ᠠᠷᠤ ᠬᠠᠱᠢᠶᠠᠳᠤ᠎ᠶ᠋ᠢᠨ ᠨᠤᠳᠤᠭ ᠨᠢᠭᠡᠯᠠ ᠲᠤᠯᠠᠭᠠᠷᠠᠭᠠᠳ —

ᠬᠠᠢᠯ᠎ᠤᠨ ᠤᠰᠤᠨ ᠰᠤᠵᠠᠭ ᠲᠠᠭᠠᠵᠤ ᠮᠠᠯᠮᠠᠷᠡᠭᠡᠳ

ᠬᠠᠭ᠍ᠳᠠ᠎ᠶ᠋ᠢᠨ ᠲᠤᠤᠷ᠎ᠠ᠎ᠠᠴᠠ ᠨᠢᠯᠬ᠎ᠠ ᠨᠤᠭᠤᠭ᠎ᠠ ᠲᠤᠶᠠᠯᠵᠠᠭᠠᠳ

ᠠᠢ ᠬᠦᠭᠡᠷᠦᠬᠦᠢ ᠨᠤᠳᠤᠭ᠎ᠲᠤ ᠮᠢᠨᠢ ᠬᠠᠪᠤᠷ ᠰᠠᠭᠠᠳᠠᠭ᠎ᠠ᠎ᠨᠢ ᠡᠨᠠ ᠤᠤ

ᠡᠩᠭᠡᠷ ᠱᠢᠯᠢ᠎ᠶ᠋ᠢᠨ ᠬᠦᠳᠡᠭᠡ ᠡᠩ᠎ᠳᠡᠭᠡᠨ ᠤᠶᠠᠰᠤᠭᠠᠳ —

ᠨᠤᠮᠢᠨ ᠬᠦᠭᠡ ᠲᠡᠭ᠌ᠷᠢ᠎ᠪᠠᠷ ᠭᠠᠯᠠᠭᠤᠳ᠎ᠤᠨ ᠴᠤᠪᠤᠭ᠎ᠠ ᠵᠠᠯᠡᠯᠠᠭᠡᠳ

ᠨᠦᠢᠷᠮᠤᠭ ᠤᠨᠳᠠᠭ᠍ᠰᠠᠨ ᠨᠠᠭᠤᠷ᠎ᠢ ᠨᠠᠮᠬᠠᠨ ᠵᠠᠬᠦᠳᠤ᠎ᠠᠴᠠ᠎ᠨᠢ ᠲᠠᠭᠤᠳᠠᠭ᠎ᠠ ᠤᠤ

ᠨᠤᠭᠤ ᠲᠦᠬᠦᠮ᠎ᠳᠤ ᠪᠡᠯᠴᠢᠭ᠌ᠰᠡᠨ ᠰᠦᠷᠦᠭ᠎ᠤᠨ ᠨᠢᠷᠤᠭᠤ ᠲᠠᠨᠢᠢᠭᠡᠳ

ᠨᠠᠷᠠᠨ᠎ᠤ ᠲᠤᠯᠠᠭᠠᠨ ᠢᠯᠴᠢ ᠨᠤᠳᠤᠭ᠎ᠲᠤ ᠡᠭᠡᠯᠢᠱᠢᠭᠡ᠎ᠨᠢ ᠡᠨᠠ

ᠵᠤᠵᠠᠭᠠᠨ ᠬᠤᠪᠴᠠᠰᠤ ᠠᠬᠠᠳᠠᠬᠤ᠎ᠨᠢ ᠡ ᠭᠡᠵᠤ ᠡᠪᠦᠭᠡᠳ ᠶᠠᠷᠢᠨ᠎ᠠ

ᠴᠠᠭ ᠭᠡᠵᠤ ᠬᠠᠱᠢᠯᠠ ᠤᠨᠳᠤᠤ ᠭᠡᠵᠤ ᠡᠮᠡᠭᠡᠳ ᠨᠦᠬᠦᠨ᠎ᠠ

ᠵᠢᠷᠠᠨ ᠵᠢᠯ᠎ᠤᠨ ᠡᠮᠤᠨ᠎ᠡ ᠨᠠᠰᠤ ᠮᠢᠨᠢ ᠶᠠᠮᠠᠷᠬᠠᠨ ᠪᠠᠢᠯ᠎ᠠ ᠭᠡᠵᠤ

ᠲᠠᠪᠠᠭ᠎ᠠ ᠦᠭ᠌ᠰᠦᠬᠦ᠌ ᠪᠢ ᠦᠩᠭᠡᠷᠡᠭᠰᠡᠨ ᠵᠢᠡᠨ ᠡᠷᠬᠢᠴᠠᠬᠦᠯᠵᠤ ᠰᠠᠭᠤᠨ᠎ᠠ

ᠠᠭᠤᠳᠠᠮ ᠲᠠᠯ᠎ᠠ᠎ᠶ᠋ᠢᠨ ᠦᠷᠦᠴᠠᠨ᠎ᠳᠤ ᠬᠠᠪᠤᠷ᠎ᠤᠨ ᠵᠡᠷᠭᠡᠯᠭᠡᠨ ᠪᠦᠵᠢᠭᠡᠳ

ᠢᠱᠢᠭᠡ ᠬᠤᠷᠠᠭᠠᠳ᠎ᠤᠨ ᠮᠠᠢᠯᠠᠭ᠎ᠠ ᠰᠡᠳᠭᠢᠯ ᠪᠠᠶᠠᠰᠭᠠᠨ ᠬᠦᠭ᠌ᠵᠢᠮᠯᠠᠨ᠎ᠠ

ᠡᠪᠤᠯ᠎ᠤᠨ ᠬᠦᠯᠳᠡᠬᠦᠦ ᠠᠳᠠᠷ᠎ᠲᠤ ᠠᠮᠢᠯᠠᠯ᠎ᠤᠨ ᠬᠦᠴᠦ᠍ ᠲᠦᠯᠵᠢᠭᠡᠳ

ᠠᠭᠤᠳᠠᠮᠬᠠᠨ ᠬᠦᠭᠡ ᠲᠡᠭ᠌ᠷᠢ᠎ᠠᠴᠠ ᠷᠠᠱᠢᠶᠠᠨ ᠬᠤᠷ᠎ᠠ ᠱᠢᠪᠠᠷᠠᠨ᠎ᠠ

ᠬᠦᠭ᠌ᠵᠢᠬᠦ᠌ ᠬᠠᠪᠤᠷ  ᠰᠠᠢᠬᠠᠨ ᠡ ᠭᠡᠵᠤ ᠲᠤᠮᠤᠭᠠᠳᠡᠳ ᠬᠠᠭᠤᠴᠢᠯᠠᠨ᠎ᠠ

ᠬᠦᠭᠡ ᠠᠭᠤᠯᠠᠰ᠎ᠤᠨ ᠬᠤᠷᠮᠤᠢ ᠡᠮᠵᠢᠨ ᠭᠤᠷᠤᠬ᠎ᠠ ᠲᠠᠭᠤᠯᠠᠨ᠎ᠠ