— ᠱᠢᠨᠡ ᠤᠨᠤ ᠮᠢᠯᠢᠶᠠᠯᠭᠠ
ᠤᠨ ᠵᠢᠯ ᠪᠤᠯ ᠦᠷᠲᠡᠭᠡ ᠲᠠᠮᠵᠢᠨ ᠲᠠᠪᠬᠢᠵᠤ ᠶᠠᠪᠤᠭᠠ ᠬᠤᠷᠲᠤᠨᠤ ᠭᠠᠯᠲᠤ ᠲᠡᠷᠭᠡ᠂ ᠬᠦᠭᠡ ᠤᠭ᠍ᠲᠠᠷᠭᠤᠢᠳᠤ ᠰᠤᠭᠤᠨᠠᠭ ᠲᠠᠲᠠᠭᠤᠯᠤᠨ ᠲᠡᠬᠦᠯᠢᠵᠤ ᠪᠠᠢᠭᠠ ᠰᠤᠮᠤᠨ ᠴᠠᠭᠠᠨ ᠨᠢᠰᠭᠡᠯ᠂ ᠨᠡᠯᠦᠭᠡᠷ ᠲᠠᠯᠠᠢ ᠲᠡᠭᠡᠷᠡ ᠲᠠᠪᠠᠯᠭᠠ ᠰᠦᠷᠦᠨ ᠠᠶᠠᠯᠠᠵᠤ ᠪᠠᠢᠭᠠ ᠠᠰᠠᠷᠲᠤ ᠬᠦᠯᠭᠡ ᠮᠡᠲᠤ ᠠᠰᠤᠷᠤ ᠬᠦᠴᠦᠲᠤ ᠴᠠᠭ ᠬᠤᠭᠤᠴᠠᠭᠠᠨᠤ ᠮᠠᠱᠢᠨ ᠶᠤᠮ᠃ ᠲᠡᠭᠦᠨᠳᠤ ᠲᠤᠳᠠᠬᠤ ᠡᠨᠧᠷᠬᠢ᠂ ᠶᠠᠲᠠᠬᠤ ᠬᠦᠴᠤ᠌᠂ ᠬᠦᠷᠦᠰᠢ ᠦᠭᠡᠢ ᠦᠷᠲᠡᠭᠡ ᠭᠡᠵᠤ ᠦᠭᠡᠢ᠃ ᠲᠡᠷᠡᠪᠠᠷ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠲᠡᠦᠬᠡ ᠪᠤᠯᠪᠠᠰᠤᠨ᠂ ᠰᠤᠶᠤᠯ ᠢᠷᠭᠡᠨᠱᠢᠯ᠂ ᠪᠦᠲᠦᠭᠡᠯ ᠲᠤᠭᠤᠷᠪᠢᠯᠢ ᠠᠴᠢᠵᠤ᠂ ᠲᠤᠷᠠᠳᠭᠠᠯ ᠮᠦᠷᠦᠭᠡᠲᠦᠯ᠂ ᠤᠴᠠᠷᠠᠯ ᠲᠤᠬᠢᠶᠠᠯ᠂ ᠪᠠᠶᠠᠷ ᠭᠤᠨᠢᠭᠢ ᠲᠡᠭᠡᠭᠡᠭ᠌ᠰᠡᠭᠡᠷ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠤᠷᠴᠢᠯᠠᠩᠤᠨ ᠤᠷᠤᠨ ᠵᠠᠢ ᠲᠤᠮᠲᠠᠭᠤᠷ ᠵᠤᠷᠴᠢᠨ ᠪᠠᠢᠭᠠ᠃
ᠢᠯᠠᠨ ᠲᠡᠢᠯᠦᠰᠢ ᠦᠭᠡᠢ ᠮᠦᠷᠲᠡᠭᠡᠨ ᠠᠷᠭᠠᠮᠵᠢᠨ ᠲᠤᠭ᠍ᠲᠠᠭᠠᠵᠤ ᠪᠤᠯᠤᠰᠢ ᠦᠭᠡᠢ ᠲᠡᠷᠡ ᠶᠡᠭᠡ ᠤᠷᠴᠢᠯᠳᠤ ᠪᠢᠲᠡ ᠪᠦᠬᠦᠨᠤ ᠬᠦᠰᠡᠯ ᠲᠡᠮᠡᠦᠯᠣᠯ᠂ ᠠᠮᠢᠲᠤᠷᠠᠯ ᠠᠬᠤᠢ᠂ ᠤᠶᠠᠩᠭᠠ ᠲᠠᠭᠤᠤ᠂ ᠤᠷᠠᠨ ᠪᠡᠶᠡᠯᠡᠭᠡ ᠪᠦᠬᠦᠲᠡ ᠤᠷᠤᠱᠢᠨᠡ᠃ ᠲᠡᠭᠡᠬᠦ᠌ᠪᠠᠷ ᠲᠦᠷᠦᠭᠡ ᠵᠢᠬᠢᠭ᠌ᠰᠡᠨ ᠮᠤᠷᠢᠲᠠᠨ ᠱᠢᠭ᠋ ᠲᠠᠪᠬᠢᠨ ᠦᠩᠭᠡᠷᠡᠬᠦ᠌ ᠤᠨ ᠵᠢᠯᠤᠳᠠᠴᠠ ᠲᠤᠷᠠᠳᠭᠠᠯ ᠭᠡᠭ᠌ᠴᠢ ᠦᠩᠭᠡᠷᠡᠭ᠌ᠰᠡᠨ ᠴᠠᠭᠤᠨ ᠦᠩᠭᠡ ᠪᠤᠲᠤᠭ᠂ ᠦᠨᠦᠷ ᠠᠮᠲᠠ᠂ ᠤᠳᠭᠠ ᠤᠴᠢᠷ ᠁ ᠬᠠᠮᠤᠭᠤᠨ ᠲᠤᠳᠤ ᠦᠯᠡᠲᠡᠲᠡᠭ ᠪᠠᠢᠬᠠ᠃
ᠦᠰᠴᠤ᠌ ᠦᠨᠲᠡᠢᠭ᠌ᠰᠡᠨ ᠤᠨ ᠰᠠᠷᠠᠪᠠᠨ ᠪᠤᠲᠤᠨ ᠰᠠᠭᠤᠬᠤᠢᠳᠤ ᠢᠲᠡᠬᠦ᠌ᠪᠠᠨ ᠬᠠᠢᠷᠠᠯᠠᠭᠠᠳ ᠭᠠᠮᠨᠠᠵᠤ ᠶᠠᠪᠤᠭ᠍ᠰᠠᠭᠠᠷ ᠴᠠᠭᠠᠰᠤᠲᠠᠢᠪᠠᠨ ᠨᠠᠭᠠᠯᠲᠤᠭ᠍ᠰᠠᠨ ᠭᠠᠭ᠍ᠴᠠ ᠬᠤᠶᠠᠷ ᠱᠢᠬᠢᠷ᠂ ᠵᠦᠭᠡᠭᠡᠢ ᠪᠤᠲᠠᠭᠠᠲᠠᠢ ᠵᠢᠭᠤᠷᠠᠵᠤ ᠢᠲᠡᠬᠦ᠌ ᠰᠡᠨ ᠭᠡᠵᠤ ᠱᠢᠯᠦᠰᠤ ᠭᠤᠭᠤᠵᠢᠲᠠᠯᠠ ᠲᠤᠷᠠᠯᠠᠲᠠᠭ ᠱᠠᠲᠠᠩ ᠪᠤᠷᠮᠠᠶ᠋ᠢᠨ ᠠᠮᠲᠠ᠂ ᠬᠠᠵᠠᠭᠤ ᠬᠠᠪᠢᠪᠠᠷᠨᠢ ᠶᠠᠪᠤᠵᠤ ᠦᠩᠭᠡᠷᠡᠬᠦ᠌ᠳᠤ ᠬᠤᠭᠤᠯᠠᠢ ᠭᠤᠪᠤᠭᠣᠨᠠᠭᠤᠯᠲᠠᠭ ᠰᠤᠮᠤᠶ᠋ᠢᠨ ᠬᠤᠷᠱᠢᠶᠠᠨᠤ ᠠᠯᠢᠮᠠ ᠵᠢᠮᠢᠰᠤᠨ ᠦᠨᠦᠷ ᠲᠡᠷᠡ ᠯᠡ ᠶᠠᠩᠵᠤᠪᠠᠷᠢᠶᠠᠨ ᠲᠤᠳᠤᠷᠠ ᠤᠷᠤᠵᠤ ᠢᠷᠡᠵᠤ ᠪᠠᠢᠨᠠ᠃ ᠶᠠᠭᠤᠮᠠ ᠬᠤᠪᠤᠷ᠂ ᠠᠮᠢᠲᠤᠷᠠᠯ ᠬᠤᠨᠴᠢᠷ ᠪᠠᠢᠭ᠍ᠰᠠᠨ ᠲᠡᠭᠡᠷᠡ ᠵᠠᠭᠤᠨᠤ ᠲᠠᠯᠠᠭᠠᠳ ᠤᠨᠤ ᠪᠠᠷᠢᠭᠠᠲᠠᠶ᠋ᠢᠨ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭ᠍ᠴᠢ ᠪᠢᠲᠡᠨᠡᠷ ᠪᠠᠭᠠᠲᠠᠭ᠍ᠰᠠᠨ ᠲᠡᠷᠯᠢᠭ᠂ ᠨᠦᠬᠦᠭᠡᠰᠤᠲᠠᠢ ᠦᠮᠦᠲᠤ᠌᠂ ᠮᠠᠢᠵᠢᠬᠢ ᠭᠤᠲᠤᠯᠲᠠᠢ ᠮᠠᠨᠠᠷᠠᠭᠠᠵᠤ᠂ ᠵᠢᠵᠢᠬᠦᠷ ᠪᠠᠭ᠍ᠰᠢᠶ᠋ᠢᠨ ᠬᠠᠷᠮᠠᠨᠳᠤ ᠶᠠᠪᠤᠲᠠᠭ ᠲᠡᠮᠦᠷ ᠱᠦᠭ᠌ᠯᠤᠶ᠋ᠢᠨ ᠲᠠᠭᠤᠨᠢᠶᠠᠷ ᠤᠨᠲᠠᠵᠤ ᠪᠤᠰᠤᠨ᠂ ᠭᠠᠭ᠍ᠴᠠᠬᠠᠨ ᠰᠠᠭ᠍ᠰᠤᠨ ᠪᠦᠮᠪᠦᠭᠡᠪᠠᠨ ᠰᠤᠷᠭᠠᠭᠤᠯᠢᠪᠠᠷᠢᠶᠠᠨ ᠨᠠᠭᠠᠳᠴᠤ᠌᠂ ᠭᠠᠭ᠍ᠴᠠᠬᠠᠨ ᠰᠤᠸᠠᠮᠫᠠᠨᠢᠶᠠᠨ ᠠᠩᠭᠢ ᠲᠠᠮᠵᠢᠭᠤᠯᠤᠨ ᠵᠦᠭᠡᠭᠡᠵᠤ ᠰᠤᠷᠤᠯᠴᠠᠲᠠᠭ᠃ ᠲᠠᠭ᠍ᠯᠠᠭᠠᠨᠤᠪᠠᠨ ᠲᠤᠳᠤᠷᠠ ᠲᠠᠯᠠᠳᠤ ᠦᠷᠡᠵᠢᠬᠦᠯᠬᠦ᠌ ᠦᠢᠯᠡᠲᠦᠯᠤᠨ ᠬᠦᠰᠦᠨᠦᠭᠲᠠᠢ ᠬᠠᠷᠠᠨᠲᠠᠶ᠋ᠢᠨ ᠬᠠᠢᠷᠴᠠᠭ᠂ ᠱᠢᠬᠢᠷᠤᠨ ᠦᠨᠦᠷᠲᠡᠢ ᠲᠦᠷᠪᠡᠯᠵᠢᠨ ᠪᠠᠯᠠᠯᠣᠭᠤᠷ ᠪᠤᠯᠤᠨ ᠠᠪᠴᠢᠵᠤ ᠰᠤᠨᠲᠠᠭ ᠭᠠᠯ ᠪᠠᠮᠪᠠᠷᠤᠨ ᠲᠠᠭ᠍ᠯᠠᠭᠠᠲᠠᠢ ᠲᠤᠰᠤᠨ ᠪᠠᠯᠢ ᠤᠯᠵᠤ ᠵᠠᠷᠤᠬᠤ ᠰᠡᠨ ᠭᠡᠵᠤ ᠬᠡᠲᠦᠢ ᠬᠦᠰᠡᠲᠡᠭ ᠪᠠᠢᠪᠠ ᠡ᠃ ᠠᠩᠭᠢᠶ᠋ᠢᠨ ᠮᠢᠨᠢ ᠬᠤᠢᠲᠤ ᠬᠠᠶᠠᠭᠠᠨ ᠲᠡᠭᠡᠷᠡ ᠲᠠᠪᠤᠨ ᠶᠡᠭᠡ ᠤᠲᠤᠷᠢᠲᠤᠭ᠍ᠴᠢᠶ᠋ᠢᠨ ᠬᠦᠷᠦᠭ᠂ ᠰᠠᠮᠪᠠᠷᠠᠶ᠋ᠢᠨ ᠬᠠᠵᠠᠭᠤᠲᠠ ᠯᠸᠢ ᠹᠧᠩᠤᠨ ᠵᠢᠷᠤᠭ ᠡᠯᠬᠦᠭᠡᠲᠡᠢ᠃ ᠰᠤᠷᠤᠭ᠍ᠰᠠᠨ ᠲᠡᠭᠡᠷᠡ ᠰᠤᠷᠬᠤ᠂ ᠭᠠᠮᠨᠠᠭ᠍ᠰᠠᠨ ᠲᠡᠭᠡᠷᠡ ᠭᠠᠮᠨᠠᠬᠤ ᠴᠠᠬ ᠦᠶᠡᠶ᠋ᠢᠨ ᠬᠡᠪ ᠰᠤᠷᠲᠠᠯ ᠮᠠᠨᠤᠰᠢ ᠲᠡᠢᠨᠬᠦ᠌ ᠲᠦᠪ ᠭᠤᠤᠯᠴᠢ᠂ ᠠᠵᠢᠯᠴᠢ ᠠᠷᠪᠢᠴᠢ ᠬᠦᠮᠦᠨ ᠪᠤᠯᠭᠠᠵᠤ ᠬᠦᠮᠦᠵᠢᠬᠦᠯᠦᠭ᠌ᠰᠡᠨ ᠶᠤᠮ᠃ ᠪᠢᠲᠡ ᠲᠡᠬᠦᠲᠡᠭ ᠲᠡᠬᠦᠵᠤ᠂ ᠮᠦᠬᠦ᠌ ᠬᠠᠲᠠᠭᠠᠵᠤ᠂ ᠲᠡᠮᠦᠷᠤᠨ ᠦᠭᠡᠲᠡᠰᠤ ᠴᠤᠭ᠍ᠯᠠᠭᠤᠯᠵᠤ ᠤᠯᠤᠭ᠍ᠰᠠᠨ ᠬᠡᠲᠦᠨ ᠲᠦᠬᠦᠷᠢᠭᠢᠶᠠᠨ ᠠᠮᠲᠠᠲᠤ ᠢᠲᠡᠭᠡᠨᠳᠤ ᠪᠢᠰᠢ ᠨᠤᠮ ᠲᠡᠪᠲᠡᠷᠲᠤ ᠵᠤᠷᠢᠭᠤᠯᠲᠠᠭ ᠪᠠᠢᠭ᠍ᠰᠠᠨ᠃ 《ᠬᠢᠯᠠᠯᠵᠠᠭ᠍ᠰᠠᠨ ᠤᠯᠠᠭᠠᠨ ᠤᠳᠤ》᠂ 《ᠲᠠᠯᠠ ᠨᠤᠲᠤᠭᠤᠨ ᠬᠢᠯᠢᠩᠤᠨ ᠭᠠᠯ》 ᠵᠡᠷᠭᠡ ᠨᠤᠮ ᠪᠠᠭᠠᠶ᠋ᠢᠨ ᠨᠡᠬᠦᠲᠡᠯᠲᠠᠢ ᠬᠠᠮᠲᠤ ᠮᠢᠨᠤ ᠤᠢ ᠤᠬᠠᠭᠠᠨᠳᠤ ᠬᠠᠲᠠᠭᠠᠯᠠᠭ᠍ᠲᠠᠨ ᠦᠯᠡᠲᠡᠭ᠌ᠰᠡᠨ ᠶᠤᠮ᠃ ᠲᠡᠭᠡᠬᠦᠯᠡᠷ ᠶᠢᠷᠲᠢᠨᠴᠤᠶ᠋ᠢᠨ ᠬᠦᠭ᠌ᠵᠢᠯᠢ ᠺᠤᠮᠫᠢᠥᠢ᠍ᠲ᠋ᠧᠷ ᠲᠡᠭᠡᠬᠦᠷ ᠲᠠᠪᠠᠯᠭᠠᠨ ᠰᠦᠷᠴᠤ᠌ ᠪᠠᠢᠭᠠᠳ ᠮᠡᠲᠡᠴᠢᠭᠡᠲᠡᠭ᠂ ᠤᠲᠤᠳᠤᠨ ᠬᠤᠯᠪᠤᠭᠠ᠂ AI ᠮᠡᠷᠭᠡᠵᠢᠯᠢ ᠭᠠᠷ ᠤᠲᠠᠰᠤᠨ ᠲᠡᠭᠡᠷᠡᠪᠠᠨ ᠪᠠᠭᠤᠯᠭᠠᠴᠢᠬᠠᠲᠠᠭ ᠠᠴᠢ ᠵᠢᠭᠡ ᠨᠡᠷᠤᠨᠢᠶᠠᠨ ᠰᠡᠴᠡᠨ ᠰᠡᠷᠬᠦᠯᠡᠩ ᠤᠢ ᠤᠬᠠᠭᠠᠨ᠂ ᠲᠤᠨᠤᠭ ᠪᠦᠷᠢᠨ ᠬᠢᠴᠢᠶᠡᠯᠤᠨ ᠲᠠᠩᠭᠢᠮᠢ ᠭᠠᠢᠬᠠᠬᠤ ᠪᠤᠯᠪᠠᠴᠤ᠌ ᠶᠠᠭᠤᠨᠳᠤ ᠴᠤ᠌ ᠦᠯᠤ ᠵᠢᠲᠦᠭᠡᠷᠭᠡᠬᠦ᠌ ᠠᠷᠢᠭᠤᠨ ᠰᠠᠨᠠᠭᠠᠶ᠋ᠢ ᠠᠯᠲᠠᠨ ᠪᠦᠭᠡᠵᠢᠨᠳᠤ ᠰᠠᠭᠤᠯᠭᠠᠭ᠍ᠰᠠᠨ ᠠᠯᠮᠠᠰ ᠱᠢᠬᠢᠳᠭᠡᠭᠡ ᠮᠡᠲᠤ ᠦᠯᠡᠲᠡᠭᠡᠵᠤ ᠠᠪᠤᠭ᠍ᠰᠠᠨᠤ ᠠᠴᠢᠪᠠᠷ ᠴᠠᠭᠤᠨ ᠶᠠᠭᠤᠮᠠ ᠴᠠᠭᠲᠠᠭᠠᠨ ᠭᠡᠲᠡᠭᠢ ᠵᠦᠪᠱᠢᠶᠡᠷᠡᠨ ᠲᠠᠯᠠᠷᠬᠠᠵᠤ ᠠᠮᠢᠲᠤᠷᠠᠭ᠍ᠰᠠᠨ ᠤᠨ ᠵᠢᠯᠤᠳᠲᠡᠭᠡᠨ ᠪᠠᠶᠠᠷᠯᠠᠨᠠᠮ᠃
ᠨᠠᠶᠠᠭᠠᠳ ᠤᠨᠤ ᠲᠦᠯᠭᠡᠨ ᠲᠠᠷᠤᠤ ᠵᠢᠯᠤᠳ ᠠᠵᠢᠯᠳᠤ ᠮᠡᠷᠡᠢᠵᠤ᠂ ᠦᠢᠯᠡᠰ ᠪᠦᠲᠦᠭᠡᠬᠦ᠌ᠶ᠋ᠢᠨ ᠢᠲᠡ ᠬᠠᠪᠤᠪᠠᠷ ᠴᠠᠯᠬᠢᠯᠠᠭ᠍ᠰᠠᠨ ᠵᠠᠯᠠᠭᠤ ᠨᠠᠰᠤᠨᠤ ᠮᠢᠨᠢ ᠵᠢᠪᠬᠤᠭᠠᠲᠤ ᠡᠳᠦᠷᠤᠳᠲᠠᠢ ᠴᠤᠭ ᠲᠤᠭ᠍ᠲᠤᠯᠤᠯ᠂ ᠬᠡᠢᠷᠭᠡᠯ ᠲᠤᠮᠲᠠ ᠦᠩᠭᠡᠷᠡᠭ᠌ᠰᠡᠨ ᠰᠡᠨ᠃ ᠬᠠᠨᠠᠨ ᠲᠤᠯᠤᠭᠠᠢᠳᠤ ᠡᠯᠬᠦᠭᠡᠲᠡᠢ ᠵᠢᠵᠢᠭ ᠷᠠᠳᠢᠤ᠋ᠶ᠋ᠢ ᠪᠠᠷᠠᠭᠤᠨ ᠬᠤᠢᠲᠤ ᠠᠪᠲᠠᠷᠠ ᠲᠡᠭᠡᠷᠡ ᠲᠠᠯᠪᠢᠭ᠍ᠰᠠᠨ ᠵᠢᠷᠤᠭ᠍ᠲᠤ ᠷᠠᠳᠢᠤ᠋ ᠤᠷᠤᠯᠠᠵᠤ᠂ ᠭᠡᠷ ᠪᠤᠯᠭᠠᠨᠳᠤ ᠰᠠᠯᠬᠢᠨ ᠰᠡᠩᠰᠡᠨᠤ ᠴᠠᠬᠢᠯᠭᠠᠨ ᠳ᠋ᠧᠩ ᠲᠤᠸᠠᠯᠠᠵᠤ᠂ ᠪᠠᠷᠤᠭᠤᠨ ᠠᠢᠯᠤᠨ ᠭᠠᠲᠠᠨᠠ ᠮᠤᠲ᠋ᠤᠷ ᠲᠷᠡᠺᠲ᠋ᠤᠷ ᠵᠤᠭ᠍ᠰᠤᠵᠤ ᠡᠬᠢᠯᠡᠭ᠌ᠰᠡᠨ ᠴᠠᠭ᠃ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠬᠦᠨᠵᠡᠭᠡᠢᠷᠡᠵᠤ᠂ ᠠᠮᠢᠲᠤᠷᠠᠯᠤᠨ ᠲᠦᠪᠱᠢᠨ ᠢᠲᠡᠭ ᠢᠲᠡᠭᠢᠶᠠᠷ ᠲᠡᠭᠡᠭ᠌ᠰᠢᠯᠡᠭ᠌ᠰᠡᠭᠡᠷ ᠬᠤᠷᠱᠢᠶᠠ ᠮᠠᠢᠮᠠᠢ ᠬᠦᠲᠡᠭᠡᠳᠤ ᠢᠷᠡᠵᠤ᠂ ᠬᠤᠯᠪᠤᠭᠠ ᠰᠦᠯᠵᠢᠶᠡ ᠠᠮᠢᠲᠤᠷᠠᠯᠳᠤ ᠨᠡᠪᠲᠡᠷᠡᠯᠡ᠃ ᠠᠯᠲᠠᠨ ᠬᠢᠯᠢ᠂ ᠠᠷᠠᠳ ᠴᠡᠷᠢᠭ᠂ ᠠᠵᠢᠯ ᠦᠢᠯᠡᠰ ᠲᠡᠷᠡ ᠴᠤ᠌ ᠪᠠᠢᠲᠤᠭᠠᠢ ᠠᠲᠠᠷ ᠲᠠᠯᠠ ᠲᠡᠭᠡᠷᠡ ᠤᠷᠭᠤᠨ ᠪᠤᠰᠤᠭ᠍ᠰᠠᠨ ᠱᠢᠨᠡ ᠬᠤᠲᠠᠬᠠᠨᠤ ᠲᠤᠬᠠᠢ ᠤᠶᠠᠩᠭᠠ ᠲᠠᠭᠤᠤ ᠬᠦᠷᠲᠡᠯᠡ ᠵᠤᠬᠢᠶᠠᠭ᠍ᠲᠠᠨ ᠭᠠᠷᠴᠤ᠌᠂ ᠪᠤᠲᠤᠯ ᠰᠡᠳᠭᠢᠯᠳᠤᠨᠢ ᠬᠦᠰᠡᠯ ᠵᠢᠬᠦᠷᠯᠡᠭ᠌ᠰᠡᠨ ᠬᠦᠮᠦᠨ ᠠᠷᠠᠳ ᠮᠠᠨᠢ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶ᠋ᠢᠨ ᠠᠴᠢ ᠲᠤᠰᠠᠶ᠋ᠢ ᠪᠡᠶᠡ ᠰᠡᠳᠭᠢᠯᠢᠶᠠᠷᠢᠶᠠᠨ ᠮᠡᠲᠡᠷᠡᠵᠤ ᠡᠬᠢᠯᠡᠭᠡᠳ᠂ ᠡᠬᠡ ᠤᠷᠤᠨᠤᠪᠠᠨ ᠴᠤᠭ᠍ᠴᠠᠯᠠᠯᠲᠠ᠂ ᠡᠭᠡᠯᠭᠡᠨ ᠠᠮᠢᠲᠤᠷᠠᠯᠤᠨᠢᠶᠠᠨ ᠬᠦᠭ᠌ᠵᠢᠯᠲᠡᠶ᠋ᠢᠨ ᠲᠦᠯᠦᠭᠡ ᠮᠠᠯ ᠰᠦᠷᠦᠭᠢᠶᠠᠨ ᠦᠨᠢᠷ ᠦᠰᠭᠡᠵᠤ᠂ ᠠᠱᠢᠭ ᠭᠠᠷᠤᠯᠲᠠᠶ᠋ᠢᠨᠢ ᠦᠢᠯᠡᠳᠪᠤᠷᠢᠳᠤ ᠲᠤᠱᠢᠶᠠᠨ᠂ ᠠᠴᠢ ᠲᠤᠰᠠᠶ᠋ᠢᠨᠢ ᠨᠡᠢᠭᠡᠮᠳᠡᠭᠡᠨ ᠵᠤᠷᠢᠭᠤᠯᠵᠤ ᠡᠬᠢᠯᠡᠵᠡᠢ᠃ ᠬᠦᠭ᠌ᠵᠢᠯᠤᠨᠢᠶᠠᠨ ᠭᠠᠷᠤᠭᠠᠶ᠋ᠢ ᠠᠪᠤᠭ᠍ᠰᠠᠨ ᠪᠠᠭ᠍ᠠᠲᠤᠯᠲᠤ ᠤᠨ ᠰᠠᠷᠠᠡᠬᠡᠯ ᠪᠢᠲᠡᠨᠤ ᠠᠮᠢᠲᠤᠷᠠᠯ ᠲᠤᠮᠲᠠᠭᠤᠷ ᠲᠦᠷᠦᠬᠡ ᠵᠢᠭᠢᠭ᠌ᠰᠡᠨ ᠮᠤᠷᠢᠲᠡᠨ ᠮᠡᠲᠤ ᠲᠠᠪᠬᠢᠨ ᠦᠩᠭᠡᠷᠡᠭ᠌ᠰᠡᠨᠨᠢ ᠲᠡᠷᠡ ᠶᠤᠮ᠃
ᠲᠡᠢᠮᠤ ᠡ᠂ ᠠᠮᠢᠲᠤᠷᠠᠨ ᠵᠢᠳᠬᠦᠵᠤ ᠶᠠᠪᠤᠭ᠍ᠰᠠᠨ ᠲᠠᠷᠠᠭᠠ ᠲᠠᠷᠠᠭᠠᠴᠢᠶ᠋ᠢᠨ ᠤᠨ ᠰᠠᠷᠠᠳᠤ ᠪᠦᠬᠦᠲᠡ ᠯᠡ ᠪᠤᠷᠪᠢ ᠪᠤᠷᠪᠢᠪᠠᠨ ᠬᠢᠰᠭᠢᠨ ᠢᠷᠡᠭ᠌ᠰᠡᠨ ᠮᠦᠷᠲᠡᠯᠡᠪᠠᠨ ᠱᠢᠯᠢ ᠱᠢᠯᠢᠪᠠᠨ ᠲᠠᠷᠤᠨ ᠪᠦᠲᠡᠭᠢᠷᠡᠵᠤ᠂ ᠱᠢᠨᠡ ᠰᠤᠲᠤᠨ ᠪᠦᠬᠦᠨᠢᠶᠠᠨ ᠦᠯᠡᠲᠡᠭᠡᠨ ᠤᠲᠤᠭ᠍ᠰᠠᠭᠠᠷ ᠦᠨᠤ ᠬᠦᠷᠴᠡᠢ᠃ ᠠᠮᠢᠲᠤᠷᠠᠯᠤᠨ ᠱᠢᠭ᠌ᠰᠢᠯᠲᠡᠳᠤ ᠦᠯᠡᠲᠡᠭ᠌ᠰᠡᠨ ᠶᠠᠭᠤᠮᠠ ᠪᠦᠬᠦᠨ ᠦᠪᠡᠷ ᠦᠪᠡᠷᠤᠨᠢᠶᠠᠨ ᠦᠨᠡ ᠪᠡᠨᠡᠲᠠᠢ᠂ ᠦᠪᠡᠷ ᠦᠪᠡᠷᠤᠨᠢᠶᠠᠨ ᠤᠴᠢᠷ ᠤᠬᠠᠭᠠᠨᠲᠠᠢ᠃ ᠱᠢᠨᠡᠶ᠋ᠢᠨ ᠨᠢᠭᠡᠨᠤ ᠦᠷᠯᠦᠭᠡ ᠡᠪᠦᠯᠵᠢᠶᠡᠨᠠᠴᠠᠪᠠᠨ ᠮᠤᠷᠲᠠᠨ ᠭᠠᠷᠴᠤ᠌ ᠠᠢᠯᠤᠳᠤᠨ ᠬᠤᠭᠤᠷᠤᠨᠳᠤᠭᠤᠷ ᠭᠠᠷᠤᠭ᠍ᠰᠠᠨ ᠵᠡᠷᠲᠡᠪᠠᠷ ᠲᠡᠷᠬᠢᠬᠦᠯᠦᠭ᠌ᠰᠡᠭᠡᠷ ᠲᠠᠪᠤ ᠲᠤᠯᠤᠭᠠᠨ ᠮᠤᠷᠢᠲᠡᠨ ᠪᠤᠯᠵᠤ ᠭᠡᠰᠦᠯᠭᠡ ᠬᠢᠲᠡᠭ ᠪᠠᠢᠭ᠍ᠰᠠᠨ ᠲᠡᠢᠮᠤ ᠱᠢᠨᠡ ᠤᠳᠤ ᠪᠠᠢᠬᠤ ᠦᠭᠡᠢ᠃ ᠬᠤᠷᠲᠤᠨ ᠲᠡᠷᠭᠡ ᠮᠤᠷᠢᠶᠢ ᠤᠷᠤᠯᠠᠵᠤ᠂ ᠲᠦᠷᠭᠡᠨ ᠬᠦᠷᠭᠡᠯᠲᠡ ᠬᠤᠷᠱᠢᠶᠠᠶ᠋ᠢ ᠤᠷᠤᠯᠠᠨ᠂ ᠬᠤᠯᠪᠤᠭᠠ ᠰᠦᠯᠵᠢᠶᠡ ᠷᠠᠳᠢᠤ᠋ ᠵᠢᠷᠤᠭ᠍ᠲᠤᠶ᠋ᠢ ᠤᠷᠤᠯᠠᠵᠠᠢ᠃ ᠲᠡᠭ᠌ᠷᠢᠶ᠋ᠢᠨ ᠬᠢᠵᠠᠭᠠᠷᠲᠤ ᠪᠠᠢᠭᠠ ᠬᠦᠮᠦᠰ ᠵᠢᠷᠬᠢᠶᠠᠪᠠᠷ ᠵᠤᠯᠭᠠᠵᠤ᠂ ᠲᠢᠪ ᠠᠯᠤᠰᠯᠠᠭ᠍ᠰᠠᠨ ᠠᠶᠠᠯᠠᠯᠳᠤ ᠵᠠᠯᠠᠭᠤᠰ ᠪᠠᠢᠲᠤᠭᠠᠢ ᠨᠠᠰᠤᠲᠠᠳ ᠬᠦᠷᠲᠡᠯᠡ ᠲᠠᠰᠴᠦ᠂ ᠭᠠᠴᠠᠭᠠ ᠰᠤᠮᠤᠶ᠋ᠢᠨ ᠨᠠᠢᠷᠲᠤ ᠪᠢᠰᠢ ᠤᠯᠢᠮᠫᠢᠺᠤᠨ ᠲᠡᠮᠡᠴᠡᠭᠡᠨᠠᠴᠠ ᠬᠦᠪᠡᠬᠦᠳ ᠦᠬᠢᠳ ᠮᠢᠨᠢ ᠠᠯᠲᠠᠨ ᠮᠧᠳᠠᠯ ᠠᠪᠴᠤ᠌ ᠪᠠᠢᠨᠠ᠃ 《ᠳ᠋ᠠᠯᠢᠶᠠᠨ — 14》 ᠬᠡᠮᠡᠭ᠌ᠴᠢ ᠵᠢᠵᠢᠭ ᠲᠷᠠᠺᠲ᠋ᠤᠷᠢᠶᠠᠷ ᠠᠢᠯ ᠬᠤᠲᠠᠶ᠋ᠢᠨᠬᠢᠨᠢᠶᠠᠨ ᠲᠡᠭᠡᠭᠡᠨ ᠬᠤᠷᠱᠢᠶᠠᠨ ᠵᠦᠭ ᠬᠦᠶᠦᠯᠭᠡᠵᠤ᠂ ᠬᠠᠲᠤᠭᠤᠷ ᠬᠠᠮᠤᠭᠤᠷ ᠴᠢᠷᠦᠨ ᠡᠪᠡᠰᠤ ᠬᠠᠲᠤᠵᠤ ᠶᠠᠪᠤᠭ᠍ᠰᠠᠨ ᠲᠡᠭᠡᠷᠡ ᠵᠠᠭᠤᠨᠤ ᠶᠡᠷᠡᠭᠡᠳ ᠤᠨ ᠪᠠᠰᠠᠯᠠ ᠲᠠᠪᠬᠢᠨ ᠦᠩᠭᠡᠷᠡᠵᠤ᠂ ᠭᠤᠷᠪᠠᠨ ᠬᠢᠲᠤᠭᠠᠲᠠᠢ᠂ ᠪᠤᠭᠤᠵᠢᠯᠠᠵᠤ ᠲᠡᠭᠡᠭᠡᠬᠦ᠌ ᠮᠠᠱᠢᠨᠲᠠᠢ ᠢᠵᠢ ᠪᠦᠷᠢᠲᠦᠭ᠌ᠰᠡᠨ ᠮᠠᠱᠢᠨ ᠲᠧᠭ᠌ᠨᠢᠭ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠤᠷᠲᠤ ᠨᠠᠮᠤᠷᠢ ᠡᠷᠴᠢᠲᠡᠢ ᠪᠤᠭᠤᠨᠢᠰᠭᠠᠵᠠᠢ᠃ ᠠᠩᠬᠠᠨᠤ ᠴᠠᠰᠤ ᠤᠷᠤᠲᠠᠯᠠ ᠡᠴᠦᠷᠡᠲᠡᠭ ᠪᠠᠢᠭ᠍ᠰᠠᠨ ᠨᠠᠮᠤᠷᠤᠨ ᠠᠵᠢᠯ ᠲᠤᠯᠤᠭᠠ ᠬᠤᠨᠤᠭ ᠲᠤᠳᠤᠷᠠ ᠱᠢᠪᠲᠤᠷᠠᠭᠠᠨᠳᠠᠭᠠᠨ ᠤᠷᠤᠵᠤ᠂ ᠠᠢᠷᠠᠭ ᠨᠠᠢᠷ ᠬᠤᠶᠠᠷᠢᠶᠠᠨ ᠪᠠᠷᠠᠵᠤ ᠶᠠᠲᠠᠭ᠍ᠰᠠᠨ ᠤᠷᠲᠤ ᠨᠠᠮᠤᠷ ᠵᠢᠯ ᠤᠰᠤ᠂ ᠱᠢᠨᠡ ᠭᠡᠷᠤᠨ ᠨᠠᠢᠷᠲᠤ ᠵᠤᠷᠢᠭᠤᠯᠤᠭ᠍ᠰᠠᠨ ᠤᠶᠠᠩᠭᠠ ᠲᠠᠭᠤᠤᠲᠠᠢ ᠤᠯᠠᠷᠢᠯ ᠪᠤᠯᠲᠠᠯᠠᠪᠠᠨ ᠬᠤᠪᠢᠷᠠᠪᠠ᠃ ᠱᠢᠨᠡ ᠬᠦᠲᠡᠭᠡᠶ᠋ᠢᠨ ᠱᠢᠨᠡ ᠠᠢᠵᠠᠮ ᠲᠤᠭ᠍ᠲᠠᠵᠤ᠂ ᠱᠢᠨᠡ ᠠᠮᠢᠲᠤᠷᠠᠯᠤᠨ ᠱᠢᠨᠡ ᠠᠭᠤᠯᠭᠠ ᠪᠠᠲᠤᠵᠢᠨ᠂ ᠬᠤᠷᠠᠭᠠ ᠲᠤᠭᠤᠯᠨᠢ ᠬᠦᠷᠲᠡᠯᠡ ᠲᠤᠷᠠᠨᠲᠠᠭᠤᠷ ᠮᠠᠱᠢᠨᠲᠠᠢ᠂ ᠲᠤᠯᠠᠭᠠᠨ ᠫᠧᠩᠲᠠᠢ ᠤᠷᠴᠢᠨᠳᠤ ᠲᠤᠷᠨᠢᠵᠤ ᠪᠠᠢᠨᠠ᠃ ᠬᠤᠷᠲᠤᠨ ᠮᠤᠷᠢᠳ ᠫᠦᠭᠲᠠᠢ ᠮᠠᠱᠢᠨᠳᠠᠭᠠᠨ ᠨᠡᠮᠨᠡᠭᠡᠲᠠᠢ ᠠᠢᠮᠠᠭ ᠠᠯᠤᠰᠯᠠᠨ ᠵᠤᠷᠴᠢᠵᠤ᠂ ᠭᠤᠪᠢᠶ᠋ᠢᠨ ᠲᠡᠮᠡᠭᠡ ᠤᠷᠠᠨ ᠬᠤᠱᠢᠭᠤᠨᠳᠠᠭᠠᠨ ᠮᠦᠩᠭᠦᠨ ᠪᠤᠢᠯᠠᠲᠠᠢ ᠱᠠᠩᠨᠠᠯᠳᠤ ᠤᠴᠢᠲᠠᠭ ᠪᠤᠯᠵᠠᠢ᠃ ᠬᠠᠮᠲᠤᠶ᠋ᠢᠨ ᠮᠠᠯᠢ ᠬᠠᠷᠢᠭᠤᠯᠤᠭ᠍ᠰᠠᠨᠤᠪᠠᠨ ᠬᠦᠯᠦᠰᠦᠨᠳᠤ ᠬᠤᠪᠢ ᠲᠡᠮᠳᠡᠭ᠌ᠯᠡᠬᠦᠯᠵᠤ ᠠᠪᠲᠠᠭ ᠪᠠᠢᠭ᠍ᠰᠠᠨ ᠠᠱᠢᠭ ᠤᠷᠤᠯᠭᠠ ᠦᠨᠦᠲᠦᠷ ᠬᠤᠪᠢᠶ᠋ᠢᠨ ᠮᠠᠯ ᠤᠨᠤᠭᠠᠪᠠᠨ ᠵᠠᠬᠠ ᠲᠡᠭᠡᠷᠡ ᠵᠠᠷᠤᠵᠤ ᠤᠯᠤᠭ᠍ᠰᠠᠨ ᠤᠯᠠᠨ ᠤᠷᠤᠨᠲᠤ ᠬᠠᠲᠠᠭᠠᠯᠠᠮᠵᠢᠶ᠋ᠢᠨ ᠺᠠᠷᠲᠵᠢᠡᠷ ᠰᠤᠯᠢᠭ᠍ᠲᠠᠵᠤ᠂ ᠲᠠᠭᠠᠪᠠᠷ ᠤᠯᠲᠠᠲᠠᠭ ᠦᠭᠡᠢ ᠪᠠᠢᠭ᠍ᠰᠠᠨ ᠪᠦᠰ ᠪᠠᠷᠠᠭᠠ᠂ ᠭᠤᠯᠢᠷ ᠪᠤᠲᠠᠭᠠ᠂ ᠠᠷᠢᠬᠢ ᠲᠠᠮᠠᠬᠢᠨᠤ ᠪᠢᠯᠧᠲ ᠵᠠᠬᠠ ᠵᠡᠭᠡᠯᠢᠶ᠋ᠢᠨ ᠴᠢᠯᠦᠭᠡᠲᠤ ᠬᠠᠩᠭᠠᠯᠭᠠᠪᠠᠷ ᠤᠷᠤᠯᠠᠭ᠍ᠲᠠᠵᠠᠢ᠃ ᠲᠤᠭᠤᠭ᠍ᠰᠠᠨ ᠲᠤᠷᠭᠠᠪᠠᠨ ᠲᠤᠬᠤᠢᠪᠠᠷ ᠪᠢᠰᠢ ᠭᠠᠷᠭᠠᠭᠠᠪᠠᠷ᠂ ᠤᠤᠭᠤᠵᠤ ᠢᠲᠡᠬᠦ᠌ ᠤᠬᠢᠶᠠᠵᠤ ᠱᠢᠯᠡᠭᠡᠬᠦ᠌ᠳᠤ ᠵᠤᠷᠢᠭᠤᠯᠤᠭ᠍ᠲᠠᠭ᠍ᠰᠠᠨ ᠭᠡᠷ ᠪᠦᠯᠢᠶ᠋ᠢᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠢ ᠢᠵᠢᠪᠠᠷᠨᠢ ᠬᠤᠤᠰᠯᠠᠭᠤᠯᠤᠭ᠍ᠰᠠᠨ ᠴᠢᠨᠡᠭᠡᠯᠢᠭ ᠠᠮᠢᠲᠤᠷᠠᠯ ᠬᠤᠲᠠ ᠬᠦᠲᠡᠭᠡᠳᠤ ᠢᠵᠢᠯᠭᠡᠨ ᠲᠦᠪᠬᠢᠨᠡᠪᠡ᠃ ᠡᠨᠡ ᠪᠦᠬᠦᠨ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶ᠋ᠢᠨ᠂ ᠦᠷᠨᠢᠨ ᠮᠠᠨᠲᠤᠯᠲᠠᠶ᠋ᠢᠨ ᠰᠠᠢᠨ᠂ ᠨᠠᠮ ᠲᠦᠷᠤᠶ᠋ᠢᠨ ᠪᠤᠲᠤᠯᠭᠠ᠂ ᠠᠷᠠᠳ ᠲᠦᠮᠡᠨᠤ ᠭᠡᠱᠢᠭ ᠪᠤᠶᠠᠨ᠃ ᠡᠨᠡ ᠪᠦᠬᠦᠨ ᠤᠤᠭᠠᠯ ᠠᠷᠠᠨᠱᠢᠨᠢᠶᠠᠨ ᠦᠯᠤ ᠮᠠᠷᠲᠠᠬᠤᠶ᠋ᠢ ᠰᠠᠨᠠᠭᠤᠯᠤᠭ᠍ᠰᠠᠨ᠂ ᠤᠨᠠᠭᠠᠨ ᠪᠠᠢᠭᠠᠯᠢᠪᠠᠨ ᠬᠡᠪᠢᠶᠠᠷᠨᠢ ᠪᠠᠢᠯᠭᠠᠬᠤᠶ᠋ᠢ ᠰᠤᠷᠭᠠᠭ᠍ᠰᠠᠨ ᠮᠡᠷᠭᠡᠨ ᠤᠲᠤᠷᠢᠲᠤᠭ᠍ᠴᠢᠶ᠋ᠢᠨ ᠰᠠᠢᠨ ……
ᠱᠢᠨᠡ ᠵᠢᠯ ᠢᠷᠡᠵᠤ ᠶᠠᠪᠤᠨᠠ᠃ ᠠᠷᠪᠠᠨ ᠲᠤᠯᠤᠲᠤᠭᠠᠷ ᠵᠢᠷᠠᠨᠤ ᠭᠠᠯ ᠮᠤᠷᠢᠨ ᠵᠢᠯ ᠪᠤᠶᠤ ᠠᠷᠭᠠᠶ᠋ᠢᠨ ᠲᠤᠭᠠᠯᠠᠯᠤᠨ 2026 ᠤᠨ ᠱᠢᠨᠡᠭᠡᠨ ᠲᠦᠷᠬᠦ᠌ᠲᠠᠢ᠂ ᠱᠢᠨᠡᠭᠡᠨ ᠤᠶᠠᠩᠭᠠᠲᠠᠢᠪᠠᠨ ᠪᠢᠲᠡᠨ ᠵᠦᠭ ᠢᠷᠡᠯᠡ᠃ ᠬᠤᠯᠠ ᠵᠠᠮᠤᠨ ᠲᠤᠭᠤᠰᠤᠨᠠᠴᠠ ᠰᠤᠭᠤᠷᠠᠭ᠍ᠰᠠᠨ ᠮᠠᠩᠯᠠᠢ ᠮᠤᠷᠢ ᠱᠢᠭ᠋ ᠡᠨᠡ ᠱᠢᠨᠡ ᠤᠨ ᠠᠵᠠ ᠬᠡᠢᠮᠤᠷᠢ᠂ ᠰᠠᠢᠨ ᠰᠠᠢᠬᠠᠨᠤ ᠪᠡᠯᠭᠡᠲᠡᠯ ᠮᠦᠨᠠᠴᠠ ᠮᠦᠨ᠃ ᠢᠷᠡᠲᠡᠭ ᠶ᠋ᠢᠡᠷᠢᠶᠠᠨ ᠯᠡ ᠢᠷᠡᠵᠤ ᠪᠠᠢᠭᠠ ᠤᠨ ᠵᠢᠯ ᠭᠡᠲᠡᠭ ᠴᠠᠭᠤᠨ ᠬᠦᠷᠲᠤ ᠬᠤᠷᠢᠭ᠍ᠯᠠᠵᠤ ᠪᠤᠯᠤᠰᠢ ᠦᠭᠡᠢ ᠮᠢᠨᠦ᠋ᠲ ᠰᠧᠺᠦ᠋ᠨ᠋ᠳ᠋ᠶ᠋ᠢᠡᠷᠢᠶᠠᠨ᠂ ᠬᠠᠨᠠᠶ᠋ᠢᠨ ᠨᠢᠲᠤᠪᠠᠷ ᠬᠡᠮᠵᠢᠲᠡᠭ ᠨᠠᠷᠠᠨᠤ ᠭᠡᠷᠡᠯᠢᠶᠠᠷᠢᠶᠠᠨ ᠲᠤᠭᠠᠴᠠᠭᠠᠯᠠᠨ ᠬᠦᠨ ᠴᠡᠩᠭᠡᠷ ᠰᠠᠨᠰᠠᠷᠤᠨ ᠠᠭᠤᠲᠠᠮᠳᠤ ᠤᠷᠴᠢᠵᠤ ᠪᠠᠢᠨᠠ᠃ ᠬᠢᠮᠡᠯ ᠲᠠᠭᠠᠭᠤᠯᠢ᠂ ᠰᠠᠨᠰᠠᠷᠤᠨ ᠬᠦᠯᠭᠡ ᠨᠢᠰᠦᠯᠴᠡᠭ᠌ᠰᠡᠨ ᠡᠨᠡ ᠨᠡᠯᠦᠭᠡᠷ ᠶᠡᠭᠡ ᠤᠷᠴᠢᠯᠠᠩᠳᠤ ᠪᠢᠲᠡ ᠡᠪ ᠨᠠᠢᠷᠠᠮᠲᠠᠯ᠂ ᠡᠩᠭᠡ ᠲᠠᠢᠪᠤᠩ᠂ ᠠᠷᠠᠳᠴᠢᠯᠠᠯᠢ ᠪᠠᠲᠠᠷᠠᠭᠤᠯᠤᠨ ᠠᠵᠤ ᠲᠦᠷᠦᠨᠡᠮ ᠪᠢᠱᠢᠤ？ ᠬᠦᠵᠢ ᠲᠡᠯᠡᠬᠡᠢ ᠠᠮᠤᠭᠤᠯᠠᠩ ᠪᠠᠢᠭ！
ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠠᠴᠠ ᠬᠡᠦᠬᠡᠳᠤᠨ ᠲᠠᠭᠤ ᠴᠠᠩᠭᠢᠨᠠᠵᠤ᠂ ᠴᠡᠷᠢᠭᠤᠨ ᠬᠤᠸᠠᠷᠠᠨᠳᠤ ᠪᠤᠯᠪᠠᠰᠤᠷᠠᠯᠤᠨ ᠪᠦᠷᠢᠶᠡ ᠬᠠᠩᠭᠢᠨᠠᠨ᠂ ᠰᠠᠷᠠᠭᠤᠯ ᠲᠠᠯᠠᠪᠠᠷ ᠭᠠᠯᠲᠤ ᠲᠡᠷᠭᠡ ᠬᠤᠷᠲᠤᠯᠠᠵᠤ ᠪᠠᠢᠨᠠ᠃ ᠱᠢᠨᠡ ᠤᠨ ᠢᠷᠡᠯᠡ᠃ ᠤᠶᠠᠭᠠ ᠰᠤᠢᠯᠭᠠ ᠰᠠᠢᠲᠠᠢ ᠬᠤᠷᠲᠤᠨ ᠬᠦᠯᠦᠭᠤᠳ ᠤᠮᠠᠷᠠᠲᠤᠶ᠋ᠢᠨ ᠲᠠᠯᠠᠶ᠋ᠢᠨ 《ᠮᠦᠩᠭᠦᠨ ᠡᠪᠦᠯᠤᠨ ᠨᠠᠢᠷ》ᠲᠦ᠍ ᠲᠠᠪᠬᠢᠯᠲᠤᠨ᠂ ᠨᠤᠮᠢᠨ ᠴᠡᠩᠭᠡᠷ ᠲᠤᠷᠤᠨᠠᠲᠤ ᠲᠠᠯᠠᠢ ᠲᠡᠭᠡᠷᠡ ᠴᠠᠭᠠᠨ ᠵᠢᠷᠤᠭᠠ ᠲᠠᠲᠠᠭᠤᠯᠤᠭ᠍ᠰᠠᠨ ᠴᠡᠷᠢᠭᠤᠨ ᠬᠦᠯᠭᠡ ᠤᠩᠭᠤᠴᠠ ᠰᠤᠷᠢᠯᠲᠡᠶ᠋ᠢᠨ ᠵᠢᠭ᠍ᠰᠠᠭᠠᠯᠳᠤ ᠵᠢᠭ᠌ᠲᠡᠷᠡᠵᠤ᠂ ᠡᠬᠡ ᠤᠷᠤᠨᠤ ᠨᠢᠭᠡᠲᠦᠯ᠂ ᠡᠩᠭᠡ ᠲᠠᠢᠪᠤᠩᠤᠨ ᠪᠡᠯᠭᠡᠲᠡᠯᠢ ᠬᠤᠷᠤᠢᠯᠠᠭ᠍ᠰᠠᠨ ᠲᠠᠪᠤᠨ ᠤᠲᠤᠲᠤ ᠤᠯᠠᠭᠠᠨ ᠲᠤᠭ ᠠᠭᠤᠲᠠᠮ ᠲᠠᠯᠠᠪᠠᠢᠳᠤ ᠨᠠᠮᠢᠷᠠᠨ ᠪᠠᠢᠨᠠ᠃ ᠱᠢᠨᠡ ᠤᠨ ᠢᠷᠡᠯᠡ᠃ ᠶᠠᠭᠤᠪᠠᠷ ᠴᠤ᠌ ᠦᠯᠢᠳᠭᠡᠰᠢ ᠦᠭᠡᠢ ᠠᠷᠢᠭᠤᠨ ᠰᠠᠢᠬᠠᠨ᠂ ᠶᠠᠭᠤ ᠴᠤ᠌ ᠲᠤᠳᠠᠮᠠ ᠦᠭᠡᠢ ᠪᠠᠶᠠᠨ ᠲᠠᠩᠰᠤᠭ ᠡᠬᠡ ᠤᠷᠤᠨᠤ ᠮᠢᠨᠢ ᠱᠢᠨᠡ ᠵᠢᠯ ᠦᠭᠡᠲᠡ ᠡᠰᠡᠷᠡᠭ᠂ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠪᠠᠢᠬᠤ ᠪᠤᠯᠲᠤᠭᠠᠢ！
