ᠵᠣᠭ᠍ᠰᠤᠭ᠎ᠠ᠎ᠪᠠᠷ᠎ᠢᠶᠠᠨ ᠦᠷᠬᠡᠯᠡᠬᠦ᠌ ᠣᠯᠠᠭᠠᠨ ᠮᠣᠷᠢᠨ᠎ᠤ

ᠵᠢᠷᠤᠭ᠎ᠠ ᠬᠡᠳᠡᠭ᠎ᠢ᠎ᠨᠢ ᠶᠠᠭᠠᠬᠢᠨᠠᠮ ᠪᠢᠯᠡ

ᠴᠣᠬᠤᠮ ᠬᠤᠯᠠ᠎ᠠᠴᠠ ᠲᠠᠪᠬᠢᠭᠤᠯᠵᠦ᠍ ᠢᠷᠡᠭ᠌ᠰᠡᠨ

ᠴᠣᠯᠠ ᠠᠯᠳᠠᠷ᠎ᠢ᠎ᠨᠢ ᠬᠡᠷᠬᠢᠨᠡᠮ ᠪᠢᠯᠡ

ᠵᠢᠯ ᠵᠢᠷᠬᠢᠭ᠌ᠰᠡᠨ ᠠᠢᠯ᠎ᠤᠨ᠎ᠢᠶᠠᠨ

ᠵᠡᠯ᠎ᠡ ᠲᠡᠭᠡᠷ᠎ᠡ ᠪᠠᠢᠨ᠎ᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠵᠢᠮᠡᠯᠴᠡᠵᠦ᠍ ᠣᠣᠭᠤᠭ᠍ᠰᠠᠨ ᠡᠪᠦᠭᠡᠳ᠎ᠲᠠᠢ᠎ᠪᠠᠨ

ᠵᠡᠭᠡᠷᠳᠡ ᠪᠣᠯᠪᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠬᠡᠯᠡᠮᠦᠷᠴᠢ ᠠᠬ᠎ᠠ᠎ᠶ᠋ᠢᠨ ᠬᠢᠨᠢ ᠲᠡᠬᠦᠪᠦᠷᠢ

ᠬᠡᠪᠯᠡᠯ᠎ᠳᠤ ᠣᠷᠣᠪᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠬᠡᠳᠦᠨ ᠪᠠᠳᠠᠭ᠎ᠢ᠎ᠨᠢ ᠱᠢᠬᠢᠷ᠎ᠲᠠᠢ᠎ᠨᠢ

ᠬᠡᠮᠡᠯᠢᠵᠦ᠍ ᠪᠠᠢᠨ᠎ᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠠᠢᠯ᠎ᠳᠤ ᠮᠣᠷᠳᠠᠭ᠍ᠰᠠᠨ ᠲᠡᠬᠦᠦ᠍᠎ᠪᠠᠨ

ᠠᠢᠰᠦᠢ ᠬᠡᠮᠡᠨ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠠᠪᠤ ᠡᠵᠢ ᠬᠤᠶᠠᠷ᠎ᠲᠠᠭᠠᠨ

ᠠᠷᠢᠭᠢ ᠪᠠᠷᠢᠵᠦ᠍ ᠪᠠᠢᠨ᠎ᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠡ

ᠨᠠᠶᠠᠨ ᠲᠠᠪᠣᠳᠠᠢ ᠠᠪᠤ᠎ᠶ᠋ᠢᠨ᠎ᠬᠢᠨ᠎ᠳᠤ

ᠨᠠᠭᠠᠳᠣᠮ᠎ᠲᠠᠢ ᠬᠡᠮᠡᠨ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠢᠷᠡᠭᠤ ᠨᠠᠢᠷᠠᠭ᠎ᠤᠨ ᠣᠷᠣᠯᠳᠣᠭᠠᠨ᠎ᠢᠶᠠᠷ

ᠤᠯᠠᠨ ᠵᠢᠡᠨ ᠪᠠᠶᠠᠰᠬᠠᠵᠦ ᠪᠠᠢᠨ᠎ᠠ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠲᠠᠯᠠᠨ ᠭᠤᠷᠪᠠᠳᠠᠢ ᠡᠵᠢ᠎ᠶ᠋ᠢᠨ᠎ᠬᠢᠨ᠎ᠳᠤ

ᠲᠠᠯᠠᠢ ᠪᠠᠶᠠᠷ᠎ᠲᠠᠢ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠠᠷᠠᠳ᠎ᠤᠨ ᠲᠠᠭᠤᠣ᠎ᠶᠢᠨ ᠮᠦᠷᠦᠢᠴᠡᠭᠡᠨ᠎ᠳᠤ

ᠠᠭ᠍ᠳᠠ᠎ᠨᠢ ᠲᠡᠷᠢᠬᠦᠯᠡᠪᠡ ᠬᠡᠵᠦ᠍ ᠵᠡᠬᠦᠳᠦᠯᠡᠵᠦ᠍ ᠪᠠᠢᠨ᠎ᠠ

ᠣᠯᠠᠭᠠᠨ ᠮᠣᠷᠢᠨ᠎ᠤ ᠵᠡᠬᠦᠳᠦᠨ

ᠠᠭᠤᠯᠠᠰ᠎ᠢᠶᠠᠨ ᠲᠠᠭᠠᠭᠠᠳ ᠦᠷᠬᠦᠯᠵᠢᠯᠡᠨ᠎ᠡ

ᠴᠠᠭᠠᠨ ᠰᠠᠷ᠎ᠠ᠎ᠶ᠋ᠢᠨ ᠱᠢᠨ᠎ᠡ᠎ᠶ᠋ᠢᠨ ᠨᠢᠬᠡᠨ᠎ᠤ

ᠴᠠᠭ᠍ᠯᠠᠰᠢ ᠦᠬᠡᠢ ᠪᠠᠶᠠᠷ᠎ᠲᠤ ᠨᠡᠢᠯᠡᠭ᠌ᠰᠡᠭᠡᠷ ᠰᠡᠷᠡᠨ᠎ᠡ ᠡ