ᠮᠢᠨᠦ᠍ ᠡᠮᠡᠭᠡ ᠡᠵᠢᠶ᠋ᠢᠨ ᠠᠯᠳᠠᠷᠨᠢ ᠠᠯᠳᠠᠨᠴᠡᠴᠡᠭ᠂ ᠶᠡᠷᠦ᠍ᠳᠡᠭᠡᠨ ᠦᠬᠢᠨᠪᠠᠢ ᠭᠡᠵᠦ ᠲᠠᠭᠣᠲᠠᠲᠠᠬ᠃ ᠴᠢᠩ ᠭᠦᠷᠦᠨᠤ ᠪᠠᠳᠠᠷᠠᠭᠤᠯᠳᠦ ᠲᠦᠷᠦ᠍ᠶ᠋ᠢᠨ ᠬᠤᠷᠢᠨ ᠬᠤᠶᠠᠳᠤᠭᠠᠷ ᠤᠨ （1897 ᠤᠨ） ᠳ᠋ᠦ ᠮᠡᠨᠳᠦᠯᠡᠵᠦ᠂1987 ᠤᠨᠤ ᠨᠠᠮᠤᠷᠤᠨ ᠰᠡᠭᠦᠯ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠵᠢᠷᠭᠤᠭᠠᠨᠤ ᠨᠠᠷᠠᠨ ᠲᠤᠩᠭᠠᠯᠠᠭ᠂ ᠲᠡᠭᠷᠢ ᠴᠡᠯᠮᠡᠭ ᠲᠡᠷᠡ ᠡᠳᠦᠷ ᠬᠦᠪᠦᠨ ᠤᠳᠭᠤ ᠴᠠᠭᠠᠨ ᠡᠭᠦᠯᠡᠶ᠋ᠢ ᠬᠦᠯᠭᠡᠯᠡᠵᠦ᠍ ᠪᠤᠷᠬᠠᠨᠤ ᠤᠷᠤᠨᠢ ᠵᠣᠷᠢᠬᠰᠠᠨ ᠪᠢᠯᠡ᠃ ᠳᠡᠭᠦᠨᠠᠴᠠ ᠬᠣᠢᠰᠢ ᠨᠠᠪᠴᠢ ᠴᠡᠴᠡᠭ ᠱᠢᠷᠠᠯᠠᠵᠤ ᠨᠠᠮᠣᠷ ᠪᠣᠯᠬᠣ ᠪᠦᠷᠢ ᠡᠮᠡᠭᠡ ᠡᠵᠢᠶ᠋ᠢᠨ ᠮᠢᠨᠢ ᠡᠶᠡᠯᠰᠡᠭ ᠳᠤᠳᠤᠨᠤ ᠲᠦᠷᠢ ᠰᠠᠨᠠᠬᠲᠠᠵᠦ᠂ ᠡᠭᠦᠯᠡᠨᠤ ᠴᠠᠭᠠᠨᠠ ᠡᠴᠡ ᠮᠦᠱᠢᠶᠡᠵᠦ ᠪᠠᠢᠮᠠᠷ ᠪᠤᠳᠤᠭᠳᠠᠳᠠᠭ᠃
ᠠᠴᠢᠯᠠᠯ ᠤ᠋ᠨ ᠳᠡᠭᠡᠲᠦ ᠡᠮᠡᠭᠡ ᠡᠵᠢ ᠮᠢᠨᠢ
ᠡᠵᠢ ᠮᠢᠨᠢ ᠨᠠᠳᠠᠶ᠋ᠢ ᠬᠦᠡᠭ᠌ᠭᠡᠵᠢᠭᠡᠳ ᠠᠷᠠᠢ ᠠᠷᠪᠠ ᠬᠤᠨᠤᠭ᠍ᠰᠠᠨ ᠦᠭᠡᠢ ᠬᠠᠯᠠᠭᠤᠨᠳᠤ ᠨᠠᠷᠠᠱᠢᠵᠦ ᠡᠪᠡᠳᠴᠢᠯᠡᠭᠡᠳ ᠬᠦᠮᠦᠨᠤ ᠭᠠᠷ ᠬᠠᠷᠠᠬᠣ ᠪᠣᠯᠣᠬᠰᠠᠨ ᠲᠣᠯᠠ ᠡᠮᠡᠭᠡ ᠡᠵᠢ ᠮᠢᠨᠢ ᠨᠠᠮᠠᠶ᠋ᠢ ᠦᠨᠢᠶᠡᠨ ᠰᠦᠪᠠᠷ ᠤᠬ᠍ᠵᠢᠵᠦ ᠦᠰᠭᠡᠭᠰᠡᠨ ᠶᠤᠮ᠃ ᠬᠤᠵᠢᠮᠨᠢ ᠡᠵᠢᠶ᠋ᠢᠨ ᠪᠡᠶᠡ ᠡᠷᠡᠭᠦᠯᠵᠢᠭ᠌ᠰᠡᠨ ᠪᠤᠯᠪᠠᠴᠤ᠌ ᠪᠢ ᠡᠮᠡᠭᠡ ᠡᠵᠢᠠᠴᠠ ᠪᠠᠨ ᠰᠠᠯᠬᠣ ᠲᠣᠷᠠ ᠦᠭᠡᠢ ᠪᠣᠯᠵᠠᠢ᠃ ᠳᠡᠨᠳᠦᠷ ᠮᠦᠨᠳᠦᠷ ᠠᠯᠬᠤᠬᠤ ᠪᠤᠯᠤᠭ᠍ᠰᠠᠨ ᠲᠡᠷᠡ ᠴᠠᠬ ᠡᠴᠡ ᠡᠮᠡᠭᠡ ᠡᠵᠢ ᠮᠢᠨᠢ ᠮᠢᠨᠦ ᠬᠣᠢᠨᠠ ᠡᠴᠡ ᠲᠦᠭᠡ ᠰᠠᠯᠬᠤ ᠦᠭᠡᠢ ᠲᠠᠭᠠᠵᠦ᠂ ᠢᠳᠡᠭᠦ᠌ ᠶᠠᠭᠤᠮᠠᠶ᠋ᠢ ᠠᠮᠠᠨᠳᠠᠭᠠᠨ ᠵᠠᠵᠢᠯᠵᠤ ᠳᠡᠵᠢᠭᠡᠵᠦ᠍ ᠪᠠᠢᠬ᠍ᠰᠠᠨ ᠭᠡᠵᠦ᠍ ᠠᠪᠤ ᠡᠵᠢ ᠮᠢᠨᠢ ᠬᠠᠭᠤᠴᠢᠯᠠᠵᠦ᠍ ᠶᠠᠷᠢᠲᠠᠬ᠃
ᠪᠠᠭᠠ ᠪᠠᠯᠴᠢᠷ ᠨᠠᠰᠤᠨᠳᠠᠭᠠᠨ ᠪᠢ ᠡᠮᠡᠭᠡ ᠡᠵᠢᠪᠠᠨ ᠠᠮᠢᠶ᠋ᠢ ᠠᠪᠤᠷᠠᠭ᠍ᠴᠢ ᠠᠮᠢᠳᠦ ᠪᠤᠷᠬᠠᠨ᠂ ᠠᠯᠢᠪᠠᠶᠢ ᠬᠠᠮᠢᠶᠠᠷᠴᠤ᠌ ᠱᠢᠢᠳᠪᠦᠷᠢᠯᠡᠬᠦ ᠠᠪᠤᠷᠭᠤ ᠵᠠᠩᠵᠤᠨ ᠪᠠᠭᠠᠳᠤᠷ ᠬᠡᠮᠡᠨ ᠰᠠᠨᠠᠵᠦ ᠪᠠᠢᠵᠠᠢ᠃ ᠰᠦᠨᠢ ᠤᠷᠤᠢ ᠭᠠᠳᠠᠨᠠ ᠴᠢᠨ᠋ᠸᠠ ᠤᠯᠢᠵᠦ᠂ ᠲᠡᠭ᠌ᠷᠢ ᠳᠤᠤᠭᠠᠷᠴᠤ᠌ ᠠᠶᠤᠩᠭᠠ ᠨᠢᠵᠢᠬᠢᠨᠡᠪᠡᠯ ᠪᠢ ᠪᠠᠯᠠᠭ ᠠᠯᠳᠠᠨ ᠠᠶᠣᠨ ᠰᠠᠮᠠᠭᠠᠷᠲᠠᠵᠦ ᠡᠮᠡᠭᠡ ᠡᠵᠢᠶ᠋ᠢᠨᠢᠶᠠᠨ ᠡᠪᠦᠷᠲᠤ ᠡᠪᠴᠢᠭᠦᠨᠳᠤᠨᠢ ᠳᠤᠯᠤᠭᠠᠢᠪᠠᠨ ᠨᠠᠭᠠᠯᠳᠤᠭᠤᠯᠣᠨ ᠰᠢᠷᠭᠣᠲᠠᠬ᠃ ᠳᠤᠮᠤᠭᠣ ᠲᠠᠭ᠍ᠰᠢᠭᠤᠷᠲᠤ ᠨᠡᠷᠪᠡᠭ᠌ᠳᠡᠵᠦ᠍᠂ ᠮᠤᠩᠭᠤᠯ ᠡᠮᠴᠢᠶ᠋ᠢᠨ ᠭᠠᠱᠢᠭᠤᠨ ᠳᠠᠩᠢ ᠤᠤᠭᠤᠬᠤ ᠳᠤᠷᠠ ᠦᠭᠡᠢ ᠪᠤᠯ ᠡᠮᠡᠭᠡ ᠡᠵᠢ ᠨᠠᠳᠠᠳᠤ ᠰᠡᠮᠡᠬᠡᠷᠬᠡᠨᠢᠶᠠᠷ ᠱᠢᠬᠢᠷ ᠢᠳᠡᠭᠦᠯᠵᠦ᠍ ᠠᠷᠭᠠᠲᠠᠳᠠᠭ᠃
ᠴᠡᠭᠡᠵᠢᠯᠡᠵᠦ᠍ ᠪᠠᠢᠬᠤᠪᠠᠷ ᠵᠢᠷᠭᠤᠭᠠᠨ ᠨᠠᠰᠤᠨᠤ ᠲᠡᠷᠡ ᠵᠢᠯ ᠬᠢᠵᠢᠭᠰᠡᠷᠭᠡᠢᠯᠡᠬᠦ᠌ ᠡᠮᠨᠡᠯᠭᠡᠶ᠋ᠢᠨ ᠠᠩᠭᠢ ᠮᠠᠨᠤ ᠨᠤᠲᠤᠭᠲᠤ ᠢᠷᠡᠵᠦ᠍᠂ ᠶᠡᠭᠡ ᠪᠠᠭᠠ ᠭᠡᠵᠦ ᠢᠯᠭᠠᠯ ᠦᠭᠡᠢ ᠠᠢᠯᠤᠨ ᠬᠦᠮᠦᠰᠤᠨ ᠴᠢᠰᠦᠶ᠋ᠢᠨᠢ ᠪᠠᠢᠴᠠᠭᠠᠬᠤ ᠭᠡᠳ ᠵᠡᠭᠦᠦ ᠬᠠᠳᠬᠣᠬᠣᠳᠤ ᠪᠢ ᠠᠶᠤᠵᠤ ᠬᠣᠢᠰᠢ ᠣᠬᠣᠷᠢᠬᠣ ᠳ᠋ᠦ ᠡᠮᠡᠭᠡ ᠡᠵᠢ᠄《ᠡᠮᠴᠢ ᠮᠠᠮᠠ ᠡ᠂ ᠮᠢᠨᠦ᠍ ᠬᠦᠦ᠍ᠶ᠋ᠢ ᠬᠦᠡᠭ᠌ᠭᠡᠨ ᠬᠠᠳᠭᠤᠭᠠᠷᠠᠢ》 ᠭᠡᠵᠦ᠍ ᠭᠤᠶᠤᠬᠤᠶ᠋ᠢᠨ ᠲᠠᠭᠠᠣ ᠴᠠᠮᠴᠠᠶ᠋ᠢᠨ ᠶ᠋ᠢᠡᠨ ᠬᠤᠷᠮᠤᠢᠪᠠᠷ ᠨᠢᠭᠤᠷᠢ ᠬᠠᠯᠬᠠᠯᠠᠵᠤ ᠪᠢᠳᠡᠭᠡᠢ ᠠᠶᠤ ᠭᠡᠵᠦ᠍ ᠠᠷᠭᠠᠲᠠᠵᠦ ᠠᠬᠣᠢ ᠳᠠᠯᠠᠪᠠᠢ ᠳ᠋ᠦ ᠪᠠᠢᠬᠰᠠᠨ ᠤᠯᠠᠨ ᠬᠦᠮᠦᠨᠢ ᠢᠨᠢᠶᠡᠯᠭᠡᠵᠦ᠍ ᠪᠢᠯᠡ᠃
ᠪᠠᠭᠠ ᠳ᠋ᠠᠭᠠᠨ ᠪᠢ ᠡᠮᠡᠭᠡ ᠡᠵᠢᠶᠢᠨ ᠠᠷᠣ ᠡᠴᠡ ᠰᠡᠭᠦᠳᠡᠷ ᠮᠡᠳᠦ ᠲᠠᠭᠠᠲᠠᠬ᠃ ᠵᠠᠷᠢᠮ ᠳ᠋ᠠᠭᠠᠨ ᠠᠢᠯᠤᠨ ᠭᠡᠤᠭᠡᠳᠲᠠᠢ ᠨᠠᠭᠠᠳᠤᠭᠠᠳ ᠬᠠᠷᠢᠵᠦ ᠢᠷᠡᠪᠡᠯ ᠡᠮᠡᠭᠡ ᠡᠵᠢ ᠪᠠᠢᠬᠤ ᠦᠭᠡᠢ ᠪᠤᠯ ᠡᠷᠢᠭᠡᠳ ᠤᠬᠢᠯᠠᠳᠠᠭ ᠶᠤᠮ᠃ ᠬᠦᠷᠰᠢ ᠰᠠᠭᠠᠬᠠᠯᠲᠠᠶᠢᠨ ᠬᠢᠨ ᠡᠮᠡᠭᠡ ᠡᠵᠢᠶᠢ ᠴᠢᠨᠢ ᠦᠭᠡᠷᠡ ᠬᠦᠮᠦᠨ ᠠᠪᠤᠭᠠᠳ ᠶᠠᠪᠤᠵᠠᠢ ᠭᠡᠪᠡᠯ ᠨᠠᠭᠠᠳᠤᠨ ᠱᠤᠭᠯᠠᠪᠠᠯ ᠨᠡᠩ ᠵᠢᠷᠦᠬᠡᠪᠠᠨ ᠬᠠᠭᠠᠷᠠᠳᠠᠯᠠ ᠠᠶᠤᠳᠠᠭ᠃
ᠡᠮᠡᠭᠡ ᠡᠵᠢ ᠮᠢᠨᠢ ᠳᠤᠯᠤᠭᠠᠢ ᠡᠪᠡᠳᠭᠦ᠌ ᠬᠠᠭᠤᠴᠢᠨ ᠠᠷᠬᠠᠭᠲᠠᠢ ᠳᠤᠯᠠ ᠳᠤᠯᠤᠭᠠᠢ ᠨᠢ ᠡᠪᠡᠳᠦᠪᠡᠯ ᠪᠢ ᠪᠠᠰᠠ ᠰᠠᠨᠳᠤᠷᠴᠤ᠌᠂ ᠡᠮᠡᠭᠡ ᠡᠵᠢᠠᠴᠠᠪᠠᠨ ᠰᠠᠯᠬᠤ ᠦᠭᠡᠢ ᠵᠢᠭᠣᠷᠠᠵᠦ ᠤᠬᠢᠯᠠᠳᠠᠭ᠃ ᠨᠠᠮᠠᠶ᠋ᠢ ᠡᠮᠡᠭᠡ ᠡᠵᠢ ᠲᠠᠢᠪᠠᠨ ᠢᠡᠭ᠌ᠭᠢᠵᠦ᠍ ᠠᠮᠢ ᠨᠠᠰᠤᠪᠠᠨ ᠬᠤᠯᠪᠤᠵᠤ ᠠᠮᠢᠳᠤᠷᠠᠬᠣᠶᠢ ᠬᠠᠷᠠᠬᠰᠠᠨ ᠠᠢᠯᠤᠨ ᠬᠦᠮᠦᠰ ᠪᠢᠱᠢᠷᠡᠨ ᠪᠠᠭ᠍ᠠᠷᠬᠠᠵᠦ᠂ ᠵᠠᠷᠢᠮᠨᠢ ᠣᠮᠪᠣᠯᠣ ᠪᠠᠨ ᠬᠡᠳᠦᠷᠬᠡᠢ ᠰᠠᠨᠠᠵᠤ ᠪᠠᠢᠨᠠ᠂ ᠬᠤᠵᠢᠮ ᠴᠢᠮᠡ ᠳ᠋ᠦ ᠬᠦᠱᠢᠶᠡ ᠪᠤᠰᠭᠠᠵᠤ ᠦᠭ᠌ᠭᠦᠨᠡ ᠤᠤ？ ᠭᠡᠵᠦ᠍ ᠬᠡᠯᠡᠭᠦᠶ᠋ᠢ ᠨᠢ ᠰᠤᠨᠤᠰᠴᠤ᠌ ᠪᠠᠢᠬᠰᠠᠨ ᠪᠣᠯᠪᠠᠴᠣ ᠲᠡᠷᠡ ᠦᠶᠡ ᠳ᠋ᠦ ᠣᠴᠢᠷ ᠣᠬᠠᠭᠠᠨᠢ ᠣᠢᠯᠠᠭᠠᠬᠣ ᠦᠭᠡᠢ ᠪᠠᠢᠵᠠᠢ᠃
