《ᠰᠢᠨᠡ ᠡᠷᠢᠨᠦ ᠤᠳᠬᠠ ᠵᠣᠬᠢᠶᠠᠯᠤᠨ ᠤᠷᠬᠢᠯᠳᠤ ᠮᠠᠴᠤᠬᠤ ᠲᠥᠯᠥᠪᠯᠡᠭᠡ》ᠳ᠋ᠤ ᠰᠣᠩᠭᠣᠭᠳᠠᠭᠰᠠᠨ ᠮᠠᠨᠤ ᠤᠷᠤᠨᠤ ᠴᠤᠷᠤᠨ ᠭᠠᠭᠴᠠ ᠪᠦᠲᠦᠭᠡᠯ —
ᠴᠤᠷᠤᠨ ᠭᠠᠭᠴᠠ 《ᠬᠡᠬᠡᠷᠠ ᠲᠠᠯᠠ》
4 ᠰᠠᠷᠠ ᠵᠢᠨ 23ᠤ᠋ ᠳᠡᠯᠡᠬᠡᠢ ᠵᠢᠨ ᠨᠣᠮ ᠤᠩᠰᠢᠬᠤ ᠡᠳᠦᠷ᠂ ᠠᠯᠳᠠᠷᠲᠤ ᠵᠣᠬᠢᠶᠠᠯᠴᠢ᠂ ᠲᠡᠦᠬᠡ ᠰᠣᠶᠣᠯ ᠵᠦᠢ ᠰᠤᠳᠤᠯᠤᠭᠠᠴᠢ ᠲ·ᠭᠣᠮᠪᠣᠵᠠᠪᠤᠨ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨᠤ ᠲᠠᠷᠬᠠᠭᠠᠯᠲᠠ ᠵᠢᠨ ᠶᠣᠰᠣᠯᠠᠯ ᠵᠢᠴᠢ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ᠬᠦᠬᠡᠬᠤᠳᠠᠳᠦ ᠶᠠᠪᠤᠭᠳᠠᠪᠠ᠃
ᠠᠵᠢᠯᠯᠠᠭᠠᠶᠢ ᠥᠪᠥᠷ ᠮᠣᠩᠭᠣᠯᠤᠨ ᠤᠳᠬᠠ ᠤᠷᠠᠯᠢᠭ᠋ᠤᠨ ᠬᠢᠨᠤ ᠬᠤᠯᠪᠣᠭᠠᠠᠴᠠ ᠭᠣᠣᠯᠯᠠᠨ ᠡᠷᠭᠢᠯᠡᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠵᠣᠬᠢᠶᠠᠯᠴᠢᠳᠤᠨ ᠨᠡᠢᠭᠡᠮᠯᠢᠭ᠂ ᠥᠪᠥᠷ ᠮᠣᠩᠭᠣᠯᠤᠨ ᠤᠳᠬᠠ ᠵᠣᠬᠢᠶᠠᠯ ᠰᠡᠳᠬᠦᠯᠤᠨ ᠬᠣᠷᠢᠶᠠ ᠡᠴᠡ ᠳᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ ᠪᠠ ᠣᠷᠣᠨᠤ ᠳᠣᠲᠣᠨᠠ ᠭᠠᠳᠠᠨᠠᠬᠢ ᠨᠠᠷᠠᠲᠤ ᠵᠣᠬᠢᠶᠠᠯᠴᠢ᠂ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠢᠭᠦᠮᠵᠢᠯᠡᠭᠴᠢ ᠵᠢᠴᠢ ᠡᠯᠡ ᠡᠲᠡᠭᠡᠳᠤᠨ ᠰᠣᠶᠣᠯᠤᠨ ᠬᠥᠮᠥᠰ 100 ᠭᠠᠷᠤᠢ ᠬᠥᠮᠥᠨ ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠲᠤ ᠴᠤᠭᠯᠠᠷᠠᠵᠤ᠂ ᠲᠤᠰ ᠷᠣᠮᠠᠨᠤ ᠤᠳᠬᠠ ᠵᠣᠬᠢᠶᠠᠯᠤᠨ ᠦᠨᠡ ᠥᠷᠲᠡᠭ ᠬᠢᠭᠡᠳ ᠴᠠᠭ ᠦᠶᠡᠶᠢᠨ ᠠᠴᠢ ᠬᠣᠯᠪᠣᠭᠳᠠᠯᠤᠨ ᠲᠤᠬᠠᠢ ᠭᠦᠨᠵᠡᠭᠡᠢ ᠶᠠᠷᠢᠯᠴᠠᠭᠠᠥᠷᠨᠢᠭᠦᠯᠦᠯᠡ᠃
2025 ᠣᠨᠤ 7 ᠰᠠᠷᠠᠳᠤ᠂ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠤᠨ 《ᠰᠢᠨᠡ ᠡᠷᠢᠨᠦ ᠤᠳᠬᠠ ᠵᠣᠬᠢᠶᠠᠯᠤᠨ ᠤᠷᠬᠢᠯᠳᠤ ᠮᠠᠴᠤᠬᠤ ᠲᠥᠯᠥᠪᠯᠡᠭᠡ》ᠳ᠋ᠤ ᠠᠮᠵᠢᠯᠲᠠᠲᠠᠢ ᠰᠣᠩᠭᠣᠭᠳᠠᠵᠤ᠂ ᠣᠳᠣᠬᠠᠨ ᠪᠣᠯᠳᠠᠯᠠᠬᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠣᠰ ᠲᠥᠯᠥᠪᠯᠡᠭᠡᠳᠤ ᠰᠣᠩᠭᠣᠭᠳᠠᠭᠰᠠᠨ ᠴᠤᠷᠤᠨ ᠭᠠᠭᠴᠠ ᠪᠦᠲᠦᠭᠡᠯ ᠪᠠᠢᠵᠤ᠂ ᠡᠨᠡ ᠨᠢ ᠲᠤᠰ ᠷᠣᠮᠠᠨᠤ ᠤᠳᠬᠠ ᠵᠣᠬᠢᠶᠠᠯᠤᠨ ᠦᠨᠡ ᠥᠷᠲᠡᠭ ᠬᠢᠭᠡᠳ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠬᠢᠷᠢ ᠲᠦᠪᠰᠢᠨᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠦᠨ᠂ ᠮᠠᠨᠤ ᠣᠷᠣᠨᠤ ᠣᠢᠷᠠᠶᠢᠨ ᠵᠢᠯ ᠡᠴᠡ ᠨᠠᠭᠠᠰᠢᠬᠢ ᠤᠳᠬᠠ ᠵᠣᠬᠢᠶᠠᠯᠤᠨ ᠡᠭᠦᠳᠦᠨ ᠪᠦᠲᠦᠭᠡᠯᠲᠡ ᠵᠢᠨ ᠬᠦᠷᠢᠶᠡᠨ ᠳ᠋ᠡᠬᠢ ᠨᠢᠳᠦ ᠭᠢᠯᠠᠰᠤᠮᠠ ᠦᠷᠡ ᠪᠦᠲᠦᠭᠡᠯ ᠪᠣᠯᠣᠯᠠ᠃
《 ᠰᠢᠨᠡ ᠡᠷᠢᠨᠦ ᠤᠳᠬᠠ ᠵᠣᠬᠢᠶᠠᠯᠤᠨ ᠤᠷᠬᠢᠯᠳᠤ ᠮᠠᠴᠤᠬᠤ ᠲᠥᠯᠥᠪᠯᠡᠭᠡ》 ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯ ᠡᠴᠡ 2022 ᠣᠨᠤ 7 ᠰᠠᠷᠠᠳᠤ ᠡᠬᠢᠯᠡᠵᠦ ᠶᠠᠪᠤᠭᠳᠠᠭᠤᠯᠤᠭᠰᠠᠨ᠂ ᠡᠬᠢ ᠪᠠᠶᠠᠯᠢᠭ᠋ᠢ ᠨᠡᠢᠳᠬᠡᠬᠦᠪᠡᠷ ᠲᠠᠮᠵᠢᠨ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠢᠯᠢᠳᠡᠭ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠪᠣᠯᠣᠨ ᠲᠠᠮᠵᠢᠭᠤᠯᠭᠠᠶᠢ ᠠᠬᠢᠭᠤᠯᠬᠤ᠂ ᠨᠢᠭᠡ ᠪᠦᠯᠦᠭ ᠦᠵᠡᠯ ᠰᠠᠨᠠᠭᠠᠴᠢ ᠴᠢᠨᠠᠷ ᠬᠢᠭᠡᠳ ᠤᠷᠠᠯᠢᠭ᠍ᠴᠢ ᠴᠢᠨᠠᠷ ᠬᠣᠣᠰᠯᠠᠭᠰᠠᠨ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠣᠳᠣᠨ ᠪᠦᠲᠦᠭᠡᠯᠢ ᠦᠷᠭᠦᠯᠵᠢᠯᠡᠨ ᠭᠠᠷᠭᠠᠬᠤ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠤᠳᠬᠠ ᠵᠣᠬᠢᠶᠠᠯᠤᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢ ᠤᠯᠠᠮ ᠨᠢᠭᠡᠨ ᠠᠯᠬᠤᠮ ᠬᠥᠲᠥᠯᠥᠨ ᠳᠠᠭᠠᠭᠤᠯᠬᠤ ᠤᠯᠤᠰᠤᠨ ᠲᠡᠰᠦᠨ ᠲᠦᠯᠦᠪᠯᠡᠭᠡ ᠪᠣᠯᠣᠨᠠ᠃
