ᠪᠦᠩ ᠪᠦᠩ ᠰᠠᠯᠬᠢᠨ᠎ᠨᠢ ᠬᠤᠭᠤᠷ᠎ᠤᠨ ᠡᠭᠡᠱᠢᠭ᠎ᠲᠠᠢ

ᠪᠦᠭᠡᠭᠡᠨ ᠴᠠᠭᠠᠨ ᠭᠡᠷᠡᠯ᠎ᠨᠢ ᠰᠤᠯᠤᠩᠭᠠᠨ ᠭᠡ᠎ᠲᠠᠢ

ᠪᠦᠯᠢᠶᠡᠨ ᠰᠠᠢᠬᠠᠨ ᠠᠮᠢᠰᠭᠤᠯ᠎ᠨᠢ ᠬᠠᠢᠷ᠎ᠠ᠎ᠶ᠋ᠢᠨ ᠢᠯᠴᠢ᠎ᠲᠠᠢ

ᠪᠦᠮᠪᠦᠷᠴᠡᠭ ᠭᠡᠳᠡᠭ ᠲᠤᠮᠤ ᠭᠡᠷ ᠪᠦᠯᠢ᠎ᠶ᠋ᠢᠨ ᠬᠡᠦᠬᠡᠳ ᠪᠢ

ᠪᠦᠬᠦᠰᠢ ᠦᠭᠡᠢ ᠨᠠᠷᠠᠨ᠎ᠤ ᠬᠢᠨᠢ ᠲᠤᠶᠠᠭᠠᠨ᠎ᠳᠤ ᠤᠬᠠᠭᠠᠵᠢᠨ

ᠪᠦᠳᠦᠨ ᠵᠢᠷᠭᠠᠯ᠎ᠤᠨ ᠬᠢᠨᠢ ᠠᠮᠳᠠᠨ᠎ᠳᠤ ᠲᠤᠮᠤᠭᠠᠵᠢᠨ

ᠪᠦᠯᠢ ᠨᠢᠭᠡᠳᠡᠢ ᠨᠠᠢᠵᠨ ᠨᠦᠬᠦᠳ᠎ᠲᠠᠢ᠎ᠪᠠᠨ

ᠪᠦᠵᠢᠭ᠎ᠢᠶᠠᠨ ᠪᠡᠶᠡᠯᠡᠵᠦ᠍ ᠱᠢᠯᠦᠭ᠎ᠢᠶᠠᠨ ᠤᠩᠱᠢᠬᠤ ᠲᠤᠷᠠᠳᠠᠢ ᠪᠢ

ᠪᠦᠯᠬᠦᠮᠳᠠᠯ ᠭᠡᠳᠡᠭ ᠪᠠᠭ᠍ᠰᠢ᠎ᠶ᠋ᠢᠨ᠎ᠢᠶᠠᠨ ᠬᠢᠴᠢᠶᠡᠯ᠎ᠢ ᠰᠤᠨᠤᠰᠴᠤ᠌

ᠪᠦᠳᠦᠭᠡᠨ᠎ᠡ ᠭᠡᠳᠡᠭ ᠢᠷᠠᠭᠤ ᠪᠤᠳᠤᠯ᠎ᠳᠤ ᠠᠪᠳᠠᠨ

ᠪᠦᠮᠪᠦᠷᠴᠡᠭ ᠭᠡᠮᠡᠬᠦ᠌ ᠡᠨᠡ ᠭᠡᠷ᠎ᠤᠨ᠎ᠢᠶᠠᠨ ᠢᠷᠡᠭᠡᠳᠦᠢ᠎ᠶ᠋ᠢ

ᠪᠦᠷᠢᠨ ᠲᠡᠬᠦᠯᠳᠡᠷ᠎ᠢᠶᠠᠷ ᠤᠷᠠᠯᠠᠨ ᠵᠢᠷᠤᠬᠤ ᠬᠦᠰᠡᠯ᠎ᠲᠠᠢ ᠪᠢ

ᠪᠦᠷᠬᠦᠳ ᠢᠨᠴᠠᠭᠠᠭ᠍ᠰᠠᠨ ᠠᠭᠤᠯᠠᠰ᠎ᠨᠢ ᠠᠪᠤ᠎ᠶ᠋ᠢᠨ ᠲᠦᠷᠢ᠎ᠲᠠᠢ

ᠪᠦᠪᠡᠢ ᠠᠶᠠᠯᠤᠭ᠍ᠰᠠᠨ ᠮᠦᠷᠡᠨ ᠭᠤᠤᠯ᠎ᠨᠢ ᠡᠵᠢ᠎ᠶ᠋ᠢᠨ ᠬᠠᠢᠷ᠎ᠠ᠎ᠲᠠᠢ

ᠪᠦᠮᠪᠦᠭᠡᠷ ᠬᠦᠭᠡ ᠲᠡᠭ᠌ᠷᠢ᠎ᠨᠢ ᠤᠶᠠᠩᠭᠠᠨ ᠰᠠᠴᠤᠯᠢ᠎ᠲᠠᠢ

ᠪᠦᠮᠪᠦᠷᠴᠡᠭ ᠭᠡᠳᠡᠭ ᠶᠡᠭᠡ ᠪᠦᠯᠢ᠎ᠶ᠋ᠢᠨ ᠬᠡᠦᠬᠡᠳ ᠪᠢ

ᠪᠦᠬᠦ᠌ ᠤᠷᠴᠢᠯᠠᠩ᠎ᠤᠨ ᠢᠯᠡᠷᠡᠭᠡ ᠦᠭᠡᠢ ᠨᠢᠭᠤᠴᠨ᠎ᠶ᠋ᠢ ᠱᠢᠨᠵᠢᠯᠡᠵᠦ᠍

ᠪᠦᠮᠪᠦᠷᠴᠡᠭ᠎ᠤᠨ᠎ᠢᠶᠠᠨ ᠡᠯᠢᠭᠡᠨ ᠳᠡᠭᠡᠷ᠎ᠡ ᠱᠢᠨ᠎ᠡ ᠵᠦᠢᠯ᠎ᠢ ᠵᠤᠬᠢᠶᠠᠨ᠎ᠠ

ᠪᠦᠮᠪᠦᠷ ᠭᠡᠩᠭᠡᠷᠭᠡ᠎ᠶ᠋ᠢᠨ᠎ᠢᠶᠠᠨ ᠲᠠᠭᠤᠨ᠎ᠳᠤ ᠠᠶᠠᠯᠭᠤ ᠨᠡᠢᠯᠡᠬᠦᠯᠦᠨ

ᠪᠦᠬᠦᠢᠯᠨ ᠬᠦᠮᠦᠨ ᠠᠷᠠᠳ᠎ᠤᠨ᠎ᠢᠶᠠᠨ ᠵᠤᠯ ᠵᠢᠷᠭᠠᠯ᠎ᠢ ᠲᠠᠭᠤᠯᠠᠨ᠎ᠠ