ᠠᠯᠠᠭ᠎ᠠ᠎ᠶ᠋ᠢᠨ ᠴᠢᠨᠡᠬᠡᠨ ᠤᠰᠤᠨ᠎ᠳᠤᠨᠢ ᠰᠠᠷᠠᠨ ᠪᠠᠭ᠍ᠲᠠᠵᠤ ᠬᠤᠨᠤᠲᠠᠭ

ᠲᠠᠤᠯᠠᠢ᠎ᠶ᠋ᠢᠨ ᠬᠡᠪᠲᠡᠷᠢ ᠱᠢᠭ ᠬᠤᠩᠬᠤᠷ᠎ᠲᠤᠨᠢ ᠲᠡᠭ᠌ᠷᠢ ᠤᠲᠤᠳ᠎ᠲᠠᠢ᠎ᠪᠠᠨ ᠬᠡᠪᠢᠳᠡᠭ

ᠲᠠᠩᠬᠢᠯᠬᠠᠨ ᠴᠢᠯᠦᠭᠡ᠎ᠲᠠᠢ ᠠᠮᠢᠲᠤᠷᠠᠯ ᠨᠤᠲᠤᠭ᠎ᠲᠤ ᠮᠢᠨᠢ ᠪᠠᠢᠲᠠᠭ

ᠲᠠᠭ᠍ᠱᠢᠨ ᠢᠷᠠᠭᠤ ᠬᠡᠯᠡ᠎ᠶ᠋ᠢ ᠠᠲᠡ᠎ᠠᠴᠠ ᠡᠬᠢᠯᠡᠨ ᠡᠵᠡᠮᠱᠢᠲᠡᠭ

ᠪᠦᠯᠢᠶᠡᠨ ᠰᠠᠯᠬᠢᠨ᠎ᠤ ᠬᠦᠯ᠎ᠳᠤ ᠮᠤᠲᠤᠳ ᠴᠡᠯ ᠨᠤᠭᠤᠭᠠᠷᠠᠬᠤ᠎ᠳᠤ

ᠪᠤᠢᠲᠠᠭ᠍ᠯᠠᠭ᠍ᠰᠠᠨ ᠰᠠᠯᠠᠭᠠᠨ ᠲᠡᠭᠡᠷ᠎ᠡ ᠬᠦᠬᠦᠬᠡ ᠲᠤᠩᠭᠤᠲᠤᠨ ᠤᠷᠢᠨ᠎ᠢ ᠦᠴᠢᠨ᠎ᠡ

ᠪᠤᠲᠠᠨ᠎ᠤ ᠠᠮᠢᠲᠠᠳ ᠨᠤᠢᠷ᠎ᠠᠴᠠ᠎ᠪᠠᠨ ᠰᠡᠷᠡᠵᠤ ᠪᠤᠵᠢᠬᠢᠨᠠᠬᠤ᠎ᠳᠤ

ᠪᠤᠭᠤᠷᠤᠯ ᠽᠠᠮᠪᠤᠯᠢᠩ᠎ᠤᠨ ᠵᠢᠮ᠎ᠠ᠎ᠪᠠᠷ ᠬᠠᠪᠤᠷ ᠵᠢᠷᠭᠠᠯᠲᠠᠢ ᠢᠷᠡᠨ᠎ᠡ

ᠬᠦᠬᠡᠮᠲᠤᠭ᠌ ᠴᠡᠯᠡᠯᠵᠡᠭ᠌ᠰᠡᠨ ᠲᠠᠯ᠎ᠠ᠎ᠶ᠋ᠢᠨ ᠬᠠᠶᠠᠭᠠᠨ᠎ᠠᠴᠠ

ᠬᠦᠯᠦᠭ᠎ᠤᠨ ᠲᠦᠪᠡᠷᠬᠡᠨ ᠬᠡᠬᠡᠨ ᠦᠷ᠎ᠢ ᠲᠠᠭᠤᠲᠠᠬᠤ᠎ᠳᠤ

ᠴᠡᠬᠡᠵᠢ ᠲᠡᠨᠢᠢᠭ᠌ᠰᠡᠨ ᠶᠡᠭᠡ ᠭᠤᠪᠢ᠎ᠶ᠋ᠢᠨ ᠡᠯᠢᠬᠡᠨ᠎ᠠᠴᠠ

ᠴᠤᠯᠮᠤᠨ ᠬᠠᠶᠠᠭᠠᠷᠠᠨ ᠱᠢᠪᠠᠭᠤᠳ᠎ᠤᠨ ᠲᠠᠭᠤ ᠴᠡᠩᠬᠢᠨᠡᠵᠤ ᠬᠠᠪᠤᠷ ᠢᠷᠡᠨ᠎ᠡ

ᠬᠠᠢᠯ᠎ᠤᠨ ᠦᠨᠦᠷ ᠴᠠᠰᠤ᠎ᠶ᠋ᠢ ᠤᠶᠠᠰᠭᠠᠨ ᠵᠦᠬᠡᠯᠡᠯᠡᠬᠦ᠌᠎ᠳᠤ

ᠬᠠᠷᠠᠴᠠᠨ᠎ᠤ ᠲᠤᠩᠭᠠᠯᠠᠭ᠎ᠲᠤ ᠰᠡᠳᠭᠢᠯ ᠠᠷᠢᠭᠤᠰᠤᠨ ᠡᠵᠢ ᠮᠢᠨᠢ ᠰᠠᠨᠠᠭ᠍ᠲᠠᠨ᠎ᠠ

ᠬᠠᠮᠢᠭ᠎ᠠ ᠬᠤᠯᠠ᠎ᠠᠴᠠ ᠠᠷᠭᠠᠯ᠎ᠤᠨ ᠤᠲᠤᠭ᠎ᠠ ᠴᠡᠩᠬᠡᠷᠯᠡᠨ

ᠬᠠᠷᠠᠭᠠᠨ᠎ᠤ ᠦᠵᠦᠬᠦᠷ᠎ᠲᠤ ᠨᠠᠷᠠᠨ ᠤᠷᠭᠤᠵᠤ ᠨᠤᠲᠤᠭ ᠰᠠᠷᠠᠭᠤᠯᠵᠢᠨ᠎ᠠ