ᠰᠡᠮᠪᠡᠢᠬᠦ᠌ ᠴᠠᠭᠠᠨ ᠬᠢᠷᠠᠭᠤ
ᠦᠯᠴᠢᠷ ᠮᠠᠯᠤᠨ ᠵᠣ ᠲᠡᠭᠡᠷᠡ ᠬᠢᠯᠳᠠᠭᠠᠨᠠᠵᠤ
ᠰᠡᠷᠢᠬᠦᠨ ᠴᠡᠩᠬᠡᠷ ᠠᠮᠢᠰᠭᠤᠯ
ᠤᠷᠴᠢᠯᠠᠩᠤᠨ ᠬᠦᠨᠠᠴᠠ ᠢᠷᠪᠡᠭᠡᠨᠡᠭ᠌ᠰᠡᠨ
ᠬᠦᠯᠮᠤᠢᠬᠦ᠌ ᠠᠭᠤᠵᠢᠭᠤ ᠴᠠᠭᠤᠨ ᠡᠪᠤᠷᠲᠤ
ᠬᠦᠢᠳᠡᠨ ᠡᠪᠤᠯ ᠪᠤᠯᠬᠤ ᠰᠠᠢᠬᠠᠨ ᠡ
ᠭᠤᠩᠬᠠᠵᠤ ᠲᠡᠷᠪᠡᠳᠡᠭ ᠦᠬᠢᠳ ᠪᠦᠰᠡᠬᠦᠢᠶ᠋ᠢᠨ
ᠨᠢᠮᠬᠡᠨ ᠬᠠᠯᠠᠭᠠᠶ᠋ᠢ ᠬᠤᠷᠠᠭᠠᠨ ᠲᠡᠪᠡᠯᠲᠠᠢ ᠤᠢᠷᠠᠳᠤᠭᠤᠯᠵᠤ
ᠭᠠᠳᠠᠨᠠ ᠲᠤᠳᠤᠨᠠᠶ᠋ᠢᠨ ᠵᠠᠢᠴᠢᠯᠠᠯᠠᠴᠠ
ᠭᠠᠯᠲᠠᠢ ᠤᠷᠴᠢᠨᠢ ᠡᠷᠬᠡ ᠦᠭᠡᠢ ᠰᠠᠨᠠᠬ᠍ᠳᠠᠭᠤᠯᠤᠬ᠍ᠰᠡᠨ
ᠤᠨ ᠰᠠᠷᠠᠶ᠋ᠢᠨ ᠰᠡᠬᠦᠯᠴᠢ ᠡᠷᠢᠬᠡ ᠱᠢᠪᠳᠤᠷᠴᠤ᠌
ᠡᠪᠤᠯᠤᠨ ᠤᠯᠠᠷᠢᠯ ᠰᠠᠭᠠᠳᠠᠬᠤ ᠰᠠᠢᠬᠠᠨ ᠡ
ᠵᠤᠪᠴᠠᠭᠠ ᠲᠠᠷᠤᠨ ᠮᠤᠷᠳᠠᠬᠤ ᠡᠷᠡᠴᠤᠳᠤᠨ
ᠵᠤᠷᠢᠭᠤᠨ ᠡᠷᠴᠢᠶ᠋ᠢ ᠴᠢᠩᠭᠠᠯᠠᠵᠤ
ᠵᠤᠤᠵᠠᠢ ᠱᠠᠷᠭᠢᠭᠤᠯᠤᠨ ᠲᠤᠪᠳᠤᠯᠤᠭᠠ ᠬᠦᠯᠦᠭᠤᠨ ᠬᠢᠨᠢ
ᠴᠤᠮᠪᠤᠨ ᠲᠤᠭᠤᠷᠠᠢᠠᠴᠠ ᠴᠢᠨᠳᠠᠮᠤᠨᠢ ᠯᠠᠪᠰᠠ ᠪᠤᠳᠠᠷᠠᠬᠤ
ᠴᠠᠩ ᠬᠠᠭᠠᠷᠢᠬ᠍ᠰᠡᠨ ᠲᠡᠯᠡᠬᠡᠢᠶ᠋ᠢᠨ ᠠᠯᠠᠭᠠᠨᠳᠤ
