ᠳᠤᠰᠤᠯ ᠤᠰᠤ ᠨᠠᠷᠠᠨᠤ ᠬᠡᠷᠡᠯᠢ ᠰᠠᠴᠤᠷᠠᠭᠤᠯᠤᠨᠠ᠂ ᠰᠤᠷᠭᠤᠬ ᠴᠡᠴᠡᠭ ᠬᠠᠪᠤᠷᠤᠨ ᠰᠠᠢᠬᠠᠨᠢ ᠴᠢᠮᠡᠨᠠ᠃ ᠡᠨᠡ ᠪᠤᠯ ᠪᠠᠢᠭᠠᠯᠢ ᠵᠢᠨ ᠦᠵᠡᠮᠵᠢ᠂ ᠠᠮᠢᠳᠤᠷᠠᠯᠤᠨ ᠵᠢᠷᠤᠭ᠂ ᠠᠮᠢᠳᠤᠷᠠᠯ ᠪᠤᠯ ᠦᠨᠡᠨ ᠳ᠋ᠡᠬᠡᠨ ᠬᠦᠮᠤᠨᠤ ᠠᠮᠢᠳᠤᠷᠠᠯᠤᠨ ᠬᠦᠨ ᠤᠬᠠᠭᠠᠨᠤ ᠨᠢᠬᠡ ᠵᠤᠢᠯᠤᠨ ᠲᠠᠢᠯᠪᠤᠷᠢᠯᠠᠯ ᠮᠦᠨ᠃ ᠠᠮᠢᠳᠤᠷᠠᠯ ᠪᠤᠯ ᠬᠦᠮᠤᠨ ᠲᠦᠷᠤᠯᠬᠢᠳᠡᠨᠢ ᠪᠠᠭᠳᠠᠭᠠᠭᠰᠠᠠ ᠨᠡᠢᠬᠡᠮ ᠳ᠋ᠡᠬᠢ ᠦᠪᠡᠷ ᠪᠡᠶᠠ ᠲᠠᠢ ᠨᠢᠬᠳᠠ ᠬᠤᠯᠪᠤᠭᠠ ᠲᠠᠢ ᠡᠳᠤᠷ ᠳᠤᠳᠤᠮ ᠤ᠋ᠨ ᠠᠵᠢᠯᠯᠠᠭᠠ ᠪᠠ ᠰᠡᠳᠬᠢᠯᠤᠨ ᠳᠤᠰᠬᠠᠯ ᠪᠤᠯᠤᠨᠠ᠃
ᠡᠳᠤᠷ ᠬᠤᠨᠤᠭᠢ ᠠᠷᠤᠳᠠᠭᠠᠨ ᠤᠷᠬᠢᠬᠰᠠᠠ ᠬᠠᠭᠤᠴᠢᠨ ᠤᠨᠢ ᠦᠳᠡᠨ ᠮᠤᠷᠳᠠᠭᠤᠯᠵᠤ᠂ ᠬᠦᠰᠡᠯ ᠮᠦᠷᠤᠬᠡᠳᠤᠯᠢ ᠡᠪᠤᠷᠯᠡᠭᠰᠡᠠ ᠰᠢᠨᠠ ᠤᠨᠢ ᠤᠭᠳᠤᠨ ᠠᠪᠴᠤ ᠪᠠᠢᠭᠠ ᠡᠨᠡ ᠡᠷᠢᠨ ᠳ᠋ᠤ᠂ 《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯᠤᠨ ᠳᠤᠬᠠᠢ ᠡᠷᠬᠢᠴᠡᠬᠦᠯᠤᠨ ᠶᠠᠷᠢᠬᠤ ᠳ᠋ᠤ ᠶᠡᠬᠡᠳᠠ ᠤᠷᠮᠠ ᠲᠠᠢ ᠪᠠᠢᠨᠠ᠃ 《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯ ᠨᠢ ᠭᠠᠷᠠᠭ ᠲᠤ᠌ ᠨᠢᠬᠡ ᠤᠳᠠᠭᠠ ᠬᠡᠪᠯᠡᠵᠤ᠂ 《ᠦᠯᠢᠬᠡᠷ》᠂《ᠵᠤᠭᠤᠭ》᠂ 《ᠮᠠᠯᠮᠠᠢ》᠂ 《ᠰᠢᠪᠡᠨᠡᠬᠡ》᠂ 《ᠤᠢᠯᠡᠴᠢᠯᠡᠬᠡ》᠂ 《ᠬᠡᠷᠡᠭᠯᠡᠬᠡ》 ᠵᠡᠷᠬᠡ ᠪᠤᠯᠤᠩ ᠲᠠᠢ᠃ 2025 ᠤᠨᠳᠤ ᠳᠤᠰ ᠬᠡᠪᠯᠡᠯ ᠨᠠᠮᠤᠨ ᠱᠤᠭᠤᠮ ᠴᠢᠭᠯᠡᠯᠳᠠ᠂ ᠲᠦᠷᠤ ᠵᠢᠨ ᠪᠤᠳᠤᠯᠭᠠ ᠵᠢ ᠤᠬᠠᠭᠤᠯᠤᠨ ᠮᠠᠯᠴᠢᠨ ᠲᠦᠮᠡᠨᠳᠤ ᠤᠢᠯᠡᠴᠢᠯᠡᠬᠦ ᠵᠢ ᠵᠤᠷᠢᠵᠤ᠂ ᠦᠪᠡᠷᠮᠢᠴᠠ ᠤᠨᠴᠠᠯᠢᠬ ᠪᠦᠬᠦᠢ ᠭᠤᠴᠤ ᠰᠠᠢᠬᠠᠨ ᠳᠤᠰᠬᠠᠢ ᠬᠡᠪᠯᠡᠯᠤᠨ ᠨᠢᠭᠤᠷᠢ ᠤᠷᠠᠯᠠᠠ ᠬᠢᠬᠦ ᠵᠢᠨ ᠲᠠᠭᠠᠤ ᠨᠠᠢᠳᠠ 16 ᠲᠦᠮᠡᠨ ᠦᠰᠦᠭ ᠪᠦᠬᠦᠢ 51 ᠬᠤᠭᠤᠴᠠᠭᠠ ᠡᠷᠬᠢᠯᠡᠨ ᠬᠢᠵᠤ᠂ ᠰᠡᠳᠬᠢᠯᠤᠨ ᠶᠠᠳᠠᠷᠠᠭᠠ ᠵᠢ ᠲᠠᠢᠯᠬᠤ᠂ ᠰᠤᠯᠠ ᠰᠡᠯᠡᠬᠦᠤ᠂ ᠮᠡᠳᠡᠯᠬᠡ ᠵᠢᠨ ᠴᠢᠨᠠᠷᠳᠡᠢ᠂ ᠠᠮᠢᠳᠤᠷᠠᠯᠤᠨ ᠤᠴᠢᠷ ᠤᠳᠬᠠ ᠵᠢ ᠠᠭᠤᠯᠤᠭᠰᠠᠠ ᠮᠡᠳᠡᠬᠡᠯᠡᠯᠢ ᠭᠤᠤᠯᠴᠢᠯᠠᠨ ᠨᠠᠢᠷᠠᠭᠤᠯᠤᠨ ᠨᠡᠢᠳᠡᠯᠡᠵᠤ᠂ ᠦᠵᠡᠭᠴᠢ ᠤᠯᠠᠨᠤ ᠨᠢᠳᠤ ᠵᠢ ᠬᠤᠵᠢᠷᠯᠠᠨ᠂ ᠰᠤᠨᠤᠷᠢ ᠮᠢᠯᠢᠶᠠᠨ᠂ ᠰᠡᠳᠬᠢᠯᠢ ᠪᠠᠶᠠᠰᠬᠠᠯᠠ᠃
ᠪᠠᠶᠠᠯᠢᠬ ᠠᠭᠤᠯᠭᠠ ᠪᠤᠯ ᠰᠤᠨᠢᠨᠤ ᠭᠤᠤᠯ ᠴᠦᠮᠠ
ᠵᠠᠭᠤᠴᠢᠯᠠᠭᠤᠷ ᠲᠤ᠌ ᠠᠪᠴᠤ ᠬᠡᠯᠡᠪᠡᠯ ᠠᠭᠤᠯᠭᠠ ᠪᠤᠯ ᠦᠵᠡᠭᠴᠢ ᠵᠢᠨ ᠠᠩᠬᠠᠷᠤᠯᠢ ᠬᠠᠮᠤᠭ ᠡᠴᠨ ᠲᠠᠳᠠᠳᠠᠭ᠃ 《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯ ᠮᠠᠨᠢ ᠦᠵᠡᠭᠴᠢ ᠤᠯᠠᠨᠳᠤ 《ᠦᠯᠢᠬᠡᠷ》᠂ 《ᠵᠤᠭᠤᠭ》᠂ 《ᠮᠠᠯᠮᠠᠢ》᠂ 《ᠰᠢᠪᠡᠨᠡᠬᠡ》᠂ 《ᠤᠢᠯᠡᠴᠢᠯᠡᠬᠡ》᠂ 《ᠬᠡᠷᠡᠭᠯᠡᠬᠡ》 ᠵᠡᠷᠬᠡ ᠳᠤᠭᠳᠠᠭᠰᠠᠠ 6 ᠪᠤᠯᠤᠩᠳᠤ ᠳᠤᠬᠢᠷᠠᠭᠰᠡᠡ ᠦᠯᠢᠬᠡᠷ ᠤᠴᠠᠷᠠᠯ᠂ ᠤᠷᠠ ᠮᠡᠷᠬᠡᠵᠢᠯ᠂ ᠤᠢᠯᠡᠴᠢᠯᠡᠬᠡ ᠬᠡᠷᠡᠭᠯᠡᠬᠡ᠂ ᠡᠷᠡᠬᠦᠯ ᠡᠩᠬᠡ ᠮᠡᠳᠤ ᠵᠢᠨ ᠠᠭᠤᠯᠭᠠ ᠵᠢ ᠬᠠᠮᠤᠷᠤᠭᠰᠠᠠ ᠮᠡᠳᠡᠬᠡᠯᠡᠯᠢ ᠨᠡᠢᠳᠡᠯᠡᠭᠰᠡᠡ ᠶᠤᠮ᠃ 2025 ᠤᠨᠤ ᠬᠤᠪᠢᠳᠤ 《ᠰᠢᠯᠢᠳᠡᠭ ᠡᠬᠦᠯᠳᠡᠷᠤᠨ ᠦᠬᠡᠷ ᠵᠢᠡᠷ ᠰᠢᠯᠢ ᠭᠤᠪᠢ ᠪᠡᠨ ᠴᠢᠮᠡᠭᠰᠡᠡ ᠠᠢᠯ》᠂ 《ᠨᠤᠭᠤᠨᠳᠠᠭᠤᠯᠠ ᠨᠠᠰᠤᠳᠠᠨ ᠬᠢᠬᠡᠳ ᠲᠠᠬᠦᠨᠤ ᠵᠠᠰᠠᠭᠳᠤ ᠬᠠᠳᠬᠤᠮᠠᠯ》᠂ 《ᠮᠠᠯᠴᠢᠳ ᠤ᠋ᠨ ᠰᠠᠢᠨ ᠺᠠᠳ᠋ᠷ ᠪᠤᠶᠠᠨᠳᠤᠭᠳᠤᠬᠤ》᠂ 《ᠮᠤᠩᠭᠤᠯ ᠡᠮᠳᠤ ᠪᠤᠳᠠᠰ ᠤ᠋ᠨ ᠲᠠᠨᠢᠯᠴᠠᠭᠤᠯᠭᠠ ᠵᠢᠨ ᠠᠪᠤᠷᠭᠤ ᠪᠦᠳᠤᠬᠡᠯ — 〈ᠳᠤᠮᠳᠠᠳᠤ ᠤᠯᠤᠰᠤᠨ ᠮᠤᠩᠭᠤᠯ ᠡᠮᠤᠨ ᠬᠦᠮᠤᠷᠬᠡ〉》᠂ 《39 ᠨᠠᠰᠤᠳᠠᠢ ᠢᠩᠬᠡ 〈ᠲᠡᠳᠬᠦᠪᠤᠷᠢ〉 ᠳ᠋ᠤ ᠭᠠᠷᠤᠯᠠ》᠂ 《ᠰ·ᠡᠩᠬᠡᠪᠡᠶᠠᠷᠤᠨ ᠵᠤᠬᠢᠶᠠᠭᠰᠠᠠ ᠲᠠᠭᠤᠤ ᠲᠠᠯᠠᠬᠡᠢ ᠵᠢᠨ 5 ᠰᠢᠯᠢᠳᠡᠭ ᠨᠠᠢᠷᠠᠯ ᠲᠠᠭᠤᠤ ᠵᠢᠨ ᠨᠢᠬᠡ ᠪᠡᠷ ᠰᠤᠩᠭᠤᠭᠳᠠᠪᠠ》᠂ 《ᠦᠳᠡᠯᠦᠬᠡ ᠪᠤᠭᠤᠷᠤᠯᠤᠨ ᠬᠠᠳᠠᠭᠠᠯᠠᠵᠤ ᠶᠠᠪᠤᠭᠠ ᠦᠨᠡᠳᠤ 〈ᠨᠤᠮ〉》 ᠵᠡᠷᠬᠡ ᠮᠡᠳᠡᠬᠡᠯᠡᠯ ᠨᠢ ᠡᠮᠴᠢ᠂ ᠪᠠᠭᠰᠢ᠂ ᠤᠢᠯᠠᠰ ᠪᠤᠰᠬᠠᠭᠴᠢᠳ᠂ ᠠᠵᠢᠯᠳᠠᠨ ᠺᠠᠳ᠋ᠷ᠂ ᠤᠷᠠᠨ ᠬᠠᠳᠬᠤᠮᠠᠯᠴᠢᠨ᠂ ᠤᠷᠠᠯᠢᠬᠴᠢᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠦᠯᠢᠬᠡᠷᠢ ᠰᠡᠳᠬᠢᠯ ᠤᠶᠠᠷᠠᠭᠤᠯᠵᠤ ᠳᠤᠭᠳᠤᠯᠤᠭᠤᠯᠤᠮᠠ ᠶᠠᠷᠢᠵᠤ᠂ ᠦᠵᠡᠭᠴᠢᠳ ᠤ᠋ᠨ ᠲᠠᠭᠠᠰᠢᠶᠠᠯᠢ ᠬᠦᠷᠳᠡᠭᠰᠡᠡ ᠪᠠᠢᠨᠠ᠃
ᠦᠯᠢᠬᠡᠷ ᠬᠦᠮᠤᠨᠤ ᠠᠮᠢᠳᠤᠷᠠᠯᠢ ᠪᠤᠳᠤᠭᠯᠠᠬᠤᠳᠤ ᠤᠢᠯᠡᠴᠢᠯᠡᠬᠡ ᠬᠦᠮᠤᠨᠤ ᠠᠮᠢᠳᠤᠷᠠᠯᠳᠤ ᠳᠤᠰᠠ ᠲᠠᠮ ᠪᠤᠯᠳᠠᠭ᠃ 《〈ᠬᠠᠭᠤᠴᠢᠨ ᠵᠢᠡᠷ ᠰᠢᠨᠠ ᠵᠢ ᠰᠤᠯᠢᠬᠤ〉 ᠪᠦᠳᠤᠬᠡᠭᠳᠡᠬᠦᠨᠤ ᠬᠠᠭᠤᠴᠢᠨᠢ ᠨᠢ ᠬᠠᠮᠢᠭᠠ ᠤᠷᠤᠭᠤᠯᠴᠢᠬᠠᠭᠰᠠᠠ ᠪᠤᠢ？》