ᠴᠠᠰᠣ ᠤᠷᠤᠭ᠍ᠰᠠᠭᠠᠷ
2026-01-21 16:14:10
ᠵᠣᠬᠢᠶᠠᠭ᠍ᠴᠢ᠄
ᠴᠢ᠊·ᠨᠠᠷᠠᠨᠲᠣᠶᠠᠭ᠎ᠠ
ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄
★★★☆☆



         (ᠭᠠᠳᠠᠨ᠎ᠠ ᠨᠢᠭᠡ

ᠱᠢᠪᠡᠨᠡᠯ ᠮᠡᠲᠦ᠍᠂ ᠮᠦᠷᠦᠭᠡᠳᠦᠯ ᠮᠡᠲᠦ ᠣᠶᠠᠬᠠᠨ

ᠱᠢᠷᠬᠡᠭ ᠱᠢᠷᠬᠡᠭ ᠴᠠᠰᠣᠨ᠎ᠢᠶᠠᠷ

ᠪᠠᠳᠠᠭ ᠪᠠᠳᠠᠭ ᠱᠢᠯᠦᠭ ᠬᠡᠯᠬᠢᠵᠦ᠍

ᠰᠡᠳᠭᠢᠯ᠎ᠤᠨ ᠪᠡᠯᠡᠭ ᠪᠣᠯᠭᠠᠶ᠎ᠠ

ᠬᠦᠭ᠌ᠵᠢᠮ ᠮᠡᠲᠦ᠍᠂ ᠳᠠᠭᠤᠣ ᠮᠡᠲᠦ ᠢᠷᠠᠭᠤᠬᠠᠨ

ᠬᠦᠪᠰᠦᠭᠡᠷ ᠵᠦᠭᠡᠯᠡᠨ ᠴᠠᠰᠣᠨ᠎ᠢᠶᠠᠷ

ᠬᠡᠦᠬᠡᠯᠳᠡᠢ ᠪᠠᠷᠢᠵᠣ

ᠬᠤᠶᠠᠷ ᠨᠢᠳᠦ᠍᠎ᠶ᠋ᠢ ᠴᠢᠨᠢ ᠪᠠᠶᠠᠰᠭᠠᠶ᠎ᠠ

ᠦᠨᠦᠰᠦᠯᠲᠡ ᠮᠡᠲᠦ᠍᠂ ᠲᠡᠪᠡᠷᠢᠯᠲᠡ ᠮᠡᠲᠦ ᠲᠣᠯᠠᠭᠠᠬᠠᠨ

ᠰᠦᠨ ᠦᠩᠭᠡ᠎ᠲᠠᠢ ᠴᠠᠰᠣᠨ᠎ᠢᠶᠠᠷ

ᠡᠷᠪᠡᠬᠡᠢ ᠬᠠᠢᠴᠢᠯᠠᠵᠤ

ᠬᠡᠵᠢᠭᠡᠨ ᠳᠡᠭᠡᠷ᠎ᠡ ᠴᠢᠨᠢ ᠲᠡᠷᠪᠡᠬᠦᠯᠦᠶ᠎ᠡ

ᠬᠡᠷᠡᠯ ᠮᠡᠲᠦ᠍᠂ ᠤᠰᠤᠨ ᠮᠡᠲᠦ ᠲᠣᠩᠭᠠᠯᠠᠭ

ᠬᠡᠢᠰᠦᠨ ᠪᠠᠭᠤᠬᠤ ᠴᠠᠰᠣᠨ᠎ᠢᠶᠠᠷ

ᠬᠠᠮᠤᠭ᠎ᠤᠨ ᠨᠠᠨᠳᠢᠨ ᠵᠥᠩᠨᠡᠯ᠎ᠢᠶᠠᠨ ᠪᠣᠯᠭᠠᠵᠣ

ᠬᠤᠶᠠᠷ ᠠᠯᠠᠭᠠᠨ ᠳᠡᠭᠡᠷ᠎ᠡ ᠴᠢᠨᠢ ᠲᠠᠳᠠᠯᠠᠶ᠎ᠠ

ᠴᠠᠰᠣ ᠤᠷᠤᠭ᠍ᠰᠠᠭᠠᠷ ᠡ ᠁


ᠡᠪᠦᠯ᠎ᠤᠨ ᠰᠦᠨᠢ


ᠡᠪᠦᠯ᠎ᠤᠨ ᠰᠦᠨᠢ ᠳᠡᠩᠳᠡᠭᠦᠦ ᠨᠠᠮᠣᠭᠤᠬᠠᠨ

ᠣᠳᠣᠳ ᠪᠦᠷ ᠠᠨᠢᠪᠴᠢᠭᠠᠳ

ᠣᠨᠴᠠ᠎ᠶ᠋ᠢᠨ ᠬᠤᠷᠴᠠ ᠬᠡᠷᠡᠯ᠎ᠲᠠᠢ

ᠠᠷᠪᠠᠳ᠎ᠤᠨ ᠰᠡᠷᠡ ᠤᠷᠤᠢᠬᠠᠨ ᠮᠠᠨᠳᠣᠯ᠎ᠠ

ᠠᠰᠭᠠᠷᠠᠭ᠍ᠰᠠᠨ ᠴᠠᠭᠠᠨ ᠬᠡᠷᠡᠯ᠎ᠳᠤᠨᠢ

ᠭᠠᠳᠠᠨ᠎ᠠ ᠭᠠᠷᠴᠤ᠌ ᠠᠯᠬᠤᠯᠠᠮᠠᠷ ᠡ

ᠡᠪᠦᠯ᠎ᠤᠨ ᠰᠦᠨᠢ ᠲᠣᠪ ᠲᠣᠯᠠᠭᠠᠬᠠᠨ

