ᠰᠠᠭᠠᠷᠠᠯᠳᠤᠭᠠᠳ᠂ ᠲᠡᠭ᠌ᠷᠢ ᠰᠦᠮᠡᠭᠡᠷ᠃ ᠡᠢᠮᠦ᠍ ᠯᠠ ᠡᠳᠦᠷ ᠴᠠᠰᠤ ᠤᠨᠠᠨᠠ ᠭᠡᠵᠦ᠍ ᠪᠣᠳᠤᠭ᠍ᠳᠠᠮᠠᠷ᠃
ᠡᠬᠦᠯᠠ ᠡᠵᠢ᠄
《ᠬᠡᠤᠬᠡᠳᠤᠳ ᠡ！ ᠡᠨᠡ ᠡᠳᠦᠷ ᠲᠠ ᠨᠠᠷ ᠠᠵᠢᠯᠢᠶᠠᠷ ᠲᠣᠷᠤᠭ᠍ᠰᠢ ᠪᠠᠭᠤᠨᠠ ᠱᠢᠤ》 ᠭᠡᠵᠦ᠍ ᠬᠡᠯᠡᠪᠡ᠃ ᠤᠰᠤᠨ ᠠᠭᠤᠷᠤᠨ ᠮᠦᠬᠦᠯᠢᠭ ᠬᠡᠮᠡᠬᠦ᠌ ᠬᠡᠤᠬᠡᠳᠤᠳᠤᠨ ᠰᠤᠨᠢᠭᠤᠴᠢ ᠵᠠᠩ ᠪᠤᠴᠠᠯᠤᠨ ᠣᠷᠭᠢᠯᠵᠤ᠄
《ᠡᠵᠢ ᠡ！ ᠬᠠᠮᠢᠭᠠ ᠪᠠᠭᠤᠬᠤ ᠶᠤᠮ？ ᠬᠤᠯᠠ ᠦᠦ？》 ᠭᠡᠨᠡ᠃
《ᠡᠪᠡᠰᠤ ᠤᠷᠭᠤᠮᠠᠯᠤᠨ ᠶᠢᠷᠲᠢᠨᠴᠤᠳᠤ！》
《ᠲᠡᠷᠡᠨᠢ ᠬᠠᠮᠢᠭᠠ ᠪᠠᠢᠳᠠᠭ ᠶᠤᠮ？》
ᠤᠭ᠍ᠲᠠᠷᠭᠤᠢ ᠴᠠᠭᠠᠨ ᠪᠣᠳᠠᠩ ᠳᠠᠲᠠᠯᠠ᠃ ᠤᠰᠤᠨ ᠠᠭᠤᠷᠤᠨ ᠮᠦᠬᠦᠯᠢᠭ ᠬᠡᠤᠬᠡᠳᠤᠳᠲᠤ ᠰᠡᠳᠭᠢᠨ ᠪᠣᠳᠣᠯᠬᠢᠯᠠᠬᠤ᠂ ᠠᠩᠬᠠᠷᠤᠨ ᠱᠢᠨᠵᠢᠬᠦ᠂ ᠶᠠᠭᠤ ᠪᠣᠯᠬᠤᠶ᠋ᠢᠨ ᠲᠤᠬᠠᠢ ᠵᠠᠪ ᠴᠤ᠌ ᠣᠯᠭᠤᠭ᠍ᠰᠠᠨ ᠦᠭᠡᠢ᠃ ᠱᠢᠳᠡᠭ᠌ᠳᠡᠭ᠌ᠰᠡᠨ ᠱᠢᠭ ᠤᠨᠠᠵᠠᠢ᠃ ᠬᠦᠨᠳᠡᠢ ᠶᠡᠭᠡ ᠣᠷᠤᠨ ᠵᠠᠢᠳᠤ ᠵᠢᠪᠠᠷᠤᠨ ᠠᠶᠠᠪᠠᠷ ᠬᠡᠢᠰᠦᠨᠡ᠃ ᠤᠨᠠᠬᠤ ᠶᠠᠪᠤᠴᠠᠳᠤ ᠬᠦᠢᠳᠡᠨ ᠠᠭᠠᠷᠲᠠᠢ ᠬᠠᠷᠭᠤᠵᠤ ᠴᠠᠷᠴᠠᠨ᠂ ᠴᠠᠰᠤᠨ ᠯᠠᠪᠰᠠ ᠪᠣᠯᠪᠠ᠃
ᠲᠡᠳᠡ᠂ ᠪᠡᠶᠡ ᠪᠡᠶᠡᠪᠠᠨ ᠬᠠᠷᠠᠨ ᠭᠠᠢᠬᠠᠯᠳᠤᠯᠠ᠄
《ᠴᠢ ᠬᠡᠨ ᠶᠣᠮ？》
《ᠪᠢ ᠣᠰᠤᠨ ᠠᠭᠤᠷ ᠪᠠᠢᠨᠠ》
《ᠪᠢᠰᠢ ᠬᠦ᠂ ᠬᠠᠪᠲᠠᠭᠠᠢ ᠴᠠᠭᠠᠨ ᠪᠣᠯᠵᠠᠢ》
《ᠦᠭᠡᠢ ᠪᠢᠵᠡ？》
《ᠲᠠ ᠴᠤ᠌ ᠨᠠᠮᠠᠲᠠᠢ ᠠᠳᠠᠯᠢᠬᠠᠨ ᠪᠠᠢᠨᠠ》
ᠯᠠᠪᠰᠠᠨᠤᠭᠤᠳ ᠢᠳᠡᠭᠡᠵᠦ᠍ ᠶᠡᠳᠡᠪᠡ᠄ ᠴᠠᠪ ᠴᠠᠭᠠᠨ᠃ ᠶᠠᠭᠠᠬᠢᠭᠠᠳ ᠡᠢᠮᠦ᠍ ᠪᠣᠯᠴᠢᠬᠠᠪᠠ？ ᠲᠡᠭ᠌ᠷᠢ ᠦᠭᠡᠳᠡ ᠬᠠᠷᠠᠬᠤᠳᠤ ᠤᠷᠴᠢᠯᠠᠩ ᠳᠡᠯᠡᠭᠡᠢ ᠲᠡᠷᠡ ᠠᠶᠠᠪᠠᠷ ᠴᠠᠢᠪᠠᠭᠠᠷ᠃ ᠲᠤᠭᠠ ᠲᠤᠮᠰᠢ ᠦᠭᠡᠢ ᠱᠢᠬᠦᠷ ᠴᠡᠴᠡᠭ ᠨᠢᠭᠡ ᠯᠡ ᠵᠦᠭᠢ ᠵᠣᠷᠢᠨᠠ᠃ ᠡᠭᠦᠯᠡ ᠡᠵᠢ ᠬᠠᠷᠠᠭ᠍ᠳᠠᠬᠤ ᠦᠭᠡᠢ᠃ ᠰᠦᠤᠳᠡᠢᠭ᠌ᠰᠡᠨ ᠰᠦᠮᠡᠭᠡᠷ ᠤᠭ᠍ᠲᠠᠷᠭᠤᠢᠠᠴᠠ ᠤᠨᠠᠵᠤ ᠪᠠᠢᠨᠠ ᠦᠦ？ ᠭᠡᠮᠡᠷ᠃
《ᠡᠵᠢ ᠶᠠᠭᠠᠬᠢᠭᠠᠳ ᠦᠵᠡᠭ᠌ᠳᠡᠳᠡᠭ ᠦᠭᠡᠢ ᠶᠤᠮ？》
《ᠶᠠᠭᠤᠨᠤ ᠡᠵᠢ ᠪᠣᠢ？ ᠬᠤᠷᠳᠤᠨ ᠪᠠᠭᠤᠵᠠᠭᠠ！》
《ᠲᠠ ᠬᠡᠨ ᠪᠠᠢᠨᠠ？》
