（ᠭᠠᠲᠠᠨᠠ ᠨᠢᠭᠡ）
ᠵᠡᠭᠦᠳᠦᠯᠡᠬᠦ᠌ ᠰᠡᠷᠡᠬᠦ᠌ᠶ᠋ᠢᠨ ᠢᠯᠳᠠᠮ ᠬᠤᠯᠠᠳᠠᠭᠠᠳ ᠶᠠᠪᠤᠳᠠᠭᠨᠢ
ᠵᠡᠭᠦᠨ ᠬᠠᠴᠠᠷᠢ ᠮᠢᠨᠢ ᠦᠨᠦᠰᠳᠡᠭ ᠡᠵᠢ ᠮᠢᠨᠢ ᠪᠠᠢᠭᠠ
ᠵᠦᠭᠡᠯᠡᠨ ᠵᠦᠭᠡᠯᠡᠨ ᠰᠠᠯᠬᠢ ᠰᠡᠪᠢᠯᠵᠡᠭᠡᠳ ᠪᠠᠢᠨᠠ
ᠵᠦᠭᠡᠷ ᠯᠠ ᠪᠣᠰᠤᠭᠠᠳ ᠰᠡᠳᠭᠢᠯ ᠠᠭᠤᠵᠢᠷᠠᠲᠠᠯᠠ ᠠᠮᠢᠰᠭᠤᠯᠯᠠᠮᠠᠷ ᠪᠠᠢᠨᠠ
ᠪᠠᠶᠠᠷᠯᠠᠬᠤ ᠭᠤᠨᠢᠬᠤᠶ᠋ᠢᠨ ᠬᠤᠷᠤᠮ ᠦᠨᠳᠡᠢᠭᠡᠳ ᠦᠭ᠌ᠳᠡᠭᠨᠢ
ᠪᠠᠷᠠᠭᠤᠨ ᠬᠠᠴᠠᠷᠢ ᠮᠢᠨᠢ ᠦᠨᠦᠰᠳᠡᠭ ᠡᠵᠢ ᠮᠢᠨᠢ ᠪᠠᠢᠭᠠ
ᠭᠤᠣᠯ ᠤᠰᠤᠨᠤ ᠴᠢᠮᠡᠭᠡ ᠲᠤᠭᠤᠯᠳᠠᠭᠠᠳ ᠪᠠᠢᠨᠠ
ᠴᠢᠯᠠᠭᠤᠳᠢᠨᠢ ᠱᠢᠷᠳᠡᠨ ᠬᠠᠵᠠᠭᠤᠳᠤᠨᠢ ᠬᠦᠷᠴᠦ᠍ ᠰᠠᠭᠤᠮᠠᠷ ᠪᠠᠢᠨᠠ
ᠦᠭᠡᠢᠯᠡᠬᠦ᠌ ᠳᠤᠷᠠᠰᠭᠤᠶ᠋ᠢᠨ ᠦᠶᠡ ᠲᠣᠳᠤᠷᠠᠭᠠᠳ ᠢᠷᠡᠳᠡᠭᠨᠢ
ᠦᠷᠦᠮᠡ ᠬᠦᠭᠡᠷᠦᠭᠦᠯᠦᠨ ᠬᠦᠯᠢᠶᠡᠭ᠌ᠰᠡᠨ ᠡᠵᠢ ᠮᠢᠨᠢ ᠪᠠᠢᠭᠠ
ᠭᠠᠯᠠᠭᠤᠨ ᠳᠠᠯᠠᠪᠴᠢᠲᠠᠢ ᠬᠠᠪᠤᠷ ᠢᠷᠡᠵᠦ᠍ ᠪᠠᠢᠭᠠ
ᠭᠠᠷᠴᠦ᠍ ᠤᠭ᠍ᠲᠤᠭᠠᠳ ᠬᠡᠳᠦᠨ ᠦᠭᠡᠲᠠᠢ ᠪᠠᠢᠶᠠ
ᠵᠢᠷᠭᠠᠬᠤ ᠵᠣᠪᠠᠭ᠍ᠤᠶ᠋ᠢᠨ ᠡᠬᠢᠨᠳᠤ ᠵᠢᠷᠢᠯᠵᠡᠭᠡᠳ ᠬᠠᠷᠠᠭ᠍ᠳᠠᠳᠠᠭᠨᠢ
