— ᠮᠠᠨ ᠤ ᠬᠢᠨ ᠤ ᠲᠤᠮᠳᠠ ᠠᠪᠤᠨ ᠳᠤᠤᠷᠠ ᠪᠡᠨ ᠬᠤᠯᠪᠤᠭᠠ ᠬᠡᠯᠡᠴᠢᠬᠡᠳᠡᠭ ᠭᠡᠳᠦᠨ ᠬᠦᠮᠦᠨᠦ ᠨᠢᠭᠡ ᠨᠢ ᠵᠢᠨ ᠭᠠᠩ᠃
— ᠲᠠᠷᠤᠤ ᠬᠢᠴᠢᠶᠡᠩᠬᠦᠢ ᠪᠠᠷ ᠰᠤᠷᠤᠯᠴᠠᠵᠤ ᠬᠡᠯᠡᠯᠭᠡ ᠪᠠᠨ ᠪᠠᠶᠠᠯᠢᠭᠵᠢᠭᠤᠯᠳᠠᠭᠤᠨ ᠨᠢᠭᠡ ᠨᠢ ᠵᠢᠨ ᠭᠠᠩ᠃
ᠵᠢᠨ ᠭᠠᠩ ᠪᠤᠯ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨᠤ ᠤᠯᠤᠰ ᠲᠦᠷᠦᠶᠢᠨ ᠵᠦᠪᠯᠡᠯᠭᠡᠨᠦ ᠭᠡᠰᠢᠬᠦᠨ᠂《ᠬᠤᠷᠴᠢᠨ ᠲᠤᠤᠯᠢ》ᠵᠢᠨ ᠬᠤᠳᠠᠶᠢᠨ ᠲᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠤᠨ ᠲᠦᠯᠦᠭᠡᠯᠡᠬᠦ᠌ ᠴᠢᠨᠠᠷᠳᠠᠢ ᠤᠯᠠᠮᠵᠢᠯᠠᠭᠴᠢ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨ ᠤ ᠠᠷᠠᠳᠤᠨ ᠤᠷᠠᠯᠢᠭᠴᠢᠨ ᠶᠤᠮ᠃
ᠭᠠᠳᠠᠭᠠᠳᠤ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠢᠴᠢᠶᠠᠯᠤᠨ ᠲᠠᠩᠬᠢᠮᠳᠤ
ᠲᠠᠷᠠ ᠪᠡᠷ 2025 ᠤᠨᠤ 10 ᠰᠠᠷᠠᠳᠤ ᠠᠩᠭ᠌ᠯᠢ ᠤᠯᠤᠰᠤᠨ ᠺᠠᠮᠪᠷᠢᠵ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠯᠤᠨᠳᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶᠢᠨ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳᠤ ᠲᠡᠷᠯᠢᠭ ᠵᠢᠡᠷ ᠵᠢᠠᠨ ᠭᠤᠶᠤᠵᠤ᠂ ᠴᠤᠭ ᠵᠤᠯᠪᠤᠭᠠ ᠲᠠᠢ᠂ ᠤᠷᠠᠨ ᠠᠪᠬᠠᠯᠵᠢ ᠲᠠᠢ ᠪᠡᠷ ᠴᠤᠭᠤᠷ ᠴᠤᠭᠤᠷᠳᠠᠨ ᠲᠤᠤᠯᠢ ᠬᠠᠶ᠋ᠢᠯᠠᠵᠤ᠂ ᠦᠵᠡᠭᠴᠢᠳᠤᠨ ᠰᠡᠳᠬᠢᠯᠢ ᠲᠠᠳᠠᠭᠰᠠᠠ ᠪᠠᠢᠨᠠ᠃ ᠲᠡᠷᠡ ᠪᠠᠷ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭᠰᠢᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢᠶᠢᠨ ᠫᠷᠤᠹᠸᠰᠰᠤᠷ ᠪᠦᠳᠦᠭᠡᠯᠳᠦᠲᠠᠢ ᠬᠠᠮᠳᠤ ᠺᠠᠮᠪᠷᠢᠵ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠯᠤᠨᠳᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶᠢᠨ ᠤᠷᠢᠯᠭᠠᠶᠢ ᠬᠦᠯᠢᠶᠡᠵᠦ᠍ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠦ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪ᠂ ᠬᠤᠷᠴᠢᠨ ᠤᠷᠠᠯᠢᠭᠢ ᠲᠠᠨᠢᠯᠴᠠᠭᠤᠯᠬᠤ ᠵᠤᠷᠢᠯᠭᠠ ᠪᠠᠷ ᠲᠤᠬᠠᠢ ᠶᠢᠨ ᠲᠠᠯᠠᠪᠤᠷ ᠲᠦ᠍ ᠲᠤᠭᠯᠠᠬᠰᠠᠠ ᠨᠢ ᠡᠨᠡ ᠪᠠᠶ᠋ᠢᠯᠠ᠃
