《ᠡᠵᠢ ᠡ᠂ ᠡᠨᠡ ᠵᠢᠮᠢᠰᠤᠨ ᠱᠤᠷᠤᠯᠠᠭ ᠶᠠᠭᠠᠬᠢᠭᠰᠠᠨ ᠭᠤᠶᠤ ᠪᠤᠢ᠂ ᠨᠠᠳᠠᠳᠤ ᠬᠡᠳᠦᠵᠢ ᠠᠪᠤᠭᠠᠳ ᠦᠭᠭᠦᠭᠡᠴᠢ！》 ᠭᠡᠵᠤ ᠪᠢᠴᠢᠬᠠᠨ ᠭᠦᠦ ᠡᠵᠢ ᠡᠴᠡ ᠪᠠᠨ ᠭᠤᠶᠤᠨᠠ᠃ 2 ᠰᠠᠷᠠᠶ᠋ᠢᠨ ᠡᠬᠢ ᠪᠡᠷ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠵᠢᠯᠤᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠭᠡᠭᠦᠷ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠪᠠᠢᠵᠤ᠂ ᠳᠡᠯᠭᠡᠨ ᠪᠤᠷᠤᠯᠠᠭᠤᠯᠭᠠᠶ᠋ᠢᠨ ᠭᠠᠵᠠᠷ ᠪᠦᠬᠦᠨ ᠳ᠋ᠤ ᠤᠯᠠᠭᠠᠨ ᠳ᠋ᠧᠩᠯᠦ ᠡᠯᠭᠦᠭᠳᠡᠵᠦ᠂ ᠡᠯᠡ ᠲᠥᠷᠥᠯᠦ᠋ᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠ ᠬᠢᠭᠡᠳ ᠨᠤᠲᠤᠭᠤ᠋ᠨ ᠣᠨᠴᠠ ᠭᠠᠷᠤᠯᠲᠠ ᠲᠦᠭᠦᠷᠡᠩ ᠦᠷᠦᠭᠳᠡᠵᠤ᠂ ᠰᠠᠷᠠ ᠰᠢᠨᠡᠶ᠋ᠢᠨ ᠪᠠᠶᠠᠷ ᠵᠢᠠᠷ ᠪᠢᠯᠬᠠᠨᠠ᠃
ᠲᠤᠰ ᠤᠳᠠᠭᠠ ᠵᠢᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠭᠡᠭᠦᠷᠢ ᠭᠤᠷᠪᠠᠨ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠬᠤᠪᠢᠶᠠᠵᠤ᠂ ᠡᠯᠡ ᠲᠤᠮᠤ ᠬᠤᠳᠠᠯᠳᠤᠭᠠᠨᠤ ᠲᠡᠯᠭᠡᠭᠦᠷ ᠲᠠᠢ ᠬᠠᠮᠲᠤᠪᠡᠷ ᠤᠷᠮᠠᠰᠢᠭᠤᠯᠬᠤ ᠪᠣᠷᠣᠯᠠᠭᠤᠯᠭᠠᠶᠢᠨ ᠥᠷᠨᠢᠯᠲᠡᠵᠢ ᠭᠠᠷᠭᠠᠪᠠ᠃ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤᠳ᠋ᠤ᠌ ᠨᠥᠬᠥᠪᠥᠷᠢ ᠥᠭᠬᠦ᠂ ᠴᠠᠭ ᠬᠢᠵᠠᠭᠠᠷᠯᠠᠨ ᠬᠢᠮᠳᠠ ᠪᠠᠷ ᠪᠤᠷᠤᠯᠠᠭᠤᠯᠬᠤ᠂ ᠲᠤᠭᠲᠠᠭᠰᠠᠨ ᠬᠡᠮᠵᠢᠶᠠ ᠬᠦᠷᠪᠡᠯ ᠦᠨᠠ ᠵᠢ ᠨᠢ ᠨᠤᠭᠤᠯᠤᠨ ᠬᠢᠮᠲᠠᠷᠠᠭᠤᠯᠬᠤ ᠵᠡᠷᠭᠡ ᠣᠯᠠᠨ ᠵᠦᠢᠯᠦ᠋ᠨ ᠠᠷᠭᠠ ᠬᠡᠮᠵᠢᠶᠡ ᠨᠢ ᠬᠡᠷᠡᠭᠯᠡᠭᠴᠢᠳᠦ᠋ᠨ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠤᠷᠮᠠᠶ᠋ᠢ ᠲᠤᠢᠯᠤ᠋ᠨ ᠶᠡᠬᠡᠪᠡᠷ ᠬᠥᠭᠵᠢᠭᠡᠵᠡᠢ᠃ ᠡᠯᠡ ᠵᠡᠭᠡᠯᠢ ᠭᠤᠳᠤᠮᠵᠢᠨᠤᠭᠤᠳ ᠠᠷᠠᠳᠲᠤ᠌ ᠳᠥᠭᠥᠮ ᠦᠵᠡᠭᠦᠯᠬᠦ ᠵᠠᠬᠠ ᠳᠡᠯᠭᠡᠭᠦᠷ᠂ ᠵᠢᠵᠢᠭᠯᠡᠨ ᠪᠤᠷᠤᠯᠠᠭᠤᠯᠬᠤ ᠲᠠᠯᠠᠪᠤᠷᠢ᠋ ᠢᠳᠡᠪᠬᠢᠲᠡᠢᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠶ᠋ᠢᠨ ᠲᠤᠰᠬᠠᠢ ᠲᠣᠭᠣᠷᠢᠭ ᠲᠤᠬᠢᠷᠠᠭᠤᠯᠵᠤ᠂ ᠰᠠᠭᠤᠭᠠᠯᠢ ᠠᠷᠠᠳᠤ᠋ᠨ 《ᠨᠢᠭᠡ ᠥᠷᠲᠡᠭᠡᠴᠢᠯᠡᠭᠰᠡᠨ》 ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠬᠠᠩᠭᠠᠵᠤ᠂ 《ᠬᠣᠲᠠ ᠲᠣᠭᠣᠷᠢᠭᠤ᠋ᠨ 15 ᠮᠢᠨᠦ᠋ᠲᠦ᠋ᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠶ᠋ᠢᠨ ᠴᠠᠭᠠᠷᠢᠭ》 ᠢ᠋ ᠪᠠᠢᠭᠤᠯᠤᠨ᠂ ᠬᠣᠲᠠᠶ᠋ᠢᠨ ᠠᠷᠠᠳᠤ᠋ᠨ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤᠳ᠋ᠤ᠌ ᠨᠡᠩ ᠳᠥᠭᠥᠮ ᠲᠦᠳᠡ ᠥᠨᠳᠥᠷ ᠪᠦᠲᠦᠮᠵᠢᠲᠡᠢ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃
《ᠡᠨᠡ ᠵᠢᠯᠦ᠋ᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠬᠡᠬᠦᠷᠤᠨ ᠪᠠᠷᠠᠭᠠᠨᠤ ᠲᠥᠷᠥᠯ ᠵᠦᠢᠯ ᠡᠯᠪᠡᠭ ᠪᠠᠶᠠᠯᠢᠭ ᠮᠥᠷᠲᠡᠭᠡᠨ ᠬᠠᠷᠠᠭᠠᠯᠵᠠᠯᠤ᠋ᠨ ᠡᠷᠴᠢᠮ ᠨᠢ ᠴᠦ᠍ ᠣᠨᠴᠠᠭᠠᠢ ᠶᠡᠬᠡ᠂ ᠨᠢᠭᠡᠯᠡ ᠡᠳᠦᠷ ᠲᠣᠭᠣᠷᠢᠭᠠᠳ ᠬᠡᠷᠡᠭᠴᠡᠭᠡᠲᠡᠢ ᠪᠠᠷᠠᠭᠠᠪᠠᠨ ᠪᠦᠬᠦᠨᠢ᠋ ᠪᠦᠷᠢᠳᠦᠭᠦᠯᠪᠡ᠂ ᠤᠳᠤ ᠪᠠᠶᠠᠷ ᠬᠦᠷ ᠲᠠᠢ ᠭᠡᠷᠲᠡᠭᠡᠨ ᠬᠠᠷᠢᠭᠠᠳ ᠰᠢᠨᠡᠯᠡᠬᠦᠵᠢ ᠬᠦᠯᠢᠶᠡᠪᠡᠯ ᠪᠤᠯᠴᠢᠬᠠᠨᠠ》 ᠭᠡᠵᠦ ᠯᠢᠨ ᠾᠧ ᠲᠤᠭᠤᠷᠢᠭᠤᠨ ᠬᠣᠲᠠᠶ᠋ᠢᠨ ᠠᠷᠠᠳ ᠲᠤᠶᠠᠭᠠ ᠬᠡᠯᠡᠵᠤ ᠪᠠᠢᠪᠠ᠃
ᠲᠤᠰ ᠤᠳᠠᠭᠠ ᠵᠢᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠬᠡᠬᠦᠷ ᠨᠢ ᠬᠣᠲᠠ ᠬᠥᠳᠡᠭᠡᠶ᠋ᠢᠨ ᠵᠠᠭᠠᠭᠢ ᠡᠪᠳᠡᠵᠦ᠂ ᠴᠤᠭᠯᠠᠭᠠ ᠮᠠᠢᠮᠠᠢᠶ᠋ᠢ ᠰᠢᠶᠠᠩ ᠪᠠᠯᠭᠠᠰᠤᠨᠤ᠋ ᠵᠠᠬᠠ ᠳᠡᠯᠭᠡᠭᠦᠷ ᠪᠣᠯᠤᠨ ᠬᠣᠲᠠᠶ᠋ᠢᠨ ᠲᠡᠭᠦᠷᠭᠡᠶ᠋ᠢᠨ ᠵᠢᠵᠢᠭᠯᠡᠨ ᠬᠤᠳᠠᠯᠳᠤᠬᠤ ᠳᠡᠯᠭᠡᠭᠦᠷᠲᠦ᠍ ᠬᠦᠷᠲᠡᠯᠡ ᠥᠷᠭᠡᠳᠬᠡᠪᠡ᠃ ᠨᠠᠷᠢᠯᠢᠭ ᠰᠣᠩᠭᠣᠭᠰᠠᠨ ᠣᠶᠤᠨᠴᠢ ᠴᠠᠬᠢᠯᠭᠠᠨ ᠲᠣᠭᠣᠭᠠ᠂ ᠨᠡᠷᠡᠲᠦ ᠲᠡᠮᠳᠡᠭᠲᠦ ᠡᠪᠦᠯᠤᠨ ᠲᠡᠪᠡᠯ ᠵᠡᠷᠭᠡ ᠲᠠᠸᠠᠷᠢ᠋ ᠬᠥᠳᠡᠭᠡ ᠲᠣᠰᠬᠣᠨᠤ᠋ ᠪᠠᠷᠠᠭᠠᠨᠤ ᠲᠡᠯᠭᠡᠭᠦᠷᠲᠤ ᠲᠣᠬᠢᠷᠠᠭᠤᠯᠵᠤ᠂ ᠬᠣᠲᠠ ᠬᠥᠳᠡᠭᠡᠶ᠋ᠢᠨ ᠬᠡᠷᠡᠭᠯᠡᠭᠡ ᠵᠢᠨ ᠶᠠᠰᠤ ᠴᠢᠨᠠᠷ ᠨᠢ ᠠᠳᠠᠯᠢ ᠪᠠᠢᠬᠤᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠴᠧᠩ ᠭᠤᠸᠠᠨ ᠪᠠᠯᠭᠠᠰᠤᠨᠤ᠋ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ᠋ ᠴᠤᠭᠯᠠᠭᠠ ᠮᠠᠢᠮᠠᠢᠶ᠋ᠢᠨ ᠭᠠᠵᠠᠷᠲᠤ᠌᠂ ᠦ᠋ ᠰᠧ ᠲᠣᠰᠬᠣᠨᠤ᠋ ᠴᠠᠭᠠᠨ ᠭᠤᠯᠢᠷ᠂ ᠶᠢᠦ ᠢ ᠲᠣᠰᠬᠣᠨᠤ᠋ ᠤᠷᠭᠤᠮᠠᠯᠤᠨ ᠲᠣᠰᠣ᠂ ᠵᠢᠢ ᠭᠤᠸᠠᠩ ᠲᠣᠰᠬᠣᠨᠤ᠋ ᠴᠠᠭᠠᠰᠤᠨ ᠬᠠᠢᠴᠢᠯᠠᠮᠠᠯ ᠴᠣᠩᠬᠣᠨ ᠬᠤᠸᠠᠷ ᠵᠡᠷᠭᠡ ᠦᠢᠯᠡᠳᠬᠦᠨᠢ ᠨᠢᠭᠡ ᠭᠠᠵᠠᠷ ᠲᠸ᠋ ᠲᠦᠪᠯᠡᠷᠡᠬᠦᠯᠦᠨ ᠲᠡᠯᠭᠡᠵᠦ᠂ ᠬᠣᠲᠠᠶ᠋ᠢᠨ ᠠᠷᠠᠳ᠂ ᠨᠤᠲᠤᠭᠲᠠᠭᠠᠨ ᠪᠤᠴᠠᠭᠰᠠᠨ ᠣᠯᠠᠨ ᠲᠦᠮᠡᠨ ᠵᠢᠴᠢ ᠣᠢᠷᠠ ᠬᠠᠪᠢᠶ᠋ᠢᠨ ᠵᠢᠭᠤᠯᠴᠢᠯᠠᠭᠰᠠᠳᠤ᠋ᠨ ᠠᠩᠬᠠᠷᠤᠯᠢ᠋ ᠲᠠᠲᠠᠵᠠᠢ᠃ 《ᠥᠩᠭᠡᠷᠡᠭᠰᠡᠨᠳ᠋ᠦ᠍ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤᠳ᠋ᠠᠭᠠᠨ ᠲᠤᠰᠬᠠᠢᠯᠠᠨ ᠬᠣᠲᠠᠤᠷᠤᠳᠠᠭ ᠪᠠᠢᠭᠰᠠᠨ᠂ ᠣᠳᠣ ᠭᠡᠷᠦ᠋ᠨᠢ᠋ᠶ᠋ᠡᠨ ᠡᠬᠦᠳᠡᠨᠳ᠋ᠦ᠍ ᠰᠠᠨᠠᠭᠠᠨᠳ᠋ᠠᠭᠠᠨ ᠲᠤᠬᠢᠷᠠᠭᠰᠠᠨ ᠲᠠᠸᠠᠷ ᠵᠢᠨᠨ ᠬᠤᠳᠠᠯᠳᠤᠨ ᠠᠪᠴᠤ ᠴᠢᠳᠠᠳᠠᠭ ᠪᠣᠯᠤᠭᠰᠠᠨ ᠨᠢ ᠦᠨᠡᠬᠡᠷ ᠳᠥᠭᠥᠮ ᠪᠣᠯᠵᠠᠢ》 ᠭᠡᠮᠡᠨ ᠨᠤᠲᠤᠭᠲᠠᠭᠠᠨ ᠪᠤᠴᠠᠭᠰᠠᠨ ᠤᠶᠤᠲᠠᠨ ᠵᠠᠯᠠᠭᠤ ᠰᠠᠴᠤᠷᠠᠯ ᠰᠢᠨᠡ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠲᠣᠭᠣᠭᠠᠨ ᠭᠡᠷᠦ᠋ᠨ ᠵᠢᠵᠢᠭ ᠴᠠᠬᠢᠯᠭᠠᠨ ᠬᠡᠷᠡᠭᠰᠡᠯᠢ᠋ᠶ᠋ᠡᠨ ᠬᠠᠷᠠᠭᠠᠳ ᠴᠢᠷᠠᠢ ᠳᠦᠭᠦᠷᠡᠩ ᠪᠠᠶᠠᠷ ᠪᠠᠬᠠᠳᠤᠯᠲᠠᠢ ᠪᠠᠢᠯᠠ᠃
