ᠰᠡᠳᠭᠢᠯᠤᠨ ᠠᠷᠢᠭᠤᠨ ᠤᠷᠤᠰᠭᠠᠯᠳᠤ
ᠱᠢᠷᠭᠢᠵᠥ᠍ ᠴᠢᠳᠠᠰᠢ ᠥᠭᠡᠢ ᠨᠢᠭᠡᠨ ᠲᠤᠤᠯᠢ
ᠰᠥᠨᠢᠵᠢᠨ ᠪᠤᠳᠤᠯᠳᠤ ᠬᠤᠷᠭᠤᠳᠠᠬᠤᠪᠠᠷ
ᠰᠥᠨ ᠴᠠᠭᠠᠨ ᠢᠲᠡᠭᠡᠯᠢᠶᠠᠷ ᠱᠢᠩᠭᠡᠷᠡᠵᠥ᠍
ᠨᠢᠭᠤᠵᠤ ᠤᠨᠠᠭᠠᠭ᠍ᠰᠠᠨ ᠨᠢᠯᠪᠤᠰᠤ ᠮᠢᠨᠢ
ᠨᠤᠲᠤᠭ ᠰᠠᠨᠠᠭ᠍ᠰᠠᠨ ᠵᠥᠰᠡᠷᠡᠭᠡ ᠪᠤᠯᠵᠤ
ᠡᠭᠦᠯᠡ ᠥᠭᠡᠢ ᠡᠳᠥᠷᠢᠶᠠᠷ ᠱᠢᠪᠡᠷᠡᠨᠡ
ᠪᠤᠳᠤᠯᠤᠨ ᠴᠡᠩᠬᠡᠷ ᠥᠷᠢᠶᠠᠷ
ᠰᠥᠷᠥᠭᠲᠠᠢᠪᠠᠨ ᠤᠶᠠᠩᠭᠠᠷᠠᠳᠠᠭ ᠨᠤᠲᠤᠭ
ᠰᠤᠳᠠᠯᠤᠨ ᠱᠢᠷᠭᠠᠯ ᠪᠥᠷᠥᠢᠪᠠᠷ
ᠰᠥᠲᠠᠢᠪᠠᠨ ᠰᠤᠯᠤᠩᠭᠠᠷᠠᠳᠠᠭ ᠬᠥᠳᠡᠭᠡ
ᠠᠷᠤᠶ᠋ᠢᠨ ᠴᠠᠭᠠᠨ ᠳᠡᠷᠡᠰᠤᠨᠤ
ᠠᠮᠠᠷᠠᠭ ᠪᠤᠯᠵᠤᠭᠠᠪᠠᠷ ᠨᠢᠯᠬᠠᠷᠠᠵᠤ
ᠠᠮᠢᠳᠤᠷᠠᠯᠤᠨ ᠲᠤᠤᠯᠢᠶᠠᠨᠳᠤ ᠰᠥᠮᠡᠯᠵᠡᠨᠡ
ᠪᠤᠷᠤᠭᠤ ᠵᠥᠪ ᠰᠤᠳᠤᠷᠤᠳ
ᠪᠤᠴᠠᠭ᠍ᠰᠠᠨ ᠰᠥᠰᠥ᠍ ᠱᠢᠭ ᠱᠢᠷᠭᠢᠵᠥ᠍
ᠪᠤᠷᠤ ᠱᠢᠷᠠ ᠡᠳᠥᠷᠤᠳ
ᠪᠤᠭᠤᠷᠤᠯᠳᠠᠭ᠍ᠰᠠᠨ ᠥᠰᠥ᠍ ᠱᠢᠭ ᠡᠪᠬᠡᠷᠡᠵᠥ᠍
ᠨᠡᠭᠦᠳᠡᠯᠤᠨ ᠴᠠᠭᠠᠨ ᠬᠤᠨ
ᠬᠥᠢᠲᠡᠨ ᠮᠠᠷᠲᠠᠭ᠍ᠳᠠᠭ᠍ᠰᠠᠨ ᠴᠥᠯᠳᠤ
ᠬᠥᠰᠡᠯ ᠬᠤᠷᠮᠤᠢᠯᠠᠵᠤ ᠬᠤᠨᠤᠨᠠ
ᠨᠠᠷᠠᠨᠤ ᠳᠤᠯᠠᠭᠠᠨ ᠢᠯᠴᠢᠨᠳᠤ
ᠠᠩᠭᠢᠷᠬᠠᠨ ᠡᠳᠥᠷ ᠰᠥᠵᠢᠭᠢᠶᠠᠷ ᠠᠮᠢᠯᠠᠨ
ᠰᠠᠷᠠᠨᠤ ᠲᠤᠷᠭᠠᠨ ᠲᠤᠶᠠᠭᠠᠨᠳᠤ
ᠨᠠᠮᠤᠭᠤᠬᠠᠨ ᠰᠥᠨᠢ ᠥᠯᠢᠭᠡᠷᠢᠶᠠᠷ ᠰᠤᠨᠢᠶᠠᠵᠤ
ᠴᠡᠴᠡᠭᠲᠠᠢ ᠬᠥᠳᠡᠭᠡᠶ᠋ᠢᠨ ᠵᠡᠷᠭᠡᠯᠭᠡᠨ
ᠴᠢᠯᠠᠭᠤᠲᠠᠢ ᠭᠤᠷᠤᠬᠠᠶ᠋ᠢᠨ ᠡᠷᠭᠢᠯᠭᠡᠨ
ᠤᠲᠤᠷᠤᠨ ᠱᠢᠯᠢᠪᠠᠷ ᠵᠠᠢᠷᠲᠤᠨᠠ
ᠬᠥᠮᠥᠨᠤ ᠨᠢᠭᠡᠨ ᠠᠮᠢᠰᠭᠤᠯ
ᠬᠥᠨᠳᠡᠢ ᠭᠤᠪᠢᠪᠠᠨ ᠥᠭᠡᠢᠯᠡᠨ
ᠬᠥᠢᠲᠡᠨ ᠬᠤᠢᠮᠤᠷᠤᠨ ᠥᠷᠥᠴᠡᠨᠳᠤ
ᠬᠥᠨᠵᠢᠯᠡ ᠥᠭᠡᠢ ᠠᠮᠤᠭᠤᠯᠠᠩ ᠬᠡᠪᠲᠡᠬᠦ᠌ᠳᠤ
ᠤᠷᠴᠢᠯᠠᠩᠤᠨ ᠲᠤᠭᠤᠰᠤ ᠬᠥᠨᠳᠥᠷᠡᠨ
ᠮᠠᠷᠭᠠᠰᠢᠶ᠋ᠢᠨ ᠤᠴᠢᠷ ᠪᠤᠳᠠᠩᠬᠢᠷᠠᠵᠤ
ᠠᠷᠠᠳᠤᠨ ᠳᠠᠭᠤᠤ ᠥᠷᠬᠦᠯᠵᠢᠯᠡᠨᠡ
ᠥᠯᠢᠭᠡᠷᠤᠨ ᠮᠢᠩᠭᠠᠨ ᠬᠠᠭᠤᠳᠠᠰᠤ
ᠡᠪᠥᠭᠡᠳᠤᠨ ᠬᠠᠭᠤᠴᠢᠠᠴᠠ ᠱᠢᠪᠡᠷᠡᠨ
ᠳᠤᠮᠤᠭᠤᠨ ᠭᠠᠭ᠍ᠴᠠ ᠱᠢᠲᠥᠭᠡᠨ
ᠳᠤᠯᠤᠭᠠᠨ ᠪᠤᠷᠬᠠᠳ ᠱᠢᠭ᠋ ᠠᠯᠤᠰᠷᠠᠬᠤᠳᠤ
ᠲᠡᠷᠭᠡᠯ ᠬᠠᠩᠭᠠᠢᠶ᠋ᠢᠨ ᠥᠮᠥᠭᠲᠤ ᠬᠤᠷᠭᠤᠳᠠᠵᠤ
ᠳᠡᠭᠡᠳᠥᠰ ᠡᠪᠥᠭᠡᠳᠤᠨ ᠳᠥᠱᠢᠭᠲᠤ ᠰᠤᠭ᠍ᠲᠤᠭᠤᠷᠠᠨ
ᠤᠯᠠᠨ ᠵᠠᠭᠤᠨ ᠮᠠᠷᠲᠠᠭ᠍ᠳᠠᠵᠤ ᠥᠩᠭᠡᠷᠡᠨᠡ
ᠠᠨᠢᠰᠭᠠᠨ ᠳᠡᠭᠡᠷᠡ ᠴᠠᠷᠴᠠᠭ᠍ᠰᠠᠨ ᠱᠢᠭᠦᠳᠡᠷᠢ
ᠠᠩᠭᠢᠷ ᠲᠠᠯᠠᠶ᠋ᠢᠨ ᠴᠡᠴᠡᠭᠡᠰ ᠨᠠᠭᠠᠳᠤᠭᠤᠯᠵᠤ
ᠮᠥᠩᠬᠡᠶ᠋ᠢᠨ ᠤᠶᠠᠨ ᠰᠥᠵᠢᠭ ᠬᠡᠯᠬᠢᠨ
ᠮᠥᠷᠥᠭᠡᠳᠥᠯᠤᠨ ᠰᠤᠶᠤᠨ ᠠᠮᠢᠯᠠᠯ ᠳᠠᠯᠠᠯᠤᠭ᠍ᠰᠠᠭᠠᠷ
ᠮᠢᠨᠤ ᠵᠡᠭᠦᠳᠥᠨ ᠠᠭᠠᠷᠢᠶᠠᠷ
ᠰᠡᠳᠭᠢᠯᠤᠨ ᠠᠨᠢᠷᠲᠤ ᠪᠥᠪᠡᠢᠯᠡᠭ᠌ᠳᠡᠨ
ᠢᠲᠡᠭᠡᠯᠤᠨ ᠭᠥᠨᠳᠤ ᠬᠥᠯᠪᠡᠷᠢᠨᠡ