᠢᠬᠤᠨ ᠤᠷᠠᠯᠢᠬᠤᠨ ᠡᠭᠦᠰᠦᠯ》᠂ 《ᠤᠳᠤᠬᠢᠴᠢᠯᠠᠭᠰᠠᠨ ᠤᠷᠴᠢᠨᠳᠡᠬᠢ ᠲᠤᠭᠯᠠᠯᠳᠠ ᠵᠢᠨ ᠤᠷᠠᠯᠢᠬ ᠪᠤᠶᠤ ᠤᠷᠤᠨ ᠨᠤᠲᠤᠭᠤᠨ ᠰᠤᠶᠤᠯᠤᠨ ᠰᠢᠨᠡ ᠠᠮᠢᠯᠠᠯ 》 ᠵᠡᠷᠭᠡ ᠰᠡᠳᠦᠪ ᠵᠢᠡᠷ ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤ ᠤᠷᠠᠯᠢᠬᠤᠨ ᠰᠢᠨᠡ ᠡᠷᠢᠨᠤ ᠬᠦᠭᠵᠢᠯᠳᠡ ᠵᠢᠨ ᠬᠠᠨᠳᠤᠰᠢ᠂ ᠵᠢᠮᠠ ᠶᠤᠰᠤ ᠪᠠ ᠵᠠᠢᠯᠠᠰᠢ ᠦᠭᠡᠢ ᠴᠢᠨᠠᠷᠢ ᠤᠨᠤᠯᠵᠢᠭᠤᠯᠵᠠᠢ᠃
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠ ᠵᠢᠨ ᠪᠦᠬᠦ᠌ ᠤᠯᠤᠰᠤᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠦ ᠤᠳᠭᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶ᠋ᠢᠨ 《ᠠᠵᠢᠨᠠᠶ》 ᠱᠠᠩᠨᠠᠯ ᠬᠦᠷᠳᠡᠭᠰᠡᠨ ᠨᠠᠷᠠᠩᠭᠤᠤᠠᠶ᠋ᠢᠨ ᠲᠤᠭᠤᠵᠢᠰᠤᠨ ᠲᠡᠬᠦᠪᠤᠷᠢ 《ᠰᠦᠨᠡᠰᠦᠨ ᠠᠴᠢᠶᠠ ᠲᠠᠢ ᠬᠦᠯᠦᠭ》ᠤ᠋ᠨ ᠲᠤᠬᠠᠢ 《ᠪᠠᠶᠠᠯᠢᠭ ᠬᠦᠤᠷᠨᠢᠯ ᠪᠠ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠢᠯᠡᠷᠡᠬᠦᠯᠤᠯ》 ᠬᠡᠬᠦ ᠰᠡᠳᠦᠪ ᠵᠢᠡᠷ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶ᠋ᠢᠨ ᠣᠩᠭᠣᠳ᠂ ᠣᠶᠤᠨ ᠰᠠᠨᠠᠭᠠᠨᠤ ᠴᠥᠮᠡ ᠪᠠ ᠤᠷᠠᠯᠢᠭᠤᠨ ᠷᠢᠳᠢ ᠱᠢᠳᠢᠶ᠋ᠢ ᠭᠦᠨᠵᠡᠭᠡᠶ ᠠᠭᠤᠳᠠᠯᠵᠤ᠂ ᠲᠤᠭᠤᠵᠢᠰᠤᠨ ᠤᠷᠠᠯᠢᠬᠤᠨ ᠭᠡᠪ ᠨᠠᠮᠪᠠ ᠪᠠ ᠦᠨᠳᠦᠷ ᠠᠮᠵᠢᠯᠳᠠᠳᠤ ᠬᠦᠷᠦᠭᠰᠡᠨ ᠪᠢᠴᠢᠯᠭᠡ ᠵᠢᠨ ᠠᠷᠭᠠ ᠵᠢ ᠵᠠᠳᠠᠯᠵᠦ᠂ ᠦᠪᠦᠷ ᠮᠤᠩᠭᠤᠯᠤᠨ ᠵᠤᠬᠢᠶᠠᠯᠴᠢᠳᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡᠳᠤ ᠲᠤᠯᠢᠯᠠᠯ ᠪᠤᠯᠭᠠᠪᠠ᠃
ᠴᠠᠭᠠᠨ ᠰᠠᠷᠠ ᠵᠢᠨ ᠦᠳᠡᠰᠢᠯᠡᠭᠡ ᠶᠡᠷᠦᠳᠡᠭᠡᠨ ᠬᠦᠮᠦᠰᠤᠨ ᠵᠢᠯ ᠲᠤᠵᠢ ᠦᠨᠡᠯᠡᠨ ᠶᠠᠷᠢᠳᠠᠭ ᠨᠢᠭᠡᠨ ᠰᠡᠳᠦᠪ ᠪᠠᠢᠭᠠ᠃ 2025 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠣᠷᠢᠶᠠ ᠵᠢᠨ ᠬᠦᠭᠡᠭᠴᠢᠨ ᠮᠤᠭᠠᠢ ᠵᠢᠯᠤᠨ ᠮᠤᠡᠭᠭᠤᠯ ᠬᠡᠯᠡᠨᠤ ᠴᠠᠭᠠᠨ ᠰᠠᠷᠠ ᠵᠢᠨ ᠣᠨᠴᠠᠭᠠᠶ ᠫᠷᠤᠭ᠌ᠷᠠᠮᠤ᠋ᠨ ᠦᠵᠡᠭᠴᠢᠳᠤᠨ ᠵᠢᠡᠨ ᠪᠠᠬᠠᠷᠬᠠᠯᠢ ᠤᠯᠵᠠᠢ᠃ 《ᠲᠡᠯᠭᠡᠷ ᠴᠠᠭᠤᠨ ᠤᠶᠠᠡᠭᠭᠠ •2025》 ᠵᠢ ᠰᠤᠨᠢᠷᠬᠠᠬᠰᠠᠨ ᠲᠦᠷᠦᠭᠳᠡᠯ》᠂ 《ᠴᠠᠭ ᠤᠷᠤᠨ ᠵᠠᠢ ᠵᠢ ᠲᠡᠯᠡᠭᠰᠡᠨ ᠰᠢᠨᠠ ᠤᠷᠠᠨ ᠪᠦᠳᠤᠭᠡᠯ ᠪᠤᠯᠭᠠᠬᠤ ᠪᠡᠷ ᠵᠢᠳᠬᠦᠭᠰᠡᠨ ᠪᠠᠷᠢᠮᠳᠠᠯᠠᠯ》᠂ 《〈ᠲᠡᠯᠭᠡᠷ ᠴᠠᠭᠤᠨ ᠤᠶᠠᠡᠭᠭᠠ•2025〉 ᠪᠤᠶᠤ ᠲᠡᠭᠵᠢᠬᠦ ᠡᠷᠢᠨᠤ ᠵᠢᠪᠬᠤᠭᠠ》 （3 ᠰᠠᠷᠠ ᠵᠢᠨ 5ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ） ᠭᠤᠷᠪᠠᠨ ᠰᠢᠬᠦᠮᠵᠢ ᠦᠬᠦᠯᠡᠯ ᠵᠢᠡᠷ ᠦᠵᠡᠭᠴᠢ᠂ ᠤᠳᠤᠷᠢᠳᠤᠭᠠᠴᠢ ᠪᠠ ᠤᠳᠬᠠ ᠤᠷᠠᠯᠢᠬᠤᠨ ᠤᠨᠤᠯᠴᠢ ᠵᠢᠨ ᠭᠤᠷᠪᠠᠨ ᠬᠠᠷᠠᠭᠠᠰᠤ ᠡᠴᠡ ᠦᠳᠡᠰᠢᠯᠡᠭᠡ ᠵᠢᠨ ᠠᠮᠵᠢᠯᠳᠠ ᠲᠠᠢ ᠲᠠᠯᠠ ᠵᠢ ᠬᠦᠨᠵᠡᠭᠡᠢ ᠵᠠᠳᠠᠯᠵᠠᠢ᠃
《ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ ᠨᠢᠭᠡ ᠬᠦᠮᠦᠨᠤ ᠵᠢᠳᠬᠦᠯᠳᠤ ᠪᠠᠢᠬᠤ ᠪᠢᠰᠢ᠂ ᠨᠢᠭᠡ ᠲᠦᠷᠦᠯᠤᠨ ᠤᠷᠠᠯᠢᠬ ᠲᠦ᠍ ᠴᠦ᠍ ᠲᠦᠰᠢᠭᠯᠡᠬᠦ ᠪᠢᠰᠢ᠂ ᠬᠦᠮᠦᠨ ᠪᠦᠬᠦᠨᠤ ᠴᠢᠷᠮᠠᠢᠯᠭᠠ᠂ ᠤᠳᠬᠠ ᠤᠷᠠᠯᠢᠬᠤᠨ ᠲᠦᠷᠦᠯ ᠵᠠᠨᠠᠷ ᠪᠦᠬᠦᠨᠤ ᠬᠦᠭᠵᠢᠯᠳᠡ ᠵᠢᠨ ᠬᠠᠮᠳᠤ ᠵᠢᠨ ᠦᠷᠡ ᠲᠠᠭᠠᠪᠤᠷᠢ ᠪᠤᠶᠤ᠃》