ᠠᠵᠢᠯᠯᠠᠭᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳ᠋ᠤ᠌᠂ ᠪᠠᠰᠠ ᠨᠢᠭᠡ ᠪᠦᠯᠦᠭ ᠤᠷᠠᠨ ᠪᠢᠴᠢᠯᠭᠡᠲᠡᠨ ᠲᠤᠰᠬᠠᠢᠯᠠᠨ ᠬᠤᠤᠰ ᠤᠶᠠᠩᠭᠠ ᠪᠢᠴᠢᠵᠦ ᠬᠦᠮᠦᠰᠲᠤ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠬᠦᠷᠭᠡᠵᠦ ᠪᠠᠢᠯᠠ᠃ ᠬᠤᠤᠰ ᠤᠶᠠᠩᠭᠠ ᠪᠢᠴᠢᠭᠦᠯᠬᠦ ᠪᠡᠷ ᠮᠦᠷᠯᠡᠭᠰᠡᠳᠤᠨ ᠡᠩᠨᠡᠭᠡ 20 ᠮᠧᠲ᠋ᠷ ᠦᠷᠭᠦᠯᠵᠢᠯᠡᠵᠦ᠂ ᠣᠯᠠᠨᠢ᠋ᠶ᠋ᠠᠷᠢ᠋ᠶ᠋ᠠᠨ ᠡᠨᠡ ᠬᠦ᠌ ᠴᠠᠭᠠᠨ ᠰᠠᠷᠠᠶ᠋ᠢᠨ ᠦᠯᠵᠡᠢᠲᠡᠢ ᠵᠥᠩᠨᠡᠯᠢ᠋ᠶ᠋ᠡᠨ ᠪᠢᠴᠢᠭᠦᠯᠬᠦᠶᠢᠨ ᠲᠦᠯᠦᠭᠡ ᠲᠡᠪᠴᠢᠶᠡᠷᠢ ᠲᠠᠢ ᠭᠦᠯᠢᠶᠡᠵᠡᠭᠡᠨᠡ᠃
ᠠᠷᠠᠳᠤ᠋ᠨ ᠵᠠᠩ ᠦᠢᠯᠡᠶ᠋ᠢᠨ ᠲᠣᠭᠣᠷᠢᠭᠲᠤ᠂ ᠴᠠᠭᠠᠰᠤᠨ ᠬᠠᠢᠴᠢᠯᠠᠮᠠᠯᠤ᠋ᠨ ᠭᠠᠷ ᠤᠷᠠᠯᠢᠭᠴᠢᠳ ᠠᠬᠤᠢ ᠲᠠᠯᠠᠪᠠᠢᠳ᠋ᠤ᠌ ᠮᠣᠷᠢᠨ ᠵᠢᠯᠦ᠋ᠨ ᠭᠣᠣᠯ ᠰᠡᠳᠦᠪᠲᠦ ᠪᠦᠲᠦᠭᠡᠯ ᠬᠠᠢᠴᠢᠯᠠᠵᠤ᠂ ᠬᠡᠦᠬᠡᠳᠤᠳ ᠰᠢᠬᠢᠷᠢᠶᠡᠷ ᠬᠢᠭᠰᠡᠨ ᠬᠡᠦᠬᠡᠯᠲᠡᠢ ᠵᠢᠷᠤᠭᠢᠶᠡᠨ ᠡᠷᠭᠦᠨ ᠡᠵᠢ ᠠᠪᠤ ᠪᠠᠨ ᠲᠤᠭᠤᠷᠢᠨ ᠬᠦᠶᠦᠯᠳᠦᠵᠦ᠂ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠭᠡᠭᠦᠷᠤᠨ ᠥᠨᠴᠥᠭ ᠪᠤᠯᠤᠩ ᠪᠣᠯᠭᠠᠨᠳᠤ ᠢᠨᠢᠶᠡᠳᠦ ᠭᠥᠷᠪᠢᠯᠬᠠᠨᠠ ᠃
