ᠦᠯᠡᠮᠵᠢ ᠭᠤᠨᠢᠭ᠂ ᠬᠢᠰᠠᠬᠤ ᠣᠢᠳᠭᠠᠷᠤᠨ ᠳᠤᠮᠳᠠ
ᠦᠨᠢ ᠬᠤᠯᠠᠶ᠋ᠢᠨ ᠳᠥᠷᠪᠡᠨ ᠰᠠᠷᠠᠶ᠋ᠢ ᠬᠥᠭ᠌ᠵᠢᠮᠳᠡᠵᠦ᠍ ᠰᠠᠭᠤᠬᠤᠳᠤ
ᠣᠷᠴᠢᠯᠠᠩ ᠲᠡᠢᠮᠦ᠍ ᠭᠤᠶᠤ ᠪᠠᠢᠭ᠍ᠰᠠᠨᠢ ᠰᠡᠷᠡᠭᠡ ᠦᠭᠡᠢ
ᠦᠯᠢᠭᠡᠷᠤᠨ ᠬᠥᠮᠦᠨ ᠪᠦᠷ ᠶᠠᠪᠤᠴᠢᠬᠠᠨᠠ ᠭᠡᠵᠦ᠍ ᠰᠠᠨᠠᠭᠠ ᠦᠭᠡᠢ
ᠠᠶᠠᠯᠤᠭ᠍ᠰᠠᠨ ᠳᠠᠭᠤᠤ᠂ ᠪᠠᠯᠭᠤᠭ᠍ᠰᠠᠨ ᠲᠠᠷᠠᠰᠤᠨᠤ ᠠᠮᠲᠠᠠᠴᠠ
ᠤᠷᠭᠤᠨ ᠴᠡᠴᠡᠭ᠌ᠯᠡᠬᠦ᠌ ᠲᠡᠷᠡ ᠦᠳᠡᠰᠢ ᠯᠠ ᠪᠣᠳᠤᠭ᠍ᠳᠠᠨᠠ
ᠣᠷᠤᠮᠳᠠᠭ᠍ᠰᠠᠨ ᠪᠤᠭᠤ ᠡᠯᠦᠢᠷᠡᠭ᠌ᠰᠡᠨ ᠬᠥᠪᠴᠢᠶ᠋ᠢᠨ ᠭᠦᠨᠳᠤ
ᠦᠳᠡᠰᠢ ᠪᠦᠷᠢᠶ᠋ᠢᠨ ᠳᠥᠮᠡᠨ ᠤᠳᠤᠳᠢ ᠱᠢᠷᠲᠡᠵᠦ᠍ ᠰᠠᠭᠤᠬᠤᠳᠤ
ᠠᠭᠤᠯᠠᠰ ᠮᠢᠨᠢ ᠣᠯᠠᠨ ᠵᠢᠯ ᠱᠢᠨᠡᠯᠦᠨᠡ ᠭᠡᠵᠦ᠍ ᠮᠡᠳᠡᠭᠡ ᠦᠭᠡᠢ
ᠡᠷᠬᠢᠮᠰᠦᠭ ᠵᠠᠩᠲᠠᠢ ᠴᠢ ᠮᠢᠨᠢ ᠱᠢᠪᠠᠭᠤ ᠬᠤᠪᠢᠯᠤᠨᠠ ᠭᠡᠵᠦ᠍ ᠪᠣᠳᠤᠭᠠ ᠦᠭᠡᠢ
ᠦᠵᠡᠰᠭᠦᠯᠡᠩᠲᠦ ᠤᠴᠠᠷᠠᠯ᠂ ᠢᠳᠡᠲᠠᠢ ᠮᠥᠷᠦᠭᠡᠳᠦᠯᠤᠨ ᠠᠮᠲᠠᠠᠴᠠ
ᠠᠯᠳᠠᠭᠤᠯ ᠰᠠᠯᠬᠢ ᠱᠢᠭ᠋ ᠴᠢᠮᠠᠪᠠᠨ ᠴᠢᠮᠡᠭᠡ ᠦᠭᠡᠢ ᠡᠷᠢᠨᠡ
ᠨᠡᠭᠦᠳᠡᠯᠤᠨ ᠲᠡᠭ᠌ᠷᠢᠳᠡᠭᠡᠨ ᠰᠥᠨᠢ ᠪᠦᠷᠢ ᠴᠢᠮᠠᠶᠢ ᠳᠥᠰᠦᠭᠡᠯᠡᠨ ᠪᠣᠳᠤᠬᠤᠢ
