ᠵᠦᠯᠭᠡᠨ᠎ᠤ ᠨᠤᠭᠤᠭᠠᠨ ᠲᠡᠨᠵᠢ᠎ᠶ᠋ᠢ ᠴᠢᠮᠡᠭ᠌ᠰᠡᠨ

ᠵᠢᠷᠭᠤᠭᠠᠨ ᠰᠠᠷ᠎ᠠ᠎ᠶ᠋ᠢᠨ ᠴᠡᠴᠡᠭᠡᠰ ᠭᠤᠶᠤᠬᠠᠨ

ᠵᠤᠨ ᠤᠯᠠᠨ᠎ᠤ ᠬᠠᠢᠷ᠎ᠠ᠎ᠶ᠋ᠢ ᠲᠠᠳᠠᠭ᠍ᠰᠠᠨ

ᠵᠢᠭᠠᠯ ᠭᠡᠦᠭᠡᠳ᠎ᠤᠨ ᠮᠦᠱᠢᠶᠡᠯ ᠭᠦᠭᠡᠷᠦᠭᠦᠨ

ᠦᠨᠳᠦᠰᠦᠳᠡᠨ᠎ᠤ ᠵᠠᠰᠠᠯ᠎ᠢᠶᠠᠷ ᠭᠤᠶᠤᠯᠠᠭ᠍ᠰᠠᠨ

ᠦᠰᠪᠦᠷᠢ ᠪᠠᠭᠠᠴᠤᠳ᠎ᠤᠨ ᠵᠢᠭ᠍ᠰᠠᠭᠠᠯ ᠰᠠᠢᠬᠠᠨ

ᠦᠩᠭᠡ᠎ᠶ᠋ᠢᠨ ᠴᠡᠴᠡᠭᠡᠰ ᠡᠩᠭᠡᠷ ᠲᠡᠭᠡᠨ ᠨᠠᠮᠢᠷᠠᠭᠤᠯᠤᠭ᠍ᠰᠠᠨ

ᠦᠨᠦᠳᠦᠷ᠎ᠤᠨ ᠡᠵᠡᠨ᠎ᠤ ᠵᠢᠪᠬᠤᠭ᠎ᠠ ᠰᠦᠷᠯᠢᠭ

ᠲᠠᠪᠤᠨ ᠤᠳᠤᠳᠤ ᠤᠯᠠᠭᠠᠨ ᠲᠤᠭ᠎ᠤᠨ ᠲᠤᠤᠷ᠎ᠠ

ᠲᠠᠩᠭᠠᠷᠢᠭ ᠲᠠᠯᠪᠢᠨ ᠪᠣᠢᠵᠢᠬᠰᠠᠨ ᠪᠠᠭᠠᠴᠣᠳ ᠮᠢᠨᠢ

ᠲᠠᠢᠪᠤᠩ ᠠᠮᠢᠳᠤᠷᠠᠯ᠎ᠤᠨ ᠮᠢᠨᠢ ᠢᠷᠡᠭᠤ ᠲᠠᠭᠤᠴᠢᠨ ᠶᠤᠮ

ᠲᠠᠯ᠎ᠠ ᠨᠤᠳᠤᠭ᠎ᠤᠨ ᠵᠢᠩᠭᠢᠨᠢ ᠡᠵᠡᠳ ᠶᠤᠮ

ᠲᠡᠯᠡᠭᠡᠢ᠎ᠶ᠋ᠢ ᠪᠠᠶᠠᠰᠭᠠᠬᠤ ᠪᠠᠭᠠᠴᠤᠳ ᠭᠡᠦᠭᠡᠳ᠎ᠢᠶᠠᠨ

ᠲᠡᠩᠳᠡᠭᠦᠦ ᠬᠠᠢᠷ᠎ᠠ ᠳ᠋ᠠᠭᠠᠨ ᠡᠷᠭᠡᠯᠡᠨ ᠪᠦᠪᠡᠢᠯᠡᠶ᠎ᠡ

ᠵᠠᠭᠤᠨ ᠵᠠᠭᠤᠨ᠎ᠳᠤ ᠤᠯᠠᠮᠵᠢᠯᠠᠬᠤ ᠴᠠᠢᠯᠭᠠᠨ ᠠᠷᠠᠨᠱᠢᠨ᠎ᠢᠶᠠᠨ

ᠵᠢᠷᠭᠤᠭᠠᠨ ᠰᠠᠷ᠎ᠠ᠎ᠶ᠋ᠢᠨ ᠴᠡᠴᠡᠭᠡᠰ ᠱᠢᠭ ᠲᠡᠯᠭᠡᠷᠡᠭᠦᠯᠦᠶ᠎ᠡ！