ᠪᠤᠷᠤᠭᠤ ᠬᠠᠷᠠᠭ᠍ᠰᠠᠨ ᠦᠷᠯᠦᠭᠡᠨᠤ ᠪᠢᠳᠡᠬᠦᠯᠡᠵᠦ᠍ ᠴᠢᠮᠬᠢᠭ᠌ᠰᠡᠨ ᠬᠡᠷᠡᠯ ᠭᠡᠭᠡᠨᠢ ᠡᠭᠦᠯᠡᠨ ᠴᠠᠭᠠᠲᠠᠢ
ᠪᠢ ᠬᠡᠮᠡᠨ ᠰᠤᠨᠤᠭ᠍ᠰᠠᠨ ᠪᠤᠳᠤᠯᠤᠨ ᠤᠷᠲᠤ ᠵᠦᠷᠢᠭ ᠠᠭᠤᠯᠠᠰ ᠲᠠᠪᠠᠨ ᠤᠳᠭᠤᠨᠢ ᠤᠰᠤᠨᠤ ᠨᠠᠭᠠᠲᠠᠢ
ᠪᠦᠷᠦᠯᠵᠡᠨ ᠲᠤᠷᠤᠯᠵᠠᠨ ᠨᠠᠮᠠᠶ᠋ᠢ ᠬᠠᠷᠠᠩᠭᠤᠢᠳᠤ ᠳᠠᠰᠭᠠᠬᠤ ᠬᠦᠨ ᠤᠬᠠᠭᠠᠨᠨᠢ ᠬᠡᠷᠡᠯᠤᠨ ᠴᠠᠭᠠᠲᠠᠢ
ᠪᠠᠷᠢᠨ ᠲᠠᠯᠪᠢᠨ ᠴᠢᠮᠠᠶ᠋ᠢ ᠪᠤᠳᠤᠭᠠᠳ ᠰᠠᠭᠤᠬᠤᠶ᠋ᠢᠨ ᠲᠤᠩᠭᠠᠯᠠᠭ ᠨᠢᠳᠦᠨᠨᠢ ᠬᠠᠷᠠᠩᠭᠤᠢᠶ᠋ᠢᠨ ᠨᠠᠭᠠᠲᠠᠢ
ᠬᠡᠷᠡᠯᠢᠶᠠᠨ ᠬᠤᠷᠢᠶᠠᠵᠤ᠂ ᠠᠨᠢᠷᠢᠶᠠᠨ ᠬᠤᠷᠢᠶᠠᠬᠤᠳᠤᠨᠢ ᠪᠢ ᠰᠡᠳᠭᠢᠯᠢᠶᠠᠨ ᠲᠠᠯᠪᠢᠳᠠᠬ
ᠮᠦᠷᠦᠭᠡᠳᠦᠯ ᠬᠡᠳᠡᠭ ᠮᠤᠷᠤᠢ ᠬ᠋ᠤᠤᠯᠤᠨ ᠤᠷᠤᠰᠭᠠᠯ ᠬᠡᠲᠤᠯᠵᠦ᠍
ᠮᠦᠡᠭ᠌ᠭᠦᠨ ᠰᠠᠷᠠᠨᠢ ᠮᠦᠡᠭ᠌ᠭᠡᠶ᠋ᠢᠨ ᠬᠤᠭᠤᠰᠤᠨᠠᠴᠠ
ᠮᠦᠷᠦᠭᠡᠳᠦᠯᠤᠨ ᠲᠦᠷᠢᠳᠤ ᠳᠦᠭᠦᠷᠭᠡᠵᠦ᠍ ᠵᠢᠷᠤᠳᠠᠭ
ᠡᠰᠭᠡᠭ᠌ᠰᠡᠨ ᠲᠦᠷᠢᠪᠠᠨ ᠴᠢᠨᠤ ᠬᠠᠷᠠᠴᠠᠨᠤ ᠬᠠᠯᠠᠭᠤᠨᠢᠶᠠᠷ ᠠᠮᠢᠯᠠᠭᠤᠯᠤᠨ ᠰᠡᠷᠭᠦᠭᠡᠵᠦ᠍