《ᠵᠢᠪᠠᠷ ᠭᠡᠭ᠌ᠴᠢ ᠪᠢ ᠪᠠᠢᠨᠠ᠃ ᠦᠭᠡᠢ ᠪᠣᠯ ᠲᠠ ᠨᠠᠷ ᠬᠠᠮᠢᠭᠠ ᠶᠠᠪᠤᠬᠤᠪᠠᠨ ᠶᠠᠭᠠᠬᠢᠵᠤ ᠮᠡᠳᠡᠬᠦ᠌ ᠶᠤᠮ？》 ᠭᠡᠵᠦ᠍ ᠰᠡᠷᠴᠢᠭᠢᠨᠡᠭ᠌ᠰᠡᠨ ᠲᠠᠭᠤ ᠴᠢᠬᠢᠨᠳᠤ ᠬᠠᠳᠠᠯᠠ᠄ 《ᠪᠢᠳᠠ ᠶᠠᠭᠠᠬᠢᠭᠠᠳ ᠯᠠᠪᠰᠠ ᠪᠣᠯᠴᠢᠬᠠᠭ᠍ᠰᠠᠨ ᠶᠤᠮ？ ᠣᠰᠤᠨ ᠠᠭᠤᠷ ᠱᠢᠤ᠃ ᠬᠤᠢᠲᠠᠢ᠂ ᠡᠵᠢ ᠮᠠᠨᠢ ᠦᠵᠡᠭᠡᠳ ᠲᠠᠨᠢᠳᠠᠭ ᠶᠤᠮ ᠦᠦ？》 ᠭᠡᠵᠦ᠍ ᠭᠤᠮᠣᠳᠠᠬᠤᠳᠤ᠄ 《ᠲᠡᠷᠡᠶ᠋ᠢ ᠪᠢ ᠮᠡᠳᠡᠬᠦ᠌ ᠦᠭᠡᠢ᠃ ᠠᠰᠠᠭᠤᠳᠠᠭᠠᠴᠠᠪᠠᠨ ᠠᠰᠠᠭᠤ》 ᠭᠡᠵᠦ᠍ ᠦᠨᠦᠬᠢ ᠳᠠᠭᠤ ᠠᠬᠢᠭᠠᠳ ᠲᠠᠴᠢᠭᠢᠨᠠᠵᠠᠢ᠃
ᠬᠠᠷᠠᠬᠤᠳᠤ ᠦᠵᠡᠭ᠌ᠳᠡᠬᠦ᠌ ᠦᠭᠡᠢ᠂ ᠪᠠᠷᠢᠬᠤᠳᠤ ᠮᠡᠳᠡᠭ᠌ᠳᠡᠬᠦ᠌ ᠦᠭᠡᠢ᠂ ᠰᠤᠨᠤᠰᠭᠤᠳᠤ ᠲᠣᠳᠤᠬᠠᠨ ᠲᠡᠷᠡ ᠳᠠᠭᠤ ᠬᠠᠵᠠᠭᠤᠳᠤ ᠰᠡᠷᠴᠢᠭᠢᠨᠡᠨᠡ᠃
ᠵᠢᠪᠠᠷᠲᠤ ᠲᠠᠭᠤᠭ᠍ᠳᠠᠭ᠍ᠰᠠᠨ ᠯᠠᠪᠰᠠᠨᠤᠭᠤᠳ ᠲᠣᠷᠤᠭ᠍ᠰᠢᠪᠠᠨ ᠠᠶᠠᠯᠠᠭᠠᠳ ᠠᠶᠠᠷ ᠠᠶᠠᠷ ᠪᠠᠭᠤᠨᠠ᠃ ᠬᠡᠢᠰᠦᠨᠡ᠂ ᠬᠡᠢᠰᠤᠨᠠ᠂ ᠪᠡᠶᠡ ᠪᠡᠶᠡᠲᠠᠢᠪᠠᠨ ᠣᠷᠤᠯᠳᠤᠬᠤ ᠱᠢᠬ᠂ ᠨᠢᠭᠡ ᠯᠡ ᠵᠦᠭᠢ ᠪᠠᠷᠢᠨ ᠬᠡᠢᠰᠦᠨᠡ᠃
《ᠬᠠ ᠬᠠ ᠬᠠ᠃ ᠮᠢᠨᠦ᠍ ᠤᠷᠠᠯᠢᠭᠤᠨ ᠣᠷᠠᠨ ᠪᠦᠳᠦᠭᠡᠯ ᠶᠠᠮᠠᠷ ᠪᠠᠢᠨᠠ？ ᠰᠠᠯᠬᠢ ᠡ！ ᠰᠠᠢᠬᠠᠨ ᠪᠠᠢᠨᠠ ᠦᠦ？》 ᠭᠡᠵᠦ᠍ ᠬᠠᠰᠭᠢᠷᠬᠤ ᠳᠠᠭᠤ ᠯᠠᠪᠰᠠᠨᠤᠭᠤᠳᠢ ᠰᠣᠴᠢᠭᠠᠯᠠ᠃ ᠡᠬᠦᠯᠡ ᠡᠵᠢᠶ᠋ᠢᠨ ᠡᠪᠦᠷᠲᠤ ᠵᠢᠷᠭᠠᠵᠤ ᠪᠠᠢᠭ᠍ᠰᠠᠨ ᠣᠰᠣᠨ ᠠᠭᠤᠷ ᠬᠡᠣᠬᠡᠳᠤᠨ ᠬᠤᠪᠢᠯᠪᠣᠷᠢ ᠪᠡᠶᠡ ᠪᠤᠶᠤ ᠯᠠᠪᠰᠠᠨᠤᠭᠤᠳ᠄
《ᠲᠠ ᠮᠠᠨᠢ ᠡᠢᠮᠦ᠍ ᠪᠣᠯᠭᠠᠭ᠍ᠰᠠᠨ ᠮᠦᠨ ᠦᠦ？》 ᠭᠡᠵᠦ᠍ ᠠᠭᠤᠷᠯᠠᠨ ᠠᠰᠠᠭᠤᠪᠠ᠃ ᠬᠠᠰᠭᠢᠷᠤᠭ᠍ᠰᠠᠨ ᠳᠠᠭᠤ ᠬᠠᠵᠠᠭᠤᠪᠠᠷᠨᠢ ᠢᠷᠡᠬᠦ᠌ᠳᠤ ᠯᠠᠪᠰᠠᠨᠤᠭᠤᠳ ᠳᠠᠭ᠍ᠵᠢᠵᠠᠢ᠃ ᠶᠠᠮᠠᠷ ᠬᠦᠢᠳᠡᠨ ᠶᠣᠮ ᠪᠣᠢ᠂ ᠣᠰᠤᠭᠤᠮᠠᠷ᠃
《ᠣᠳᠤ ᠲᠠ ᠨᠠᠷ ᠣᠰᠣᠨ ᠠᠭᠤᠷ ᠪᠢᠰᠢ ᠪᠣᠯᠣᠭ᠍ᠰᠠᠨ᠃ ᠬᠡᠣᠬᠡᠳ ᠴᠤ᠌ ᠪᠢᠰᠢ᠃ ᠬᠠᠷᠢᠨ ᠁》 ᠭᠡᠳ ᠶᠡᠬᠡᠮᠰᠦᠭ ᠬᠠᠷᠠᠵᠤ᠄
《ᠬᠦᠢᠳᠡᠨ ᠮᠢᠨᠦ᠍ ᠤᠷᠠᠨ ᠪᠦᠳᠦᠭᠡᠯ — ᠴᠠᠰᠤ》 ᠭᠡᠪᠡ᠃
ᠴᠠᠰᠤ ᠭᠠᠵᠠᠷᠤᠨ ᠪᠠᠷᠠᠶ᠋ᠢ ᠬᠠᠷᠠᠯᠠ᠃ ᠬᠦᠷᠦᠰᠦᠨ ᠳᠡᠭᠡᠷᠡ᠂ ᠡᠪᠡᠰᠦᠨ ᠳᠡᠭᠡᠷᠡ᠂ ᠠᠷᠭᠠᠯ ᠳᠡᠭᠡᠷᠡ᠂ ᠠᠮᠢᠳᠠᠨ ᠳᠡᠭᠡᠷᠡ ᠁ ᠬᠦᠷᠦᠰᠦ ᠬᠠᠷᠢᠨ ᠵᠢᠭ᠌ᠳᠡᠢ ᠳᠤᠯᠠᠭᠠᠨ ᠪᠠᠢᠵᠦ᠍᠂ ᠳᠡᠭᠡᠷᠡᠨᠢ ᠣᠨᠠᠭ᠍ᠰᠠᠨ ᠴᠠᠰᠤ ᠬᠠᠢᠯᠤᠨ ᠣᠷᠤᠰᠦᠯᠡ᠃ ᠴᠠᠰᠤ ᠪᠢᠰᠢ᠂ ᠪᠣᠷᠤᠭᠠᠨ ᠣᠷᠤᠭ᠍ᠰᠠᠨ ᠱᠢᠭ᠋ ᠪᠣᠯᠵᠠᠢ᠃ ᠪᠣᠳᠠ ᠳᠡᠭᠡᠷᠡ ᠪᠠᠭᠤᠭ᠍ᠰᠠᠨ ᠴᠠᠰᠤᠨᠤᠭᠤᠳ ᠪᠠᠰᠠ ᠯᠠ ᠭᠠᠢᠬᠠᠰᠢ ᠠᠯᠳᠠᠵᠠᠢ᠄
《ᠲᠡᠷᠡ ᠶᠠᠭᠤ ᠶᠣᠮ？ ᠬᠦᠶᠦᠭᠡᠳ ᠪᠠᠢᠨᠠ》 ᠭᠡᠬᠦ᠌ᠳᠤ ᠪᠤᠲᠠ᠄
