ᠠᠨᠢᠪᠴᠢᠵᠤ ᠪᠦᠬᠦᠢ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠦᠮᠦᠭ᠌ᠯᠡᠵᠦ᠍
ᠠᠨᠠᠪᠠᠳ ᠲᠠᠯᠠᠢᠶ᠋ᠢᠨ ᠪᠠᠭ᠍ᠳᠠᠭᠠᠮᠵᠢᠲᠠᠢ ᠱᠢᠯᠦᠭ ᠪᠢᠴᠢᠨᠡᠮ
ᠠᠷᠳᠠᠢ ᠲᠤᠷᠭᠠᠶ᠋ᠢᠨ ᠨᠢᠳᠦᠨ ᠱᠢᠭ ᠬᠡᠭᠡᠮᠰᠦᠭ ᠱᠢᠯᠦᠭ ᠪᠢᠴᠢᠨᠡᠮ
ᠠᠳᠤᠭᠤᠨ ᠰᠠᠯᠬᠢ ᠮᠡᠲᠦ ᠠᠶᠠᠯᠭᠤᠳᠤ ᠱᠢᠯᠦᠭ ᠪᠢᠴᠢᠨᠡᠮ
ᠠᠰᠠᠷᠠᠯᠤᠨ ᠰᠡᠳᠭᠢᠯ ᠱᠢᠭ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠱᠢᠷᠳᠡᠵᠦ᠍
ᠠᠷᠰᠢᠶ᠋ᠢᠨ ᠬᠤᠮᠬᠠᠠᠴᠠ ᠠᠰᠭᠠᠷᠠᠬᠤ ᠴᠠᠭ ᠮᠦᠴᠡ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠠᠷᠢᠭᠤᠨ ᠬᠠᠳᠠᠨᠠᠴᠠ ᠰᠤᠶᠤᠭᠠᠯᠠᠬᠤ ᠬᠠᠰ ᠮᠡᠲᠦ ᠱᠢᠯᠦᠭ ᠪᠢᠴᠢᠨᠡᠮ
ᠠᠲᠠᠷᠭᠠᠳᠤ ᠠᠭᠤᠯᠠᠨᠳᠠᠬᠢ ᠰᠦᠳᠦ ᠮᠤᠳᠤᠨᠤ ᠮᠦᠴᠢᠷ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠡᠬᠦᠯᠡᠰᠤᠨ ᠰᠦ ᠱᠢᠭ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠲᠤᠰᠤᠭᠠᠵᠤ
ᠡᠳᠡᠭᠡᠵᠦ᠍ ᠪᠠᠢᠭᠠ ᠡᠬᠡ ᠭᠠᠵᠠᠷ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠡᠮᠬᠡᠭ᠌ᠳᠡᠵᠦ᠍ ᠦᠵᠡᠭᠡ ᠦᠭᠡᠢ ᠲᠤᠩᠭᠠᠯᠠᠭ ᠪᠤᠯᠠᠭ ᠱᠢᠭ᠋ ᠱᠢᠯᠦᠭ ᠪᠢᠴᠢᠨᠡᠮ
ᠡᠷᠡ ᠪᠤᠷᠤ ᠬᠠᠷᠴᠠᠭᠠᠢᠶ᠋ᠢᠨ ᠳᠡᠭᠦᠯᠢᠯᠳᠡ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠲᠤᠷᠠᠯᠠᠯᠤᠨ ᠲᠡᠮᠳᠡᠭ ᠱᠢᠭ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠬᠠᠷᠠᠮᠨᠠᠵᠤ
ᠲᠤᠷᠠᠰᠤᠯ ᠮᠦᠷᠦᠭᠡᠳᠦᠯᠤᠨ ᠦᠩᠭᠡᠲᠠᠢ ᠱᠢᠯᠦᠭ ᠪᠢᠴᠢᠨᠡᠮ
ᠲᠤᠨᠳᠠᠷᠠᠰᠢ ᠦᠭᠡᠢ ᠪᠠᠶᠠᠨ ᠰᠠᠩ ᠱᠢᠭ᠋ ᠱᠢᠯᠦᠭ ᠪᠢᠴᠢᠨᠡᠮ