᠂ 《ᠡᠮᠴᠢ ᠵᠢᠨ ᠰᠠᠨᠠᠭᠤᠯᠭᠠ ᠵᠢ ᠰᠤᠨᠤᠰᠤᠶᠠ》᠂ 《ᠭᠠᠷ ᠤᠳᠠᠰᠤ ᠴᠡᠨᠡᠭᠯᠡᠬᠦ ᠳ᠋ᠡᠬᠡᠨ ᠠᠩᠬᠠᠷᠤᠭᠠᠷᠠᠢ》᠂ 《ᠡᠷᠡᠬᠦᠯ ᠪᠤᠰᠤ 7 ᠲᠠᠳᠬᠠᠯ》᠂ 《ᠠᠮᠳᠠᠳᠤ ᠲᠦᠮᠤᠰᠤ ᠵᠢ ᠢᠩᠬᠢᠵᠤ ᠢᠳᠡᠪᠡᠯ ᠪᠠᠶᠠᠳᠤ ᠰᠠᠢᠨ》᠂ 《ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠤᠢᠷᠠ ᠬᠠᠷᠠᠭᠠ ᠵᠢ ᠰᠡᠷᠬᠡᠢᠯᠡᠬᠦ ᠴᠢᠬᠤᠯᠠᠳᠠᠢ》 ᠵᠡᠷᠬᠡ ᠮᠡᠳᠡᠬᠡᠯᠡᠯ ᠨᠢ ᠦᠵᠡᠭᠴᠢ ᠤᠯᠠᠨᠳᠤ ᠤᠶᠤᠨᠤ ᠰᠢᠮᠠ ᠬᠦᠷᠳᠡᠬᠡᠨ᠂ ᠪᠠᠶᠡ ᠳ᠋ᠡᠬᠡᠨ ᠢᠳᠡᠬᠡᠯ ᠲᠠᠢ ᠪᠠᠢᠬᠤ ᠠᠮᠢᠳᠤᠷᠠᠯᠤᠨ ᠤᠬᠠᠭᠠᠨᠢ ᠵᠢᠭᠠᠵᠤ ᠦᠭᠬᠦᠭᠰᠡᠡ ᠶᠤᠮ᠃
ᠰᠤᠨᠢᠨᠤ ᠨᠢᠭᠤᠷ ᠤᠷᠠᠯᠠᠯ ᠪᠤᠯ ᠰᠤᠶᠤᠯ ᠤᠷᠠᠯᠢᠬ
ᠤᠷᠠᠯᠢᠬ ᠠᠮᠢᠳᠤᠷᠠᠯ ᠡᠴᠨ ᠢᠷᠠᠯ ᠲᠠᠢ᠂ ᠠᠮᠢᠳᠤᠷᠠᠯ ᠤᠷᠠᠯᠢᠬ ᠲᠤ᠌ ᠤᠢᠯᠡᠴᠢᠯᠡᠳᠡᠭ᠃ ᠨᠢᠬᠡ ᠵᠢᠯᠤᠨ ᠳᠤᠷᠰᠢ 《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯᠤᠨ ᠨᠢᠭᠤᠷᠤᠷᠠᠯᠠᠯᠢ ᠲᠠᠪᠬᠤᠷᠳᠠᠭᠤᠯᠵᠤ ᠦᠵᠡᠬᠡ ᠦᠬᠡᠢ ᠮᠦᠷᠳᠡᠬᠡᠨ ᠤᠯᠠᠨ ᠵᠤᠢᠯᠤᠨ ᠡᠯᠸᠮᠸᠨ᠋ᠲᠢ ᠠᠭᠤᠯᠤᠭᠰᠠᠠ ᠦᠪᠡᠷᠮᠢᠴᠠ ᠤᠨᠴᠠᠯᠢᠬ ᠲᠠᠢ᠂ ᠦᠵᠡᠮᠤᠷᠢ ᠲᠠᠢ ᠳᠤᠰᠬᠠᠢ ᠬᠡᠪᠯᠡᠯᠤᠨ ᠨᠢᠭᠤᠷᠢ ᠤᠷᠠᠯᠠᠠ ᠬᠢᠬᠦ ᠵᠢ ᠬᠢᠴᠢᠶᠡᠭᠰᠡᠡ ᠪᠠᠢᠨᠠ᠃ ᠰᠤᠨᠢᠨᠤ ᠨᠢᠭᠤᠷ ᠤᠷᠠᠯᠠᠯ ᠮᠦᠨ ᠴᠤ᠌ ᠤᠷᠠᠯᠢᠬ ᠬᠡᠵᠤ ᠬᠡᠯᠡᠬᠦᠳᠤ ᠠᠬᠠᠳᠠᠬᠤ ᠦᠬᠡᠢ᠂ ᠲᠡᠬᠦᠨᠳᠤ ᠦᠰᠦᠭ ᠪᠢᠴᠢᠭ᠂ ᠵᠢᠷᠤᠭ ᠲᠦᠷᠰᠤ᠂ ᠵᠢᠷᠤᠭᠠᠰᠤ ᠱᠤᠭᠤᠮ᠂ ᠦᠩᠬᠡ ᠪᠤᠳᠤᠬ ᠵᠡᠷᠬᠡ ᠡᠯᠸᠮᠸᠨ᠋ᠲ ᠪᠠᠭᠳᠠᠵᠤ᠂ ᠬᠦᠮᠤᠰ ᠲᠤ᠌ ᠬᠠᠷᠠᠭᠠᠨ ᠰᠡᠷᠡᠯᠤᠨ ᠳᠤᠷᠭᠠᠨ ᠮᠡᠳᠡᠷᠡᠮᠵᠢ ᠤᠯᠭᠤᠳᠠᠭ᠃ ᠰᠤᠨᠢᠨᠤ ᠨᠢᠭᠤᠷ ᠤᠷᠠᠯᠠᠯᠳᠤ ᠤᠷᠠᠯᠠᠭᠴᠢ ᠵᠢᠨ ᠤᠷᠠᠨ ᠰᠠᠨᠠᠭᠠ ᠪᠤᠯᠤᠨ ᠨᠠᠢᠷᠠᠭᠤᠯᠤᠭᠴᠢ ᠵᠢᠨ ᠤᠷᠠ ᠤᠬᠠᠭᠠᠨᠰᠢᠩᠬᠡᠵᠤ ᠪᠠᠢᠳᠠᠭ᠃ ᠨᠠᠢᠷᠠᠭᠤᠯᠤᠭᠴᠢ ᠵᠦᠪᠬᠡᠨ ᠠᠭᠤᠯᠭᠠ ᠵᠢ ᠨᠢ ᠬᠦᠨᠳᠤᠳᠬᠡᠬᠡᠳ ᠤᠷᠠᠯᠠᠯᠢ ᠨᠢ ᠬᠦᠩᠬᠡᠪᠴᠢᠯᠡᠵᠤ ᠪᠤᠯᠬᠤ ᠦᠬᠡᠢ᠂ ᠬᠠᠷᠢᠨ ᠵᠡᠷᠬᠡᠳᠠ ᠴᠢᠬᠤᠯᠠᠴᠢᠯᠠᠵᠤ ᠬᠢᠭᠰᠡᠡ ᠳᠤᠰᠬᠠᠢ ᠬᠡᠪᠯᠡᠯ ᠤᠯᠠᠮ ᠦᠵᠡᠮᠤᠷᠢᠳᠡᠢ ᠪᠤᠯᠳᠠᠭ᠃ ᠳᠤᠰᠭᠠᠢ ᠬᠡᠪᠯᠡᠯ ᠤ᠋ᠨ ᠭᠤᠶᠤ ᠰᠠᠢᠬᠠᠨ ᠤᠷᠠᠯᠠᠯ ᠨᠢ ᠵᠦᠪ ᠤᠨᠤᠪᠴᠢᠳᠠᠢ ᠪᠡᠷ ᠤᠷᠠᠯᠠᠭᠴᠢ ᠵᠢᠨ ᠤᠷᠠᠨ ᠰᠠᠨᠠᠭᠠ ᠵᠢ ᠳᠤᠰᠬᠠᠵᠤ ᠴᠢᠳᠠᠬᠤ ᠪᠡᠷ ᠪᠠᠷᠠᠬᠤ ᠦᠬᠡᠢ ᠬᠦᠮᠤᠰᠲᠤ ᠭᠤᠶᠤ ᠰᠠᠢᠬᠠᠨ ᠬᠠᠷᠠᠭᠠᠠᠰᠡᠷᠡᠯᠤᠨ ᠮᠡᠳᠡᠷᠡᠮᠵᠢ ᠦᠭᠳᠡᠭ ᠡᠴᠨ ᠦᠵᠡᠭᠴᠢ ᠤᠯᠠᠨᠤ ᠰᠡᠳᠬᠢᠯᠳᠤ ᠬᠦᠷᠳᠡᠭ᠃ ᠲᠡᠷᠠ ᠨᠢ ᠮᠦᠨ ᠴᠤ᠌ ᠨᠠᠢᠷᠠᠭᠤᠯᠤᠭᠴᠢ ᠪᠤᠯᠤᠨ ᠤᠷᠠᠯᠠᠭᠴᠢ ᠵᠢᠨ ᠬᠠᠮᠳᠤᠷᠠᠯᠴᠠᠭᠠ᠂ ᠤᠷᠠᠯᠢᠬ ᠪᠤᠯᠤᠨ ᠮᠡᠷᠬᠡᠵᠢᠯᠤᠨ ᠤᠶᠠᠯᠳᠤᠯ ᠪᠠᠢᠵᠤ᠂ ᠨᠡᠩ ᠴᠤ᠌ ᠤᠷᠠᠯᠠᠭᠴᠢ ᠵᠢᠨ ᠪᠦᠳᠤᠬᠡᠯᠴᠢ ᠴᠢᠨᠠᠷ ᠪᠤᠯᠤᠨ ᠳᠤᠰᠬᠠᠢ ᠮᠠᠷᠬᠡᠵᠢᠯᠤᠨ ᠬᠡᠪ ᠪᠤᠯᠪᠠᠰᠤᠷᠠᠯᠤᠨ ᠢᠯᠡᠷᠡᠬᠦᠯᠤᠯ ᠪᠤᠯᠬᠤ ᠶᠤᠮ᠃
《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯᠤᠨ ᠨᠢᠭᠤᠷᠤᠷᠠᠯᠠᠯ ᠭᠤᠷᠪᠡ ᠲᠦᠷᠪᠡᠨ ᠬᠡᠰᠡᠭ ᠵᠢᠡᠷ ᠪᠦᠷᠢᠯᠳᠦᠵᠤ᠂ ᠬᠡᠰᠡᠭ ᠪᠦᠷᠢᠵᠢᠨ ᠵᠢᠷᠤᠭ ᠰᠡᠬᠦᠳᠡᠷᠢ ᠶᠡᠬᠡ ᠪᠠᠭᠠ ᠡᠴᠨ ᠨᠢ ᠡᠬᠢᠯᠠᠨ ᠦᠩᠬᠡ ᠪᠤᠳᠤᠭ᠂ ᠬᠡᠯᠪᠡᠷᠢ ᠲᠦᠷᠰᠤ ᠬᠦᠷᠳᠡᠯᠠ ᠨᠠᠷᠢᠯᠢᠬ ᠰᠤᠩᠭᠤᠳᠠᠭ᠃ ᠦᠰᠦᠭ ᠪᠢᠴᠢᠭ ᠪᠤᠯ ᠰᠤᠨᠢᠨᠤ ᠠᠭᠤᠯᠭᠠ ᠵᠢᠨ ᠠᠴᠢᠶᠠᠯᠠᠭᠴᠢ ᠬᠡᠬᠦᠳᠤ ᠤᠷᠠᠯᠠᠯ ᠳᠤᠬᠢᠷᠠᠭᠤᠯᠤᠯᠳᠠ ᠪᠤᠯ ᠬᠠᠷᠠᠭᠠᠨ ᠰᠡᠷᠡᠯᠤᠨ ᠰᠤᠷᠠᠬ ᠵᠠᠩᠬᠢ ᠵᠢᠨ ᠲᠠᠮᠵᠢᠭᠤᠯᠤᠬᠴᠢ ᠮᠦᠨ᠃ ᠦᠰᠦᠭ ᠪᠢᠴᠢᠭ ᠵᠢᠷᠤᠭ ᠰᠡᠬᠦᠳᠡᠷᠲᠤ ᠤᠢᠯᠡᠴᠢᠯᠡᠬᠦ ᠳ᠋ᠤ ᠵᠢᠷᠤᠭ ᠰᠡᠬᠦᠳᠡᠷ ᠦᠰᠦᠭ ᠪᠢᠴᠢᠭᠢ ᠴᠢᠮᠡᠵᠤ᠂ ᠬᠡ ᠤᠭᠠᠯᠵᠠ᠂ ᠦᠯᠵᠠᠢ ᠤᠳᠠᠰᠤ᠂ ᠬᠡᠪ ᠲᠦᠷᠰᠤ ᠪᠡᠷ ᠠᠮᠢᠳᠤᠯᠢᠬ ᠤᠷᠠᠯᠢᠬᠵᠢᠭᠤᠨ ᠨᠢᠭᠤᠷᠢ ᠬᠢᠬᠦ ᠪᠡᠷ ᠪᠢᠳᠠ ᠤᠷᠤᠯᠳᠤᠭᠰᠠᠭᠠᠷ ᠢᠷᠡᠵᠡᠢ᠃
ᠠᠮᠢᠳᠤᠷᠠᠯ ᠪᠤᠯ ᠲᠠ ᠪᠢᠳᠠᠨᠤ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ
ᠠᠮᠢᠳᠤᠷᠠᠯ ᠬᠠᠢᠷᠠᠲᠡᠬᠡᠷᠠ ᠳᠤᠭᠳᠠᠳᠠᠭ᠂ ᠠᠮᠢᠳᠤᠷᠠᠯᠢ ᠤᠢᠯᠠᠭᠠᠬᠤ ᠳᠤᠳᠤᠮ ᠦᠨᠤᠷ ᠠᠮᠳᠠ ᠲᠠᠢ ᠪᠤᠯᠳᠠᠭ᠃ 《ᠮᠠᠯᠮᠠᠢ》 ᠪᠤᠯᠤᠩᠳᠤ ᠨᠡᠢᠳᠡᠯᠡᠭᠰᠡᠡ 《ᠰᠠᠷᠭᠠᠢ ᠴᠡᠴᠡᠭᠢ ᠪᠤᠰᠤᠳ ᠲᠤ᠌ ᠪᠡᠯᠡᠭᠯᠡᠪᠡᠯ ᠰᠠᠢᠬᠠᠨ ᠦᠨᠤᠷ ᠨᠢ ᠪᠠᠶᠠᠳᠤ ᠦᠯᠡᠳᠡᠨᠠ》᠂ 《〈Glamping〉 ᠪᠤᠶᠤ ᠬᠡᠬᠡᠷᠠ ᠪᠠᠭᠤᠳᠠᠯᠯᠠᠬᠤ》᠂ 《ᠦᠬᠡ ᠬᠦᠬᠡᠬᠡᠬᠦ ᠪᠡᠷ ᠦᠬᠡᠷ ᠬᠦᠬᠡᠬᠡ》᠂ 《ᠪᠤᠯᠪᠠᠰᠤᠨ ᠰᠤᠷᠳᠠᠯ ᠪᠤᠮᠠᠨ ᠤᠢᠯᠠ ᠵᠢᠨ ᠠᠨᠢᠰᠤ》᠂ 《ᠢᠨᠢᠶᠠᠳᠤ ᠲᠠᠢ ᠠᠮᠢᠳᠤᠷᠠᠯ ᠵᠢᠷᠭᠠᠯ ᠲᠠᠢ》᠂ 《ᠦᠪᠡᠷᠢ ᠪᠠᠨ ᠲᠠᠪᠠᠬᠤ ᠰᠠᠢᠬᠠᠨ》 ᠵᠡᠷᠬᠡ ᠮᠡᠳᠡᠬᠡᠯᠡᠯ ᠨᠢ ᠳᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠭᠴᠢ ᠵᠢᠨ ᠪᠢᠴᠢᠭᠰᠡᠡ ᠤᠬᠤᠷ ᠰᠢᠬᠦᠮᠵᠢ ᠪᠠᠢᠵᠤ᠂ ᠠᠮᠢᠳᠤᠷᠠᠯᠤᠨ ᠤᠷᠠ ᠤᠬᠠᠭᠠᠨ ᠪᠠ ᠦᠪᠡᠷᠤᠨ ᠰᠡᠳᠬᠢᠭᠳᠡᠯ ᠲᠦᠷᠦᠭᠳᠡᠯ ᠵᠢᠠᠨ ᠲᠠ ᠤᠯᠠᠨ ᠲᠠᠢ ᠬᠤᠪᠢᠶᠠᠯᠴᠠᠵᠤ᠂ ᠨᠡᠢᠬᠡᠮᠤᠨ ᠠᠰᠠᠭᠤᠳᠠᠯᠢ ᠳᠤᠰᠬᠠᠬᠰᠠᠠ ᠪᠠᠢᠨᠠ᠃ 《ᠵᠤᠭᠤᠭ》 ᠪᠤᠯᠤᠩᠳᠤ ᠨᠡᠢᠳᠡᠯᠡᠭᠰᠡᠡ 《ᠨᠢᠬᠡᠨ ᠭᠠᠢᠬᠠᠮᠰᠢᠬᠳᠤ ᠳᠤᠷᠠᠯᠠᠯᠤᠨ ᠲᠡᠤᠬᠡ》᠂ 《ᠰᠠᠢᠬᠠᠨ ᠠᠮᠢᠳᠤᠷᠠᠬᠤ ᠵᠢᠨ ᠳᠤᠯᠤᠭᠠᠨ ᠵᠠᠷᠴᠢᠮ》᠂ 《ᠨᠠᠢᠷᠤᠨ ᠳᠤᠷᠠᠰᠤᠮᠵᠢ》᠂ 《ᠨᠢᠭᠤᠷ ᠴᠢᠷᠠᠢ ᠵᠢ ᠭᠤᠶᠤᠯᠠᠬᠤ ᠢᠳᠡᠬᠡᠨ》᠂ 《ᠠᠮᠤᠷ ᠲᠦᠪᠰᠢᠨ ᠠᠮᠢᠳᠤᠷᠠᠯ ᠡᠷᠡᠬᠦᠯ ᠡᠩᠬᠡ ᠵᠢᠨ ᠡᠬᠢ ᠪᠤᠯᠠᠭ》᠂ 《ᠬᠠᠢᠷᠠ ᠪᠢᠯᠬᠠᠭᠰᠠᠠ ᠬᠤᠷᠸᠠ》 ᠵᠡᠷᠬᠡ ᠮᠡᠳᠡᠬᠡᠯᠡᠯᠢ ᠦᠨᠳᠤᠰᠤᠨ ᠱᠠᠳᠤᠨᠤ ᠴᠢᠮᠡᠬᠡᠯᠡᠭᠴᠢ ᠨᠠᠷ ᠳᠤᠷᠭᠠᠨ ᠦᠵᠦᠭ ᠵᠢᠡᠷ ᠵᠢᠠᠨ ᠠᠮᠢᠳᠤᠷᠠᠯᠳᠤ ᠬᠠᠨᠳᠤᠭᠰᠠᠠ ᠤᠪᠤᠷ ᠰᠤᠷᠳᠠᠯ᠂ ᠬᠠᠢᠷᠠ ᠳᠤᠷᠠᠯᠠᠯ᠂ ᠪᠠᠶᠠ ᠰᠤᠪᠢᠯᠠᠯᠳᠠ ᠵᠢᠨ ᠤᠬᠠᠭᠠᠨᠢ ᠬᠠᠷᠠᠭᠤᠯᠵᠤ᠂ ᠦᠵᠡᠭᠴᠢ ᠤᠯᠠᠨᠳᠤ ᠶᠠᠭᠤ ᠨᠢᠬᠡ ᠵᠢ ᠪᠤᠳᠤᠭᠳᠠᠭᠤᠯᠵᠤ᠂ ᠦᠪᠡᠷᠮᠢᠴᠠ ᠬᠡᠪ ᠨᠠᠮᠪᠠ ᠲᠠᠢ ᠦᠨᠢᠷ ᠦᠳᠬᠡᠨ ᠠᠮᠢᠳᠤᠷᠠᠯᠤᠨ ᠦᠨᠤᠷ ᠠᠮᠳᠠ ᠵᠢ ᠠᠮᠳᠠᠯᠠᠭᠤᠯᠵᠠᠢ᠃
