ᠮᠢᠩᠭᠠᠨ ᠤᠨᠤ ᠲᠤᠤᠷᠠᠢ ᠭᠡᠵᠦ᠍ ᠭᠠᠵᠠᠷᠤᠨ ᠬᠦᠬᠡ ᠰᠤᠳᠤᠷ
ᠮᠠᠨᠠᠭ᠍ᠰᠠᠨ ᠲᠡᠥᠬᠡᠶ᠋ᠢᠨ ᠦᠯᠢᠭᠡᠷ ᠦᠨᠳᠦᠰᠦᠨᠳᠤᠨᠢ ᠨᠡᠪᠴᠢᠵᠦ᠍ ᠪᠠᠢᠳᠠᠭ
ᠮᠥᠩᠭᠦᠨ ᠰᠠᠷᠠᠨᠤ ᠲᠤᠶᠠᠭᠠ ᠡᠷᠬᠡᠰ ᠨᠠᠪᠴᠢᠨᠳᠤᠨᠢ ᠲᠤᠨᠢᠷᠬᠠᠵᠤ
ᠮᠥᠷᠦᠭᠡᠳᠦᠯ ᠬᠦᠰᠡᠯᠢ ᠱᠠᠭ᠍ᠯᠠᠭ᠍ᠰᠠᠨ ᠮᠥᠩᠬᠡᠶ᠋ᠢᠨ ᠭᠡᠭᠡᠨ ᠠᠶᠠᠯᠭᠤ
ᠭᠤᠪᠢᠶ᠋ᠢᠨ ᠤᠯᠠᠭᠠᠨ ᠲᠡᠮᠡᠭᠡᠳᠨᠢ ᠲᠡᠭ᠌ᠷᠢᠶ᠋ᠢᠨ ᠬᠦᠬᠡ ᠡᠯᠴᠢᠨ
ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ ᠤᠷᠤᠢᠳᠤᠨᠢ ᠬᠡᠢᠮᠦᠷᠢᠯᠡᠵᠦ᠍ ᠪᠠᠢᠳᠠᠭ
ᠠᠭᠤᠯᠠᠰᠢᠶᠠᠨ ᠡᠭᠦᠷᠥᠭ᠌ᠰᠡᠨ ᠲᠡᠮᠡᠭᠡ ᠲᠠᠯᠠ ᠱᠢᠭ᠋ ᠲᠡᠨᠢᠭᠦᠬᠡᠨ ᠠᠮᠢᠰᠭᠤᠵᠤ
ᠤᠷᠭᠤᠬᠤ ᠤᠯᠠᠭᠠᠨ ᠨᠠᠷᠠᠪᠠᠨ ᠲᠡᠷᠢᠭᠦᠨᠳᠡᠭᠡᠨ ᠮᠠᠨᠳᠤᠭᠤᠯᠵᠤ ᠪᠤᠰᠳᠠᠭ
ᠵᠢᠷᠠᠨᠤ ᠴᠡᠩᠬᠡᠭ ᠨᠠᠭᠤᠷᠨᠢ ᠤᠷᠴᠢᠯᠠᠩᠤᠨ ᠭᠡᠭᠡᠨ ᠮᠡᠯᠮᠡᠢ
ᠵᠢᠷᠭᠠᠯ ᠵᠤᠪᠠᠯ ᠬᠤᠶᠠᠷᠢ ᠬᠡᠪᠡᠯᠢᠳᠡᠭᠡᠨ ᠠᠷᠭᠠᠳᠠᠵᠤ ᠮᠡᠯᠮᠡᠷᠡᠳᠡᠭ
ᠵᠢᠭᠦᠷ ᠠᠮᠠᠷᠠᠭᠠᠬᠤ ᠭᠠᠯᠠᠭᠤᠳᠢᠶᠠᠨ ᠵᠡᠭᠡᠰᠦ ᠬᠤᠯᠤᠰᠤᠪᠠᠷᠢᠶᠠᠨ ᠪᠦᠭᠡᠴᠡᠢᠯᠡᠭ᠌ᠰᠡᠨ