《ᠴᠠᠰᠤ ᠬᠠᠢᠯᠣᠭᠠᠳ ᠭᠤᠷᠤᠬᠠ ᠪᠣᠯᠤᠨ ᠣᠷᠤᠰᠴᠤ᠌ ᠪᠠᠢᠨᠠ》 ᠭᠡᠪᠡ᠃
《ᠣᠰᠤ ᠮᠦᠨ ᠦᠦ？》
《ᠮᠦᠨ！》
ᠡᠪᠡᠰᠤᠨ ᠳᠡᠭᠡᠷᠡ᠂ ᠪᠣᠳᠠᠨ ᠳᠡᠭᠡᠷᠡ᠂ ᠮᠠᠯ ᠳᠡᠭᠡᠷᠡ ᠁ ᠪᠠᠭᠤᠭ᠍ᠰᠠᠨ ᠴᠠᠰᠤᠨ ᠬᠡᠣᠬᠡᠳᠤᠳ ᠠᠯᠠᠭᠠ ᠳᠠᠱᠢᠨ ᠬᠦᠭᠡᠷᠴᠡᠢ᠃ ᠲᠡᠳᠡ ᠴᠠᠢᠷᠠᠨᠠ᠃ ᠡᠵᠢ ᠮᠢᠨᠢ ᠦᠵᠡᠪᠡᠯ ᠬᠤᠯᠠᠠᠴᠠ ᠴᠤ᠌ ᠭᠡᠰᠡᠨ ᠲᠠᠨᠢᠨᠠ ᠪᠠᠢᠬᠠ᠃
ᠠᠩᠭᠠᠭ᠍ᠰᠠᠨ ᠠᠷᠭᠠᠯ ᠬᠠᠷᠢᠨ ᠪᠠᠶᠠᠷᠯᠠᠵᠠᠢ᠃ ᠪᠣᠭᠤᠷᠤᠯ ᠪᠡᠶᠡᠪᠠᠨ ᠬᠠᠷᠠᠨ ᠬᠠᠷᠠᠨ ᠳᠣᠭ᠍ᠳᠣᠯᠵᠤ᠄
《ᠲᠡᠭ᠌ᠷᠢᠶ᠋ᠢᠨ ᠭᠡᠱᠢᠭ！》 ᠭᠡᠵᠦ᠍ ᠮᠦᠷᠬᠦᠪᠡ᠃ ᠴᠠᠰᠤ ᠰᠣᠨᠣᠰᠣᠭᠠᠳ᠄
《ᠲᠠ ᠡᠪᠡᠰᠤ ᠮᠦᠨ ᠦᠦ？》 ᠭᠡᠪᠡ᠃
《ᠪᠢᠰᠢ！》
《ᠣᠷᠭᠤᠮᠠᠯ ᠮᠦᠨ ᠦᠦ？》 ᠭᠡᠪᠡ᠃
《ᠪᠢᠰᠢ！》
《ᠲᠡᠭᠡᠪᠡᠯ ᠶᠠᠭᠤ ᠶᠣᠮ？》
《ᠦᠭᠡᠷᠤᠨ ᠪᠠᠭᠠᠰᠤ！》
ᠴᠠᠰᠤᠨ ᠴᠡᠴᠡᠭᠤᠳ ᠰᠠᠨᠳᠤᠷᠴᠤ᠌᠄ 《ᠡᠵᠢ ᠮᠠᠨᠢ᠄ 〈ᠡᠪᠡᠰᠤ ᠤᠷᠭᠤᠮᠠᠯᠤᠨ ᠶᠢᠷᠲᠢᠨᠴᠤᠳᠤ ᠶᠠᠪᠤ〉 ᠭᠡᠰᠡᠨ ᠪᠢᠰᠢ ᠪᠢᠯᠢᠣ？ ᠶᠠᠭᠠᠬᠢᠭᠠᠳ ᠦᠭᠡᠷᠤᠨ ᠪᠠᠭᠠᠰᠤᠨ ᠳᠡᠭᠡᠷᠡ ᠢᠷᠡᠴᠢᠬᠡᠭ᠌ᠰᠡᠨ ᠶᠤᠮ？ ᠰᠠᠯᠬᠢ ᠡ᠂ ᠲᠠ ᠬᠠᠮᠢᠭᠠ ᠪᠠᠢᠨᠠ？ ᠮᠠᠨᠢ ᠠᠪᠤᠭᠠᠳ ᠶᠠᠪᠤ》 ᠭᠡᠵᠦ᠍ ᠬᠠᠰᠭᠢᠷᠤᠯᠠ᠃
ᠰᠠᠯᠬᠢ ᠪᠠᠰᠠ ᠯᠡ ᠰᠡᠷᠴᠢᠭᠢᠨᠡᠭ᠌ᠰᠡᠨ ᠳᠠᠭᠤᠲᠠᠢ ᠢᠷᠡᠭᠡᠳ ᠦᠯᠢᠶᠡᠪᠡ᠃ ᠴᠠᠰᠤ ᠪᠣᠲᠠᠷᠠᠨ ᠬᠡᠢᠰᠦᠯᠡ᠃ ᠭᠠᠵᠠᠷ ᠣᠨᠠᠬᠤᠲᠠᠢ ᠵᠡᠷᠬᠡ ᠣᠰᠤ ᠪᠣᠯᠪᠠ᠃ ᠵᠠᠷᠢᠮᠨᠢ ᠣᠷᠤᠰᠪᠠ᠂ ᠵᠠᠷᠢᠮᠨᠢ ᠱᠢᠩᠭᠡᠪᠡ᠃ ᠵᠠᠷᠢᠮᠨᠢ ᠁
ᠡᠬᠦᠯᠡ ᠡᠵᠢ ᠮᠦᠷᠦᠭᠡᠳᠦᠯ ᠪᠣᠯᠤᠭ᠍ᠰᠠᠨ ᠬᠡᠣᠬᠡᠳᠤᠳᠤᠨᠢᠶᠠᠨ ᠪᠠᠷᠠᠶ᠋ᠢ ᠬᠠᠷᠠᠬᠤ ᠭᠡᠵᠦ᠍ ᠨᠢᠳᠦ᠍ᠪᠠᠨ ᠴᠢᠯᠡᠭᠡᠯᠡ᠃ ᠣᠭ᠍ᠲᠠᠷᠭᠤᠢ ᠲᠡᠷᠡ ᠠᠶᠠᠪᠠᠷ ᠵᠡᠭᠡᠯ ᠰᠠᠭᠠᠷᠠᠯ᠃ ᠪᠣᠲᠠᠷᠠᠨ ᠬᠤᠢᠯᠠᠷᠠᠬᠤ᠂ ᠱᠣᠣᠭᠢᠨ ᠦᠢᠮᠡᠯᠳᠦᠬᠦ᠌ ᠶᠡᠭᠡ ᠳᠡᠪᠵᠢᠶᠡᠨ ᠬᠠᠮᠤᠭᠢ ᠬᠠᠯᠬᠠᠯᠠᠵᠠᠢ᠃ ᠭᠠᠵᠠᠷ ᠣᠨᠠᠭ᠍ᠰᠠᠨ ᠴᠠᠰᠤ ᠬᠠᠢᠯᠤᠭ᠍ᠰᠠᠭᠠᠷ᠃ ᠬᠠᠢᠯᠤᠭ᠍ᠰᠠᠨ ᠴᠠᠰᠤ ᠭᠤᠷᠤᠬᠠ ᠪᠣᠯᠤᠨ ᠣᠷᠣᠰᠤᠨᠠ᠃ ᠶᠢᠷᠳᠢᠨᠴᠤ᠌ ᠠᠯᠠᠭ ᠴᠤᠭᠤᠭ ᠪᠣᠯᠪᠠ᠃
ᠰᠦᠷᠦᠭ ᠦᠬᠡᠷ ᠴᠠᠢᠷᠠᠬᠤ ᠴᠠᠰᠤᠨ ᠲᠣᠮᠳᠠ ᠪᠡᠯᠴᠢᠭᠡᠷᠯᠡᠨᠡ᠃ ᠲᠡᠳᠡᠨᠤ ᠪᠡᠶᠡ ᠳᠡᠭᠡᠷᠡ᠂ ᠰᠣᠷᠮᠤᠤᠰᠤᠨ ᠳᠡᠭᠡᠷᠡ᠂ ᠡᠪᠡᠷ ᠳᠡᠭᠡᠷᠡ ᠪᠦᠷ ᠴᠠᠰᠤ᠃ ᠬᠦᠷᠠᠩ ᠱᠠᠷᠤᠨ ᠪᠤᠲᠠᠨ ᠳᠡᠭᠡᠷᠡ ᠲᠣᠭ᠍ᠳᠠᠭ᠍ᠰᠠᠨ ᠴᠠᠰᠤᠶ᠋ᠢ ᠳᠣᠯᠢᠶᠠᠨ ᠤᠮᠳᠠ ᠳᠠᠷᠤᠬᠤᠶ᠋ᠢ ᠬᠠᠷᠠᠭ᠍ᠰᠠᠨ ᠠᠯᠠᠭ ᠲᠣᠭᠤᠯ᠄