ᠡᠭᠡᠱᠢᠭ ᠲᠤᠲᠠᠭᠤ ᠪᠦᠷᠦᠢ ᠠᠷᠠᠨᠱᠢᠨᠢ ᠡᠳᠦᠷᠤᠨ ᠰᠡᠭᠦᠯ ᠲᠡᠭᠡᠷᠡ
ᠡᠪᠬᠡᠭᠡᠰᠦᠲᠡᠢ ᠵᠠᠬᠢᠳᠠᠯᠢ ᠴᠢᠨᠢ ᠱᠢᠬ ᠵᠠᠳᠠᠯᠵᠤ ᠰᠠᠭᠤᠳᠠᠭ
ᠰᠡᠷᠡᠯᠢᠶᠠᠨ ᠬᠤᠮᠢᠵᠤ᠂ ᠰᠡᠭᠦᠳᠡᠷᠢᠶᠠᠨ ᠬᠤᠮᠢᠬᠤᠳᠤᠨᠢ ᠪᠢ ᠲᠤᠷᠠᠰᠤᠯᠢᠶᠠᠨ ᠲᠡᠯᠭᠡᠳᠡᠭ
ᠰᠠᠨᠠᠬ᠋ᠠ ᠬᠡᠳᠡᠭ ᠰᠠᠷᠠᠭᠤᠯ ᠲᠠᠯᠠᠶ᠋ᠢᠨ ᠰᠠᠯᠬᠢ ᠲᠠᠭᠠᠵᠤ
ᠰᠠᠬ᠍ᠭᠠᠬ᠍ᠰᠠᠨ ᠦᠳᠡᠰᠢᠶ᠋ᠢ ᠰᠠᠯᠬᠤᠶ᠋ᠢᠨ ᠲᠠᠪᠢᠯᠠᠩᠠᠴᠠ
ᠰᠠᠢᠬᠠᠨᠤ ᠬᠦᠨᠵᠡᠭᠡᠢᠳᠤ ᠪᠤᠯᠢᠶᠠᠵᠤ ᠪᠤᠳᠤᠳᠠᠭ
ᠰᠠᠨᠠᠭᠠ ᠠᠯᠳᠠᠯᠲᠠᠪᠠᠨ ᠴᠢᠨᠤ ᠨᠡᠷᠡᠶ᠋ᠢᠨ ᠤᠷᠲᠤᠪᠠᠷ ᠠᠮᠤᠷᠵᠢᠭᠤᠯᠤᠨ ᠲᠤᠬ᠍ᠲᠠᠭᠠᠵᠤ
ᠰᠡᠭᠦᠷᠡᠰᠦ ᠢᠯᠡᠭᠦᠤ ᠰᠦᠨᠢᠶ᠋ᠢᠨ ᠤᠷᠤᠱᠢᠯᠢ ᠡᠭᠦᠯᠡᠨ ᠬᠦᠱᠢᠭᠡᠨ ᠳᠡᠭᠡᠷᠡ
ᠰᠡᠯᠭᠦᠬᠦ᠌ ᠬ᠋ᠠᠭ᠍ᠴᠠᠭᠠᠷᠳᠠᠯ ᠮᠡᠲᠦ ᠱᠢᠭᠢᠳᠭᠡᠵᠦ᠍ ᠨᠠᠢᠷᠠᠳᠠᠭ
ᠬᠠᠷᠠᠩᠭᠤᠢ ᠤᠷᠭᠤᠵᠤ᠂ ᠬᠠᠷᠠᠴᠠ ᠠᠯᠳᠠᠭᠤᠷᠠᠬᠤᠳᠤᠨᠢ ᠪᠢ ᠬᠠᠢᠷᠠᠪᠠᠨ ᠰᠡᠬᠦᠳᠡᠭ
ᠬᠠᠪᠤᠷᠤᠨ ᠪᠦᠷᠦᠢ᠂ ᠨᠠᠮᠤᠷᠤᠨ ᠦᠳᠡᠰᠢᠶ᠋ᠢᠨ ᠬᠠᠯᠠᠭᠤᠨ ᠬ᠋ᠤᠨᠢᠬᠢ ᠨᠡᠪᠲᠡᠯᠵᠦ᠍
