— ᠣ·ᠠᠯᠲᠠᠩᠭᠤᠸᠠᠶ᠋ᠢᠨ 《ᠵᠢᠷᠭᠠᠯ ᠠᠪᠤ》 ᠦᠭᠦᠯᠡᠯᠭᠡᠶ᠋ᠢᠨ ᠲᠣᠬᠠᠢ
《ᠵᠢᠷᠭᠠᠯ ᠠᠪᠤ》 ᠦᠭᠦᠯᠡᠯᠭᠡ ᠪᠤᠯ 《ᠥᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ 2022 ᠤᠨᠤ 6 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠳᠤ ᠨᠡᠢᠲᠡᠯᠡᠭᠰᠡᠨ ᠪᠣᠭᠤᠨᠢ ᠦᠭᠦᠯᠡᠯᠭᠡ᠃ ᠤᠷᠠᠨ ᠵᠣᠬᠢᠶᠠᠯ ᠪᠣᠯ ᠨᠡᠢᠭᠡᠮᠤᠨ ᠳᠤᠰᠭᠠᠯ ᠮᠦᠨ᠃ ᠤᠷᠠᠨ ᠵᠣᠬᠢᠶᠠᠯᠨᠢ ᠲᠤᠬᠠᠢᠶ᠋ᠢᠨ ᠴᠠᠭ ᠦᠶᠡᠶ᠋ᠢᠨᠢᠶᠠᠨ ᠨᠡᠢᠭᠡᠮᠤᠨ ᠠᠮᠢᠳᠤᠷᠠᠯᠢ ᠶᠠᠭ 《ᠦᠨᠡᠨ ᠵᠦᠪ》 ᠳᠤᠰᠭᠠᠬᠤ ᠦᠭᠡᠢ ᠴᠦ᠍ ᠤᠷᠠᠨ ᠰᠠᠢᠬᠠᠨᠤ ᠠᠷᠭᠠᠪᠠᠷ᠂ ᠰᠤᠩᠭᠤᠯᠲᠠᠲᠠᠢᠪᠠᠷ᠂ ᠠᠭ᠍ᠰᠢᠭᠠᠮᠠᠯ᠂ ᠲᠣᠳᠣ ᠲᠣᠮᠤᠷᠠᠭᠤᠨ᠂ ᠨᠡᠩ ᠠᠮᠢᠳᠤᠯᠢᠭ ᠢᠯᠡᠷᠡᠭᠦᠯᠳᠡᠭᠢ ᠪᠢᠳᠡ ᠮᠡᠳᠡᠨᠡ᠃ ᠪᠣᠭᠤᠨᠢ ᠦᠭᠦᠯᠡᠯᠭᠡᠳᠤ ᠪᠣᠯ ᠣᠯᠠᠨ ᠲᠠᠯᠠᠪᠤᠷ᠂ ᠣᠯᠠᠨ ᠤᠢᠯᠡ ᠬᠡᠷᠡᠭ᠂ ᠣᠯᠠᠨ ᠳᠦᠷᠢᠶ᠋ᠢ ᠪᠦᠲᠦᠭᠡᠬᠦ᠌ ᠪᠣᠯᠤᠮᠵᠢ ᠦᠭᠡᠢ ᠶᠤᠮ᠃ ᠭᠡᠲᠡᠯᠡ ᠵᠣᠬᠢᠶᠠᠯᠴᠢ ᠣ·ᠠᠯᠲᠠᠩᠭᠤᠸᠠ 《ᠬᠦᠳᠡᠭᠡ》 ᠬᠡᠮᠡᠬᠦ᠌ ᠲᠠᠯᠠᠪᠤᠷᠲᠠᠭᠠᠨ ᠵᠢᠵᠢᠭ ᠰᠠᠵᠢᠭ ᠪᠣᠯᠪᠠᠴᠦ᠍ ᠣᠯᠠᠨ ᠤᠢᠯᠡ ᠬᠡᠷᠡᠭ᠂ ᠤᠯᠠᠨ ᠳᠦᠷᠢᠶ᠋ᠢ ᠪᠦᠲᠦᠭᠡᠨ ᠴᠢᠳᠠᠪᠠ᠃ ᠢᠯᠠᠩᠭᠤᠶᠠ ᠵᠣᠬᠢᠶᠠᠯᠤᠨ ᠭᠤᠣᠯ ᠳᠦᠷᠢ ᠪᠣᠯᠬᠤ 《ᠵᠢᠷᠭᠠᠯ ᠠᠪᠤ》 ᠶ᠋ᠢᠨ ᠳᠦᠷᠢᠶ᠋ᠢ ᠨᠢᠳᠦᠨᠳᠤ ᠬᠠᠷᠠᠭ᠍ᠳᠠᠨ ᠰᠡᠳᠭᠢᠯᠳᠤ ᠬᠤᠨᠤᠭ᠍ᠰᠢᠲᠠᠯᠠ ᠳᠤᠷᠠᠢᠯᠭᠠᠨ ᠠᠮᠢᠯᠠᠭᠤᠯᠪᠠ᠃