《ᠲᠠ ᠶᠠᠭᠠᠬᠢᠭᠠᠳ ᠣᠰᠤ ᠣᠣᠭᠤᠬᠤ ᠦᠭᠡᠢ ᠴᠠᠰᠤ ᠢᠳᠡᠳᠡᠭ ᠶᠤᠮ？》 ᠭᠡᠵᠦ᠍ ᠰᠣᠨᠢᠷᠬᠠᠪᠠ᠃
ᠬᠦᠷᠠᠩ ᠱᠠᠷ᠄
《ᠴᠠᠰᠤᠨᠳᠤ ᠪᠠᠰᠠ ᠴᠠᠰᠤᠨᠤ ᠠᠮᠳᠠ ᠪᠣᠢ！》 ᠭᠡᠯᠡ᠃
ᠲᠣᠭᠤᠯᠤᠳ ᠣᠰᠤ ᠪᠢᠰᠢ᠂ ᠴᠠᠰᠤ ᠢᠳᠡᠨᠡ᠃ ᠴᠠᠰᠤᠨᠳᠤ ᠪᠠᠰᠠ ᠴᠠᠰᠤᠨᠤ ᠠᠮᠳᠠ ᠪᠣᠢ ᠠᠵᠢ᠃
ᠬᠤᠨᠢᠳ ᠲᠣᠪᠣᠷ ᠲᠣᠪᠣᠷ᠃ ᠡᠪᠡᠰᠦᠶ᠋ᠢ ᠴᠠᠰᠤ ᠨᠠᠪᠰᠠᠢᠨ ᠳᠠᠷᠤᠵᠠᠢ᠃ ᠮᠠᠯ ᠡᠪᠡᠰᠤᠶ᠋ᠢ ᠴᠠᠰᠤᠲᠠᠢ ᠢᠳᠡᠪᠡ᠃ ᠦᠯ ᠳᠠᠷᠤᠭ᠍ᠳᠠᠨᠠ᠂ ᠣᠮᠳᠠ ᠴᠤ᠌ ᠬᠠᠷᠢᠨᠠ᠃
ᠮᠠᠯᠤᠨ ᠠᠮᠠᠨᠳᠤ ᠣᠷᠤᠭ᠍ᠰᠠᠨ ᠴᠠᠰᠤ ᠭᠤᠨᠢᠵᠤ᠄
《ᠡᠵᠢ ᠪᠢᠳᠠᠨᠳᠤ ᠡᠪᠡᠰᠤ ᠣᠷᠭᠤᠮᠠᠯᠤᠨ ᠶᠢᠷᠳᠢᠨᠴᠤᠳᠤ ᠪᠠᠭᠤᠨᠠ ᠭᠡᠰᠡᠨ ᠶᠤᠮ᠃ ᠶᠠᠭᠠᠬᠢᠭᠠᠳ ᠠᠮᠢᠳᠠᠨᠤ ᠠᠮᠠᠨᠳᠤ ᠣᠷᠤᠴᠢᠬᠠᠪᠠ？》 ᠭᠡᠬᠦ᠌ᠳᠤ ᠬᠠᠷᠭᠠᠨᠠᠶ᠋ᠢᠨ ᠨᠠᠷᠢᠨ ᠮᠦᠴᠢᠷ᠄
《ᠪᠢᠳᠡᠭᠡᠢ ᠵᠣᠪᠠ᠂ ᠮᠢᠨᠦ᠍ ᠽᠠᠮᠪᠠᠭᠠᠶ᠋ᠢ ᠲᠠᠭᠠ᠃ ᠽᠠᠮᠪᠠᠭᠠ ᠲᠣᠳᠤᠷᠠ ᠢᠳᠡᠭᠡ ᠪᠣᠢ᠃ ᠮᠠᠯ ᠱᠢᠩᠭᠡᠭᠡᠵᠦ᠍ ᠴᠢᠳᠠᠳᠠᠭ ᠦᠭᠡᠢ ᠶᠤᠮ᠃ ᠬᠤᠷᠭᠤᠯ ᠳᠠᠭᠠᠭᠠᠳ ᠭᠠᠷᠴᠤ᠌ ᠢᠷᠡᠨᠡ᠃ ᠴᠢ ᠢᠳᠡᠭᠡᠲᠠᠢ ᠨᠠᠭᠠᠯᠳᠤ᠃ ᠣᠷᠭᠤᠬᠤᠳᠤ ᠁》 ᠭᠡᠵᠡᠢ᠃
《ᠪᠠᠰᠠ ᠲᠡᠭᠡᠳᠡᠭ ᠶᠤᠮ ᠦᠦ？》 ᠭᠡᠵᠦ᠍ ᠠᠮᠠᠨᠳᠤ ᠣᠷᠤᠭ᠍ᠰᠠᠨ ᠴᠠᠰᠤ ᠭᠠᠢᠬᠠᠵᠠᠢ᠃
ᠬᠠᠶᠠᠯᠠᠨ ᠢᠷᠡᠬᠦ᠌ ᠴᠠᠰᠤᠨ ᠴᠡᠴᠡᠭᠠᠴᠠ ᠨᠢᠭᠡᠨ ᠯᠡᠪᠰᠡ ᠬᠦᠰᠡᠯ ᠳᠦᠬᠦᠷᠡᠩ ᠮᠦᠷᠦᠭᠡᠳᠦᠯ ᠡᠪᠦᠷᠯᠡᠭ᠌ᠰᠡᠭᠡᠷ 《ᠡᠪᠡᠰᠤ ᠣᠷᠭᠤᠮᠠᠯᠤᠨ ᠶᠢᠷᠳᠢᠨᠴᠤ᠌》 ᠳ᠋ᠦ ᠪᠠᠭᠤᠵᠤ ᠢᠷᠡᠯᠡ᠃ ᠬᠦᠯᠳᠡᠭᠦᠤ ᠡᠪᠦᠯᠢ ᠠᠵᠢᠭ ᠦᠭᠡᠢ ᠲᠣᠭᠤᠯᠤᠭ᠍ᠰᠠᠨ ᠰᠣᠪᠤᠷᠭᠠᠨ ᠴᠣᠯᠢᠬᠢᠷ ᠲᠡᠭᠦᠨᠢ ᠤᠭ᠍ᠲᠤᠨ ᠠᠪᠤᠪᠠ᠃ ᠯᠠᠪᠰᠠᠶ᠋ᠢ ᠬᠠᠲᠠᠭ᠍ᠰᠠᠨ ᠨᠠᠪᠴᠢᠨ ᠳᠡᠭᠡᠷᠡᠪᠠᠨ ᠪᠠᠭᠤᠯᠭᠠᠭ᠍ᠰᠠᠨ ᠴᠣᠯᠢᠬᠢᠷ᠄
《ᠴᠠᠰᠤ ᠪᠠᠰᠠ ᠡᠢᠮᠦ᠍ ᠰᠠᠢᠬᠠᠨ ᠪᠠᠢᠳᠠᠭ ᠶᠤᠮ ᠦᠦ？》 ᠭᠡᠵᠦ᠍ ᠳᠠᠭᠤ ᠠᠯᠳᠠᠯᠠ᠃ ᠯᠠᠪᠰᠠ ᠴᠤ᠌ ᠭᠡᠰᠡᠨ ᠴᠡᠴᠡᠭᠲᠠᠢ ᠠᠳᠠᠯᠢ ᠵᠢᠷᠭᠤᠭᠠᠨ ᠬᠦᠭᠡᠷᠦᠬᠦᠨ ᠳᠠᠯᠪᠢᠲᠠᠢ᠂ ᠳᠠᠯᠪᠢ ᠪᠦᠷᠢᠨᠢ ᠬᠡᠲᠠᠢ᠂ ᠨᠢᠭᠡ ᠯᠡ ᠬᠡᠪᠢᠶᠠᠷ ᠴᠢᠳᠭᠤᠭ᠍ᠰᠠᠨ ᠰᠢᠬ᠃ ᠯᠠᠪᠰᠠ ᠶᠠᠭᠤᠨ ᠳᠡᠭᠡᠷᠡ ᠪᠠᠭᠤᠭ᠍ᠰᠠᠨᠢᠶᠠᠨ ᠣᠢᠯᠠᠭᠠᠵᠤ ᠶᠠᠳᠠᠨ ᠪᠦᠱᠦᠭᠦᠷᠭᠡᠵᠦ᠍᠄
《ᠲᠠ ᠴᠢᠨᠢ ᠁》 ᠭᠡᠪᠡ᠃ ᠴᠣᠯᠢᠬᠢᠷ ᠲᠡᠭᠦᠨᠢ ᠳᠤᠭ᠍ᠲᠠᠭᠤᠬᠠᠨ ᠬᠠᠷᠠᠭᠠᠳ᠄
《ᠪᠢ ᠴᠣᠯᠢᠬᠢᠷ ᠪᠠᠢᠨᠠ》 ᠭᠡᠪᠡ᠃
《ᠴᠣᠯᠢᠬᠢᠷ ᠭᠡᠳᠡᠭ ᠴᠢᠨᠢ》 ᠭᠡᠵᠦ᠍ ᠯᠠᠪᠰᠠ ᠲᠠᠭ᠍ᠯᠠᠷᠠᠵᠠᠢ᠃ ᠲᠡᠭᠦᠨᠳᠤ ᠡᠵᠢᠶ᠋ᠢᠨ ᠬᠢᠨᠢ ᠵᠠᠬᠢᠶᠠ ᠪᠣᠳᠤᠭ᠍ᠳᠠᠭᠠᠳ ᠪᠣᠯᠳᠠᠭ ᠦᠭᠡᠢ᠃
《ᠡᠪᠡᠰᠤ！》
《ᠣᠣ᠂ ᠡᠪᠡᠰᠤ ᠦᠦ？》 ᠭᠡᠳ ᠯᠠᠪᠰᠠ ᠪᠠᠶᠠᠷᠯᠠᠨ ᠬᠦᠭᠡᠷᠴᠤ᠌᠄ 《ᠡᠵᠢ ᠪᠢᠳᠠᠨᠢ 〈ᠡᠪᠡᠰᠤ ᠣᠷᠭᠤᠮᠠᠯᠤᠨ ᠶᠢᠷᠳᠢᠨᠴᠤᠳᠤ ᠪᠠᠭᠤ〉 ᠭᠡᠰᠡᠨ᠃ ᠲᠡᠭᠡᠪᠡᠯ ᠪᠢ ᠴᠢᠨᠢ ᠪᠠᠭᠤᠳᠠᠭ ᠭᠠᠵᠠᠷᠲᠠᠭᠠᠨ ᠪᠠᠭᠤᠴᠢᠬᠠᠭ᠍ᠰᠠᠨ ᠮᠦᠨ ᠦᠦ？》 ᠭᠡᠯᠡ᠃
ᠴᠣᠯᠢᠭᠢᠷ ᠯᠠᠪᠰᠠ ᠬᠡᠮᠡᠬᠦ᠌ ᠴᠠᠰᠤᠨ ᠴᠡᠴᠡᠭᠢ ᠬᠠᠢᠷᠠᠯᠠᠪᠠ᠃ ᠨᠢᠯᠬᠠ ᠪᠠᠭᠠ ᠴᠤ᠌ ᠦᠪᠡᠷᠤᠨ ᠭᠡᠬᠦ᠌ ᠮᠦᠷᠦᠭᠡᠳᠦᠯᠲᠠᠢ ᠠᠵᠢ᠃ ᠮᠦᠷᠦᠭᠡᠳᠦᠯ ᠪᠠᠢᠭ᠍ᠰᠠᠨ ᠴᠠᠭᠲᠤ ᠪᠡᠶᠡᠯᠡᠬᠦ᠌ ᠶᠤᠰᠤ ᠪᠣᠢ᠃ ᠬᠤᠷᠪᠣᠢᠨ ᠬᠠᠳᠠᠭ᠍ᠰᠠᠨ ᠴᠣᠯᠢᠬᠢᠷᠤᠨ ᠨᠠᠪᠴᠢᠨ ᠳᠡᠭᠡᠷᠡ ᠪᠠᠭᠤᠭ᠍ᠰᠠᠨ ᠯᠠᠪᠰᠠᠶ᠋ᠢ ᠴᠣᠯᠢᠬᠢᠷ ᠢᠳᠡᠭᠡ ᠳᠡᠭᠡᠷᠡᠪᠠᠨ ᠬᠦᠷᠭᠡᠯᠡ᠃ ᠠᠮᠲᠠᠲᠠᠢᠬᠠᠨ ᠤᠨᠲᠠᠵᠤ ᠪᠠᠢᠭ᠍ᠰᠠᠨ ᠬᠤᠶᠠᠭᠲᠠᠢ ᠢᠳᠡᠭᠡ ᠬᠦᠢᠳᠡᠨ ᠨᠣᠢᠲᠠᠨ ᠶᠠᠭᠤᠮᠠ ᠲᠣᠯᠬᠤᠪᠠᠷ ᠰᠣᠴᠢᠰᠭᠢᠵᠦ᠍᠄
《ᠶᠠᠭᠤ ᠪᠠᠢᠨᠠ？ ᠡᠨᠡ ᠴᠢᠨᠢ᠃ ᠶᠠ ᠶᠠ》 ᠭᠡᠵᠦ᠍ ᠪᠡᠶᠡᠪᠠᠨ ᠱᠦᠷᠭᠦᠭᠡᠨ ᠪᠣᠰᠭᠤᠳᠤ᠄ 《ᠪᠠᠭᠠᠷᠲᠠᠭ᠍ᠯᠠᠨᠠ ᠦᠦ？ ᠴᠢ᠃ ᠴᠠᠰᠤᠨ ᠬᠡᠣᠬᠡᠨ ᠪᠠᠢᠨᠠ᠃ ᠤᠨᠲᠠᠭᠠᠳ ᠪᠠᠢᠬᠤ ᠶᠤᠮ ᠦᠦ？ ᠣᠷᠭᠤ》 ᠭᠡᠵᠦ᠍ ᠴᠣᠯᠢᠬᠢᠷ ᠡᠵᠢ ᠬᠡᠣᠬᠡᠳᠢᠶᠠᠨ ᠬᠠᠯᠠᠳᠠᠵᠠᠢ᠃ ᠢᠳᠡᠭᠡ ᠬᠦᠤ ᠯᠠᠪᠰᠠᠶ᠋ᠢ ᠳᠣᠣᠭᠤᠷ ᠬᠠᠷᠠᠵᠤ᠄
《ᠲᠡᠭᠡᠶᠡ ᠨᠢᠬᠡ ᠬᠡᠯᠡᠴᠢᠬᠡᠳᠡᠭ ᠪᠢᠰᠢ ᠶᠤᠮ ᠦᠦ？》 ᠭᠡᠵᠦ᠍ ᠠᠮᠠᠨ ᠳᠡᠭᠡᠷᠡᠪᠠᠨ ᠲᠦᠳᠦᠨᠡᠬᠦ᠌ ᠴᠤ᠌ ᠠᠶᠤᠤᠯᠢᠬᠠᠢ ᠲᠦᠬᠦᠷᠡᠩ ᠪᠠᠶᠠᠷᠲᠠᠢ᠃ ᠴᠠᠰᠤᠨ ᠬᠡᠣᠬᠡᠨ ᠢᠴᠢᠮᠡᠭᠡᠢᠷᠡᠨ ᠢᠨᠢᠶᠡᠵᠦ᠍᠄
《ᠲᠠᠨᠢ ᠪᠢ ᠰᠣᠴᠢᠭᠠᠴᠢᠬᠠᠪᠠ ᠦᠦ？ ᠠᠭᠤᠴᠢᠯᠠᠭᠠᠷᠠᠢ！》 ᠭᠡᠬᠦ᠌ᠳᠤ᠄ 《ᠦᠬᠡᠢ᠂ ᠦᠬᠡᠢ᠃ ᠲᠠ ᠴᠢᠨᠢ ᠴᠠᠭᠤᠨ ᠬᠤᠷᠠ ᠪᠠᠢᠨᠠ》 ᠭᠡᠵᠦ᠍ ᠢᠳᠡᠭᠡ ᠦᠭᠡᠳᠡᠠᠴᠠᠨᠢ ᠮᠠᠷᠰᠠᠢᠵᠠᠢ᠃