ᠬᠠᠷᠠᠬᠠᠨ ᠭᠡᠵᠢᠭᠡᠶ᠋ᠢ ᠴᠢᠨᠢ ᠰᠡᠳᠭᠢᠯᠳᠡᠭᠡᠨ ᠰᠡᠪᠢᠯᠵᠡᠭᠦᠯᠵᠦ᠍ ᠢᠯᠪᠢᠳᠡᠭ
ᠬᠠᠳᠠᠩᠱᠢᠬ᠍ᠰᠠᠨ ᠦᠭᠡ ᠮᠡᠲᠦ ᠱᠢᠨᠡᠬᠡᠨ ᠪᠤᠷᠤᠭᠠᠨ ᠬᠠᠨᠴᠤᠢ ᠲᠡᠭᠡᠷᠡ ᠴᠡᠴᠡᠭ᠌ᠯᠡᠬᠦ᠌ᠳᠤ
ᠬᠤᠷᠤᠭᠤᠨ ᠬᠡ ᠲᠡᠭᠡᠷᠡ ᠠᠯᠠᠭᠠᠨᠤ ᠴᠢᠨᠢ ᠢᠯᠴᠢ ᠬᠠᠭᠤᠴᠢᠨ ᠳᠤᠷᠠᠳᠭᠠᠯ ᠪᠤᠯᠵᠤ ᠲᠡᠯᠭᠡᠷᠡᠳᠡᠭ
ᠬᠠᠮᠢᠬ᠋ᠠ ᠨᠢᠭᠡᠨ ᠲᠡᠢᠰᠢ ᠰᠡᠳᠭᠢᠯᠢᠶᠠᠨ ᠴᠢᠮᠠᠲᠠᠢ ᠴᠤᠬ ᠬᠠᠨᠤᠲᠠᠯᠠ ᠠᠯᠬᠤᠭᠤᠯᠵᠤ ᠠᠯᠬᠤᠭᠤᠯᠤᠭᠠᠳ
ᠬᠠᠭᠤᠴᠢᠨ ᠬᠤᠲᠠᠶ᠋ᠢᠨ ᠵᠡᠭᠦᠨᠲᠡᠢᠠᠴᠠ ᠰᠡᠭᠦᠳᠡᠷᠲᠠᠢᠪᠠᠨ ᠬᠠᠨᠢᠰᠠᠵᠦ ᠪᠤᠴᠠᠳᠠᠬ
ᠰᠡᠭᠦᠷᠡᠰᠦ ᠱᠢᠭ ᠰᠠᠢᠬᠠᠨ ᠴᠡᠩᠬᠡᠷ ᠪᠦᠷᠦᠢ ᠰᠡᠮ ᠢᠷᠡᠵᠦ᠍ ᠶᠠᠪᠤᠨᠠ
ᠰᠡᠷᠢᠬᠦᠭᠡᠨ ᠪᠤᠯᠠᠬ ᠱᠢᠬ ᠰᠡᠳᠭᠢᠯᠤᠨ ᠲᠤᠩᠭᠠᠯᠠᠭ ᠨᠠᠳᠠᠠᠴᠠ ᠤᠷᠤᠰᠴᠤ᠌ ᠤᠳᠤᠨᠠ
ᠱᠢᠪᠡᠨᠡᠭ᠌ᠰᠡᠨ ᠦᠬᠡᠰ ᠱᠢᠪᠠᠭᠤᠳ ᠬᠤᠪᠢᠯᠤᠨ ᠨᠢᠳᠦ᠍ᠨᠢ ᠤᠳᠤ ᠱᠢᠬ ᠠᠰᠠᠵᠤ
ᠰᠠᠶᠢᠬᠠᠨ ᠤᠨᠠᠭ᠍ᠰᠠᠨ ᠨᠢᠬᠡᠨ ᠨᠠᠪᠴᠢᠨᠳᠤ ᠵᠢᠷᠦᠬᠡ ᠲᠠᠷᠤᠯᠴᠠᠨ ᠭᠠᠵᠠᠷ ᠰᠡᠮᠡᠷᠡᠲᠡᠯᠡ ᠠᠮᠢᠰᠭᠤᠭᠠᠳᠠᠵᠤ ᠁