— ᠪᠠᠭᠠ ᠨᠠᠰᠤᠨᠤ ᠲᠤᠷᠠᠰᠤᠮᠵᠢ
ᠬᠦᠯᠳᠦ ᠤᠷᠤᠭ᠍ᠰᠠᠨ ᠡᠳᠦᠷᠡᠴᠡ ᠪᠠᠨ ᠡᠬᠢᠯᠡᠵᠦ᠍
ᠬᠦᠮᠦᠨᠤ ᠠᠮᠢᠳᠤᠷᠠᠯᠤᠨ ᠵᠠᠮᠢ ᠡᠯᠭᠦᠯᠡ
ᠬᠡᠦᠬᠡᠳ ᠨᠠᠰᠤ ᠭᠡᠵᠦ᠍ ᠶᠢᠷᠳᠢᠨᠴᠤ ᠵᠢᠨ ᠰᠠᠢᠬᠠᠨ
ᠬᠦᠭᠡᠷᠦᠬᠦᠢ ᠯᠡ ᠭᠡᠪᠡᠯ ᠨᠢᠭᠡ ᠯᠠ ᠦᠭᠡ
ᠠᠷᠭᠠᠯᠳᠤ ᠶᠠᠪᠤᠬ᠍ᠰᠠᠨ ᠡᠵᠢ ᠪᠡᠨ ᠤᠭ᠍ᠳᠤᠵᠤ
ᠠᠯᠴᠠᠭ ᠪᠤᠯᠴᠠᠭ ᠲᠤᠰᠴᠤ᠌ ᠭᠦᠶᠦᠨᠡ
ᠠᠶᠠᠨᠳᠤ ᠮᠤᠷᠳᠠᠬ᠍ᠰᠠᠨ ᠠᠪᠤ ᠪᠠᠨ ᠦᠭᠡᠢᠯᠡᠵᠦ᠍
ᠠᠳᠭᠤ ᠱᠢᠬᠢᠷ ᠬᠦᠯᠢᠶᠡᠵᠦ᠍ ᠰᠠᠭᠤᠨᠠ
ᠬᠡᠳᠦᠨ ᠱᠠᠭᠠᠢ ᠪᠤᠯᠢᠶᠠᠯᠳᠤᠨ ᠴᠤᠤᠭᠢᠯᠳᠤᠵᠤ
ᠬᠡᠷᠡᠬᠦᠯ ᠵᠤᠳᠤᠭᠠᠨ ᠴᠤ᠌ ᠡᠬᠦᠰᠴᠦ᠍ ᠭᠠᠷᠤᠨᠠ
ᠬᠡᠳᠦ ᠬᠤᠨᠤᠬᠤ ᠦᠭᠡᠢ ᠲᠡᠰᠭᠦ ᠠᠯᠳᠠᠷᠠᠵᠤ
ᠬᠡᠨ ᠨᠢᠭᠡᠨ ᠵᠢᠡᠨ ᠡᠷᠢᠭᠡᠳ ᠬᠦᠷᠦᠨᠡ
ᠬᠡᠨᠵᠡ ᠲᠤᠭᠤᠯ ᠵᠢᠠᠨ ᠲᠠᠭᠤᠵᠤ ᠭᠠᠷᠤᠭᠠᠳ
ᠬᠡᠭᠡᠷᠡ ᠲᠠᠯᠠ ᠪᠠᠷ ᠭᠦᠶᠦᠯᠳᠦᠨ ᠲᠤᠭ᠍ᠯᠠᠨᠠ
ᠬᠡᠷᠡᠭᠲᠦ ᠲᠤᠷᠠᠳᠠᠢ ᠠᠯᠢ ᠨᠢᠭᠡ ᠨᠢ
《ᠬᠡᠮᠬᠡ ᠬᠤᠯᠠᠭᠠᠢᠯᠠᠬ᠍ᠰᠠᠨ》 ᠨᠡᠷᠡᠳᠦ ᠤᠷᠤᠨᠠ
ᠬᠦᠢᠲᠡᠨ ᠡᠪᠦᠯᠢ ᠤᠳᠠᠳᠠᠯᠠ ᠬᠦᠯᠢᠶᠡᠵᠦ᠍
ᠮᠦᠰᠤᠨᠳᠤ ᠲᠡᠱᠢᠬᠦ᠌ᠶ᠋ᠢ ᠮᠦᠷᠦᠭᠡᠳᠳᠡᠭ ᠪᠠᠢᠯᠠ
ᠬᠦᠯᠳᠡᠬᠦᠦ ᠠᠷᠭᠠᠯ ᠵᠢᠡᠷ ᠵᠡᠭᠡᠷᠡᠩᠬᠡᠢ ᠡᠪᠯᠡᠭᠡᠵᠦ᠍