ᠴᠣᠯᠢᠬᠢᠷ ᠡᠵᠢ ᠴᠠᠭᠠᠰᠢᠪᠠᠨ ᠬᠠᠨᠳᠣᠬᠤ ᠴᠢᠯᠦᠭᠡᠨᠳᠤ ᠢᠳᠡᠭᠡ ᠬᠦᠤ ᠴᠠᠰᠤᠨ ᠬᠡᠣᠬᠡᠨᠢ ᠡᠪᠦᠷᠯᠡᠵᠡᠢ᠃ ᠰᠣᠴᠢᠮᠠᠭ ᠢᠷᠡᠭ᠌ᠰᠡᠨ ᠳᠤᠷᠠᠯᠠᠯ ᠰᠠᠢᠬᠠᠨ ᠪᠠᠢᠳᠠᠭ ᠮᠦᠨ ᠦᠦ？ ᠴᠠᠰᠤᠨ ᠲᠤᠮᠳᠠᠭᠤᠷ ᠠᠩᠳᠤ ᠮᠣᠷᠳᠠᠭ᠍ᠰᠠᠨ ᠦᠨᠡᠭᠡ ᠱᠣᠭ᠍ᠰᠢᠵᠤ ᠶᠠᠪᠤᠭ᠍ᠰᠠᠨᠢᠶᠠᠨ ᠰᠣᠪᠣᠷᠭᠠ ᠴᠣᠯᠢᠭᠢᠷᠤᠨ ᠳᠡᠭᠡᠬᠦᠷ ᠬᠠᠷᠠᠢᠨ ᠭᠠᠷᠬᠤᠳᠤ ᠲᠣᠯᠤᠭᠠᠢᠨᠢ ᠲᠠᠭᠠᠷᠢᠭ᠍ᠳᠠᠨ ᠤᠨᠠᠯᠠ᠃ ᠴᠠᠰᠤᠨ ᠬᠡᠣᠬᠡᠨ ᠢᠳᠡᠭᠡ ᠬᠦᠤ ᠬᠤᠶᠠᠷ ᠪᠡᠶᠡ ᠪᠡᠶᠡᠳᠡᠭᠡᠨ ᠠᠭᠤᠰᠤᠭᠠᠳ ᠬᠦᠷᠦᠰᠦᠨ ᠳᠡᠭᠡᠷᠡ ᠣᠢᠴᠢᠪᠠ᠃
ᠴᠠᠰᠤ ᠯᠠᠪᠰᠠᠯᠠᠵᠤ ᠪᠠᠢᠭ᠍ᠰᠠᠨᠢᠶᠠᠨ ᠪᠣᠷᠤᠭᠠᠯᠠᠪᠠ᠃ ᠪᠦᠯᠢᠶᠡᠭᠡᠨ ᠪᠠᠢᠭ᠍ᠰᠠᠨ ᠠᠭᠤᠷ ᠠᠮᠢᠰᠭᠤᠯ ᠬᠦᠢᠳᠡᠷᠡᠯᠡ᠃ ᠰᠠᠯᠬᠢ ᠦᠶᠡ ᠦᠶᠡ ᠬᠠᠣᠬᠢᠬᠤᠳᠤ ᠪᠣᠷᠣᠭᠠᠨ ᠱᠠᠷᠴᠢᠭᠢᠨᠠᠨ ᠣᠷᠤᠨᠠ᠃ ᠬᠦᠢᠳᠡᠨ ᠴᠤ᠌ ᠡᠷᠴᠢᠪᠠᠨ ᠨᠡᠮᠡᠵᠡᠢ᠃ ᠳᠡᠪᠡᠯ ᠳᠡᠭᠡᠷᠡ ᠣᠷᠤᠭ᠍ᠰᠠᠨᠨᠢ ᠤᠰᠤ ᠪᠣᠯᠪᠠ᠃ ᠲᠡᠯᠡᠭᠡᠢ ᠳᠡᠭᠡᠷᠡ ᠳᠣᠰᠤᠭ᠍ᠰᠠᠨᠨᠢ ᠳᠣᠰᠤ ᠪᠣᠯᠪᠠ᠃ ᠪᠠᠢᠭᠠᠯᠢ ᠡᠬᠡᠶ᠋ᠢᠨ ᠲᠣᠭᠤᠰᠤ ᠱᠢᠷᠣᠢ᠂ ᠭᠭᠢᠷ ᠪᠤᠷᠲᠠᠭ ᠣᠬᠢᠶᠠᠭ᠍ᠳᠠᠵᠠᠢ᠃ ᠨᠠᠷᠠᠨᠤ ᠭᠡᠷᠡᠯᠳᠤ ᠡᠳᠡ ᠪᠦᠬᠦᠨ ᠭᠢᠯᠪᠠᠵᠤ ᠬᠠᠷᠠᠭ᠍ᠳᠠᠨᠠ ᠪᠢᠵᠡ？ ᠪᠤᠲᠠᠨᠤ ᠰᠠᠯᠠᠭᠠᠨᠳᠤ ᠨᠠᠭᠠᠯᠳᠤᠨ ᠠᠲᠤᠷᠢᠭ᠍ᠰᠠᠨ ᠪᠣᠷᠤ ᠡᠷᠪᠡᠬᠡᠢ ᠭᠤᠣᠯ ᠦᠭᠡᠢ ᠳᠡᠪᠲᠦᠭᠡᠳ᠂ ᠵᠦᠪᠬᠡᠨ ᠲᠣᠯᠠᠭᠠᠨᠢ ᠬᠦᠰᠡᠨᠡ᠃ ᠱᠢᠪᠠᠭᠤᠳ ᠴᠤ᠌ ᠡᠭᠦᠷ ᠡᠭᠦᠷᠲᠡᠭᠡᠨ᠃ ᠳᠡᠭ᠌ᠷᠢ ᠴᠡᠯᠮᠡᠬᠦ᠌ᠶ᠋ᠢ ᠬᠦᠯᠢᠶᠡᠨᠡ᠃
ᠪᠣᠷᠤ ᠮᠤᠳᠤᠶ᠋ᠢᠨ ᠳᠣᠣᠭᠤᠷ ᠡᠭᠦᠷᠢᠶᠠᠨ ᠵᠠᠰᠠᠭ᠍ᠰᠠᠨ ᠬᠤᠯᠤᠭᠠᠨᠠ ᠳᠡᠭᠡᠪᠦᠷ ᠳᠡᠯᠡᠳᠦᠨ ᠣᠷᠤᠬᠤ ᠪᠣᠷᠤᠭᠠᠨᠤ ᠴᠢᠮᠡᠭᠡᠶ᠋ᠢ ᠴᠢᠩᠨᠠᠨ᠂ ᠨᠦᠭᠡᠴᠡᠪᠠᠨ ᠢᠳᠡᠵᠦ᠍ ᠵᠢᠷᠭᠠᠨᠠ᠃ ᠣᠷᠤ᠂ ᠣᠷᠤ᠂ ᠰᠠᠢᠨ ᠣᠷᠤ᠃ ᠨᠣᠭᠤᠭᠠ ᠴᠠᠭᠠ ᠡᠷᠳᠡ ᠭᠠᠷᠪᠠᠯ ᠮᠢᠨᠦ᠍ ᠨᠣᠣᠰᠤ ᠦᠰᠦ ᠴᠤ᠌ ᠡᠷᠳᠡ ᠭᠤᠤᠵᠢᠨᠠ᠂ ᠲᠠᠷᠭᠤ ᠳᠡᠪᠡᠬᠡᠷᠡᠭ ᠴᠤ᠌ ᠰᠠᠢᠨ ᠠᠪᠤᠨᠠ᠃ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠴᠤ᠌ ᠳᠤᠲᠠᠭᠤ ᠢᠷᠡᠨᠡ᠃ ᠪᠣᠳᠤᠬᠤ ᠲᠣᠰᠤᠮ ᠪᠠᠶᠠᠷᠯᠠᠵᠤ᠂ ᠣᠷᠤᠬᠤ ᠪᠣᠷᠤᠭᠠᠨᠤ ᠳᠤᠮᠳᠠᠭᠤᠷ ᠬᠠᠰᠭᠢᠷᠤᠨ ᠳᠠᠯᠠᠯᠤᠨ ᠬᠦᠶᠦᠮᠡᠷ᠃
ᠠᠭᠢᠭᠠᠳ ᠪᠠᠰᠠ ᠯᠠ ᠴᠠᠰᠤ ᠣᠨᠠᠯᠠ᠃ ᠡᠪᠦᠷᠲᠡᠭᠡᠨ ᠨᠤᠭ᠍ᠳᠤᠢᠭ᠍ᠰᠠᠨ ᠬᠤᠯᠠᠨ ᠵᠢᠷᠤᠭᠠ᠄