ᠵᠠᠶᠠᠭᠠᠶ᠋ᠢ ᠮᠢᠨᠢ ᠰᠣᠶᠤᠷᠬᠠᠭ᠍ᠰᠠᠨ ᠡᠵᠢ ᠮᠢᠨᠢ ᠪᠠᠢᠭᠠ
ᠰᠦᠨᠢᠶ᠋ᠢᠨ ᠣᠳᠤᠳ ᠨᠠᠭᠠᠰᠢ ᠴᠠᠭᠠᠰᠢ ᠭᠦᠶᠦᠳᠡᠭ ᠯᠠ ᠪᠠᠢᠭᠠ
ᠰᠦᠵᠢᠭ ᠱᠢᠩᠭᠡᠭᠡᠭ᠌ᠰᠡᠨ ᠮᠢᠨᠦ᠍ ᠦᠭᠡᠰᠢ ᠰᠣᠨᠤᠰᠭᠠᠵᠦ᠍ ᠪᠠᠢᠭᠠᠷᠠᠢ
ᠳᠥᠷᠪᠡᠨ ᠠᠭᠤᠯᠠᠶ᠋ᠢᠨ ᠳᠣᠮᠳᠠ
ᠰᠦᠨᠳᠡᠷᠯᠡᠨ ᠰᠦᠨᠳᠡᠷᠯᠡᠨ ᠬᠠᠷᠠᠭ᠍ᠳᠠᠬᠤᠨᠢ
ᠰᠦᠷᠯᠢᠭ ᠦᠨᠳᠦᠷ ᠴᠣᠭ᠍ᠪᠠᠮᠪᠠᠷ ᠡ
ᠰᠦᠵᠢᠭ ᠨᠢᠭᠡᠲᠠᠢ ᠠᠮᠢᠳᠤᠷᠠᠳᠠᠭᠨᠢ
ᠮᠠᠨᠤ ᠬᠡᠳᠦᠨ ᠠᠢᠯ ᠡ
ᠬᠠᠨᠠᠷᠠᠨ ᠬᠠᠨᠠᠷᠠᠨ ᠯᠦᠭ᠌ᠯᠦᠢᠬᠦ᠌ᠨᠢ
ᠬᠠᠷᠢᠳᠤ ᠴᠤᠤᠲᠠᠢ ᠰᠠᠢᠬᠠᠨ ᠬᠠᠨ ᠡ
ᠬᠠᠵᠠᠭᠤ ᠪᠡᠯᠳᠤ ᠠᠮᠢᠳᠤᠷᠠᠳᠠᠭᠨᠢ
ᠮᠠᠨᠤ ᠬᠡᠳᠦᠨ ᠠᠢᠯ ᠡ
ᠬᠦᠨᠳᠡᠯᠢᠰᠦᠨ ᠬᠦᠨᠳᠡᠯᠢᠰᠦᠨ ᠬᠦᠷᠡᠩᠲᠡᠬᠦ᠌ᠨᠢ
ᠬᠥᠬᠡ ᠯᠤᠤ ᠠᠮᠢᠯᠠᠭ᠍ᠰᠠᠨ ᠪᠠᠶᠠᠨ ᠨᠢᠷᠤᠭᠤ ᠡ
ᠬᠦᠨᠳᠡᠢᠶ᠋ᠢᠨᠢ ᠳᠠᠭᠠᠭᠠᠳ ᠣᠲᠣᠷᠯᠠᠬᠤᠨᠢ
ᠬᠦᠷᠱᠢᠯᠡᠵᠦ ᠰᠠᠭᠤᠭ᠍ᠰᠠᠨ ᠮᠠᠨᠤ ᠬᠡᠳᠦᠨ ᠠᠢᠯ ᠡ
ᠬᠠᠯᠢᠯ ᠬᠠᠯᠢᠯ ᠬᠠᠳᠠᠲᠠᠢᠨᠢ
ᠬᠢᠩᠭᠠᠶ᠋ᠢᠨ ᠨᠢᠷᠤᠭᠤᠨᠤ ᠪᠢᠷᠠᠭᠤ ᠬᠠᠳᠠ ᠡ
ᠬᠠᠷᠠᠵᠠᠯᠠᠨ ᠰᠤᠨᠤᠯᠵᠠᠭᠠᠳ ᠤᠷᠤᠰᠭᠤᠨᠢ
ᠦᠯᠵᠡᠢᠮᠦᠢ᠍ᠷᠡᠨ ᠭᠤᠣᠯᠤᠨ ᠡᠬᠢ ᠡ