ᠮᠦᠷᠦᠢ ᠲᠠᠯᠪᠢᠬᠤ ᠭᠡᠵᠦ᠍ ᠲᠤᠷᠭᠢᠯᠳᠤᠳᠠᠭ ᠪᠠᠢᠯᠠ
ᠬᠦᠯ ᠭᠠᠷ ᠨᠢ ᠰᠠᠭᠠᠷᠢᠲᠣᠨ ᠬᠠᠭᠠᠷᠠᠭᠠᠳ
ᠬᠦᠮᠦᠨ ᠦᠵᠡᠪᠡᠯ ᠭᠠᠢᠬᠠᠲᠠᠭ ᠪᠠᠢᠯᠠ
ᠬᠦᠵᠦᠬᠦᠦ ᠰᠡᠭᠡᠷ ᠨᠢ ᠬᠬᠢᠷᠳᠦᠨ ᠬᠠᠷᠠᠯᠠᠭᠠᠳ
ᠬᠡᠦᠬᠡᠨᠴᠤᠳ ᠬᠠᠷᠠᠭᠠᠳ ᠡᠯᠡᠭ᠌ᠯᠡᠲᠡᠭ ᠪᠠᠢᠯᠠ
ᠨᠢᠰᠤ ᠪᠠᠨ ᠴᠢᠷᠦᠭ᠌ᠰᠡᠨ ᠨᠢᠭᠡᠶ᠋ᠢ ᠪᠠᠨ ᠭᠤᠯᠤᠵᠤ
ᠨᠢᠯᠪᠤᠰᠤ ᠭᠤᠭᠤᠵᠢᠭᠤᠯᠤᠬ᠍ᠰᠠᠨ ᠨᠢᠭᠡᠶ᠋ᠢ ᠪᠠᠨ ᠠᠷᠭᠠᠳᠠᠵᠤ
ᠨᠡᠢᠯᠡᠵᠦ᠍ ᠬᠡᠳᠦᠭᠦᠯᠡ ᠬᠡᠭᠡᠷᠡ ᠲᠤᠭᠤᠷᠢᠳᠠᠭ
ᠨᠢᠭᠡᠳᠤᠵᠦ᠍ ᠬᠡᠳᠦᠭᠦᠯᠡ 《ᠦᠰ》 ᠨᠡᠬᠡᠯᠴᠡᠳᠡᠭ
ᠤᠨᠤᠳᠠᠭᠠᠴᠠ ᠪᠤᠷᠭᠠᠰᠤᠨ ᠮᠤᠷᠢᠲᠠᠢ
ᠤᠤᠭᠤᠳᠠᠭᠠᠴᠠ ᠲᠠᠯᠠᠶ᠋ᠢᠨ ᠪᠤᠯᠠᠭ ᠲᠠᠢ
ᠲᠡᠭᠦᠳᠡᠭᠡᠴᠡ ᠬᠡᠭᠡᠷᠡᠶ᠋ᠢᠨ ᠵᠢᠮᠢᠰ ᠲᠠᠢ
ᠲᠡᠱᠢᠬᠦᠯᠳᠡᠭᠡᠴᠡ ᠤᠨᠠᠭᠠ ᠲᠠᠭᠠ ᠲᠠᠢ
ᠠᠮᠳᠠᠳᠠᠢᠠᠴᠠ 《ᠵᠦᠭᠡᠬᠡᠢ ᠲᠠᠢ ᠠᠮᠤ》
ᠠᠪᠤᠱᠢᠳᠠᠢᠡᠴᠡ 《ᠠᠯᠠᠭ᠍ᠲᠠᠭᠠ ᠲᠠᠭᠤᠬᠤ》
ᠲᠠᠯᠠ ᠶᠸᠪᠢᠩ ᠬᠤᠪᠢᠶᠠᠵᠤ ᠤᠯᠤᠭᠠᠳ ᠪᠠᠶᠠᠰᠳᠠᠭ ᠪᠠᠢᠯᠠ
ᠲᠠᠪᠤ ᠭᠤᠷᠪᠠᠨ ᠫᠤᠤᠵᠢᠩ ᠤᠯᠤᠭᠠᠳ ᠭᠠᠢᠬᠠᠭᠤᠯᠳᠠᠭ ᠪᠠᠢᠯᠠ
ᠠᠴᠢᠯᠠᠯᠳᠠᠢᠠᠴᠠ ᠠᠪᠤ ᠡᠵᠢ ᠬᠤᠶᠠᠷ
ᠠᠮᠠᠷᠠᠭ᠍ᠯᠠᠯᠳᠠᠢᠠᠴᠠ ᠠᠬᠠ ᠲᠡᠬᠦᠦ ᠬᠡᠳᠦᠭᠦᠯᠡ