ᠴᠠᠰᠤᠳᠠᠢ ᠡᠪᠤᠯ ᠵᠢᠩᠲᠠᠢ ᠢᠷᠡᠬᠦ᠌ ᠰᠠᠢᠬᠠᠨ ᠡ
ᠲᠡᠷᠬᠢᠯᠤᠬ᠍ᠰᠡᠨ ᠴᠠᠢᠶ᠋ᠢᠨ ᠦᠨᠤᠷ
ᠲᠤᠭᠤᠨᠤᠶ᠋ᠢᠨ ᠭᠡᠭᠡᠪᠴᠢᠪᠠᠷ ᠴᠤᠷᠬᠢᠨ ᠬᠠᠩᠬᠤᠯᠵᠤ
ᠲᠡᠭᠡᠪᠤᠷᠳᠤ ᠭᠡᠷᠤᠨ ᠬᠤᠢᠮᠤᠷ ᠲᠦᠩᠬᠦᠢᠭ᠌ᠰᠡᠨ
ᠲᠤᠮᠤᠭᠠᠳᠠᠨ ᠨᠠᠰᠤᠳᠠᠳᠤᠨ ᠵᠤᠭᠤᠭ ᠲᠡᠯᠭᠡᠷᠡᠩᠬᠦᠢ
ᠦᠶᠡ ᠦᠶᠡᠭᠡᠨ ᠦᠷᠬᠦᠬᠡᠨᠤ ᠠᠭᠤᠷ ᠰᠠᠪᠰᠠᠯᠠᠬ᠍ᠰᠡᠨ
ᠦᠷᠭᠡᠨ ᠬᠠᠩᠭᠠᠢᠳᠤ ᠡᠪᠤᠯ ᠴᠡᠮᠪᠡᠢᠬᠦ᠌ ᠰᠠᠢᠬᠠᠨ ᠡ
ᠱᠢᠷᠭᠠᠯᠳᠤᠨ ᠲᠠᠬ᠍ᠰᠢᠬᠤ ᠵᠡᠭᠡᠷᠡ ᠬᠤᠯᠠᠨ ᠨᠣᠭᠣᠳ
ᠵᠡᠯᠢᠬᠦᠳ ᠬᠦᠨᠳᠡᠢᠪᠠᠷ ᠴᠢᠯᠤᠭᠡᠲᠠᠢ ᠤᠷᠤᠩᠨᠠᠵᠤ
ᠱᠢᠯᠢ ᠨᠢᠷᠤᠭᠤ ᠠᠭᠤᠯᠠ ᠲᠠᠪᠠᠭᠠ ᠪᠤᠯᠭᠠᠨ
ᠮᠦᠩᠬᠦᠨ ᠬᠤᠶᠠᠭᠢᠶᠠᠨ ᠦᠪᠴᠢ ᠬᠡᠳᠤᠷᠦᠭ᠌ᠰᠡᠨ ᠁
ᠠᠯᠤᠰᠤᠨ ᠠᠯᠤᠰ ᠠᠷᠤ ᠨᠤᠳᠤᠭᠤᠨ ᠬᠢᠵᠠᠭᠠᠷᠲᠤ
ᠠᠶᠠᠨᠳᠠᠭᠠᠨ ᠤᠯᠠᠷᠢᠵᠤ ᠡᠪᠤᠯ ᠪᠤᠯᠬᠤ ᠰᠠᠢᠬᠠᠨ ᠡ！
ᠠᠢ ᠳ᠋ᠠ — ᠮᠦᠨᠴᠤ᠌
ᠤᠯᠠᠷᠢᠯᠢᠶᠠᠨ ᠲᠠᠭᠠᠬ᠍ᠰᠡᠨ ᠡᠬᠡ ᠨᠤᠳᠤᠭ ᠮᠢᠨᠢ
ᠠᠷᠰᠢ ᠮᠡᠳᠤ ᠡᠪᠤᠯᠲᠠᠢᠪᠠᠨ ᠵᠤᠯᠭᠠᠬᠤ ᠰᠠᠢᠬᠠᠨ ᠡ⁈