ᠬᠦᠷᠢᠶᠡ ᠵᠢᠨ 《ᠬᠡᠬᠡᠷᠠ ᠲᠠᠯᠠ》
《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠴᠢᠩ ᠤᠯᠤᠰᠤᠨ ᠰᠡᠭᠦᠯᠴᠢ ᠲᠤᠮᠳᠠᠳᠤ ᠢᠷᠭᠡᠨ ᠤᠯᠤᠰᠤᠨ ᠡᠬᠢᠨᠦ ᠭᠤᠴᠢ ᠭᠠᠷᠤᠢ ᠵᠢᠯᠦᠨ ᠲᠡᠦᠬᠡᠨ ᠴᠠᠭ ᠦᠶᠡᠪᠡᠷ ᠳᠡᠪᠢᠰᠬᠡᠷᠯᠡᠵᠦ᠂ ᠬᠦᠷᠢᠶᠡ ᠵᠢᠨ ᠲᠠᠯᠠ ᠨᠤᠳᠤᠭ ᠲᠤ ᠪᠣᠯᠤᠭᠰᠠᠨ ᠬᠥᠭᠵᠢᠯᠲᠡ ᠬᠤᠪᠢᠷᠠᠯᠲᠠᠶᠢ ᠲᠣᠭᠠᠴᠢᠬᠤ ᠪᠡᠷ ᠳᠠᠮᠵᠢᠨ᠂ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠪᠣᠯᠪᠠᠰᠤᠨᠤ ᠴᠠᠭ ᠦᠶᠡ ᠵᠢᠨ ᠬᠥᠭᠵᠢᠯᠲᠡ ᠳᠤᠮᠳᠠᠬᠢ ᠬᠤᠪᠢᠷᠠᠯᠲᠠ ᠪᠠ ᠲᠠᠪᠰᠢᠯᠲᠠᠶᠢ ᠤᠷᠠᠯᠢᠭ ᠵᠢᠡᠷ ᠢᠯᠡᠷᠡᠭᠦᠯᠵᠦ᠂ ᠲᠠᠯᠠ ᠨᠤᠲᠤᠭᠤᠨ ᠪᠣᠯᠪᠠᠰᠤᠨᠤ ᠬᠥᠭᠵᠢᠯᠲᠡᠶᠢᠨ ᠰᠤᠳᠠᠰᠤᠶᠢ ᠪᠢᠴᠢᠭᠯᠡᠨ᠂ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳᠦᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠲᠡᠦᠬᠡ᠂ ᠨᠡᠭᠦᠳᠡᠯᠠᠮᠢᠳᠤᠷᠠᠯ᠂ ᠨᠡᠢᠭᠡᠮᠦᠨ ᠬᠥᠭᠵᠢᠯᠲᠡ ᠪᠣᠯᠣᠨ ᠪᠣᠯᠪᠠᠰᠤᠨᠦ ᠲᠤᠬᠠᠢ ᠰᠡᠳᠬᠢᠭᠳᠡᠯ ᠵᠢᠡᠨ ᠵᠤᠬᠢᠶᠠᠯᠤᠨ ᠠᠭᠤᠯᠭᠠ ᠲᠠᠢ ᠪᠠᠨ ᠬᠠᠪᠰᠤᠷᠭᠠᠵᠤ᠂ ᠬᠦᠦᠷᠨᠢᠯ ᠲᠣᠭᠠᠴᠢᠯᠲᠠ ᠥᠷᠭᠡᠨ ᠳᠡᠯᠭᠡᠷ᠂ ᠪᠦᠲᠦᠭᠡᠭᠰᠡᠨ ᠳᠦᠷᠢ ᠨᠢ ᠠᠮᠢᠳᠤ ᠳᠦᠷᠰᠦᠯᠢᠭ᠂ ᠦᠭᠡ ᠬᠡᠯᠡᠯᠭᠡ ᠨᠢ ᠪᠣᠷᠣᠭᠵᠢᠭᠤᠨ ᠪᠥᠭᠡᠳ ᠭᠦᠨᠵᠡᠭᠡᠢ᠂ ᠲᠡᠦᠬᠡ ᠵᠢᠨ ᠠᠭᠤᠯᠬᠤᠨ ᠨᠢ ᠭᠦᠨ ᠵᠤᠵᠠᠭᠠᠨ ᠮᠥᠷᠲᠡᠭᠡᠨ ᠪᠣᠳᠠᠲᠤ ᠠᠬᠤᠢ ᠲᠠᠢ ᠣᠢᠷᠠᠲᠤᠭᠰᠠᠨ ᠪᠠᠢᠵᠤ᠂ ᠤᠳᠬᠠ ᠵᠣᠬᠢᠶᠠᠯᠤᠨ ᠠᠷᠭᠠ ᠬᠡᠯᠪᠡᠷᠢᠪᠠᠷ ᠥᠪᠥᠷ ᠮᠣᠩᠭᠣᠯᠤᠨ ᠦᠯᠢᠭᠡᠷᠢ ᠠᠮᠢᠳᠤᠯᠢᠭ᠋ ᠪᠣᠳᠠᠲᠠᠢ ᠲᠡᠯᠭᠡᠵᠡᠢ ᠃
《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨᠤ ᠵᠤᠬᠢᠶᠠᠬᠴᠢ ᠲ·ᠭᠣᠮᠪᠣᠵᠠᠪ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠠᠵᠤ ᠪᠠᠢᠭᠠ ᠨᠢ
《 ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ
ᠡᠷᠳᠡᠮᠳᠡᠳᠤᠨ ᠬᠠᠷᠠᠭᠠᠨᠳᠡᠬᠢ 《ᠬᠡᠭᠡᠷᠡ ᠲᠠᠯᠠ》
ᠤᠷᠠᠨ ᠵᠣᠬᠢᠶᠠᠯᠤᠨ ᠰᠢᠭᠦᠮᠵᠢᠯᠡᠭᠴᠢ ᠤ·ᠠᠬ᠍ᠲᠠᠢ ——
ᠤᠳᠬᠠ ᠪᠦᠲᠦᠴᠡ ᠪᠤᠶᠤ ᠤᠷᠠᠯᠢᠭ᠋ ᠴᠣᠬᠴᠠᠯᠠᠪᠤᠷᠢᠪᠠᠷᠢᠶᠠᠨ ᠬᠡᠨᠳᠦ ᠴᠤ᠌ ᠪᠠᠢᠳᠠᠭ ᠦᠭᠡᠢ ᠲᠤᠯᠭᠠᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠵᠢ ᠪᠤᠰᠬᠠᠪᠠ᠃
《 ᠬᠡᠭᠡᠷᠡ ᠲᠠᠯᠠ 》 ᠷᠣᠮᠠᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠮᠥᠨ ᠴᠢᠨᠠᠷᠠᠴᠠ ᠮᠥᠩᠬᠡᠶᠢᠨ ᠰᠢᠨᠵᠢ ᠬᠦᠷᠬᠦ ᠥᠨᠠ ᠦᠷᠲᠡᠭ ᠢ ᠢᠯᠡᠷᠡᠭᠦᠯᠵᠦ᠂ ᠤᠯᠠᠨ ᠡᠰᠢ ᠣᠩᠰᠢᠪᠦᠷᠢ ᠬᠢᠭᠡᠳ ᠤᠯᠠᠨ ᠢᠷᠡᠯ ᠨᠣᠭᠳᠠᠪᠤᠷᠢᠵᠢ ᠮᠠᠭᠠᠳ ᠪᠣᠢ ᠪᠣᠯᠭᠠᠬᠤ ᠠᠰᠤᠷᠤ ᠥᠨᠳᠥᠷ ᠭᠤᠸᠠ ᠲᠠᠭᠠᠰᠢᠶᠠᠯᠤᠨ ᠶᠢᠷᠲᠢᠨᠴᠦᠰᠢ ᠣᠩᠰᠢᠭ᠍ᠴᠢᠶᠢᠨ ᠰᠡᠳᠬᠢᠯᠦᠨ ᠵᠠᠢᠳᠤ ᠦᠯᠡᠳᠡᠭᠡᠪᠡ᠃ ᠤᠴᠢᠷ ᠨᠢ 《 ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠣᠳᠣᠬᠢ ᠤᠷᠠᠨ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠥᠨᠳᠥᠷᠯᠢᠭᠡᠴᠡ ᠣᠷᠭᠢᠯ ᠥᠭᠡᠳᠡ ᠠᠪᠠᠷᠢᠬᠤ ᠰᠢᠨᠡ ᠬᠡᠷᠴᠢᠮᠢ ᠦᠵᠡᠭᠦᠯᠵᠦ᠂ 《 ᠬᠦᠷᠢᠶᠡ ᠲᠠᠯᠠ ᠨᠤᠲᠤᠭ 》 ᠬᠢᠭᠡᠳ 《 ᠠᠭᠤᠲᠠᠨ ᠸᠠᠩ ᠲᠤᠬᠳᠠᠭᠤᠨ ᠵᠢᠴᠢ ᠬᠣᠰᠢᠭᠤ ᠢᠷᠭᠡᠳ》 ᠭᠡᠬᠦ ᠣᠨᠴᠠᠭᠠᠢ ᠣᠷᠴᠢᠨ ᠲᠣᠭᠣᠷᠢᠨᠳᠠᠬᠢ ᠣᠨᠴᠠᠭᠠᠢ ᠬᠥᠮᠥᠰᠦᠨ《ᠲᠡᠦᠬᠡ᠂ ᠣᠷᠣᠰᠢᠯ᠂ ᠰᠢᠯᠵᠢᠯᠲᠡ᠂ ᠰᠣᠩᠭᠣᠯᠲᠠ》ᠵᠢᠨ ᠵᠠᠢᠯᠠᠰᠢ ᠦᠭᠡᠢ ᠨᠢᠭᠡᠳᠬᠦ ᠴᠠᠭ ᠦᠶᠡᠶᠢᠨ ᠴᠢᠳᠬᠤᠯᠠᠩᠢ 《ᠲᠤᠭᠤᠯᠪᠤᠷᠢᠶᠢᠨ ᠨᠢᠭᠡᠨ ᠰᠣᠨᠣᠷ᠂ ᠨᠡᠢᠯᠡᠪᠦᠷᠢᠶᠢᠨ ᠨᠢᠭᠡᠨ ᠬᠠᠮ》 ᠪᠣᠯᠭᠠᠨ ᠴᠢᠪᠬᠠᠳᠠᠵᠤ᠂ ᠤᠳᠬᠠ ᠪᠦᠲᠦᠴᠡ ᠪᠤᠶᠤ ᠤᠷᠠᠯᠢᠭ᠋ ᠴᠣᠬᠴᠠᠯᠠᠪᠤᠷᠢᠪᠠᠷᠢᠶᠠᠨ ᠬᠡᠨᠳᠦ ᠴᠤ᠌ ᠪᠠᠢᠳᠠᠭ ᠦᠭᠡᠢ ᠲᠤᠯᠭᠠᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠵᠢ ᠪᠣᠰᠬᠠᠭᠰᠠᠨ ᠪᠠᠢᠨᠠ᠃