ᠵᠣᠬᠢᠶᠠᠯᠳᠤ ᠦᠷᠨᠢᠬᠦ᠌ ᠦᠢᠯᠡᠶ᠋ᠢᠨ ᠡᠭᠦᠰᠦᠭ᠌ᠰᠡᠨ ᠴᠠᠭ᠄ ᠲᠡᠰᠭᠢᠮᠡ ᠬᠦᠢᠲᠡᠨ ᠠᠭᠠᠷᠨᠢ ᠬᠠᠴᠡᠷᠢ ᠬᠠᠭᠠᠷᠢᠵᠦ᠍᠂ ᠪᠣᠳᠤᠯᠳᠤ ᠶᠠᠭᠤ ᠨᠢᠭᠡᠶ᠋ᠢ ᠮᠡᠳᠡᠷᠡᠭᠦᠯᠵᠦ᠍ ᠪᠠᠢᠳᠠᠭ ᠮᠦᠰᠦᠲᠦ ᠤᠯᠠᠷᠢᠯ ᠪᠣᠯᠬᠤ — ᠡᠪᠦᠯᠤᠨ ᠴᠠᠭ᠃
ᠤᠢᠯᠡ ᠶᠠᠪᠤᠳᠠᠯᠤᠨ ᠪᠣᠢ ᠪᠣᠯᠤᠭ᠍ᠰᠠᠨ ᠱᠢᠯᠲᠠᠭᠠᠨ᠂ ᠣᠷᠴᠢᠨ ᠠᠬᠤᠢ᠄ ᠬᠦᠢᠲᠡᠨ ᠡᠪᠦᠯᠤᠨ ᠴᠠᠰᠤ ᠵᠤᠳᠢ ᠰᠦᠷᠦᠨ ᠵᠢᠷᠤᠭ ᠠᠪᠤᠯᠲᠠᠶ᠋ᠢᠨ ᠠᠵᠢᠯᠢᠶᠠᠷ ᠳᠦᠷᠪᠡᠨ ᠨᠦᠬᠦᠳᠤᠨ ᠬᠠᠮᠲᠦ ᠬᠥᠳᠡᠭᠡ ᠠᠢᠯᠳᠤ ᠰᠣᠷᠪᠤᠯᠵᠢᠯᠠᠬᠤᠪᠠᠷ ᠬᠦᠷᠦᠭᠡᠳ ᠁ ᠬᠠᠮᠢᠭᠠᠰᠢᠪᠠᠨ ᠴᠦ᠍ ᠶᠠᠪᠤᠵᠦ᠍ ᠳᠡᠢᠯᠬᠦ᠌ ᠦᠭᠡᠢ᠂ ᠬᠤᠷᠢ ᠬᠤᠨᠤᠭ ᠪᠣᠯᠤᠭ᠍ᠰᠠᠨ — ᠬᠦᠳᠡᠭᠡ᠃
ᠵᠣᠬᠢᠶᠠᠯᠳᠤ ᠢᠯᠡᠷᠡᠭ᠌ᠰᠡᠨ ᠳᠦᠷᠢᠨᠦᠭᠦᠳ᠄ ᠭᠤᠣᠯ ᠳᠦᠷᠢ — ᠵᠢᠷᠭᠠᠯ ᠠᠪᠤ；ᠪᠣᠰᠤᠳ ᠳᠦᠷᠢ — ᠶᠡᠭᠡ ᠮᠡᠳᠡᠯᠭᠡ ᠪᠣᠯᠪᠠᠰᠤᠷᠠᠯ ᠲᠠᠢ᠂ ᠨᠠᠮᠤᠭᠤᠨ ᠵᠠᠩᠲᠠᠢ — ᠵᠠᠯᠠᠭᠤ ᠬᠦᠰᠡᠯ； ᠬᠠᠯᠠᠭᠤᠮᠰᠤᠭ᠂ ᠴᠠᠢᠯᠭᠠᠨ ᠵᠠᠩᠲᠠᠢ ᠪᠦᠰᠡᠭᠦᠢ — ᠴᠠᠢᠯᠭᠠᠨ； ᠬᠥᠳᠡᠭᠡ ᠠᠢᠯᠳᠤ ᠰᠣᠷᠪᠤᠯᠵᠢᠯᠠᠬᠤᠪᠠᠷ ᠣᠴᠢᠭ᠍ᠰᠠᠨ ᠳᠦᠷᠪᠡᠨ ᠨᠦᠬᠦᠳᠤᠨ ᠨᠢᠭᠡ᠂ ᠵᠢᠷᠭᠠᠯ ᠠᠪᠤᠶ᠋ᠢᠨ ᠬᠠᠷᠢᠴᠠᠭᠤᠯᠤᠯ ᠳᠦᠷᠢ — ᠪᠠᠲᠦ； ᠭᠠᠴᠠᠭᠠᠨ ᠳᠠᠷᠤᠭᠠ ᠰᠣᠳᠤ᠂ ᠱᠦᠵᠢ ᠳᠡᠯᠭᠡᠷ᠂ ᠡᠮᠡᠭ᠌ᠲᠡᠢᠴᠦᠳᠤᠨ ᠬᠤᠯᠪᠤᠭᠠᠨᠤ ᠡᠷᠬᠢᠯᠡᠭ᠌ᠴᠢ ᠴᠢᠮᠡᠭ᠂ ᠵᠢᠯᠣᠭᠤᠴᠢ ᠬᠥᠬᠡ᠂ ᠠᠷᠢᠭᠤᠨᠠ ᠵᠡᠷᠭᠡ ᠪᠤᠢ᠃
《ᠵᠢᠷᠭᠠᠯ ᠠᠪᠤ》 ᠭᠡᠳᠡᠭ ᠦᠭᠦᠯᠡᠯᠭᠡᠨᠢ 《ᠪᠢᠳᠡᠨ》 ᠤ᠋ ᠰᠣᠨᠤᠰᠤᠭ᠍ᠰᠠᠨ᠂ ᠦᠵᠡᠭ᠌ᠰᠡᠨ᠂ ᠪᠣᠳᠤᠭ᠍ᠰᠠᠨ ᠦᠢᠯᠡ ᠶᠠᠪᠤᠳᠠᠯᠢᠶᠠᠷ ᠳᠠᠮᠵᠢᠭᠤᠯᠤᠨ᠂ ᠣᠳᠣᠬᠢ ᠬᠥᠳᠡᠭᠡᠶ᠋ᠢᠨ ᠠᠮᠢᠳᠤᠷᠠᠯᠢ ᠦᠵᠡᠭᠦᠯᠵᠦ᠍᠂ ᠦᠪᠡᠷᠮᠢᠴᠡ ᠱᠢᠨᠵᠢᠲᠠᠢ ᠬᠡᠳᠦ ᠬᠡᠳᠦᠨ ᠳᠦᠷᠢᠶ᠋ᠢ ᠪᠦᠲᠦᠭᠡᠪᠡ᠃ ᠬᠤᠲᠠ ᠬᠥᠳᠡᠭᠡᠶ᠋ᠢᠨ ᠱᠢᠨᠡ ᠬᠠᠭᠤᠴᠢᠨ ᠴᠠᠭᠤᠨ ᠬᠦᠮᠦᠰᠤᠨ ᠪᠣᠳᠤᠯ ᠰᠡᠳᠭᠢᠯᠭᠡᠨ᠂ ᠠᠮᠢᠳᠤᠷᠠᠬᠤᠢᠶ᠋ᠢᠨ ᠠᠷᠭᠠ ᠬᠡᠯᠪᠡᠷᠢ᠂ ᠦᠵᠡᠯᠲᠡ ᠤᠢᠯᠭᠠᠯᠲᠠᠶ᠋ᠢ ᠠᠮᠢᠳᠤᠷᠠᠯᠤᠨ ᠡᠩᠤᠨ᠂ ᠠᠷᠰᠠᠷ ᠦᠢᠯᠡ ᠬᠡᠷᠡᠭᠤᠨ ᠳᠤᠮᠳᠠ ᠢᠯᠡᠷᠡᠭᠦᠯᠵᠦ᠍ ᠪᠣᠢ᠃
《ᠵᠢᠷᠭᠠᠯ ᠠᠪᠤ》 ᠳ᠋ᠠᠬᠢ ᠵᠢᠷᠭᠠᠯ ᠠᠪᠤ ᠪᠣᠯ ᠬᠥᠳᠡᠭᠡ ᠨᠤᠲᠤᠭᠲᠤ ᠠᠮᠢᠳᠤᠷᠠᠳᠠᠭ ᠮᠣᠩᠭᠤᠯ ᠡᠪᠦᠭᠡᠳᠤᠨ ᠨᠡᠢᠲᠡᠯᠢᠭ ᠱᠢᠨᠵᠢᠳᠤ ᠥᠪᠡᠷᠮᠢᠴᠡ ᠳᠦᠷᠢ᠃ ᠲᠡᠷᠡ ᠠᠭᠤᠷ ᠣᠨᠳᠣᠭᠤᠨᠲᠠᠢ ᠡᠪᠦᠭᠡᠨ᠂ 《ᠬᠦᠷᠢᠶᠡᠨᠳᠤ ᠬᠡᠢᠰᠴᠦ᠍ ᠪᠠᠢᠭ᠍ᠰᠠᠨ ᠤᠭᠤᠲᠠᠶ᠋ᠢ ᠲᠡᠭᠦᠵᠦ᠍ ᠠᠪᠤᠭ᠍ᠰᠠᠨ ᠦᠭᠡᠢ》 ᠭᠡᠵᠤ ᠠᠭᠤᠷᠯᠠᠬᠤ᠂ 《ᠲᠥᠭᠡ ᠬᠦᠷᠬᠦ᠌ ᠦᠭᠡᠢ ᠭᠠᠵᠠᠷ ᠲᠡᠷᠭᠡ ᠬᠥᠶᠥᠯᠭᠡᠯᠡ᠂ ᠲᠦᠮᠡᠨᠤ ᠲᠥᠯ ᠳᠤᠲᠠᠭᠠᠳ ᠴᠢ ᠯᠠ ᠭᠠᠭ᠍ᠴᠠᠭᠠᠷ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠱᠢᠭ᠋》 