ᠣᠢᠯᠠᠭᠠᠭᠰᠠᠨᠢ᠋ᠶ᠋ᠠᠷ᠂ ᠲᠤᠰ ᠤᠳᠠᠭᠠᠶ᠋ᠢᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ ᠵᠠᠬᠠ ᠲᠡᠯᠬᠡᠬᠦᠷ ︽ᠭᠣᠣᠯ ᠲᠠᠯᠠᠪᠠᠢ ᠨᠢ ᠬᠥᠲᠥᠯᠦᠨ ᠳᠠᠭᠠᠭᠤᠯᠵᠤ᠂ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠨᠢ ᠬᠣᠯᠪᠣᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠂ ᠪᠦᠬᠦ ᠬᠣᠲᠠ ᠬᠠᠮᠲᠤᠪᠠᠷ ᠣᠷᠣᠯᠴᠠᠨ᠂ ᠬᠣᠲᠠ ᠬᠥᠳᠡᠭᠡᠶ᠋ᠢ ᠪᠦᠷᠬᠦᠭᠦᠯᠬᠦ︾ ᠵᠠᠭᠪᠤᠷᠢ᠋ᠶ᠋ᠠᠷ ᠬᠡᠷᠡᠭᠯᠡᠭᠡ ᠵᠢᠨ ᠳᠠᠯᠳᠠ ᠬᠦᠴᠦᠨᠢ᠋ ᠭᠦᠢᠴᠡᠳ ᠢᠯᠡᠷᠡᠭᠦᠯᠪᠡ᠃ ᠠᠵᠢᠯᠯᠠᠭᠠ ᠨᠢ 2 ᠰᠠᠷᠠᠶ᠋ᠢᠨ 1 ᠡᠴᠡ 2 ᠰᠠᠷᠠᠶ᠋ᠢᠨ 14 ᠦ᠌ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭᠳᠠᠬᠤ ᠪᠦᠭᠡᠳ ᠡᠨᠡ ᠬᠦ᠌ ᠬᠤᠭᠤᠴᠠᠭᠠᠨᠳ᠋ᠤ᠌ ᠡᠯᠡ ᠠᠵᠢᠯᠯᠠᠭᠠᠶᠢᠨ ᠲᠠᠯᠠᠪᠠᠢᠳ᠋ᠤ᠌ ᠵᠠᠯᠭᠠᠭᠠ ᠪᠡᠷ ᠣᠨᠢᠰᠣᠭᠠ ᠳᠠᠭᠠᠬᠤ᠂ ᠬᠣᠣᠰ ᠤᠶᠠᠩᠭᠠ ᠪᠢᠴᠢᠬᠦ᠂ ᠦᠨᠳᠦᠰᠦᠲᠡᠨᠦ᠌ ᠵᠠᠩ ᠦᠢᠯᠡᠶ᠋ᠢᠨ ᠦᠵᠡᠭᠦᠯᠭᠡ ᠬᠢᠬᠦ ᠵᠡᠷᠭᠡ ᠡᠯᠪᠡᠭ ᠪᠠᠶᠠᠯᠢᠭ ᠬᠠᠷᠢᠯᠴᠠᠨ ᠬᠥᠳᠡᠯᠦᠯᠴᠡᠬᠦ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠬᠦᠶ᠋ᠢᠨ ᠬᠠᠮᠲᠤ ᠰᠢᠶᠠᠩ ᠪᠠᠯᠭᠠᠰᠤᠨᠤ᠋ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠ ᠰᠢᠭᠤᠳ ᠨᠡᠪᠲᠡᠷᠡᠬᠦ ᠲᠡᠷᠭᠡ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠦᠨ ᠪᠠᠷᠠᠭᠠ ᠪᠤᠷᠤᠯᠠᠭᠤᠯᠬᠤ ᠵᠡᠷᠭᠡ ᠣᠯᠠᠨ ᠶᠠᠩᠵᠤᠶ᠋ᠢᠨ ᠠᠷᠭᠠ ᠵᠠᠮ ᠭᠠᠷᠭᠠᠵᠤ᠂ ᠬᠡᠷᠡᠭᠯᠡᠭᠴᠢᠳᠦ᠋ᠨ ᠠᠳᠠᠯᠢ ᠪᠤᠰᠤ ᠱᠠᠭᠠᠷᠳᠠᠯᠭᠠᠶ᠋ᠢ ᠪᠦᠬᠦ ᠲᠠᠯᠠᠪᠠᠷ ᠬᠠᠩᠭᠠᠬᠤ ᠪᠤᠯᠤᠨᠠ᠃
ᠦᠳᠡᠰᠢᠶ᠋ᠢᠨ ᠪᠦᠷᠦᠢ ᠪᠣᠯᠬᠤᠳᠤ᠂ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ᠋ ᠵᠠᠬᠠ ᠳᠡᠯᠭᠡᠭᠦᠷ ᠲᠸ᠋ ᠮᠥᠨ ᠯᠡ ᠳ᠋ᠸᠩ ᠬᠡᠷᠡᠯᠳᠦᠵᠦ᠂ ᠰᠢᠷᠠᠭᠰᠠᠨ ᠠᠮᠳᠠᠳᠤ ᠲᠥᠮᠥᠰᠥᠶ᠋ᠢᠨ ᠠᠩᠬᠢᠯᠤᠮᠠ ᠦᠨᠦᠷ ᠠᠭᠠᠷ ᠲᠦᠭᠦᠷᠡᠩ ᠬᠠᠨᠭᠬᠤᠯᠵᠤ᠂ ᠣᠶᠤᠨᠴᠢ ᠴᠠᠬᠢᠯᠭᠠᠨ ᠬᠡᠷᠡᠭᠰᠡᠯᠦ᠋ᠨ ᠪᠤᠷᠤᠯᠠᠭᠤᠯᠭᠠᠶ᠋ᠢᠨ ᠲᠣᠭᠣᠷᠢᠭᠤ᠋ᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠪᠦᠯᠬᠦᠮᠤᠨ ᠬᠢᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠪᠠᠷᠠᠭᠠ ᠪᠠᠨ ᠪᠤᠷᠤᠯᠠᠭᠤᠯᠵᠤ ᠪᠠᠢᠯᠠ᠃ ᠪᠠᠶᠠᠨᠨᠠᠭᠤᠷᠤ᠋ᠨ ᠴᠠᠭᠠᠨ ᠰᠠᠷᠠ ᠵᠢᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠢᠩᠬᠢᠵᠦ ᠪᠠᠶᠠᠷ ᠬᠦᠷ ᠵᠢᠠᠷ ᠪᠢᠯᠬᠠᠵᠦ᠂ ᠰᠢᠨᠠ ᠵᠢᠯᠤᠨ ᠦᠨᠤᠷ ᠠᠮᠳᠠ ᠪᠡᠷ ᠲᠦᠬᠦᠷᠡᠩ ᠪᠠᠢᠯᠠ᠃