ᠡᠬᠡᠪᠦᠷᠲᠤᠨᠢ ᠠᠷᠭᠠᠯ ᠬᠤᠷᠢᠶᠠᠵᠦ᠍᠂ ᠲᠦᠯᠡᠭᠡ ᠵᠡᠷᠭᠡᠯᠡᠭ᠌ᠰᠡᠨ ᠬᠠᠱᠢᠶᠠᠨᠤ ᠮᠢᠨᠢ ᠵᠡᠬᠦᠨ ᠭᠡᠷᠡᠮ ᠲᠡᠭᠡᠷᠡ ᠪᠡᠷᠪᠡᠢᠨ ᠰᠠᠭᠤᠭ᠍ᠰᠠᠨ ᠵᠢᠭᠠᠬᠠᠨ ᠦᠷᠪᠦᠯᠭᠡᠨ ᠪᠣᠯᠵᠣᠮᠣᠷ ᠬᠡᠨᠡᠳᠳᠡᠭᠡᠨ ᠲᠠᠯᠠᠪᠴᠢᠪᠠᠨ ᠲᠡᠯᠭᠡᠨ᠂ ᠲᠡᠭ᠌ᠷᠢᠪᠠᠨ ᠠᠰᠠᠨ ᠰᠦᠨᠳᠡᠷᠯᠡᠬᠦ᠌ ᠬᠦᠭ᠌ᠰᠢᠨ ᠱᠠᠩᠰᠢᠶ᠋ᠢᠨ ᠨᠢᠴᠦᠬᠦᠨ ᠮᠦᠴᠢᠷᠢ ᠱᠦᠷᠬᠦᠭᠡᠩᠭᠡᠨ᠂ ᠪᠠᠷᠠᠭᠤᠨ ᠬᠡᠷᠡᠮ ᠲᠡᠭᠡᠷᠡ ᠪᠠᠭᠤᠯᠠ᠃ ᠲᠡᠭᠡᠭ᠌ᠰᠡᠨᠢᠶᠠᠨ ᠨᠠᠮᠠᠶ᠋ᠢ ᠬᠠᠷᠠᠩᠬᠠᠨ ᠵᠢᠷᠬᠢᠬᠦ᠌ ᠱᠢᠣᠬᠠᠨ ᠪᠣᠯᠵᠦ᠍᠂ ᠠᠬᠢᠭᠠᠳ ᠯᠡ ᠨᠣᠷᠮᠣᠢᠨ ᠰᠠᠭᠤᠬᠤᠨᠢ ᠶᠠᠮᠠᠷ ᠨᠢᠭᠡᠨ ᠲᠣᠷᠠᠰᠣᠯᠳᠠᠭᠠᠨ ᠵᠢᠪᠪᠦᠨ ᠪᠣᠢ ᠮᠡᠳᠦ᠃
ᠵᠢᠭᠠᠬᠠᠨ ᠪᠣᠯᠵᠣᠮᠣᠷᠤᠨ ᠨᠢᠰᠴᠦ᠍ ᠦᠩᠭᠡᠷᠡᠭ᠌ᠰᠡᠨ ᠱᠣᠭᠤᠮᠨᠢ ᠨᠠᠷᠠᠪᠴᠢᠨᠤ ᠴᠣᠩᠬᠤᠪᠠᠷ ᠭᠠᠳᠠᠨᠠ ᠲᠡᠭ᠌ᠷᠢᠶ᠋ᠢ ᠪᠠᠷᠠᠯᠠᠵᠦ᠍ ᠵᠣᠭ᠍ᠰᠣᠭ᠍ᠰᠠᠨ ᠨᠠᠮᠠᠳᠤ ᠨᠢᠭᠡᠨ ᠦᠯᠦ᠍ ᠦᠵᠡᠭ᠌ᠳᠡᠬᠦ᠌ ᠨᠣᠮᠣᠨ ᠬᠦᠣᠷ ᠪᠣᠯᠵᠦ᠍᠂ ᠲᠣᠭᠤᠯᠵᠦ᠍ ᠦᠩᠭᠡᠷᠡᠬᠦᠯᠦᠭ᠌ᠰᠡᠨ ᠡᠳᠦᠷ ᠬᠤᠨᠤᠭᠤᠳᠢ᠂ ᠲᠡᠷᠡᠴᠢᠯᠡᠨ ᠮᠢᠨᠦ᠋ᠲ ᠰᠧᠺᠦ᠋ᠨ᠋ᠳ᠋ ᠪᠦᠷᠢᠶ᠋ᠢ ᠲᠡᠩᠨᠡᠨ ᠪᠣᠢ ᠱᠢᠭ᠋ ᠬᠠᠷᠠᠭ᠍ᠳᠠᠨ ᠪᠠᠢᠯᠠ᠃ ᠶᠠᠭᠤ ᠴᠦ᠍ ᠪᠣᠯᠤᠭᠠ ᠦᠭᠡᠢᠪᠠᠷ ᠬᠤᠭᠤᠯᠠᠢ ᠠᠷᠭᠠᠨ᠂ ᠣᠬᠤᠷᠬᠠᠢᠳᠤ ᠬᠠᠯᠠᠭᠤᠨ ᠣᠷᠣᠰᠭᠠᠯ ᠲᠦᠯᠬᠢᠯᠡᠭᠡᠳ ᠢᠷᠡᠯᠡ᠃ ᠬᠦᠮᠦᠨ ᠭᠡᠳᠡᠭ ᠨᠠᠰᠣ ᠨᠡᠮᠡᠭ᠌ᠳᠡᠬᠦ᠌ ᠲᠣᠰᠣᠮᠢᠶᠠᠨ ᠣᠶᠠᠷᠠᠮᠠᠳᠠᠭᠠᠢ᠂ ᠲᠣᠷᠠᠰᠣᠮᠠᠳᠠᠭᠠᠢ ᠪᠣᠯᠳᠠᠭ ᠶᠣᠮ ᠴᠢᠨᠢ ᠳ᠋ᠠ᠂ ᠲᠣᠭ᠍ᠳᠣᠯᠬᠤ ᠦᠭᠡᠢ ᠴᠦ᠍ ᠭᠡᠳ ᠶᠠᠭᠠᠬᠢᠬᠤᠪ᠃
ᠣᠯᠣᠮ ᠴᠢᠩᠭᠠᠯᠠᠬᠤ ᠭᠱᠠᠨᠳᠤ ᠣᠯᠠᠷᠢᠯ ᠰᠣᠯᠢᠭ᠍ᠳᠠᠨ᠂ ᠨᠡᠬᠦᠳᠡᠯᠤᠨ ᠱᠢᠪᠠᠭᠤᠳ ᠬᠤᠱᠢᠭᠤᠨᠳᠠᠭᠠᠨ ᠠᠮᠢᠵᠢᠷᠠᠯ ᠡᠯᠬᠦᠨ ᠢᠷᠡᠵᠦ᠍ ᠪᠣᠴᠠᠬᠤᠶ᠋ᠢ ᠲᠠᠭᠠᠯᠳᠣᠨ᠂ ᠢᠨᠢᠶᠠᠳᠦ᠍ᠲᠠᠢ ᠬᠠᠨᠢᠶᠠᠳᠦ᠍ᠲᠠᠢ ᠡᠳᠦᠷᠤᠳ ᠣᠷᠣᠰᠣᠨ ᠬᠤᠯᠠᠳᠠᠭ᠍ᠰᠠᠭᠠᠷ᠂ ᠨᠢᠭᠡ ᠮᠡᠳᠡᠬᠦᠨᠡ ᠪᠠᠰᠠ ᠨᠢᠭᠡ ᠪᠢᠳᠡᠬᠦᠨ ᠬᠠᠳᠠᠪᠴᠢᠶ᠋ᠢ ᠮᠢᠨᠢ ᠲᠠᠪᠠᠭ᠍ᠣ ᠪᠣᠯᠣᠯᠠ᠃ ᠮᠦᠨ ᠦᠩᠭᠡᠷᠡᠭ᠌ᠰᠡᠨ ᠵᠢᠯ ᠱᠢᠭ ᠦᠢᠷᠠ ᠲᠦᠷᠦᠯᠢᠶᠠᠷᠢᠶᠠᠨ ᠬᠤᠭᠤᠯᠠᠨ ᠭᠡᠷᠲᠤ ᠴᠣᠭ᠍ᠯᠠᠨ᠂ ᠬᠡᠮᠵᠢᠶᠡᠲᠠᠢ ᠬᠡᠳᠦᠭᠡᠨ ᠴᠠᠭᠲᠤ ᠬᠤᠯᠠ ᠦᠢᠷᠠᠶ᠋ᠢᠨ ᠵᠣᠭᠤᠭᠢ ᠬᠤᠭᠤᠯᠠ ᠴᠠᠢᠲᠠᠢᠪᠠᠨ ᠬᠤᠳᠭᠤᠨ ᠵᠠᠵᠢᠯᠵᠦ᠍᠂ ᠬᠠᠭᠤᠴᠢᠨ ᠵᠢᠯᠢᠶᠠᠨ ᠪᠢᠳᠡᠬᠦᠯᠡᠭᠡᠳ᠂ ᠣᠳᠠᠭᠠᠳᠤᠨᠢ ᠭᠡᠷ ᠭᠡᠷᠲᠡᠭᠡᠨ ᠪᠣᠴᠠᠨ᠂ ᠲᠧᠯᠸᠢᠰᠢᠶᠠᠨ ᠨᠡᠭᠡᠭᠡᠵᠦ᠍ ᠦᠳᠡᠱᠢᠯᠡᠭᠡ ᠰᠣᠨᠢᠷᠬᠠᠨ ᠱᠢᠨᠡ ᠵᠢᠯᠢᠶᠠᠨ ᠣᠭ᠍ᠳᠣᠬᠤᠨᠢ ᠡ ᠬᠡᠵᠦ᠍ ᠪᠣᠳᠣᠬᠤᠯᠠᠷ᠂ ᠪᠠᠶᠠᠷ ᠭᠤᠨᠢᠭᠤᠨ ᠠᠯᠢᠨᠨᠢ ᠡᠰᠡ ᠮᠡᠳᠡᠭ᠌ᠳᠡᠬᠦ᠌ ᠰᠡᠳᠭᠢᠯᠭᠡ ᠨᠠᠮᠠᠶ᠋ᠢ ᠬᠦᠳᠦᠯᠦᠭ᠌ᠰᠡᠭᠡᠷ ᠪᠠᠭᠠ ᠨᠠᠰᠣᠨᠤ ᠪᠢᠳᠡᠬᠦᠨ ᠣᠷᠣᠭᠤ ᠣᠳᠭᠤᠨᠢ ᠲᠡᠷᠡ᠃