《ᠴᠠᠰᠤ ᠯᠠ ᠣᠷᠤᠭᠠᠴᠢ᠂ ᠪᠣᠷᠤᠭᠠᠨᠳᠤ ᠣᠰᠤᠭᠤᠬᠤ ᠶᠤᠮ ᠪᠠᠢᠨᠠ》 ᠭᠡᠪᠡ᠃ ᠲᠡᠷᠡ ᠬᠤᠶᠠᠷ ᠪᠣᠯ ᠱᠢᠨᠡᠭᠡᠨ ᠬᠤᠷᠢᠮᠯᠠᠭ᠍ᠰᠠᠨ ᠵᠠᠯᠠᠭᠤ ᠡᠷᠡ ᠡᠮᠡ ᠶᠤᠮ᠃ ᠡᠭᠦᠷᠢᠶᠠᠨ ᠲᠣᠬᠢᠳᠠᠢ ᠵᠠᠰᠠᠭᠠᠳ᠂ ᠱᠢᠨᠡ ᠠᠮᠢᠳᠤᠷᠠᠯᠢᠶᠠᠨ ᠣᠭ᠍ᠳᠤᠬᠤ ᠭᠡᠵᠦ᠍ ᠴᠡᠭᠡᠵᠢ ᠳᠦᠬᠦᠷᠡᠩ ᠪᠠᠶᠠᠷᠲᠠᠢ᠃ ᠵᠤᠯᠣᠭ᠍ᠰᠠᠨ ᠬᠦᠪᠦᠩ ᠱᠢᠭ ᠨᠡᠪᠰᠡᠭᠡᠷ ᠰᠠᠭᠠᠷᠠᠯ ᠡᠬᠦᠯᠠᠰ ᠤᠭ᠍ᠲᠠᠷᠭᠤᠢᠶ᠋ᠢ ᠬᠠᠪᠤᠭᠠᠳ ᠪᠦᠮᠪᠦᠭᠡᠷ᠃ ᠠᠵᠢᠭᠠᠳ ᠪᠠᠢᠬᠤᠳᠤ ᠮᠠᠨᠠᠨ ᠮᠡᠳᠦ ᠨᠡᠭᠦᠳᠡᠯᠯᠡᠬᠦ᠌ ᠠᠵᠢ᠃
ᠡᠷᠡ ᠬᠤᠯᠠᠨ ᠵᠢᠷᠤᠭᠠ ᠠᠮᠠᠷᠠᠭ ᠨᠦᠬᠦᠷᠢᠶᠠᠨ ᠡᠩᠭᠦᠷᠡᠢᠯᠡᠨ ᠬᠠᠷᠠᠭᠠᠳ᠄ 《ᠴᠠᠰᠤ ᠬᠠᠶᠠᠯᠠᠬᠤᠳᠤ ᠭᠠᠵᠠᠷᠠᠴᠠ ᠬᠦᠢᠳᠡᠨᠢ ᠰᠤᠷᠤᠨᠠ᠃ ᠦᠭᠡᠢ ᠪᠣᠯ ᠪᠣᠷᠤᠭᠠᠯᠠᠴᠢᠬᠠᠬᠤ ᠪᠢᠰᠢ ᠶᠤᠮ ᠦᠦ？ ᠪᠣᠷᠤᠭᠠᠨ ᠪᠣᠯ ᠲᠡᠢᠮᠦ᠍ ᠪᠢᠰᠢ᠃ ᠣᠷᠤᠬᠤᠳᠤ ᠲᠣᠯᠠᠭᠠᠨᠢ ᠰᠣᠷᠤᠨᠠ᠃ ᠭᠠᠵᠠᠷ ᠬᠦᠢᠳᠡᠷᠡᠴᠢᠬᠡᠬᠦ᠌ ᠪᠢᠰᠢ ᠶᠤᠮ ᠦᠦ？ ᠡᠢᠮᠦ᠍ ᠯᠠ ᠢᠯᠭᠠᠭᠠᠲᠠᠢ ᠪᠠᠢᠳᠠᠭ》 ᠭᠡᠵᠡᠢ᠃
ᠨᠡᠪᠰᠡᠭᠡᠷ ᠰᠠᠭᠠᠷᠠᠯ ᠡᠬᠦᠯᠠᠰᠠᠴᠠ ᠬᠠᠶᠠᠯᠠᠬᠤ ᠴᠠᠰᠤ ᠭᠡᠷᠤᠨ ᠣᠷᠤᠢ ᠳᠡᠭᠡᠷᠡ᠂ ᠭᠠᠵᠠᠷ ᠳᠡᠭᠡᠷᠡ᠂ ᠬᠠᠳᠠᠨ ᠳᠡᠭᠡᠷᠡ᠂ ᠡᠪᠡᠰᠤᠨ ᠳᠡᠭᠡᠷᠡ ᠁ ᠭᠠᠵᠠᠷ ᠳᠡᠭᠡᠷᠡ ᠤᠨᠠᠭ᠍ᠰᠠᠨ ᠪᠦᠬᠦᠨ ᠣᠰᠤ᠃
ᠰᠤᠳᠠᠰᠤ ᠰᠢᠬ ᠵᠢᠵᠢᠭ᠌ᠬᠡᠨ ᠭᠤᠷᠤᠬᠠ ᠣᠷᠤᠰᠭᠤᠳᠤ᠄
《ᠪᠢ ᠶᠠᠭᠠᠬᠢᠭᠠᠳ ᠣᠰᠤ ᠪᠣᠯᠴᠢᠬᠠᠭ᠍ᠰᠠᠨ ᠶᠣᠮ？》 ᠭᠡᠵᠦ᠍ ᠯᠠᠪᠰᠠ ᠭᠤᠨᠢᠭ᠍ᠯᠠᠪᠠ᠃ ᠯᠠᠪᠰᠠ ᠪᠢᠰᠢ ᠣᠰᠤ ᠪᠣᠯᠵᠠᠢ᠃ ᠭᠤᠷᠤᠬᠠ ᠬᠤᠷᠴᠢᠭᠢᠨᠠᠨ ᠲᠠᠭᠤᠯᠠᠨ ᠣᠷᠤᠰᠭᠤᠳᠠᠭᠠᠨ᠄
《ᠪᠢᠳᠠ ᠣᠷᠤᠰᠤᠨᠠ᠂ ᠠᠭᠤᠷᠱᠢᠨᠠ᠃
ᠬᠦᠷᠦᠰᠦᠨᠳᠤ ᠱᠢᠮᠡᠳᠦᠨᠡ᠂
ᠡᠪᠡᠰᠤ ᠨᠣᠭᠤᠭᠠ ᠪᠤᠯᠵᠤ ᠣᠷᠭᠤᠨᠠ
ᠠᠭᠤᠷᠱᠢᠭᠠᠳ
ᠡᠭᠦᠯᠡ ᠴᠤ᠌ ᠪᠤᠯᠤᠨᠠ᠃
ᠡᠷᠭᠢᠭᠡᠳ ᠪᠠᠭᠤᠵᠤ ᠢᠷᠡᠨᠡ᠃
ᠶᠠᠭᠤᠨᠢ ᠮᠠᠭᠤᠬᠠᠢ ᠶᠤᠮ？》 ᠭᠡᠯᠡ᠃
《ᠲᠡᠢᠮᠦ᠍ ᠦᠦ？》 ᠲᠡᠳᠡ ᠪᠠᠶᠠᠷᠯᠠᠵᠠᠢ᠃ ᠶᠠᠭᠤᠮᠠᠶ᠋ᠢᠨ ᠤᠴᠢᠷ ᠣᠬᠠᠭᠠᠨᠢ ᠬᠦᠢᠴᠡᠳ ᠣᠢᠯᠠᠭᠠᠬᠤᠳᠤ ᠭᠤᠨᠢᠭ ᠠᠷᠴᠢᠭ᠍ᠳᠠᠳᠠᠭ ᠠᠵᠢ᠃
ᠲᠡᠭ᠌ᠷᠢ ᠬᠤᠷᠮᠤᠢᠠᠴᠠᠪᠠᠨ ᠬᠠᠶᠠᠭᠠᠷᠠᠵᠤ᠂ ᠬᠠᠷᠠᠩᠭᠤᠢᠯᠠᠵᠤ ᠪᠠᠢᠭ᠍ᠰᠠᠨ ᠭᠡᠷ ᠭᠡᠭᠡᠷᠡᠯᠡ᠃ ᠰᠡᠳᠭᠢᠯ ᠪᠦᠬᠦᠨ ᠠᠭᠤᠵᠢᠷᠠᠭᠠᠳ ᠶᠠᠪᠣᠴᠢᠬᠠᠪᠠ᠃
《ᠠ ᠳ᠋ᠠ᠂ ᠰᠠᠢᠬᠠᠨ ᠴᠢᠭᠢᠭ ᠬᠠᠢᠷᠠᠯᠠᠯᠠ》 ᠭᠡᠵᠦ᠍ ᠬᠦᠮᠦᠨ ᠴᠤ᠌ ᠲᠡᠷᠡ᠂ ᠠᠮᠢᠳᠠᠨ ᠴᠤ᠌ ᠲᠡᠷᠡ ᠲᠣᠳᠤᠷᠠ ᠲᠤᠳᠤᠷᠠᠪᠠᠨ ᠲᠠᠯᠠᠷᠬᠠᠵᠠᠢ᠃