ᠭᠡᠵᠤ ᠠᠭᠤᠷᠯᠠᠬᠤ᠂ 《ᠬᠥᠯ ᠴᠢᠨᠢ ᠳᠤᠲᠠᠭᠤ ᠤᠷᠭᠤᠴᠢᠬᠠᠯᠠ ᠭᠡᠵᠤ ᠥᠨᠳᠥᠷ ᠥᠰᠦᠭᠡᠢᠲᠠᠢ ᠱᠠᠬᠠᠢ ᠡᠮᠦᠰᠴᠦ᠍ ᠪᠠᠢᠨᠠ ᠦᠦ》 ᠭᠡᠵᠤ ᠠᠭᠤᠷᠯᠠᠬᠤ᠃ ᠲᠡᠷᠡ ᠬᠠᠲᠠᠭᠤ ᠱᠢᠵᠠᠷᠠᠭᠤᠨ ᠦᠭᠡᠪᠠᠷ ᠰᠤᠷᠭᠠᠮᠵᠢᠯᠠᠳᠠᠭ᠃ 《ᠦᠳᠡᠰᠢ ᠣᠷᠣᠢ ᠠᠷᠢᠬᠢᠳᠠᠵᠤ ᠨᠠᠭᠠᠳᠤᠭᠠᠳ ᠠᠮᠢ ᠨᠠᠰᠤᠪᠠᠨ ᠬᠠᠢᠷᠠᠯᠠᠬᠤ ᠦᠭᠡᠢ》 ᠭᠡᠬᠦ᠂ 《ᠡᠬᠡᠨᠠᠷ ᠴᠢᠨᠢ ᠡᠪᠡᠳᠦᠭᠡᠳ ᠬᠡᠪᠲᠡᠵᠦ᠍ ᠪᠠᠢᠬᠤᠳᠤ ᠬᠠᠯᠠᠭᠤᠨ ᠴᠠᠢ ᠪᠡᠯᠡᠳᠴᠦ᠍ ᠢᠳᠡᠭᠦᠯᠦᠭᠡᠳ ᠡᠷᠲᠡᠬᠡᠨ ᠠᠮᠠᠷᠠᠭᠤᠯᠪᠠᠯ ᠳᠡᠭᠡᠷᠡ ᠦᠭᠡᠢ ᠦᠦ》 ᠭᠡᠬᠦ᠃ ᠲᠡᠷᠡ ᠪᠡᠷ ᠬᠥᠮᠥᠨᠳᠤ ᠲᠣᠰᠠᠴᠢ᠂ ᠵᠥᠭᠡᠯᠡᠨ ᠳᠣᠲᠣᠷᠲᠠᠢ᠂ ᠦᠶᠡ ᠬᠤᠷᠠᠭᠤᠨ ᠨᠠᠰᠤᠲᠠᠨᠳᠤ 《ᠴᠢᠨᠤ ᠬᠦᠦ ᠴᠢᠨᠢ ᠮᠢᠨᠦ᠍ ᠬᠥᠦ᠍ᠲᠠᠢ ᠥᠭᠡᠷᠡ ᠦᠦ ᠳ᠋ᠠ》 ᠭᠡᠵᠤ ᠮᠥᠩᠭᠦᠪᠠᠷ ᠳᠡᠮᠵᠢᠬᠦ᠌ᠳᠡᠭᠡᠨ 《ᠶᠠᠮᠠᠷ ᠴᠦ᠍ ᠴᠢᠳᠠᠯ ᠦᠭᠡᠢ ᠪᠠᠢᠵᠤ᠂ ᠴᠢ ᠠᠷᠪᠢᠨ ᠪᠤᠣ ᠮᠠᠶᠢᠭ᠍ᠯᠠ᠂ ᠪᠢ ᠬᠡᠥᠬᠡᠳᠲᠤ ᠥᠭ᠌ᠴᠦ ᠪᠠᠢᠬᠤᠠᠴᠠ ᠪᠢᠰᠢ᠂ ᠴᠢᠮᠠᠳᠦ ᠪᠣᠯ ᠰᠣᠬᠤᠷ ᠮᠥᠩᠭᠦ᠌ ᠴᠦ᠍ ᠥᠭ᠌ᠬᠦ ᠦᠭᠡᠢ》 ᠭᠡᠬᠦ᠃ ᠵᠢᠴᠢ ᠬᠢᠵᠢᠭᠤᠨ ᠬᠤᠷᠢᠭᠠ ᠲᠠᠯᠪᠢᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ 《ᠪᠢᠳᠡᠨ》 ᠢ᠋ ᠬᠦᠷᠭᠡᠵᠦ᠍ ᠦᠭ᠌ᠭᠦᠭ᠌ᠰᠡᠨ ᠁ ᠵᠡᠷᠭᠡᠨᠢ ᠵᠠᠩ ᠠᠷᠠᠨᠱᠢᠨ᠂ ᠦᠢᠯᠡ ᠶᠠᠪᠣᠳᠠᠯᠤᠨ ᠠᠶᠠᠨᠳᠠᠭᠠᠨᠤ ᠥᠷᠨᠢᠯ ᠂ ᠮᠠᠰᠢ ᠥᠢᠷᠡ ᠲᠣᠲᠣᠨᠣ ᠲᠦᠷᠦᠭ᠌ᠳᠡᠯ ᠣᠯᠭᠤᠨᠠ᠃ ᠵᠣᠬᠢᠶᠠᠭ᠍ᠴᠢᠠᠴᠠ ᠵᠢᠷᠭᠠᠯ ᠠᠪᠤᠶ᠋ᠢᠨ ᠭᠠᠨᠳᠠᠭᠤᠨ ᠵᠦᠷᠢᠭᠦᠳᠢ ᠨᠡᠯᠢᠶᠡᠳ ᠪᠢᠷ ᠪᠡᠭᠡᠰ ᠵᠠᠷᠤᠴᠠᠭᠤᠯᠤᠨ ᠭᠦᠦᠷᠨᠢᠭ᠌ᠰᠡᠨ ᠪᠣᠯᠪᠠᠴᠦ᠍ ᠲᠡᠭᠦᠨᠤ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ᠂ ᠶᠣᠰᠤ ᠵᠠᠩᠱᠢᠯ᠂ ᠤᠴᠢᠷ ᠶᠠᠪᠤᠳᠠᠯᠤᠨ ᠤᠯᠪᠠᠭᠠᠶ᠋ᠢ ᠲᠤᠩᠭᠠᠳᠠᠭ᠂ ᠦᠭ᠌ᠭᠢᠶᠡᠮᠦᠷ ᠲᠤᠰᠠᠴᠢ ᠵᠠᠩ ᠠᠷᠠᠨᠱᠢᠨ ᠵᠡᠷᠭᠡᠶ᠋ᠢ ᠡᠳᠦᠷ ᠳᠣᠲᠤᠮᠤᠨ ᠦᠢᠯᠡ ᠶᠠᠪᠤᠳᠠᠯᠤᠨ ᠨᠠᠷᠢᠨ ᠵᠢᠷᠤᠭ᠍ᠯᠠᠯᠢᠶᠠᠷ ᠱᠤᠭᠤᠪᠠ᠃ ᠵᠢᠷᠭᠠᠯ ᠠᠪᠤ ᠴᠣᠬᠤᠮ ᠶᠠᠮᠠᠷ ᠬᠦᠮᠦᠨ ᠶᠤᠮ？ ᠵᠣᠬᠢᠶᠠᠯᠤᠨ ᠲᠡᠭᠦᠰᠭᠡᠯᠳᠤ ᠪᠢᠴᠢᠭ᠌ᠰᠡᠨᠴᠢᠯᠡᠨ 《ᠨᠡᠬᠡᠢ ᠳᠡᠪᠡᠯᠢᠶᠠᠨ ᠡᠮᠦᠰᠦᠨ᠂ ᠮᠣᠷᠢᠨ ᠳᠡᠭᠡᠷᠡᠪᠠᠨ ᠳᠡᠩᠬᠠᠢᠨ ᠰᠠᠭᠤᠭᠠᠳ ᠭᠠᠷ ᠳᠠᠯᠠᠯᠤᠵᠦ᠍ ᠪᠠᠢᠭ᠍ᠰᠠᠨ ᠵᠢᠷᠭᠠᠯ ᠠᠪᠤ ᠶᠠᠭ ᠯᠠ ᠺᠢᠨᠣ᠋ ᠲᠧᠯᠸᠢᠰ ᠳᠡᠭᠡᠷᠡ ᠭᠠᠷᠳᠠᠭ ᠴᠠᠰᠤᠲᠤ ᠠᠭᠤᠯᠠᠶ᠋ᠢᠨ ᠴᠠᠭᠠᠨ ᠡᠪᠦᠭᠡᠨ ᠱᠢᠭ ᠰᠦᠷᠯᠢᠭ᠌ᠬᠡᠨ》 ᠬᠦᠮᠦᠨ ᠶᠤᠮ ᠪᠠᠢᠨᠠ᠃ ᠵᠣᠬᠢᠶᠠᠭ᠍ᠴᠢ ᠵᠢᠷᠭᠠᠯ ᠠᠪᠤᠶ᠋ᠢᠨ ᠳᠦᠷᠢᠶ᠋ᠢ ᠪᠦᠲᠦᠭᠡᠬᠦ᠌ᠳᠡᠭᠡᠨ ᠠᠷᠢᠭᠤᠨᠠ᠂ ᠪᠠᠲᠤ᠌᠂ 《ᠨᠠᠷᠠ ᠭᠠᠷᠲᠠᠯᠠ ᠢᠨᠢᠶᠡᠮᠰᠦᠭ᠌ᠯᠡᠳᠡᠭ》 ᠪᠦᠰᠡᠭᠦᠢ᠂ ᠵᠤᠨᠠ᠂ ᠭᠠᠴᠠᠭᠠᠨ ᠳᠠᠷᠤᠭᠠ ᠰᠣᠳᠣ᠂ ᠱᠦᠵᠢ ᠳᠡᠯᠭᠡᠷ᠂ ᠡᠮᠡᠭ᠌ᠳᠡᠢᠴᠦᠳᠤᠨ ᠬᠤᠯᠪᠣᠭᠠᠨᠤ ᠡᠷᠬᠢᠯᠡᠭ᠌ᠴᠢ ᠴᠢᠮᠡᠭ ᠵᠡᠷᠭᠡ ᠬᠠᠮᠵᠢᠬᠤ ᠳᠦᠷᠢᠶ᠋ᠢ ᠬᠥᠩᠭᠡᠨ ᠪᠢᠷ᠂ ᠲᠠᠲᠠᠯᠭᠠᠨ ᠵᠢᠷᠤᠭ᠍ᠯᠠᠯᠢᠶᠠᠷ ᠡᠪᠯᠢᠭ ᠵᠢᠷᠤᠭ᠍ᠯᠠᠵᠠᠢ᠃ ᠵᠣᠬᠢᠶᠠᠯᠢᠶᠠᠨ ᠨᠠᠷᠢᠨ ᠰᠡᠳᠭᠢᠮᠵᠢᠯᠡᠵᠦ᠍ ᠨᠢᠮᠪᠠᠢ ᠡᠰᠭᠡᠵᠦ᠍᠂ ᠶᠠᠷᠢᠯᠴᠠᠭᠠᠪᠠᠷ ᠳᠦᠷᠢᠪᠠᠨ ᠰᠡᠳᠭᠢᠯᠳᠤ ᠣᠢᠷᠠᠬᠠᠨ ᠠᠮᠢᠯᠠᠭᠤᠯᠵᠦ᠍ ᠴᠢᠳᠠᠵᠠᠢ᠃
《ᠤᠳᠭᠠ ᠵᠣᠬᠢᠶᠠᠯᠨᠢ ᠥᠪᠡᠷᠤᠨᠢᠶᠠᠨ ᠴᠠᠭ ᠦᠶᠡᠶ᠋ᠢᠨ ᠦᠨᠳᠦᠰᠦᠨ ᠱᠢᠨᠵᠢᠨᠦᠭᠦᠳᠢ ᠦᠨᠡᠨ ᠵᠥᠪ ᠮᠡᠳᠡᠭᠡᠯᠡᠳᠡᠭ ᠮᠥᠷᠲᠡᠭᠡᠨ ᠶᠣᠰᠣ ᠰᠤᠷᠲᠠᠬᠤᠨᠤ ᠭᠠᠢᠬᠠᠮᠱᠢᠭ᠍ᠲᠠᠢ ᠤᠳᠭᠠ ᠲᠡᠭᠦᠯᠳᠡᠷ ᠶᠡᠷᠦ᠍ ᠪᠣᠰᠤᠶ᠋ᠢᠨ ᠠᠮᠢᠳᠤ ᠳᠦᠷᠢ ᠵᠢᠷᠤᠭᠢ ᠪᠦᠲᠦᠭᠡᠭᠰᠡᠨ ᠪᠠᠢᠳᠠᠭ》 ᠬᠡᠵᠤ ᠠᠩᠭ᠌ᠯᠢᠶ᠋ᠢᠨ ᠲᠣᠮᠠᠰ ᠸᠠᠷᠲ᠋ᠤᠨ ᠰᠡᠴᠡᠯᠡᠭᠰᠡᠨ᠃ ᠵᠢᠷᠭᠠᠯ ᠠᠪᠤ ᠪᠣᠯ 《ᠭᠠᠨᠳᠠᠭᠤᠨ ᠵᠥᠷᠢᠭᠦᠳ》 ᠪᠣᠯᠪᠠᠴᠤ᠌ ᠠᠮᠢᠳᠤᠷᠠᠯᠤᠨ ᠶᠤᠰᠤ ᠵᠦᠢᠳᠤ ᠨᠡᠢᠴᠡᠳᠡᠭ᠂ ᠨᠢᠴᠤᠭᠠᠬᠤᠶ᠋ᠢᠨ ᠠᠷᠭᠠ ᠴᠦ᠍ ᠦᠭᠡᠢ ᠦᠭᠡ ᠶᠠᠷᠢᠶᠠᠲᠠᠢ᠂ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ 《ᠪᠢᠳᠡ》ᠨᠢ ᠲᠠᠨᠢᠯᠲᠠ᠂ ᠦᠵᠡᠯ ᠤᠬᠠᠮᠰᠠᠷᠤᠨ ᠬᠤᠪᠢᠳᠤ ᠬᠠᠭᠤᠴᠢᠨ ᠴᠠᠭᠤᠨ 《ᠠᠪᠤ》ᠲᠠᠢ ᠵᠥᠷᠢᠶᠡᠨᠲᠠᠢ ᠪᠣᠯᠪᠠᠴᠤ᠌ ᠤᠳᠤᠮᠱᠢᠯᠲᠤ ᠶᠣᠰᠣ ᠰᠤᠷᠲᠠᠬᠤᠨ᠂ ᠬᠥᠮᠥᠵᠢᠯ ᠵᠠᠩᠱᠢᠯᠠᠴᠠ ᠪᠣᠯᠵᠤ ᠰᠦᠷᠭᠦᠯᠳᠡᠭ ᠦᠭᠡᠢ᠂ ᠡᠨᠡᠨᠢ ᠮᠠᠨᠤ ᠦᠨᠳᠦᠰᠦᠲᠠᠨᠤ ᠴᠦᠬᠡᠨ ᠪᠣᠰᠦ ᠠᠬᠠᠮᠠᠳᠲᠤ ᠢᠯᠡᠷᠡᠳᠡᠭ ᠤᠤᠷ ᠱᠢᠨᠵᠢ ᠶᠤᠮ᠃ ᠵᠤᠬᠢᠶᠡᠯᠤᠨ ᠦᠢᠯᠡ ᠶᠠᠪᠣᠳᠠᠯᠨᠢ 《ᠬᠥᠯ ᠬᠤᠷᠢᠭᠠ》 ᠲᠠᠢ ᠤᠷᠴᠢᠨᠳᠤ ᠥᠷᠨᠢᠯᠡ ᠴᠦ᠍ ᠪᠠᠶᠠᠰᠤᠩᠭᠤᠢ ᠬᠤᠷᠢᠭ᠍ᠳᠠᠯ ᠠᠮᠢᠳᠤᠷᠠᠯ ᠱᠢᠤᠬᠠᠨ ᠰᠠᠨᠠᠭ᠍ᠳᠠᠨᠠ᠃ 《ᠬᠥᠯ ᠬᠤᠷᠢᠭᠠ》ᠠ᠋ᠴᠠ ᠪᠣᠯᠵᠤ ᠲᠦᠷᠦ᠍ ᠤᠯᠤᠰᠲᠠᠭᠠᠨ ᠭᠤᠮᠤᠳᠠᠭᠰᠠᠨ ᠦᠭᠡᠢ᠂ ᠬᠠᠷᠢᠶᠠᠯ ᠵᠦᠬᠡᠯ ᠲᠠᠯᠪᠢᠭ᠍ᠰᠠᠨ ᠦᠭᠡᠢ᠂ ᠰᠡᠳᠭᠢᠯᠤᠨ ᠲᠡᠩᠴᠡᠭᠦᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠦᠭᠡᠢ᠃ 《ᠬᠤᠨᠢ ᠡᠷᠬᠢᠭᠦᠯᠬᠦ᠌ᠪᠠᠷ》 ᠶᠠᠪᠣᠵᠣ ᠪᠠᠢᠨᠠ᠂ 《ᠬᠥᠯᠳᠡᠭᠦᠰᠦ ᠲᠡᠭᠦᠬᠦ᠌ ᠠᠯᠪᠠᠨᠳᠤ》 ᠣᠨᠣᠭ᠍ᠳᠠᠵᠤ ᠪᠠᠢᠨᠠ᠂ 《ᠰᠦᠲᠠᠢ ᠴᠠᠢ》 ᠪᠠᠨ ᠤᠤᠭᠤᠭᠠᠳ ᠨᠠᠷᠠ ᠭᠠᠷᠲᠠᠯᠠ ᠢᠨᠢᠶᠡᠮᠰᠦᠭ᠌ᠯᠡᠵᠦ᠍ ᠪᠠᠢᠨᠠ᠂ 《ᠪᠣᠯᠭᠤᠭᠠᠬᠤ》 ᠪᠠᠷ ᠢᠷᠡᠭ᠌ᠰᠡᠨ ᠤᠳᠤᠷᠢᠳᠤᠯᠭᠠ ᠨᠠᠷᠲᠠᠢ ᠨᠠᠢᠷᠯᠠᠵᠤ ᠪᠠᠢᠨᠠ᠂ 《ᠪᠣᠳᠠᠭᠠ ᠢᠩᠳᠡᠭᠦᠯᠬᠦ᠌》ᠪᠠᠷ ᠶᠠᠪᠤᠵᠤ ᠪᠠᠢᠨᠠ᠃ ᠥᠭᠡᠷᠡᠪᠠᠷ ᠬᠡᠯᠡᠪᠡᠯ ᠣᠨᠴᠠᠭᠠᠢ ᠴᠠᠭ ᠬᠤᠭᠤᠴᠠᠭᠠᠲᠠᠢ ᠵᠣᠬᠢᠴᠠᠭᠠᠳ ᠠᠮᠢᠳᠤᠷᠠᠵᠤ ᠪᠠᠢᠨᠠ᠃ ᠡᠢᠮᠦᠷᠬᠦᠤ ᠠᠭᠤᠵᠢᠭᠤ ᠲᠠᠯᠪᠢᠭᠤ᠂ ᠱᠢᠳᠤᠷᠭᠤ᠂ ᠠᠵᠢᠯᠰᠠᠭ ᠵᠠᠩ ᠴᠢᠨᠠᠷ ᠪᠣᠯ ᠦᠨᠳᠦᠰᠦᠲᠡᠨᠤ ᠶᠠᠰᠤ ᠴᠢᠮᠦᠭᠡᠨᠳᠤ ᠱᠢᠮᠡᠳᠦᠭ᠌ᠰᠡᠨ ᠶᠤᠰᠤ ᠰᠤᠷᠲᠠᠬᠤᠨ᠂ ᠵᠠᠩ ᠵᠠᠩᠱᠢᠯᠤᠨ ᠦᠷᠭᠦᠯᠵᠢ ᠢᠯᠡᠷᠡᠳᠡᠭ ᠱᠢᠨᠵᠢ ᠪᠢᠯᠡ᠃