ᠡᠵᠢ᠎ᠶ᠋ᠢᠨ ᠮᠢᠨᠢ ᠡᠪᠦᠷ ᠱᠢᠭ

ᠦᠷᠭᠦᠯᠵᠢ ᠵᠠᠬᠢᠳᠠᠭ ᠦᠭᠡ᠎ᠨᠢ ᠴᠦ᠍ ᠱᠢᠭ

ᠢᠯᠴᠢ᠎ᠲᠠᠢ ᠰᠠᠨᠠᠭ᠍ᠳᠠᠨ᠎ᠠ

ᠡᠪᠦᠯ᠎ᠤᠨ ᠰᠦᠨᠢ ᠳᠠᠩᠴᠤ᠌ ᠣᠷᠲᠣ

ᠴᠠᠭ ᠮᠦᠴᠡ ᠤᠷᠤᠨ᠎ᠳᠠᠭᠠᠨ ᠠᠯᠬᠤᠨ᠎ᠠ

ᠦᠩᠭᠡᠷᠡᠬᠦ᠌ ᠦᠭᠡᠢ ᠴᠠᠭ᠎ᠤᠳ

ᠦᠩᠭᠡᠷᠡᠭ᠌ᠰᠡᠨ᠎ᠤ ᠳᠣᠷᠠᠳᠭᠠᠯ᠎ᠳᠤ ᠤᠨᠠᠭᠠᠨ᠎ᠠ

ᠦᠪᠡᠷ᠎ᠢ ᠮᠢᠨᠢ

ᠦᠪᠡᠷ᠎ᠲᠠᠢ᠎ᠪᠠᠨ ᠠᠳᠠᠯᠢ ᠤᠳᠠᠭᠠᠨ ᠲᠠᠷᠴᠢᠯᠭᠠᠨ᠎ᠠ

ᠠᠩᠭᠢᠷᠬᠠᠨ ᠡᠪᠦᠯ᠎ᠤᠨ ᠰᠦᠨᠢ᠎ᠨᠦᠭᠦᠳ ᠬᠡᠵᠦ᠍

ᠠᠨᠢᠰᠭ᠎ᠠ ᠳᠠᠪᠠᠭ᠍ᠤ ᠨᠢᠯᠪᠣᠰᠣ ᠶᠣᠮᠰᠠᠨ ᠁


ᠣᠷᠴᠢᠭᠤᠯᠤᠭ᠍ᠴᠢ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨ᠎ᠠ
ᠲᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠡ᠎ᠤ ᠰᠤᠨᠢᠠ ᠮᠠᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠠ
ᠢᠷᠡᠯᠲᠡ᠄
ᠬᠤᠪᠢᠶᠠᠯᠴᠠᠬᠤ᠄

2008-2025 © ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠨ᠎ᠤ ᠰᠤᠨᠢᠨ ᠮᠡᠳᠡᠭᠡᠨ᠎ᠤ ᠰᠦᠯᠵᠢᠶ᠎ᠡ ᠦᠮᠴᠢᠯᠡᠯ᠎ᠤᠨ ᠡᠷᠬᠡ᠎ᠲᠠᠢ

ᠵᠤᠬᠢᠶᠠᠭᠴᠢ᠎ᠶᠢᠨ ᠡᠷᠬᠡ ᠬᠠᠤᠯᠢ᠎ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ᠎ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ᠎ᠶᠢ ᠬᠠᠲᠠᠭᠤ ᠬᠤᠷᠢᠭᠯᠠᠨ᠎ᠠ

ᠬᠠᠷᠢᠯᠴᠠᠬᠤ ᠤᠲᠠᠰᠤ᠄0471-6635435

ᠢᠮᠧᠯ᠄mgyxww@163.com   蒙ICP备10000005号