ᠵᠢᠬᠦᠷ ᠰᠤᠯᠢᠳᠠᠨ ᠠᠮᠠᠷᠠᠬᠤ ᠵᠦᠩᠤᠨ ᠴᠡᠩᠭᠡᠷ ᠲᠠᠯᠠ ᠮᠢᠨᠢ
ᠵᠢᠪᠡᠷ ᠰᠦᠷᠦᠨ ᠲᠦᠷᠡᠯᠵᠡᠬᠦ᠌ ᠵᠤᠷᠢᠭ ᠢᠳᠡᠭᠡᠯᠤᠨ ᠭᠠᠯ ᠮᠢᠨᠢ
ᠵᠠᠢᠮᠤᠭ᠍ᠰᠠᠨ ᠪᠤᠳᠤᠯᠢᠶᠠᠨ ᠠᠷᠭᠠᠳᠠᠬᠤᠳᠤ ᠵᠡᠬᠦᠳᠦᠨᠳᠤ ᠬᠦᠭᠡᠷᠡᠬᠦ᠌ ᠰᠦᠯ ᠮᠢᠨᠢ
ᠵᠠᠢᠷᠯᠠᠭ᠍ᠰᠠᠨ ᠨᠢᠯᠪᠤᠰᠤᠪᠠᠨ ᠲᠡᠪᠴᠢᠬᠦ᠌ᠳᠤ ᠵᠢᠷᠦᠭᠡᠨᠳᠤ ᠠᠰᠠᠬᠤ ᠵᠤᠯᠠ ᠮᠢᠨᠢ ᠡ！
ᠬᠦᠷᠡᠩ ᠲᠤᠯᠤᠭᠠᠢᠶ᠋ᠢᠨ ᠰᠡᠬᠦᠳᠡᠷᠨᠢ ᠬᠡᠦᠱᠢᠯᠡᠬᠦ᠌ ᠨᠢᠭᠡᠨ ᠦᠵᠡᠮᠵᠢ
ᠬᠤᠨᠳᠠᠭᠠᠨ ᠴᠡᠴᠡᠭᠤᠨ ᠱᠢᠬᠦᠳᠡᠷᠢᠨᠢ ᠡᠭ᠌ᠰᠢᠬᠦ᠌ ᠠᠯᠳᠠᠨ ᠬᠤᠷᠤᠮ
ᠵᠡᠷᠭᠡᠯᠭᠡᠨᠳᠤ ᠤᠮᠪᠠᠭ᠍ᠤ ᠰᠦᠷᠦᠭᠨᠢ ᠠᠮᠤᠷ ᠠᠮᠤᠭᠤᠯᠠᠩᠤᠨ ᠵᠢᠷᠤᠭ
ᠵᠡᠯᠡᠨᠳᠤ ᠴᠤᠪᠬᠤᠴᠢᠬᠤ ᠤᠨᠠᠭᠠᠨᠢ ᠠᠵᠠ ᠬᠡᠢᠮᠦᠷᠢᠶ᠋ᠢᠨ ᠰᠦᠭ ᠡ！
ᠠᠷᠭᠠᠯᠤᠨ ᠴᠤᠭ ᠲᠡᠭᠡᠷᠡ ᠲᠠᠷᠭᠢᠯᠠᠬᠤ ᠴᠠᠢᠶ᠋ᠢᠨ ᠠᠮᠳᠠᠨᠢ ᠠᠩᠬᠢᠯᠤᠭᠤᠨ
ᠠᠭᠠᠷ ᠰᠦᠯᠡᠨ ᠲᠤᠨᠤᠷᠠᠬᠤ ᠤᠳᠤᠭᠠᠨᠢ ᠬᠦᠷᠳᠡᠯᠡ ᠠᠷᠢᠭᠤᠨ᠃