《 ᠬᠡᠭᠡᠷᠡ ᠲᠠᠯᠠ 》 ᠷᠣᠮᠠᠨᠤ ᠤᠭ ᠴᠣᠭᠴᠠ ᠤᠷᠠᠨ ᠠᠷᠭᠠᠶᠢ ᠬᠤᠷᠢᠶᠠᠩᠭᠤᠢᠯᠠᠨ ᠶᠠᠷᠢᠪᠠᠯ᠄ ᠨᠢᠭᠡᠳᠦ᠂ ᠤᠳᠬᠠ ᠰᠡᠳᠦᠪᠦᠨ ᠣᠯᠠᠨ ᠳᠡᠭᠲᠡᠷ ᠪᠦᠲᠦᠴᠡ ᠲᠠᠢ᠃ ᠬᠤᠰᠢᠭᠤ ᠸᠠᠩ ᠲᠤᠬᠳᠠᠭᠤᠨᠤ ᠬᠦᠷᠢᠶᠡ ᠲᠠᠯᠠ ᠨᠤᠲᠤᠭᠲᠡᠬᠢ ᠭᠤᠴᠢᠭᠠᠳ ᠵᠢᠯᠦᠨ ᠣᠷᠣᠰᠢᠯ ᠣᠷᠣᠩᠨᠠᠯ ᠨᠢ ᠣᠨᠴᠠᠭᠠᠢ ᠲᠡᠦᠬᠡᠨ ᠴᠠᠭ ᠦᠶᠡᠶᠢᠨ ᠬᠢᠰᠠᠯ ᠬᠦᠰᠡᠯ ᠬᠢᠭᠡᠳ ᠠᠰᠢᠭ᠋ ᠰᠢᠨᠤᠯᠤᠨ ᠡᠪᠯᠡᠷᠡᠰᠢ ᠦᠭᠡᠢ ᠬᠠᠷᠰᠢᠯᠳᠤᠯᠤᠨ ᠠᠬᠤᠢ ᠵᠢᠷᠤᠭᠢ ᠳᠠᠬᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃ ᠠᠭᠤᠳᠠᠨ᠂ ᠠᠲᠠᠡᠭ ᠯᠠᠮᠠᠬᠠᠢ᠂ ᠨᠤᠷᠬᠢ ᠪᠥᠭᠡ᠂ ᠭᠠᠯᠳᠠᠨ ᠲᠠᠢᠵᠢ᠂ ᠬᠠᠴᠢᠨᠬᠥᠥ᠂ ᠭᠡᠭᠡ ᠵᠡᠷᠭᠡ ᠬᠦᠷᠢᠶᠡᠶᠢᠨ ᠬᠥᠮᠥᠰ ᠬᠢᠭᠡᠳ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤᠶᠢᠨ ᠡᠯᠳᠡᠪ ᠰᠠᠨᠠᠭᠠ ᠤᠯᠠᠨ ᠰᠡᠳᠬᠢᠯᠲᠦ ᠵᠠᠪᠰᠢᠭ᠍ᠴᠢᠶᠢᠨ ᠬᠣᠭᠤᠷᠤᠨᠳᠦᠬᠢ ᠥᠯᠢᠭᠡᠷ ᠨᠢ ᠦᠨᠡᠨᠳᠡᠭᠡᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ 《ᠣᠣᠷ ᠴᠢᠳᠠᠮᠵᠢ ᠴᠢᠨᠠᠷ ᠬᠢᠭᠡᠳ ᠣᠷᠣᠰᠢᠯ ᠲᠣᠭᠲᠠᠨᠢᠯ᠂ ᠠᠰᠢᠭ᠋ ᠲᠤᠰᠠ ᠬᠢᠭᠡᠳ ᠠᠮᠢ ᠠᠮᠢᠳᠤᠷᠠᠯ᠂ ᠴᠠᠭ ᠲᠡᠦᠬᠡ ᠬᠢᠭᠡᠳ ᠰᠢᠯᠵᠢᠯ ᠰᠣᠩᠭᠣᠯᠲᠠ᠂ ᠬᠠᠮᠲᠤ ᠴᠣᠭᠴᠠ ᠬᠢᠭᠡᠳ ᠠᠭᠤᠰᠤᠯ ᠨᠢᠭᠡᠳᠦᠯ᠂ ᠦᠨᠳᠦᠰᠦᠲᠡᠨ ᠶᠠᠰᠦᠲᠠᠨ ᠬᠢᠭᠡᠳ ᠤᠯᠤᠰ ᠭᠡᠷ》 ᠮᠥᠩᠬᠡ ᠣᠷᠣᠰᠢᠬᠤ ᠪᠣᠯᠪᠠᠰᠤᠨᠤ ᠭᠦᠨ ᠤᠬᠠᠭᠠᠨᠤ ᠦᠷᠲᠡᠭᠦᠨ ᠰᠢᠰᠲᠧᠮᠢ ᠴᠣᠭᠴᠠᠯᠠᠵᠠᠢ᠃ ᠡᠨᠡ ᠨᠢ ᠳᠠᠷᠤᠢ 《ᠳᠣᠲᠣᠭᠠᠳᠤ ᠨᠢᠭ᠍ᠲᠠᠷᠠᠯ᠂ ᠭᠠᠳᠠᠭᠠᠳᠤ ᠠᠭᠤᠰᠤᠯ》 ᠭᠡᠬᠦ ᠳᠤᠮᠳᠠᠳᠦᠶᠢᠨ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠰᠦᠭ ᠰᠦᠨᠡᠰᠦ ᠪᠣᠯᠣᠨᠠ᠃ ᠬᠣᠶᠠᠷᠲᠤ᠂ ᠬᠦᠦᠷᠨᠢᠯ ᠤᠷᠠᠯᠢᠭ᠋ᠤᠨ ᠥᠪᠡᠷᠴᠢᠯᠡᠬᠦ ᠵᠠᠭᠪᠤᠷ ᠲᠠᠢ᠃ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠨᠢ ᠭᠤᠸᠠ ᠤᠷᠠᠯᠢᠭ᠋ᠤᠨ ᠲᠠᠯᠠᠪᠠᠷ 《ᠬᠦᠦᠷᠨᠢᠯᠦᠨ ᠲᠤᠤᠯᠢᠰ ᠬᠢᠭᠡᠳ ᠲᠤᠤᠯᠢᠰᠤᠨ ᠬᠦᠦᠷᠨᠢᠯ》 ᠤᠶᠠᠯᠳᠤᠭᠤᠯᠤᠭᠰᠠᠨ ᠬᠡᠪ ᠵᠠᠨᠠᠷ ᠲᠡᠭᠦᠯᠳᠡᠷ ᠪᠠᠢᠳᠠᠭ ᠠᠷᠪᠠᠨ ᠬᠣᠶᠠᠷ ᠦᠯᠢᠭᠡᠷ ᠬᠦᠦᠷᠨᠢᠯᠦᠨ ᠮᠤᠲᠸᠪ ᠦᠯᠢᠭᠡᠷ ᠢᠯᠡᠷᠬᠡᠢ ᠲᠣᠳᠣᠷᠠᠭᠤᠨ᠂ ᠪᠦᠬᠦᠯᠢ ᠴᠣᠭᠴᠠᠶᠢᠨ ᠬᠤᠪᠢᠳᠤ 《ᠤᠯᠤᠰ ᠭᠡᠷᠤᠨ ᠬᠦᠦᠷᠨᠢᠯ᠂ ᠲᠤᠤᠯᠢᠰᠵᠢᠯ ᠬᠦᠦᠷᠨᠢᠯ᠂ ᠰᠣᠶᠣᠯ ᠰᠡᠳᠬᠢᠯᠦᠨ ᠬᠦᠦᠷᠨᠢᠯ᠂ ᠰᠢᠯᠦᠭᠯᠡᠯᠲᠦ ᠬᠦᠦᠷᠨᠢᠯ᠂ ᠲᠠᠢᠯᠤᠮᠵᠢ ᠬᠦᠦᠷᠨᠢᠯ》 ᠭᠡᠬᠦ ᠰᠢᠨᠡ ᠨᠢᠭᠡᠨ ᠬᠡᠪ ᠨᠠᠮᠪᠠᠶᠢ ᠡᠭᠦᠳᠦᠯᠡ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨᠠ᠃ ᠡᠨᠡ ᠨᠢ ᠦᠨᠡᠨᠳᠡᠭᠡᠨ ᠰᠢᠳᠢᠲᠦ ᠦᠯᠢᠭᠡᠷ ᠳᠣᠮᠤᠭ ᠲᠤᠤᠯᠢᠰᠤᠨ ᠣᠣᠷ ᠰᠢᠨᠵᠢ ᠬᠢᠭᠡᠳ ᠰᠢᠯᠦᠭ ᠨᠠᠢᠷᠠᠭᠤᠨ ᠠᠷᠭᠠ ᠪᠠᠷᠢᠯ ᠲᠠᠢ ᠤᠶᠠᠯᠳᠤᠭᠰᠠᠨ ᠲ·ᠭᠣᠮᠪᠣᠵᠠᠪᠤᠨ ᠦᠷᠭᠦᠯᠵᠢ ᠪᠠᠷᠢᠮᠲᠠᠯᠠᠨ ᠪᠦᠲᠦᠭᠡᠭᠰᠡᠨ ᠨᠢᠭᠡᠨ ᠵᠦᠢᠯᠦᠨ ᠬᠦᠦᠷᠨᠢᠯ ᠪᠠᠢᠭᠠ ᠶᠤᠮ᠃ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠨᠢ ᠠᠮᠢᠳᠤᠷᠠᠯ ᠦᠯᠢᠭᠡᠷ ᠤᠷᠠᠯᠢᠭ᠋ᠢᠶᠠᠷ ᠳᠤᠮᠳᠠᠳᠦᠶᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠤᠨ ᠲᠡᠦᠬᠡᠨ ᠤᠯᠪᠠᠭᠠ ᠴᠠᠭ ᠣᠷᠣᠨ ᠵᠠᠢᠶᠢᠨ ᠡᠰᠢ ᠢᠷᠡᠯᠢ ᠢᠯᠡᠷᠡᠭᠦᠯᠦᠭᠰᠡᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠪᠣᠯᠬᠣᠷ ᠣᠨᠤᠯ ᠪᠠ ᠠᠷᠭᠠᠶᠢᠨ ᠨᠡᠩ ᠥᠨᠳᠥᠷ ᠰᠢᠨᠵᠢᠯᠡᠭᠡ ᠰᠤᠳᠤᠯᠭᠠ᠂ ᠨᠡᠩ ᠭᠦᠨᠵᠡᠭᠡᠢ ᠨᠤᠲᠠᠯᠠᠯ ᠥᠭᠦᠯᠡᠮᠵᠢ ᠦᠷᠭᠥᠯᠵᠢ ᠢᠯᠡᠷᠡᠬᠦ ᠴᠢᠬᠤᠯᠠᠲᠠᠢ ᠪᠠᠢᠭᠠ ᠨᠢ ᠮᠡᠳᠡᠭᠡᠵᠢ᠃
ᠥᠪᠥᠷ ᠮᠣᠩᠭᠣᠯᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠦᠨ ᠲᠡᠷᠢᠭᠦᠯᠡᠭᠴᠢ ᠳᠣᠷᠣᠨᠠᠲ᠋ᠡᠭᠷᠢ ——
《 ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠪᠣᠯ ᠨᠢᠭᠡᠨ ᠯᠤᠲᠤ ᠶᠡᠬᠡ ᠲᠠᠢᠯᠪᠤᠷᠢᠯᠠᠯᠲᠠ ᠵᠢᠨ ᠬᠦᠴᠦᠨ ᠲᠠᠢ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠲᠣᠭᠠᠴᠢᠯᠲᠠ ᠵᠢᠨ ᠰᠢᠰᠲᠸᠮ ᠪᠣᠯᠣᠨᠠ᠃
ᠬᠦᠷᠢᠶᠡ ᠲᠠᠯᠠ ᠨᠤᠲᠤᠭᠲᠤ ᠪᠣᠯᠤᠭᠰᠠᠨ ᠵᠠᠭᠤᠨ ᠵᠢᠯᠦᠨ ᠤᠯᠠᠷᠢᠯ ᠬᠤᠪᠢᠰᠤᠯ ᠨᠢ ᠣᠶᠣᠮᠤ ᠬᠡᠷ ᠤᠭᠰᠠᠭᠠᠨᠤ ᠰᠢᠯᠵᠢᠯ ᠨᠡᠭᠦᠳᠡᠯᠦᠨ ᠲᠤᠤᠯᠢᠰ ᠲᠡᠳᠦᠢ ᠦᠭᠡᠢ᠂ ᠨᠡᠩ ᠴᠤ᠌ ᠣᠳᠣᠬᠢᠴᠢᠯᠠᠯᠲᠠ ᠵᠢᠨ ᠰᠠᠯᠬᠢ ᠰᠢᠭᠤᠷᠭᠠ ᠤᠮᠠᠷᠠᠲᠠᠬᠢᠨᠢ ᠬᠤᠢᠯᠠᠷᠠᠭᠤᠯᠤᠭᠰᠠᠨ ᠪᠣᠯᠪᠠᠰᠤᠨᠤ ᠶᠣᠭᠲᠠ ᠦᠯᠢᠭᠡᠷ ᠪᠣᠯᠬᠤ ᠶᠤᠮ᠃
ᠤᠳᠬᠠ ᠤᠷᠠᠯᠢᠭ᠋ᠤᠨ ᠤᠬᠠᠭᠠᠨᠤ ᠬᠠᠷᠠᠭᠠᠰᠤ ᠡᠴᠡ ᠦᠵᠡᠪᠡᠯ᠂ ᠲᠤᠰ ᠵᠣᠬᠢᠶᠠᠯ ᠨᠢ ᠬᠦᠷᠢᠶᠡ ᠲᠠᠯᠠ ᠨᠤᠲᠤᠭ ᠵᠢᠡᠷ ᠳᠡᠪᠢᠰᠬᠡᠷᠯᠡᠨ᠂ ᠣᠷᠣᠨ ᠪᠦᠰᠡ ᠵᠢᠨ ᠬᠢᠵᠠᠭᠠᠷᠯᠠᠯ ᠡᠴᠡ ᠦᠰᠦᠷᠦᠨ ᠭᠠᠷᠴᠤ᠂ ᠣᠳᠣᠬᠢᠴᠢᠯᠠᠬᠤ ᠬᠤᠪᠢᠰᠤᠯᠲᠠ ᠪᠣᠯᠣᠨ ᠬᠥᠷᠥᠩᠭᠡᠶᠢᠨ ᠲᠡᠯᠡᠭᠳᠡᠯᠤᠨ ᠴᠠᠭ ᠦᠶᠡᠶᠢᠨ ᠠᠬᠤᠢ ᠪᠠᠢᠳᠠᠯᠳᠦ ᠰᠠᠭᠤᠷᠢᠯᠠᠨ᠂ ᠳᠡᠯᠡᠬᠡᠢᠶᠢᠨ ᠴᠢᠨᠠᠷᠲᠠᠢ ᠤᠳᠬᠠ ᠵᠣᠬᠢᠶᠠᠯᠤᠨ ᠲᠣᠭᠠᠴᠢᠯᠲᠠᠶᠢᠨ ᠪᠠᠢᠷᠢᠰᠢᠯᠢ ᠪᠠᠢᠭᠤᠯᠵᠠᠢ᠃ ᠪᠦᠲᠦᠭᠡᠯ ᠨᠢ ᠡᠷᠢᠨ ᠵᠠᠭᠤᠨᠤ ᠠᠭᠤᠯᠵᠠᠪᠤᠷᠢ ᠳ᠋ᠡᠬᠢ ᠨᠡᠢᠭᠡᠮᠤᠨ ᠬᠤᠪᠢᠰᠤᠯᠲᠠ ᠵᠢᠨ ᠶᠡᠬᠡ ᠤᠷᠤᠰᠬᠠᠯᠳᠤ ᠬᠠᠷᠠᠭᠠ ᠲᠠᠯᠪᠢᠨ᠂ ᠣᠶᠣᠮᠤ ᠬᠡᠷ ᠤᠭᠰᠠᠭᠠᠨᠤ ᠨᠡᠭᠦᠳᠡᠯ᠂ ᠲᠡᠮᠡᠴᠡᠯ ᠵᠢᠡᠷ ᠳᠠᠮᠵᠢᠭᠤᠯᠤᠨ ᠪᠣᠳᠠᠭᠠᠯᠢ ᠪᠡᠶᠡ ᠵᠢᠨ ᠬᠤᠪᠢ ᠲᠠᠪᠢᠯᠠᠩ ᠵᠢᠴᠢ ᠤᠯᠤᠰ ᠭᠡᠷᠦᠨ ᠬᠤᠪᠢ ᠵᠠᠶᠠᠭᠠᠶᠢ ᠰᠢᠨᠵᠢᠯᠡᠨ ᠪᠢᠴᠢᠭᠯᠡᠭᠰᠡᠨ ᠪᠠᠢᠳᠠᠭ᠃ ᠡᠭᠦᠨᠤ ᠬᠠᠮᠲᠤ᠂ ᠳᠠᠯᠳᠠ ᠵᠦᠢᠷᠯᠡᠯ ᠪᠣᠯᠣᠨ ᠶᠣᠭᠲᠠᠯᠠᠭᠰᠠᠨ ᠦᠯᠢᠭᠡᠷᠦᠨ ᠬᠡᠯᠪᠡᠷᠢ ᠪᠡᠷ ᠬᠥᠮᠥᠨ ᠴᠢᠨᠠᠷᠤᠨ ᠪᠢᠰᠢᠯᠭᠠᠯ ᠪᠣᠯᠣᠨ ᠣᠳᠣᠬᠢᠴᠢᠯᠠᠭᠰᠠᠨ ᠡᠷᠬᠢᠴᠡᠭᠦᠯᠦᠯᠲᠡᠶᠢ ᠳᠠᠯᠳᠠ ᠪᠡᠷ ᠳᠠᠮᠵᠢᠭᠤᠯᠵᠤ᠂ ᠦᠯᠢᠭᠡᠷᠴᠢ ᠴᠢᠨᠠᠷ ᠪᠠ ᠦᠵᠡᠯ ᠰᠠᠨᠠᠭᠠᠨᠤ ᠭᠦᠨᠴᠡᠶᠢ ᠵᠡᠷᠭᠡ ᠪᠡᠷ ᠪᠦᠷᠢᠯᠳᠦᠭᠦᠯᠦᠨ᠂ ᠳᠤᠷᠠ ᠰᠣᠨᠢᠷᠬᠠᠯ ᠪᠣᠯᠣᠨ ᠭᠦᠨ ᠰᠠᠨᠠᠭᠠᠨᠤ ᠨᠢᠭᠡᠳᠦᠯᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠬᠠᠷᠠᠭᠠᠰᠤ ᠡᠴᠡ ᠦᠵᠡᠪᠡᠯ᠂ 《ᠬᠡᠭᠡᠷᠡ ᠲᠠᠯᠠ》 ᠪᠣᠯᠣᠨ 《 ᠵᠠᠭᠤᠨ ᠵᠢᠯᠦᠨ ᠭᠠᠭᠴᠠᠭᠠᠷᠳᠠᠯ》 ᠳ᠋ᠤ ᠪᠦᠷ ᠬᠡᠷ ᠤᠭᠰᠠᠭᠠᠨᠦ ᠲᠤᠤᠯᠢ ᠪᠠ ᠰᠢᠳᠢᠲᠦ ᠠᠬᠤᠢᠴᠢ ᠦᠵᠡᠯᠦᠨ ᠭᠧᠨ ᠠᠭᠤᠯᠤᠭᠳᠠᠵᠤ᠂ ᠪᠣᠯᠪᠠᠰᠤᠨᠤ ᠣᠳᠣᠬᠢᠴᠢᠯᠠᠭᠰᠠᠨ ᠴᠢᠨᠠᠷ ᠲᠠᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠢ ᠪᠢᠴᠢᠭᠯᠡᠭᠰᠡᠨ ᠪᠠᠢᠳᠠᠭ᠃ ᠭᠡᠬᠦᠳᠡᠭᠡᠨ ᠡᠨᠡ ᠬᠣᠶᠠᠷ ᠵᠣᠬᠢᠶᠠᠯᠤᠨ ᠳᠣᠲᠣᠭᠠᠳᠤ ᠴᠥᠮᠡ ᠨᠢ ᠡᠷᠡᠰ ᠣᠨᠳᠣᠣ᠃ ᠳᠠᠷᠤᠢ᠂ ᠮᠠᠺᠤᠨᠳᠤ᠋ ᠨᠢ ᠮᠥᠬᠥᠯ ᠪᠠ ᠥᠨᠢ ᠮᠥᠩᠬᠡ ᠵᠢᠨ ᠭᠠᠭᠴᠠᠭᠠᠷᠳᠠᠯ ᠤᠷᠤᠭᠤ ᠶᠠᠪᠤᠵᠤ᠂ ᠬᠦᠷᠢᠶᠡ ᠵᠢᠨ ᠨᠡᠭᠦᠳᠡᠯ ᠮᠠᠯᠵᠢᠯᠦᠨ ᠪᠣᠯᠪᠠᠰᠤᠨ ᠨᠢ ᠶᠡᠬᠡ ᠨᠢᠭᠡᠳᠦᠯᠤᠨ ᠠᠬᠢᠴᠠ ᠳᠤᠮᠳᠠ ᠤᠶᠤᠨ ᠰᠠᠨᠠᠭᠠᠨᠤ ᠠᠮᠤᠷ ᠠᠮᠤᠭᠤᠯᠠᠩᠢ ᠣᠯᠵᠤ᠂ ᠬᠥᠮᠥᠨᠤ ᠬᠤᠪᠢ ᠵᠠᠶᠠᠭᠠᠪᠠᠷ ᠪᠣᠯᠪᠠᠰᠤᠨᠤ ᠠᠭᠤᠰᠤᠯᠴᠠᠯᠢ ᠪᠢᠴᠢᠭᠯᠡᠵᠦ᠂ ᠭᠠᠭᠴᠠᠭᠠᠷᠳᠠᠮᠠᠯ ᠬᠦᠦᠷᠨᠢᠯᠢ ᠰᠢᠪᠲᠤᠯᠤᠨ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ ᠬᠠᠮᠲᠤᠷᠠᠨ ᠣᠷᠣᠰᠢᠬᠤ ᠢᠷᠠᠭᠤ ᠲᠤᠤᠯᠢᠰᠢ ᠪᠢᠴᠢᠭᠯᠡᠪᠡ᠃
ᠤᠯᠤᠰ ᠲᠥᠷᠥᠶᠢᠨ ᠤᠬᠠᠭᠠᠨᠤ ᠬᠠᠷᠠᠭᠠᠰᠤ ᠡᠴᠡ ᠦᠵᠡᠪᠡᠯ᠂ ᠵᠣᠬᠢᠶᠠᠯ ᠳᠣᠲᠣᠷᠠᠬᠢ ᠲᠡᠦᠬᠡ ᠰᠣᠶᠣᠯ᠂ ᠭᠠᠵᠠᠷ ᠨᠤᠲᠤᠭ᠂ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ᠋ ᠰᠠᠨᠠᠭᠠ᠂ ᠡᠬᠡ ᠤᠯᠤᠰ ᠵᠡᠷᠭᠡ ᠠᠭᠤᠯᠤᠭᠳᠠᠬᠤᠨ ᠨᠢ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ 《ᠲᠠᠪᠤᠶᠢ ᠬᠠᠮᠲᠤ ᠪᠡᠷ ᠪᠠᠢᠭᠤᠯᠤᠭᠰᠠᠨ》 ᠭᠡᠳᠡᠭ ᠦᠵᠡᠯ ᠰᠠᠨᠠᠭᠠᠶᠢ ᠵᠣᠬᠢᠶᠠᠯ ᠦ᠋ᠨ ᠪᠦ᠋ᠬᠦᠢᠯᠡ ᠭᠣᠭᠴᠣᠭᠠᠨᠳᠤ ᠪᠦᠷᠢᠮᠦᠰᠦᠨ ᠲᠤᠭᠤᠰᠢᠯᠠᠭᠤᠯᠤᠭᠰᠠᠨ ᠪᠠᠢᠭᠠ ᠶᠤᠮ᠃
ᠵᠣᠬᠢᠶᠠᠭ᠍ᠴᠢ ᠲ·ᠭᠣᠮᠪᠣᠵᠠᠪ ——
《 ᠬᠡᠭᠡᠷᠡ ᠲᠠᠯᠠ 》 ᠷᠣᠮᠠᠨ ᠪᠤᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠤ ᠬᠠᠷᠠᠭᠠᠰᠤᠨ ᠲᠤᠤᠷᠠᠬᠢ ᠲᠠᠯᠠ ᠨᠤᠳᠤᠭᠤᠨ ᠠᠮᠢᠳᠤᠷᠠᠯ᠂ ᠰᠤᠶᠤᠯ᠂ ᠲᠡᠤᠭᠡ ᠵᠢᠨ ᠲᠤᠬᠠᠢ ᠬᠦᠤᠷᠨᠢᠯ ᠪᠤᠯᠤᠨᠠ᠃
ᠷᠤᠮᠠᠨᠳᠤ ᠪᠢ ᠲᠡᠤᠭᠡᠨ ᠵᠠᠮ ᠴᠢᠭᠯᠡᠯᠤᠨ ᠲᠤᠬᠠᠢ ᠬᠠᠢᠨ ᠲᠤᠳᠤᠯᠤᠯᠳᠠ᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠠᠮᠢᠳᠤᠷᠠᠯᠤᠨ ᠬᠡᠯᠪᠡᠷᠢ ᠵᠠᠬᠪᠤᠷᠤᠨ ᠲᠤᠬᠠᠢ ᠬᠢᠨᠡᠪᠤᠷᠢ ᠰᠢᠨᠵᠢᠯᠡᠯ᠂ ᠲᠡᠤᠭᠡ ᠪᠤᠯᠪᠠᠰᠤᠨᠤ ᠮᠤᠷᠤᠢᠯᠳᠡ ᠵᠢᠨ ᠲᠤᠬᠠᠢ ᠠᠵᠢᠬᠯᠠᠯ ᠦᠵᠡᠯᠳᠡ᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠬᠢᠭᠡᠳ ᠲᠠᠷᠢᠶᠠᠯᠠᠨ ᠠᠮᠢᠳᠤᠷᠠᠬᠤ ᠬᠡᠯᠪᠡᠷᠢ ᠵᠠᠬᠪᠤᠷᠤᠨ ᠬᠤᠭᠤᠷᠤᠨᠳᠤᠬᠢ ᠠᠭᠤᠰᠤᠯᠴᠠᠯ ᠨᠦᠬᠦᠴᠡᠯᠤᠨ ᠲᠤᠬᠠᠢ ᠲᠤᠡᠭᠭᠠᠭᠠᠯᠳᠠ ᠲᠠᠨᠢᠪᠤᠷᠢ ᠪᠡᠨ ᠡᠳᠤᠷ ᠲᠤᠳᠤᠮᠤᠨ ᠪᠠᠢᠡᠭᠭᠤ ᠠᠮᠢᠳᠤᠷᠠᠯᠳᠤ ᠰᠢᠡᠭᠭᠡᠭᠡᠨ ᠠᠭᠤᠰᠬᠠᠬᠰᠠᠨ ᠪᠢᠴᠢᠭᠯᠡᠯ ᠶᠤᠮ᠃ ᠡᠬᠦᠨ ᠡᠴᠡ ᠡᠰᠢ ᠠᠪᠤᠬᠰᠠᠨ ᠲᠡᠤᠭᠡᠨ ᠠᠬᠤᠢ ᠨᠢ ᠶᠠᠭ ᠯᠡ ᠲᠤᠮᠳᠠᠳᠤ ᠵᠢᠨ ᠦᠨᠳᠤᠰᠤᠳᠡᠨᠤ ᠬᠠᠮᠳᠤ ᠵᠢᠨ ᠴᠤᠬᠴᠠ ᠪᠦᠷᠢᠯᠳᠤᠨ ᠲᠤᠬᠳᠠᠬᠤ ᠵᠢᠨ ᠤᠷᠢᠳᠠᠯ ᠨᠦᠬᠦᠴᠡᠯ ᠬᠢᠭᠡᠳ ᠰᠠᠭᠤᠷᠢ ᠴᠢᠯᠠᠭᠤ ᠨᠢ ᠪᠤᠯᠬᠤ ᠶᠤᠮ᠃
ᠲ·ᠭᠣᠮᠪᠣᠵᠠᠪᠤᠨ ᠪᠦᠲᠦᠭᠡᠯᠤᠳ᠄
ᠣᠳᠤ ᠦᠶᠡ ᠵᠢᠨ ᠬᠢᠲᠠᠳ ᠬᠡᠯᠡᠨᠦ 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》
《ᠲ·ᠭᠣᠮᠪᠣᠵᠠᠪᠦᠨ ᠵᠣᠬᠢᠶᠠᠯᠤᠨ ᠰᠢᠯᠢᠮᠡᠯ ᠢᠷᠡᠬᠦ ᠵᠠᠭᠤᠨᠤ ᠬᠤᠩᠬᠤᠨ ᠲᠠᠭᠤᠨ》
《ᠲᠤᠭᠤᠯᠴᠢᠨ ᠬᠦᠦ》
《ᠮᠠᠭᠠᠳ ᠮᠣᠩᠭᠣᠯ ᠲᠣᠪᠴᠢᠶᠠᠨ》
《ᠲᠡᠦᠬᠡ ᠵᠢᠨ ᠪᠠᠷᠠ ᠪᠤᠶᠤ ᠰᠠᠭᠠᠩ ᠰᠡᠴᠡᠨᠦ ᠨᠠᠮᠲᠠᠷ》
《 ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠮᠥᠷ ᠲᠡᠮᠳᠡᠭᠯᠡᠯ》
《 ᠬᠡᠭᠡᠷᠡ ᠲᠠᠯᠠ》
ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠫᠷᠤᠹᠸᠰᠰᠤᠷ ᠡᠷᠳᠡᠨᠢᠬᠠᠳᠠ ——
《ᠬᠡᠭᠡᠷᠡ ᠲᠠᠯᠠ》 ᠪᠣᠯ ᠵᠣᠬᠢᠶᠠᠭ᠍ᠴᠢ ᠵᠢᠨ ᠨᠠᠷᠢᠨ ᠰᠡᠳᠬᠢᠵᠦ ᠨᠠᠷᠢᠯᠢᠭ᠋ ᠵᠣᠬᠢᠴᠠᠭᠤᠯᠤᠭᠰᠠᠨ ᠤᠶᠤᠨᠤ ᠬᠠᠩᠭᠠᠢ ᠪᠣᠯᠬᠤ ᠶᠤᠮ᠃
《ᠬᠡᠭᠡᠷᠡ ᠲᠠᠯᠠ》 ᠳ᠋ᠤ ᠵᠢᠷᠤᠭᠯᠠᠭᠰᠠᠨ ᠨᠤᠲᠤᠭ ᠪᠣᠯ ᠰᠡᠳᠬᠢᠯᠭᠡᠵᠢᠭᠦᠯᠦᠭᠰᠡᠨ ᠨᠤᠲᠤᠭ᠂ ᠡᠨᠳᠡ ᠮᠠᠰᠢ ᠤᠯᠠᠨ ᠠᠰᠠᠭᠤᠳᠠᠯᠢ ᠬᠤᠷᠢᠶᠠᠩᠭᠤᠢᠯᠠᠨ ᠳᠡᠯᠭᠡᠵᠡᠢ᠃ ᠵᠣᠬᠢᠶᠠᠯᠳᠦ ᠲᠤᠰᠬᠠᠭᠰᠠᠨ ᠴᠠᠭ ᠦᠶᠡ ᠪᠣᠯ ᠠᠷᠪᠠ ᠶᠢᠰᠦᠳᠦᠭᠡᠷ ᠵᠠᠭᠤᠨᠤ ᠰᠡᠭᠦᠯᠴᠢ ᠬᠣᠷᠢᠳᠤᠭᠠᠷ ᠵᠠᠭᠤᠨᠤ ᠡᠬᠢᠨ ᠳ᠋ᠡᠬᠢ ᠦᠢᠮᠡᠭᠡᠨᠲᠦ ᠴᠠᠭ ᠦᠶᠡ᠂ ᠴᠢᠩ ᠤᠯᠤᠰᠤᠨ ᠵᠠᠰᠠᠭ ᠲᠦᠷᠥ ᠰᠠᠵᠢᠯᠠᠨ ᠳᠣᠯᠭᠢᠰᠴᠤ᠂ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠬᠢᠭᠡᠳ ᠠᠷᠠᠳᠴᠢᠯᠠᠯᠤᠨ ᠵᠠᠮ ᠨᠢ ᠠᠷᠠᠳ ᠲᠦᠮᠡᠨᠦ ᠵᠠᠢᠯᠠᠰᠢ ᠦᠭᠡᠢ ᠰᠣᠩᠭᠣᠯᠲᠠ ᠪᠣᠯᠵᠠᠢ᠃ ᠮᠣᠩᠭᠣᠯ ᠨᠤᠲᠤᠭ ᠨᠢ ᠪᠦᠬᠦ ᠲᠤᠮᠳᠠᠳᠤᠶᠢᠨ ᠨᠤᠲᠤᠭ ᠳᠡᠪᠢᠰᠬᠡᠷᠤᠨ ᠪᠦᠷᠢᠯᠳᠦᠭᠦᠨ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ ᠠᠳᠠᠯᠢᠬᠠᠨ ᠵᠢᠡᠷ ᠬᠤᠪᠢ ᠵᠠᠶᠠᠭᠠᠨᠤ ᠰᠣᠩᠭᠣᠯᠲᠠᠳᠤ ᠲᠤᠯᠭᠠᠷᠠᠵᠤ ᠪᠠᠢᠯᠠ᠃
ᠭᠠᠩ ᠭᠠᠴᠢᠭ᠋ ᠡᠴᠡ ᠵᠠᠢᠯᠠᠵᠤ ᠢᠷᠡᠭᠰᠡᠨ ᠡᠨᠡ ᠪᠦᠯᠦᠭ ᠬᠥᠮᠥᠰᠦᠨ ᠡᠮᠦᠨᠡ ᠨᠡᠭᠦᠳᠡᠯ ᠪᠠ ᠰᠠᠭᠤᠷᠢᠰᠢᠯ᠂ ᠮᠠᠯᠵᠢᠬᠤ ᠪᠠ ᠲᠠᠷᠢᠶᠠᠯᠠᠬᠤ ᠵᠢᠴᠢ ᠠᠷᠠᠯᠵᠢᠶᠠᠯᠠᠬᠤ᠂ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠪᠠ ᠰᠢᠨᠡ ᠵᠠᠩᠰᠢᠯ᠂ ᠱᠠᠰᠢᠨ ᠰᠤᠷᠲᠠᠬᠤᠨ ᠪᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠪᠠᠷᠢᠮᠲᠠᠯᠠᠬᠤ ᠪᠤᠶᠤ ᠲᠠᠶᠠᠭᠳᠠᠬᠤ ᠭᠡᠬᠦ ᠮᠡᠲᠦ ᠵᠢᠨ ᠤᠯᠠᠨ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠵᠠᠢ᠃ ᠬᠥᠮᠥᠰᠦᠨ ᠳᠦᠷᠢᠳᠦ ᠴᠤ᠌ ᠬᠠᠮᠠᠭᠠᠯᠠᠬᠤ ᠪᠠ ᠬᠠᠯᠳᠠᠬᠤ᠂ ᠪᠠᠷᠢᠮᠲᠠᠯᠠᠬᠤ ᠪᠠ ᠥᠭᠡᠷᠡᠴᠢᠯᠡᠬᠦ ᠭᠡᠬᠦ ᠮᠡᠲᠦ ᠵᠢᠨ ᠤᠯᠠᠨ ᠠᠷᠪᠢᠨ ᠪᠡᠯᠭᠡᠳᠡᠯ ᠤᠳᠬᠠ ᠠᠬᠤᠭᠤᠯᠤᠭᠳᠠᠵᠤ ᠪᠠᠢᠪᠠ᠃ ᠵᠣᠬᠢᠶᠠᠭ᠍ᠴᠢ ᠡᠴᠡ ᠡᠳᠡᠭᠡᠷ ᠤᠯᠠᠨ ᠵᠢᠷᠤᠭᠯᠠᠯᠤᠨ ᠳᠤᠮᠳᠠ ᠤᠳᠬᠠ ᠰᠡᠳᠦᠪ ᠵᠢᠡᠨ ᠳᠡᠭᠡᠭᠰᠢᠯᠡᠭᠦᠯᠵᠡᠢ — ᠡᠨᠡ ᠨᠤᠲᠤᠭ ᠪᠣᠯ ᠡᠬᠡ ᠣᠷᠣᠨᠤ ᠡᠯᠢᠭᠡᠨ ᠳ᠋ᠡᠬᠢ ᠡᠵᠢ ᠲᠠᠢ ᠬᠠᠢᠷᠠ ᠲᠠᠢ ᠨᠤᠲᠤᠭ ᠪᠢᠯᠡ᠃
ᠷᠣᠮᠠᠨ ᠪᠣᠯ ᠵᠣᠬᠢᠶᠠᠭ᠍ᠴᠢ ᠵᠢᠨ ᠰᠡᠳᠬᠢᠯᠦᠨ ᠲᠠᠮᠢᠷ ᠵᠢᠡᠷ ᠪᠦᠲᠦᠭᠡᠭᠳᠡᠳᠡᠭ ᠬᠦᠦᠷᠨᠢᠯᠦᠨ ᠤᠷᠠᠯᠢᠭ᠋ ᠪᠣᠯᠬᠤ ᠶᠤᠮ᠃ ᠷᠣᠮᠠᠨᠳᠤ ᠲᠡᠦᠬᠡ ᠰᠣᠶᠣᠯᠤᠨ ᠲᠤᠩᠭᠠᠭᠠᠯᠲᠠ᠂ ᠬᠥᠮᠥᠨ ᠠᠷᠠᠳᠤᠨ ᠠᠮᠢᠳᠤᠷᠠᠯ᠂ ᠭᠦᠨ ᠤᠬᠠᠭᠠᠨᠤ ᠪᠢᠰᠢᠯᠭᠠᠯ ᠨᠢ ᠪᠦᠷ ᠴᠤ᠌ ᠬᠦᠦᠷᠨᠢᠬᠦ ᠤᠷᠠᠯᠢᠭ᠋ᠤᠨ ᠵᠢᠮᠡ ᠬᠠᠤᠯᠢ ᠪᠡᠷ ᠪᠡᠶᠡᠯᠡᠯ ᠵᠢᠡᠨ ᠣᠯᠳᠠᠭ᠃ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨᠤ ᠵᠣᠬᠢᠶᠠᠭ᠍ᠴᠢ ᠤᠷᠠᠯᠠᠨ ᠵᠣᠬᠢᠶᠠᠬᠤ᠂ ᠦᠯᠢᠭᠡᠷᠯᠡᠨ ᠬᠦᠦᠷᠨᠢᠬᠦ᠂ ᠥᠭᠦᠯᠡᠨ ᠲᠣᠭᠠᠴᠢᠬᠤ ᠭᠡᠰᠡᠨ ᠭᠤᠷᠪᠠᠨ ᠵᠦᠢᠯᠦᠨ ᠤᠷᠠᠯᠢᠭ᠋ᠤᠨ ᠠᠷᠭᠠ ᠪᠠᠷᠢᠯ ᠵᠢᠡᠷ ᠵᠣᠬᠢᠶᠠᠯ ᠵᠢᠡᠨ ᠥᠷᠨᠢᠭᠦᠯᠵᠡᠢ᠃ ᠲᠡᠷᠡ ᠲᠡᠨᠳᠡ ᠥᠪᠡᠷᠦᠨ ᠭᠡᠰᠡᠨ ᠤᠶᠤᠨᠤ ᠬᠦᠰᠡᠯᠡᠩ ᠳ᠋ᠡᠭᠡᠨ ᠲᠠᠲᠠᠭᠳᠠᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠬᠥᠭᠵᠢᠯᠲᠡ ᠵᠢᠨ ᠲᠤᠬᠠᠢ᠂ ᠴᠠᠭ ᠦᠶᠡᠶᠢᠨ ᠦᠢᠮᠡᠭᠡᠨ ᠳᠡᠪᠵᠢᠶᠡᠨᠦ ᠲᠤᠬᠠᠢ᠂ ᠣᠷᠣᠨ ᠨᠤᠲᠤᠭᠤᠨ ᠢᠷᠡᠭᠡᠳᠦᠢ ᠵᠢᠨ ᠲᠤᠬᠠᠢ᠂ ᠡᠬᠡ ᠣᠷᠣᠨᠤ ᠨᠢᠭᠡᠳᠦᠯ ᠬᠥᠭᠵᠢᠯᠦᠨ ᠲᠤᠬᠠᠢ ᠤᠯᠠᠨ ᠠᠷᠪᠢᠨ ᠦᠵᠡᠯ ᠪᠤᠳᠤᠯ ᠵᠢᠡᠨ ᠵᠣᠬᠢᠶᠠᠯᠳᠦ ᠠᠭᠤᠰᠬᠠᠪᠠ᠃ ᠭᠡᠬᠦᠳᠦ ᠡᠳᠡᠭᠡᠷ ᠨᠢ ᠦᠢᠯᠡ ᠶᠠᠪᠤᠳᠠᠯᠤᠨ ᠬᠥᠭᠵᠢᠯᠲᠡ ᠵᠢᠨ ᠶᠠᠪᠤᠴᠠ ᠳᠤᠮᠳᠠ ᠠᠯᠭᠤᠷ ᠠᠭᠠᠵᠢᠮ ᠵᠢᠡᠷ ᠠᠶᠠᠲᠠᠢᠬᠠᠨ ᠳᠡᠯᠭᠡᠭᠳᠡᠪᠡ᠃ ᠵᠣᠬᠢᠶᠠᠯᠤᠨ ᠳᠦᠷᠢᠨᠦᠭᠦᠳᠲᠦ ᠶᠡᠬᠡ ᠳᠡᠩᠳᠡᠭᠰᠡᠨ ᠠᠭᠠᠯᠢ ᠠᠪᠤᠷᠢ ᠲᠠᠢ ᠬᠥᠮᠥᠨ ᠦᠭᠡᠢ᠂ ᠵᠣᠬᠢᠶᠠᠯᠤᠨ ᠦᠢᠯᠡ ᠶᠠᠪᠤᠳᠠᠯ ᠶᠡᠬᠡ ᠳᠠᠪᠠᠯᠭᠠᠨ ᠥᠷᠨᠢᠯ ᠦᠭᠡᠢ᠂ ᠦᠢᠯᠡ ᠶᠠᠪᠤᠳᠠᠯ ᠪᠠ ᠳᠦᠷᠢ ᠵᠢᠨ ᠵᠢᠮᠡ ᠬᠠᠤᠯᠢ ᠪᠡᠷ ᠵᠢᠡᠨ ᠠᠬᠢᠭᠠᠳ ᠪᠠᠢᠯᠠ᠃ ᠵᠣᠬᠢᠶᠠᠯᠳᠦ ᠤᠯᠠᠨ ᠭᠠᠵᠠᠷ ᠮᠠᠰᠢ ᠬᠠᠪᠤᠲᠠᠢ 《ᠲᠤᠭᠤᠷᠪᠢᠭ᠍ᠴᠢ ᠵᠢᠨ ᠥᠭᠦᠯᠡᠯᠲᠡ》ᠶ᠋ᠢ ᠣᠷᠣᠭᠤᠯᠵᠠᠢ᠃ ᠡᠨᠡ ᠨᠢ ᠷᠣᠮᠠᠨᠳᠤ ᠢᠯᠡᠭᠦᠴᠡ ᠵᠦᠢᠯ ᠪᠣᠯᠤᠭᠰᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠷᠣᠮᠠᠨᠤ ᠮᠠᠰᠢ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠣᠯᠪᠠ᠃ ᠲᠡᠭᠡᠬᠦᠳᠦ ᠷᠣᠮᠠᠨ ᠠᠮᠢᠳᠤᠷᠠᠯᠤᠨ ᠠᠯᠢ ᠤᠯᠠᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠵᠦᠢᠯᠡᠰᠢ ᠵᠥᠪ ᠵᠢᠡᠷ ᠲᠤᠰᠬᠠᠭᠰᠠᠨ ᠪᠦᠭᠡᠳ ᠵᠣᠬᠢᠶᠠᠭ᠍ᠴᠢ ᠵᠢᠨ ᠭᠦᠨ ᠰᠡᠳᠬᠢᠮᠵᠢᠲᠦ ᠦᠵᠡᠯ ᠣᠢᠯᠠᠭᠠᠯᠲᠠ ᠵᠢ ᠮᠥᠨ ᠰᠢᠩᠭᠡᠬᠡᠨ ᠢᠯᠡᠳᠬᠡᠵᠦ ᠴᠢᠳᠠᠪᠠ᠃ ᠡᠨᠡ ᠪᠣᠯ ᠦᠵᠡᠯ ᠰᠠᠨᠠᠭᠠᠨᠤ ᠭᠦᠨᠴᠡ ᠪᠠ ᠢᠯᠡᠳᠬᠡᠮᠵᠢ ᠵᠢᠨ ᠤᠷᠠᠯᠢᠭ᠋ ᠬᠣᠶᠠᠷ ᠲᠠᠯᠠᠶᠢ ᠠᠭᠤᠯᠤᠭᠰᠠᠨ ᠤᠶᠤᠨᠤ ᠲᠠᠮᠢᠷ ᠪᠣᠯᠬᠤ ᠶᠤᠮ᠃
ᠤᠷᠠᠨ ᠵᠣᠬᠢᠶᠠᠯ ᠢᠯᠠᠩᠭᠤᠶᠠ ᠤᠷᠳᠤ ᠬᠡᠮᠵᠢᠶᠡᠨᠦ ᠬᠦᠦᠷᠨᠢᠯ ᠲᠣᠭᠠᠴᠢᠯᠲᠠ ᠵᠢᠨ ᠵᠣᠬᠢᠶᠠᠯᠳᠤ ᠬᠦᠨᠳᠦᠴᠡ ᠬᠡᠷᠡᠭᠲᠡᠢ᠂ ᠠᠮᠢᠳᠤᠷᠠᠯ ᠪᠠ ᠦᠵᠡᠯ ᠰᠠᠨᠠᠭᠠᠨᠤ ᠨᠥᠭᠡᠴᠡ ᠬᠡᠷᠡᠭᠲᠡᠢ᠂ ᠡᠨᠡ ᠤᠳᠬᠠ ᠡᠴᠡ ᠠᠪᠴᠤ ᠦᠵᠡᠪᠡᠯ᠂ ᠤᠬᠠᠭᠠᠨ ᠬᠠᠢᠷᠠ ᠵᠢᠨ ᠨᠤᠲᠤᠭ ᠪᠠ ᠤᠶᠤᠨ ᠰᠡᠳᠬᠢᠯᠦᠨ ᠲᠠᠮᠢᠷ ᠬᠣᠶᠠᠷ ᠨᠡᠢᠯᠡᠯᠴᠡᠭᠰᠡᠨ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠤᠩᠰᠢᠬᠤᠳᠤ ᠬᠠᠪᠤᠲᠠᠢ ᠳᠣᠷᠪᠢᠯᠢᠭ᠋ ᠪᠦᠲᠦᠭᠡᠯ ᠪᠣᠯᠵᠤ ᠴᠢᠳᠠᠵᠠᠢ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠣᠳᠣ᠌ ᠦᠶᠡᠶᠢᠨ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠤᠳᠤᠯᠭᠠᠨᠤ ᠨᠡᠢᠭᠡᠮᠯᠢᠭᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠬᠢᠩᠭᠠᠨ ——
ᠲᠤᠤᠯᠢᠰᠤᠨ ᠴᠢᠨᠠᠷ ᠪᠣᠯᠣᠨ ᠶᠣᠭᠲᠠ ᠰᠠᠨᠠᠭᠠᠶᠢ ᠬᠠᠪᠰᠤᠷᠭᠠᠭᠰᠠᠨ ᠨᠢ 《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨᠤ ᠬᠠᠮᠤᠭ ᠡᠴᠡ ᠲᠣᠪᠣᠢᠮᠠ ᠬᠦᠦᠷᠨᠢᠯᠦᠨ ᠣᠨᠴᠠᠯᠢᠭ᠋ ᠪᠤᠯᠤᠨᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠲᠤᠭᠤᠵᠢ ᠵᠢᠨ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠰᠤᠳᠠᠰᠤ ᠲᠣᠳᠣᠷᠬᠠᠢ ᠪᠥᠭᠡᠳ ᠠᠭᠤᠯᠭᠠ ᠵᠢᠨ ᠬᠤᠪᠢᠳᠤ ᠭᠦᠨᠴᠡ ᠲᠠᠢ ᠪᠠᠢᠵᠤ᠂ ᠰᠢᠨᠡ ᠵᠠᠭᠤᠨ ᠳᠠᠮᠵᠢᠭ᠍ᠰᠠᠨ ᠡᠴᠡ ᠬᠣᠢᠰᠢ ᠳ᠋ᠠᠩ ᠴᠤᠯᠭᠤᠢ ᠬᠤᠪᠢᠰᠬᠠᠯᠤᠨ ᠲᠣᠭᠠᠴᠢᠯᠲᠠ ᠡᠴᠡ ᠠᠩᠭᠢᠵᠢᠷᠠᠨ᠂ ᠣᠯᠠᠨ ᠡᠰᠢᠲᠦ ᠰᠦᠪᠡᠭᠴᠢᠯᠡᠯᠲᠡ ᠬᠢᠭᠡᠳ ᠭᠦᠨᠵᠡᠭᠡᠢ ᠬᠤᠪᠢᠷᠠᠯᠲᠠ ᠲᠡᠢᠰᠢ ᠵᠠᠮᠨᠠᠭᠰᠠᠨ ᠪᠠᠢᠳᠠᠭ᠃ 《ᠬᠡᠭᠡᠷᠡ ᠲᠠᠯᠠ》 ᠢᠷᠠᠭᠤ ᠨᠠᠢᠷᠠᠭᠤᠨ ᠤᠷᠮᠠ ᠰᠡᠳᠬᠢᠯᠭᠡ᠂ ᠬᠦᠦᠷᠨᠢᠯᠤᠨ ᠪᠠᠢᠭᠤᠯᠤᠯᠲᠠ ᠬᠢᠭᠡᠳ ᠲᠡᠦᠬᠡᠶᠢᠨ ᠪᠢᠰᠢᠯᠭᠠᠯᠢ ᠠᠭᠤᠰᠤᠯᠴᠠᠭᠤᠯᠵᠤ᠂ ᠲᠡᠦᠬᠡᠶᠢᠨ ᠭᠦᠨᠵᠡᠭᠡᠢᠷᠡᠯ ᠬᠢᠭᠡᠳ ᠦᠵᠡᠯ ᠰᠠᠨᠠᠭᠠᠨᠤ ᠵᠤᠵᠠᠭᠠᠨ ᠨᠥᠭᠡᠴᠡᠶᠢ ᠪᠦᠷᠢᠯᠳᠦᠭᠦᠯᠦᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠤᠳᠬᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠳᠠᠪᠠᠯᠲᠠ ᠴᠢᠨᠠᠷᠲᠠᠢ ᠰᠢᠪᠲᠤᠯᠤᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
ᠲᠤᠰ ᠪᠦᠲᠦᠭᠡᠯ ᠨᠢ ᠳ᠋ᠠᠩ ᠭᠠᠭᠴᠠ ᠦᠨᠳᠦᠰᠦᠲᠡᠨᠤ ᠦᠢᠯᠡ ᠶᠠᠪᠤᠳᠠᠯᠢ ᠬᠦᠦᠷᠨᠢᠬᠦ ᠬᠢᠵᠠᠭᠠᠷᠯᠠᠯᠠᠴᠠ ᠦᠰᠦᠷᠦᠨ ᠭᠠᠷᠴᠤ᠂ ᠪᠦᠬᠦ ᠬᠢᠵᠠᠭᠠᠷ ᠣᠷᠣᠨᠤ ᠬᠠᠷᠠᠭᠠᠰᠤ ᠡᠴᠡ ᠭᠠᠷ ᠣᠷᠣᠵᠤ᠂ ᠦᠨᠳᠦᠰᠦᠲᠡᠨᠦ ᠤᠳᠬᠠ ᠵᠣᠬᠢᠶᠠᠯᠤᠨ ᠢᠯᠡᠳᠬᠡᠬᠦ ᠵᠠᠭᠠᠭ ᠴᠠᠷᠠᠶᠢ ᠥᠷᠭᠡᠳᠬᠡᠭᠰᠡᠨ ᠪᠠᠢᠨᠠ ᠃ ᠨᠣᠮᠳᠦ ᠱᠤᠭᠤᠭᠰᠠᠨ ᠬᠥᠮᠥᠰᠤᠨ ᠳᠦᠷᠢ ᠨᠢ ᠵᠠᠩ ᠠᠭᠠᠰᠢ ᠵᠢᠨ ᠳ᠋ᠠᠩ ᠴᠤᠯᠭᠤᠢ ᠢᠯᠡᠷᠡᠯ ᠲᠠᠢ ᠪᠦᠲᠦᠭᠡᠯᠭᠡᠶᠢ ᠰᠢᠪᠲᠤᠯᠵᠤ᠂ ᠴᠠᠭ ᠦᠶᠡᠶᠢᠨ ᠬᠤᠪᠢᠰᠤᠯᠤᠨ ᠳᠤᠮᠳᠠ ᠤᠢᠭᠠ ᠦᠭᠡᠢ ᠬᠥᠭᠡᠭᠡᠴᠡᠯᠳᠦᠯ ᠲᠠᠢ᠂ ᠥᠪᠡᠷᠮᠢᠴᠡ ᠤᠶᠤᠨ ᠰᠠᠨᠠᠭᠠᠨᠤ ᠠᠭᠤᠯᠤᠭᠳᠠᠬᠤᠨᠢ ᠲᠠᠢᠯᠪᠤᠷᠢᠯᠠᠨ᠂ ᠨᠠᠷᠢᠨ ᠪᠤᠳᠤᠯᠢᠶᠠᠨᠲᠠᠢ ᠬᠥᠮᠥᠨ ᠴᠢᠨᠠᠷᠤᠨ ᠬᠦᠴᠦᠨ ᠴᠢᠳᠠᠯᠢ ᠢᠯᠡᠷᠡᠭᠦᠯᠵᠡᠢ᠃ ᠷᠣᠮᠠᠨ ᠨᠢ ᠲᠠᠯᠠ ᠨᠤᠲᠤᠭᠤᠨ ᠬᠤᠪᠢᠷᠠᠯᠲᠠᠪᠠᠷ ᠦᠨᠳᠦᠰᠦᠲᠡᠨᠤ ᠬᠤᠪᠢ ᠵᠠᠶᠠᠭᠠᠨᠤ ᠤᠴᠢᠭ᠋ᠢ ᠬᠠᠷᠠᠭᠤᠯᠵᠤ᠂ ᠬᠠᠷᠢ ᠭᠠᠳᠠᠨᠠ ᠡᠴᠡ ᠢᠷᠡᠭᠰᠡᠨ ᠤᠯᠠᠨ ᠵᠦᠢᠯᠦᠨ ᠬᠥᠮᠥᠰ ᠪᠠ ᠢᠲᠡᠭᠡᠯ ᠪᠢᠰᠢᠷᠡᠯᠦᠨ ᠵᠥᠷᠢᠴᠡᠯᠳᠦᠭᠡᠨᠢ ᠳᠡᠯᠡᠬᠡᠢᠶᠢᠨ ᠲᠡᠦᠬᠡᠶᠢᠨ ᠠᠬᠤᠢ ᠪᠠᠢᠳᠠᠯ ᠲᠠᠢ ᠬᠣᠯᠪᠣᠨ᠂ ᠡᠭᠦᠨᠦ ᠳᠠᠭᠠᠤᠳᠤ ᠺᠣᠯᠣᠨᠢᠴᠢᠯᠠᠯᠤᠨ ᠵᠡᠷᠯᠢᠭ ᠰᠠᠨᠠᠭᠠ ᠪᠣᠯᠣᠨ ᠪᠣᠯᠪᠠᠰᠤᠨᠤ ᠮᠥᠷᠥᠢᠴᠡᠭᠡᠨᠢ ᠳᠠᠯᠳᠠ ᠪᠡᠷ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠳᠠᠭ᠃
ᠲᠤᠤᠯᠢᠰᠤᠨ ᠴᠢᠨᠠᠷ ᠪᠣᠯᠣᠨ ᠶᠣᠭᠲᠠ ᠰᠠᠨᠠᠭᠠᠶᠢ ᠬᠠᠪᠰᠤᠷᠭᠠᠭᠰᠠᠨ ᠨᠢ 《ᠬᠡᠭᠡᠷᠡ ᠲᠠᠯᠠ》ᠷᠣᠮᠠᠨᠤ ᠬᠠᠮᠤᠭ ᠡᠴᠡ ᠲᠣᠪᠣᠢᠮᠠ ᠬᠦᠦᠷᠨᠢᠯᠦᠨ ᠣᠨᠴᠠᠯᠢᠭ᠋ ᠪᠠᠢᠵᠤ᠂ ᠲᠡᠦᠬᠡᠴᠢᠯᠡᠭᠰᠡᠨ ᠮᠠᠶᠢᠭ᠋ᠤᠨ ᠦᠨᠳᠦᠰᠦᠲᠡᠨᠦ ᠲᠤᠤᠯᠢ ᠪᠣᠯᠬᠤ ᠪᠡᠷ ᠪᠠᠷᠠᠬᠤ ᠦᠭᠡᠢ᠂ ᠪᠣᠯᠪᠠᠰᠤᠨᠦ ᠮᠠᠨᠳᠤᠯ ᠪᠠᠭᠤᠷᠠᠯ ᠂ ᠦᠨᠳᠦᠰᠦᠲᠡᠨᠦ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠠᠷᠭᠠ ᠵᠠᠮ ᠪᠣᠯᠣᠨ ᠬᠥᠮᠥᠨ ᠴᠢᠨᠠᠷᠦᠨ ᠰᠣᠩᠭᠣᠯᠲᠠᠶᠢ ᠭᠦᠨᠵᠡᠭᠡᠢ ᠰᠤᠳᠤᠯᠤᠭᠰᠠᠨ ᠶᠣᠭᠲᠠ ᠦᠯᠢᠭᠡᠷ ᠪᠣᠯᠵᠠᠢ᠃ ᠥᠪᠥᠷ ᠮᠣᠩᠭᠣᠯᠤᠨ ᠷᠣᠮᠠᠨᠤ ᠬᠥᠭᠵᠢᠯᠲᠡᠶᠢᠨ ᠲᠡᠦᠬᠡᠨ ᠶᠠᠪᠤᠴᠠᠳᠤ᠂ 《 ᠬᠡᠭᠡᠷᠡ ᠲᠠᠯᠠ》 ᠨᠢ ᠥᠪᠡᠷᠮᠢᠴᠡ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠬᠠᠷᠠᠭᠠᠰᠤ᠂ ᠭᠦᠨ ᠵᠤᠵᠠᠭᠠᠨ ᠦᠵᠡᠯ ᠰᠠᠨᠠᠭᠠᠨᠦ ᠠᠭᠤᠯᠤᠭᠳᠠᠬᠤᠨᠢᠶᠠᠷ ᠦᠨᠳᠦᠰᠦᠲᠡᠨᠤ ᠤᠳᠬᠠ ᠵᠣᠬᠢᠶᠠᠯᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠳᠠᠪᠠᠯᠲᠠ ᠬᠢᠭᠡᠳ ᠲᠠᠪᠰᠢᠯᠳᠠᠶᠢ ᠪᠡᠶᠡᠯᠡᠭᠦᠯᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠣᠲᠣ᠌ ᠦᠶᠡᠶᠢᠨ ᠲᠤᠭᠤᠵᠢᠰᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠳᠦ ᠰᠢᠨᠡ ᠬᠡᠪ ᠳᠠᠭᠤᠷᠢᠶᠠᠯᠢ ᠪᠣᠶ ᠪᠣᠯᠭᠠᠵᠤ ᠥᠭᠴᠡᠢ᠃
ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠤᠳᠬᠠ ᠵᠣᠬᠢᠶᠠᠯ ᠬᠢᠭᠡᠳ ᠰᠣᠨᠢᠨ ᠮᠡᠳᠡᠭᠡ ᠳᠠᠮᠵᠢᠭᠤᠯᠭᠠᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠳᠡᠳ᠋ ᠵᠠᠬᠢᠷᠤᠯ ᠶᠠᠨ ᠳ᠋ᠦᠩ ——
《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠦᠨᠳᠦᠰᠦᠲᠡᠨᠦ ᠬᠦᠦᠷᠨᠢᠯ ᠡᠴᠡ ᠬᠥᠮᠥᠨ ᠴᠢᠨᠠᠷᠤᠨ ᠬᠦᠦᠷᠨᠢᠯ᠂ ᠲᠠᠬᠢᠨ ᠬᠥᠮᠥᠨ ᠴᠢᠨᠠᠷᠤᠨ ᠬᠦᠦᠷᠨᠢᠯ ᠡᠴᠡ ᠪᠣᠯᠪᠠᠰᠤᠨᠤ ᠬᠦᠦᠷᠨᠢᠯ ᠬᠦᠷᠬᠦ ᠳᠠᠪᠠᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
《ᠬᠡᠭᠡᠷᠡ ᠲᠠᠯᠠ》 ᠷᠣᠮᠠᠨ ᠵᠣᠬᠢᠶᠠᠭ᠍ᠴᠢ ᠵᠢᠨ ᠲᠡᠦᠬᠡᠶᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠣᠷᠣᠯᠴᠠᠭᠠ ᠲᠠᠢ ᠴᠢᠩᠭᠠ ᠪᠠᠲᠤᠲᠠᠢ ᠦᠵᠡᠯ ᠤᠬᠠᠮᠰᠠᠷᠢ ᠢᠯᠡᠷᠡᠭᠦᠯᠪᠡ᠃ ᠵᠣᠬᠢᠶᠠᠯ ᠨᠢ ᠦᠨᠳᠦᠰᠦᠲᠡᠨᠦ ᠬᠦᠦᠷᠨᠢᠯ ᠡᠴᠡ ᠬᠥᠮᠥᠨ ᠴᠢᠨᠠᠷᠤᠨ ᠬᠦᠦᠷᠨᠢᠯ᠂ ᠲᠠᠬᠢᠨ ᠬᠥᠮᠥᠨ ᠴᠢᠨᠠᠷᠤᠨ ᠬᠦᠦᠷᠨᠢᠯ ᠡᠴᠡ ᠪᠣᠯᠪᠠᠰᠤᠨᠤ ᠬᠦᠦᠷᠨᠢᠯ ᠬᠦᠷᠬᠦ ᠳᠠᠪᠠᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃ ᠦᠨᠳᠦᠰᠦᠲᠡᠨᠦ ᠬᠦᠦᠷᠨᠢᠯ ᠪᠣᠯ ᠲᠤᠰ ᠷᠣᠮᠠᠨᠤ ᠢᠯᠡᠷᠬᠡᠢ ᠣᠨᠴᠠᠯᠢᠭ᠋ ᠪᠠᠢᠵᠤ᠂ ᠨᠢᠭᠡ ᠦᠨᠳᠦᠰᠦᠲᠡᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠵᠢᠨ ᠲᠥᠯᠥᠭᠡ ᠨᠡᠭᠦᠳᠡᠯᠯᠡᠬᠦ ᠦᠶᠡᠰ᠂ ᠡᠨᠡ ᠨᠢ ᠦᠨᠡᠨ ᠳ᠋ᠡᠭᠡᠨ ᠬᠥᠮᠥᠨᠦ ᠬᠠᠮᠤᠭ ᠦᠨᠳᠦᠰᠦᠨ ᠬᠦᠰᠡᠯ ᠱᠠᠭᠠᠷᠳᠠᠯᠭᠠᠶᠢ ᠲᠤᠰᠬᠠᠵᠤ ᠪᠢᠴᠢᠵᠦ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠬᠤ ᠶᠤᠮ᠃ ᠵᠣᠬᠢᠶᠠᠭ᠍ᠴᠢ ᠡᠴᠡ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠠᠰᠠᠭᠤᠳᠠᠯ ᠵᠢᠡᠷ ᠭᠣᠣᠯ ᠴᠡᠭ ᠪᠣᠯᠭᠠᠨ᠂ ᠵᠣᠬᠢᠶᠠᠯ ᠪᠦᠲᠦᠭᠡᠯᠳᠡᠭᠡᠨ ᠪᠣᠯᠪᠠᠰᠤᠨᠤ ᠲᠤᠬᠠᠢ ᠲᠣᠭᠠᠴᠢᠯᠲᠠ ᠬᠢᠵᠦ ᠡᠬᠢᠯᠡᠵᠡᠢ᠃ ᠳᠠᠷᠤᠢ ᠨᠡᠭᠦᠳᠡᠯ ᠮᠠᠯᠵᠢᠯ ᠡᠴᠡ ᠨᠡᠭᠦᠳᠡᠯ ᠮᠠᠯᠵᠢᠯ ᠪᠣᠯᠣᠨ ᠲᠠᠷᠢᠶᠠᠯᠠᠬᠤᠶᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠪᠣᠯᠪᠠᠰᠤᠨᠤ ᠬᠡᠯᠪᠡᠷᠢ ᠲᠡᠢᠰᠢ ᠬᠥᠭᠵᠢᠵᠦ᠂ ᠪᠣᠳᠠᠭᠠᠯᠢ ᠪᠡᠶᠡ ᠵᠢᠨ ᠬᠤᠪᠢ ᠵᠠᠶᠠᠭᠠᠶᠢ ᠦᠯᠢᠭᠡᠷᠯᠡᠨ ᠲᠣᠭᠠᠴᠢᠬᠤ ᠪᠠᠷ ᠳᠠᠮᠵᠢᠭᠤᠯᠤᠨ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤ ᠵᠢᠨ ᠴᠣᠭᠴᠠ ᠵᠢᠨ ᠲᠤᠬᠠᠢ ᠳ᠋ᠡᠬᠢ ᠨᠤᠲᠠᠯᠠᠯᠲᠠᠶᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠮᠢᠨᠤ ᠬᠤᠪᠢᠳᠤ᠂ ᠡᠨᠡ ᠷᠣᠮᠠᠨ ᠪᠣᠯ 《ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠤ ᠮᠥᠷ ᠲᠡᠮᠳᠡᠭᠯᠡᠯ》 ᠨᠣᠮᠤᠨ ᠲᠣᠩᠭᠣᠷᠤᠤ ᠵᠢᠷᠤᠭ ᠭᠡᠵᠦ ᠦᠵᠡᠨᠡ᠃ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠬᠠᠮᠢᠭᠠ ᠡᠴᠡ ᠢᠷᠡᠭᠰᠡᠨ ᠪᠤᠢ ？ ᠬᠠᠮᠢᠭᠠᠰᠢ ᠪᠠᠨ ᠣᠴᠢᠬᠤ ᠪᠤᠢ ？ ᠡᠨᠡ ᠪᠣᠯ 《ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠮᠥᠷ ᠲᠡᠮᠳᠡᠭᠯᠡᠯ》 ᠨᠣᠮᠳᠤ ᠰᠡᠳᠬᠢᠭᠰᠡᠨ ᠠᠰᠠᠭᠤᠳᠠᠯ ᠪᠤᠯᠬᠤ ᠪᠥᠭᠡᠳ ᠪᠠᠰᠠ ᠴᠤ᠌ ᠲᠤᠰ ᠨᠣᠮᠳᠤ ᠰᠡᠳᠬᠢᠭᠰᠡᠨ ᠠᠰᠠᠭᠤᠳᠠᠯ ᠪᠣᠯᠣᠨᠠ᠃ ᠭᠡᠬᠦᠳᠡᠭᠡᠨ ᠲᠤᠰ ᠨᠣᠮᠳᠦ ᠨᠡᠩ ᠮᠡᠳᠡᠷᠡᠮᠡᠲᠡᠭᠡᠢ ᠮᠥᠷᠲᠡᠭᠡᠨ ᠨᠡᠩ ᠨᠠᠷᠢᠯᠢᠭ᠋ ᠰᠡᠳᠬᠢᠨ ᠪᠣᠳᠣᠯᠲᠠᠶᠢ ᠶᠠᠪᠤᠭᠤᠯᠤᠭᠰᠠᠨ ᠪᠠᠢᠳᠠᠭ᠃