— 《ᠠᠯᠳᠠᠨ ᠵᠤᠤᠵᠠᠢ》 ᠵᠢᠨ ᠪᠠᠷᠢᠮᠳᠠᠯᠠᠯ
2025 ᠤᠨᠳᠤ ᠪᠤᠯᠤᠬᠰᠠᠨ ᠦᠪᠤᠷ ᠮᠤᠡᠭᠭᠤᠯᠤᠨ ᠤᠳᠬᠠ ᠤᠷᠠᠯᠢᠭᠤᠨ ᠴᠢᠬᠤᠯᠠ ᠴᠢᠬᠤᠯᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠬᠤᠷᠠᠯ ᠴᠤᠬᠯᠠᠭᠠᠨ᠂ ᠨᠤᠮᠤᠨ ᠲᠠᠷᠬᠠᠭᠠᠯᠳᠠ᠂ ᠬᠤᠭᠤᠴᠠᠭᠠᠳᠤ ᠰᠡᠳᠬᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠤᠢ ᠪᠡᠨ ᠲᠤᠷᠠᠰᠬᠠᠨ ᠲᠡᠮᠳᠡᠭᠯᠡᠬᠦ ᠠᠵᠢᠯᠯᠠᠭᠠ ᠵᠡᠷᠭᠡ ᠵᠢ ᠰᠤᠷᠪᠤᠯᠵᠢᠯᠠᠨ᠂ ᠡᠷᠳᠡᠮᠳᠡᠨ ᠮᠡᠷᠭᠡᠵᠢᠯᠳᠡᠨᠤ ᠰᠤᠳᠤᠯᠭᠠᠨᠤ ᠶᠠᠷᠢᠶᠠ ᠵᠢᠨ ᠲᠤᠪᠴᠢᠯᠠᠯ ᠵᠡᠷᠭᠡ ᠵᠢ ᠨᠡᠢᠳᠡᠯᠡᠵᠦ᠂ 《ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ ᠨᠢᠭᠡ ᠬᠦᠮᠦᠨᠤ ᠵᠢᠳᠬᠦᠯᠳᠤ ᠪᠠᠢᠬᠤ ᠪᠢᠰᠢ᠂ ᠨᠢᠭᠡ ᠲᠦᠷᠦᠯᠤᠨ ᠤᠷᠠᠯᠢᠬ ᠲᠦ᠍ ᠴᠦ᠍ ᠲᠦᠰᠢᠭᠯᠡᠬᠦ ᠪᠢᠰᠢ᠂ ᠬᠦᠮᠦᠨ ᠪᠦᠬᠦᠨᠤ ᠴᠢᠷᠮᠠᠢᠯᠭᠠ᠂ ᠤᠳᠬᠠ ᠤᠷᠠᠯᠢᠬᠤᠨ ᠲᠦᠷᠦᠯ ᠵᠠᠨᠠᠷ ᠪᠦᠬᠦᠨᠤ ᠬᠦᠭᠵᠢᠯᠳᠡ ᠵᠢᠨ ᠬᠠᠮᠳᠤ ᠵᠢᠨ ᠦᠷᠡ ᠲᠠᠭᠠᠪᠤᠷᠢ》 ᠪᠤᠯᠬᠤ ᠵᠢ ᠨᠤᠴᠢᠳᠠᠢ ᠭᠡᠷᠡᠴᠢᠯᠡᠪᠡ᠃ ᠡᠨᠡ ᠨᠢ 《ᠠᠯᠳᠠᠨ ᠵᠤᠤᠵᠠᠢ》 ᠵᠢᠨ ᠪᠠᠷᠢᠮᠳᠠᠯᠠᠯ ᠪᠤᠯᠬᠤ ᠪᠦᠭᠡᠳ ᠡᠷᠢᠯᠬᠢᠯᠡᠯ ᠪᠤᠯᠬᠤ ᠶᠤᠮ᠃