ᠠᠯᠤᠰ ᠤ᠋ᠨ ᠵᠠᠮ ᠢ᠋ ᠵᠢᠭᠠᠵᠦ ᠦᠭᠭᠦᠭᠰᠡᠨ ᠠᠭᠤᠦ ᠶᠡᠬᠡ ᠡᠮᠡᠭᠡ ᠡᠵᠢ ᠮᠢᠨᠢ
1956 ᠤᠨᠤ ᠨᠠᠮᠤᠷ ᠡᠮᠡᠭᠡ ᠡᠵᠢ ᠮᠢᠨᠢ ᠨᠠᠮᠠᠶ᠋ᠢ ᠳᠠᠭᠠᠭᠤᠯᠵᠤ ᠰᠤᠷᠭᠠᠭᠤᠯᠢᠳᠤ ᠬᠦᠷᠭᠡᠨ ᠪᠢᠴᠢᠭ ᠦᠵᠡᠭᠦᠯᠵᠡᠢ᠃
ᠪᠢ ᠰᠤᠷᠭᠠᠭᠤᠯᠢᠶᠢᠨ ᠪᠣᠱᠣᠭᠠᠶᠢ ᠠᠯᠬᠣᠬᠰᠠᠨ ᠪᠤᠯᠪᠠᠴᠤ᠌ ᠪᠡᠶᠡ ᠪᠢᠯᠳᠠᠷ ᠮᠠᠷᠢᠶᠠ ᠮᠢᠬᠠᠲᠠᠢ ᠳᠤᠯᠠ ᠡᠳᠦᠷᠲᠤ ᠨᠠᠭᠠᠰᠢ ᠴᠠᠭᠠᠰᠢ ᠨᠠᠢ᠍ᠮᠠᠨ ᠭᠠᠵᠠᠷ ᠵᠠᠮᠨᠠᠬᠣ ᠭᠡᠵᠦ ᠳᠡᠩᠭᠡᠭᠡᠳᠤ ᠳᠤᠯᠲᠠᠬ᠃ ᠲᠡᠭᠡᠬᠦ ᠳ᠋ᠦ ᠡᠮᠡᠭᠡ ᠡᠵᠢ ᠮᠢᠨᠢ ᠵᠠᠮᠤᠨ ᠬᠠᠵᠠᠭᠤᠳᠡᠬᠢ ᠬᠤᠨᠭ᠌ᠱᠢᠶᠠᠷᠤᠨ ᠮᠤᠳᠤᠨᠤ ᠰᠡᠭᠦᠳᠡᠷᠲᠤ ᠤᠰᠤ ᠪᠤᠯᠤᠨ ᠭᠤᠸᠠ ᠪᠠᠨ ᠠᠪᠴᠤ᠌ ᠲᠣᠰᠣᠨ ᠬᠦᠯᠢᠶᠡᠲᠡᠭ᠃ ᠨᠠᠮᠠᠶ᠋ᠢ ᠣᠬᠲᠣᠨ ᠲᠣᠰᠣᠭᠠᠳ ᠤᠰᠤ ᠤᠤᠭᠤᠯᠭᠠᠨ᠂ ᠭᠤᠸᠠ ᠪᠠᠨ ᠢᠳᠡᠭᠦᠯᠵᠦ᠍ ᠪᠠᠷᠠᠪᠠᠯ ᠠᠢᠯᠤᠨ ᠪᠠᠷᠠᠭᠤᠨ ᠳᠠᠯᠠ ᠪᠡᠷ ᠣᠷᠣᠰᠬᠣ ᠵᠢᠵᠢᠬᠭᠡᠨ ᠭᠤᠷᠤᠬᠠᠶ᠋ᠢ ᠳᠤᠭᠤᠯᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠲᠠᠬ ᠶᠣᠮ᠃ 70 ᠵᠢᠯᠤᠨ ᠡᠮᠦᠨᠡ ᠪᠢ ᠴᠢᠨᠢ ᠤᠳᠤᠬᠢ ᠬᠤᠳᠠᠶ᠋ᠢᠨ ᠭᠡᠤᠭᠡᠳᠤᠨ ᠠᠲᠠᠯᠢ ᠠᠰᠠᠷᠠᠮᠵᠢ ᠬᠠᠷᠠᠭᠠᠯᠵᠠᠯᠢ ᠬᠦᠷᠳᠡᠵᠦ᠍ ᠪᠠᠢᠬ᠍ᠰᠠᠨ ᠰᠢᠦ ᠳ᠋ᠠ᠃
ᠳᠡᠭᠡᠷᠡ ᠠᠩᠭᠢᠶ᠋ᠢᠨ ᠰᠤᠷᠤᠭ᠍ᠴᠢᠳ ᠤᠯᠠᠭᠠᠨ ᠪᠦᠴᠡ ᠵᠡᠭᠦᠵᠦ᠍ ᠪᠠᠢᠬᠤᠶ᠋ᠢ ᠦᠵᠡᠭᠡᠳ ᠡᠮᠡᠭᠡ ᠡᠵᠢ ᠮᠢᠨᠢ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠤ᠌ ᠪᠠᠭ᠍ᠰᠢ ᠨᠠᠷᠢ ᠡᠷᠢᠵᠦ᠄《ᠲᠠ ᠨᠠᠷ ᠮᠢᠨᠦ᠍ ᠬᠦᠦ᠍ᠳᠤ ᠪᠠᠰᠠ ᠳᠡᠷᠡ ᠤᠯᠠᠭᠠᠨ ᠵᠠᠩᠭᠢᠶᠠᠪᠠᠨ ᠦᠭ᠌ᠭᠦ ᠪᠤᠯᠪᠠ ᠤᠤ？》 ᠭᠡᠳ ᠤᠯᠠᠨᠢ ᠢᠨᠢᠶᠡᠯᠭᠡᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠃
ᠬᠤᠵᠢᠮᠨᠢ ᠪᠢ ᠡᠨᠡ ᠭᠦ᠌ 《ᠤᠯᠠᠭᠠᠨ ᠵᠠᠩᠭᠢᠶᠠ》 — ᠤᠯᠠᠭᠠᠨ ᠪᠦᠴᠡᠶ᠋ᠢ ᠤᠯᠵᠤ ᠵᠡᠭᠦᠭ᠌ᠰᠡᠨ ᠡᠳᠦᠷ ᠬᠦᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠬᠦᠭᠰᠡᠨ ᠪᠠᠶᠠᠷᠯᠠᠵᠦ᠂ ᠡᠮᠡᠭᠡ ᠡᠵᠢᠳᠡᠭᠡᠨ ᠪᠠᠶᠠᠷᠤᠨ ᠴᠢᠮᠡᠭᠡ ᠪᠠᠨ ᠣᠯᠠᠮᠵᠢᠯᠠᠵᠠᠢ᠃ ᠵᠠᠯᠭᠠᠭᠠᠳ ᠪᠢ ᠪᠠᠭᠠᠴᠤᠳᠤᠨ ᠬᠤᠱᠢᠭᠤᠴᠢ ᠠᠩᠭᠢᠶ᠋ᠢᠨ ᠶᠡᠭᠡ ᠠᠩᠭᠢᠶ᠋ᠢᠨ ᠳᠠᠷᠤᠭᠠ ᠪᠤᠯᠵᠤ᠂ ᠭᠤᠷᠪᠠᠨ ᠵᠢᠷᠤᠭᠠᠰᠤᠲᠠᠢ ᠳᠡᠮᠳᠡᠭ ᠵᠡᠭᠦᠭ᠌ᠰᠡᠨᠳᠤ ᠡᠮᠡᠭᠡ ᠡᠵᠢ ᠮᠢᠨᠢ ᠬᠦᠮᠦᠨ ᠦᠵᠡᠪᠡᠯ ᠬᠡᠯᠡᠵᠦ᠍᠂ 《ᠮᠢᠨᠦ᠍ ᠬᠦᠦ ᠳᠠᠷᠤᠭᠠ ᠪᠤᠯᠴᠢᠬᠠᠬ᠍ᠰᠠᠨ ᠱᠢᠤ》 ᠭᠡᠵᠦ᠍ ᠠᠢᠯ ᠠᠢᠮᠠᠭᠲᠠᠭᠠᠨ ᠦᠯᠢᠭᠡᠷ ᠪᠤᠯᠵᠤ ᠪᠠᠢᠬ᠍ᠰᠠᠨ᠃
ᠭᠤᠷᠪᠠᠨ ᠵᠢᠯᠤᠨ ᠭᠠᠴᠢᠬ ᠴᠠᠭ ᠲᠦ᠍᠂ ᠮᠠᠨᠤ ᠵᠢᠷᠭᠤᠭᠠᠨ ᠠᠮᠠ ᠪᠦᠯᠢ ᠡᠳᠦᠷᠲᠤ ᠭᠤᠷᠪᠠᠨ ᠯᠠᠩ ᠬᠠᠷᠠ ᠪᠤᠳᠠᠭᠠ ᠢᠳᠡᠭᠦ᠌ ᠳᠤᠭ᠍ᠳᠠᠭᠠᠯ ᠲᠠᠢ᠃ ᠲᠡᠭᠡᠬᠦ ᠳ᠋ᠦ ᠡᠮᠡᠭᠡ ᠡᠵᠢ ᠮᠢᠨᠢ ᠦᠰᠬᠦ ᠨᠠᠰᠣᠨ ᠳ᠋ᠠᠭᠠᠨ ᠪᠠᠢᠭᠠ ᠭᠣᠷᠪᠠᠨ ᠣᠮᠪᠣᠯᠣ ᠪᠠᠨ ᠢᠯᠡᠭᠦᠦ ᠢᠳᠡᠭᠦᠯᠦᠨᠡ ᠭᠡᠵᠦ᠍ ᠪᠠᠢᠭᠠᠳ ᠦᠯᠦᠰᠦᠭᠡᠳ ᠬᠠᠷᠠᠩᠭᠤᠰᠴᠤ ᠮᠠᠨᠠᠷᠠᠭ᠍ᠰᠠᠨ ᠣᠲᠠᠭᠠ ᠲᠠᠢ᠃ ᠦᠪᠡᠷᠢᠪᠠᠨ ᠴᠦᠯᠡᠵᠦ᠍᠂ ᠦᠷᠡ ᠭᠡᠤᠭᠡᠳᠢᠶᠠᠨ ᠠᠮᠢᠳᠤᠷᠠᠭᠤᠯᠤᠨᠠ ᠭᠡᠰᠡᠨ ᠠᠭᠤᠤ ᠶᠡᠭᠡ ᠡᠮᠡᠭᠡ ᠡᠵᠢᠶᠢᠨ ᠦᠷᠦᠱᠢᠶᠡᠯ ᠬᠠᠢᠷᠠ ᠡᠨᠡ ᠪᠣᠶᠣ᠃
ᠨᠠᠮᠠᠶ᠋ᠢ ᠶᠡᠬᠡᠳᠠᠯᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠰᠣᠷᠣᠯᠴᠠᠵᠦ ᠪᠠᠢᠬᠤᠳᠤ᠂ ᠡᠮᠡᠭᠡ ᠡᠵᠢ ᠮᠢᠨᠢ ᠵᠢᠷᠠᠨ ᠭᠠᠵᠠᠷᠤᠨ ᠵᠠᠮᠢ ᠠᠯᠵᠢᠶᠠᠯ ᠦᠭᠡᠢ ᠳᠠᠶᠠᠭ ᠳᠤᠯᠵᠦ᠂ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠵᠠᠷᠮᠠ ᠪᠠᠨ ᠡᠭᠦᠷᠦᠭᠡᠳ ᠦᠵᠡᠭᠦᠪᠠᠷ ᠢᠷᠡᠲᠡᠭ᠃ ᠲᠦᠡᠭ᠌ᠯᠢᠶᠤᠤᠳᠠᠬᠢ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠦ ᠪᠠᠢᠬᠰᠠᠨ ᠲᠡᠷᠡ ᠦᠶᠡ ᠳ᠋ᠦ᠂ ᠬᠢᠳᠠᠳ ᠦᠭᠡ ᠲᠦᠬᠦᠭᠡᠷᠬᠦ ᠦᠭᠡᠢ ᠡᠮᠡᠭᠡ ᠡᠵᠢ ᠮᠢᠨᠢ ᠬᠣᠢᠨᠠ ᠡᠴᠡ ᠡᠷᠬᠢᠵᠦ ᠦᠵᠡᠬᠦ ᠪᠠᠨ ᠪᠠᠷᠢᠮᠲᠠᠯᠠᠬᠰᠠᠭᠠᠷ ᠢᠷᠡᠵᠡᠢ᠃ ᠴᠢᠩᠬᠢᠭᠡᠳ ᠪᠢ ᠬᠠᠮᠳᠤ ᠰᠤᠷᠤᠭ᠍ᠴᠢᠲᠠᠢᠪᠠᠨ ᠴᠣᠬ ᠡᠮᠡᠭᠡ ᠡᠵᠢᠪᠠᠨ ᠣᠬᠲᠣᠨ ᠠᠪᠴᠣ᠂ ᠡᠮᠡᠭᠡ ᠡᠵᠢᠶᠢᠨ ᠶ᠋ᠢᠡᠨ ᠡᠨᠡ ᠨᠠᠰᠣᠨ ᠳ᠋ᠡᠬᠢ ᠠᠩᠬᠠ ᠤᠳᠠᠭᠠ ᠭᠡᠷᠡᠯ ᠵᠢᠷᠤᠭ ᠳᠠᠳᠠᠭᠣᠯᠵᠤ ᠡᠭᠦᠷᠢᠳᠡᠶ᠋ᠢᠨ ᠳᠤᠷᠠᠰᠭᠠᠯ ᠪᠤᠯᠭᠠᠭ᠍ᠰᠠᠨ ᠪᠢᠯᠡ᠃
ᠮᠢᠨᠦ᠍ ᠨᠢᠭᠡ ᠨᠠᠰᠤᠨᠳᠤ ᠠᠯᠢ ᠤᠯᠠᠨ ᠪᠠᠭ᠍ᠰᠢ ᠨᠠᠷ ᠪᠠᠢᠬᠰᠠᠨ ᠭᠡᠲᠡᠭ ᠪᠣᠯᠪᠠᠴᠣ ᠬᠦᠮᠦᠨ ᠪᠤᠯᠵᠤ ᠬᠦᠯᠦᠭᠤᠨ ᠨᠢᠷᠤᠭᠤᠨ ᠳ᠋ᠦ ᠮᠣᠷᠲᠠᠬᠣ ᠬᠠᠮᠤᠭᠤᠨ ᠠᠩᠬᠠᠨᠤ ᠪᠠᠭ᠍ᠰᠢ ᠭᠡᠪᠡᠯ ᠡᠮᠡᠭᠡ ᠡᠵᠢ ᠪᠤᠯᠬᠤ ᠶᠤᠮ᠃
ᠤᠷᠲᠦ ᠨᠠᠰᠤᠯᠠᠵᠦ ᠤᠳᠠᠭᠠᠨ ᠵᠢᠷᠭᠠᠬᠰᠠᠨ ᠡᠮᠡᠭᠡ ᠡᠵᠢ ᠮᠢᠨᠢ
1968 ᠤᠨᠳᠤ᠂ ᠪᠢ ᠦᠨᠳᠦᠷ ᠳᠤᠮᠳᠠᠳᠤᠪᠠᠨ ᠳᠡᠭᠦᠰᠦᠭᠡᠳ ᠨᠣᠲᠣᠬ ᠲᠠᠭᠠᠨ ᠬᠠᠷᠢᠵᠦ ᠳᠠᠷᠢᠶᠠᠨ ᠠᠵᠢᠯ ᠬᠢᠵᠦ᠂ ᠡᠮᠡᠭᠡ ᠡᠵᠢ ᠪᠣᠯᠣᠨ ᠠᠪᠤ ᠡᠵᠢᠳᠡᠭᠡᠨ ᠬᠦᠴᠦ᠍ᠪᠠᠨ ᠡᠷᠭᠦᠵᠦ᠍ ᠠᠴᠢᠶ᠋ᠢᠨᠢ ᠬᠠᠷᠢᠭᠤᠯᠬᠤ ᠨᠦᠭᠦᠴᠡᠯᠲᠠᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠲᠠᠷᠠᠭᠠ ᠵᠢᠯ ᠨᠢ ᠠᠢᠯ ᠭᠡᠷ ᠵᠢᠨᠨ ᠪᠤᠰᠬᠠᠵᠠᠢ᠃ ᠮᠢᠨᠦ ᠡᠭᠡᠨᠡᠷᠢ ᠯᠢ ᠮᠸᠢ ᠷᠦᠡᠭ ᠭᠡᠳᠡᠭ᠃ ᠲᠡᠭᠡᠬᠦ ᠳ᠋ᠦ ᠡᠮᠡᠭᠡ ᠡᠵᠢ ᠮᠢᠨᠢ ᠮᠠᠰᠢ ᠰᠡᠳᠭᠢᠯ ᠬᠠᠨᠤᠮᠵᠢᠳᠠᠢ ᠪᠠᠢᠵᠤ᠄《 ᠮᠢᠨᠦ᠍ ᠬᠦᠦ ᠰᠠᠢᠨ ᠪᠡᠷᠢ ᠤᠯᠵᠠᠢ᠃ ᠡᠨᠡ ᠪᠡᠷᠢᠶ᠋ᠢᠨ ᠬᠦᠮᠦᠨ ᠴᠢᠨᠠᠷ ᠰᠠᠢᠨ᠂ ᠠᠴᠢᠯᠠᠯ ᠵᠢᠷᠤᠮᠳᠠᠢ᠂ ᠪᠢᠴᠢᠭ ᠦᠰᠦᠭᠲᠠᠢ᠂ ᠦᠡᠭ᠌ᠭᠡ ᠵᠢᠰᠦᠨᠢ ᠰᠠᠢᠬᠠᠨ᠂ ᠠᠵᠢᠯ ᠠᠮᠢᠳᠤᠷᠠᠯᠳᠠᠭᠠᠨ ᠤᠨᠴᠠ ᠰᠠᠢᠨ》 ᠭᠡᠵᠦ᠍ ᠦᠷᠭᠦᠯᠵᠢ ᠮᠠᠭ᠍ᠳᠠᠳᠠᠭ ᠪᠢᠯᠡ᠃
ᠪᠢᠳᠡᠨᠢ ᠭᠡᠤᠭᠡᠳᠲᠠᠢ ᠪᠣᠯᠣᠬᠰᠠᠨᠤ ᠬᠣᠢᠨᠠ ᠡᠮᠡᠭᠡ ᠡᠵᠢ ᠮᠢᠨᠢ ᠶᠠᠭ ᠪᠠᠭᠠ ᠳ᠋ᠦ ᠨᠠᠮᠠᠶ᠋ᠢ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠵᠦ ᠪᠠᠢᠬ᠍ᠰᠠᠨ ᠱᠢᠭ᠋ ᠣᠮᠪᠣᠯᠣ ᠪᠠᠷᠢ ᠪᠠᠨ ᠠᠰᠠᠷᠠᠵᠦ ᠬᠠᠷᠠᠭᠠᠯᠵᠠᠨ᠂ ᠦᠪᠡᠷᠤᠨ ᠳᠦᠷᠦᠭ᠌ᠰᠡᠨ ᠦᠬᠢᠨᠢᠶᠠᠨ ᠱᠢᠭ ᠰᠠᠨᠠᠵᠤ ᠬᠠᠢᠷᠠᠯᠠᠵᠤ ᠶᠠᠪᠤᠵᠠᠢ᠃
ᠪᠢᠳᠡ ᠴᠤ᠌ ᠡᠮᠡᠭᠡ ᠡᠵᠢᠪᠠᠨ ᠠᠴᠢᠯᠠᠨ ᠬᠦᠨᠳᠦᠳᠭᠡᠵᠦ᠂ ᠠᠴᠢ ᠭᠠᠪᠢᠶᠠᠶ᠋ᠢᠨᠢ ᠬᠠᠷᠢᠭᠤᠯᠠᠵᠤ᠂ ᠤᠷᠳᠤ ᠨᠠᠰᠤᠯᠠᠭᠤᠯᠵᠤ ᠤᠳᠠᠭᠠᠨ ᠵᠢᠷᠭᠠᠭᠤᠯᠤᠶᠠ ᠭᠡᠵᠦ᠍ ᠰᠠᠨᠠᠵᠦ ᠵᠢᠳᠬᠦᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃
ᠬᠣᠵᠢᠮ ᠨᠢ ᠪᠢ ᠨᠤᠭᠤᠰᠤᠳᠠᠢ ᠨᠢᠭᠡᠳᠦᠯᠳᠤ ᠤᠯᠤᠰᠤᠨ ᠺᠠᠳ᠋ᠷ ᠪᠤᠯᠵᠤ ᠶᠠᠪᠤᠬᠤᠳᠤ ᠡᠮᠡᠭᠡ ᠡᠵᠢ ᠮᠢᠨᠢ ᠦᠲᠡᠨ ᠮᠤᠷᠳᠠᠭᠤᠯᠵᠦ᠄《ᠭᠡᠷᠤᠨᠢᠶᠠᠨ ᠲᠦᠯᠦᠭᠡ᠂ ᠪᠡᠷᠢ ᠪᠤᠯᠤᠨ ᠭᠡᠤᠭᠡᠳᠤᠨᠢᠶᠠᠨ ᠲᠦᠯᠦᠭᠡ ᠪᠢᠳᠡᠭᠡᠢ ᠰᠠᠨᠠᠭᠠ ᠵᠤᠪᠠ᠂ ᠡᠮᠡᠭᠡ ᠡᠵᠢ ᠴᠢᠨᠢ ᠪᠠᠢᠬᠤ ᠦᠭᠡᠢ ᠤᠤ ᠳ᠋ᠠ》 ᠭᠡᠵᠦ᠍ ᠵᠤᠷᠢᠬ᠍ᠵᠢᠭᠤᠯᠵᠤ ᠪᠠᠢᠬ᠍ᠰᠠᠨ ᠪᠢᠯᠡ᠃
