（ᠭᠠᠲᠠᠨ᠎ᠠ ᠨᠢᠭᠡ）

ᠡᠳᠦᠷ ᠡᠳᠦᠷ ᠬᠡᠳᠦᠨ ᠡᠪᠦᠭᠡᠳ

ᠠᠭᠤᠳᠠᠮ ᠲᠠᠯᠠᠪᠠᠢ᠎ᠳᠤ ᠢᠷᠡᠬᠦ᠌᠎ᠨᠢ

ᠦᠨᠡᠬᠡᠷ ᠴᠠᠭ᠎ᠤᠨ ᠵᠡᠭᠦᠦ ᠭᠡᠮᠡᠷ

ᠱᠢᠲᠠᠷ᠎ᠠ ᠲᠠᠯᠪᠢᠨ᠎ᠡ

ᠭᠦᠵᠦᠷ ᠲᠤᠭ᠍ᠯᠠᠨ᠎ᠠ

ᠪᠠᠢᠨ ᠪᠠᠢᠨ ᠢᠨᠢᠶᠡᠯᠴᠡᠬᠦ᠌᠎ᠨᠢ

ᠪᠠᠭ᠎ᠠ᠎ᠶ᠋ᠢᠨ ᠦᠶ᠎ᠡ᠎ᠳᠡᠭᠡᠨ

ᠪᠤᠴᠠᠭ᠍ᠰᠠᠨ ᠭᠡᠮᠡᠷ

ᠠᠭᠤᠳᠠᠮ ᠲᠠᠯᠠᠪᠠᠢ ᠴᠦ᠍

ᠡᠪᠦᠭᠡᠳ᠎ᠲᠠᠢ ᠵᠤᠭᠤᠭ᠍ᠲᠠᠵᠤ

ᠦᠯᠢᠭᠡᠷ᠎ᠲᠤᠨᠢ ᠰᠤᠭ᠍ᠲᠤᠭᠤᠷᠠᠵᠤ

ᠤᠯᠠᠮ ᠠᠭᠤᠵᠢᠮ

ᠪᠤᠯᠴᠢᠬᠠᠭ᠍ᠰᠠᠨ ᠭᠡᠮᠡᠷ

ᠬᠡᠵᠢᠶ᠎ᠡ᠎ᠶ᠋ᠢ ᠪᠤᠤ ᠮᠡᠳᠡ

ᠬᠡᠨ ᠨᠢᠭᠡ᠎ᠨᠢ ᠢᠷᠡᠬᠦ᠌᠎ᠪᠠᠨ ᠪᠤᠯᠢᠨ᠎ᠠ

ᠬᠡᠵᠢᠶᠡᠳᠡ ᠢᠷᠡᠬᠦ᠌᠎ᠪᠠᠨ ᠪᠤᠯᠢᠨ᠎ᠠ

ᠬᠡᠳᠦᠨ ᠡᠳᠦᠷ ᠳᠠᠷᠠᠭᠠᠯᠠᠵᠤ

ᠡᠭᠦᠯᠡᠳᠦᠭ᠌ᠰᠡᠨ ᠭᠡᠮᠡᠷ

ᠬᠤᠵᠢᠮ᠎ᠨᠢ ᠤᠳᠠᠯ ᠦᠭᠡᠢ

ᠱᠢᠨ᠎ᠡ ᠭᠡᠱᠢᠭᠦᠨ ᠨᠡᠮᠡᠭ᠌ᠳᠡᠨ᠎ᠡ

ᠬᠡᠪ᠎ᠤᠨ ᠪᠠᠢᠳᠠᠯ᠎ᠳᠠᠭᠠᠨ ᠤᠷᠤᠵᠤ

ᠬᠦᠮᠦᠨ᠎ᠤ ᠣᠷᠴᠢᠯᠠᠩ᠎ᠢ

ᠬᠠᠭᠤᠴᠢᠯᠠᠬᠤ ᠭᠡᠮᠡᠷ

ᠡᠳᠦᠷ ᠡᠳᠦᠷ ᠬᠡᠳᠦᠨ ᠡᠪᠦᠭᠡᠳ

ᠠᠭᠤᠳᠠᠮ ᠲᠠᠯᠠᠪᠠᠢ᠎ᠠᠴᠠ ᠪᠤᠴᠠᠬᠤ᠎ᠨᠢ

ᠦᠨᠡᠬᠡᠷ ᠴᠠᠭ᠎ᠤᠨ ᠵᠡᠭᠦᠦ ᠭᠡᠮᠡᠷ

     ᠲᠦᠭᠡᠷᠢᠯ

ᠵᠢᠷᠦᠬᠡᠨ᠎ᠳᠤ ᠪᠠᠢᠭ᠍ᠰᠠᠨ ᠦᠭᠡ

ᠵᠦᠳᠡᠵᠦ᠍ ᠵᠦᠳᠡᠵᠦ᠍

ᠠᠮᠠ᠎ᠪᠠᠷ ᠭᠠᠷᠬᠤ᠎ᠳᠠᠭᠠᠨ

ᠦᠩᠭᠡ᠎ᠨᠢ ᠬᠤᠪᠢᠷᠠᠵᠦ᠍

ᠦᠰᠦᠳ ᠦᠭᠡᠷ᠎ᠡ

ᠪᠤᠯᠴᠢᠬᠠᠨ᠎ᠠ

ᠵᠢᠷᠦᠬᠡ᠎ᠨᠢ ᠠᠮᠠ᠎ᠪᠠᠨ ᠰᠡᠵᠢᠭ᠌ᠯᠡᠨ᠎ᠡ

ᠠᠮᠠ᠎ᠨᠢ ᠴᠦ᠍

ᠪᠡᠶ᠎ᠡ᠎ᠪᠠᠨ ᠰᠡᠵᠢᠭ᠌ᠯᠡᠨ᠎ᠡ

ᠪᠦᠷ ᠰᠡᠭᠦᠯᠡᠷ᠎ᠨᠢ

ᠨᠡᠷ᠎ᠡ᠎ᠪᠠᠨ ᠮᠠᠷᠲᠠᠵᠤ

ᠲᠦᠭᠡᠷᠢᠨ᠎ᠡ