ᠪᠠᠭᠠ ᠪᠠᠢᠬᠤᠳᠤ᠂ ᠮᠠᠨᠠᠢᠬᠢᠨ ᠬᠡᠵᠦ᠍ ᠪᠦᠯᠦ᠍ ᠡᠭᠡᠴᠢ ᠬᠢᠭᠡᠳ ᠨᠠᠭᠠᠴᠦ᠍ ᠡᠮᠡᠭᠡᠶ᠋ᠢ ᠪᠠᠭ᠍ᠳᠠᠭᠠᠭ᠍ᠰᠠᠨ ᠨᠠᠢ᠍ᠮᠠᠨ ᠠᠮᠠ ᠬᠤᠶᠠᠷ ᠲᠠᠰᠣᠯᠭᠠ ᠵᠢᠵᠢᠭ᠌ᠭᠡᠨ ᠱᠢᠪᠠᠷ ᠪᠠᠢᠱᠢᠩᠳᠤ ᠪᠠᠭ᠍ᠳᠠᠨ ᠠᠮᠢᠳᠣᠷᠠᠳᠠᠭ ᠪᠠᠢᠵᠠᠢ᠃ ᠶᠡᠷᠦ᠍ᠶ᠋ᠢᠨ ᠦᠶᠡᠳᠤ ᠢᠳᠡᠵᠦ᠍ ᠣᠣᠭᠤᠬᠤ᠂ ᠡᠮᠦᠰᠴᠦ᠍ ᠵᠡᠬᠦᠬᠦ᠌ᠪᠠᠷ ᠦᠷᠮᠦ᠍ ᠴᠦᠷᠮᠣᠭᠡᠨ ᠲᠣᠯᠠ ᠡᠪᠦᠯ ᠪᠣᠯᠬᠤᠲᠠᠢ ᠵᠡᠷᠭᠡ ᠴᠠᠭᠠᠨ ᠰᠠᠷᠠᠶ᠋ᠢ ᠲᠡᠰᠴᠦ᠍ ᠶᠠᠳᠠᠨ ᠬᠦᠯᠢᠶᠡᠳᠡᠭ᠃ ᠣᠴᠢᠷᠨᠢ᠂ ᠪᠢᠳᠡᠬᠦᠨᠤ ᠦᠷᠯᠦᠭᠡ ᠪᠣᠯᠣᠭ᠍ᠰᠠᠭᠠᠷ ᠠᠪᠤ ᠡᠪᠦᠯᠵᠢᠨ ᠨᠦᠭᠡᠴᠡᠯᠡᠭ᠌ᠰᠡᠨ ᠠᠯᠠᠱᠢᠨᠤ ᠮᠢᠬᠠᠨᠠᠴᠠᠪᠠᠨ ᠠᠯᠢ ᠰᠠᠢᠨᠢᠨᠢ ᠰᠣᠩᠭᠤᠵᠦ᠍᠂ ᠲᠣᠮᠣ ᠲᠣᠭᠤᠭᠠᠨ ᠲᠣᠳᠣᠷᠠ ᠠᠭᠠᠵᠢᠮᠬᠠᠨ ᠪᠣᠴᠠᠯᠭᠠᠨ ᠱᠢᠯᠵᠠᠷᠠᠭᠠᠵᠦ᠍᠂ ᠱᠢᠷᠡᠭᠡᠨ ᠲᠡᠭᠡᠷᠡ ᠦᠷᠦᠬᠦ᠌ᠳᠤ᠂ ᠡᠵᠢ ᠮᠢᠨᠢ ᠴᠦ᠍ ᠬᠡᠳᠦᠨ ᠨᠣᠭᠤᠭᠠ ᠡᠪᠯᠡᠬᠦᠯᠦᠭᠡᠳ ᠴᠢᠳᠠᠬᠤᠶ᠋ᠢᠨ ᠲᠣᠳᠣᠷᠠ ᠪᠢᠳᠡᠨᠢ ᠡᠪᠳᠡᠢ ᠲᠣᠢᠳᠠᠢ ᠱᠢᠨᠡᠯᠡᠬᠦᠯᠬᠦ᠌ᠪᠠᠷ ᠴᠢᠷᠮᠠᠢᠳᠠᠭ᠃ ᠡᠩᠤᠨ ᠦᠶᠡᠳᠤ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠪᠣᠣᠪᠤ᠂ ᠲᠠᠪᠣᠰᠣᠯᠠᠭ᠍ᠰᠠᠨ ᠴᠠᠭᠠᠨ ᠨᠣᠭᠤᠭᠠᠶ᠋ᠢᠨ ᠵᠠᠭᠤᠰᠢᠪᠠᠷ ᠡᠷᠢᠶᠡᠨ ᠭᠡᠳᠡᠰᠦᠪᠠᠨ ᠪᠣᠷᠣᠯᠠᠭᠤᠯᠳᠠᠭ ᠪᠢᠳᠡ ᠬᠡᠳᠦᠬᠦᠯᠡ ᠵᠢᠯᠵᠢᠨ ᠢᠩᠬᠢᠵᠦ᠍ ᠯᠡ ᠨᠢᠭᠡ ᠲᠣᠬᠢᠶᠠᠯᠳᠣᠳᠠᠭ ᠠᠮᠳᠠᠳᠦ ᠬᠤᠭᠤᠯᠠᠪᠠᠷ ᠬᠤᠳᠣᠭᠤᠳᠦ ᠬᠦᠵᠡᠭᠡᠪᠠᠨ ᠶᠣᠰᠣᠳᠠᠢ ᠨᠢᠭᠡ ᠴᠠᠢᠯᠭᠠᠨᠠ᠃ ᠲᠡᠭ᠌ᠳᠡᠢᠳᠡᠯᠡ ᠢᠳᠡᠭ᠌ᠰᠡᠨ ᠪᠢᠳᠡᠨᠢ ᠢᠳᠡᠰᠢᠪᠠᠨ ᠱᠢᠩᠭᠡᠭᠡᠬᠦ᠌ ᠬᠡᠵᠦ᠍ ᠭᠠᠳᠠᠭᠤᠷ ᠲᠣᠳᠣᠭᠤᠷ ᠬᠦᠶᠦᠯᠳᠦᠵᠦ᠍ ᠠᠬᠤᠳᠤ᠂ ᠡᠪᠦᠯᠵᠢᠨ ᠪᠣᠷᠪᠢ ᠪᠣᠬᠢᠰᠬᠢᠬᠦ ᠴᠢᠯᠦᠭᠡ ᠦᠭᠡᠢ ᠡᠵᠢ ᠮᠢᠨᠢ ᠬᠠᠷᠢᠨ ᠬᠡᠳᠦᠨ ᠦᠷᠡᠳᠡᠭᠡᠨ ᠱᠢᠨᠡ ᠬᠤᠪᠴᠠᠰᠦ ᠡᠮᠦᠰᠭᠡᠬᠦ᠌ ᠬᠡᠵᠦ᠍ ᠣᠶᠣᠳᠠᠯᠤᠨ ᠮᠠᠱᠢᠨ ᠵᠢᠷᠢᠯᠵᠡᠬᠦᠯᠦᠨᠡ᠃ ᠬᠤᠶᠠᠷᠬᠠᠨ ᠭᠠᠷᠲᠠᠢ ᠶᠣᠮᠰᠠᠨᠵᠠᠢ᠃ ᠡᠰᠡᠬᠦᠯᠡ ᠪᠢᠳᠡᠬᠦᠨᠤ ᠡᠳᠦᠷ ᠬᠡᠵᠦ᠍ ᠲᠠᠩᠳᠡᠬᠦᠦ ᠣᠬᠤᠷ ᠪᠠᠢᠳᠠᠭ ᠤᠤ？ ᠵᠦᠳᠡᠵᠦ᠍ ᠶᠠᠳᠠᠵᠦ᠍ ᠡᠴᠦᠰᠤᠨ ᠨᠢᠭᠡ ᠱᠢᠨᠡ ᠦᠮᠦᠳᠦ᠍ᠪᠠᠨ ᠣᠶᠣᠵᠦ᠍ ᠲᠠᠭᠤᠰᠭᠠᠬᠤᠳᠤ᠂ ᠨᠠᠷᠠ ᠴᠦ᠍ ᠠᠭᠤᠯᠠᠨ ᠴᠠᠭᠠᠭᠤᠷ ᠲᠠᠯᠳᠠᠷᠢᠴᠢᠬᠠᠳᠠᠭ᠃ ᠣᠷᠣᠢᠶ᠋ᠢᠨ ᠬᠤᠭᠤᠯᠠᠪᠠᠨ ᠪᠡᠯᠡᠳᠭᠡᠵᠦ᠍ ᠵᠡᠭᠡᠭᠡᠬᠦ᠌ᠶ᠋ᠢᠨ ᠵᠠᠪᠰᠠᠷ᠂ ᠡᠵᠢ ᠮᠢᠨᠢ ᠴᠦᠪᠦᠳᠡᠯ ᠲᠡᠬᠦᠭ᠌ᠰᠡᠨ ᠠᠪᠤᠳᠤ ᠬᠠᠮᠵᠢᠵᠦ᠍᠂ ᠲᠦᠯᠡᠱᠢᠨᠤ ᠵᠦᠢᠯᠢ ᠪᠡᠯᠡᠳᠭᠡᠨᠡ᠃ ᠦᠷᠯᠦᠭᠡᠭᠦᠷ ᠠᠪᠣᠭ᠍ᠰᠠᠨ ᠮᠢᠬᠠᠨᠤ ᠲᠡᠭᠡᠵᠢ᠂ ᠱᠢᠷᠠ ᠲᠣᠰᠣ᠂ ᠴᠠᠢ᠂ ᠴᠢᠪᠠᠭᠠᠶ᠋ᠢ ᠲᠠᠪᠠᠭᠲᠤ ᠬᠢᠵᠦ᠍᠂ ᠲᠠᠷᠠᠭᠠᠨᠢ ᠲᠠᠪᠣᠨ ᠦᠩᠭᠡᠶ᠋ᠢᠨ ᠪᠦᠰᠢ ᠡᠩᠢᠨᠢ ᠲᠠᠭᠠᠭᠤᠯᠣᠨ ᠵᠣᠷᠪᠣᠰᠯᠠᠨ ᠬᠠᠢᠴᠢᠯᠠᠵᠦ᠍ ᠨᠡᠮᠡᠵᠦ᠍ ᠬᠢᠨᠡ᠃ 《ᠪᠦᠰᠢᠶᠠᠷ ᠶᠠᠭᠠᠬᠢᠬᠤ ᠪᠣᠢ？》 ᠬᠡᠵᠦ᠍ ᠪᠢ ᠲᠡᠰᠭᠡᠯ ᠦᠭᠡᠢ ᠬᠠᠴᠢᠷᠬᠠᠨ ᠠᠰᠠᠭᠤᠬᠤᠳᠤ᠂ 《ᠲᠡᠪᠡᠯ ᠬᠤᠪᠴᠠᠰᠦ ᠬᠢᠵᠦ᠍ ᠡᠮᠦᠰ ᠭᠡᠰᠡᠨ ᠰᠠᠨᠠᠭᠠ》 ᠭᠡᠳ ᠡᠵᠢ ᠮᠢᠨᠢ᠄ 《ᠡᠪᠦᠭᠡ ᠲᠡᠭᠡᠳᠦᠰᠠᠴᠠᠪᠠᠨ ᠣᠯᠠᠮᠵᠢᠯᠠᠵᠦ᠍ ᠢᠷᠡᠭ᠌ᠰᠡᠨ ᠵᠠᠩ ᠵᠠᠩᠱᠢᠯᠢᠶᠠᠨ ᠪᠠᠷᠢᠮᠳᠠᠯᠠᠬᠤ ᠭᠡᠭ᠌ᠴᠢ ᠪᠠᠰᠠᠴᠦ᠍ ᠰᠠᠢᠬᠠᠨ᠃ ᠬᠡᠶᠡ᠂ ᠠᠮᠢᠳᠣᠳᠤᠨᠢ ᠵᠢᠷᠭᠠᠭᠠᠵᠦ᠍ ᠲᠡᠢᠯᠦᠭ᠌ᠰᠡᠨ ᠦᠭᠡᠢ᠂ ᠪᠣᠷᠬᠠᠨ ᠪᠣᠯᠣᠭ᠍ᠰᠠᠨᠤ ᠬᠢᠨᠢ ᠬᠤᠢᠨᠠ ᠡᠳᠡᠭᠡᠷᠢ ᠡᠷᠬᠦᠵᠦ᠍ ᠪᠣᠢᠨᠢ ᠵᠦᠪᠬᠡᠨ ᠰᠡᠳᠭᠢᠯᠢᠶᠠᠨ ᠬᠠᠭᠤᠷᠴᠦ᠍ ᠪᠠᠢᠭᠠ ᠭᠡᠷᠡᠭ ᠴᠦ᠍ ᠶᠣᠮ ᠤᠤ》 ᠬᠡᠮᠡᠨ ᠰᠠᠨᠠᠭᠠ ᠠᠯᠭᠠᠰᠠᠬᠤ ᠱᠢᠦ ᠪᠣᠯᠣᠭᠠᠳ ᠲᠠᠭᠤᠰᠣᠰᠢ ᠦᠭᠡᠢ ᠠᠵᠢᠯᠳᠠᠭᠠᠨ ᠪᠠᠷᠢᠭ᠍ᠳᠠᠨ᠂ ᠭᠠᠨᠢᠷᠬᠠᠬᠤᠶ᠋ᠢᠨ ᠵᠠᠪ ᠦᠭᠡᠢ ᠲᠠᠬᠢᠭᠠᠳ ᠯᠠ ᠮᠣᠩᠭᠠᠨᠢᠵᠦ᠍ ᠡᠬᠢᠯᠡᠨᠡ᠃
ᠬᠤᠨᠢ ᠮᠠᠯᠢᠶᠠᠨ ᠣᠰᠣᠯᠠᠵᠦ᠍ ᠡᠪᠡᠰᠦᠯᠡᠭ᠌ᠰᠡᠨᠤ ᠲᠠᠷᠠᠭᠠ᠂ ᠣᠷᠣᠢᠶ᠋ᠢᠨ ᠬᠤᠭᠤᠯᠠᠪᠠᠨ ᠢᠳᠡᠵᠦ᠍ ᠲᠠᠭᠤᠰᠭᠤ ᠦᠶᠡᠳᠤ ᠣᠳᠣ ᠴᠦ᠍ ᠪᠠᠷᠢᠯᠳᠣᠴᠢᠬᠠᠨᠠ᠃ ᠠᠪᠤ ᠮᠢᠨᠢ ᠲᠡᠬᠦᠭ᠌ᠰᠡᠨ ᠴᠦᠪᠦᠳᠡᠯᠢᠶᠠᠨ ᠲᠡᠪ ᠲᠡᠭ᠌ᠰᠢᠬᠡᠨ ᠬᠤᠭᠤᠯᠵᠦ᠍᠂ ᠲᠦᠪ ᠲᠦᠷᠪᠡᠯᠵᠢᠨ ᠬᠡᠳᠦᠨ ᠣᠪᠣᠭᠠ ᠵᠡᠷᠭᠡᠯᠡᠭᠡᠳ᠂ ᠲᠣᠮᠳᠠᠨᠢ ᠬᠤᠩᠬᠢᠯ ᠭᠠᠷᠭᠠᠨ᠂ ᠡᠷᠬᠦᠴᠡᠪᠠᠨ ᠬᠢᠵᠦ᠍᠂ ᠭᠠᠯ ᠵᠣᠯᠭᠠᠭᠤᠯᠣᠭᠠᠳ ᠲᠠᠷᠠᠰᠦ ᠡᠷᠬᠦᠬᠦ᠌ᠲᠠᠢ ᠵᠡᠷᠭᠡ 《ᠲᠦᠷ》 ᠬᠢᠨ ᠭᠠᠯᠤᠨ ᠰᠣᠷ ᠪᠠᠳᠠᠷᠠᠵᠦ᠍᠂ ᠴᠦᠪᠦᠳᠡᠯ ᠲᠦᠷᠡᠯᠵᠡᠨ ᠱᠢᠳᠠᠨᠠ᠃ ᠦᠷᠡ ᠬᠡᠣᠭᠡᠳᠢᠶᠠᠨ ᠲᠠᠭᠠᠭᠤᠯᠣᠨ ᠶᠣᠰᠣ ᠭᠤᠷᠢᠮᠢᠶᠠᠨ ᠬᠦᠢᠴᠡᠳᠭᠡᠵᠦ᠍ ᠪᠠᠷᠠᠭ᠍ᠰᠠᠨᠤ ᠲᠠᠷᠠᠭᠠ᠂ ᠠᠪᠦ᠌ ᠮᠢᠨᠢ ᠪᠠᠰᠠ 《ᠭᠡᠷᠤᠨ ᠰᠦᠷ ᠮᠠᠨᠳᠣᠭᠠᠨᠠ》 ᠬᠡᠮᠡᠨ ᠫᠣᠣᠵᠢᠩ ᠲᠠᠯᠪᠢᠨᠠ᠃ ᠲᠠᠮᠠᠬᠢᠪᠠᠨ ᠱᠢᠷᠦᠬᠦᠨ ᠰᠣᠷᠣᠵᠦ᠍᠂ ᠬᠤᠶᠠᠷ ᠲᠣᠣᠭᠠᠷᠳᠠᠭ ᠮᠣᠨᠳᠠᠭ ᠲᠠᠭᠤᠲᠠᠢ ᠫᠣᠣᠵᠢᠩᠤᠨ ᠱᠢᠵᠢᠮᠢ ᠠᠰᠠᠭᠠᠬᠤᠲᠠᠢ ᠵᠡᠷᠭᠡ ᠠᠭᠠᠷᠲᠤ ᠰᠣᠮᠣᠳᠠᠨ ᠭᠠᠷᠴᠦ᠍᠂ 《ᠲᠦᠩ》 ᠬᠢᠨ ᠬᠡᠷᠤᠨ ᠰᠠᠭᠤᠷᠢ ᠲᠣᠷᠬᠢᠵᠦ᠍ ᠲᠠᠢᠪᠢᠯᠵᠠᠳᠠᠯᠠ ᠲᠣᠣᠭᠠᠷᠣᠨᠠ᠃ ᠵᠣᠷᠢᠭ ᠵᠢᠷᠦᠭᠡ ᠪᠠᠭᠠᠲᠠᠢ ᠪᠢ ᠴᠢᠬᠢᠪᠠᠨ ᠲᠠᠭ ᠪᠦᠭ᠌ᠯᠡᠨ ᠪᠡᠶᠡᠪᠠᠨ ᠵᠠᠭ᠍ᠵᠠᠢᠯᠭᠠᠨ ᠪᠣᠢᠳᠤ ᠠᠯᠢᠶᠠ ᠲᠦᠢᠳᠭᠡᠷ ᠲᠡᠬᠦᠦ ᠮᠠᠨᠢ ᠢᠯᠠᠭᠤᠭ᠍ᠰᠠᠨ ᠪᠠᠭᠠᠳᠣᠷ ᠮᠡᠳᠦ ᠨᠠᠭᠠᠰᠢ ᠴᠠᠭᠠᠰᠢ ᠲᠠᠪᠬᠢᠨ ᠬᠦᠭᠡᠷᠦᠨᠡ᠃ ᠵᠠᠯᠭᠠᠭᠠᠳ ᠬᠤᠸᠠᠷ ᠫᠣᠣᠵᠢᠩ ᠲᠠᠯᠪᠢᠨᠠ᠃ 《ᠮᠠᠨᠠᠢᠬᠢᠨ ᠦᠬᠢᠨ ᠣᠯᠠᠨᠲᠠᠢ ᠠᠢᠯ ᠳ᠋ᠠ᠂ ᠠᠯᠢ ᠪᠣᠢ᠂ ᠬᠤᠸᠠᠷ ᠫᠣᠣᠵᠢᠩᠠᠴᠠᠨᠢ ᠢᠯᠡᠬᠦᠦ ᠬᠡᠳᠦ᠍ᠶ᠋ᠢ ᠠᠪᠣᠶᠠ》 ᠬᠡᠵᠦ᠍ ᠠᠪᠤ ᠮᠢᠨᠢ ᠬᠤᠷᠱᠢᠶᠠᠨᠤ ᠠᠪᠠᠭᠠᠳᠤ ᠬᠡᠯᠡᠬᠦ᠌ᠳᠤ᠂ ᠮᠡᠯᠮᠡᠢᠨᠢ ᠲᠦᠭᠡᠮᠡᠯ ᠬᠠᠢᠷᠠᠪᠠᠷ ᠭᠡᠷᠡᠯᠳᠦᠬᠦ᠌ᠨᠢ ᠰᠠᠴᠣᠷᠠᠭᠠᠳ ᠭᠠᠷᠬᠤ ᠬᠤᠸᠠᠷ ᠫᠣᠣᠵᠢᠩᠤᠨ ᠭᠡᠷᠡᠯᠳᠤ ᠬᠠᠷᠠᠭ᠍ᠳᠠᠬᠤ ᠱᠢᠦ ᠪᠣᠯᠣᠨᠠ᠃ ᠭᠡᠳᠡᠯᠡ ᠡᠳᠡᠭᠡᠷᠨᠢ ᠨᠠᠮᠠᠶ᠋ᠢ ᠲᠡᠭᠡᠳᠡᠯᠡᠪᠠᠨ ᠪᠠᠶᠠᠷᠯᠠᠭᠤᠯᠵᠦ᠍ ᠦᠯᠦ᠍ ᠲᠡᠢᠯᠳᠡᠭ᠃ ᠡᠬᠦᠨᠤ ᠡᠰᠡᠷᠬᠦ᠌ᠪᠠᠷ ᠬᠤᠭᠤᠯᠠᠢᠶ᠋ᠢᠨ ᠮᠢᠨᠢ ᠬᠤᠷᠣᠬᠠᠢᠶ᠋ᠢ ᠲᠣᠵᠢᠳᠠᠭᠠᠨ ᠬᠦᠳᠡᠯᠭᠡᠭᠡᠳ ᠪᠠᠢᠳᠠᠭ ᠰᠣᠯᠣᠩᠭᠠᠨ ᠭᠡᠲᠠᠢ ᠬᠢᠯᠳᠠᠭᠠᠨᠠᠭ᠍ᠰᠠᠨ ᠴᠠᠭᠠᠰᠦᠨᠳᠤ ᠪᠠᠭ᠍ᠯᠠᠭ᠍ᠰᠠᠨ ᠱᠢᠬᠢᠷ ᠰᠠᠶᠢ ᠮᠢᠨᠦ᠍ ᠭᠤᠣᠯ ᠬᠠᠷᠠᠯᠳᠠ ᠰᠠᠨ᠃ ᠡᠨᠡ ᠬᠡᠯᠪᠡᠷᠢᠶ᠋ᠢᠨ ᠱᠢᠬᠢᠷᠨᠢ ᠲᠣᠬᠠᠢᠶ᠋ᠢᠨ ᠦᠶᠡᠳᠤ ᠲᠣᠩ ᠬᠤᠪᠣᠷ ᠣᠯᠳᠠᠳᠠᠭ ᠪᠣᠯᠣᠯᠳᠠᠢ᠃ ᠠᠪᠦ᠌ ᠮᠢᠨᠢ ᠠᠷᠪᠠᠭᠠᠳᠭᠠᠨ ᠭᠡᠰᠡᠭᠢ ᠮᠣᠣᠲᠸᠦ ᠴᠠᠭᠠᠰᠣᠨᠳᠤ ᠪᠠᠭ᠍ᠯᠠᠭᠠᠳ ᠡᠪᠦᠷᠳᠦᠯᠡᠭᠡᠳ ᠢᠷᠡᠨᠡ᠃ ᠡᠰᠡᠬᠦᠯᠡ ᠬᠡᠮᠵᠢᠶᠡᠲᠠᠢ ᠬᠡᠳᠦᠨ ᠱᠢᠬᠢᠷ ᠪᠣᠭᠤᠷᠰᠤᠭᠨᠢ ᠵᠣᠴᠢᠨᠤ ᠱᠢᠷᠡᠭᠡᠨᠳᠤ ᠦᠷᠦᠭ᠌ᠳᠡᠬᠦ᠌ᠠᠴᠠ ᠡᠮᠦᠨᠡ ᠲᠠᠭᠤᠰᠴᠢᠬᠠᠬᠤᠠᠴᠠᠨᠢ ᠬᠢᠴᠢᠶᠡᠳᠡᠭ ᠪᠠᠢᠬᠤ᠃ ᠡᠵᠢ ᠮᠢᠨᠢ ᠪᠢᠳᠡᠬᠦᠨᠤ ᠦᠳᠡᠰᠢ ᠪᠣᠯᠪᠠᠯ ᠰᠠᠶᠢ ᠠᠪᠳᠠᠷᠠᠶ᠋ᠢᠨᠢᠶᠠᠨ ᠣᠨᠢᠰᠦᠶ᠋ᠢ ᠨᠡᠭᠡᠭᠡᠵᠦ᠍᠂ ᠲᠠᠪᠠᠭᠢᠶᠠᠨ ᠲᠦᠬᠦᠷᠭᠡᠭᠡᠳ ᠦᠯᠡᠳᠡᠭ᠌ᠰᠡᠨᠢᠨᠢ ᠪᠢᠳᠡ ᠬᠡᠳᠦᠬᠦᠯᠡᠳᠤ ᠲᠦᠭᠡᠭᠡᠵᠦ᠍ ᠦᠭ᠌ᠭᠦᠨᠡ᠃ ᠲᠡᠭᠡᠬᠦ᠌ᠲᠠᠢ ᠵᠡᠷᠭᠡ ᠠᠪᠦᠶ᠋ᠢᠨ ᠮᠢᠨᠢ ᠦᠯᠢᠭᠡᠷᠤᠨ ᠣᠭᠤᠳᠠ ᠴᠦ᠍ ᠨᠡᠭᠡᠭᠡᠭ᠌ᠳᠡᠨᠡ᠃ ᠬᠠᠨᠵᠣᠨ ᠱᠢᠷᠡᠭᠡᠨ ᠲᠡᠭᠡᠷᠡ ᠲᠣᠰᠣᠨ ᠳ᠋ᠧᠩ ᠰᠦᠮᠡᠯᠵᠡᠵᠦ᠍᠂ ᠨᠠᠭᠠᠴᠦ᠍ ᠡᠮᠡᠭᠡ ᠬᠤᠢᠮᠣᠷᠲᠤ ᠣᠷᠦ᠍ ᠲᠦᠱᠢᠨ ᠰᠠᠭᠤᠵᠦ᠍᠂ ᠪᠢᠳᠡ ᠬᠡᠳᠦᠬᠦᠯᠡ ᠨᠠᠭᠠᠭᠤᠷᠨᠢ ᠠᠪᠦᠶ᠋ᠢᠨᠢᠶᠠᠨ ᠠᠮᠠᠶ᠋ᠢ ᠬᠠᠷᠠᠵᠦ ᠱᠢᠷᠡᠭᠡ ᠲᠣᠭᠤᠷᠢᠨ ᠰᠠᠭᠤᠨᠠ᠃ ᠠᠪᠦᠶ᠋ᠢᠨ ᠶᠠᠷᠢᠳᠠᠭ ᠦᠯᠢᠭᠡᠷ ᠦᠨᠡᠨᠳᠡᠭᠡᠨ ᠰᠣᠯᠣᠩᠭᠠᠨ ᠱᠢᠬᠢᠷᠠᠴᠠ ᠢᠯᠡᠬᠦᠦ ᠰᠣᠨᠢᠷᠬᠠᠯᠢ ᠲᠠᠳᠠᠳᠠᠭ᠃ ᠬᠡᠶᠡ᠂ ᠲᠡᠷᠡ ᠦᠶᠡᠳᠤ ᠰᠣᠯᠣᠩᠭᠠᠨ ᠱᠢᠬᠢᠷ ᠵᠢᠯᠤᠨ ᠭᠠᠭ᠍ᠴᠠ ᠣᠳᠠᠭᠠ ᠣᠯᠳᠠᠵᠦ᠍᠂ ᠠᠪᠦᠶ᠋ᠢᠨ ᠦᠯᠢᠭᠡᠷᠢ ᠰᠣᠨᠣᠰᠭᠤ ᠭᠡᠪᠡᠯ ᠣᠭᠤᠳᠠᠨᠠᠴᠠ ᠶᠠᠭᠤᠮᠠ ᠠᠪᠴᠦ᠍ ᠪᠠᠢᠬᠤ ᠱᠢᠭ᠋ ᠬᠢᠯᠪᠠᠷ ᠲᠣᠯᠠ ᠪᠢ ᠣᠯᠣᠭ᠍ᠰᠠᠨ ᠬᠤᠶᠠᠷ ᠭᠡᠰᠡᠭ ᠰᠣᠯᠣᠩᠭᠠᠨ ᠱᠢᠬᠢᠷᠢᠶᠠᠨ ᠪᠠᠵᠠᠢᠳᠠᠯᠠ ᠠᠳᠭᠤᠵᠦ᠍᠂ ᠲᠠᠬᠦᠦ ᠨᠠᠷᠤᠨᠢᠶᠠᠨ ᠬᠤᠪᠢᠶ᠋ᠢ ᠶᠠᠭᠠᠬᠢᠵᠦ᠍ ᠬᠠᠷᠮᠠᠨᠳᠠᠭᠠᠨ ᠣᠷᠣᠭᠤᠯᠬᠤ ᠠᠷᠭᠠ ᠪᠢᠱᠢᠯᠭᠠᠨᠠ᠃
ᠠᠪᠦᠶ᠋ᠢᠨ ᠮᠢᠨᠢ ᠣᠩᠱᠢᠭ᠍ᠰᠠᠨ ᠨᠣᠮ ᠲᠤᠭᠠ ᠦᠭᠡᠢ ᠣᠯᠠᠨ᠃ ᠦᠣᠬᠡ ᠲᠡᠣᠭᠡᠶ᠋ᠢ ᠣᠰᠣ ᠱᠢᠭ᠋ ᠣᠷᠣᠰᠭᠠᠵᠦ᠍ ᠭᠠᠷᠳᠠᠭᠢᠶᠠᠷ ᠦᠯᠦ᠍ ᠪᠠᠷᠠᠮ᠂ ᠶᠠᠭ ᠢᠳᠡᠨ ᠲᠡᠭᠡᠷᠡᠨᠢ ᠱᠢᠵᠢᠮ ᠬᠠᠶᠠᠵᠦ᠍᠂ ᠪᠢᠳᠡᠨᠤ ᠬᠤᠯᠪᠣᠨ ᠪᠣᠳᠣᠬᠤ ᠴᠢᠳᠠᠪᠣᠷᠢᠶ᠋ᠢ ᠱᠢᠯᠭᠠᠬᠤ ᠮᠠᠶᠢᠭᠲᠠᠢ ᠵᠣᠭᠤᠭᠢᠶᠠᠨ ᠲᠠᠰᠣᠯᠬᠤ ᠪᠣᠯᠭᠠᠨ᠂ ᠲᠡᠬᠦᠦ᠍ᠶ᠋ᠢᠨ ᠮᠢᠨᠢ ᠲᠡᠰᠪᠣᠷᠢ ᠪᠠᠷᠠᠭ᠍ᠳᠠᠵᠦ᠍ 《ᠵᠠᠯᠭᠠᠭᠠᠳ》 ᠬᠡᠵᠦ᠍ ᠱᠠᠯᠠᠭᠠᠳ ᠰᠦᠢᠳ᠃ ᠴᠠᠭᠤᠨ ᠵᠡᠬᠦᠦ ᠬᠤᠷᠢᠨ ᠨᠢᠭᠡᠳᠤ ᠦᠢᠷᠠᠳᠣᠪᠠᠯ᠂ ᠠᠪᠦ᠌ ᠮᠠᠷᠭᠠᠰᠢᠶ᠋ᠢᠨ ᠦᠢᠯᠡ ᠶᠠᠪᠣᠳᠠᠯᠢᠶᠠᠨ ᠲᠣᠬᠢᠷᠠᠭᠤᠯᠬᠤ ᠬᠡᠵᠦ᠍ ᠦᠯᠢᠭᠡᠷ ᠶᠠᠷᠢᠬᠤᠪᠠᠨ ᠪᠣᠯᠢᠳᠠᠭ᠃ ᠦᠯᠢᠭᠡᠷᠤᠨ ᠬᠤᠷᠣᠬᠠᠢᠲᠠᠢ ᠲᠡᠬᠦᠦ ᠮᠠᠨᠢ᠂ 《ᠶᠠᠭᠠᠬᠢᠪᠠᠯ ᠰᠠᠶᠢ ᠠᠪᠦ᠌ ᠱᠢᠭ᠋ ᠣᠯᠠᠨ ᠦᠯᠢᠭᠡᠷ ᠮᠡᠳᠡᠳᠡᠭ ᠪᠢᠯᠡ？》 ᠬᠡᠵᠦ᠍ ᠪᠣᠳᠣᠯᠭᠠᠱᠢᠷᠠᠬᠤᠳᠤ᠂ ᠪᠢ ᠠᠯᠠᠰᠭᠢᠨ ᠪᠠᠶᠠᠷᠯᠠᠨᠠ᠃ ᠠᠵᠠ ᠲᠣᠬᠢᠶᠠᠯ ᠨᠠᠮᠠᠶ᠋ᠢ ᠢᠪᠡᠭᠡᠵᠦ᠍ ᠪᠣᠢᠨᠢ ᠲᠡᠷᠡ᠃ ᠪᠢ ᠲᠡᠬᠦᠦ᠍ᠶ᠋ᠢᠨ ᠴᠢᠬᠢᠨᠳᠤ᠄ 《ᠠᠪᠦᠶ᠋ᠢᠨ ᠣᠯᠠᠨ ᠦᠯᠢᠭᠡᠷ ᠮᠡᠳᠡᠳᠡᠭ ᠨᠢᠭᠤᠴᠠᠶ᠋ᠢ ᠪᠢ ᠮᠡᠳᠡᠨᠡ》 ᠭᠡᠪᠡᠯ᠂ ᠲᠡᠬᠦᠨᠤ ᠰᠣᠷᠮᠣᠣᠰᠦᠨᠢ ᠰᠡᠷᠪᠡᠯᠵᠡᠵᠦ᠍᠂ ᠮᠡᠳᠡᠬᠦ᠌ ᠬᠦᠰᠡᠯᠨᠢ ᠣᠪᠣᠯᠵᠠᠭᠠᠳ᠂ ᠣᠷᠬᠠᠨᠳᠤ ᠮᠢᠨᠢ ᠠᠶᠠᠨᠳᠠᠭᠠᠨ ᠣᠨᠠᠴᠢᠬᠠᠳᠠᠭ᠃ ᠣᠴᠢᠷᠨᠢ 《ᠪᠢᠳᠡᠬᠦᠨᠤ ᠰᠦᠨᠢ ᠬᠠᠮᠤᠭᠤᠨ ᠲᠣᠷᠠᠳᠠᠢ ᠶᠠᠭᠤᠮᠠᠪᠠᠨ ᠣᠷᠣᠯᠳᠣᠪᠠᠯ᠂ ᠬᠤᠵᠢᠮ ᠬᠤᠢᠱᠢᠳᠠ ᠬᠦᠰᠡᠯ ᠴᠢᠨᠢ ᠯᠠᠪ ᠪᠡᠶᠡᠯᠡᠭ᠌ᠳᠡᠨᠡ》 ᠬᠡᠵᠦ᠍ ᠡᠵᠢ ᠮᠢᠨᠢ ᠬᠡᠯᠡᠵᠦ᠍ ᠦᠩᠭᠡᠷᠡᠭ᠌ᠰᠡᠨᠢᠨᠢ ᠪᠢ ᠬᠠᠳᠠᠨ ᠴᠡᠭᠡᠵᠢᠯᠡᠴᠢᠭᠡᠭ᠌ᠰᠡᠨ ᠶᠣᠮ᠃ ᠪᠢ ᠡᠨᠡᠬᠦᠭᠡᠨᠢᠶᠠᠷ ᠮᠦᠴᠡᠭᠡ ᠪᠣᠯᠭᠠᠨ ᠰᠣᠯᠣᠩᠭᠠᠨ ᠱᠢᠬᠢᠷᠢᠨᠢ ᠪᠠᠷᠢᠴᠠᠭᠠᠨᠳᠤ ᠠᠪᠣᠪᠠᠯ᠂ ᠠᠷᠠᠢᠬᠠᠨ ᠦᠰᠦᠭ ᠦᠶᠡᠴᠢᠯᠡᠵᠦ᠍ ᠣᠩᠱᠢᠵᠦ᠍ ᠰᠣᠷᠤᠭᠠ ᠲᠡᠬᠦᠦ ᠮᠠᠨᠢ ᠭᠡᠣᠭᠡᠳᠤᠨ ᠦᠯᠢᠭᠡᠷᠤᠨ ᠨᠣᠮᠲᠠᠢ ᠨᠣᠣᠷᠠᠯᠳᠣᠭᠠᠳ᠂ ᠣᠴᠢᠷ ᠣᠬᠠᠭᠠᠨᠢᠨᠢ ᠣᠯᠵᠦ᠍ ᠦᠭ᠌ᠭᠦ ᠦᠭᠡᠢ ᠣᠰᠣᠨ ᠨᠢᠳᠦᠯᠡᠨᠡ᠃ ᠲᠡᠭᠡᠩᠬᠦᠳᠡ ᠦᠷᠦ᠍ ᠮᠢᠨᠢ ᠵᠦᠭᠡᠯᠡᠷᠡᠵᠦ᠍ ᠬᠡᠳᠦᠨ ᠲᠠᠬᠢᠨ ᠣᠩᠱᠢᠭᠠᠳ᠂ 《ᠶ᠋ᠢᠨᠤᠨᠤ》 ᠦᠭᠡᠢ ᠴᠡᠭᠡᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠠᠴᠠᠪᠠᠨ ᠲᠡᠬᠦᠦ᠍ᠳᠡᠭᠡᠨ ᠶᠠᠷᠢᠵᠦ᠍ ᠦᠭ᠌ᠭᠦᠳᠡᠭᠡᠨ᠂ ᠠᠪᠦᠶ᠋ᠢᠨᠢᠶᠠᠨ ᠬᠡᠪ ᠨᠠᠮᠪᠠᠶ᠋ᠢ ᠲᠠᠭᠤᠷᠢᠶᠠᠬᠤ ᠬᠡᠵᠦ᠍ ᠮᠠᠶᠢᠭ᠍ᠯᠠᠨᠠ᠃ ᠦᠯᠢᠭᠡᠷ ᠰᠣᠨᠣᠰᠴᠦ᠍᠂ ᠨᠣᠢᠷᠲᠠᠭᠠᠨ ᠨᠠᠮ ᠴᠣᠬᠢᠭᠤᠯᠣᠭ᠍ᠰᠠᠨ ᠲᠡᠬᠦᠦ᠍ᠶ᠋ᠢᠨ ᠮᠢᠨᠢ ᠬᠦᠰᠡᠯ᠂ ᠵᠡᠬᠦᠳᠦᠨᠳᠤᠨᠢ ᠪᠡᠶᠡᠯᠡᠳᠡᠭ ᠪᠣᠯᠣᠯᠳᠠᠢ ᠬᠠᠴᠠᠷᠲᠠᠭᠠᠨ ᠬᠤᠨᠳᠠᠭᠠ ᠬᠤᠳᠣᠯᠵᠠᠭᠤᠯᠣᠨᠠ᠃
ᠲᠡᠬᠦᠦ᠍ᠶ᠋ᠢᠨᠢᠶᠠᠨ ᠰᠣᠯᠣᠩᠭᠠᠨ ᠱᠢᠬᠢᠷᠢ ᠬᠠᠷᠮᠠᠯᠠᠭᠠᠳ ᠰᠠᠨᠠᠭᠠ ᠮᠦᠨ ᠬᠠᠨᠣᠬᠤ ᠦᠭᠡᠢ᠂ ᠬᠡᠣᠭᠡᠨ ᠲᠡᠬᠦᠦ ᠣᠷᠣᠭᠤᠪᠠᠨ ᠣᠷᠬᠠ ᠬᠠᠶᠠᠨᠠ᠃ ᠲᠡᠬᠦᠦ᠍ᠠᠴᠠ ᠬᠤᠶᠠᠷ ᠨᠠᠰᠦ ᠠᠬᠠ ᠭᠡᠰᠡᠨᠢᠶᠠᠷᠢᠶᠠᠨ ᠲᠡᠷᠡ ᠲᠡᠢᠮᠦ᠍ ᠬᠢᠯᠪᠠᠷᠬᠠᠨ ᠠᠮᠠ ᠠᠯᠳᠠᠬᠤ ᠦᠭᠡᠢ᠃ ᠬᠡᠪᠡᠴᠦ᠍ ᠡᠳᠦᠷᠵᠢᠨ ᠲᠡᠷᠡ ᠬᠤᠶᠠᠷᠢ ᠰᠠᠭᠠᠳᠠᠭᠤᠯᠵᠦ᠍ ᠬᠠᠭᠤᠷᠳᠠᠭ ᠨᠠᠳᠠ ᠠᠪᠴᠦ᠍ ᠬᠡᠯᠡᠪᠡᠯ᠂ ᠲᠡᠳᠡᠨᠢ ᠠᠷᠭᠠᠨᠳᠠᠭᠠᠨ ᠣᠷᠣᠭᠤᠯᠬᠤᠨᠢ ᠭᠠᠷᠤᠨ ᠠᠯᠠᠭᠠ ᠣᠷᠪᠠᠭᠤᠯᠬᠤ ᠱᠢᠭ᠋ ᠠᠮᠠᠷᠬᠠᠨ᠃ ᠭᠡᠣᠭᠡᠨ ᠲᠡᠬᠦᠦ ᠬᠦᠵᠦᠷ ᠨᠠᠭᠠᠳᠭᠤ ᠲᠣᠩᠲᠠᠢ ᠮᠦᠷᠳᠡᠭᠡᠨ ᠪᠠᠰᠠ ᠰᠠᠢᠨ ᠲᠣᠭ᠍ᠯᠠᠨᠠ᠃ ᠭᠡᠬᠦ᠌ᠳᠡᠭᠡᠨ ᠭᠠᠷᠲᠡᠬᠢ ᠪᠠᠨ ᠱᠠᠭᠠᠢᠵᠦ᠍ ᠱᠢᠨᠵᠢᠳᠡᠭᠠᠴᠠ ᠪᠣᠰᠣ᠂ ᠦᠷᠢᠰᠦᠭ᠌ᠴᠢᠨᠢ ᠶᠠᠮᠠᠷ ᠬᠦᠷᠢᠮ ᠦᠢᠯᠡᠳᠦᠯᠡ ᠭᠡᠳ ᠰᠡᠷᠡᠵᠦ᠍ ᠣᠯᠳᠠᠭ ᠦᠭᠡᠢ ᠲᠡᠨᠡᠭ᠌ᠭᠡᠨ᠃ ᠲᠡᠢᠨᠬᠦ᠌ ᠬᠦᠵᠦᠷ ᠲᠣᠭ᠍ᠯᠠᠬᠣ ᠡᠴᠡ ᠡᠮᠦᠨᠡ᠂ ᠪᠢ ᠠᠩᠬᠠᠷᠣᠯᠢᠨᠢ ᠦᠭᠡᠷᠡ ᠲᠡᠢᠰᠢᠨᠢ ᠵᠠᠯᠠᠭᠠᠳ᠂ ᠰᠠᠢᠨ ᠰᠠᠢᠨ ᠬᠦᠵᠦᠷᠢ ᠰᠣᠩᠭᠤᠨ ᠰᠠᠭᠤᠳᠠᠯ ᠲᠣᠣᠷᠠᠪᠠᠨ ᠲᠠᠷᠣᠵᠦ᠍᠂ ᠲᠡᠢᠯᠦᠨ ᠲᠡᠢᠯᠦᠭ᠌ᠳᠡᠬᠦ᠌ᠶ᠋ᠢᠨ ᠵᠠᠩᠬᠢᠯᠠᠭᠠᠶ᠋ᠢᠨ ᠴᠠᠭᠲᠤ ᠭᠠᠷᠭᠠᠨ᠂ ᠰᠣᠯᠣᠩᠭᠠᠨ ᠱᠢᠬᠢᠷᠢᠨᠢ ᠬᠤᠨᠵᠢᠴᠢᠬᠠᠨᠠ᠃
ᠢᠩᠬᠢᠵᠦ᠍ ᠬᠤᠶᠠᠷ ᠲᠡᠬᠦᠦ᠍ᠶ᠋ᠢᠨᠢᠶᠠᠨ ᠲᠣᠯᠣᠭᠠᠢᠶ᠋ᠢ ᠡᠷᠬᠢᠬᠦᠯᠵᠦ᠍ ᠣᠯᠣᠭ᠍ᠰᠠᠨ ᠰᠣᠯᠣᠩᠭᠠᠨ ᠱᠢᠬᠢᠷᠢᠶᠠᠨ ᠪᠢ ᠪᠡᠷᠢᠨ ᠵᠣᠭᠤᠭ᠍ᠯᠠᠳᠠᠭ ᠦᠭᠡᠢ᠃ ᠬᠠᠷᠢᠨ ᠪᠠᠭ᠍ᠯᠠᠭᠠᠶ᠋ᠢᠨᠢ ᠵᠠᠳᠠᠯᠣᠭ᠍ᠰᠠᠨᠤ ᠲᠠᠷᠠᠭᠠ ᠪᠠᠭ᠍ᠠᠨ ᠦᠨᠦᠷᠯᠡᠭᠡᠳ᠂ ᠨᠠᠷᠠᠨᠳᠤ ᠲᠣᠯᠢᠳᠠᠨ ᠠᠵᠢᠭ᠍ᠯᠠᠨᠠ᠃ ᠱᠢᠯᠦᠨ ᠪᠦᠮᠪᠦᠭᠡ ᠱᠢᠭ ᠡᠨᠡ ᠱᠢᠬᠢᠷᠨᠢ ᠬᠤᠪᠠ ᠱᠢᠣᠬᠠᠨ ᠲᠣᠪ ᠲᠣᠩᠭᠠᠯᠠᠭᠢ ᠪᠣᠣ ᠬᠡᠯᠡ᠂ ᠲᠣᠳᠣᠷᠠᠨᠢ ᠬᠤᠶᠠᠷ ᠵᠣᠷᠪᠣᠰ ᠬᠠᠪᠢᠷᠭᠠᠨ ᠰᠠᠷᠠᠨ ᠭᠡᠲᠠᠢ᠃ ᠡᠨᠡ ᠬᠦ᠌ ᠬᠤᠶᠠᠷ ᠵᠣᠷᠪᠣᠰ ᠬᠡᠨᠢ ᠡᠰᠡᠷᠬᠦᠯᠡᠨ ᠵᠢᠷᠣᠭ᠍ᠳᠠᠵᠦ᠍᠂ ᠨᠢᠭᠡᠨ ᠴᠠᠭᠠᠷᠢᠭᠢ ᠪᠦᠷᠢᠯᠳᠦᠬᠦᠯᠦᠨ᠂ ᠬᠦᠮᠦᠨᠤ ᠣᠷᠴᠢᠯᠠᠩᠤᠨ ᠡᠷᠬᠢᠵᠦ᠍ ᠣᠷᠴᠢᠬᠤᠶ᠋ᠢᠨ ᠵᠢᠮᠡ ᠶᠣᠰᠣᠶ᠋ᠢ ᠦᠬᠦᠯᠡᠨ ᠪᠠᠢᠭᠠ ᠮᠡᠳᠦ᠃ ᠡᠰᠡᠬᠦᠯᠡ ᠪᠢ ᠬᠡᠵᠦ᠍ ᠪᠠᠯᠴᠢᠷ ᠪᠠᠭᠠᠠᠴᠠᠪᠠᠨ ᠲᠠᠯᠳᠠ ᠣᠬᠠᠮᠰᠠᠷᠲᠠᠭᠠᠨ ᠬᠦᠳᠦᠯᠦᠭ᠌ᠳᠡᠨ᠂ ᠶᠠᠭᠤᠮᠠ ᠶᠠᠭᠤᠮᠠᠨᠤ ᠴᠠᠭᠠᠨᠠ ᠣᠴᠢᠷᠢ ᠣᠯᠬᠤ ᠬᠡᠵᠦ᠍ ᠲᠡᠷᠢᠬᠢᠪᠠᠨ ᠵᠦᠳᠡᠭᠡᠬᠦ᠌ ᠲᠣᠷᠠᠳᠠᠢ ᠨᠢᠭᠡᠨ ᠪᠠᠢᠵᠦ᠍ ᠮᠡᠳᠡᠨᠡ᠃ ᠣᠨᠴᠠᠭᠠᠢ ᠬᠡᠵᠦ᠍ ᠪᠣᠳᠣᠭ᠍ᠰᠠᠨ ᠵᠦᠢᠯᠢᠶᠠᠨ ᠰᠡᠮ ᠰᠡᠳᠭᠢᠮᠵᠢᠯᠡᠭᠡᠳ ᠰᠠᠭᠤᠬᠤᠳᠤ ᠦᠳᠡ ᠤᠢᠷᠠᠳᠤᠴᠢᠬᠠᠨᠠ᠃ ᠰᠣᠯᠣᠩᠭᠠᠨ ᠱᠢᠬᠢᠷ ᠴᠦ᠍ ᠲᠡᠢᠮᠦ᠍᠃ ᠶᠠᠮᠠᠷ ᠨᠢᠭᠡᠨ ᠱᠢᠳᠢ ᠠᠭᠤᠯᠣᠨ ᠪᠠᠢᠭᠠ ᠮᠡᠳᠦ ᠲᠣᠯᠠ ᠢᠳᠡᠬᠦ᠌ᠶ᠋ᠢ ᠶᠡᠷᠦ᠍ ᠶᠠᠭᠠᠷᠠᠳᠠᠭ ᠦᠭᠡᠢ᠃ ᠣᠳᠠᠳᠠᠯᠠ ᠱᠢᠨᠵᠢᠭᠡᠳ ᠱᠢᠳᠢᠨᠢ ᠢᠯᠡᠷᠡᠬᠦ᠌ ᠦᠬᠡᠢ ᠪᠣᠯ ᠵᠢᠭᠠᠬᠠᠨ ᠬᠦᠯᠬᠦᠵᠦ᠍᠂ ᠲᠠᠬᠢᠭᠠᠳ ᠯᠡ ᠠᠵᠢᠭ᠍ᠯᠠᠨᠠ᠃ ᠴᠠᠭᠠᠷᠢᠭ ᠬᠡᠯᠪᠡᠷᠢᠳᠦ ᠴᠠᠭᠠᠨ ᠭᠡᠨᠢ ᠭᠡᠳᠦᠢ ᠬᠦᠯᠬᠦᠯᠡ ᠭᠡᠳ ᠬᠡᠪᠢᠶᠠᠷᠢᠶᠠᠨ᠃ ᠨᠠᠷᠠ ᠲᠠᠭᠠᠭᠤᠯᠣᠨ ᠠᠵᠢᠭ᠍ᠯᠠᠭᠠᠳ ᠪᠠᠢᠬᠤᠨᠠ ᠲᠡᠷᠡ ᠭᠡᠠᠴᠠ ᠮᠦᠩᠬᠦᠨ ᠭᠡᠷᠡᠯ ᠰᠠᠴᠣᠷᠠᠨ᠂ ᠬᠠᠰ ᠴᠠᠭᠠᠨ ᠡᠷᠪᠡᠬᠡᠢ ᠬᠡᠬᠡᠳᠤᠨᠢ ᠰᠣᠯᠣᠩᠭᠠᠶ᠋ᠢᠨ ᠲᠣᠯᠣᠭᠠᠨ ᠦᠩᠭᠡ ᠲᠠᠳᠠᠭᠤᠯᠣᠨ ᠪᠦᠵᠢᠨ ᠪᠣᠢ ᠮᠡᠳᠦ ᠬᠠᠷᠠᠭ᠍ᠳᠠᠳᠠᠭᠤᠨ ᠴᠠᠭᠠᠨᠠ ᠱᠢᠯᠳᠠᠭᠠᠨᠨᠢ ᠪᠦᠵᠢᠭ᠌ᠴᠢᠨ ᠪᠣᠯᠬᠤ ᠬᠦᠰᠡᠯᠢᠶᠠᠨ ᠵᠢᠷᠦᠭᠡᠨᠳᠡᠭᠡᠨ ᠵᠢᠷᠣᠭ᠍ᠯᠠᠵᠦ᠍ ᠪᠠᠢᠭ᠍ᠰᠠᠨ ᠪᠠᠢᠯ ᠦᠭᠡᠢ ᠳ᠋ᠣᠣ᠃ ᠬᠡᠵᠢᠶᠡ ᠬᠤᠵᠢᠮᠨᠢ ᠪᠢ ᠬᠦᠰᠡᠯ ᠪᠡᠶᠡᠯᠡᠭ᠌ᠳᠡᠬᠦ᠌ᠶ᠋ᠢᠨ ᠠᠮᠳᠠᠶ᠋ᠢ ᠬᠠᠷᠠᠬᠠᠨ ᠪᠠᠭᠠᠶ᠋ᠢᠨ ᠰᠣᠯᠣᠩᠭᠠᠨ ᠱᠢᠬᠢᠷᠤᠨ ᠠᠮᠳᠠᠲᠠᠢ ᠠᠳᠡᠬᠦᠷᠡᠵᠦ᠍ ᠶᠠᠪᠣᠭ᠍ᠰᠠᠨ ᠮᠢᠨᠢ ᠲᠠᠩᠴᠦ᠍ ᠣᠷᠠᠨ᠂ ᠲᠠᠩᠴᠦ᠍ ᠡᠮᠵᠡᠭ᠌ᠭᠡᠨ ᠲᠠᠱᠢᠶᠠᠷᠠᠯ ᠪᠠᠢᠵᠠᠢ᠃
ᠡᠷᠢᠨ ᠴᠠᠭ ᠬᠦᠭ᠌ᠵᠢᠵᠦ᠍᠂ ᠨᠡᠢᠬᠡᠮ ᠲᠠᠶᠠᠭᠠᠷ ᠲᠠᠪᠱᠢᠨ ᠦᠨᠳᠦᠷ ᠲᠦᠪᠱᠢᠨᠳᠤ ᠬᠦᠷᠦᠭ᠌ᠰᠡᠨ ᠦᠨᠦᠳᠦᠷ᠂ ᠶᠠᠩᠵᠦ᠍ᠶ᠋ᠢᠨ ᠪᠠᠭ᠍ᠯᠠᠭᠠᠲᠠᠢ᠂ ᠶᠠᠩᠵᠦ᠍ᠶ᠋ᠢᠨ ᠬᠡᠯᠪᠡᠷᠢᠲᠠᠢ ᠱᠢᠬᠢᠷ ᠭᠠᠵᠠᠷ ᠰᠠᠢ ᠦᠭᠡᠢ ᠲᠠᠷᠬᠠᠵᠦ᠍ ᠯᠡ ᠪᠠᠢᠳᠠᠭ᠃ ᠮᠠᠭᠤ ᠡᠭᠡᠴᠢᠪᠠᠷᠢᠶᠠᠨ ᠮᠡᠭᠡᠯᠡᠬᠦᠯᠵᠦ᠍᠂ ᠠᠮᠳᠠᠳᠠᠨᠢᠶᠠᠨ 