ᠬᠦᠳᠡᠭᠡᠶ᠋ᠢᠨ ᠬᠡᠦᠬᠡᠳ ᠭᠡᠵᠦ᠍ ᠬᠦᠭᠡᠷᠦᠬᠦᠢ ᠯᠡ ᠪᠠᠢᠵᠠᠢ
ᠬᠦᠲᠦᠯᠬᠦ᠌ ᠵᠠᠶᠠᠭᠠ ᠮᠢᠨᠢ ᠬᠠᠮᠢᠭᠠᠰᠢ ᠪᠤᠯ ᠳ᠋ᠠ
ᠨᠤᠲᠤᠭᠤᠨ ᠵᠢᠡᠨ ᠮᠠᠩᠬᠠᠨᠤ ᠤᠷᠤᠢᠳᠤ ᠭᠠᠷᠤᠭᠠᠳ
ᠨᠢᠳᠤ ᠪᠡᠨ ᠴᠢᠯᠠᠳᠡᠯᠡ ᠠᠯᠤᠰᠢ ᠪᠠᠷᠠᠯᠠᠨᠠ
《 ᠨᠠᠭᠤᠷᠤᠨ ᠮᠡᠯᠡᠬᠡᠢ ᠱᠢᠪᠠᠷᠲᠠᠭᠠᠨ》 ᠭᠡᠳᠡᠭᠦᠨ
ᠨᠢᠭᠤᠴᠠ ᠤᠴᠢᠷᠢ ᠬᠡᠷᠬᠢᠨ ᠮᠡᠳᠡᠬᠦᠪ？
ᠰᠤᠷᠬᠤ ᠨᠠᠰᠤᠨᠳᠤ ᠬᠦᠷᠬᠦ᠌ᠶ᠋ᠢᠨ ᠬᠢᠷᠢ
ᠰᠤᠷᠭᠠᠭᠤᠯᠢ ᠴᠢᠭ᠌ᠯᠡᠨ ᠭᠦᠶᠦᠬᠦ᠌ ᠪᠤᠯᠤᠯᠠ
ᠰᠤᠶᠤᠯ ᠭᠡᠭᠡᠷᠡᠯᠦᠨ ᠵᠠᠮᠳᠤ ᠤᠷᠤᠵᠤ
ᠰᠤᠤ ᠪᠢᠯᠢᠭ ᠵᠢᠡᠨ ᠨᠡᠬᠡᠭᠡᠭ᠌ᠳᠡᠬᠦᠯᠬᠦ᠌ ᠪᠤᠯᠤᠯᠠ
ᠡᠷᠳᠡᠮᠦᠨ ᠡᠬᠦᠲᠡ ᠪᠡᠷ ᠠᠯᠬᠤᠵᠤ ᠤᠷᠤᠭ᠍ᠰᠠᠨᠠᠴᠠ
ᠡᠷᠢᠯ ᠬᠦᠰᠡᠯ ᠦᠭᠡᠷᠡ ᠪᠤᠯᠵᠤ ᠳ᠋ᠠ
ᠡᠯᠡᠰᠤ ᠮᠠᠩᠬᠠᠨᠠᠴᠠ ᠬᠡᠵᠢᠶᠡ ᠰᠠᠯᠤᠭᠠᠳ
ᠶᠢᠷᠲᠢᠨᠴᠦ᠍ ᠦᠵᠡᠬᠦ᠌ ᠭᠡᠵᠦ᠍ ᠪᠤᠳᠤᠬᠤ ᠪᠤᠯᠵᠤ ᠳ᠋ᠠ
ᠬᠦᠰᠡᠯᠦᠨ ᠵᠢᠯᠤᠭᠤ ᠪᠠᠨ ᠴᠠᠭᠠᠰᠢ ᠰᠤᠩᠭᠠᠯᠠ
ᠬᠦᠯᠦᠭ ᠤᠨᠤᠭᠠ ᠮᠠᠨᠢ ᠴᠤ᠌ ᠨᠤᠮ ᠪᠢᠴᠢᠭ ᠪᠤᠯᠵᠤ ᠳ᠋ᠠ
ᠬᠦᠳᠡᠭᠡᠶ᠋ᠢᠨ ᠬᠦᠦ ᠵᠤᠷᠢᠭ ᠵᠢᠠᠨ ᠴᠢᠩᠭᠠᠯᠠᠵᠤ
ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠳᠤ ᠵᠠᠮ ᠵᠢᠠᠷ ᠲᠡᠮᠡᠦᠯᠦᠯᠡ