《ᠡᠯᠡᠰᠤᠨ ᠨᠤᠳᠤᠭᠤᠨ ᠡᠷᠳᠠᠨᠢ 〈ᠲᠤᠪᠴᠢᠶᠠᠨ〉 — 〈ᠡᠯᠡᠰᠤᠨ ᠪᠠᠯᠭᠠᠰᠤᠨᠤ ᠲᠤᠪᠴᠢᠶᠠᠨ〉 ᠬᠢᠭᠡᠳ 〈ᠡᠯᠡᠰᠤᠨ ᠰᠤᠷᠭᠠᠨ ᠬᠦᠮᠤᠵᠢᠯᠤᠨ ᠲᠤᠪᠴᠢᠶᠠᠨ〉 ᠬᠤᠶᠠᠷ ᠨᠤᠮᠤᠨ ᠭᠠᠷᠭᠠᠯᠭᠠᠳᠤ》 （2 ᠰᠠᠷᠠ ᠵᠢᠨ 19ᠤ᠋ 6ᠳ᠋ᠤᠭᠠᠷ ᠨᠢᠭᠤᠷ）᠂ 《ᠤᠳᠤᠳᠤᠨ ᠲᠤᠮᠳᠠ ᠡᠴᠡ ᠤᠨᠴᠠᠯᠠᠨ 〈ᠴᠤᠯᠮᠤᠨ〉 ᠬᠡᠷᠡᠯ ᠲᠠᠢ》 （9 ᠰᠠᠷᠠ ᠵᠢᠨ 17ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ）᠂ 《ᠤᠷᠠᠨ ᠵᠤᠬᠢᠶᠠᠯᠤᠨ ᠬᠦᠭᠵᠢᠯᠳᠡ ᠵᠢ ᠲᠠᠯᠠᠯᠤᠬᠰᠠᠨ 〈ᠠᠯᠳᠠᠨ ᠲᠦᠯᠬᠢᠬᠦᠷ〉 ᠴᠤᠬᠯᠠᠭᠠᠨ》 （5 ᠰᠠᠷᠠ ᠵᠢᠨ 14ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ）᠂ 《ᠦᠡᠭᠭᠡᠷᠡᠨ ᠤᠳᠤᠬᠰᠠᠨ ᠤᠨ ᠰᠠᠷᠠ ᠵᠢᠨ ᠠᠮᠢᠯᠠᠯ — 〈ᠦᠪᠤᠷ ᠮᠤᠡᠭᠭᠤᠯᠤᠨ ᠲᠤᠷᠠᠰᠤᠮᠵᠢ〉 ᠪᠠᠷᠢᠮᠳᠠᠳᠤ ᠬᠡᠷᠡᠯ ᠵᠢᠷᠤᠭᠤᠨ ᠦᠵᠡᠬᠦᠯᠭᠡ ᠵᠢ ᠰᠤᠨᠢᠷᠬᠠᠬᠰᠠᠨ ᠲᠦᠷᠦᠭᠳᠡᠯ》 （7 ᠰᠠᠷᠠ ᠵᠢᠨ 30ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ）᠂ 《ᠡᠷᠳᠡᠨᠢᠳᠤ ᠰᠤᠷᠪᠤᠯᠵᠢᠰ ᠡᠴᠡ ᠬᠢᠯᠠᠯᠵᠠᠨ ᠰᠠᠴᠤᠷᠠᠬᠤ ᠡᠷᠳᠡᠮᠤᠨ ᠬᠡᠬᠡᠨ ᠰᠤᠭᠤᠨᠠᠭ》 （6 ᠰᠠᠷᠠ ᠵᠢᠨ 18 ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ）᠂《ᠮᠤᠡᠭᠭᠤᠯ ᠰᠤᠳᠤᠯᠤᠯ — ᠮᠤᠡᠭᠭᠤᠯ ᠰᠤᠳᠤᠯᠤᠯᠤᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ — ᠮᠤᠡᠭᠭᠤᠯ ᠰᠤᠳᠤᠯᠤᠯᠤᠨ ᠤᠯᠠᠨ ᠤᠯᠤᠰᠤᠨ ᠬᠤᠷᠠᠯ》 （8 ᠰᠠᠷᠠ ᠵᠢᠨ 27ᠤ᠋ 6 ᠳ᠋ᠤᠭᠠᠷ ᠨᠢᠭᠤᠷ）᠂ 《ᠠᠷᠵᠠᠢ ᠵᠢᠨ ᠴᠢᠯᠠᠭᠤᠨ ᠠᠭᠤᠢ ᠵᠢᠨ ᠰᠤᠶᠤᠯᠤᠨ ᠭᠠᠢᠬᠠᠮᠰᠢᠭ》 （6 ᠰᠠᠷᠠ ᠵᠢᠨ 4 ᠤ᠋ 6ᠳ᠋ᠤᠭᠠᠷ ᠨᠢᠭᠤᠷ）᠂ 《ᠠᠯᠠᠬᠬᠠᠨ ᠵᠢᠷᠤᠬᠡᠨᠳᠤ ᠬᠡᠷᠡᠯᠳᠦᠭᠰᠡᠨ ᠠᠷᠠᠳᠤᠨ ᠲᠠᠭᠤᠤ ᠵᠢᠨ ᠬᠤᠷᠸᠠ》 （10 ᠰᠠᠷᠠ ᠵᠢᠨ 22ᠤ᠋ᠨ 6ᠳ᠋ᠤᠭᠠᠷ ᠨᠢᠭᠤᠷ） ᠁ ᠡᠳᠡᠭᠡᠷ ᠰᠢᠬᠦᠮᠵᠢ ᠵᠤᠬᠢᠶᠠᠯᠢ ᠲᠠᠨᠠᠷ ᠠᠮᠳᠠᠷᠬᠠᠨ ᠤᠩᠰᠢᠬᠰᠠᠨ ᠭᠡᠳᠡᠭ ᠲᠦ᠍ ᠢᠳᠡᠭᠡᠵᠦ ᠪᠠᠢᠨᠠ᠃
2026 ᠤᠨᠳᠤ 《ᠠᠯᠳᠠᠨ ᠵᠤᠤᠵᠠᠢ》 ᠲᠤᠰᠬᠠᠢ ᠭᠡᠪᠯᠡᠯ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡᠳᠤ ᠬᠠᠷᠠᠭᠠᠰᠤᠯᠠᠵᠦ᠂ ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡ ᠵᠢᠨ ᠰᠢᠨᠠ ᠠᠶᠠᠨᠤ ᠰᠤᠨᠢᠨ ᠮᠡᠳᠡᠭᠡ᠂ ᠦᠯᠢᠭᠡᠷ ᠦᠢᠯᠡ᠂ ᠦᠵᠡᠭᠳᠡᠯ ᠬᠠᠯᠠᠮᠰᠢᠯᠢ ᠦᠷᠬᠦᠯᠵᠢᠯᠡᠨ ᠦᠨᠡᠯᠡᠨ ᠰᠢᠬᠦᠮᠵᠢᠯᠡᠵᠦ᠂ ᠲᠤᠮᠳᠠᠳᠤ ᠵᠢᠨ ᠰᠤᠩᠭᠤᠳᠠᠭ ᠪᠦᠲᠦᠭᠡᠯ᠂ ᠲᠡᠯᠡᠬᠡᠢ ᠵᠢᠨ ᠰᠤᠩᠭᠤᠳᠠᠭ ᠪᠦᠲᠦᠭᠡᠯᠢ ᠲᠠᠨᠠᠷ ᠲᠠᠭᠠᠨ ᠰᠤᠨᠢᠷᠬᠠᠭᠤᠯᠤᠨ ᠬᠦᠷᠭᠡᠬᠦ ᠵᠢᠨ ᠲᠠᠭᠠᠤ ᠰᠤᠩᠭᠤᠳᠠᠭ ᠪᠦᠲᠦᠭᠡᠯᠤᠨ ᠰᠤᠩᠭᠤᠳᠠᠭ ᠪᠤᠯᠵᠦ ᠴᠢᠳᠠᠭᠰᠠᠨ ᠤᠷᠠᠯᠢᠬᠤᠨ ᠦᠨᠡ ᠴᠡᠨᠡ ᠵᠢ ᠵᠠᠳᠠᠯᠤᠯᠳᠠ ᠬᠢᠵᠦ᠂ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠤᠷᠠᠯᠢᠬᠤᠨ ᠬᠦᠭᠵᠢᠯᠳᠡᠳᠤ ᠦᠪᠡᠷᠤᠨ ᠵᠢᠡᠨ ᠭᠡᠰᠡᠨ ᠬᠤᠪᠢ ᠨᠡᠮᠡᠷᠢ ᠪᠡᠨ ᠦᠷᠬᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠬᠤ ᠪᠤᠯᠤᠨᠠ᠃ 《ᠠᠯᠳᠠᠨ ᠵᠤᠤᠵᠠᠢ》 ᠪᠠᠨ ᠦᠷᠬᠦᠯᠵᠢᠯᠡᠨ ᠲᠡᠮᠵᠢᠵᠦ᠂ ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠦ ᠪᠠᠢᠭᠠᠷᠠᠢ！