ᠵᠢᠷᠬᠢᠨ ᠲᠤᠩᠭᠤᠳᠭᠤ ᠱᠢᠪᠠᠭᠤᠳᠨᠢ ᠨᠡᠷᠡᠨᠤ ᠰᠤᠯᠤᠩᠭᠠᠨ ᠡᠭᠡᠱᠢᠭᠲᠠᠢ
ᠵᠢᠬᠢᠨ ᠬᠤᠷᠳᠤᠯᠠᠬᠤ ᠬᠦᠯᠦᠭᠨᠢ ᠵᠠᠳᠠᠭᠠᠢ ᠰᠤᠮᠤᠨ ᠬᠠᠳᠠᠷᠢᠶᠠᠲᠠᠢ
ᠬᠦᠢ ᠲᠠᠷᠤᠭ᠍ᠰᠠᠨ ᠴᠢᠯᠠᠭᠤᠨᠢ ᠭᠠᠵᠠᠷᠤᠨ ᠬᠦᠭᠡ ᠮᠡᠩᠭᠡᠲᠠᠢ
ᠬᠦᠰᠡᠯ ᠬᠠᠷᠪᠤᠭ᠍ᠰᠠᠨ ᠬᠢᠵᠠᠭᠠᠷᠨᠢ ᠲᠡᠭ᠌ᠷᠢᠶ᠋ᠢᠨ ᠴᠡᠮᠢᠨ ᠦᠩᠭᠡᠲᠠᠢ
ᠡᠬᠦᠯᠡ ᠰᠠᠯᠬᠢᠨ ᠨᠠᠢᠷᠠᠮᠳᠠᠭ᠍ᠰᠠᠨ ᠴᠡᠰᠤ ᠪᠤᠷᠤᠭᠠᠨᠤ ᠬᠡᠱᠢᠭᠲᠠᠢ
ᠠᠭᠤᠯᠠ ᠤᠰᠤᠨ ᠠᠷᠢᠭᠤᠰᠣᠭ᠍ᠰᠠᠨ ᠰᠠᠴᠤᠯᠢ ᠡᠷᠬᠦᠯᠤᠨ ᠲᠠᠯᠠᠯᠭᠠᠲᠠᠢ
ᠮᠦᠷ ᠮᠦᠩᠬᠡᠯᠡᠨ ᠲᠤᠨᠢᠶᠠᠷᠳᠤᠬᠤ ᠮᠦᠷᠦᠭᠡᠳᠦᠯᠤᠨ ᠴᠡᠩᠬᠡᠷ ᠲᠠᠯᠠ ᠮᠢᠨᠢ
ᠮᠦᠷᠦ᠍ᠶ᠋ᠢᠨᠢ ᠲᠦᠱᠢᠨ ᠲᠠᠢᠪᠤᠱᠢᠷᠠᠬᠤ ᠮᠦᠩᠬᠡᠶ᠋ᠢᠨ ᠲᠠᠪᠢᠯᠠᠩᠳᠤ ᠪᠠᠯ ᠮᠢᠨᠢ
ᠰᠡᠮᠡᠷᠡᠭ᠌ᠰᠡᠨ ᠵᠠᠶᠠᠭᠠᠪᠠᠨ ᠲᠡᠭ᠌ᠰᠢᠯᠡᠬᠦ᠌ᠳᠤ ᠰᠡᠳᠭᠢᠯᠳᠤ ᠨᠠᠮᠢᠷᠠᠬᠤ ᠲᠤᠭ ᠮᠢᠨᠢ
ᠰᠡᠩᠰᠡᠷᠡᠭ᠌ᠰᠡᠨ ᠮᠠᠨᠠᠨᠳᠤ ᠲᠦᠭᠡᠷᠢᠬᠦ᠌ᠳᠤ ᠰᠡᠷᠡᠯᠳᠤ ᠤᠷᠭᠤᠬᠤ ᠵᠦᠭ ᠮᠢᠨᠢ ᠡ！