ᠵᠢᠨ ᠭᠠᠩ ᠭᠡᠵᠦ᠍ ᠲᠠᠷᠢᠶᠠᠨ ᠠᠷᠴᠢᠭᠤᠷᠢᠶᠠᠨ ᠬᠠᠶᠠᠭᠠᠳ ᠠᠷᠠᠯᠳᠤ ᠬᠤᠭᠤᠷ ᠠᠳᠬᠤᠭᠰᠠᠨ ᠲᠤᠮᠳᠠᠶᠢᠨ ᠪᠡᠶᠡ ᠪᠢᠯᠳᠠᠷ ᠲᠠᠢ᠂ ᠪᠤᠷᠤᠪᠳᠤᠷ ᠴᠢᠷᠠᠶ ᠳᠠᠢ᠂ ᠵᠢᠷᠪᠢᠭᠡᠷ ᠰᠠᠬᠠᠯ ᠲᠠᠢ᠂ ᠨᠢᠳᠦᠨ ᠳ᠋ᠡᠬᠡᠨ ᠭᠠᠯ ᠲᠠᠢ ᠨᠢᠭᠤᠷ ᠲᠠᠭᠠᠨ ᠴᠤᠭ ᠳᠠᠢ ᠵᠠᠯᠠᠭᠤ ᠶᠤᠮ᠃ ᠬᠠᠷᠠᠬᠠᠨ ᠪᠠᠭᠠᠠᠴᠠ ᠪᠠᠨ ᠬᠤᠭᠤᠷᠴᠢᠨ ᠠᠪᠤ᠂ ᠠᠷᠠᠳᠤᠨ ᠲᠠᠭᠤᠴᠢᠨ ᠡᠵᠢ ᠵᠢᠨᠢᠶᠡᠨ ᠨᠦᠯᠦᠭᠡ ᠪᠠᠷ ᠤᠷᠠᠯᠢᠭ ᠲᠦ᠍ ᠤᠶ᠋ᠢᠷᠠᠳᠤᠭᠰᠠᠨ ᠠᠵᠢ᠃ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨᠤ ᠪᠠᠶᠠᠠᠮᠤᠳᠤ ᠰᠤᠮᠤᠶᠢᠨ ᠵᠡᠬᠦᠨ ᠮᠦᠸᠸ ᠮᠠᠢ ᠭᠠᠴᠠᠭᠠ ᠪᠡᠷ ᠨᠤᠳᠤᠭᠳᠠᠢ ᠵᠢᠨ ᠭᠠᠩᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠲᠦᠷᠦᠯᠬᠢ ᠨᠤᠳᠤᠭᠤᠨ ᠬᠢᠨᠢ ᠤᠰᠤᠨ ᠠᠷ ᠮᠡᠲᠦ᠍ ᠲᠤᠯᠬᠢᠶᠠ ᠲᠠᠢ ᠦᠨᠳᠦᠷ ᠦᠨᠳᠦᠷ ᠮᠠᠩᠬᠠ ᠨᠢ ᠲᠡᠬᠦᠨᠦ ᠵᠤᠷᠢᠭᠢ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠮᠠᠩᠬᠠᠨ ᠬᠤᠳᠤᠭᠤᠷᠤᠨ ᠨᠤᠭᠤᠭᠠᠨ ᠪᠦᠷᠢᠳᠦ ᠨᠢ ᠲᠡᠬᠦᠨᠦ ᠬᠠᠶ᠋ᠢᠷᠠᠶᠢ ᠰᠤᠷᠢᠨᠵᠢᠳᠠᠵᠤ᠂ ᠲᠤᠭᠤᠯᠤᠨ ᠪᠡᠯᠴᠢᠭᠡᠷ ᠨᠢ ᠲᠡᠬᠦᠨᠦ ᠤᠢ ᠤᠬᠠᠭᠠᠨᠢ ᠤᠭᠵᠢᠵᠤ᠂ ᠮᠤᠷᠢᠨ ᠲᠡᠷᠭᠡᠨᠤ ᠵᠠᠮ ᠨᠢ ᠲᠡᠬᠦᠨᠦ ᠠᠯᠤᠰᠤᠨ ᠬᠦᠰᠡᠯᠢ ᠬᠦᠳᠦᠯᠦᠭᠰᠡᠨ ᠪᠠᠶ᠋ᠢᠵᠠᠢ᠃
ᠵᠢᠨ ᠭᠠᠩ ᠦᠰᠪᠦᠷᠢ ᠨᠠᠰᠤᠨᠳᠠᠭᠠᠨ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠬᠡᠬᠡᠬᠦ ᠵᠠᠪᠰᠢᠶᠠᠨᠢᠶᠠᠨ ᠠᠯᠳᠠᠵᠤ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠲᠠᠷᠢᠶᠠᠴᠢᠨ ᠪᠤᠯᠵᠠᠢ᠃ ᠨᠤᠳᠤᠭ ᠤᠰᠤᠨᠤ ᠬᠢᠨ ᠲᠢᠶᠸ ᠮᠢᠩ᠂ ᠲᠢᠶᠸ ᠭᠠᠩ᠂ ᠵᠢᠨ ᠭᠠᠩ ᠠᠬᠠ ᠲᠡᠬᠦᠦ ᠭᠤᠷᠪᠠᠨ ᠬᠤᠭᠤᠷᠴᠢᠨ ᠲᠠᠭᠤᠴᠢᠨ ᠭᠡᠪᠡᠯ ᠮᠡᠳᠡᠬᠦ᠌ ᠦᠭᠡᠢ ᠬᠦᠮᠦᠨ ᠴᠦᠭᠡᠨ᠃ ᠠᠷᠠᠳ ᠤᠨ ᠦᠭᠡᠨᠳᠦ ᠪᠠᠶ᠋ᠢᠳᠠᠭ《ᠬᠤᠭᠤᠷ ᠰᠤᠷᠬᠤ ᠪᠠᠷ ᠬᠤᠯᠠᠭᠠᠶ᠋ᠢᠴᠢ ᠰᠤᠷ》 ᠭᠡᠳᠡᠭ ᠦᠭᠡᠶᠢ ᠲᠡᠷᠡ ᠡᠰᠡᠷᠬᠦᠴᠡᠳᠡᠭ ᠦᠭᠡᠢ ᠪᠤᠯᠪᠠᠴᠤ᠌ ᠲᠠᠭᠠᠰᠢᠶᠠᠳᠠᠭ ᠦᠭᠡᠢ᠂ ᠬᠤᠭᠤᠷ ᠰᠤᠷᠬᠤ ᠨᠢ ᠶᠠᠭᠠᠬᠢᠭᠠᠳ ᠬᠤᠯᠠᠭᠠᠶ᠋ᠢᠴᠢ ᠰᠤᠷᠬᠤᠶᠢ ᠬᠦᠷᠬᠦ᠌ ᠦᠭᠡᠢ ᠪᠤᠯᠴᠢᠬᠠᠪᠠ ᠭᠡᠵᠦ᠍ ᠳᠠ᠃ 2014 ᠤᠨᠠᠴᠠ ᠡᠬᠢᠯᠡᠭᠡᠳ ᠲᠡᠷᠡ ᠪᠠᠷ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠰᠤᠷᠴᠤ᠌᠂ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠨᠢ ᠠᠶᠠᠯᠭᠤ ᠭᠠᠷᠭᠠᠳᠠᠭ ᠪᠠᠶ᠋ᠢᠭᠰᠠᠨᠠᠴᠠ ᠪᠠᠨ 《ᠯᠦᠸᠸ ᠶᠠᠩ》᠂ 《ᠳᠠᠨᠠᠪᠠᠯ》᠂ 《ᠪᠡᠭᠡᠵᠢᠩ ᠯᠠᠮᠠ》 ᠁ ᠵᠡᠷᠭᠡ ᠠᠷᠠᠳᠤᠨ ᠲᠠᠭᠤᠤᠨᠤᠭᠤᠳᠠᠴᠠ ᠬᠤᠭᠤᠷᠳᠠᠨ ᠳᠠᠭᠤᠯᠠᠳᠠᠭ ᠪᠤᠯᠪᠠ᠃ 2014 ᠤᠨ ᠨᠢ ᠲᠠᠭᠤᠤ ᠬᠦᠭᠵᠢᠮ ᠲᠠᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠭᠰᠠᠨ ᠲᠡᠬᠦᠨᠦ ᠬᠤᠪᠢᠳᠤ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠨᠢᠭᠡᠨ ᠤᠨ ᠪᠤᠯᠤᠨᠠ᠃ ᠵᠢᠯ ᠪᠦᠷᠢᠶᠢᠨ ᠠᠷᠭᠠᠶᠢᠨ ᠤᠯᠠᠷᠢᠯᠤᠨ ᠲᠠᠪᠤᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠲᠠᠪᠤᠨᠳᠤ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨᠤ 《ᠱᠤᠩᠬᠤᠷᠤᠨ ᠴᠤᠭᠯᠠᠭᠠᠨ》 ᠤ᠋ ᠨᠠᠶ᠋ᠢᠷ ᠨᠠᠭᠠᠳᠤᠮᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠶᠠᠪᠤᠭᠳᠠᠳᠠᠭ᠃ ᠲᠤᠰ ᠵᠢᠯᠦᠨ ᠲᠠᠪᠤᠨ ᠰᠠᠷᠠᠶᠢᠨ ᠲᠠᠪᠤᠨ ᠤ ᠡᠳᠦᠷ 22 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ《ᠱᠤᠩᠬᠤᠷᠤᠨ ᠴᠤᠭᠯᠠᠭᠠᠨ》 ᠦᠵᠡᠮᠵᠢᠳᠦ ᠰᠠᠶ᠋ᠢᠬᠠᠨ ᠱᠤᠩᠬᠤᠷ ᠠᠭᠤᠯᠠᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠤᠨᠳᠦ ᠦᠩᠭᠡ ᠪᠦᠷᠢᠶᠢᠨ ᠬᠤᠪᠴᠠᠰᠤ ᠵᠠᠰᠠᠯ ᠢᠶᠠᠷ ᠭᠤᠶᠤᠭᠰᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠵᠤ ᠪᠠᠶᠠᠷ ᠨᠠᠶ᠋ᠢᠷᠤᠨ ᠠᠭᠤᠷ ᠠᠮᠢᠰᠬᠤᠯᠢᠶᠠᠷ ᠪᠢᠯᠬᠠᠨᠠ᠃
《ᠱᠤᠩᠬᠤᠷᠤᠨ ᠴᠤᠭᠯᠠᠭᠠᠨ》 ᠨᠢ ᠤᠲᠤ᠌ ᠨᠢᠭᠡᠨᠳᠡ ᠬᠤᠳᠠᠶᠢᠨ ᠲᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪᠦᠨ ᠲᠦᠷᠦᠯ ᠵᠦᠢᠯᠵᠢᠡᠷ ᠪᠦᠷᠢᠳᠭᠡᠬᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠲᠤᠬᠠᠢᠶᠢᠨ ᠦᠶᠡᠳᠦ ᠭᠡᠳᠦᠶ᠋ᠢᠪᠡᠷ ᠲᠡᠷᠡ ᠪᠠᠷ ᠦᠪᠡᠷᠦᠨ ᠬᠠᠪᠰᠤᠷᠤᠯ ᠠᠶᠠ ᠳᠡᠭᠡᠷᠡ ᠲᠠᠭᠤᠯᠠᠬᠤ ᠤᠷᠠ ᠮᠡᠷᠭᠡᠵᠢᠯᠳ᠋ᠡᠬᠡᠨ ᠲᠡᠳᠦᠢ ᠬᠠᠨᠤᠮᠵᠢ ᠦᠭᠡᠢ ᠪᠠᠢᠬᠰᠠᠠ ᠪᠤᠯᠪᠠᠴᠤ᠌ ᠭᠡᠴᠢᠨᠡᠨ ᠡᠳᠦᠷ ᠪᠤᠳᠤᠯᠬᠢᠯᠠᠭᠰᠠᠨᠤ ᠦᠷᠡ ᠳ᠋ᠦᠩᠳᠦ ᠬᠠᠰᠢ ᠯᠡ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠵᠤ ᠦᠵᠡᠬᠦ᠌ ᠪᠠᠷ ᠰᠢ᠌ᠳᠴᠦ᠍ ᠨᠡᠷᠡ ᠮᠡᠳᠡᠬᠦᠯᠪᠡ᠃ ᠤᠯᠠᠨ ᠦᠵᠡᠭᠴᠢᠳᠦᠨ ᠡᠮᠦᠨᠡ ᠲᠡᠷᠡ ᠪᠠᠷ ᠠᠩᠬᠠ ᠤᠳᠠᠭᠠ ᠲᠤᠭᠯᠠᠬᠤ ᠭᠡᠵᠦ᠍ ᠪᠠᠶ᠋ᠢᠬᠤ ᠲᠤᠯᠠ ᠤᠷᠤᠯᠳᠤᠭᠠᠨ ᠤ ᠡᠳᠦᠷ ᠢ ᠪᠤᠳᠤᠬᠤ ᠪᠦᠷᠢ ᠪᠤᠷᠤ ᠵᠢᠷᠦᠭᠡ ᠨᠢ ᠪᠤᠯᠬᠢᠯᠠᠨᠠ᠃ ᠬᠤᠶᠠᠷ ᠠᠬᠠᠶᠢᠨᠢᠶᠡᠨ ᠡᠮᠦᠨᠡ ᠬᠤᠭᠤᠷᠳᠠᠵᠤ ᠲᠠᠭᠤᠯᠠᠬᠤᠳ᠋ᠠᠭᠠᠨ ᠬᠦᠷᠳᠡᠯᠠ ᠠᠶᠤᠬᠤ ᠢᠴᠢᠬᠦ᠌ ᠪᠠᠨ ᠲᠡᠪᠴᠢᠵᠦ᠍ ᠴᠢᠳᠠᠳᠠᠭ ᠦᠬᠡᠢ ᠪᠡᠨ ᠰᠠᠶ᠋ᠢᠨ ᠮᠡᠳᠡᠨᠡ᠃ ᠤᠷᠤᠯᠳᠤᠭᠠᠨ ᠡᠬᠢᠯᠡᠵᠤ᠂ ᠲᠡᠷᠡ ᠨᠠᠢ᠍ᠮᠠᠳᠤᠭᠠᠷ ᠲᠦ᠍ ᠲᠠᠶ᠋ᠢᠰᠠᠨᠳᠤ ᠭᠠᠷᠴᠤ᠌ ᠲᠠᠭᠤᠯᠠᠬᠤ ᠡᠬᠡᠯᠵᠢ ᠪᠤᠯᠬᠤᠳᠤ ᠬᠤᠭᠤᠯᠠᠢ ᠪᠠᠨ ᠵᠠᠰᠠᠵᠤ ᠲᠡᠷᠯᠢᠭ ᠲᠠᠢ ᠪᠠᠷ ᠲᠠᠶ᠋ᠢᠰᠠᠨᠳᠤ ᠭᠠᠷᠳᠠᠯᠠ ᠦᠵᠡᠭᠴᠢᠳᠦᠨ ᠬᠠᠯᠠᠭᠤᠨ ᠠᠯᠠᠭᠠ ᠲᠠᠰᠢᠯᠲᠠ ᠨᠢᠭᠡᠨ ᠵᠡᠷᠭᠡ ᠨᠢᠵᠢᠭᠢᠨᠡᠪᠡ᠃ ᠲᠡᠷᠡ ᠦᠵᠡᠭᠴᠢᠳ ᠲᠦ᠍ ᠮᠡᠬᠦᠶ᠋ᠢᠨ ᠶᠤᠰᠤᠯᠠᠬᠤᠳᠤ ᠴᠢᠭᠵᠢᠷᠡᠭᠰᠡᠨ ᠴᠦᠢᠳ᠋ᠸᠩᠦᠨ ᠲᠤᠯᠤᠭᠠᠢ ᠰᠢᠭ᠋ ᠬᠤᠷᠠᠭᠰᠠᠨ ᠤᠯᠠᠨᠢ ᠰᠢᠷᠪᠢᠨ ᠬᠠᠷᠠᠬᠤᠳᠠᠭᠠᠨ ᠲᠡᠳᠦᠢ ᠪᠠᠯᠢᠳᠠᠭᠠ ᠦᠭᠡᠢ ᠪᠠᠨ ᠮᠡᠳᠡᠵᠦ᠍ ᠪᠠᠶ᠋ᠢᠯᠠ᠃ ᠬᠡᠪᠡᠴᠤ ᠲᠠᠭᠤᠯᠠᠵᠤ ᠪᠠᠷᠠᠳᠠᠯᠠ ᠬᠢᠷᠢ ᠵᠡᠷᠭᠡ ᠲᠠᠭᠤᠯᠠᠭᠰᠠᠨᠢᠶᠠᠨ ᠮᠡᠳᠡᠭᠰᠡᠨ ᠦᠭᠡᠢ᠂ ᠦᠭᠡ ᠠᠯᠳᠠᠭᠰᠠᠨ ᠦᠭᠡᠢ᠂ ᠴᠤᠬᠢᠯᠭᠠ ᠬᠤᠴᠤᠷᠴᠤ᠌ ᠤᠳᠠᠭᠰᠠᠨ ᠦᠭᠡᠢ ᠪᠠᠨ ᠴᠡᠭᠡᠵᠢᠯᠡᠵᠦ᠍ ᠪᠠᠶ᠋ᠢᠯᠠ᠃《ᠨᠡᠶ᠋ᠢᠲᠡ ᠤᠷᠤᠯᠳᠤᠭᠰᠠᠳᠤᠨ ᠬᠤᠪᠢᠶᠢ ᠨᠡᠶ᠋ᠢᠳᠡᠯᠡᠵᠦ᠍ ᠲᠠᠭᠤᠰᠬᠤᠳᠦ ᠦᠪᠡᠷᠢ ᠪᠡᠨ ᠮᠠᠩᠯᠠᠢᠯᠠᠬᠰᠠᠠᠢ ᠮᠡᠳᠡᠯᠠ᠂ ᠮᠠᠩᠯᠠᠶ᠋ᠢᠯᠠᠴᠢᠬᠠᠨᠠ ᠭᠡᠵᠦ᠍ ᠨᠠᠩ ᠴᠤ᠌ ᠰᠠᠨᠠᠭᠠᠨᠳᠤ ᠦᠭᠡᠢ᠂ ᠴᠤᠬᠤᠮ ᠴᠤ᠌ ᠢᠳᠡᠬᠡᠵᠤ ᠶᠠᠳᠠᠵᠤ ᠪᠠᠢᠬᠰᠠᠠ᠃ ᠭᠡᠳᠡᠯᠡ ᠭᠡᠷᠬᠢᠨ ᠲᠠᠭᠤᠯᠠᠵᠤ ᠪᠠᠷᠠᠭᠠᠭᠰᠠᠨᠢᠶᠠᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠤᠳᠤᠵᠤ ᠤᠯᠬᠤ ᠦᠭᠡᠢ᠂ ᠪᠠᠷᠤᠭ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠤᠭᠰᠠᠨᠤ ᠬᠢ ᠪᠢᠵᠠ》 ᠬᠡᠵᠤ ᠵᠢᠨ ᠭᠠᠩ ᠶᠠᠷᠢᠨᠠ᠃