ᠵᠠᠵᠢᠨᠢ ᠪᠤᠭᠤᠷᠤᠯ ᠡᠵᠢ ᠱᠢᠭ ᠡᠨᠡᠷᠢᠯ ᠬᠠᠢᠷᠠᠶ᠋ᠢᠨ ᠲᠡᠯᠡᠬᠡᠢ
ᠠᠯᠤᠰ ᠭᠠᠵᠠᠷᠤᠨ ᠵᠡᠷᠭᠡᠯᠭᠡᠨ ᠡᠯᠡᠰᠦᠨ ᠲᠠᠪᠠᠯᠭᠠᠨᠳᠤ ᠬᠦᠪᠦᠯᠵᠡᠬᠦ᠌ᠨᠢ
ᠠᠷᠪᠠᠨ ᠭᠠᠯᠪᠠᠶ᠋ᠢᠨ ᠭᠠᠢᠬᠠᠮᠱᠢᠭ ᠠᠷᠰᠢᠶ᠋ᠢᠨ ᠭᠠᠷᠲᠤ ᠲᠡᠯᠭᠡᠭ᠌ᠳᠡᠬᠦ᠌ ᠮᠡᠲᠦ
ᠠᠰᠠᠬᠤ ᠲᠤᠯᠭᠠᠨᠤ ᠭᠠᠯ ᠲᠡᠭ᠌ᠷᠢᠶ᠋ᠢᠨ ᠬᠠᠶᠠᠭᠠ ᠪᠤᠳᠤᠭ᠍ᠯᠠᠬᠤᠨᠢ
ᠠᠯᠳᠠᠨ ᠱᠢᠷᠭᠠᠯᠤᠨ ᠲᠤᠮᠳᠠᠠᠴᠠ ᠬᠦᠯᠭᠡᠨ ᠱᠠᠰᠳᠢᠷ ᠲᠡᠯᠭᠡᠭ᠌ᠳᠡᠬᠦ᠌ ᠮᠡᠳᠦ
ᠤᠯᠠᠨ ᠵᠠᠭᠤᠨᠢ ᠳᠠᠮᠵᠢᠭ᠍ᠰᠠᠨ ᠲᠡᠮᠡᠭᠡᠨ ᠵᠢᠩᠤᠨ ᠠᠶᠠᠨ
ᠤᠩᠭᠤᠨ ᠪᠠᠢᠭᠠᠯᠢᠪᠠᠨ ᠵᠢᠷᠤᠭ᠍ᠯᠠᠭ᠍ᠰᠠᠨ ᠤᠨᠤ ᠬᠦᠬᠡ ᠵᠢᠷᠤᠬᠠᠢ
ᠤᠳᠤᠨ ᠴᠡᠩᠬᠡᠷ ᠭᠢᠯᠪᠠᠭᠠ ᠡᠯᠡᠰᠦᠨ ᠮᠦᠬᠦᠯᠢᠭᠠᠴᠠᠨᠢ ᠭᠡᠷᠡᠯᠲᠦᠭ᠌ᠰᠡᠨ
ᠤᠷᠴᠢᠬᠤ ᠳᠦᠷᠪᠡᠨ ᠤᠯᠠᠷᠢᠯᠤᠨ ᠡᠷᠬᠡ ᠳᠠᠷᠬᠠᠨ ᠲᠦᠷᠦᠳᠡᠰᠦ
ᠡᠨᠡ ᠵᠢᠷᠤᠭᠢ ᠪᠢ ᠡᠷᠢᠭᠡᠳ ᠤᠳᠠᠭ᠍ᠰᠠᠨ᠂ ᠬᠤᠯᠠᠬᠠᠨ ᠪᠠᠢᠯᠠ
ᠡᠨᠡ ᠮᠦᠷᠦᠭᠡᠳᠦᠯᠢᠶᠠᠨ ᠪᠢ ᠵᠢᠷᠤᠭᠠᠳ ᠬᠦᠯᠢᠶᠡᠭ᠌ᠰᠡᠨ᠂ ᠣᠢᠷᠠᠬᠠᠨ ᠪᠠᠢᠯᠠ
ᠡᠨᠡ ᠬᠢᠵᠠᠭᠠᠷᠲᠤ ᠪᠢ ᠨᠢᠰᠴᠦ᠍ ᠮᠡᠳᠡᠬᠦ᠌ ᠪᠦᠷᠭᠦᠳ ᠪᠠᠢᠯᠠ
ᠡᠨᠡ ᠲᠠᠪᠢᠯᠠᠩᠳᠤ ᠪᠢ ᠠᠭᠤᠰᠴᠤ᠌ ᠮᠡᠳᠡᠬᠦ᠌ ᠵᠢᠩᠴᠢᠨ ᠪᠠᠢᠯᠠ