ᠠᠮᠲᠠᠲᠠᠨᠢᠶᠠᠷ ᠲᠤᠳᠠᠵᠤ᠂ ᠡᠮᠦᠰᠭᠦᠪᠠᠷ ᠬᠤᠮᠰᠠᠳᠠᠵᠦ ᠶᠠᠪᠤᠭ᠍ᠰᠠᠨ ᠤᠨ ᠵᠢᠯᠤᠳ ᠮᠠᠨᠳᠤ ᠪᠠᠢᠭ᠍ᠰᠠᠨ᠃ ᠭᠡᠪᠡᠴᠤ᠌ ᠲᠡᠬᠦᠨᠠᠴᠠ ᠪᠤᠯᠤᠭᠠᠳ ᠪᠢᠲᠡ ᠶᠠᠭᠤᠮᠠᠨᠳᠤ ᠤᠯᠠᠭᠠᠨ᠂ ᠪᠤᠲᠤᠯᠳᠠᠭᠠᠨ ᠱᠢᠨᠤᠯᠲᠠᠢ ᠪᠤᠯᠴᠢᠬᠠᠭᠠ ᠦᠭᠡᠢ᠃ ᠤᠬᠠᠭᠠᠨᠲᠤ ᠲᠡᠭᠡᠲᠦᠰᠤᠨ ᠮᠢᠨᠢ ᠰᠤᠷᠭᠠᠯ ᠪᠢᠲᠡᠨᠢ ᠠᠮᠢᠨᠴᠢᠷ ᠪᠢᠰᠢ ᠨᠡᠢᠲᠡᠴᠢ ᠪᠤᠯᠭᠠᠭ᠍ᠰᠠᠨᠤ ᠰᠠᠢᠨᠢᠶᠠᠷ ᠪᠢᠲᠡ ᠬᠤᠪᠢᠶᠠᠵᠤ ᠢᠲᠡᠨ ᠬᠤᠭᠤᠯᠵᠤ ᠮᠦᠯᠵᠢᠬᠦ᠌ᠶ᠋ᠢᠨ ᠤᠴᠢᠷ ᠤᠳᠭᠠᠶ᠋ᠢ ᠶᠠᠰᠤ ᠮᠢᠬᠠᠨᠳᠠᠭᠠᠨ ᠱᠢᠩᠭᠡᠲᠡᠯᠡ ᠮᠡᠲᠡᠷᠡᠭ᠌ᠰᠡᠨ ᠰᠡᠨ᠃ ᠬᠦᠭ᠌ᠵᠢᠯ ᠲᠡᠪᠱᠢᠯᠢ ᠪᠡᠯᠭᠡᠲᠡᠭ᠌ᠰᠡᠨ ᠤᠨ ᠵᠢᠯᠤᠨ ᠲᠦᠷᠦᠬᠡᠶ᠋ᠢ ᠵᠢᠬᠢᠨ ᠲᠠᠪᠬᠢᠬᠤᠶ᠋ᠢᠨ ᠨᠢᠭᠡᠨ ᠤᠮᠤᠭ᠍ᠰᠢᠯ ᠡᠨᠡ ᠪᠦᠯᠦᠭᠡ᠃
ᠭᠠᠷ ᠮᠡᠬᠦᠰ ᠭᠠᠨᠵᠤᠭᠠ ᠲᠠᠲᠠᠭᠤ ᠤᠨ ᠵᠢᠯᠤᠳ ᠮᠠᠨᠳᠤ ᠪᠠᠢᠭ᠍ᠰᠠᠨ᠃ ᠲᠡᠬᠦᠨᠠᠴᠠ ᠱᠢᠯᠲᠠᠭᠠᠯᠠᠨ ᠪᠢᠲᠡ ᠤᠷᠤᠭᠤ ᠲᠤᠷᠤᠢ᠂ ᠨᠤᠨᠵᠢ ᠨᠤᠮᠤᠢ ᠪᠤᠯᠴᠢᠬᠠᠭᠠ ᠦᠭᠡᠢ᠃ ᠤᠯᠤᠰ ᠤᠷᠤᠨᠤ ᠮᠢᠨᠢ ᠬᠦᠮᠦᠵᠢᠯ ᠮᠠᠨᠤᠰᠢ ᠬᠦᠰᠡᠯ ᠮᠦᠷᠦᠭᠡᠲᠦᠯᠲᠠᠢ᠂ ᠡᠷᠢᠯ ᠲᠡᠮᠡᠦᠯᠦᠯᠲᠠᠢ ᠪᠤᠢᠵᠢᠭᠤᠯᠤᠭ᠍ᠰᠠᠨ ᠪᠤᠯᠬᠤᠷ ᠪᠢᠲᠡ ᠦᠭᠡᠲᠡᠷᠬᠡᠭ ᠰᠠᠨᠠᠭᠠᠲᠠᠢ᠂ ᠭᠡᠭᠡᠯᠢᠭ ᠪᠤᠲᠤᠯᠲᠠᠢ ᠦᠰᠦᠭ᠌ᠰᠡᠨ᠃ ᠠᠮᠢᠲᠤᠷᠠᠯᠢ ᠮᠢᠨᠢ ᠡᠳᠦᠷᠠᠴᠠ ᠡᠳᠦᠷᠲᠤ ᠪᠠᠶᠠᠵᠢᠭᠤᠯᠵᠤ᠂ ᠠᠬᠤᠢ ᠤᠷᠴᠢᠨᠢ ᠮᠢᠨᠢ ᠵᠢᠯᠠᠴᠠ ᠵᠢᠯᠳᠤ ᠱᠢᠨᠡᠴᠢᠯᠡᠭ᠌ᠰᠡᠨ ᠦᠭᠡᠷᠡᠴᠢᠯᠡᠯᠲᠡᠶ᠋ᠢᠨ ᠲᠠᠭᠤᠯᠠᠯᠲᠠᠢ ᠤᠨ ᠵᠢᠯᠤᠳᠢ ᠲᠦᠷᠦᠬᠡ ᠵᠢᠬᠢᠨ ᠲᠤᠭᠤᠯᠬᠤᠶ᠋ᠢᠨ ᠪᠠᠭ᠍ᠠᠷᠬᠠᠯ ᠡᠨᠡ ᠪᠦᠯᠦᠭᠡ᠃
ᠱᠢᠨᠡ ᠵᠢᠯ ᠢᠷᠡᠵᠤ ᠶᠠᠪᠤᠨᠠ᠃ ᠬᠠᠭᠤᠴᠢᠨ ᠤᠨᠤ ᠦᠲᠡᠯᠲᠡ᠂ ᠱᠢᠨᠡ ᠤᠨᠤ ᠵᠤᠯᠭᠠᠯᠲᠠ ᠬᠡᠮᠡᠬᠦ᠌ ᠬᠤᠶᠠᠷ ᠬᠠᠲᠠᠭ ᠪᠢᠲᠡᠨᠤ ᠭᠠᠷ ᠲᠡᠭᠡᠷᠡ ᠲᠡᠯᠭᠡᠭᠡᠰᠦᠲᠡᠢ᠃ ᠠᠵᠠ ᠵᠢᠷᠭᠠᠯ᠂ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨᠢ ᠦᠭ᠌ᠭᠦᠭ᠌ᠰᠡᠨ ᠬᠠᠭᠤᠴᠢᠨ ᠤᠨᠢᠶᠠᠨ 《ᠪᠠᠶᠠᠷᠲᠠᠢ！》 ᠭᠡᠵᠤ ᠦᠲᠡᠶᠡ᠃ ᠠᠬᠢᠯᠲᠠ ᠲᠠᠪᠱᠢᠯᠲᠠ᠂ ᠦᠷᠨᠢᠯ ᠬᠦᠭ᠌ᠵᠢᠯᠤᠨᠢᠶᠠᠨ ᠵᠢᠯᠤᠭᠤᠶ᠋ᠢ ᠰᠤᠩᠭᠠᠭ᠍ᠰᠠᠨ ᠱᠢᠨᠡ ᠤᠨᠢᠶᠠᠨ 《ᠪᠠᠶᠠᠷᠯᠠᠯᠠ！》 ᠭᠡᠵᠤ ᠤᠭ᠍ᠲᠤᠶᠠ！