ᠲᠣᠰ ᠵᠣᠬᠢᠶᠠᠯᠤᠨ ᠬᠡᠯᠡ ᠬᠡᠯᠡᠯᠭᠡ ᠣᠨᠣᠪᠴᠢᠲᠠᠢ᠂ ᠠᠮᠢᠳᠤᠯᠢᠭ᠃ ᠦᠨᠡᠨᠳᠡᠭᠡᠨ ᠰᠠᠢᠨ ᠪᠦᠲᠦᠭᠡᠯᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠮᠠᠲ᠋ᠧᠷᠢᠶᠠᠯᠤᠨ ᠡᠢᠮᠦᠷᠬᠦᠤ ᠱᠢᠨᠵᠢᠨᠢ ᠳᠣᠷᠠᠳᠤᠮᠠᠷ ᠴᠦ᠍ ᠦᠭᠡᠢ ᠡᠩᠤᠨ ᠯᠠ ᠪᠠᠷᠢᠮᠵᠢᠶᠠ᠃ ᠪᠢᠳᠡ ᠨᠠᠶᠠᠭᠠᠳ ᠣᠨᠳᠤ ᠤᠩᠱᠢᠵᠤ ᠪᠠᠢᠭ᠍ᠰᠠᠨ ᠲᠣᠮᠣ ᠲᠣᠭᠤᠵᠢᠰᠴᠢ ᠨᠠᠷᠤᠨᠢᠶᠠᠨ ᠵᠣᠬᠢᠶᠠᠯᠤᠳᠢ ᠮᠡᠳᠡᠨᠡ ᠯᠠ ᠳ᠋ᠠ᠃ ᠴᠢᠮᠡᠳᠳᠣᠷᠵᠢ᠂ ᠠ᠊·ᠣᠳᠽᠡᠷ᠂ ᠭᠡᠷᠡᠯᠴᠣᠭ᠍ᠲᠤ᠂ ᠭᠠ᠊· ᠱᠢᠷᠠᠪᠵᠠᠮᠰᠦ᠂ ᠡᠳᠦᠨᠰᠠᠩᠪᠦ᠌ ᠂ ᠮ᠊·ᠬᠠᠰᠪᠠᠭᠠᠨᠠ᠂ ᠮ᠊·ᠵᠠᠯᠫᠦ᠋ᠩᠭᠠ᠂ ᠪᠦᠷᠢᠨᠲᠡᠭᠦᠰ ᠁ ᠭᠡᠳ ᠬᠡᠯᠡᠨᠤ ᠳᠠᠷᠬᠠᠳᠤᠨ ᠵᠣᠬᠢᠶᠠᠯᠤᠨ ᠬᠡᠯᠡ ᠶᠠᠭᠠᠬᠢᠭ᠍ᠰᠠᠨ ᠴᠡᠪᠡᠷ᠂ ᠪᠠᠶᠠᠯᠢᠭ᠂ ᠣᠨᠣᠪᠴᠢᠲᠠᠢ᠂ ᠠᠮᠢᠳᠤᠯᠢᠭ᠂ ᠤᠩᠱᠢᠪᠦᠷᠢᠲᠠᠢ ᠶᠤᠮ ᠪᠣᠢ᠃
ᠪᠢ 《ᠵᠢᠷᠭᠠᠯ ᠠᠪᠤ》 ᠭᠡᠰᠡᠨ ᠦᠭᠦᠯᠡᠯᠭᠡᠶ᠋ᠢ ᠪᠠᠷᠢᠮᠲᠠᠲᠤ ᠦᠭᠦᠯᠡᠯᠭᠡ ᠴᠦ᠍ ᠶᠤᠮ ᠦᠦ ᠭᠡᠵᠤ ᠪᠤᠳᠤᠯᠠ᠃ ᠲᠡᠢᠮᠦ᠍ ᠪᠢᠰᠢ ᠶᠤᠮ ᠪᠠᠢᠨᠠ᠃ ᠬᠠᠷᠢᠨ ᠤᠷᠠ ᠤᠬᠠᠭᠠᠨᠨᠢ ᠲᠡᠩᠴᠡᠨ᠂ ᠤᠶᠠᠩᠭᠠᠶ᠋ᠢᠨ ᠭᠤᠢᠳᠠ ᠤᠷᠠᠨ ᠳᠦᠷᠢᠶ᠋ᠢ ᠪᠦᠲᠦᠭᠡᠭ᠌ᠰᠡᠨ ᠠᠮᠵᠢᠯᠲᠠᠲᠠᠢ ᠰᠠᠢᠨ ᠪᠦᠲᠦᠭᠡᠯ ᠪᠣᠯᠵᠠᠢ ᠭᠡᠵᠤ ᠦᠵᠡᠯᠦᠭᠡ᠃