2014 ᠤᠨ ᠤ ᠤᠷᠤᠯᠳᠤᠭᠠᠨᠳᠤ ᠮᠠᠩᠯᠠᠶ᠋ᠢᠯᠠᠭᠰᠠᠨᠠᠴᠠ ᠬᠤᠶ᠋ᠢᠰᠢ ᠬᠤᠰᠢᠭᠤ᠂ ᠠᠶ᠋ᠢᠮᠠᠭ ᠬᠤᠳᠠ᠂ ᠤᠯᠤᠰ ᠤᠷᠤᠨᠤ ᠲᠡᠰᠦᠨ ᠤᠷᠤᠯᠳᠤᠭᠠᠨᠳᠤ ᠵᠤᠷᠢᠭᠳᠠᠢ ᠤᠷᠤᠯᠴᠠᠬᠤ ᠪᠤᠯᠤᠭᠰᠠᠨ ᠪᠦᠭᠡᠳ ᠡᠯᠡ ᠲᠡᠰᠦᠨ ᠱᠠᠩᠨᠠᠯᠢᠤᠳᠠᠭᠠ ᠲᠠᠷᠠᠭᠠᠯᠠᠨ ᠬᠦᠷᠲᠡᠬᠦ᠌ ᠪᠤᠯᠪᠠ᠃ ᠡᠬᠦᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠤᠳᠠᠭᠠ ᠪᠦᠷᠢᠶᠢᠨ ᠲᠤᠭᠯᠠᠯᠳᠠᠳᠤ ᠦᠪᠡᠷᠦᠨ ᠬᠢᠷᠢ ᠪᠦᠳᠦᠮᠵᠢ ᠪᠠᠨ ᠪᠤᠰᠤᠳᠴᠢ ᠪᠠᠷ ᠮᠠᠭᠠᠳᠯᠠᠵᠤ ᠴᠢᠳᠠᠬᠤ ᠪᠤᠯᠵᠠᠢ᠃ 2015 ᠤᠨᠠᠴᠠ ᠡᠬᠢᠯᠡᠭᠡᠳ ᠲᠡᠷᠡ ᠪᠠᠷ ᠴᠤᠭᠤᠷ ᠰᠤᠷᠴᠤ᠌ ᠡᠬᠢᠯᠡᠪᠡ᠃ 2016 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠬᠤᠷᠴᠢᠨ ᠬᠤᠨᠳᠠᠭᠠᠳᠤ》 ᠲᠠᠭᠤᠷᠢᠯᠢᠭᠤᠨ ᠤᠷᠤᠯᠳᠤᠭᠠᠨᠳᠤ ᠦᠯᠢᠭᠡᠷ ᠲᠤᠤᠯᠢᠶᠢᠨ ᠤᠷᠤᠯᠳᠤᠭᠠᠨᠤ ᠲᠤᠭᠤᠶ᠋ᠢᠯᠠᠩᠤᠨ ᠨᠢᠭᠡᠳᠦᠭᠡᠷ ᠲᠠᠰ᠂ 2017 ᠤᠨᠳᠤ ᠪᠦᠬᠦ᠌ ᠤᠷᠤᠨᠤ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠦᠯᠢᠭᠡᠷᠦᠨ ᠤᠷᠤᠯᠳᠤᠭᠠᠨᠤ ᠬᠤᠶᠠᠳᠤᠭᠠᠷ ᠲᠠᠰ᠂ 2018 ᠤᠨᠤ ᠪᠦᠬᠦ᠌ ᠤᠷᠤᠨᠤ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ᠂ ᠤᠪᠤᠭᠠᠨ ᠲᠡᠭᠡᠷᠡᠬᠢ ᠠᠭᠤᠯᠵᠠᠯᠳᠠ》ᠬᠤᠷᠴᠢᠨ ᠠᠷᠠᠳᠤᠨ ᠲᠠᠭᠤᠤᠶᠢᠨ ᠤᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ ᠲᠠᠰ᠂ 2023 ᠤᠨᠳᠤ ᠬᠢᠩᠭᠠᠨ ᠠᠶ᠋ᠢᠮᠠᠭᠤᠨ 《ᠵᠠᠰᠠᠭ ᠬᠤᠨᠳᠠᠭᠠᠳᠤ》ᠦᠯᠢᠭᠡᠷᠳᠦ ᠠᠷᠠᠳᠤᠨ ᠲᠠᠭᠤᠤᠶᠢᠨ ᠤᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ ᠲᠠᠰ᠂ 2024 ᠤᠨᠤ 5 ᠰᠠᠷᠠᠳᠤ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠤᠶᠤᠳᠠᠢ ᠬᠤᠨᠳᠠᠭᠠᠳᠤ》 ᠬᠤᠷᠴᠢᠨ ᠠᠷᠠᠳᠤᠨ ᠲᠠᠭᠤᠤᠶᠢᠨ ᠤᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ ᠲᠠᠰ᠂ 6 ᠰᠠᠷᠠᠳᠤᠨᠢ 32 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠱᠤᠩᠬᠤᠷᠤᠨ ᠴᠤᠭᠯᠠᠭᠠᠨ》 ᠤ᠋ ᠦᠯᠢᠭᠡᠷᠦᠨ ᠤᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ ᠲᠠᠰ᠂ 2025 ᠤᠨᠳᠤ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷᠤᠨ ᠤᠷᠤᠯᠳᠤᠭᠠᠨᠤ ᠬᠤᠶᠠᠳᠤᠭᠠᠷ ᠲᠠᠰ᠂ ᠲᠤᠰ ᠤᠨᠤ 33 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠱᠤᠩᠬᠤᠷᠤᠨ ᠴᠤᠭᠯᠠᠭᠠᠨ》 ᠤ᠋ ᠪᠦᠬᠦ᠌ ᠤᠷᠤᠨᠤ ᠬᠤᠯᠪᠤᠭᠠᠶᠢᠨ ᠤᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ ᠲᠠᠰᠤᠨ ᠱᠠᠩᠨᠠᠯ ᠲᠤᠰᠪᠠ᠃ 2017 ᠤᠨᠳᠤ 《ᠬᠤᠷᠴᠢᠨ ᠲᠤᠤᠯᠢ》 ᠵᠢᠨ ᠬᠤᠳᠠᠶᠢᠨ ᠲᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠲᠦᠯᠦᠭᠡᠯᠡᠬᠦ᠌ ᠴᠢᠨᠠᠷᠳᠠᠢ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠨᠡᠷᠡᠶ᠋ᠢᠳᠦᠭᠳᠡᠪᠡ᠃
ᠵᠢᠨ ᠭᠠᠩᠤᠨ ᠰᠢᠯᠢᠳᠡᠭ ᠬᠢᠷᠢ ᠪᠦᠳᠦᠮᠵᠢ ᠨᠢ ᠠᠭᠠᠵᠢᠮᠢᠶᠠᠷ ᠨᠡᠶ᠋ᠢᠭᠡᠮ ᠨᠡᠶ᠋ᠢᠲᠡᠳᠦ ᠮᠡᠳᠡᠷᠡᠭᠳᠡᠵᠦ᠍᠂ ᠲᠤᠮᠤ ᠬᠡᠪᠴᠢᠶᠡᠨᠦ ᠨᠠᠶ᠋ᠢᠷᠤᠨ ᠤᠷᠢᠯᠭᠠᠶᠢ ᠬᠦᠯᠢᠶᠡᠭᠰᠡᠨ ᠪᠤᠶᠤ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠰᠤᠷᠤᠭᠴᠢᠳ ᠲᠦ᠍ ᠤᠯᠠᠨ ᠤᠳᠠᠭᠠᠨᠤ ᠮᠡᠷᠭᠡᠵᠢᠯᠦᠨ ᠬᠢᠴᠢᠶᠡᠯ ᠤᠷᠤᠵᠤ ᠮᠡᠳᠡᠯᠭᠡ ᠮᠡᠷᠭᠡᠵᠢᠯᠢᠶᠡᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠭᠰᠠᠠ ᠶᠤᠮ᠃ 2016 ᠤᠨᠳᠤ 《ᠲᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤ ᠬᠦᠭᠵᠢᠮᠦᠨ ᠨᠡᠢᠬᠡᠮᠯᠢᠭᠦᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠤᠨᠤ ᠬᠤᠷᠠᠯᠤᠨ ᠲᠡᠯᠭᠡᠨ ᠦᠵᠡᠬᠦᠯᠭᠡ》 ᠳ᠋ᠤ ᠤᠷᠢᠭᠳᠠᠨ ᠤᠷᠤᠯᠴᠠᠪᠠ；2019 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠮᠤᠷᠢᠨ ᠬᠤᠭᠤᠷᠤᠨ ᠤᠷᠠᠯᠢᠭᠤᠨ ᠨᠠᠶ᠋ᠢᠷᠤᠨ ᠲᠡᠬᠦᠰᠬᠦ᠌ ᠶᠤᠰᠤᠯᠠᠯ ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠵᠠᠢ； 2023 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠤᠷᠠᠯᠢᠭ ᠤᠨ ᠵᠦᠴᠦᠭᠡᠶᠢᠨ ᠪᠦᠯᠬᠦᠮᠳᠤ ᠬᠢᠴᠢᠶᠡᠯᠯᠡᠵᠤ᠂ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ 《ᠬᠤᠷᠴᠢᠨ ᠴᠤᠭᠤᠷ》 ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠳᠤ ᠬᠢᠴᠢᠶᠡᠯᠯᠡᠪᠡ； 2024 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠤᠷᠠᠯᠢᠭᠤᠨ ᠵᠦᠴᠦᠭᠡᠶᠢᠨ ᠪᠦᠯᠬᠦᠮᠳᠦ ᠤᠷᠢᠭᠳᠠᠵᠤ ᠬᠢᠴᠢᠶᠡᠯᠯᠡᠵᠠᠢ᠃ 2025 ᠤᠨ ᠳ᠋ᠤ ᠦᠪᠦᠷ ᠮᠤᠩᠭᠤᠯᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪᠦᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯᠳᠤ ᠤᠷᠢᠭᠳᠠᠨ ᠦᠪᠦᠷ ᠮᠤᠩᠭᠤᠯᠤᠨ ᠤᠷᠠᠯᠢᠭᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠴᠤᠭᠤᠷ ᠲᠤᠤᠯᠢᠶᠢᠨ ᠲᠤᠬᠠᠢ ᠲᠠᠶ᠋ᠢᠯᠤᠨ ᠳᠤᠭᠯᠠᠯᠳᠠ ᠬᠢᠪᠡ᠃
ᠲᠡᠬᠦᠨᠦ ᠤᠷᠠᠯᠢᠭᠤᠨ ᠤᠯᠠ ᠮᠦᠷ ᠨᠢ ᠪᠦᠬᠦ᠌ ᠤᠷᠤᠨᠳᠤ ᠦᠨᠴᠦᠭ ᠪᠤᠯᠤᠩ ᠦᠬᠡᠢ ᠲᠠᠷᠬᠠᠭᠰᠠᠨᠢᠶᠠᠷ ᠦᠯᠦ᠍ ᠪᠠᠷᠠᠨ ᠭᠠᠳᠠᠭᠠᠳᠤᠶᠢᠨ ᠦᠵᠡᠭᠴᠢᠳᠦᠨ ᠰᠤᠨᠢᠷᠬᠠᠯ ᠲᠠᠭᠠᠰᠢᠶᠠᠯᠢ ᠤᠯᠵᠤ ᠶᠠᠪᠤᠭᠰᠠᠨ ᠨᠢ ᠲᠡᠬᠦᠨᠢ ᠨᠡᠩ ᠢᠯᠡᠬᠦᠦ ᠵᠤᠷᠢᠭᠵᠢᠭᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ 2019 ᠤᠨᠳᠤ ᠵᠡᠬᠦᠨ ᠡᠸᠦ᠋ᠷᠦᠫᠡᠶᠢᠨ ᠪᠤᠯᠭᠠᠷᠢᠶᠠ᠂ ᠰᠸᠷᠪᠢᠶᠠ ᠵᠡᠷᠭᠡ ᠤᠯᠤᠰᠤᠨ ᠲᠤᠭᠤᠷᠢᠨ ᠲᠤᠭᠯᠠᠯᠳᠠᠳᠤ ᠤᠷᠤᠯᠴᠠᠵᠤ᠂ ᠲᠤᠮᠳᠠᠳᠤ ᠤᠯᠤᠰ — ᠲᠤᠮᠳᠠᠳᠤ ᠲᠤᠷᠤᠨᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠤᠯᠤᠰᠤᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠵᠢᠭᠦᠨ ᠵᠤᠰᠠᠯᠠᠩᠤᠨ ᠵᠢᠭᠠᠨ ᠰᠤᠷᠭᠠᠭᠴᠢ ᠪᠠᠷ ᠤᠷᠢᠭᠳᠠᠨ ᠤᠷᠤᠯᠴᠠᠪᠠ᠃
ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪ ᠨᠢ ᠠᠯᠢ ᠨᠢᠭᠡᠨ ᠤᠯᠤᠰ ᠦᠨᠳᠦᠰᠦᠳᠡᠨᠳᠦ ᠠᠪᠴᠤ᠌ ᠬᠡᠯᠡᠭᠰᠡᠨ ᠴᠤ᠌ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ ᠴᠢᠬᠤᠯᠠ ᠲᠠᠢ ᠰᠤᠶᠤᠯᠤᠨ ᠦᠨᠡᠳᠦ ᠥᠪ ᠬᠦᠷᠦᠩᠭᠡ ᠪᠤᠯᠬᠤ ᠶᠤᠮ᠃ ᠠᠳᠠᠯᠢ ᠪᠤᠰᠤ ᠲᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪᠦᠨ ᠲᠦᠷᠦᠯ ᠵᠦᠢᠯ ᠪᠤᠯᠤᠭᠰᠠᠨ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ᠂ ᠠᠷᠠᠳᠤᠨ ᠲᠠᠭᠤᠤ᠂ ᠴᠤᠭᠤᠷ᠂ ᠲᠤᠤᠯᠢ ᠨᠢ ᠦᠪᠡᠷᠮᠢᠴᠠ ᠤᠨᠴᠠᠯᠢᠭᠢᠶᠠᠷᠢᠶᠠᠨ ᠬᠤᠷᠴᠢᠨ ᠨᠤᠳᠤᠭᠤᠨ ᠤᠷᠠᠯᠢᠭᠤᠨ ᠲᠡᠭᠷᠢᠳᠦ ᠬᠢᠯᠠᠯᠵᠠᠨ ᠭᠡᠷᠡᠯᠳᠦᠵᠦ᠍ ᠪᠠᠶ᠋ᠢᠳᠠᠭ᠃ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠥᠪᠢ ᠬᠠᠮᠠᠭᠠᠯᠠᠨ ᠦᠯᠡᠳᠡᠭᠡᠬᠦ᠌ ᠠᠵᠢᠯ ᠨᠢ ᠰᠤᠶᠤᠯᠤᠨ ᠡᠳᠡᠭᠡᠳᠦᠨ ᠬᠢᠨ ᠲᠡᠳᠦᠢ ᠪᠢᠰᠢ᠂ ᠪᠦᠬᠦ᠌ ᠨᠡᠶ᠋ᠢᠭᠡᠮᠵᠢᠡᠷ ᠬᠠᠯᠠᠮᠵᠢᠯᠠᠵᠤ ᠬᠦᠨᠳᠤᠳᠬᠡᠵᠤ ᠶᠠᠪᠤᠬᠤ ᠵᠢ ᠱᠠᠭᠠᠷᠳᠠᠳᠠᠭ᠃ 2020 — 2021 ᠤᠨᠤ ᠬᠤᠭᠤᠴᠠᠭᠠᠨᠳᠤ ᠵᠢᠨ ᠭᠠᠩ ᠨᠡᠶ᠋ᠢᠲᠡ 500 ᠴᠠᠭᠤᠨ ᠬᠤᠷᠴᠢᠨ ᠲᠤᠤᠯᠢ ᠵᠢ ᠰᠢᠩᠭᠡᠭᠡᠨ ᠦᠢᠯᠡᠳᠴᠤ᠂ 2024 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠲᠸᠯᠸᠢᠰ ᠬᠤᠷᠢᠶᠠᠶᠢᠨ ᠤᠷᠢᠯᠭᠠ ᠪᠠᠷ 100 ᠴᠠᠭ ᠤᠨ ᠬᠤᠷᠴᠢᠨ ᠲᠤᠤᠯᠢ ᠶᠢ ᠰᠢᠩᠭᠡᠭᠡᠨ ᠦᠢᠯᠡᠳᠦᠭᠰᠡᠨ ᠶᠤᠮ᠃
ᠲᠠᠷᠢᠶᠠᠨ ᠠᠷᠴᠢᠭᠤᠷᠢᠶᠠᠨ ᠬᠠᠶᠠᠵᠤ ᠤᠷᠠᠯᠢᠭᠴᠢᠨᠤ ᠵᠠᠮᠢ ᠡᠯᠭᠦᠭᠰᠡᠨ ᠲᠡᠷᠡ ᠪᠠᠷ 《ᠳᠤᠷᠠᠳᠤ ᠰᠢᠷᠠ ᠦᠭᠡᠢ》 ᠵᠢᠨ ᠶᠤᠰᠤ ᠪᠠᠷ ᠤᠷᠠᠯᠢᠭᠤᠨ ᠪᠤᠯᠪᠠᠰᠤᠷᠠᠯᠢᠶᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠴᠢᠩᠭᠠᠳᠬᠠᠵᠤ᠂ ᠪᠤᠰᠤᠳᠠᠴᠠ ᠲᠠᠷᠤᠤ ᠬᠢᠴᠢᠶᠡᠩᠬᠦᠢ ᠪᠠᠷ ᠰᠤᠷᠤᠯᠴᠠᠨ᠂ ᠲᠤᠭᠯᠠᠯᠳᠠᠶᠢᠨ ᠢᠯᠡᠷᠡᠬᠦᠯᠬᠦ᠌ ᠠᠷᠭᠠ ᠬᠡᠯᠪᠡᠷᠢᠶᠢ ᠤᠶ᠋ᠢᠭᠠ ᠦᠭᠡᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠵᠦ᠍᠂ ᠥᠩ ᠵᠤᠵᠠᠭᠠᠨ ᠬᠤᠷᠴᠢᠨ ᠨᠤᠳᠤᠭᠤᠨ ᠤᠷᠠᠯᠢᠭᠤᠨ ᠬᠦᠷᠦᠰᠦ ᠰᠢᠷᠤᠢᠠᠴᠠ ᠰᠢᠮᠡ ᠲᠡᠵᠢᠭᠡᠯ ᠠᠪᠴᠤ᠌ ᠪᠠᠶ᠋ᠢᠳᠠᠭ᠃ ᠵᠢᠨ ᠭᠠᠩᠤᠨ ᠴᠤᠭᠤᠷ ᠴᠤᠭᠤᠷᠳᠠᠬᠤ᠂ ᠬᠤᠷᠴᠢᠨ ᠳᠤᠤᠯᠢ ᠬᠠᠢᠯᠠᠬᠤ ᠨᠢ ᠨᠤᠳᠤᠭᠤᠨ ᠦᠨᠦᠷ ᠠᠮᠲᠠ ᠪᠠᠷ ᠥᠳᠭᠡᠨ᠂ ᠬᠡᠪ ᠨᠠᠮᠪᠠ ᠦᠪᠡᠷᠮᠢᠴᠡ᠂ ᠬᠡᠯᠡ ᠬᠡᠯᠡᠯᠬᠡ ᠰᠤᠳᠤᠨ ᠭᠠᠶ᠋ᠢᠬᠠᠯᠳᠠᠢ᠂ ᠴᠤᠭᠳᠠᠢ ᠵᠢᠪᠬᠤᠭᠠᠯᠢᠭ ᠪᠠᠢᠳᠠᠭ ᠵᠢᠡᠷ ᠵᠢᠠᠨ ᠤᠷᠠᠯᠢᠭᠤᠨ ᠲᠠᠶ᠋ᠢᠰᠠᠨᠤ 《ᠡᠵᠡᠷᠭᠡᠭᠴᠢ》 ᠪᠤᠯᠵᠤ᠂ ᠦᠵᠡᠭᠴᠢ ᠤᠯᠠᠨᠳᠤ ᠪᠠᠬᠠᠷᠬᠠᠭᠳᠠᠵᠤ ᠶᠠᠪᠤᠨᠠ᠃