ᠲᠡᠷᠡ ᠵᠢᠯ ᠪᠢ ᠡᠮᠡᠭᠡ ᠡᠵᠢᠳᠡᠭᠡᠨ ᠱᠠᠩᠬᠠᠢ ᠬᠢᠴᠡᠳᠡᠢ ᠪᠠᠨᠳᠤᠤᠲ᠋ᠢ ᠠᠪᠴᠤ᠌ ᠦᠭ᠌ᠭᠦᠨ ᠦᠯᠢᠭᠡᠷ ᠰᠤᠨᠤᠰᠭᠤ ᠭᠡᠰᠡᠨ ᠬᠦᠰᠡᠯᠢᠨᠢ ᠪᠡᠶᠡᠯᠡᠭᠦᠯᠦᠯᠡ᠃
ᠪᠢᠳᠡ ᠡᠷᠡ ᠡᠮᠡ ᠬᠤᠶᠠᠭᠤᠯᠠᠪᠠᠨ ᠭᠠᠳᠠᠭ᠍ᠰᠢ ᠭᠠᠷᠬᠤ ᠪᠤᠶᠤ ᠬᠠᠨᠭ᠌ᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠱᠢᠶᠠᠠᠴᠠ ᠪᠠᠭᠠ ᠰᠠᠭᠠ ᠠᠮᠳᠠᠳᠠᠢ ᠪᠤᠤᠪᠤ ᠪᠤᠭᠤᠷᠰᠤᠭ ᠠᠪᠴᠤ᠌ ᠡᠮᠡᠭᠡ ᠡᠵᠢᠳᠤ ᠢᠳᠡᠭᠦᠯᠭᠦ᠌ ᠭᠡᠪᠡᠯ ᠠᠮᠠ ᠰᠢᠮᠡ ᠲᠡᠳᠦᠢ ᠢᠳᠡᠭᠡᠳ ᠬᠤᠷᠢᠶᠠᠵᠤ ᠳᠠᠯᠪᠢᠲᠠᠬ᠃ ᠲᠡᠭᠡᠭᠡᠳ ᠪᠢᠳᠡᠨᠢ ᠭᠠᠷᠴᠤ᠌ ᠶᠠᠪᠣᠬᠰᠠᠨ ᠬᠣᠭᠣᠷᠣᠨᠲᠣ ᠮᠢᠨᠦ ᠭᠤᠷᠪᠠᠨ ᠬᠡᠦᠬᠡᠳᠢ ᠲᠠᠭᠣᠲᠠᠵᠦ᠄ 《ᠠᠪᠤ ᠮᠦᠮᠦ᠍ ᠴᠢᠨᠢ ᠦᠭᠡᠢ ᠪᠠᠢᠨᠠ᠂ ᠬᠤᠷᠳᠤᠨ ᠢᠷᠡᠵᠦ᠍ ᠢᠳᠡᠭᠡᠷᠡᠢ》 ᠭᠡᠳ ᠤᠯᠠᠨᠢ ᠢᠨᠢᠶᠡᠯᠭᠡᠨ ᠰᠡᠳᠭᠢᠯ ᠬᠦᠳᠡᠯᠭᠡᠵᠦ᠍ ᠪᠠᠢᠬ᠍ᠰᠠᠨᠨᠢ ᠶᠠᠭ ᠦᠴᠦᠭᠡᠳᠦᠷ ᠱᠢᠭ ᠰᠠᠨᠠᠭ᠍ᠳᠠᠨᠠ᠃
ᠬᠠᠪᠤᠷᠤᠨ ᠬᠠᠪᠰᠠᠷᠭᠠ ᠰᠠᠯᠬᠢᠨᠳᠤ ᠬᠦᠷᠢᠶᠡ ᠬᠠᠱᠢᠶᠠᠨᠤ ᠬᠡᠷᠡᠮᠤᠨ ᠪᠣᠯᠣᠩ ᠳ᠋ᠦ ᠡᠯᠡᠰᠦ ᠬᠤᠮᠠᠭ ᠴᠤᠭ᠍ᠯᠠᠷᠠᠪᠠᠯ ᠨᠠᠶᠠ ᠭᠠᠷᠤᠭ᠍ᠰᠠᠨ ᠡᠮᠡᠭᠡ ᠡᠵᠢ ᠮᠢᠨᠢ ᠬᠦᠷᠵᠡ ᠡᠬᠦᠷᠦᠨ ᠬᠠᠭᠤᠷᠠᠢ ᠬᠤᠮᠠᠭᠢ ᠪᠠᠭᠠ ᠪᠠᠭᠠ ᠪᠡᠷ ᠭᠠᠳᠠᠭ᠍ᠰᠢ ᠬᠠᠶᠠᠲᠠᠬ᠃ ᠡᠬᠦᠨᠢ ᠨᠢᠭᠡᠳᠦᠯᠤᠨ ᠺᠠᠳ᠋ᠷᠴᠤᠳ ᠦᠵᠡᠭᠡᠳ᠄《 ᠦ᠊ ᠳᠠᠷᠤᠭᠠᠶ᠋ᠢᠨ 〈ᠵᠠᠯᠠᠭᠤ〉 ᠬᠦᠳᠡᠯᠮᠦᠷᠢᠴᠢᠨᠨᠢ ᠦᠨᠳᠦᠰᠦᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠ ᠬᠢᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠱᠤᠭ᠍ᠯᠠᠨ ᠶᠠᠷᠢᠲᠠᠬ᠃ ᠬᠠᠶᠠ ᠵᠠᠷᠢᠮ ᠳ᠋ᠠᠭᠠᠨ ᠪᠢᠳᠡ ᠭᠡᠷ ᠵᠠᠭᠣᠷᠠᠶᠢᠨ ᠠᠵᠢᠯ ᠳ᠋ᠦ ᠶᠠᠭᠠᠷᠠᠪᠠᠯ ᠡᠮᠡᠭᠡ ᠡᠵᠢ ᠮᠢᠨᠢ ᠪᠠᠰᠠ ᠵᠦᠭᠡᠷ ᠰᠠᠭᠣᠬᠣ ᠦᠭᠡᠢ ᠪᠢᠳᠡᠨ ᠳ᠋ᠦ ᠲᠣᠰᠠ ᠲᠡᠮ ᠪᠣᠯᠬᠣ ᠭᠡᠵᠦ ᠵᠢᠳᠬᠦᠯᠡᠲᠡᠭ᠃ ᠪᠢᠳᠡ ᠲᠡᠬᠦᠨᠢ ᠢᠳᠬᠠᠨ ᠬᠣᠷᠢᠬᠯᠠᠬᠣ ᠳ᠋ᠦ᠄ 《 ᠪᠦᠭᠦᠳᠡᠭᠡᠷᠢᠶᠠᠨ ᠬᠢᠬᠦ᠌ ᠴᠢᠨᠢ ᠪᠠ ᠯᠤ᠌ᠶ᠋ᠢᠨ ᠶᠤᠰᠤ》 ᠭᠡᠵᠦ᠍ ᠶᠡᠭᠡ 《ᠤᠨᠤᠯ》 ᠶᠠᠷᠢᠵᠦ᠍ ᠮᠠᠨᠢ ᠰᠤᠷᠭᠠᠳᠠᠭ ᠶᠣᠮ᠃
ᠨᠤᠭᠤᠰᠤᠳᠠᠢᠠᠴᠠ ᠴᠢᠯᠠᠭᠤᠳᠤᠳᠤ ᠨᠡᠭᠦᠭᠦ᠌ ᠦᠶᠡ ᠨᠠᠮᠤᠷᠤᠨ ᠪᠤᠷᠤᠭᠠᠨ ᠵᠦᠰᠡᠷᠡᠵᠦ᠍᠂ ᠱᠢᠷᠤᠢᠶ᠋ᠢᠨ ᠵᠠᠮ ᠱᠢᠪᠠᠷ ᠱᠠᠯᠴᠢᠬ ᠶᠡᠭᠡ ᠪᠠᠢᠵᠤ ᠮᠠᠱᠢᠨ ᠳᠡᠷᠭᠡ ᠱᠢᠪᠠᠷᠳᠠᠵᠤ ᠶᠠᠪᠤᠵᠤ ᠳᠡᠢᠯᠬᠦ᠌ ᠦᠭᠡᠢ ᠪᠠᠢᠯᠠ᠃ ᠪᠢ ᠨᠠᠶᠠᠨ ᠨᠠᠢ᠍ᠮᠠᠲᠠᠢ ᠡᠮᠡᠭᠡ ᠡᠵᠢᠪᠠᠨ ᠳᠡᠷᠭᠡᠨᠠᠴᠠ ᠪᠠᠭᠤᠯᠭᠠᠵᠤ ᠬᠡᠳᠦ ᠤᠳᠠᠭᠠ ᠤᠰᠤᠨ ᠳᠤᠮᠳᠠᠭᠤᠷ ᠡᠭᠦᠷᠴᠤ᠌ ᠤᠰᠤ ᠭᠡᠳᠦᠯᠬᠦ᠌ᠳᠤ ᠬᠦᠷᠭᠡᠵᠦ᠍ ᠪᠠᠢᠭᠠ ᠬᠦᠮᠦᠰ ᠪᠦᠷ᠄ 《 ᠬᠦᠡᠭ᠌ᠱᠧᠶ᠋ᠢᠨ ᠱᠦᠵᠢ ᠡᠮᠡᠭᠡ ᠡᠵᠢᠪᠠᠨ ᠡᠭᠦᠷᠴᠤ᠌ ᠪᠠᠢᠬᠤ ᠴᠢᠨᠢ ᠦᠨᠡᠬᠡᠷ ᠭᠤᠶᠤ ᠪᠠᠢᠨᠠ》 ᠭᠡᠵᠦ᠍ ᠶᠠᠷᠢᠵᠠᠭᠠᠵᠤ ᠪᠠᠢᠯᠠ᠃
ᠮᠢᠨᠦ᠍ ᠭᠤᠷᠪᠠᠨ ᠬᠡᠦᠬᠡᠳ ᠴᠤ᠌ ᠡᠯᠦᠨᠴᠡ ᠡᠮᠡᠭᠡ ᠳ᠋ᠡᠭᠡᠨ ᠠᠷᠭᠠ ᠦᠭᠡᠢ ᠬᠠᠢᠷᠠᠲᠠᠢ᠃ ᠲᠣᠬᠯᠠᠵᠦ ᠬᠦᠶᠦᠯᠲᠦᠭᠰᠡᠨ ᠲᠣᠮᠣᠭᠠ ᠦᠭᠡᠢ ᠵᠢᠭᠠᠯ ᠪᠠᠢᠬᠣ ᠡᠴᠡ ᠪᠠᠨ ᠳᠡᠮᠦᠷ ᠳᠡᠭᠦᠬᠦ ᠪᠣᠶᠣ ᠬᠡᠳᠦᠨ ᠳᠠᠬᠢᠶᠠᠨ ᠦᠨᠳᠡᠭᠡᠪᠠᠨ ᠠᠪᠴᠣ ᠬᠠᠨᠭ᠌ᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠱᠢᠶᠠᠳᠤ ᠬᠤᠳᠠᠯᠳᠤᠨ ᠡᠯᠦᠨᠴᠡ ᠡᠮᠡᠭᠡᠳᠡᠭᠡᠨ ᠱᠢᠬᠢᠷ ᠪᠤᠭᠤᠷᠰᠤᠭ ᠠᠪᠴᠤ᠌ ᠢᠳᠡᠭᠦᠯᠳᠡᠭ᠃
ᠬᠠᠨ ᠠᠭᠤᠯᠠᠶ᠋ᠢ ᠴᠠᠰᠤ ᠳᠠᠷᠤᠵᠦ᠂ ᠬᠠᠢᠷᠠᠨ ᠪᠡᠶᠡᠶ᠋ᠢ ᠨᠠᠰᠤ ᠳᠠᠷᠤᠲᠠᠬ᠃ ᠴᠢᠯᠠᠭᠤᠳᠤᠳᠤ ᠢᠷᠡᠭ᠌ᠰᠡᠨᠤ ᠲᠠᠷᠠᠭᠠ ᠡᠮᠡᠭᠡ ᠡᠵᠢ ᠬᠦᠨᠳᠦ ᠡᠪᠡᠳᠴᠢᠯᠡᠭ᠌ᠰᠡᠨᠠᠴᠠ ᠲᠠᠮᠢᠷ ᠳᠡᠩᠭᠡᠭᠡᠨᠢ ᠢᠯᠡᠳᠲᠡ ᠮᠠᠭᠣᠵᠢᠷᠠᠵᠠᠢ᠃ ᠲᠡᠷᠡ ᠦᠶᠡ ᠳ᠋ᠦ ᠪᠢ ᠠᠯᠪᠠᠨ ᠠᠵᠢᠯ ᠶ᠋ᠢᠡᠷ ᠦᠷᠭᠦᠯᠵᠢ ᠬᠦᠳᠡᠭᠡ ᠪᠠᠭᠤᠵᠤ ᠭᠠᠳᠠᠭ᠍ᠰᠢ ᠶᠠᠪᠣᠵᠦ᠂ ᠬᠡᠳᠦᠨ ᠵᠢᠯ ᠳᠠᠷᠠᠭᠠᠯᠠᠨ ᠬᠦᠭᠡᠬᠤᠳᠠ ᠪᠡᠭᠡᠵᠢᠩ ᠳ᠋ᠦ ᠬᠦᠷᠴᠦ ᠰᠤᠷᠣᠯᠴᠠᠵᠦ ᠶᠠᠪᠣᠬᠰᠠᠨ ᠲᠣᠯᠠ ᠭᠡᠷᠲᠡᠭᠡᠨ ᠦᠴᠦᠬᠡᠨ ᠴᠤ᠌ ᠳᠤᠰᠠ ᠲᠡᠮ ᠪᠣᠯᠵᠦ ᠴᠢᠲᠠᠬᠰᠠᠨ ᠦᠭᠡᠢ᠃ ᠡᠮᠡᠭᠡ ᠡᠵᠢ ᠮᠢᠨᠢ ᠨᠠᠮᠠᠶ᠋ᠢ ᠪᠡᠶᠡ ᠡᠴᠡ ᠪᠠᠨ ᠵᠠᠢᠲᠠᠭᠣᠯᠬᠣ ᠳᠤᠷᠠ ᠦᠭᠡᠢ᠄ 《ᠡᠨᠡ ᠭᠦᠡᠭ᠌ᠱᠧᠶ᠋ᠢᠨ ᠬᠦᠮᠦᠰ ᠪᠦᠷ ᠤᠬᠠᠭᠠᠨᠲᠠᠢ ᠪᠣᠯᠬᠣᠷ ᠭᠡᠷᠲᠡᠭᠡᠨ ᠰᠠᠭᠤᠭᠠᠳ᠂ ᠮᠢᠨᠦ᠍ ᠬᠦᠦ᠍ᠶ᠋ᠢ ᠯᠠ ᠳᠠᠬᠢᠨ ᠳᠠᠬᠢᠨ ᠭᠠᠳᠠᠭ᠍ᠰᠢ ᠶᠠᠪᠣᠭᠣᠯᠤᠨᠠ》 ᠭᠡᠵᠦ᠍ ᠶᠠᠷᠢᠳᠠᠭ ᠪᠦᠭᠡᠳ ᠮᠢᠨᠦ᠍ ᠬᠦᠦ ᠪᠡᠭᠡᠵᠢᠩᠠᠴᠠ ᠴᠠᠭᠠᠰᠢ ᠪᠢᠳᠡᠭᠡᠢ ᠶᠠᠪᠤᠭᠠᠷᠠᠢ ᠭᠡᠵᠦ᠍ ᠵᠠᠬᠢᠲᠠᠬ ᠪᠠᠢᠯᠠ᠃
1984 ᠤᠨᠤ ᠨᠠᠮᠤᠷᠤᠨ ᠰᠡᠭᠦᠯᠴᠢ ᠪᠡᠷ ᠪᠦᠰᠡᠬᠦᠢ ᠮᠢᠨᠢ ᠬᠦᠨᠳᠦ ᠡᠪᠡᠳᠴᠢᠯᠡᠭᠡᠳ ᠬᠦᠭᠡᠬᠤᠳᠠᠳᠤ ᠬᠦᠷᠴᠦ ᠡᠮᠨᠡᠭᠦᠯᠵᠦ᠍ ᠪᠠᠢᠲᠠᠯᠠ ᠡᠮᠡᠭᠡ ᠡᠵᠢᠶᠢᠨ ᠬᠦᠨᠳᠤ ᠡᠪᠡᠳᠴᠢᠯᠡᠭᠰᠡᠨ ᠮᠡᠳᠡᠭᠡᠶ᠋ᠢ ᠲᠣᠰᠪᠠ᠃ ᠪᠢ ᠡᠭᠡᠨᠡᠷᠤᠨ ᠵᠢᠡᠨ ᠡᠪᠡᠳᠴᠢᠨᠢ ᠳᠤᠢᠯᠪᠤᠷᠢᠳᠠᠢ ᠡᠮᠨᠡᠵᠦ ᠵᠠᠰᠠᠬᠰᠠᠨ ᠦᠭᠡᠢᠪᠠᠷ ᠠᠷᠣ ᠭᠡᠷᠲᠡᠭᠡᠨ ᠢᠷᠡᠵᠦ ᠡᠮᠡᠭᠡ ᠡᠵᠢ ᠪᠠᠨ ᠠᠰᠠᠷᠠᠨ ᠰᠤᠪᠢᠯᠠᠭ᠍ᠰᠠᠨ ᠶᠤᠮ᠃ ᠲᠡᠷᠡ ᠤᠳᠠᠭᠠ ᠵᠢᠨ ᠬᠦᠨᠳᠦ ᠡᠪᠡᠳᠴᠢᠨ ᠡᠴᠡ ᠪᠤᠯᠵᠦ ᠡᠮᠡᠭᠡ ᠡᠵᠢ ᠮᠢᠨᠢ ᠬᠦᠮᠦᠨᠤ ᠭᠠᠷ ᠲᠦ᠍ ᠤᠷᠤᠵᠠᠢ᠃ ᠪᠢ ᠪᠡᠭᠡᠵᠢᠩᠳᠤ ᠰᠣᠷᠣᠯᠴᠠᠵᠦ᠂ ᠡᠬᠡᠨᠡᠷ ᠮᠢᠨᠢ ᠲᠦᠡᠭ᠌ᠯᠢᠶᠤᠤᠳᠤ ᠵᠠᠬᠢᠳᠠᠯᠢᠶᠠᠷ ᠰᠤᠷᠤᠯᠴᠠᠬᠤ ᠶᠡᠭᠡ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢᠬ᠍ᠰᠠᠨ ᠪᠤᠯᠪᠠᠴᠤ᠌ ᠬᠦᠴᠢᠷ ᠪᠡᠷᠬᠡᠶᠢ ᠳᠡᠰᠪᠦᠷᠢᠯᠡᠵᠦ᠍ ᠨᠠᠰᠤᠳᠠᠢ ᠡᠮᠡᠭᠡ ᠡᠵᠢᠪᠠᠨ ᠠᠰᠠᠷᠠᠵᠦ ᠰᠤᠪᠢᠯᠠᠬᠤ ᠠᠵᠢᠯ ᠳ᠋ᠦ ᠶᠡᠷᠦ᠍ ᠡᠴᠡ ᠤᠰᠤᠯᠳᠠᠭ᠍ᠰᠠᠨ ᠦᠭᠡᠢ ᠪᠢᠯᠡ᠃
ᠬᠠᠢᠷᠠᠲᠣ ᠡᠮᠡᠭᠡ ᠡᠵᠢ ᠮᠢᠨᠢ 1987 ᠤᠨᠤ ᠨᠠᠮᠤᠷᠤᠨ ᠰᠡᠭᠦᠯᠴᠢ ᠰᠠᠷᠠ᠂ ᠡᠨᠡᠷᠢᠵᠦ ᠬᠠᠢᠷᠠᠯᠠᠭ᠍ᠰᠠᠨ ᠦᠷᠡ ᠭᠡᠤᠭᠡᠳ᠂ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠬᠠᠶᠠᠵᠤ᠂ ᠡᠨᠡ ᠶᠢᠷᠳᠢᠨᠴᠤᠳᠤ ᠶᠡᠷᠡᠨ ᠨᠢᠭᠡᠨ ᠵᠢᠯ ᠠᠮᠢᠳᠤᠷᠠᠭᠠᠳ ᠪᠤᠷᠬᠠᠨ ᠪᠤᠯᠵᠠᠢ᠃
ᠡᠮᠡᠭᠡ ᠡᠵᠢ ᠮᠢᠨᠢ ᠪᠤᠷᠬᠠᠨ ᠪᠤᠯᠤᠭ᠍ᠰᠠᠨᠤ ᠲᠠᠷᠠᠭᠠ᠂ ᠪᠢ ᠳᠡᠭᠦᠨᠢ ᠠᠮᠢᠲᠣ ᠰᠡᠷᠡᠬᠦᠨ ᠪᠠᠢᠬᠣ ᠳ᠋ᠣᠨᠢ ᠠᠮᠠᠯᠳᠠᠭ᠍ᠰᠠᠨ ᠦᠭᠡᠪᠠᠨ ᠭᠦᠢᠴᠡᠳᠭᠡᠵᠦ᠍᠂ ᠡᠮᠡᠭᠡ ᠡᠵᠢᠶᠢᠨ ᠶ᠋ᠢᠡᠨ ᠮᠡᠨᠳᠦᠯᠡᠭ᠌ᠰᠡᠨ ᠵᠠᠭᠤᠨ ᠵᠢᠯᠤᠨ ᠤᠢᠶᠢ ᠲᠣᠬᠢᠶᠠᠯᠲᠣᠭᠣᠯᠵᠦ ᠤᠡᠭ᠌ᠭᠤᠨ ᠭᠡᠭᠦᠷᠢᠨᠢ ᠰᠢᠨᠡᠳᠭᠡᠨ ᠵᠠᠰᠠᠵᠦ᠂ 《ᠠᠴᠢ ᠭᠠᠪᠢᠶᠠ ᠦᠨᠢ ᠮᠦᠡᠭ᠌ᠭᠡ》 ᠭᠡᠰᠡᠨ ᠴᠢᠯᠠᠭᠤᠨ ᠬᠦᠱᠢᠶᠡ ᠪᠤᠰᠭᠠᠨ ᠮᠦᠡᠭ᠌ᠭᠡᠶ᠋ᠢᠨ ᠳᠤᠷᠠᠰᠭᠠᠯ ᠪᠤᠯᠭᠠᠵᠠᠢ᠃
ᠡᠨᠡᠬᠦ ᠦᠴᠦᠭᠡᠨ ᠲᠣᠷᠠᠳᠬᠠᠯ ᠶ᠋ᠢᠡᠨ ᠪᠢ ᠪᠤᠷᠬᠠᠨᠤ ᠤᠷᠤᠨᠢ ᠵᠣᠷᠢᠬᠰᠠᠨ ᠡᠮᠡᠭᠡ ᠡᠵᠢᠳᠡᠭᠡᠨ ᠦᠷᠦᠴᠡᠨᠤ ᠬᠠᠢᠷᠠᠪᠠᠨ ᠢᠯᠡᠳᠭᠡᠵᠦ᠍᠂ ᠮᠦᠷᠦᠭᠡᠳᠦᠨ ᠰᠠᠨᠠᠵᠤ ᠪᠠᠢᠭᠠ ᠰᠡᠳᠭᠢᠯᠢᠶᠠᠨ ᠢᠯᠡᠷᠭᠡᠢᠯᠡᠵᠦ᠍᠂ ᠦᠷᠡ ᠬᠤᠢᠴᠢᠰᠲᠠᠭᠠᠨ ᠣᠯᠠᠮᠵᠢᠯᠠᠨ ᠵᠠᠬᠢᠬᠣ ᠳᠡᠤᠭᠡ ᠪᠤᠯᠭᠠᠨ ᠦᠯᠡᠳᠡᠭᠡᠬᠦᠶᠢ ᠵᠣᠷᠢᠬᠰᠠᠨᠪᠢᠯᠡ᠃