ᠲᠠᠭᠤᠯᠠᠭᠠᠳ ᠪᠠᠰᠠ ᠤᠬᠢᠯᠠᠭᠠᠳ ᠬᠠᠨᠤᠬᠤ ᠦᠭᠡᠢᠶ᠋ᠢᠨ ᠱᠢᠯᠲᠠᠭ ᠱᠢᠭ᠋ ᠱᠢᠯᠦᠭ ᠪᠢᠴᠢᠨᠡᠮ
ᠦᠳᠡᠰᠢᠶ᠋ᠢᠨ ᠦᠭᠡ ᠮᠡᠲᠦ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠱᠢᠯᠭᠡᠭᠡᠵᠦ᠍
ᠦᠯᠢᠭᠡᠷᠤᠨ ᠲᠤᠳᠤᠷᠠᠬᠢ ᠦᠯᠢᠭᠡᠷ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠦᠯᠡᠮᠵᠢᠶ᠋ᠢᠨ ᠴᠢᠨᠠᠷ ᠮᠡᠲᠦ ᠱᠢᠯᠦᠭ ᠪᠢᠴᠢᠨᠡᠮ
ᠦᠯᠮᠡᠢ ᠪᠠᠲᠤ ᠤᠷᠤᠱᠢᠬᠤᠶ᠋ᠢᠨ ᠢᠷᠦᠭᠡᠯ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠭᠤᠶᠤ ᠠᠯᠳᠠᠭᠠ ᠱᠢᠭ᠋ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠬᠠᠳᠠᠭᠠᠯᠠᠵᠤ
ᠭᠤᠮᠤᠳᠠᠯ ᠦᠭᠡᠢ ᠵᠠᠯᠠᠭᠤ ᠨᠠᠰᠤ ᠱᠢᠭ᠋ ᠱᠢᠯᠦᠭ ᠪᠢᠴᠢᠨᠡᠮ
ᠴᠠᠭ ᠬᠤᠭᠤᠴᠠᠭᠠᠨᠤ ᠭᠠᠯᠳᠤᠠᠴᠠ ᠰᠠᠴᠤᠭ᠍ᠳᠠᠬᠤ
ᠠᠮᠢ ᠨᠠᠰᠤᠨᠤ ᠤᠷᠤᠱᠢᠬᠤᠢ ᠮᠡᠲᠦ ᠱᠢᠯᠦᠭ ᠪᠢᠴᠢᠨᠡᠮ
ᠵᠠᠩᠵᠤᠨ ᠱᠢᠭ᠋ ᠪᠤᠰᠤᠭᠠ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠭᠠᠮᠨᠠᠵᠤ
ᠬᠠᠳᠤᠨ ᠱᠢᠭ᠋ ᠦᠵᠡᠰᠭᠦᠯᠡᠩ ᠱᠢᠯᠦᠭ ᠪᠢᠴᠢᠨᠡᠮ
ᠵᠠᠪᠠᠯ ᠭᠠᠳᠤᠯᠬᠤ ᠬᠠᠳᠠᠭᠤᠬᠠᠨ ᠬᠤᠷᠸᠠᠶ᠋ᠢᠨ ᠲᠤᠤᠯᠢᠶ᠋ᠢᠨ ᠤᠰᠤᠨᠳᠤ
ᠲᠡᠯᠪᠢᠪᠠᠨ ᠮᠦᠱᠢᠶᠡᠨ ᠵᠠᠳᠠᠯᠬᠤ ᠴᠡᠴᠡᠭᠡᠰᠤᠨ ᠵᠢᠷᠦᠭᠡ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠴᠤᠬᠤ ᠱᠢᠭ᠋ ᠦᠴᠦᠭᠡᠨ ᠲᠤᠰᠤᠨ ᠳ᠋ᠧᠩᠤᠨ ᠭᠡᠷᠡᠯᠢ ᠦᠮᠦᠭ᠌ᠯᠡᠵᠦ᠍
ᠴᠤᠬᠤᠷ ᠤᠷᠴᠢᠯᠠᠩᠤᠨ ᠦᠨᠡᠨ ᠱᠢᠭ ᠱᠢᠯᠦᠭ ᠪᠢᠴᠢᠨᠡᠮ
ᠴᠤᠯᠮᠤᠨ ᠤᠲᠤ ᠱᠢᠭ᠋ ᠲᠡᠭ᠌ᠷᠢᠠᠴᠠ ᠦᠭ᠌ᠳᠡᠭᠡᠭ᠌ᠳᠡᠬᠦ᠌ ᠦᠭᠡᠢ
ᠴᠤᠭ ᠱᠢᠭ᠋ ᠡᠭᠦᠳᠭᠡᠯᠤᠨ ᠱᠢᠯᠦᠭ ᠪᠢᠴᠢᠨᠡᠮ