ᠨᠢᠳᠦᠨᠤ ᠴᠢᠨᠢ ᠡᠷᠪᠡᠬᠡᠷ ᠬᠤᠶᠠᠷ ᠱᠢᠪᠠᠭᠤᠶ᠋ᠢ ᠡᠷᠢᠭ᠌ᠰᠡᠭᠡᠷ ᠴᠥᠭᠦᠬᠦᠢ
ᠨᠢᠭᠦᠯ ᠴᠢᠨᠡᠭᠡᠨ ᠡᠭᠦᠯᠡᠰ ᠪᠣᠷᠤᠭᠠᠯᠠᠨᠠ ᠭᠡᠮᠡᠨ ᠵᠣᠷᠢᠭᠠ ᠦᠭᠡᠢ ᠳ᠋ᠠ
ᠨᠢᠭᠤᠵᠤ ᠬᠠᠢᠷᠠᠯᠠᠯᠴᠠᠭ᠍ᠰᠠᠨ ᠬᠤᠶᠠᠷᠤᠨ ᠵᠦᠭᠨᠢ ᠲᠣᠳᠣᠬᠠᠨ ᠬᠠᠷᠠᠭ᠍ᠳᠠᠬᠤᠢ
ᠮᠠᠭᠠᠳ ᠠᠷᠪᠠᠨ ᠵᠢᠯ᠂ ᠬᠤᠷᠢᠨ ᠵᠢᠯ ᠴᠤ᠌ ᠤᠷᠤᠰᠤᠨ ᠤᠳᠬᠤᠢ
ᠮᠠᠷᠠᠯ ᠮᠡᠴᠢᠳᠤᠨ ᠣᠷᠤᠨᠳᠤ ᠬᠤᠶᠠᠭᠤᠯᠠᠪᠠᠨ ᠤᠴᠠᠷᠠᠬᠤ ᠦᠦ ᠳ᠋ᠠ
ᠮᠢᠨᠦ᠍ ᠵᠢᠷᠦᠬᠡᠨᠠᠴᠠ ᠴᠢᠨᠤ ᠵᠢᠷᠦᠬᠡᠨᠳᠤ
ᠮᠥᠢᠯ ᠦᠷᠢᠯᠤᠨ ᠴᠡᠴᠡᠭᠡᠨᠳᠤ ᠬᠠᠢᠷᠠ ᠰᠡᠳᠭᠢᠯ ᠮᠢᠨᠢ ᠨᠢᠭᠤᠴᠠᠯᠠᠨᠠ
ᠮᠥᠢᠯ ᠦᠷᠢᠯᠤᠨ ᠴᠢᠨᠠᠲᠤᠳᠤ ᠬᠤᠶᠠᠭᠤᠯᠠᠶ᠋ᠢᠨ ᠤᠴᠠᠷᠠᠯ ᠨᠢᠭᠤᠴᠠᠯᠠᠭ᠍ᠳᠠᠨᠠ
ᠰᠡᠭᠦᠯᠴᠢᠶ᠋ᠢᠨ ᠠᠶᠠᠨ᠂ ᠰᠡᠭᠦᠯᠴᠢᠶ᠋ᠢᠨ ᠵᠠᠮ᠂ ᠰᠡᠭᠦᠯᠴᠢᠶ᠋ᠢᠨ ᠦᠭᠡ ᠮᠢᠨᠢ ᠳ᠋ᠠ
ᠰᠦᠮᠡᠬᠡᠷ ᠲᠡᠭ᠌ᠷᠢᠶ᠋ᠢᠨ ᠲᠥᠮᠡᠨ ᠤᠳᠤᠳᠠᠴᠠ ᠵᠠᠢᠳᠠᠭᠤᠬᠠᠨ ᠣᠷᠣᠱᠢᠬᠤ
ᠰᠡᠳᠡᠷᠲᠠᠢ ᠡᠬᠡ ᠣᠷᠤᠨᠤ ᠮᠢᠨᠢ ᠠᠭᠤᠯᠠ ᠬᠠᠢᠷᠬᠠᠨᠳᠤ ᠮᠥᠩᠭᠡᠵᠢᠨ ᠬᠤᠪᠢᠯᠬᠤ ᠶᠤᠮ