ᠵᠦᠪ ᠲᠠᠢ ᠪᠤᠷᠤᠭᠤ ᠲᠠᠢ ᠬᠤᠷᠸᠠᠳᠤ᠂ ᠠᠯᠳᠠᠭᠠ ᠲᠠᠢ ᠤᠨᠤᠭᠠ ᠲᠠᠢ ᠪᠠᠢᠬᠤ ᠨᠢ ᠶᠠᠷᠢᠶᠠᠨ ᠦᠬᠡᠢ᠃ 《ᠠᠮᠢᠳᠤᠷᠠᠯ ᠦᠷᠳᠡᠬᠡ》 ᠳᠤᠰᠬᠠᠢ ᠬᠡᠪᠯᠡᠯᠢ ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠤ ᠪᠠᠢᠭᠠ ᠦᠵᠡᠭᠴᠢ ᠲᠦᠮᠡᠨ ᠮᠠᠨᠢ ᠠᠯᠳᠠᠭᠠ ᠵᠢ ᠮᠢᠨᠢ ᠠᠭᠤᠴᠢᠯᠠᠵᠤ᠂ ᠰᠠᠢᠨ ᠰᠠᠢᠬᠠᠨ ᠰᠠᠨᠠᠯ ᠰᠠᠨᠠᠭᠤᠯᠭᠠ ᠦᠭᠬᠦ ᠵᠢᠨ ᠬᠠᠮᠳᠤ ᠰᠢᠨᠠ ᠤᠨᠳᠠᠭᠠᠨ ᠠᠮᠢᠳᠤᠷᠠᠯᠵᠦᠢ ᠵᠢᠨ ᠳᠤᠬᠠᠢ ᠮᠡᠳᠡᠬᠡᠯᠡᠯ ᠪᠢᠴᠢᠵᠤ ᠢᠷᠡᠬᠦᠯᠬᠦ ᠵᠢ ᠬᠦᠰᠡᠵᠤ ᠪᠠᠢᠨᠠ᠃ 2026 ᠤᠨᠳᠤ ᠪᠢᠳᠠ ᠦᠵᠡᠭᠴᠢ ᠤᠯᠠᠨᠳᠠᠭᠠᠨ ᠨᠠᠩ ᠴᠢᠨᠠᠷᠯᠢᠬ᠂ ᠰᠢᠨᠠ ᠰᠡᠪᠡᠬᠦᠨ ᠮᠡᠳᠡᠬᠡᠯᠡᠯᠢ ᠡᠷᠬᠦᠨ ᠲᠡᠪᠰᠢᠬᠦᠯᠵᠤ᠂ ᠠᠮᠢᠳᠤᠯᠢᠬ᠂ ᠦᠵᠡᠮᠤᠷᠢ ᠳᠠᠢ ᠳᠤᠰᠬᠠᠢ ᠨᠢᠭᠤᠷᠬᠡᠪᠯᠡᠯ ᠢ᠋ ᠬᠦᠷᠬᠡᠬᠦ ᠪᠤᠯᠤᠨᠠ᠃
ᠠᠮᠢᠳᠤᠷᠠᠯ ᠬᠦᠮᠤᠰ ᠲᠤ᠌ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠤᠯᠭᠤᠳᠠᠭ᠃ ᠠᠮᠢᠳᠤᠷᠠᠯ ᠪᠤᠯ ᠬᠠᠢᠷᠠ ᠰᠡᠳᠬᠢᠯᠤᠨ ᠳᠤᠭᠳᠤᠯᠤᠯ ᠬᠦᠭᠰᠡᠯ᠂ ᠬᠡᠬᠡᠨ ᠤᠬᠠᠭᠠᠨᠤ ᠢᠷᠠᠭᠤ ᠳᠤᠤᠯᠢᠰ᠃ ᠬᠦᠮᠤᠨ ᠪᠦᠬᠦᠨ ᠠᠮᠢᠳᠤᠷᠠᠯᠳᠠᠭᠠᠨ ᠵᠦᠪ ᠤᠪᠤᠷ ᠵᠢᠡᠷ ᠬᠠᠨᠳᠤᠳᠠᠭ ᠯᠠ ᠶᠤᠮ ᠪᠤᠯ ᠯᠠᠪᠳᠡᠢ ᠰᠡᠳᠬᠢᠯ ᠪᠠᠶᠠᠰᠤᠩᠭᠤᠢ᠂ ᠪᠠᠶᠠ ᠲᠡᠩᠬᠡᠯᠡᠬᠦᠨ᠂ ᠠᠮᠢᠳᠤᠷᠠᠯ ᠦᠬᠡᠳᠡᠷᠬᠡᠭ ᠪᠠᠢᠵᠤ ᠴᠢᠳᠠᠨᠠ᠃