ᠨᠢᠭᠡ ᠡᠳᠦᠷ ᠤᠰᠤᠨ ᠠᠭᠤᠷ ᠬᠡᠤᠬᠡᠳᠤᠳᠢᠶᠠᠨ ᠭᠠᠵᠠᠷᠲᠤ ᠪᠠᠭᠤᠯᠭᠠᠭ᠍ᠰᠠᠨ ᠡᠭᠦᠯᠡ ᠡᠵᠢ ᠣᠭ᠍ᠲᠠᠷᠭᠤᠢᠳᠤ ᠰᠠᠭᠠᠳᠠᠪᠠ᠃ ᠴᠠᠩᠭᠡᠷ ᠴᠠᠭᠠᠨ ᠡᠬᠦᠯᠡ ᠪᠦᠯᠦᠭ ᠴᠦᠯᠦᠭ᠄
《ᠬᠡᠣᠬᠡᠳᠤᠳ ᠡ！ ᠡᠵᠢᠳᠡᠭᠡᠨ ᠪᠠᠷᠠᠪᠠᠨ ᠨᠢᠭᠡ ᠦᠵᠡᠭᠦᠯᠦᠭᠡᠳ ᠠᠯᠢ！》 ᠭᠡᠵᠦ᠍ ᠡᠬᠦᠯᠡ ᠡᠵᠢ ᠬᠠᠰᠭᠢᠷᠤᠯᠠ᠃ ᠤᠶᠠᠷᠠᠭᠤᠨ ᠲᠣᠩᠭᠠᠯᠠᠭ ᠳᠠᠭᠤ ᠬᠤᠭᠤᠯᠠᠢ ᠠᠭᠠᠷ ᠵᠦᠰᠦᠨ ᠬᠦᠷᠦᠰᠦᠨᠳᠤ ᠱᠢᠮᠡᠳᠦᠨᠡ᠃ ᠶᠠᠭ ᠯᠠ ᠲᠡᠷᠡ ᠡᠳᠦᠷᠤᠨ ᠪᠣᠷᠤᠭᠠᠨ ᠴᠠᠰᠤ ᠰᠢᠬ᠃ ᠦᠷᠡᠪᠠᠨ ᠰᠠᠨᠠᠬᠤ ᠦᠭᠡᠢ ᠡᠬᠡᠶ᠋ᠢᠨ ᠰᠡᠳᠭᠢᠯ ᠭᠡᠵᠦ᠍ ᠬᠠᠮᠢᠭᠠ ᠪᠠᠢᠬᠤ ᠪᠣᠢ᠃
ᠡᠬᠡ ᠭᠠᠵᠠᠷ ᠲᠡᠷᠡ ᠠᠭᠤᠯᠠᠶ᠋ᠢᠨ ᠠᠮᠠᠪᠠᠷ ᠦᠨᠳᠡᠢᠬᠦ᠌ ᠱᠢᠭ ᠪᠤᠯᠵᠤ᠄
《ᠡᠵᠢ ᠡ！ ᠪᠢ ᠠᠳᠡ ᠪᠠᠢᠨᠠ》
《ᠪᠢ ᠠᠳᠡ ᠪᠠᠢᠨᠠ！》
《ᠡᠵᠢ ᠡ！ ᠲᠠ ᠨᠠᠮᠠᠶ᠋ᠢ ᠦᠵᠡᠪᠡ ᠦᠦ？ ᠪᠢ ᠲᠠᠨ ᠣᠷᠤᠭᠤ ᠳᠠᠯᠠᠯᠵᠤ ᠪᠠᠢᠨᠠ᠃ ᠨᠠᠭᠠᠰᠢᠪᠠᠨ ᠬᠠᠷᠠ！》
《ᠡᠵᠢ ᠡ！ ᠪᠢ ᠲᠠᠨᠢ ᠣᠯᠤᠭᠠᠳ ᠦᠵᠡᠴᠢᠬᠡᠯᠡ》 ᠭᠡᠵᠦ᠍ ᠬᠠᠰᠭᠢᠷᠬᠤ ᠳᠠᠭᠤ ᠬᠦᠷᠦᠰᠦᠨ ᠳᠡᠭᠡᠷᠡ ᠳᠡᠪᠡᠷᠡᠭ᠌ᠰᠡᠨ ᠲᠣᠭᠤᠭᠠ ᠱᠢᠭ᠋ ᠪᠣᠴᠠᠯᠵᠠᠢ᠃
ᠵᠠᠷᠢᠮᠨᠢ ᠨᠠᠪᠴᠢᠨ ᠳᠤᠳᠤᠷᠠᠠᠴᠠ ᠲᠣᠣᠭᠠᠷᠤᠨᠠ᠂ ᠲᠡᠳᠡ ᠨᠠᠪᠴᠢ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠴᠡᠴᠡᠭᠠᠴᠠ᠂ ᠲᠡᠳᠡ ᠴᠡᠴᠡᠭ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠠᠮᠢᠳᠠᠨᠤ ᠠᠮᠠᠠᠴᠠ᠂ ᠲᠡᠳᠡ ᠱᠢᠯᠦᠰᠦ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠬᠦᠷᠦᠰᠦᠨᠠᠴᠠ᠂ ᠲᠡᠳᠡ ᠱᠢᠮᠡ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠡᠬᠦᠯᠡᠠᠴᠠ᠂ ᠲᠡᠳᠡ ᠡᠭᠦᠯᠡ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠭᠤᠣᠯᠠᠴᠠ᠂ ᠲᠡᠳᠡ ᠣᠰᠤ ᠪᠣᠯᠵᠠᠢ᠃ ᠵᠠᠷᠢᠮᠨᠢ ᠬᠤᠷᠭᠤᠯᠠᠴᠠ᠂ ᠲᠡᠳᠡ ᠬᠤᠷᠭᠤᠯ ᠪᠣᠯᠵᠠᠢ᠃
《ᠬᠡᠣᠬᠡᠳᠤᠳ ᠡ！ ᠡᠵᠢᠨᠢ ᠰᠣᠨᠣᠰᠤᠯᠠ᠂ ᠪᠠᠶᠠᠷᠯᠠᠯᠠ》
ᠡᠭᠦᠯᠡ ᠡᠵᠢ ᠠᠶᠠᠷᠬᠠᠨ ᠨᠡᠭᠦᠳᠡᠯᠯᠡᠨᠡ᠃ ᠬᠡᠣᠬᠡᠳᠤᠨᠢᠶᠠᠨ ᠳᠠᠭᠤᠶ᠋ᠢ ᠰᠣᠨᠣᠰᠣᠭ᠍ᠰᠠᠨ ᠡᠵᠢ ᠪᠦᠬᠦᠨ ᠲᠣᠭ᠍ᠳᠣᠯᠬᠤ ᠦᠭᠡᠢ ᠶᠠᠭᠠᠬᠢᠵᠦ᠍ ᠴᠢᠳᠠᠨᠠ ᠪᠣᠢ᠃ ᠡᠩᠭᠡᠷ ᠲᠦᠬᠦᠷᠡᠩ ᠨᠢᠯᠪᠣᠰᠤᠲᠠᠢ᠃