《ᠲᠣᠨᠣᠭᠤᠯᠵᠦ᠍》 ᠪᠠᠢᠭ᠍ᠰᠠᠨ ᠬᠤᠶᠠᠷ ᠲᠡᠬᠦᠦ ᠮᠢᠨᠢ ᠰᠣᠯᠣᠩᠭᠠᠨ ᠬᠡ ᠪᠦᠬᠦᠢ ᠪᠠᠭ᠍ᠯᠠᠭᠠᠲᠠᠢ ᠱᠢᠬᠢᠷ ᠬᠠᠷᠭᠤᠬᠤ ᠪᠣᠯᠭᠠᠨ 《ᠡᠭᠡᠴᠢᠶ᠋ᠢᠨ ᠮᠢᠨᠢ ᠬᠠᠢᠷᠠᠳᠠᠢ ᠱᠢᠬᠢᠷ ᠮᠠᠭᠠᠳ》 ᠬᠡᠵᠦ᠍ ᠪᠣᠭᠤᠯᠳᠠ ᠪᠣᠭᠤᠯᠳᠠᠪᠠᠷ ᠠᠪᠴᠢᠷᠠᠵᠦ᠍ ᠦᠭ᠌ᠬᠦᠳᠤ᠂ ᠬᠠᠯᠠᠭᠤᠨ ᠨᠢᠯᠪᠣᠰᠣ ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠪᠦᠮᠪᠦᠷᠢᠮᠡᠷ ᠪᠣᠯᠳᠠᠭ᠃ ᠶᠠᠭᠠᠬᠢᠬᠤ ᠪᠣᠢ᠂ ᠠᠷᠭᠠ ᠴᠦ᠍ ᠦᠭᠡᠢ᠂ ᠨᠢᠭᠡ ᠡᠭᠡᠶ᠋ᠢᠨ ᠬᠡᠪᠡᠯᠢᠠᠴᠠ ᠴᠣᠪᠣᠭ᠍ᠰᠠᠨ ᠬᠠᠢᠷᠠᠶ᠋ᠢᠨ ᠲᠠᠯᠠᠰ ᠶᠣᠮ ᠴᠢᠨᠢ ᠳ᠋ᠠ᠃
ᠪᠠᠷᠠᠭᠤᠨ ᠭᠡᠷᠡᠮ ᠲᠡᠭᠡᠷᠡ ᠰᠠᠭᠤᠭ᠍ᠰᠠᠨ ᠵᠢᠭᠠᠬᠠᠨ ᠪᠣᠯᠵᠣᠮᠣᠷ ᠲᠠᠬᠢᠨᠳᠠ ᠲᠡᠷᠪᠡᠰᠭᠢᠨ ᠨᠢᠰᠴᠦ᠍ ᠵᠡᠬᠦᠨ ᠭᠡᠷᠡᠮ ᠲᠡᠭᠡᠷᠡ ᠪᠠᠭᠤᠨ᠂ ᠬᠡᠳᠦᠨᠳᠡ ᠨᠠᠭᠠᠰᠢ ᠴᠠᠭᠠᠰᠢ ᠲᠡᠭ᠌ᠳᠡᠯᠬᠢᠯᠡᠨ ᠦᠰᠦᠷᠬᠢᠯᠡᠭ᠌ᠰᠡᠨᠢᠶᠠᠨ ᠨᠠᠮᠠᠶ᠋ᠢ ᠬᠠᠷᠠᠩᠬᠠᠨ ᠨᠠᠮ ᠰᠠᠭᠤᠯᠠ᠃ ᠠᠵᠢᠭ᠍ᠯᠠᠭᠠᠳ ᠯᠡ ᠪᠠᠢᠬᠤᠨᠠ ᠲᠡᠬᠦᠨᠤ ᠵᠡᠬᠦᠨ ᠵᠢᠬᠦᠷᠲᠤ ᠪᠠᠭᠠ ᠨᠠᠰᠦ ᠮᠢᠨᠢ ᠲᠠᠢᠭ᠍ᠳᠠᠵᠦ᠍᠂ ᠪᠠᠷᠠᠭᠤᠨ ᠵᠢᠬᠦᠷᠲᠤᠨᠢ ᠬᠢᠵᠢᠶᠡᠯ ᠨᠠᠰᠦ ᠮᠢᠨᠢ ᠠᠴᠢᠭ᠍ᠳᠠᠨ᠂ ᠰᠣᠷᠮᠣᠣᠰᠦ ᠱᠦᠷᠬᠦᠭᠡᠮᠡ ᠦᠢᠷᠡᠬᠠᠨ ᠭᠡᠯᠡ ᠴᠦ᠍᠂ ᠬᠡᠵᠢᠶᠡᠳᠡ ᠨᠢᠭᠡᠨᠳᠡᠭᠡᠨ ᠬᠦᠢᠴᠡᠭ᠌ᠳᠡᠳᠡᠭ ᠦᠭᠡᠢ ᠬᠤᠯᠠᠬᠠᠨ᠃ ᠶᠠᠭᠠᠬᠢᠭᠠᠳᠢ ᠪᠣᠣ ᠮᠡᠳᠡ ᠡ᠃ ᠦᠯᠦ᠍ ᠦᠵᠡᠭ᠌ᠳᠡᠬᠦ᠌ ᠨᠢᠭᠡᠨ ᠵᠦᠢᠯᠤᠨ ᠬᠠᠯᠠᠭᠤᠨ ᠣᠷᠣᠰᠭᠠᠯ ᠨᠢᠯᠬᠢᠨ ᠲᠠᠬᠢᠨᠳᠠ ᠬᠤᠭᠤᠯᠠᠢ ᠦᠭ᠌ᠰᠦᠨ᠂ ᠨᠢᠳᠦᠨᠳᠤ ᠵᠠᠢᠷ ᠬᠦᠶᠦᠬᠦ᠌ᠪᠠᠷ ᠪᠢ ᠰᠡᠳᠭᠢᠯᠭᠡᠪᠠᠨ ᠲᠣᠭ᠍ᠳᠠᠭᠠᠬᠤᠶ᠋ᠢ ᠬᠢᠴᠢᠶᠡᠯᠡ᠃ ᠡᠷᠬᠢᠵᠦ᠍ ᠬᠡᠵᠢᠶᠡᠳᠡ ᠢᠷᠡᠳᠡᠭ ᠦᠭᠡᠢᠪᠠᠷᠢᠶᠠᠨ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠦᠨᠡ ᠪᠡᠨᠡᠲᠠᠢ ᠰᠠᠨᠠᠭ᠍ᠳᠠᠳᠠᠭᠨᠢ ᠵᠦᠪᠭᠡᠨ ᠪᠠᠭᠠ ᠨᠠᠰᠦ ᠪᠠᠢᠯᠠ ᠭᠡᠳᠡᠭᠢ ᠪᠢ ᠪᠢᠳᠡᠬᠦᠨ ᠦᠢᠷᠠᠳᠬᠤ ᠪᠣᠯᠭᠠᠨ ᠨᠢᠯᠪᠣᠰᠦᠪᠠᠨ ᠠᠷᠴᠢᠨ ᠮᠡᠳᠡᠷᠡᠳᠡᠭ ᠪᠢᠯᠡ᠃
ᠠᠢ᠂ ᠠᠪᠦᠲᠠᠢᠪᠠᠨ ᠬᠠᠮᠳᠦ ᠪᠠᠢᠭ᠍ᠰᠠᠨ ᠲᠦᠴᠢᠨ ᠲᠣᠯᠣᠭᠠᠨ ᠬᠠᠪᠣᠷᠤᠨ ᠪᠢᠳᠡᠬᠦᠨ ᠬᠡᠵᠦ᠍ ᠭᠠᠷᠴᠠᠭᠠ ᠦᠭᠡᠢ ᠠᠬᠢᠭᠠᠳ ᠣᠯᠳᠠᠳᠠᠭ ᠦᠭᠡᠢ ᠰᠣᠯᠣᠩᠭᠠᠨ ᠱᠢᠬᠢᠷ ᠮᠢᠨᠢ ᠪᠠᠢᠵᠦ᠍᠂ ᠴᠠᠭ ᠦᠶᠡ᠂ ᠵᠠᠩ ᠵᠠᠩᠱᠢᠯ ᠭᠡᠷᠬᠢᠨ ᠦᠭᠡᠷᠡᠴᠢᠯᠡᠭ᠌ᠳᠡᠭ᠌ᠰᠡᠨ ᠴᠦ᠍ ᠰᠣᠯᠣᠩᠭᠠ ᠱᠢᠭ᠋ ᠭᠡᠷᠡᠯᠳᠦᠬᠦ᠌ᠪᠠᠨ ᠬᠡᠵᠢᠶᠡᠳᠡ ᠪᠠᠢᠯ ᠦᠭᠡᠢ ᠠᠯᠳᠠᠩᠬᠠᠨ ᠮᠦᠴᠡ ᠡ᠃